கறுப்பு பணம்: 3 நாளில் வந்த 4 ஆயிரம் இமெயில்கள்

புதுடில்லி: கறுப்பு பணம் குறித்து கடந்த 3 நாட்களில் 4 ஆயிரம் இமெயில்கள் அரசுக்கு வந்துள்ளது.

கறுப்பு பணம் பதுக்குவோர் மீது கடும் நடவடிக்கை எடுக்கப்படும் என அரசு அறிவித்துள்ளது. கறுப்பு பணம் வைத்துள்ளவர்கள் தாங்களாக முன்வந்து தகவல் தெரிவிக்க கடைசி வாய்ப்பு அளித்துள்ளது. மேலும், கறுப்பு பணம் தொடர்பாக, blackmoneyinfo@incometax.gov.in என்ற இமெயில் மூலமாக அரசுக்கு தகவல் தெரிவிக்கலாம் என 3 நாட்களுக்கு முன்னர் அறிவிப்பு வெளியிட்டது. இதனை தொடர்ந்து, தற்போது வரை அரசுக்கு கறுப்பு பணம் தொடர்பாக 4 ஆயிரம் இமெயில் வந்துள்ளது. இமெயில்கள் மூலம் கிடைக்கும் தகவல்கள், கறுப்பு பணத்தை ஒழிக்க உதவியாக இருக்கும் என எதிர்பார்க்கப்படுகிறது. வருமான வரித்துறை அதிகாரிகள் மற்றும் அமலாக்கத்துறை அதிகாரிகள் பல இடங்களில் அதிரடியாக சோதனை நடத்தி வருகின்றனர். பல வங்கி அதிகாரிகள் இந்த சோதனையில் சிக்கியுள்ளனர். அவர்கள் பணி நீக்கம் அல்லது சஸ்பெண்ட் செய்யப்பட்டுள்ளனர்.

மேலும், வங்கியில் டிபாசிட் செய்யப்படும் பணம் தொடர்பாகவும், கணக்கில் கட்டப்படாத சொத்து தொடர்பாகவும், நிதி அமைச்சகத்தின் கீழ் உள்ள நிதி கண்காணிப்பு குழுவுக்கு தினமும் தகவல்கள் வந்த வண்ணம் உள்ளன. இதன் அடிப்படையில் மத்திய அரசு பல நடவடிக்கைளை எடுத்து வருகிறது.

English summary:

NEW DELHI: In the past 3 days, 4 thousand email  black money has come to the state. 

Read More

விரைவில் புதிய 50 ரூபாய் நோட்டுகள்

புதுடில்லி: புதிய 50 ரூபாய் நோட்டுகள் விரைவில் புழக்கத்திற்கு வெளியிடப்படும் என ரிசர்வ் வங்கி தெரிவித்துள்ளது.

கறுப்பு பண ஒழிப்பு :

கறுப்பு பணத்தை ஒழிக்கும் நடவடிக்கைக்காக, 500 மற்றும் 1,000 ரூபாய் நோட்டுகளை வாபஸ் பெறுவதாக மத்திய அரசு கடந்த நவ.,8ம் தேதி அறிவித்தது. மேலும் புதிய ரூ.2,000 மற்றும் ரூ.500 நோட்டுகளை வெளியிட்டது. இந்த திடீர் அறிவிப்பால் மக்களுக்கு சிரமம் ஏற்பட்டது. இது குறுகிய கால சிரமம் எனவும், 50 நாட்கள் அவகாசம் வழங்கும்படியும் பொதுமக்களிடம் பிரதமர் மோடி கேட்டுக் கொண்டார். இதற்கிடையே ரூபாய் நோட்டுகளை அச்சடிக்கும் பணியானது விறுவிறுப்பாக நடைபெற்று வருகிறது. புதிய 50, 20 ரூபாய் நோட்டுகள் வெளியிடுவது தொடர்பான அறிக்கை விரைவில் வெளியாகும் எனவும் தகவல்கள் வெளியாகின.

புதிய 50 ரூபாய் :

இந்நிலையில் விரைவில் புதிய 50 ரூபாய் நோட்டுகள் வெளியிடப்படும் என ரிசர்வ் வங்கி தகவல் தெரிவித்து உள்ளது. இப்புதிய 50 ரூபாய் நோட்டுகள் ‛L' வரிசையில், ரிசர்வ் வங்கி கவர்னர் உர்ஜித் படேல் கையெழுத்துடன் வெளியாகும் என ரிசர்வ் வங்கி அறிவித்துள்ளது.

English Summary:

NEW DELHI : The new 50 banknotes will be released as soon as the Reserve Bank said in existence.

Read More

1000, 2000 ரூபாய் நோட்டுகள் பா.ஜ.க. ஆட்சியில்தான் அறிமுகம் - அகமது படேல் குற்றச்சாட்டு

புதுடெல்லி : கறுப்புப் பணம் பதுக்குவோருக்கு உதவும் அதிக மதிப்புள்ள 1000, 2000 ரூபாய் நோட்டுகள் பா.ஜ.க. தலைமையிலான தேசிய ஜனநாயகக் கூட்டணி ஆட்சியின்போதுதான் அறிமுகம் செய்யப்பட்டன என்று காங்கிரஸ் குற்றம்சாட்டி உள்ளது.

பழைய 500, 1000 ரூபாய் நோட்டுகள் செல்லாது என்று மத்திய அரசு அறிவித்தது. இதனால் பொதுமக்கள் பாதிக்கப்படுவதாகக் கூறி, காங்கிரஸ் கட்சி கடும் எதிர்ப்பு தெரிவித்து வருகிறது. இதனால் கறுப்புப் பணத்தை ஒழிக்க காங்கிரஸ் ஒத்துழைப்பு தரவில்லை என்றும் நாட்டு நலனைவிட கட்சியின் நலனுக்கு காங்கிரஸ் முக்கியத்துவம் கொடுப்பதாகவும் பிரதமர் மோடி குற்றம்சாட்டி உள்ளார். 

இந்நிலையில், காங்கிரஸ் மூத்த தலைவர் அகமது படேல் கூறியதாவது:

சுதந்திரத்துக்குப் பிறகு முதன் முறையாக கடந்த 1978-ல்தான் பணமதிப்பு நீக்கம் செய்யப் பட்டது. அப்போது, மொரார்ஜி தேசாய் பிரதமராகவும் அடல் பிஹாரி வாஜ்பாய் கேபினெட் அமைச்சராகவும் இருந்தார். ஆனால், இந்த நடவடிக்கையால் பலன் கிடைக்கவில்லை. எனவேதான் வாஜ்பாய் பிரதமரானபோது பணமதிப்பு நீக்க நடவடிக்கையை மேற்கொள்ளவில்லை.

மாறாக, வாஜ்பாய் தலைமையிலான ஆட்சியின்போதுதான் மீண்டும் 1000 ரூபாய் நோட்டுகள் அறிமுகம் செய்யப்பட்டன. இதற்காக அவர் நாட்டு நலனைவிட கட்சியின் நலனுக்கு முக்கியத்துவம் கொடுத்தார் என்று சொல்ல முடியுமா?

இந்நிலையில், பிரதமர் மோடி தலைமையிலான அரசுதான் 2000 ரூபாய் நோட்டுகளை அறிமுகம் செய்துள்ளது. அதிக மதிப்பு கொண்ட ரூபாய் நோட்டுகள்தான் கறுப்பு பணம் பதுக்குவோருக்கு மிகவும் வசதியாக உள்ளது. எனவே, கறுப்புப் பணத்தை ஊக்குவிப்பது எந்தக் கட்சி என்பதை மக்கள் முடிவு செய்வார்கள். இவ்வாறு அவர் தெரிவித்தார்.

English Summary:

New Delhi: black money worth more help  1000, 2000, BJP banknotes Accusing the Congress-led National Democratic Alliance regime, has been introduced.

Read More

கறுப்புப்பணம் பதுக்கியவர்கள் பட்டியலை வெளியிடாதது ஏன்? ராகுல் காந்தி கேள்வி

புதுடெல்லி :  சுவிட்சர்லாந்து அரசு  அறிவித்த கறுப்புப்பணம் பதுக்கியவர்கள் பட்டியலை வெளியிடாதது ஏன் என்று காங்கிரஸ் துணை தலைவர் ராகுல் காந்தி கேள்வி எழுப்பினார்.

கர்நாடக மாநிலம் பெல்காவியல்  நகரில் காங்கிரஸ் கட்சியின் பொதுக்கூட்டம் நடந்தது. இந்த கூட்டத்தில் காங்கிரஸ் கட்சியின் துணை தலைவர் ராகுல் காந்தி கலந்து கொண்டு பேசினார். அப்போது அவர் பேசியதாவது,

இந்திய வரலாற்றில் முதல் முறையாக பிரதமரே நாட்டில் உள்ள ஏழை மக்கள் மீது தாக்குதல் தொடுத்துள்ளார். நாட்டு மக்களுக்காக அனைவரும் பணியாற்றுவார்கள். ஆனால் பிரதமர் மோடியோ நமது நாட்டு பொருளாதார அமைப்பு மீது தாக்குதல்  நடத்தியிருக்கிறார்.

ரூபாய் நோட்டு விவகாரத்தில் நாடு முழுவதும் இதுவரை 100 பேருக்கும் மேல் உயிரிழந்துள்ளனர். கியூபா நாட்டின் முன்னாள் அதிபர் பிடல் காஸ்ட்ரோ  இறப்புக்கு அஞ்சலி செலுத்த  பாராளுமன்றத்தில் 2 நிமிட அஞ்சலி செலுத்தப்பட்டது. ஆனால் ரூபாய் நோட்டு விவகாரத்தில் இறந்த அப்பாவி மக்களுக்காக ஒரு நிமிடம் கூட பாராளுமன்றத்தில் அஞ்சலி செலுத்தப்பட வில்லை.

தங்கள் நாட்டு வங்கிகளில் கறுப்பு பணம் பதுக்கிய நபர்களின் பட்டியலை மத்திய அரசிடம் சுவிட்சர்லாந்து அளித்தது. ஆனால் அந்த பட்டியல் விவரங்களை வெளியிட வேண்டும் என காங்கிரஸ் கடந்த இரண்டரை ஆண்டுகளாக வலியுறுத்துகிறது. ஆனால் ,  பிரதமர் மோடி அந்த பட்டியலை பாதுகாப்பது ஏன்?

லண்டனில் இருக்கும் தொழிலதிபர் விஜய் மல்லையா,ஐ.பி.எல். போட்டியின் முன்னாள் தலைவர் லலித் மோடி ஆகியோரை இந்தியாவிற்கு கொண்டு வராதது ஏன்? இவ்வாறு ராகுல் காந்தி பேசினார்.

English summary:

New Delhi: Government of Switzerland declared that the Congress vice-president Rahul Gandhi black money hoarded questioned why Unreleased list.

Read More

நாடு முழுவதும் ரெய்டு : சிக்கியது ரூ.2900 கோடி

புதுடில்லி : கடந்த ஒரு மாதமாக நாடு முழுவதும் வருமான வரித்துறையினர் நடத்திய சோதனையில் ரூ. 2600 கோடி கணக்கில் வராத பணமும், ரூ.300 கோடிக்கும் மேற்பட்ட பதுக்கல் பணமும் கண்டுபிடிக்கப்பட்டுள்ளது.

கோடி கணக்கில் சிக்கிய பணம் :

பழைய ரூ.500, 1000 நோட்டுக்களை வாபஸ் பெறுவதாக நவம்பர் 8 ம் தேதி மத்திய அரசு அறிவித்த பிறகு நாடு முழுவதும் சுமார் 586 இடங்களில் வருமான வரித்துறையினர் அதிரடி சோதனை நடத்தினர். இதில் ரூ.300 கோடிக்கும் மேலான பணம் பதுக்கல் காரர்களிடம் இருந்தும், ரூ.79 கோடி மதிப்பிலான புதிய ரூ.2000 நோட்டுக்களும், கணக்கில் வராத ரூ.2600 கோடியும் கண்டுபிடிக்கப்பட்டுள்ளது. அதிகபட்சமாக தமிழகத்தில் ஒரே சோதனையில் ரூ.100 கோடிக்கும் மேல் பணம் சிக்கி உள்ளது. தமிழகத்தில் மட்டும் இதுவரை ரூ.140 கோடிக்கும் அதிகமான பணம், ரூ.52 கோடி மதிப்பிலான தங்கம் பறிமுதல் செய்யப்பட்டுள்ளது.

சிக்க வைத்த சிசிடிவி கேமிரா :

இது தவிர டில்லி, புனே, பானாஜி உள்ளிட்ட இடங்களிலும் சோதனை நடத்தப்பட்டுள்ளது. இதில் புனேயில் வங்கி லாக்கர்களில் பல கோடி மதிப்பிலான கணக்கில் வராத பணம் பதுக்கி வைக்கப்பட்டிருந்ததும் கண்டுபிடிக்கப்பட்டது. கம்பெனி ஒன்றிற்கு சொந்தமான 2 லாக்கர்களில், ஒன்றில் ரூ.9.85 கோடியும், மற்றொன்றில் ரூ.94.50 லட்சமும் வைக்கப்பட்டுள்ளது. இதனை அக்கம்பெனி ஊழியர் ஒருவர் 12 முறைகளுக்கு மேல் எடுத்து ரூ.50,000 வரையிலான பழைய நோட்டுக்களை புதிய நோட்டுக்களாக மாற்றி உள்ளார். இதனை வங்கி சிசிடிவி கேமிரா பதிவின் மூலம் வருமான வரித்துறையினர் கண்டுபிடித்துள்ளனர்.

English summary:

New Delhi: Income Tax raids carried out across the country over the past month at Rs. 2600 crore of unaccounted money, hoarding money and found more than Rs 300 crore.

Read More

நகை வியாபாரி கைவரிசையா? தனியார் வங்கியில் போலி நிறுவனங்கள் பெயரில் ரூ.60 கோடி டெபாசிட் வருமான வரி சோதனையில் கண்டுபிடிப்பு

நொய்டா,

தனியார் வங்கியில் நடத்தப்பட்ட வருமான வரி சோதனையில், போலி நிறுவனங்களின் கணக்கில் ரூ.60 கோடி டெபாசிட் செய்யப்பட்டு இருப்பது கண்டுபிடிக்கப்பட்டது. இதில், ஒரு நகை வியாபாரிக்கு தொடர்பு இருப்பதாக சந்தேகிக்கப்படுகிறது.

வருமான வரி சோதனை 


ரூ.500 மற்றும் ரூ.1,000 நோட்டுகள் செல்லாது என்ற அறிவிப்பை தொடர்ந்து, கருப்பு பணத்துக்கு எதிரான வேட்டையை வருமான வரித்துறை தீவிரப்படுத்தி உள்ளது. ஆங்காங்கே, புதிய ரூ.2,000 நோட்டுகள் கோடிக்கணக்கில் பிடிபட்டு வருகின்றன.

இந்நிலையில், டெல்லி அருகே நொய்டாவில் தனியார் துறையை சேர்ந்த ஆக்சிஸ் வங்கி கிளையில் வருமான வரி அதிகாரிகள் நேற்று அதிரடி சோதனை நடத்தினர். வங்கி கணக்குகளை ஆய்வு செய்தனர்.

ரூ.60 கோடி 

அதில், 20 வங்கி கணக்குகளில் மொத்தம் ரூ.60 கோடி டெபாசிட் செய்யப்பட்டு இருப்பது கண்டுபிடிக்கப்பட்டது. அந்த கணக்குகள், நடைமுறையில் இல்லாத நிறுவனங்கள் (போலி) பெயரில் தொடங்கப்பட்டு இருந்தன. அவற்றின் டைரக்டர்கள் யார் யார் என்று ஆய்வு செய்தபோது, குறைந்த வருவாய் கொண்ட ஊழியர்களும், தொழிலாளர்களுமே அதன் டைரக்டர்களாக காட்டப்பட்டு இருந்தனர்.

செல்லாத ரூபாய் நோட்டு அறிவிப்புக்கு பிறகு, நொய்டாவை சேர்ந்த ஒரு நகை வியாபாரி, ரூ.600 கோடி மதிப்புள்ள தங்க கட்டிகளை விற்பனை செய்திருப்பதை வருமான வரித்துறையினர் ஏற்கனவே கண்டுபிடித்தனர்.

அவருக்கு அதே வங்கிக்கிளையில் கணக்கு உள்ளது. எனவே, தங்கம் விற்ற பணத்தை அவர் போலி நிறுவனங்கள் பெயரில் டெபாசிட் செய்திருக்கலாம் என்ற சந்தேகம் எழுந்துள்ளது. அவரின் பெயர் வெளியிடப்படவில்லை.

ஏற்கனவே, கடந்த வாரம் டெல்லி சாந்தினி சவுக்கில் உள்ள ஆக்சிஸ் வங்கி கிளையில் நடத்தப்பட்ட சோதனையில், 44 போலி கணக்குகளில் ரூ.100 கோடி டெபாசிட் செய்யப்பட்டது கண்டுபிடிக்கப்பட்டது.

முறைகேடுகளில் ஈடுபட்டதாக, ஆக்சிஸ் வங்கியின் 19 அதிகாரிகளை வங்கி மேலிடம் சமீபத்தில் இடைநீக்கம் செய்தது குறிப்பிடத்தக்கது. மேலும், டெல்லியில் அவ்வங்கியின் 2 அதிகாரிகளை அமலாக்கப்பிரிவு சமீபத்தில் கைது செய்தது. 3 கிலோ தங்க கட்டிகளையும் பறிமுதல் செய்தது.

வங்கி லாக்கர்களில் ரூ.10 கோடி புதிய நோட்டு 

இதற்கிடையே, மராட்டிய மாநிலம் புனேவில் பொதுத்துறை வங்கியான பேங்க் ஆப் மகாராஷ்டிரா கிளையில் வருமான வரித்துறை அதிகாரிகள் சோதனை நடத்தினர். அதில், அமெரிக்க எண்ணெய் வயல் சாதனங்கள் வினியோக நிறுவனம் ஒன்றுக்கு சொந்தமாக 15 லாக்கர்கள் இருப்பது கண்டுபிடிக்கப்பட்டது. அவற்றில், ரூ.10 கோடி மதிப்புள்ள புதிய ரூ.2,000 நோட்டுகள் இருந்தன.

இந்த நோட்டுகளை நேற்று முன்தினம் பிற்பகலில் தொடங்கி, நேற்று காலையில்தான் எண்ணி முடித்தனர். செல்லாத நோட்டு அறிவிப்புக்கு பிறகு சிக்கிய புதிய ரூபாய் நோட்டுகளில், இதுவே அதிக தொகை ஆகும். அது, கணக்கில் வராத பணம் என்பதால், அந்த லாக்கர்களை அதிகாரிகள் பூட்டி ‘சீல்’ வைத்தனர்.

அதிகாரிகளுக்கு தொடர்பா? 

சமீபகாலமாக, சில தனிநபர்கள் அந்த லாக்கர்களை அடிக்கடி திறந்து இயக்குவது, கண்காணிப்பு கேமரா மூலம் கண்டுபிடிக்கப்பட்டதை தொடர்ந்து இந்த சோதனை நடைபெற்றது.

இந்த சம்பவத்தில், இப்போதைய நிலையில் வங்கி அதிகாரிகளுக்கு தொடர்பு இருப்பதாக தெரியவில்லை என்று வருமான வரி அதிகாரிகள் தெரிவித்தனர். அதுபோல், வங்கிக்கு தொடர்பு இல்லை என்று வங்கி செய்தித்தொடர்பாளரும் மறுத்தார்.

Read More

புதிய ரூ500 நோட்டுகள் அதிக அளவில் அச்சடிப்பு : பொருளாதார விவகார செயலாளர் சக்திகாந்தா தாஸ் பேட்டி

புதுடெல்லி  - புதிய 500 ரூபாய் நோட்டுகளை அதிக அளவில் அச்சடிக்கிறோம் என்று மத்திய பொருளாதார விவகாரத் துறை செயலாளர் சக்திகாந்த தாஸ் தெரிவித்துள்ளார்.

டெல்லியில் அவர் நிருபர்களிடம் கூறியதாவது: காலாவதியான நோட்டுகளை மாற்ற புதிய 2000 ரூபாய் நோட்டுகளை முதலில் அச்சடித்தோம். தற்போது புதிய 500 ரூபாய் நோட்டுகளை அதிக அளவில் அச்சடித்து வருகிறோம். முதல்முறையாக புதிய 2000, 500 ரூபாய் நோட்டுகள் உள்நாட்டிலேயே வடிவமைக்கப்பட்டு பல்வேறு பாதுகாப்பு அம்சங்களுடன் அச்சடிக்கப்பட்டுள்ளன.

கிராமப்புறங்களில் பணப்புழக்கத்தை அதிகரிக்க முன்னுரிமை அளிக்கிறோம். அதற்காக கிராமங்களுக்கு அதிக அளவில் புதிய ரூபாய் நோட்டுகள் அனுப்பப்படுகின்றன. சட்டவிரோதமாக பதுக்கி வைக்கப்பட்டுள்ள புதிய ரூபாய் நோட்டுகள் பறிமுதல் செய்யப்பட்டு வருகின்றன. அந்தப் பணமும் விரைவில் புழக்கத்துக்கு விடப்படும்.

நாடு முழுவதும் 2 லட்சத்து 20 ஆயிரம் ஏடிஎம் மையங்கள் உள்ளன. அவற்றில் 2 லட்சம் ஏடிஎம் மையங்களில் புதிய 2000, 500 ரூபாய் நோட்டுகளை விநியோகிக்கும் வகையில் இயந்திரங்கள் மாற்றி அமைக்கப்பட்டுள்ளன. இந்தியாவில் தற்போது வினியோகிக்கப்படும், புதிய ரூபாய் நோட்டுக்கள் அனைத்தும் 100 சதவீதம் பாதுகாப்பானவை. 500 மற்றும் 2000 ரூபாய் நோட்டுக்கள் முதல் முறையாக முற்றிலும் உள் நாட்டிலேயே வடிவமைக்கப்பட்டவை. அவற்றின் பாதுகாப்பு அம்சங்கள் அதிகம். இவற்றை கள்ள நோட்டாக அச்சிட வாய்ப்பு மிக, மிக குறைவு.

புதிய ரூபாய் நோட்டு சப்ளை போதிய அளவு இல்லை என புகார்கள் வந்துள்ளன. புகார் வந்ததும் துரித கதியில் நடவடிக்கை எடுக்கிறோம். புதிய ரூபாய் நோட்டுக்கள் சந்தையில் கிடைப்பது தற்போது அதிகரித்துள்ளது. மதிப்பை ஈடுகட்டுவதற்காக, முதலில் 2000 ரூபாய் நோட்டுக்களை அச்சிடுவதில் ஆர்வம் காட்டி வந்தோம். தற்போது, புதிய ரூ.500 நோட்டுக்கள் அச்சடிக்கும் பணி விரைவாக நடந்து வருகிறது.சட்ட விரோத பண மாற்றல்களை கட்டுப்படுத்த வங்கிகளுக்கு உத்தரவிட்டுள்ளோம். வங்கிகள் தங்களிடமுள்ள வங்கி கணக்குகளை, தீவிர கண்காணிப்பு செய்து வருகின்றன.இவ்வாறு அவர் தெரிவித்தார்.

Read More

ரூபாய் நோட்டு விவகாரத்தில் அரசு மீது ராகுல் காந்தி, ப.சிதம்பரம் கடும் எதிர்ப்பு

புதுடெல்லி, பழைய ரூ500, ரூ1000 நோட்டுகள் செல்லாது என்ற மத்திய அரசின் முடிவை காங்கிரஸ் துணை தலைவர் ராகுல் காந்தி, முன்னாள் நிதியமைச்ச
ர் ப.சிதம்பரம் கடுமையாக எதிர்க்க துவங்கியுள்ளனர்.

நாட்டில் உள்ள கறுப்புபணம், வரி ஏய்ப்பு, ஊழல், தீவிரவாதத்திற்கு நிதி செல்லுதல் ஆகியவற்றை முற்றிலும் ஒடுக்க பிரதமர் மோடி கடந்த நவம்பர் மாதம் 8ம் தேதியன்று பழைய ரூ500,ரூ1000 நோட்டுகள் செல்லாது என அறிவித்தார்..

அவரது அறிவிப்பை தொடர்ந்து நாட்டில் உள்ள மக்கள் தங்களிடம் உள்ள பழைய ரூ500, ரூ1000நோட்டுகளை வங்கிகளில் மாற்ற வங்கி கிளைகளில் நீண்ட வரிசையில் காத்து நிற்கின்றனர்.  அரசின் இந்த அறிவிப்பால் சாதாரண ,ஏழை மக்கள் பெரும் அவதிக்குள்ளாகியுள்ளனர் எனவே பழைய ரூ500 , ரூ1000 நோட்டுகள் செல்லாது என்ற முடிவை திரும்பப்பெற வேண்டும் என காங்கிரஸ், திரிணாமுல் காங்கிரஸ் ஆகிய எதிர் கட்சிகள் தொடர்ந்து வலியுறுத்துகின்றன. இந்த நிலையில் ரூபாய் நோட்டு விவகாரத்தில் காங்கிரஸ் துணை தலைவர் ராகுல் காந்தி,  முன்னாள் நிதியமைச்சரும் காங்கிரஸ் தலைவருமான ப.சிதம்பரம் ஆகியோர்  பா.ஜ.க அரசை  கடுமையாக எதிர்க்க தொடங்கியுள்ளனர்.

பழைய ரூபாய் நோட்டு செல்லாது என பிரதமர் மோடி அறிவிப்பதற்கு முன்னர் தங்களது கட்சியினை சேர்ந்த முன்னாள் நிதியமைச்சர் யஷ்வந்த் சின்காவிடம் ஆலோசனை நடத்தியிருக்க வேண்டும். இப்படி செய்திருந்தால் மிகப்பெரும்  நிர்வாக சீர்கேட்டை தவிர்த்து இருக்கலாம் என்று முன்னாள் நிதியமைச்சர் ப.சிதம்பரம் கூறினார்.

காங்கிரஸ் துணை தலைவர் ராகுல் காந்தி கூறுகையில், பா.ஜ.,க தலைமையிலான என்.டி.ஏ. கூட்டணி அரசு ஏழை மக்களின் பணத்தை தடுத்து  சில தொழிலதிபர்கள் பலன் அடைய  வழி வழிவகுத்துள்ளது. ஏழைகள் தங்களது பணத்தை வங்கிகளில் டெபாசிட் செய்துள்ளனர். இந்த பணத்தில் ரூ8லட்சம் கோடியை தொழிலதிபர்களின் கடன்களுக்காக திருப்பி செலுத்தப்படுகிறது என்றார்.

English Summary:

New Delhi, Old Rs 500, Rs 1000 notes, the Fed's decision was invalid, Congress vice-president Rahul Gandhi, former Finance Minister P. Chidambaram started strongly oppose.

Read More

நாளை இரவுக்கு பின்னர் ரூ.500 நோட்டு செல்லாது

புதுடில்லி: பழைய ரூ.500 நோட்டுகள் டிசம்பர் 15ம் தேதிக்கு பிறகு எங்கும் செல்லாது எனவும், வங்கியில் மட்டுமே டிபாசிட் செய்ய முடியும் எனவும் மத்திய அரசு அறிவித்துள்ளது.

கறுப்பு பணத்தை வெளிக்கொண்டு வரவும், கள்ள நோட்டுகளை ஒழிக்கவும் கடந்த நவம்பர் மாதம் 8 ம் தேதி ரூ.500 மற்றும் ரூ.1000 நோட்டுகள் வாபஸ் பெறப்பட்டன. இருப்பினும், பெட்ரோல் நிலையங்கள், குடிநீர் வரி, சொத்து வரி, மருந்து வாங்க, ரயில் டிக்கெட் வாங்க உள்ளிட்டவைகளுக்கு பழைய ரூ.500 நோட்டுகள் பயன்படுத்தி கொள்ளலாம் என அறிவிக்கப்பட்டது. தொடர்ந்த கடந்த சில நாட்களுக்கு முன் பெட்ரோல் பங்குகள் மற்றும் ரயில் டிக்கெட் வாங்க ரூ.500 நோட்டு பயன்பாடு நிறுத்தப்பட்டது.

இந்நிலையில், நாளை இரவுடன்(டிசம்பர் 15ம் தேதி) பழைய 500 ரூபாய் நோட்டுகள் செல்லாது என மத்திய அரசு அறிவித்துள்ளது. இந்த காலக்கெடு நீட்டிக்கப்பட மாட்டாது எனவும் மத்திய அரசு அறிவித்துள்ளது.

மத்திய பொருளாதார விவகாரத்துறை செயலாளர் சக்திகாந்த் தாஸ் கூறுகையில், பழைய ரூபாய் நோட்டுகள் பயன்படுத்த அளிக்கப்பட்டிருந்த விலக்க நாளை இரவு 12 மணியுடன் முடிவடைகிறது என்றார். இதன் மூலம், மருந்து கடைகள், மின் கட்டணம், குடிநீர் கட்டணம் கட்ட பழைய ரூ.500 நோட்டுகளை பயன்படுத்த முடியாது. பழைய ரூ.500 நோட்டுகளை வங்கிகளில் மட்டுமே செலுத்த முடியும். டிஜிட்டல் முறையை ஊக்குவிக்கும் வகையில், மத்திய அரசு பல்வேறு சலுகைகளை அறிவித்துள்ளது குறிப்பிடத்தக்கது.

English Summary:

NEW DELHI: The old banknotes of Rs 500 on December 15, will not go anywhere after that, the federal government announced that the bank not only can be done by depositing

Read More

ரூ.500, ரூ.1000 நோட்டுக்கள் ஒழிப்பு: பிரதமர் மோடிக்கு பிரிட்டன் அமைச்சர் பாராட்டு

லண்டன்:ரூ.500, ரூ.1000 ஆகிய உயர் மதிப்பு ரூபாய் ஒழிப்பு நடவடிக்கையில் பிரதமர் நரேந்திர மோடிக்கு பிரிட்டன் சர்வதேச வளர்ச்சிதுறை அமைச்சர் பாராட்டு தெரிவித்துள்ளார்.
உயர் மதிப்பு ரூபாய் நோட்டு ஒழிக்கப்பட்டுள்ளதால் ஏற்பட்டுள்ள பணத்தட்டுப்பாட்டால் மக்கள் கடும் அவதி அடைந்து வருகின்றனர். இந்த நிலையில் பிரதமர் மோடியின் நடவடிக்கைக்கு பிரிட்டன் சர்வதேச வளர்ச்சிதுறை அமைச்சர் பிரீத்தி பட்டேல் பாராட்டு தெரிவித்துள்ளார்.
இந்திய வம்சாவழியை சேர்ந்தவரான பிரீத்தி பட்டேல் இதுகுறித்து பேசியதாவது:உலகம் முழுவதும் பயங்கரவாதம் , சட்டவிரோத வர்த்தக நடவடிக்கைகள் போன்றவற்றுக்கு கருப்பு பணம்தான் முக்கிய காரணமாக உள்ளது. இந்த நிலையில் கருப்பு பணத்தை ஒழிப்பதற்காக உயர்மதிப்பு ரூபாய் நோட்டுகளை பிரதமர் மோடி செல்லாது என அறிவித்து இருக்கிறார். இது ஒரு சரியான நடவடிக்கை.

சரியான நடவடிக்கை:

இந்த நடவடிக்கை மூலம் உலகம் முழுவதும் நடைபெறும் சட்ட விரோத செயல்பாடுகள், சட்ட விரோத வர்த்தகங்கள் போன்றவற்றுக்கு மோடி வலுவான எச்சரிக்கை விடுத்து இருக்கிறார். அவருடைய நடவடிக்கை பாராட்டத்தக்கதாகும்.இவ்வாறு அவர் பேசியுள்ளார்.

English summary:

London: Rs 500, Rs 1000 and Rs eradication operation in the high-value international prime Minister Narendra Modi congratulated the UK. 

Read More

ரூ100 கோடி கறுப்புபணத்தை மாற்றிய அரசு அதிகாரி உள்பட 2 பேர் கைது

பெங்களூரு, கர்நாடக முன்னாள் அமைச்சர் ஜனார்த்தன ரெட்டிக்கு ரூ.100 கோடி கறுப்பு பணத்தை மாற்றிக்கொடுத்த அரசு அதிகாரி உள்ளிட்ட இருவர் கைது செய்யப்பட்டுள்ளனர்.

பெல்லாரி ரெட்டி சகோதரர்களில் ஒருவரும், சுரங்க அதிபருமான ஜனார்த்தன ரெட்டி க‌டந்த 2008-ம் ஆண்டு கர்நாடகாவில் பாஜக ஆட்சியில் சுற்றுலாத் துறை அமைச்சராக பதவி வகித்தார். 30-க்கும் மேற்பட்ட சட்ட விரோத சுரங்க வழக்குகளில் சிக்கியுள்ள இவர், கடந்த ஆண்டு ஜாமீனில் விடுவிக்கப்பட்டார்.

இந்நிலையில் ஜனார்த்தன ரெட்டி கடந்த நவம்பர் 16-ம் தேதி பெங்களூரு அரண்மனையில் ரூ.650 கோடி செலவில் தன் மகளுக்கு ஆடம்பரமாக திருமணம் செய்து வைத்தார். பண மதிப்பு நீக்க நடவடிக்கை யால் நாட்டு மக்கள் அன்றாட தேவைகளுக்காக தவிக்கும் நிலையில் திரைப்பட பாணியில் பிரமாண்டமாக திருமணம் செய்தது பெரும் சர்ச்சையை ஏற்படுத்தியது.  எனவே வ‌ருமான வரித்துறை அதிகாரிகள் ஜனார்த்தன ரெட்டிக்கு சொந்தமான இடங்களில் சோதனை நடத்தி, திருமண செலவுக்கு எங்கிருந்து பணம் வந்தது என கேள்வி எழுப்பினர்.  இந்நிலையில் பெங்களூரு நில கையகப்படுத்தும் கேஏஎஸ் (கர்நாடக ஆட்சி பணி) அதிகாரி பீம‌ நாயக்கின் கார் ஓட்டுநர் ரமேஷ் கவுடா (30) கடந்த 6-ம் தேதி மண்டியாவில் உள்ள தனியார் விடுதியில் தற்கொலை செய்துகொண்டார்.

இறப்பதற்கு முன்பாக ரமேஷ் கவுடா, ''கர்நாடக பாஜக முன்னாள் அமைச்சர் ஜனார்த்தன ரெட்டி, பெல்லாரி பாஜக எம்பி ஸ்ரீராமலு ஆகியோருக்கு பீம நாயக் ரூ.100 கோடி கறுப்பு பணத்தை வெள்ளை பணமாக மாற்றிக் கொடுத்தார். இதற்காக பீம நாயக் 20 சதவீதம் கமிஷன் பெற்றார். இது தொடர்பாக எனக்கு தெரிந்ததால் பீம நாயக், அவரது ஓட்டுநர் முகமது ஆகியோர் என்னை தாக்கினர்'' என 11 பக்க கடிதம் எழுதியுள்ளார்.

இதையடுத்து மண்டியா போலீஸார் பீம நாயக், முகமது ஆகியோர் மீது 3 பிரிவுகளில் வழக்கு பதிவு செய்து, தலைமறைவான பீம நாயக், முகமது ஆகியோரை தேடி வந்தனர். இருவரும் சிக்காததால் 3 தனிப்படைகள் அமைக்கப்பட்டு ஆந்திரா, மகாராஷ்டிரா ஆகிய மாநிலங்களிலும் தேடுதல் பணி தொடர்ந்தது.

இந்நிலையில் இவ்வழக்கு சிஐடி விசாரணைக்கு மாற்றப்பட்ட நிலையில் பீம நாயக், முகமது ஆகிய இருவரும் குல்பர்காவில் உள்ள தனியார் விடுதியில் பதுங்கி இருப்பதாக போலீஸாருக்கு தகவல் கிடைத்தது. இதையடுத்து குல்பர்கா போலீஸார் நேற்று முன் தினம் இரவு இருவரையும் கைது செய்தனர். நேற்று காலை மண்டியா கொண்டுவரப்பட்டு அங்குள்ள மாவட்ட அமர்வு நீதிமன்றத்தில் ஆஜர்படுத்தினர்.  அப்போது சிஐடி போலீஸார் தரப்பில் இருவரையும் விசாரிக்க வேண்டும் என கோரியதால் நீதிமன்றம் பீமநாயக், முகமது இரு வரையும் போலீஸாரின் காவலில் செல்ல அனுமதி அளித்தது.  இதையடுத்து சிஐடி போலீஸார் பீம நாயக், முகமது இருவரையும் பெங்களூரு அழைத்து வந்து ரகசிய இடத்தில் வைத்து விசாரணை நடத்தி வருகின்றனர்.


English Summary : Rs 100 crore, including a government official, 2 others arrested for changing Black Money.Former Karnataka minister Janardhana Reddy changed Rs 100 crore in black money, including a government official, have been arrested.

One of the Bellary Reddy brothers, Janardhana Reddy, the President of the BJP government in Karnataka in 2008. He served as tourism minister. More than 30 cases of illegal miners who are trapped in the last year and released on bail.

Read More

ஊழலில் சாதனை படைத்த காங்கிரசுக்கு பிரதமர் மோடியின் நடவடிக்கையால் பரிதவிப்பு: ஜெட்லி

புதுடெல்லி, பல்வேறு ஊழல்களால் சாதனை படைத்த காங்கிரசுக்கு பிரதமர் மோடியின் அதிரடி நடவடிக்கையால் பரிதவித்துள்ளது என மத்திய நிதியமைச்சர் அருண் ஜெட்லி விமர்சித்தார்.

நிதியமைச்சர் அருண் ஜெட்லி நேற்று தலைநகர் டெல்லியில் கூறியதாவது,

 நாட்டில் உள்ள கறுப்புப்பணம், வரி ஏய்ப்பு, ஊழல் ஆகியவற்றை முற்றிலும் ஒழிக்க பழைய ரூ500, ரூ1000 நோட்டுகள் செல்லாது என பிரதமர் மோடி அறிவித்தார். அவரது முடிவை காங்கிரசால் தாங்கிக்கொள்ள முடியவில்லை. பல்வேறு ஊழல்களில் சாதனை படைத்த காங்கிரசுக்கு மத்திய அரசின் அதிரடி நடவடிக்கையால் பரிதவித்துள்ளது.

பிரதமர் மோடியை தினமும் காங்கிரஸ் துணை தலைவர் ராகுல் காந்தி விமர்சித்து வருகிறார். காங்கிரஸ் தலைமையிலான ஐக்கிய முற்போக்கு கூட்டணி அரசு தொடர்ந்து 10 ஆண்டுகள் ஆட்சியில் இருந்தது. ஆனால் அந்த கால கட்டத்தில் கறுப்புப்பணத்தை ஒழிக்க எந்த ஒரு நடவடிக்கையும் காங்கிரஸ் கூட்டணி அரசு எடுக்கவில்லை.

காங்கிரஸ் கூட்டணி அரசு கடந்த 2004ம் ஆண்டு முதல் 2014ம் ஆண்டு வரை நடந்த போது 2ஜி ஸ்பெக்ட் ரம் ஊழல், நிலக்கரி படுகை ஒதுக்கீடு ஊழல், காமன் வெல்த் விளையாட்டு ஊழல் ,வி.வி.ஐ.பிக்கள் பயணம் செய்வதற்கான  அதி நவீன ஹெலிகாப்டர்களை  வாங்குவதற்கு பிரிட்டனின் அகஸ்டா வெஸ்ட் லேண்ட் நிறுவனத்துடன் நடந்த ஒப்பந்தத்தில் லஞ்ச ஊழல்  என பல்வேறு ஊழல்கள் நடந்தன. ஊழல்களில் சாதனை படைத்த காங்கிரசுக்கு கறுப்பு பணத்தை ஒடுக்க பிரதமர் மோடி எடுத்த நடவடிக்கைகளை பொறுத்துக்கொள்ள முடியவில்லை.

 ஒவ்வொரு ஊழல்களையும் மக்கள் தற்போதும் விவாதித்து வருகிறார்கள். இந்த ஊழல்களில்  சாதனை படைத்த காங்கிரசுக்கு மத்திய அரசின் தற்போதைய நடவடிக்கையில் மிகவும் பரிதவித்து இருப்பதில் ஆச்சரியமில்லை.

இவ்வாறு அவர் தெரிவித்தார்.

 பழைய ரூ 500, ரூ1000 நோட்டுகள் செல்லாது என மத்திய அரசு அறிவித்ததை காங்கிரஸ், திரிணாமுல் காங்கிரஸ், இடது சாரி கட்சிகள் கடுமையாக எதிர்த்து வருகின்றன. இருப்பினும் அரசு தனது முடிவில் உறுதியாக உள்ளது.  பழைய ரூ500, ரூ1000 நோட்டுகள் செல்லாது என்ற அறிவிப்பு வெளியான 50 நாட்களுக்குள் அனைத்து பிரச்சினைகளும் சரியாகி விடும். அதுவரை மக்கள் சிரமங்களை பொறுத்துக் கொள்ள வேண்டுகிறேன். நான் செய்தது தவறு என அதன் பின்னரும் நீங்கள் கருதினால் நான்  எந்த தண்டனையையும் ஏற்க தயார் என்றும்  பிரதமர் மோடி திட்டவட்டமாக கூறிவருகிறார்.

பழைய ரூபாய் நோட்டு செல்லாது என்ற முடிவை கறுப்புப்பணத்தை பதுக்கி இருப்பவர்கள்தான் எதிர்க்கிறார்கள்., சாதாரண மக்கள் தங்களது பணம் பாதுகாப்பாக உள்ளது. அரசின் முடிவு மிகச்சரியானது என உறுதியுடன் உள்ளனர் என்றும் பிரதமர் மோடி கூறியுள்ளார்.  பழைய ரூபாய் நோட்டு செல்லாது என்ற அறிவிப்புக்கு பின்னர்  மக்கள் தங்கள் நிதி பரிவர்த்தனையை ரொக்க பரிவர்த்தனைக்கு பதிலாக மின்னணு முறையிலான வங்கி பரிவர்த்தனையை மேற்கொள்ள வேண்டும் என்றும் மத்திய அரசு வலியுறுத்தி வருகிறது.  இளைஞர்கள் கறுப்புப்பணம், ஊழல் ஆகியவற்றை முற்றிலும் ஒழிக்க  தங்கள் வீடுகள் மற்றும் அருகில் உள்ள வீடுகளில் வசிப்பவர்களுக்கு  மின்னணு பரிவர்த்தனை முறையை கற்றுத்தர வேண்டும் என்றும் பிரதமர் மோடி வேண்டுகோள் விடுத்துள்ளார்.


English Summary : If the action of Prime Minister to the Congress with a record of corruption shivering: Jaitley.If the record of the various scandals of the Congress, Prime Minister Finance Minister Arun Jaitley criticized the action as the shivering.

Finance Minister Arun Jaitley said in Delhi yesterday,

 Black Money in the country, tax evasion, corruption, and to extirpate the old Rs 500, Rs 1000 notes that the Prime Minister declared void. If Congress could not tolerate his decision. A record of the various scandals shivering by the action of the central government to the Congress.

Read More

வருமான வரித்துறை ரெய்டு 1.56 கோடி பறிமுதல்

ஜெய்ப்பூர்: கருப்பு பணத்தை ஒழிக்கும் நடவடிக்கையாக மத்திய அரசு, 500 மற்றும் 1000 ரூபாய் நோட்டுகளை செல்லாது என அறிவித்தது. இதையடுத்து மக்கள் தங்களது பழைய ரூபாய் நோட்டுகளை வரும் 31ம் தேதி வரை வங்கிகளில் மாற்றிக் கொள்ளலாம் என அரசு அறிவித்தது. இதற்கிடையே கணக்கில் வராத கோடிக் கணக்கான ரூபாய்களை,  வங்கி அதிகாரிகளின் துணையோடு சிலர் மோசடியாக மாற்றி வருகின்றனர். இது தொடர்பா
க சில வங்கி அதிகாரிகள் கைது செய்யப்பட்டுள்ளனர்.

இந்நிலையில் ராஜஸ்தான் மாநிலம் ஜெய்ப்பூரில் உள்ள ஒருங்கிணைந்த நகர்ப்புற கூட்டுறவு வங்கியில் பண பரிவர்த்தனையில் மோசடி நடப்பதாக வருமான வரித்துறைக்குப் புகார் சென்றது. அதனடிப்படையில் அதிகாரிகள் வங்கிக்கு சென்று சோதனையிட்டனர். இதில், கணக்கில் வராத 1.56 கோடி ரூபாய் இருந்தது கண்டு பிடிக்கப்பட்டது. அதில் 1.38 கோடி ரூபாய் புதிய 2000 ரூபாய் நோட்டுகள் ஆகும். இதையடுத்து அதிகாரிகள் அதை பறிமுதல் செய்து விசாரித்து வருகின்றனர்.

English Summary:

Jaipur: black money as a measure to abolish the central government, 500 and 1000 declared invalid banknotes. The people who come to their old banknotes, as announced on May 31 the bank may change. Meanwhile, tens of millions of rupees unaccounted for, a subsidiary of the bank officials and some have been changed and manipulated. Some bank officials have been arrested in this connection. 

Read More

ரூபாய் நோட்டு எதிரொலி: டீ கொடுத்து திருமணம் நடத்திய குடும்பம்

அநொய்டா: மகாவீர் மற்றும் அவரது மனைவி இருவரும் மாற்றுத் திறனாளிகள். மத்திய அரசின் ரூ. 500 மற்றும் 1000 நோட்டுகள் செல்லாது என்ற அறிவிப்பை அடுத்து தம்பதிகள் மிகவும் கவலை அடைந்தனர். திருமணம் நடத்த அவர்களிடம் பணம் இல்லை. பின்னர் குறிப்பிட்ட சிலரை மட்டும் அழைத்து திருமணத்தை நடத்த திட்டமிட்டனர். திருமண நிகழ்ச்சியில் விருந்தினர்களுக்கு வெறும் டீ மட்டுமே வழங்கப்பட்டது. மணப்பெண்ணும், மணமகனும் மாலை மாற்றி திருமணம் செய்து கொண்டனர்.உத்தரபிரதேச மாநிலம், கிரேட் நொய்டாவை அடுத்த நட்டோகி மதியா கிராமத்தை சேர்ந்தவர் மகவீர் சிங் மற்றும் அவரது மனைவி கியானோ. இவர்கள் தன்னுடைய மகளுடைய திருமணத்தை மிகவும் எளிமையான முறையில் நடத்தினர்.

மணமகனுக்கு ஆசிர்வதிக்கும் போது மகாவீர் வெறும்  11 ரூபாய் மட்டுமே கொடுத்தார். இவர்களின் நிலைமையை பார்த்து கிராமத்தின் சில இளைஞர்கள் தங்கள் செலவில் இசை நிகழ்ச்சிக்கு ஏற்பாடு செய்தனர். 650 கோடி ரூபாய் செலவில் கர்நாடகாவில் பிரம்மாண்ட திருமணம் நடைபெறும் இதே நாட்டில் தான் வெறும் டீ மட்டும் வழங்கி திருமண நிகழ்ச்சி நடைபெற்றுள்ளது என்பது குறிப்பிடத்தக்கது.

English summary:

Anoyta: Mahaveer and his wife are both disabled. Central Government Rs. After the announcement of invalid banknotes of 500 and 1000 couples were very worried

Read More

500 , 1000 ரூபாய் நோட்டுக்கள் ஒழிப்பு நடவடிக்கையில் புத்தியை இழந்து விட்டார் மம்தா: பா.ஜ.,

கோல்கட்டா:500 , 1000 ரூபாய் நோட்டுக்கள் ஒழிப்பு நடவடிக்கைக்குப் பிறகு மம்தா தனது புத்தியை இழந்து விட்டார் என்று மேற்கு வங்க மாநில பா.ஜ., தலைவர் கூறியுள்ளார். நாட்டில் கருப்பு பணத்தை ஒழிப்பதற்காக பிரதமர் மோடி 500 ரூபாய் மற்றும் 1000 ரூபாய் நோட்டுக்கள் செல்லாது என்று அதிரடியாக அறிவித்தார். இதற்கு பெரும்பாலான எதிர்க்கட்சிகள் கடும் எதிர்ப்பு தெரிவித்து வருகிறார்கள். குறிப்பாக மேற்கு வங்க முதல்வர் மம்தா பானர்ஜி கடும் எதிர்ப்பு தெரிவித்து வருகிறார்..
இது தொடர்பாக டில்லி மற்றும் பீகார் சென்று ஆதரவு திரட்டினார். இதுகுறித்து அம்மாநில பா.ஜனதா தலைவர் திலிப் கோஷ், இந்த அறிவிப்புக்குப் பின் மம்தா புத்தியை இழந்து விட்டார் என்று கூறியுள்ளார்.
பா.ஜனதா இளைஞர் அணி ஏற்பாடு செய்திருந்த ஒரு நிகழ்ச்சில் திலிப்கோஷ் கலந்து கொண்டார். அப்போது அவர் பேசுகையில் ''மோடியின் ரூபாய் நோட்டு ஒழிப்பு நடவடிக்கை மூலம் மம்மா பானர்ஜி கோடிக்கணக்கான பணத்தை இழந்து புலம்புகிறார்.

புத்தி இழப்பு:

ஏன் அவர் டில்லி மற்றும் பாட்னா சென்றார். அங்கு சென்ற அவரால் ஒன்றும் செய்யமுடியவில்லை. அதனால் தலைமை செயலகத்திற்குள் சென்று உட்கார்ந்து கொண்டார். நாங்கள் என்ன நினைக்கிறோம் என்றால், இறுதியில் அவர் கங்கையில் குதிக்கலாம். அவர் தனது புத்திய இழந்துவிட்டார். புத்தியை இழந்த அவரை நாங்கள் பார்க்க தயாராக இல்லை'' என்றார். திலிப் கோஷ்.

English Summary:

KOLKATA: 500, 1000 notes after eradication operation, Mamata lost her sense that the West Bengal state BJP leader said. To combat the black money in the country, Modi announced Rs 500 and 1000 notes that annulled the action. Most of the opposition parties are expressing strong opposition

Read More

தேட தேட தங்கம்... "பினாமி" சேகர் ரெட்டியிடம் இன்றும் 40 கிலோ சிக்கியது! இதுவரை 167 கிலோ பிடிபட்டது!

சென்னை; போயஸ் கார்டனுக்கு மிக நெருக்கமான சேகர் ரெட்டிக்கு சொந்தமான இடத்தில் இன்றும் 40 கிலோ தங்கம் சிக்கியது. இதுவரை சேகர் ரெட்டியின் வீடு உள்ளிட்ட இடங்களில் மொத்தம் 167 கிலோ தங்கம் சிக்கியுள்ளது.

தமிழக அரசின் மிக முக்கியமான கான்டிராக்டர் சேகர் ரெட்டி. சசிகலா மற்றும் முதல்வர் பன்னீர்செல்வம் உள்ளிட்ட பலருக்கும் சேகர் ரெட்டி பினாமி என கூறப்படுகிறது.

 சேகர் ரெட்டி வீடு, அலுவலகங்களில் தொடர்ந்து வருமான வரித்துறை சோதனை நடத்தி வருகின்றனர். இச்சோதனையில் ஏற்கனவே 137 கிலோ தங்கம் சிக்கியது.

அதேபோல் ரூ170 கோடி ரொக்கமும் பிடிபட்டது. இன்றும் ரூ24 கோடி சிக்கியது. இதில் ரூ100 கோடி அளவுக்கு புதிய 2,000 ரூபாய் நோட்டுகள் சிக்கியது பெரும் அதிர்ச்சியை ஏற்படுத்தியுள்ளது. இந்த நிலையில் சேகர் ரெட்டிக்குச் சொந்தமான இடங்களில் இன்றும் 40 கிலோ தங்கம் பிடிபட்டிருப்பது பரபரப்பை ஏற்படுத்தியது.

போயஸ் கார்டனுக்கு மிக நெருக்கமான சேகர் ரெட்டிக்கு சொந்தமான இடத்தில் இன்றும் 40 கிலோ தங்கம் சிக்கியது. இதுவரை சேகர் ரெட்டியின் வீடு உள்ளிட்ட இடங்களில் மொத்தம் 167 கிலோ தங்கம் சிக்கியுள்ளது.

English summary:

IT department today seized 40 Kg gold from "Benami" Sekhar Reddy in Chennai.

Read More

'டுவிட்டர்' கணக்கு முடக்கம் விஜய் மல்லையா புலம்பல்

புதுடில்லி:வங்கிகளில், 9,000 கோடி ரூபாய் கடன் பெற்று, வெளிநாட்டுக்கு தப்பிய, தொழிலதிபர், விஜய் மல்லையாவின், 'டுவிட்டர், இ - மெயில்' கணக்குகள், மர்ம நபர்களால் முடக்கப்பட்டு உள்ளன.

கர்நாடகாவில், காங்கிரசைச் சேர்ந்த, சித்தராமையா முதல்வராக உள்ளார். இம்மாநில தலைநகர், பெங்களூரைச் சேர்ந்தவர், விஜய் மல்லையா. மதுபான ஆலை மற்றும் விமான போக்குவரத்து நிறுவனம் நடத்திய மல்லையா, எஸ்.பி.ஐ., உள்ளிட்ட வங்கிகளில், 9,000 கோடி ரூபாய் கடன் பெற்று, பிரிட்டனுக்கு தப்பியோடினார்.

தற்போது, லண்டன் நகரில், தலைமறைவாக வாழ்ந்து வருகிறார். மல்லையா, இந்தியாவில் தேடப்படும் குற்றவாளியாக அறிவிக்கப்பட்டவர். இந்நிலையில், தன், 'டுவிட்டர், இ - மெயில்'
கணக்குகளை, மர்ம நபர்கள் முடக்கியுள்ளதாக, மல்லையா கூறியுள்ளார்.

மல்லையா கூறியதாவது:

நான் பயன்படுத்தும், 'டுவிட்டர், இ - மெயில்' கணக்குகளை முடக்கியுள்ளனர். டுவிட்டரில், என் சொந்த விஷயங்கள், வங்கிக் கணக்கு விபரங்கள், அவற்றின் பாஸ்வேர்டுகள், முகவரி, தொலைபேசி எண் உள்ளிட்ட தகவல்களை பதிவிட்டு உள்ளனர். மேலும், பல விஷயங்களை பகிரங்கப்படுத்தப் போவதாக அறிவித்துள்ளனர். இவ்வாறு அவர் கூறியுள்ளார்.

English Summary:

Banks, loans worth Rs 9,000 crore have escaped abroad, businessman Vijay Mallya, Twitter, e - mail 'accounts, are crippled by unidentified persons.

Read More

ரூபாய் நோட்டு விவகாரத்தால் பாராளுமன்றத்தில் தொடர்ந்து அமளி

புதுடெல்லி, பழைய ரூ 500, ரூ1000நோட்டுகள் செல்லாது என்ற அரசின் முடிவை எதிர்த்து பாராளுமன்றத்தில் எதிர் கட்சியினர் நேற்றும் பிரச்சினை ஏற்படுத்தியதால் அவை நடவடிக்கைகள் பாதிக்கப்பட்டன.

பாராளுமன்ற குளிர் கால கூட்டத்தொடர் தற்போது நடந்து வருகிறது. இந்த கூட்டத்தொடர் கடந்த 3 வாரமாக எந்த வித நடவடிக்கைகளும் இல்லாமல் முடங்கி வருகிறது.  கறுப்பு பணம், கள்ள நோட்டு, வரி ஏய்ப்பு ஆகியவற்றை முற்றிலும் ஒழிப்பதற்காக பழைய ரூ 500, ரூ1000 நோட்டுகளை செல்லாது என அறிவித்ததாக பிரதமர் மோடி கூறினார்.

எதிர்ப்பு:

 பழைய ரூபாய் நோட்டு செல்லாது என அரசு அறிவித்த நிலையில், தங்களிடம் உள்ள பழைய ரூ500, ரூ1000 நோட்டுகளை மாற்றுவதற்கு மக்கள் வங்கிகளில் பல நாட்கள் நீண்ட வரிசையில் கடும் வெயிலில் நின்றனர். இதில் நாடு முழுவதும் 80க்கும் மேற்பட்டோர் உயிரிழந்ததாக தகவல்கள் வெளியாகின. அப்பாவி, நடுத்தர மக்களை மிகுந்த துயரத்திற்கு ஆளாக்கும் அரசின் முடிவை திரும்ப பெற வேண்டும் என காங்கிரஸ், திரிணாமுல் காங்கிரஸ் போன்ற எதிர் கட்சிகள் தொடர்ந்து பாராளுமன்றத்தின் இரு அவைகளிலும் அமளி செய்து வருகின்றன. இதனால், அவை நடவடிக்கைகள் முற்றிலும் முடங்கியுள்ளன.
ராஜ்ய சபாவின் முன்னாள் உறுப்பினரும் பத்திரிகையாளர், நடிகர் ,இயக்குனரான துக்ளக் சோ நேற்று மரணம் அடைந்ததற்கு ராஜ்ய சபாவில் இரங்கல் தெரிவிக்கப்பட்டது. அவரது மறைவுக்கு அவை இரங்கல் தெரிவித்த பின்னர் பாராளுமன்றத்தின் இரு அவைகளிலும் எதிர் கட்சியினர் அமளியில் ஈடுபட்டார்கள். ராஜ்ய சபையில் , காங்கிரஸ் தலைவர் குலாம் நபி ஆசாத் கூறுகையில், பழைய ரூபாய் நோட்டு விவகாரத்தால் நாடு முழுவதும் 834 பேர் உயிரிழந்துள்ளனர் என அரசின் நடவடிக்கையை விமர்சித்தார்.

அதிருப்தி:

ராஜ்ய சபாவிலும், லோக்சபாவிலும் எதிர் கட்சி எம்.பிக்கள் தொடர்ந்து அமளியில் ஈடுபட்டது குறித்து பா.ஜ.,கவின் மூத்த தலைவர் எல்.கே.அத்வானி  வேதனை அடைந்ததுடன், பாராளுமன்ற நடவடிக்கைகள்  பாதிக்கப்படுவதற்கு அதிருப்தியும் தெரிவித்தார்.

English Summary:

New Delhi, Old Rs 500, Rs 1000 notes that the Government's decision was invalid, resulting in the issue in Parliament yesterday and which operations have been affected by the opposition party.

Read More

இந்தியாவில் டிஜிட்டல் பணப்பரிவர்த்தனை குறித்து 13 பேர் கொண்ட குழு மும்பையில் ஆலோசனை

மும்பை:

 இந்தியாவில் டிஜிட்டல் பணப்பரிவர்த்தனையை விரிவுபடுத்தத் தேவையான நடவடிக்கை குறித்து மும்பையில்  நேற்று கூடி, முதலமைச்சர்கள் மற்றும் அதிகாரிகள் என 13 பேர் கொண்ட குழுவினர் ஆலோசனை நடத்தினர்.  500 மற்றும் ஆயிரம் ரூபாய் நோட்டுகள் செல்லாது என மத்திய அரசு கடந்தமாதம் அறிவித்ததை தொடர்ந்து, இந்தியாவில் டிஜிட்டல் பணப்பரிவர்த்தனையை விரிவுபடுத்தத் தேவையான நடவடிக்கை குறித்து ஆலோசனை செய்வதற்கு முதலமைச்சர் மற்றும் அதிகாரிகள் என 13 பேர் கொண்ட குழுவை அமைத்தது.

13 பேர் கொண்ட குழு : மத்திய அரசின் இந்தக்குழுவுக்கு ஆந்திர முதலமைச்சர்  சந்திரபாபு நாயுடு தலைமை வகித்தார். இந்தக்குழுவில் மகாராஷ்டிர முதலமைச்சர்  தேவேந்திர பட்நாவிஸ், ஒடிசா முதலமைச்சர்  நவின் பட்நாயக், மத்தியப் பிரதேச முதலமைச்சர்  சவுகான், சிக்கிம் முதலமைச்சர்  பவன் குமார் சாம்லிங், புதுச்சேரி முதலமைச்சர் நாராயணசாமி மற்றும் நிதிஆயோக் துணைத்தலைவர் அரவிந்த், நிதிஆயோக்  தலைமை நிர்வாக அதிகாரி அமிதாப் காந்த் ஆகியோரும் இடம்பெற்றுள்ளனர்.

இந்நிலையில், உயர்மட்டக் குழுவின் முதல் அதிகாரப்பூர்வ கூட்டம்  நேற்று மும்பையில் உள்ள ரிசர்வ் வங்கியின்   தலைமையகத்தில் கூடியது. டெபிட் கார்டு, கிரெடிட் கார்டு, பிரீபெய்டு கார்டு, டிஜிட்டல் வேலட்ஸ், போன்ற டிஜிட்டல் பணப்பரிவர்த்தனையை விரிவுபடுத்த ஒருவருடத்துக்குள் எடுக்க வேண்டிய நடவடிக்கை குறித்த அறிக்கையை இந்தக்குழு மத்திய அரசிடம் சமர்பிக்கும்.

English summary:

Mumbai - India the necessary steps to expand the digital transaction gathered yesterday in Mumbai, Chief Ministers and officials discussed the 13-member crew. Last month, the government announced it would stop short of 500 thousand banknotes, following the advice on the necessary steps to expand the digital transaction  as Chief Minister and officials organized a team of 13 people.

Read More

நாளை நள்ளிரவு முதல் ரயில்கள் - பேருந்துகளில் பழைய 500 ரூபாய் நோட்டுக்கள் செல்லாது :மத்திய அரசு திடீர் அறிவிப்பு

புதுடெல்லி -  பழைய 500 ரூபாய்கள்  நாளை முதல்  பேருந்து, ரயில்களில் செல்லாது  என்று  மத்திய அரசு திடீர் என  அறிவிப்பு  வெளியிட்டுள்ளது.  டிசம்பர் 15ம் தேதி வரை பழைய 500 ரூபாய் நோட்டை சில சேவைகளுக்கு மட்டும் பயன்படுத்திக் கொள்ள மத்திய நிதியமைச்சகம் சலுகை அளித்திருந்தது. அதன்படி மத்திய, மாநில அரசு, நகராட்சி, ஊராட்சிப் பள்ளிகளில் ரூ. 2000 வரை கல்விக் கட்டணம் செலுத்தப் பயன்படுத்தலாம்.மத்திய, மாநில அரசுக் கல்லூரிகளில் கட்டணம் செலுத்த பயன்படுத்தலாம். ரூ. 500 வரைக்கும் செல்போன்களில் டாப்அப் செய்து கொள்ள பயன்படுத்தலாம். நுகர்வோர் கூட்டுறவுக் கடைகளில் உரிய அடையாள அட்டைகளைக் காட்டி ரூ. 5000 வரை பொருட்களை வாங்கும்போது இந்த பழைய நோட்டுக்களைப் பயன்படுத்தலாம். மத்திய, மாநில அரசுகள் நடத்தும் பால் பூத்துகளில் பால் வாங்க பயன்படுத்தலாம் .

குடிநீர், மின்சாரக் கட்டணத்தை செலுத்த பயன்படுத்தலாம். அரசு மருத்துவமனைகள், மருந்தகங்களில் பயன்படுத்தலாம். மருத்தவர்களின் சீட்டுடன் அனைத்து மருந்துக் கடைகளிலும் மருந்து வாங்க பயன்படுத்தலாம் ரயில்வே டிக்கெட் கவுண்டர்கள், அனைத்து அரசு போக்குவரத்துக் கழக கவுண்டர்களில் டிக்கெட் வாங்கப் பயன்படுத்தலாம். மயானங்கள் இடுகாடுகளில் பயன்படுத்தலாம்.

காஸ் சிலிண்டர்களை வாங்கப் பயன்படுத்தலாம். ரயில்களில் உள்ள உணவகங்களில் பயன்படுத்தலாம். புறநகர் ரயில்கள் மற்றும் மெட்ரோ ரயில்களில் டிக்கெட் வாங்க பயன்படுத்தலாம்.இந்திய தொல்பொருள் ஆய்வு நிறுவனத்தால் பராமரிக்கப்படும் நினைவிடங்களில் கட்டணம் செலுத்த பயன்படுத்தலாம். மத்திய அரசு, மாநில அரசுகள் விதிக்கும் கட்டணங்கள்,வரிகள், அபராதங்கள் உள்ளிட்டவற்றைக் கட்ட பயன்படுத்தலாம்.கோர்ட் கட்டணம் செலுத்தப் பயன்படுத்தலாம். அரசு நிறுவனங்கள் நடத்தும் விற்பனை நிலையங்களில் விதைகள் வாங்க பயன்படுத்தலாம் என அறிவிக்கப்பட்டிருந்தது.

அதிரடி அறிவிப்பு :

 இந்த நிலையில் மத்திய அரசு  அதிரடி அறிவிப்பு ஒன்றை வெளியிட்டுள்ளது.அதன்படி நாளை  10 ம் தேதி  நள்ளிரவு முதல் ரயில்கள் மற்றும் பேருந்துகளில் பழைய 500 ரூபாய் நோட்டுக்கள் செல்லாது என்று மத்திய அரசு அறிவித்துள்ளது. இந்த அறிவிப்பு பொதுமக்களுக்கு அதிர்ச்சியளிக்கும் அறிவிப்பாகும்.ரூபாய் நோட்டு செல்லாது என்று மத்திய அரசு அறிவித்து ஒருமாதகாலமாகியும் சில்லறை ரூபாய் நோட்டு தட்டுப்பாடு தீர்ந்தபாடில்லை. வங்கிகளிலும், ஏடிஎம்களிலும் நீண்ட வரிசையில் மக்கள் காத்திருக்கின்றனர்.

இந்த நிலையில் பழைய நோட்டுக்களை செல்லத்தக்கதாக மாற்றுவதற்கு பல கட்டுப்பாடுகளை விதித்து வருகிறது மத்திய அரசு.கடந்த டிசம்பர் 2ம் தேதி நள்ளிரவு முதல் பெட்ரோல் பங்குகள், விமான நிலையங்களில் பழைய 500 ரூபாய் நோட்டுக்கள் செல்லாது என்று அறிவித்தது. இந்த நிலையில் தற்போது புதிய அறிவிப்பு ஒன்றை வெளியிட்டுள்ளது மத்திய அரசு.

English Summary:

Old 500 rupees per day for the first bus, trains and suddenly the government has declared that it is not valid. The old 500-rupee note, on December 15 to take advantage of the federal finance ministry We offer some of the services provided

Read More