‘கண்ட நேரத்தில் அழைத்து ஆபாசமாக பேசுகின்றனர்’- கூகுளின் நடவடிக்கையால் ஆர்பிஐ ஆளுநர் கவலை

கூகுள், ஃபேஸ்புக் , அமேசான் உள்ளிட்ட நிறுவனங்கள் நிதிச்சேவையில் ஈடுபடுவது பெரும் அச்சுறுத்தலாக இருப்பதாக ரிசர்வ் வங்கி ஆளுநர் சக்திகாந்ததாஸ் கவலை தெரிவித்துள்ளார். தனியார் ஊடக நிறுவன நிகழ்ச்சியில் பேசிய ரிசர்வ் வங்கி ஆளுநர் சக்திகாந்ததாஸ், இந்நிறுவனங்களுக்கு இடையே நிலவும் போட்டி மற்றும் தனிநபர் தகவல் பாதுகாப்பும் கேள்விக்குறியாக உள்ளதாக தெரிவித்தார். இந்த நிறுவனங்கள் நிதிச்சேவையில் ஈடுபடுவது தொடர் அச்சுறுத்தலாக உள்ளது என்றும் இவற்றை முறையாக கண்காணிக்க வேண்டியுள்ளதாகவும் அவர் கூறினார். கடனை திரும்ப வசூலிப்பதில் கடுமையான நடைமுறையை இவை பின்பற்றுவதோடு, வாடிக்கையாளரை அகால நேரத்தில் அழைத்து ஆபாச வார்த்தைகளில் துன்புறுத்துவது உள்ளிட்ட நடவடிக்கைகள் ஏற்புடையதல்ல எனத் தெரிவித்தார். இதுகுறித்து புகார் வந்தால் தீவிர நடவடிக்கை எடுக்கப்படும் எனவும் சக்திகாந்ததாஸ் தெரிவித்துள்ளார்.
http://dlvr.it/SSQpMv

Read More

இயற்கை தாயின் மடியில்... : தென்னிந்தியாவில் விசிட் அடிக்க வேண்டிய Monsoon பகுதிகள் இதோ!

இந்தியாவில் சுற்றுலா பயணிகள் செல்வதற்கு என எக்கச்சக்கமான இடங்கள் உள்ளன. ஆனால் அந்த டூரிஸ்ட் ஸ்பாட்களுக்கு எந்தெந்த சீசனில் சென்றால் நன்றாக இருக்கும் என்பது பலருக்கும் தெரியாமல் இருக்கும். மேலும் மேம்போக்காக சில இடங்கள் தெரிந்தாலும் ஒரு மாநிலத்திற்கு பயணம் மேற்கொண்டால் சுற்றியிருக்க பகுதிகளில் எங்கெல்லாம் விசிட் செய்யலாம் என்பதும் தெரியாமல் இருக்கும். ஆகவே தென்னிந்தியாவில் தற்போது பருவமழை தொடங்க இருப்பதால் இந்த சீசனில் எந்தெந்த பகுதிகளுக்கெல்லாம் செல்லலாம் என்பதை இந்த தொகுப்பில் பார்க்கலாம். 1) தமிழ்நாடு: மேற்குத்தொடர்ச்சி மலைப்பகுதியை ஒட்டிய மாவட்டங்களான கோவை, தேனி, நீலகிரி, திண்டுக்கல், கன்னியாகுமரி ஆகிய பகுதிகளுக்கு தலா ஒவ்வொரு மாவட்டத்துக்கும் 3 முதல் 7 நாட்கள் வரை சுற்றிப்பார்க்கலாம். குறிப்பாக கோவை, நீலகிரியில். நீலகிரியில் உள்ள கோத்தகிரி, மசினகுடி, ஊட்டி ஆகியவை மிகவும் பிரபலமான டூரிஸ்ட் ஸ்பாட். ஊட்டிக்கு குடும்பத்துடனும், மசினகுடி, கோத்தகிரிக்கு நண்பர்களுடன் பைக் ரைடில் சென்றால் சுவாரஸ்யமாக இருக்கும். டாய் ட்ரெயின் ரைட், அவலாஞ்சி, எமரால்டு & ஊட்டி லேக், தொட்டபெட்டா, கல்ஹட்டி, பைகாரா ஃபால்ஸ் ஆகியவை ஊட்டியின் ஐடியல் தளங்கள். 2) புதுச்சேரி: ஓரிரு நாள் விடுமுறைக்கு ஏற்ற இடம் பாண்டிச்சேரி. கண்ணைக்கவரும் வண்ணத்தில் இருக்கும் புதுச்சேரியின் சாலைகள், பிரஞ்சு காலத்து கட்டடங்கள், பாரடைஸ் பீச், ராக் பீச், அமைதியான ஆரோவில் சூழல் ஆகியவை இங்கு பிரசித்தம். புதுச்சேரியில் வகை வகையான பிரஞ்சு உணவுகளை ருசிக்கலாம். 3) கேரளா: மூனார், இடுக்கியில் உள்ள வாகமன், வயநாடு, ஆலப்புழா ஆகிய பகுதிகள் பருவமழை சீசனில் செல்ல வேண்டிய முக்கிய தளங்கள். அதில் இந்தியாவின் வெனிஸ் என அழைக்கப்படும் ஆலப்புழா குடும்பமாக, நண்பர்களுடன் சென்று ஓய்வெடுக்க நினைப்போருக்கு சிறந்த பகுதி. ரிலாக்ஸாக இருக்க ஏதுவான ஆலப்புழாவில் கமகமக்கும் கேரளத்து உணவும் ரம்மியான அழகழகான இயற்கை எழிலை கண்முன் காணலாம். போட் ஹவுஸ் இருந்தபடியே கிடைக்கும் ஒரு பயணம் அத்தனை அலாதியானதாக இருக்கும் என்பதில் ஐயப்பாடில்லை. 4) கர்நாடகா: ஹம்பி, சிக்மங்களூர், குடகு (கூர்க்) ஆகிய இடங்கள் மழை சீசனுக்கு ஏற்ற பகுதி. உலக பாரம்பரிய பகுதிகளில் ஒன்று என யுனெஸ்கோ அங்கீகாரம் பெற்றது ஹம்பி. இங்கிருக்கும் வரலாற்று முக்கியத்துவம் வாய்ந்த பழங்கால வழிபாட்டு தலங்கள் பிரபலம். குடகு முழுக்க முழுக்க மலைப்பகுதியைச் சார்ந்தது. மைசூரை அடுத்து இருக்கும் மடிகெரி என்ற பகுதி ஜீப், கார், பைக்கிலும் சென்று சைட் சீயிங் செய்யலாம். காஃபி மற்றும் ஹோம் மேட் சாக்லேட்டுகள் இங்கு ஃபேமஸ். - ஜனனி கோவிந்தன் ALSO READ:  பெங்களூரு டூ ஊட்டிக்கு செல்லும் வழியில் என்னவெல்லாம் காணலாம்? - இது உங்களுக்கு உதவும்!
http://dlvr.it/SSQStH

Read More

கூகுள் ட்ரைவில் தகவல்கள் சேமிக்க மத்திய அரசு ஊழியர்களுக்கு தடை

கூகுள் ட்ரைவில் தகவல்களை சேமிக்க ஊழியர்களுக்கு தடை விதித்து மத்திய அரசு உத்தரவிட்டுள்ளது. கூகுள் ட்ரைவ் உள்ளிட்டவைகளில் மத்திய அரசு ஊழியர்கள் பணி சார்ந்த தகவல்களை சேமித்து வைத்துள்ளதாக தகவல் வெளியானது. இந்நிலையில், ஆவணங்களின் பாதுகாப்பைக் கருத்தில் கொண்டு மத்திய அரசு ஊழியர்கள் கூகுள் ட்ரைவ், விபிஎன் மற்றும் ட்ராப்பாக்ஸ் ஆகியவற்றில் அரசின் பாதுகாப்பு அம்சங்கள், ரகசியங்கள் உள்ளிட்டவைகளை பயன்படுத்தவும் அதில் தகவல்களை சேமிக்கவும் மத்திய அரசு தடை விதித்துள்ளது. இதையும் படிங்க... மதுரையில் தண்ணீர் சுத்திகரிப்பு நிறுவனம் அனுமதியுடன் இயங்குகிறதா? நீதிமன்றம் கேள்வி இந்திய கம்ப்யூட்டர் ஏஜென்சிஸ் ரெஸ்பான்ஸ் குழு மற்றும் தேசிய புள்ளியல் மையமும் இணைந்து செய்த பரிந்துரையின் பேரில் நடவடிக்கை எடுக்கப்பட்டுள்ளதாக தகவல்கள் கூறுகின்றன. அதேநேரம், மத்திய அரசு ஊழியர்கள் தங்களுடைய சுய விவரங்களை அவற்றில் சேமித்துக் கொள்ளலாம் எனத் தெரிவிக்கப்பட்டுள்ளது.
http://dlvr.it/SSQSsP

Read More

காஷ்மீரில் தொடரும் துப்பாக்கிச்சூடு... போலீஸ் எஸ்.ஐ தீவிரவாதிகளால் சுட்டுக்கொலை

இந்தியாவின் வடக்கு எல்லையான ஜம்மு காஷ்மீர் மாநிலத்தில் இந்திய ராணுவத்துக்கும், தீவிரவாதிகளுக்குமிடையே துப்பாக்கிச்சூடு என்பது மாநிலத்தை எப்போதும் பதற்ற நிலையிலேயே வைத்திருக்கிறது. இதில், பொதுமக்களும் பயங்கரவாதிகளின் துப்பாக்கிச்சூட்டில் பலியாகின்றனர். அண்மையில் கூட தொடர்ச்சியாக வங்கி ஊழியர், பள்ளி ஆசிரியை, டிவி நடிகை எனப் பலர் பயங்கரவாதிகளால் சுட்டுக்கொல்லப்பட்டனர். இந்த நிலையில், எஸ்.ஐ ஒருவர், பணியில் இல்லாத நேரத்தில் தீவிரவாதிகளால் சுட்டுக்கொல்லப்பட்ட சம்பவம் மீண்டும் பரபரப்பை ஏற்படுத்தியுள்ளது.ஜம்மு காஷ்மீர் இந்திய ரிசர்வ் போலீஸ் படையில் எஸ்.ஐ-ஆக உள்ள ஃபரூக் அஹ் அமீர், பாம்பூர் பகுதி சம்பூராவில் தனது வீட்டுக்கு அருகிலுள்ள வயலில், இன்று காலை சுட்டுக்கொல்லப்பட்ட நிலையில் கண்டெடுக்கப்பட்டார். இச்சம்பவம் குறித்து காஷ்மீர் மண்டல போலீஸ் தனது ட்விட்டர் பக்கத்தில், ``சப்-இன்ஸ்பெக்டர் ஃபரூக் அஹ் அமீரின் உடல், அவரின் வீட்டுக்கு அருகிலுள்ள நெல் வயலில் கண்டெடுக்கப்பட்டது. இதுகுறித்த முதற்கட்ட விசாரணையில், நேற்று மாலை தனது வயல் வேலைகளுக்காக, வீட்டிலிருந்த புறப்பட்ட அமீர், தீவிரவாதிகளால் சுட்டுக்கொல்லப்பட்டார்" எனத் தெரிவித்திருந்தது. மேலும் அமீர், தீவிரவாதிகளால் அவரின் வீட்டிலிருந்து கடத்திச்செல்லப்பட்டு சுட்டுக்கொல்லப்பட்டிருக்கலாம் எனவும் பலரால் சந்தேகிக்கப்படுவதாகக் கூறப்படுகிறது. கடந்த ஞாயிற்றுக்கிழமையன்று, ஜம்மு-காஷ்மீரின் புல்வாமா மாவட்டத்தில் மூன்று லஷ்கர் பயங்கரவாதிகளை பாதுகாப்புப் படையினர் சுட்டுக் கொன்றனர் என்பது குறிப்பிடத்தக்கது.ஜம்மு காஷ்மீர்: நடப்பாண்டில் 30 பாகிஸ்தான் பயங்கரவாதிகள் உட்பட 100 பேர் கொல்லப்பட்டதாகத் தகவல்!
http://dlvr.it/SSPlHY

Read More

20ஆம் தேதி வழக்கு விசாரணை.. ஜூன் 23ம் தேதி அதிமுக பொதுக்குழு கூட்டத்திற்கு சிக்கல் வருமா?

அதிமுக பொதுக்குழுக் கூட்டத்திற்கு தடை விதிக்கக்கோரிய வழக்கை முன்கூட்டி விசாரிக்க வேண்டுமென்ற மனுவை சென்னை உரிமையியல் நீதிமன்றம் வரும் திங்கட்கிழமை விசாரிக்க உள்ளது. அதிமுகவின் பொதுக்குழு கூட்டம் ஜூன் 23ஆம் தேதி நடைபெறும் என அறிவித்திருந்த நிலையில், பொதுக்குழுக் கூட்டத்திற்கு தடை விதிக்கக்கோரி திண்டுக்கல் மாவட்டம் சாணார்பட்டி அருகேயுள்ள ஆவிலிபட்டியை சேர்ந்த எஸ்.சூரியமூர்த்தி என்பவர் அதிமுக உறுப்பினர் என கூறி சென்னை உரிமையியல் நீதிமன்றத்தில் வழக்கு தொடர்ந்துள்ளார். அவரது மனுவில், அதிமுக பொதுச் செயலாளராக இருந்த ஜெயலலிதா மறைவுக்குப் பின், 2017இல் கட்சியின் விதிகளுக்கு முரணாக கட்சியின் ஒருங்கிணைப்பாளராக ஓ.பன்னீர்செல்வமும், இணை ஒருங்கிணைப்பாளராக எடப்பாடி பழனிச்சாமியும் தேர்ந்தெடுக்கப்பட்டதாகவும், அதை ஏற்றுக்கொள்ள அங்கீகரிக்கப்பட்ட கட்சியின் உட்கட்சி விவகாரத்தில் தலையிட தேர்தல் ஆணையத்திற்கு உரிமையில்லை என குறிப்பிட்டுள்ளார். அதிமுகவின் உச்சபட்ச பதவியான பொதுச் செயலாளர் பதவியை நீக்கியது சரிதான் என்று எந்த நீதிமன்றமும் தெரிவிக்கவில்லை எனவும் கூறியுள்ளார். இந்த மனு நான்காவது உதவி உரிமையியல் நீதிமன்ற நீதிபதி பிரியா முன்பு விசாரணைக்கு வந்தபோது சூரியமூர்த்தி மனுவை நிராகரிக்கக் கோரி ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாள எடப்பாடி பழனிசாமி ஆகியோர் கூட்டாக இணைந்து நிராகரிப்பு மனுத்தாக்கல் செய்திருந்தனர். இதையடுத்து வழக்கு ஜூலை 22ஆம் தேதி தள்ளிவைக்கப்பட்டதால், வழக்கை முன்கூட்டியே விசாரிக்க வேண்டும் என சூரியமூர்த்தி தரப்பில் மனுத்தாக்கல் செய்யப்பட்டது. அதில், ஜூன் 23ஆம் தேதி பொதுக்குழு நடைபெற இருப்பதால், தன்னுடைய வழக்கை விசாரிக்க வேண்டுமென கோரிக்கை வைக்கப்பட்டது. இதனையடுத்து அந்த வழக்கை வரும் திங்கட்கிழமை (ஜூன் 20) விசாரணைக்கு எடுத்துக்கொள்வதாக உரிமையியல் நீதிமன்றம் தெரிவித்துள்ளது.
http://dlvr.it/SSNHzS

Read More

சித்து மூஸ் வாலா கொலை வழக்கில் திருப்பு முனையான ’க்ளூ’.. துப்புத் துலங்கியது எப்படி?

கொலையாளிகள் பயன்படுத்திய காரிலிருந்து மீட்கப்பட்ட எரிபொருள் நிரப்பிய ரசீதை வைத்து விசாரித்ததில் கிடைத்த சிறு துரும்பை அப்படியே நூல்பிடித்து சங்கிலி தொடராக இருந்தவர்களை கண்டுபிடித்தனர். பஞ்சாபில் மிகவும் பிரபலமான பாடகரான சித்து மூஸ் வாலா, கடந்த மே 29 ஆம் தேதி காரில் சென்று கொண்டிருந்த துப்பாக்கியால் சுடப்பட்டு படுகொலை செய்யப்பட்டார். இந்த கொலை சம்பவத்தின் பின்னணியில் ரவுடி கும்பலைச் சேர்ந்தவர்கள் சதி திட்டம் தீட்டி சித்து மூசேவாலாவை கொலை செய்தது தெரியவந்தது. சித்து கொலையில் பிரதான குற்றவாளிகளாக சந்தேகிக்கப்பட்ட 9 பேர் இதுவரை கைது செய்யப்பட்டுள்ளனர். துப்புத் துலங்கியது எப்படி?சித்து மூஸ் வாலா கொலை குறித்து விசாரிக்க சிறப்பு புலனாய்வு குழுவை அம்மாநில அரசு நியமித்திருந்தது. இந்த குழு விசாரணையைத் தீவிரப்படுத்தி குற்றவாளிகளை தேடிவந்தது. கொலையாளிகளை கண்டுபிடிப்பதில் போலீசாருக்கு முதலில் பெரும் சவாலாக இருந்தது. ஆனால் படிப்படியாக அவர்களுக்கு துப்புத் துலங்கியது. இதில் குற்றவாளிகள் பயன்படுத்திய காரிலிருந்து மீட்கப்பட்ட பெட்ரோல் நிரப்பிய ரசீதை வைத்து விசாரித்ததில் கிடைத்த சிறு துரும்பை அப்படியே நூல்பிடித்து சங்கிலி தொடராக இருந்தவர்களை கண்டுபிடித்தனர். கொலையாளிகள் பயன்படுத்திச் சென்ற பொலிரோ காரை சாலை ஓரத்தில் போலீசார் கண்டுபிடித்தனர். அந்த காரில் இருந்து துப்பாக்கிச்சூடு நடந்த 4 நாட்களுக்கு முன்னதாக காருக்கு எரிபொருள் நிரப்பிய ரசீது இருப்பது கண்டுபிடிக்கப்பட்டது. இதையடுத்து சம்பந்தப்பட்ட ஃபதேஹாபாத்தில் உள்ள பெட்ரோல் நிலையத்திற்கு சென்ற போலீசார் அங்குள்ள சிசிடிவி காட்சிகளை ஆய்வு செய்தனர். அதனடிப்படையில் ஹரியாணா மாநிலம் சோனிபட் பகுதியைச் சேர்ந்த ப்ரியவர்த் ஃபவுஜி என்பவர் சித்து மூஸ் வாலாவின் படுகொலையில் தொடர்புடையவராக இருப்பது உறுதி செய்யப்பட்டது. இந்த கொலை தொடர்பாக இதுவரை 9 பேர் கைது செய்யப்பட்டுள்ளனர். கொலைக்கு சதித்திட்டம் தீட்டியது, ஆயுத உதவிகள் வழங்கியது, கொலையாளிகளுக்கு அடைக்கலம் கொடுத்தது உள்ளிட்ட குற்றச்சாட்டுகளின் கீழ் இவர்கள் கைதாகி உள்ளனர். கொலைக்கு பயன்படுத்தப்பட்ட 3 கார்கள் பறிமுதல் செய்யப்பட்டுள்ளன.  மேலும், சித்து மூஸ் வாலா மீது துப்பாக்கிச் சூடு நடத்திய 4 பேரையும் போலீசார் அடையாளம் கண்டுள்ளனர்.சித்து மூஸ் வாலா கொலையில் முக்கிய குற்றவாளிகளாக சந்தேகிக்கப்பட்ட லாரன்ஸ் பிஷ்னோய் ஏற்கனவே வேறொரு வழக்கில் கைதாகி சிறையில் உள்ளார். அவரை கைது செய்து விசாரிக்க நீதிமன்றம் அனுமதி வழங்கியுள்ளது குறிப்பிடத்தக்கது. இதையும் படிக்கலாம்: மசாஜ் செய்ய மறுத்த பெண்ணுக்கு சரமாரி அரிவாள் வெட்டு - வெளியான சிசிடிவி காட்சிகள்!
http://dlvr.it/SSNHzL

Read More

"இதை செய்தால் அதிமுக அழிவுப்பாதையை நோக்கிச் செல்லும்" - வைத்திலிங்கம் எச்சரிக்கை

பொதுக்குழுவில் ஒற்றை தலைமை தொடர்பாக தீர்மானம் கொண்டுவந்தால் அதிமுக அழிவுப்பாதையை நோக்கிச் செல்லும் என அக்கட்சியின் துணை ஒருங்கிணைப்பாளர் வைத்திலிங்கம் எச்சரிக்கை விடுத்துள்ளார்.அதிமுகவில் எழுந்திருக்கும் ஒற்றை தலைமை விவகாரம் தொடர்பாக ஒருங்கிணைப்பாளர் ஓ.பன்னீர்செல்வம் நான்காவது நாளாக தன்னுடைய ஆதரவாளர்களோடு ஆலோசனை மேற்கொண்டார். சென்னை கிரீன்வேஸ் சாலையில் அமைந்துள்ள அவரது இல்லத்தில் துணை ஒருங்கிணைப்பாளர் வைத்திலிங்கம், முன்னாள் எம்பி மைத்ரேயன், எம் எல் ஏ மனோஜ்  பாண்டியன்,  மாவட்ட செயலாளர் வேளச்சேரி அசோக் ஆகியோர் ஆலோசனை மேற்கொண்டனர். அதனைத் தொடர்ந்து ஒருங்கிணைப்பாளர் பன்னீர் செல்வத்தோடு நாடாளுமன்ற உறுப்பினரும் அதிமுகவின் கொள்கை பரப்பு இணைச் செயலாளருமான தம்பிதுரை சந்தித்தார். நேற்று மாலை இணை ஒருங்கிணைப்பாளர் எடப்பாடி பழனிச்சாமி சந்தித்துப் பேசிய பிறகு தம்பிதுரை ஓ.பன்னீர் செல்வத்தை சந்தித்து ஆலோசனை நடத்தினார். இதனை தொடர்ந்து செய்தியாளர்களை சந்தித்து பேசிய துணை ஒருங்கிணைப்பாளர் வைத்திலிங்கம் கட்சியை வலுவாக நடத்திச் செல்வது தொடர்பாகவும் அதிமுக ஆட்சிக்கு கொண்டு வருவது தொடர்பாகவும் ஆலோசனை நடத்தப்பட்டதாக கூறினார். பொதுக்குழுவில் ஒருங்கிணைப்பாளர் கையொப்பம் இல்லாமல் தனியாக தீர்மானம் நிறைவேற்ற முடியாது எனவும், அவ்வாறு நிறைவேற்றினால்,  அதிமுக அழிவுப்பாதையை நோக்கி அழைத்து செல்லும் எனவும் வைத்திலிங்கம் எச்சரித்தார். 'ஒற்றைத் தலைமை கோரிக்கை தவறில்லை' வரும் 23 ஆம் தேதி நடைபெறவுள்ள அதிமுகவின் பொதுக்குழு , செயற்குழுவில் நிறைவேற்றப்பட உள்ள  தீர்மானங்கள் தொடர்பாக பொன்னையன் , வைகை செல்வன், ஆர்.பி .உதயகுமார், செம்மலை ஆகியோர் அதிமுக தலைமை அலுவலகத்தில் ஆலோசித்தனர். பின்னர் செய்தியாளர்களை சந்தித்த முன்னாள் அமைச்சர் பொன்னையன், ''ஒற்றைத் தலைமை குறித்து செய்தியாளர் சந்திப்பில் பேசியதற்காக ஜெயக்குமார் மீது கட்சி ரீதியாக நடவடிக்கை எடுக்கப்படும் என்பதில் உண்மை இல்லை. ஒற்றைத் தலைமை தேவையா என்பது குறித்து கட்சித் தலைமையும் , பொதுக்குழுவுமே முடிவு செய்யும். 100க்கு ஆயிரம் சதவீதம் பொதுக்குழு திட்டமிட்டபடி 23 ம் தேதி நடக்கும். எல்லா கட்சியிலும் பிரச்சனைகள் எழுவது இயல்புதான். ஒற்றைத் தலைமை கோரிக்கையை தவறு என்று சொல்ல முடியாது. ஆனால் அதுகுறித்த  முடிவை பொதுக்குழுதான் எடுக்கும். பொதுக்குழு, செயற்குழு தொடர்பாக நாளை நடைபெறும் அதிமுக ஆலோசனைக் கூட்டத்தில் ஒருங்கிணைப்பாளர், இணை ஒருங்கிணைப்பாளர்களுக்கு தேவைப்பட்டால் அழைப்பு விடுக்கப்படும். பொதுக்குழுவில் நிறைவேற்றப்பட உள்ள தீர்மானம் நாளை இறுதி வடிவம் பெறும்" என்றார்.  தொடர்புடைய செய்தி: 'அதிமுக உட்கட்சி விவகாரங்களில் பாஜக தலையிட்டது இல்லை' - அண்ணாமலை 
http://dlvr.it/SSMqQc

Read More

என்னது நெல்சன் யூனிவெர்ஸா? ரஜினியின் ஜெயிலர் பற்றி தெறிக்கும் ட்விட்டர் கருத்துகள்!

நெல்சன் திலீப்குமார் இயக்கத்தில் சன் பிக்சர்ஸ் தயாரிப்பில் உருவாக இருக்கிறது ரஜினிகாந்தின் 169-வது படமான 'ஜெயிலர்'. படத்தின் டைட்டில் அறிவிக்கப்பட்ட சில நிமிடங்களிலேயே தேசிய அளவில் #Jailer என்ற ஹேஷ்டேக் ட்விட்டர் ட்ரெண்டிங்கில் முதலிடத்தில் இருக்கிறது. இப்படி இருக்கையில் ரத்தம் சொட்ட சொட்ட இருக்கும் கசாப்புக் கடைக்காரர் பயன்படுத்தும் கத்தியை தொங்க விட்டிருக்கும் ரஜினியின் ஜெயிலர் பட டைட்டில் போஸ்டரை வைத்து ரசிகர்கள் பலரும் தங்களது எதிர்ப்பார்ப்புகளையும் என்ன மாதிரியான கதைக்களமாக இருக்கும் என அனுமானித்து பதிவிட்டு வருகிறார்கள். அதன்படி பீஸ்ட் படத்தில் ரா ஏஜென்டாக வீரராகவன் கேரக்டரில் நடித்த விஜய் பயன்படுத்திய கசாப்புக்கடை கத்தியுடன் ஒப்பிட்டு பீஸ்ட்டின் சீக்வலாக ஜெயிலர் இருக்குமா என்று பதிவிட்டு வருகிறார்கள். இதுபோக, விக்ரம் படத்தை தொடர்ந்து லோகேஷ் கனகராஜை வைத்து லோகி சினிமாடிக் யூனிவெர்ஸ் இருப்பதுபோல பீஸ்ட், ஜெயிலரை வைத்து நெல்சன் யூனிவெர்ஸ் உருவாகப் போகிறதா எனவும் ட்வீட்கள் பறக்கின்றன. மேலும், ஜெயிலர் படத்தில் சிறையில் இருக்கும் வில்லன் கும்பல் அதாவது சிவராஜ்குமார் உள்ளிட்டோர் செய்யும் அடாவடிகளை அடக்கும், தடுக்கும் ஜெயிலராக ரஜினி அவருக்கே உரிய துடிப்பான துள்ளலான நடிப்பை வெளிப்படுத்துவார் என தங்களது கருத்துகளை தெரிவித்துள்ளனர். இதுமட்டுமல்லாது, நீங்க எல்லாரும் நினைப்பது போல ரஜினி ஜெயிலரா இருக்க மாட்டாரு. ஆனா கசாப்பு கடைல கறி வெட்டும் ஆளாக ரஜினிய நெல்சன் தன்னோட டார்க் காமெடி ரகத்தில் நடிக்க வெக்கப் போறாருனும் ட்வீட் போட்ருக்காங்க. ரஜினி, பிரபு நடிப்பில் 1988ல் வெளியான குரு சிஷ்யன் படத்தோடும் ஒப்பிட்டு ஜெயிலர் படம் தொடர்பாக பதிவிட்டும் வருகிறார்கள். படத்தின் வேலைகள் தொடங்கியதாக அதிகாரப்பூர்வமாக அறிவிப்பதற்கு முனே இப்படியாக கலவையான விமர்சனங்கள் கருத்துகளை தெரிவிப்பது படத்தின் மீதான ரசிகர்களின் எதிர்ப்பார்ப்பை அறிய முடிகிறது. ALSO READ:  விட்டதை பிடிக்க துடிக்கும் நெல்சன்? ரஜினி 169 தகவலால் எகிறும் ரசிகர்களின் எதிர்ப்பார்ப்பு
http://dlvr.it/SSMqPY

Read More

தமிழ்நாடு அரசின் அழுத்தத்தால் காவிரி மேலாண்மை ஆணையக் கூட்டம் தள்ளிவைப்பா?! - பின்னணி என்ன?

காவிரியின் குறுக்கே மேக்கேதாட்டூவில் அணை கட்டுவதற்கான ஏற்பாடுகளை கர்நாடக மாநிலத்தை ஆளும் பா.ஜ.க அரசு அதி தீவிரப்படுத்தி வருகிறது. அதன்படி, அணை தொடர்பாக முதற்கட்ட பணிகளைத் தொடங்க, பட்ஜெட்டில் ரூ.1,000 கோடி நிதி ஒதுக்கியது ஆளும் பா.ஜ.க அரசு. இதற்கு எதிர்வினையாற்றும் விதமாக மேக்கேதாட்டூ அணைக்கு எதிர்ப்பு தெரிவித்தும், அணை விவகாரத்தில் மத்திய அரசு எந்த விதமான அனுமதியும் தரக் கூடாது என்று வலியுறுத்தியும் சட்டமன்றத்தில் கடந்த மார்ச் மாதம் ஒருமனதாகத் தீர்மானம் நிறைவேற்றப்பட்டது. கர்நாடகா சட்டமன்றம் அதேபோல, கர்நாடகாவில் எதிர்க்கட்சியாக இருக்கும் காங்கிரஸும் மேக்கேதாட்டூவில் அணை கட்ட நடவடிக்கை எடுக்கப்படும் என்று பிரசாரம் செய்து வருகிறது. அதேபோல, மாநில உரிமை பேசும் அமைப்புகளும் மேக்கேதாட்டூவில் அணைக் கட்டியே ஆகவேண்டும் என்று கூறிவருகிறது. இந்நிலையில், காவிரி நீர் மேலாண்மை ஆணையத்தின் கூட்டம், டெல்லியில் வரும் 17-ம் தேதி நடைபெற இருப்பதாக அறிவிக்கப்பட்டது. இந்தக் கூட்டத்தில் மேக்கேதாட்டூ அணைக்கான விரிவான திட்ட அறிக்கைக்கு ஒப்புதல் அளிப்பது குறித்து விவாதிக்கப்படும் என்று ஆணையத் தலைவர் எஸ்.கே.ஹல்தர் கூறியிருந்தார். மேலும், கர்நாடக அரசு மேக்கேதாட்டூ அணையின் திட்ட வரைவு அறிக்கை குறித்து எழுத்துப்பூர்வமாக வாதங்களை முன்வைக்க இருப்பதாகவும் தகவல் வெளியாகியது.எஸ்.கே.ஹல்தர் ஆணையத் தலைவரின் இந்த கருத்து, காவிரி நடுவர் மன்றம் அளித்த இறுதித் தீர்ப்புக்கும், உச்ச நீதிமன்றம் அளித்த தீர்ப்புக்கும் எதிராக இருப்பதாக, தமிழ்நாட்டைச் சேர்ந்த பல்வேறு சமூக ஆர்வலர்கள் குற்றச்சாட்டு எழுப்பினர். எனவே, "மேக்கேதாட்டூ அணை தொடர்பான வழக்கு உச்ச நீதிமன்றத்தில் நிலுவையில் இருக்கும்போது அதுகுறித்து ஆணைய கூட்டத்தில் விவாதிப்பது விதிமுறை மீறலாகும். ஆணையத்தின் இந்த முடிவு காவிரி நதிநீர் பங்கீட்டு வழக்கின் இறுதித் தீர்ப்புக்கு எதிரானது. மேக்கேதாட்டூ குறித்து கூட்டத்தில் விவாதிப்பது காவிரி மேலாண்மை ஆணையம் தனது வரம்பை மீறிய நடவடிக்கையாக அமையும். மேக்கேதாட்டூ குறித்து ஆணையக் கூட்டத்தில் விவாதிக்கக் கூடாது" என உச்ச நீதிமன்றத்தில் தமிழ்நாடு அரசு மனு ஒன்றைத் தாக்கல் செய்தது.ஸ்டாலின் துரைமுருகன் இதுகுறித்து நீர்வளத் துறை அமைச்சர் துரைமுருகன், ``காவிரி மேலாண்மை ஆணையத்தின் 16-வது கூட்டத்தில் மேக்கேதாட்டூ குறித்து விவாதிப்பதற்குத் தமிழ்நாடு அரசின் பிரதிநிதி எதிர்ப்பு தெரிவிப்பார். ஆணையத்தின் வரம்பு மீறிய செயல் நீதிமன்றத்திலும் ஆணையக் கூட்டத்திலும் சுட்டிக் காட்டப்படும்" என்று கருத்துத் தெரிவித்தார். இதற்கிடையே, "வழக்கு நிலுவையில் உள்ளதால், ஆணையக் கூட்டத்தில் மேக்கேதாட்டூ விவகாரம் குறித்து பேசக்கூடாது என்று மத்திய ஜல்சக்தி அமைச்சகத்துக்கு உரிய அறிவுரைகளை வழங்க வேண்டும்" என்று முதல்வர் ஸ்டாலின் பிரதமர் மோடிக்குக் கடிதம் எழுத்திருந்தார். இதற்கு எதிர்ப்பு தெரிவித்த கர்நாடக முதல்வர் பசவராஜ் பொம்மை பெங்களூருவில் செய்தியாளர்களிடம் கூறுகையில், "காவிரி மேலாண்மை ஆணையம் இதுவரை 15 கூட்டங்களை நட‌த்தியுள்ளது. அப்போதெல்லாம் தமிழ்நாடு அரசு மேகேதாட்டூ திட்டத்துக்கு எதிராகப் பேசவில்லை. தற்போது அரசியல் உள்நோக்கத்துடன் மேகேதாட்டூ திட்டம் குறித்து விவாதிக்கக்கூடாது என எதிர்க்கிறது. தமிழ்நாடு அரசு காவிரியை வைத்து அரசியல் செய்கிறது. கர்நாடக முதல்வர் பசவராஜ் பொம்மை ஆணையக் கூட்டத்தில் விவாதிக்கும் விஷயங்கள் குறித்து ஆணையம்தான் முடிவெடுக்கும். எனவே, இதில் தமிழ்நாடு அரசு தலையிட முடியாது. ஆணையத்தின் சுதந்திரத்தில் தலையிட்டுக் குழப்பத்தை ஏற்படுத்த முயற்சிக்கிறார்கள். இந்த விவகாரத்தில் ஆணையம் தனது அதிகாரத்தை மீறி செயல்படவில்லை" என்று கூறினார். இதற்கு அ.தி.மு.க ஒருங்கிணைப்பாளர் ஓ.பன்னீர்செல்வம் உள்ளிட்ட பல்வேறு அரசியல் கட்சித் தலைவர்கள் எதிர்ப்பு தெரிவித்தனர். இந்நிலையில், இன்று நடைபெறுவதாக இருந்த காவிரி மேலாண்மை ஆணையத்தின் 16-வது கூட்டம் வரும் ஜூன் 23-ம் தேதிக்கு ஒத்திவைக்கப்படுவதாக அறிவிக்கப்பட்டுள்ளது. இதுதொடர்பாக தமிழக நீர்வளத்துறை அதிகாரிகளிடம் கேட்டபோது, "கர்நாடக முதல்வர் பசவராஜ் பொம்மையின் கருத்து தமிழ்நாடு அரசின் செயல்பாட்டை எதிர்ப்பதோடு மட்டுமல்லாது காவிரி மேலாண்மை ஆணையத்துக்கு வக்காலத்து வாங்குவது போன்றே உள்ளது. தமிழ்நாடு அரசு ஆனால், அணை விவகாரம் தொடர்பாக வழக்கு நிலுவையில் உள்ளபோது, ஆணையக் கூட்டத்தில், அதுகுறித்து பேசுவது, நியாயமே இல்லை. இதனைதான் முதல்வரும், நீர்வளத்துறை அமைச்சரும் மத்திய அரசுக்குத் தெரியப்படுத்தினர். இதுகுறித்து முடிவு எடுக்க மத்திய அரசு அவகாசம் வேண்டும். எனவேதான், ஆணையக் கூட்டம் தள்ளிவைக்கப்பட்டுள்ளது. ஒருவேளை 23-ம் தேதி நடைபெறும் கூட்டத்தில் மேக்கேதாட்டூ குறித்து ஆலோசிக்கப்படும் என்று மீண்டும் அறிவிக்கப்பட்டால், தமிழ்நாடு அரசு கடுமையாக எதிர்க்கும்" என்றனர்.
http://dlvr.it/SSLmQN

Read More

60 ஆண்டுகளுக்கு முன்பு அமெரிக்காவிற்கு கடத்தப்பட்ட 2 சிலைகள் மீட்பு

60 ஆண்டுகளுக்கு முன்பு அமெரிக்காவிற்கு கடத்தப்பட்ட இரு பழைமை வாய்ந்த சிலைகள் கண்டுபிடிக்கப்பட்டுள்ளது. சிலைகள் கடத்தலை தடுக்க என்ன செய்கிறது சிலை கடத்தல் தடுப்பு பிரிவு? அது குறித்து தொகுப்பில் பார்க்கலாம். கும்பகோணம் அருகே உள்ள சிவபுரம் கிராமத்தைச் சேர்ந்த நாராயணசாமி என்பவர் தமிழக சிலை கடத்தல் தடுப்பு பிரிவு போலீசாரிடம் புகார் ஒன்றை அளித்துள்ளார். அந்த புகாரில், கும்பகோணத்தில் உள்ள சிவகுருநாதன் சுவாமி கோவிலில் இருந்த சோமாஸ்கந்தர் மற்றும் தனி அம்மன் சிலைகள் திருடப்பட்டு, போலியான சிலைகள் மாற்றி வைக்கப்பட்டுள்ளது. பழமை வாய்ந்த சிலைகளை கண்டுபிடித்து தரக்கோரி அந்தப் புகாரில் தெரிவித்துள்ளார். இதையடுத்து தமிழக சிலைகடத்தல் தடுப்பு பிரிவு போலீசார் வழக்குப்பதிவு செய்து பாண்டிச்சேரியில் உள்ள தொல்பொருள் ஆராய்ச்சி நிறுவனத்தில் வைக்கப்பட்டுள்ள காணாமல் போனதாகக் கூறப்பட்ட சிலைகளின் பழைய புகைப்படத்தை பெற்று தற்போதுள்ள சிலைகளின் புகைப்படத்துடன் ஒப்பிட்டபோது போலியான சிலைகள் என்பது தெரியவந்தது. பழமையான சோமாஸ்கந்தர் மற்றும் அம்மன் சிலைகள் கோவில் ஊழியர்களுடன் இணைந்து கடத்தப்பட்டிருப்பதாக சிலைகடத்தல் தடுப்புப்பிரிவு போலீசார் சந்தேகித்தனர். திருடப்பட்ட சோமாஸ்கந்தர் மற்றும் அம்மன் சிலைகளின் பழமையான புகைப்படங்களை வைத்து பல அருங்காட்சிய இணையதளங்களில் சிலை கடத்தல் தடுப்புப்பிரிவு போலீசார் தேடினர். அப்போது சோமாஸ்கந்தர் சிலை அமெரிக்கா கலிபோர்னியாவில் உள்ள நார்டன் சைமன் மியூசியத்தில் இருப்பதும், அம்மன் சிலை அமெரிக்காவின் டென்வர் மியூசியத்தில் இருப்பதும் கண்டுபிடிக்கப்பட்டது. மேலும் 60 ஆண்டுகளுக்கு முன்பு இரு சிலைகளும் அமெரிக்காவிற்கு கடத்தப்பட்டு இருப்பதும் விசாரணையில் தெரியவந்துள்ளது. இந்நிலையில் தற்போது அமெரிக்காவில் உள்ள இரு சிலைகளையும் மீட்கும் பணியில் தமிழக சிலை கடத்தல் தடுப்புப்பிரிவு போலீசார் ஈடுபட்டு வருகின்றனர். ஏற்கனவே அமெரிக்காவிலிருந்த 10 சிலைகள் தமிழக சிலை கடத்தல் தடுப்புப்பிரிவு போலீசாரால் மீட்கப்பட்டு தமிழகத்திற்கு கொண்டு வரப்பட்டுள்ளது. மேலும் தமிழக சிலை கடத்தல் தடுப்புப்பிரிவு காவல்துறையினர் சமீபகாலங்களாக தீவிர நடவடிக்கை தொடர்ந்து வருகின்றனர். சிலை கடத்தலில் ஈடுபடக்கூடிய நபர்கள் மீது கடுமையான நடவடிக்கை எடுக்கப்ப்டும் என்று எச்சரிக்கை விடுக்கப்பட்டுள்ளது. ஏனென்றால் தமிழகத்தினுடைய சொத்து, சிலைகள்; அதை பாதுகாப்பதற்கான நடவடிக்கை எடுக்கப்பட வேண்டும் என்பது அனைவரது எதிர்பார்ப்பு. செய்தியாளர் - சுப்பிரமணியன்
http://dlvr.it/SSK1y7

Read More

``நான்தான் அம்மாவைக் கொன்றேன்; மரண தண்டனை ஏற்கத் தயார்!" - 16 வயது சிறுவன் பேச்சால் அதிர்ந்த நீதிபதி

உத்தரப்பிரதேச மாநிலம், லக்னோவைச் சேர்ந்த 16 வயது சிறுவன் ஒருவன் மொபைல் வீடியோ கேம் விளையாடி வந்திருக்கிறார். மொபைல் கேம் மோகத்துக்கு அடிமையான அந்த சிறுவனை கடந்த ஜூன் 4-ம் தேதி அவருடைய தாய் அடிக்கடி போனில் கேம் விளையாடக் கூடாது எனக் கண்டித்ததாகக் கூறப்படுகிறது. இதனால் கோபமடைந்த சிறுவன் தன் தந்தையின் உரிமம் பெற்ற துப்பாக்கியால் தாயைச் சுட்டுக் கொலைசெய்திருக்கிறார். ஆரம்பத்தில் பொய் சொன்ன சிறுவன் அதன் பிறகு காவல்துறை விசாரணையில் குற்றத்தை ஒப்புக்கொண்டார். துப்பாக்கிச் சூடு அதைத் தொடர்ந்து, காவல்துறை எஃப்.ஐ.ஆர் பதிவு செய்து, குற்றம்சாட்டப்பட்ட சிறுவனுக்கு எதிராகக் கொலைப் பிரிவு (302)-ல் வழக்கு பதிவு செய்து சிறார் கூர்நோக்குப் பள்ளிக்கு அவனை அனுப்பிவைத்தது. இந்த நிலையில், அந்த சிறுவன் குறித்து வெளியான தகவல்கள் அதிர்ச்சியளிக்கும் விதமாக உள்ளன. குற்றம்சாட்டப்பட்ட சிறுவன் நீதிபதியிடம் அழைத்துச் செல்லப்பட்ட போது, ``நான்தான் என் தாயைத் துப்பாக்கியால் சுட்டுக் கொன்றேன். அதற்கு அதிகபட்சமாக மரண தண்டனையை எதிர்கொள்ளத் தயாராக இருக்கிறேன்" எனத் தனது செயலுக்கு எந்த வருத்தமும் இல்லாமல் கூறியதாக போலீஸார் தெரிவிக்கிறார்கள். இதனால் அதிர்ச்சியடைந்த நீதிபதி அவனை சிறார் சிறையில் அடைக்க உத்தரவிட்டிருக்கிறார். ஆனால் சிறுவன், சிறார் சிறையில் உள்ள சிறார்களிடம் தனது கதையை விவரிப்பதாகவும், தன் தாயைக் கொன்றதை பற்றி கவலையே கொள்ளவில்லை என்றும் சிறார் காப்பகத்தின் பணியாளர் ஒருவர் தனியார் செய்தி நிறுவனத்துக்குப் பேட்டியளித்துள்ளார். இந்த நிலையில், சிறுவனின் சகோதரி "கொலையைச் சிறுவன் செய்யவில்லை. தனது தாயின் மீது கொண்ட வெறுப்பைச் சாதகமாகப் பயன்படுத்தி கொலையைத் தான் செய்ததாக ஒப்புக்கொள்கிறான்.காவல்துறை ஆனால் உண்மையில் கொலையை வேறு யாரோ செய்துள்ளனர். ஏனென்றால், கொலை நடந்த அன்று அவன் என்னை அவசரமாக ஒரு அறைக்குள் பூட்டிவிட்டு அதிகாலை 2 மணியளவில் ஒருவரைச் சந்திக்க வெளியே சென்றான். ஆனால், இந்த விவரங்களை காவல்துறை ஊடகவியலாளர்களிடம் பகிர்ந்து கொள்ளவில்லை. எனவே, இதுவரை காவல்துறை விசாரணையில் திருப்தி இல்லை" எனக் குற்றம்சுமத்தியிருக்கிறார். பஞ்சாப் பாடகர் சித்து மூஸ் வாலா கொலை வழக்கு: குஜராத்தில் நள்ளிரவில் கைதுசெய்யப்பட்ட முக்கிய நபர்?!
http://dlvr.it/SSK1xY

Read More

‘தளபதி 66’ படப்பிடிப்பு தளத்தை மாற்றிய படக்குழு - காரணம் இதுதான்

நடிகர் விஜய் உள்பட முன்னணி நடிகர்களின் நடிப்பில் உருவாகி வரும், ‘தளபதி 66’ படப்பிடிப்பு தற்காலிகமாக நிறுத்தப்பட்டுள்ளது. மேலும் படப்பிடிப்பு தளத்தை படக்குழு மாற்றியுள்ளதாக தகவல்கள் வெளியாகியுள்ளன. தெலுங்கு இயக்குநரான வம்சி பைடிபள்ளி இயக்கத்தில், தமிழ் மற்றும் தெலுங்கு ஆகிய இருமொழிகளில் உருவாகும் புதியப் படத்தில் நடிகர் விஜய் நடித்து வருகிறார். ‘தளபதி 66’ என தற்காலிகமாக பெயரிடப்பட்டுள்ள இந்தப் படத்தை தயாரிப்பாளர் தில் ராஜு மற்றும் ஷிரிஷின் ஸ்ரீவெங்கடேஸ்வரா கிரியேஷன்ஸ் இணைந்து பிரம்மாண்டமாக தயாரித்து வருகிறது. இதன் முதல்கட்ட படப்பிடிப்பு ஹைதராபாத்தில் நடந்தநிலையில், சென்னை ஈசிஆர் சாலையில் உள்ள குடியிருப்பு பகுதி ஒன்றில் செட் அமைக்கப்பட்டு சில நாட்களாக படப்பிடிப்பு நடைபெற்று வந்தது. இந்நிலையில், படப்பிடிப்பை படக்குழு திடீரென நிறுத்தி வைத்துள்ளது. கடந்த சில நாட்களாக ‘தளபதி 66’ படப்பிடிப்பு தளத்திலிருந்து, நடிகர் விஜய், ராஷ்மிகா மந்தனா, குஷ்பூ ஆகியோரின் காட்சிகள் மற்றும் கதாபாத்திர தோற்றங்கள் குறித்த புகைப்படங்கள், வீடியோக்கள் சமூகவலைத்தளங்களில் அடுத்தடுத்து வெளியாகி படக்குழு மற்றும் ரசிகர்களை அதிர்ச்சிக்குள்ளாக்கியது. ‘தளபதி 66’ படப்பிடிப்பை வேடிக்கைப் பார்த்த மக்களில் சிலர், தங்களது செல்ஃபோன்களில் படம் பிடித்து வெளியிட்டதே இதற்கு காரணமாக கூறப்பட்டது. இதையடுத்து இவ்வாறு கசியும் புகைப்படங்களை தடை செய்ய வேண்டும் என்று விஜய் ரசிகர்கள் கோரிக்கை விடுத்துவந்தநிலையில், தற்போது படப்பிடிப்பை நிறுத்திவிட்டு வேறொரு தனி இடத்தில் படப்பிடிப்பை நடத்த படக்குழு திட்டமிட்டுள்ளது. இதனைத் தொடர்ந்து புதிய இடத்தில் மீண்டும் செட் அமைக்கப்பட்டு வருகிறது. ஒரு சில தினங்களில் இந்தப் பணிகள் நிறைவடைந்ததும், மீண்டும் படப்பிடிப்பு நடத்தப்பட உள்ளது. இந்த விவகாரங்களால் படக்குழுவிற்கு பணிச் சுமை இரண்டு மடங்காக அதிகரித்துள்ளது. புதிய இடத்தில் பாதுகாப்பை பலப்படுத்தவும் படக்குழு ஈடுபட்டுள்ளது. குடும்பப் படமாக உருவாகி வரும் இந்தப் படத்தில், தெலுங்கு சூப்பர் ஸ்டாரான மகேஷ் பாபு கதாபாத்திரங்களை அறிமுகம் செய்யும் வகையில் சிறப்புத் தோற்றத்தில் நடிக்கவுள்ளதாகவும் கூறப்படுகிறது. தமன் இசையமைக்கும் இந்தப் படத்தில் பிரகாஷ் ராஜ், பிரபு, சரத்குமார், ஜெயசுதா, ஸ்ரீகாந்த், ஷாம், யோகி பாபு, சங்கீதா, சம்யுக்தா உள்ளிட்ட பெரிய நட்சத்திர பட்டாளமே நடித்து வருகிறது. அடுத்தாண்டு ஜனவரி மாதம் பொங்கல் பண்டிகையொட்டி படத்தை வெளியிட படக்குழு திட்டமிட்டு வருகிறது.
http://dlvr.it/SSHyXz

Read More

ராகுல் விசாரணையைக் கண்டித்து போராட்டம்; கைதுசெய்யப்பட்ட ஜோதிமணி - சசிதரூர் கண்டனம்!

நேஷனல் ஹெரால்டு வழக்கில் காங்கிரஸ் எம்.பி ராகுல் காந்தி, தொடர்ந்து மூன்று நாள்கள் டெல்லி அமலாக்கத்துறை அலுவலகத்தில் விசாரணைக்கு நேரில் ஆஜரானார். ராகுல் காந்திக்கு எதிரான அமலாக்கத்துறையின் இந்த விசாரணையை எதிர்த்து அந்தக் கட்சியினர் டெல்லி உள்ளிட்ட பல இடங்களில் போராட்டம் நடத்தினர். போராட்டத்தைக் கட்டுப்படுத்தும் விதமாக, போலீஸாரும் போராட்டக்காரர்களைக் கைதுசெய்தனர். நேற்றைய தினம் மூன்றாவது நாளாக ராகுல் காந்தி விசாரணைக்கு ஆஜரானார். அப்போது நடைபெற்ற போராட்டத்தில் காங்கிரஸ் எம்.பி ஜோதிமணியை டெல்லி போலீஸார் கைதுசெய்தனர்.ஜோதிமணி இது தொடர்பாக ஜோதிமணி எம்.பி வீடியோ ஒன்றை வெளியிட்டிருந்தார். அந்த வீடியோவில், ``டெல்லி காவல்துறையினர் என்னை கிரிமினல் போல கைதுசெய்திருக்கின்றனர். மேலும், எனது ஆடையை கிழித்திருக்கின்றனர். ஒரு மணி நேரமாக தண்ணீர் கேட்டும் எங்களுக்கு தண்ணீர் கூட தரவில்லை. ஒரு பெண் நாடாளுமன்ற உறுப்பினருக்கு இதுபோன்ற அவல நிலை ஏற்பட்டிருக்கிறது. இது மாதிரியான கொடுமை யாருக்கும் நடக்கக்கூடாது. இது தொடர்பாக நடவடிக்கை எடுக்கப்பட வேண்டும்'' எனப் பேசியிருக்கிறார். This is outrageous in any democracy. To deal with a woman protestor like this violates every Indian standard of decency, but to do it to a LokSabha MP is a new low. I condemn the conduct of the ⁦@DelhiPolice⁩ & demand accountability. Speaker ⁦@ombirlakota⁩ please act! pic.twitter.com/qp7zyipn85— Shashi Tharoor (@ShashiTharoor) June 15, 2022 இந்த வீடியோவை சசி தரூர் தனது ட்விட்டர் பக்கத்தில் பகிர்ந்து, ``ஜனநாயகத்தில் இது மாதிரியான செயல்கள் வெறுக்கத்தக்கது. ஒரு பெண் லோக் சபா எம்.பி-யை இப்படி நடத்தியதற்கு டெல்லி போலீஸை கண்டிக்கிறேன். இது குறித்து மக்களவை சபாநாயகர் ஓம்பிர்லா உடனடியாக நடவடிக்கை எடுக்கவேண்டும்'' எனப் பதிவிட்டிருக்கிறார்.சசி தரூர் இந்த வீடியோவை காங்கிரஸ் கட்சியினர் சமூக வலைதளங்களில் பகிர்ந்து தங்களது கண்டனங்களைத் தெரிவித்து வருகின்றனர். மேலும் டெல்லியில் காங்கிரஸ் எம்.பி-க்கள் தாக்கப்பட்டது தொடர்பாக மக்களவை சபாநாயகரைச் சந்தித்து காங்கிரஸ் எம்பி-க்கள் இன்று புகார் மனு அளித்திருக்கின்றனர்.``பாஜக ஆளும்போது எதிர்க்கட்சியாக இருப்பதே அசாதாரணமாக இருக்கிறது!" - ஜோதிமணி எம்.பி
http://dlvr.it/SSHyWs

Read More

``குற்றம்சாட்டப்பட்டவர்கள் சரணடையவில்லையென்றால் வீடுகள் ஏலம்விடப்படும்" - உ.பி காவல்துறை எச்சரிக்கை

நபிகள் நாயகம் குறித்து பா.ஜ.க முன்னாள் செய்தித் தொடர்பாளர் தெரிவித்த கருத்தால் கடந்த 10-ம் தேதி உத்தரப்பிரதேச மாநிலம் பிரயாக்ராஜில் வன்முறை வெடித்தது. இந்த வன்முறைச் சம்பவங்களில் ஈடுபட்ட 92 பேர் கைதுசெய்யப்பட்டுள்ளனர். மேலும், அவர்கள் மீது 29 கடுமையான சட்டப் பிரிவுகளின் கீழ் வழக்கு பதிவுசெய்யப்பட்டுள்ளது. ஆனால், எஃப்.ஐ.ஆரில் பதிவுசெய்யப்பட்ட 40 பேர் தலைமறைவாக இருப்பதாகக் கூறப்படுகிறது. இந்த நிலையில், பிரயாக்ராஜ் எஸ்.எஸ்.பி அஜய் குமார் செய்தியாளர்கள் சந்திப்பின்போது," குற்றம்சாட்டப்பட்டவர்கள் சரணடையவில்லையென்றால் வாரன்ட் பிறப்பிக்கப்படும். சம்பந்தப்பட்ட சட்டப் பிரிவுகளின் கீழ் அவர்களது வீடுகள் ஏலம்விடப்படும். குற்றம்சாட்டப்பட்டவர்கள் கற்களை வீசுவதைக் காட்டும் சுவரொட்டிகள் ஒட்டப்பட்டுள்ளன. இது அவர்களை அடையாளம் காண உதவும். அவர்கள் ஓர் அமைதியான போராட்டத்தை நடத்தி எங்களிடம் புகார் கொடுத்திருக்கலாம். ஆனால், வன்முறையில் ஈடுபட்டுள்ளனர்.வன்முறை குற்றம்சாட்டப்பட்டவர்களிடமிருந்து கோடிக்கணக்கான இழப்பீடு வசூலிக்கப்படும். வரும் வெள்ளிக்கிழமைக்கு மாநில நிர்வாகம் தயாராகிவருகிறது. கடந்த முறை பயன்படுத்தப்பட்ட காவல்துறையைவிட 10 மடங்கு அதிகரிக்கப்பட்டிருக்கிறது. மதரஸாக்கள் மற்றும் பள்ளிவாசல்களின் தலைவர்களுடனும் பேச்சுவார்த்தை நடத்திவருகிறோம்" எனத் தெரிவித்திருக்கிறார்.``யோகி ஆதித்யநாத் தலைமை நீதிபதியாகிவிட்டார்; யாரையும் குற்றவாளியாக்குவார்!" - ஒவைசி
http://dlvr.it/SSHQy9

Read More

போதையில் தாக்கப் பாய்ந்த தந்தை; பயத்தில் ரப்பர் தோட்டத்தில் பதுங்கிய குழந்தை பாம்பு தீண்டி பலி!

கன்னியாகுமரி மாவட்டம், திருவட்டார் அருகே உள்ள குட்டைகாடு பாலவிளை பகுதியைச் சேர்ந்தவர் சுரேந்திரன்(37). இவர் மனைவி சிஜிமோள். இவர்களுக்கு சுஸ்வின் சிஜோ(12), சுஜிலின் ஜோ(9), சுஷ்விகா மோள்(4) ஆகிய மூன்று குழந்தைகள் உண்டு. கூலித் தொழிலாளியான சுரேந்திரன் தினமும் மது குடித்துவிட்டு வீட்டுக்கு வருவாராம். மதுபோதையில் சுரேந்திரன் தன் மனைவி சிஜிமோளிடம் அடிக்கடி தகராறில் ஈடுபட்டு வந்திருக்கிறார். இந்த நிலையில், சுரேந்திரன் நேற்று முன்தினம் இரவு அதிகமாக மது குடித்துவிட்டு வீட்டில் மனைவியிடம் தகராறில் ஈடுபட்டிருக்கிறார். மேலும் குழந்தைகளையும் தாக்க பாய்ந்ததாகக் கூறப்படுகிறது. இதனால் பயந்துபோன மூன்று குழந்தைகளும் வீட்டுக்கு அருகே உள்ள ரப்பர் தோட்டத்துக்குள் புகுந்து இருட்டில் பதுங்கியிருக்கின்றனர்.கைதான சுரேந்திரன் ரப்பர் தோட்டத்தில் பதுங்கிய 4 வயது குழந்தையான சுஷ்விகா மோளை விஷ பாம்பு ஒன்று கடித்திருக்கிறது. இதனால் குழந்தை அலறித் துடித்திருக்கிறாள். பின்னர் விஷம் பரவி குழந்தை பரிதாபமாக உயிரிழந்தாள். இது அந்தப் பகுதி மக்களிடையே சோகத்தை ஏற்படுத்தியது. இந்த நிலையில் சுஸ்வின் சிஜோ, சுஜிலின் ஜோ ஆகிய இரண்டு குழந்தைகளும் தங்கள் தந்தை தினமும் குடித்துவிட்டு வீட்டுக்கு வருவதாகவும், அதனால் தங்களுக்கு பயமாக இருப்பதாகவும் அழுதுகொண்டே கூறிய வீடியோவை சிலர் சமூக வலைதளங்களில் பகிர்ந்தனர்.போலீஸ் விசாரணை இதையடுத்து குழந்தை பாம்பு தீண்டி இறந்த சம்பவம் குறித்து திருவட்டார் போலீஸார் விசாரணை நடத்தினர். பின்னர் குழந்தைகளின் தாய் சிஜிமோள் புகாரின் பேரில் வழக்கு பதிவு செய்த போலீஸார், மது குடித்துவிட்டு தகராறு செய்த குழந்தைகளின் தந்தை சுரேந்திரனைக் கைதுசெய்தனர். தந்தையின் மதுப்பழக்கத்தால் பிஞ்சு குழந்தையின் உயிர் பறிபோன சம்பவம் குமரியில் சோகத்தை ஏற்படுத்தியிருக்கிறது. தூத்துக்குடி: மதுபோதையில் தண்டவாளத்தில் உறக்கம் - மோதிய சரக்கு ரயில்; உடல் நசுங்கி 2 பேர் பலி!
http://dlvr.it/SSF6LC

Read More

`மதக் கலவரங்கள் நடக்கவில்லை’ என்கிற ஜக்கி வாசுதேவின் பதிலும் நடந்தவையும்.... ஒரு பார்வை!

ஈஷா யோகா மைய நிறுவனர் ஜக்கி வாசுதேவ் சமீபத்தில் ஏ.என்.ஐ செய்தி நிறுவனத்துக்கு அளித்திருந்த பேட்டியில், அவரிடம் நாட்டில் அதிகரிக்கும் மதக் கலவரங்கள் குறித்து கேள்வி எழுப்பப்பட்டது. அப்போது பேசியவர், ``எனது கல்லூரி காலத்தில், ஒவ்வொர் ஆண்டும் ஏதாவது ஒரு பெரிய மதக் கலவரம் ஏற்படும். ஆனால், கடந்த 5 முதல் 10 ஆண்டுகளில் அதுபோன்ற எதையும் கேள்விப்படவில்லை. கடந்த 25 ஆண்டுகளில் மத மோதல்கள் படிப்படியாகக் குறைந்திருக்கின்றன. இருந்தபோதிலும், ஒருசில நிகழ்வுகள் நடந்திருப்பது துரதிஷ்டவசமானது.ஜக்கி வாசுதேவ் சில விவகாரங்கள் பல விதங்களாக மாறியிருக்கிறது. சிலவற்றை நாம் கூடுதலாகப் பெரிதுபடுத்துகிறோம் என்று நினைக்கிறேன். நாட்டில் எந்த கிராமங்களில் நீங்கள் நடந்து சென்றாலும் அதுபோன்ற வன்முறை எதுவும் இல்லை என்பது உங்களுக்குத் தெரியும். தொலைக்காட்சி விவாதங்களில் இந்த விவகாரங்கள் பெரிதுபடுத்தப்படுகின்றன" என்று பேசியிருந்தார். கடந்த சில தினங்களுக்கு முன்பு உத்தரப்பிரதேசத்தில் கலவரம் உச்சநிலையிலிருந்தது. இந்த சமயத்தில் இவர் இப்படிப் பேசியிருப்பது பெரும் சர்ச்சையை ஏற்படுத்தியுள்ளது. உண்மை நிலவரம் என்ன? கடந்த 2014-ம் ஆண்டு மத்தியில் பா.ஜ.க ஆட்சி பொறுப்பேற்றது முதல் மிகப்பெரிய அளவில் ஒரு மதக் கலவரம்கூட இந்தியாவில் நடைபெறவில்லை என்று மத்திய சிறுபான்மையினர் விவகாரத்துறை அமைச்சர் முக்தார் அப்பாஸ் நக்வி தெரிவித்திருக்கிறார். ஆனால், முன்பைவிட பா.ஜ.க ஆட்சிக்கு வந்தபிறகு, நாடு முழுவதும்... குறிப்பாக பா.ஜ.க ஆட்சி நடைபெறும் இடங்களில் வகுப்புவாத, இனவாத, வன்முறைகள் மற்றும் குற்றங்களின் எண்ணிக்கை பலமடங்கு அதிகரித்திருக்கிறது. கடந்த 2014-ம் ஆண்டு பிரதமர் மோடி ஆட்சிக்கு வந்த முதல் 11 வாரங்களிலேயே நாடு முழுவதும் 600-க்கும் மேற்பட்ட மதக் கலவரங்கள் நடைபெற்றுள்ளதாகச் சோனியா காந்தி குற்றம்சாட்டியிருந்தார்.சோனியா காந்தி 2014-ம் ஆண்டில் மட்டும் மொத்தம் 644 மதக் கலவரங்கள் நடைபெற்றன. இதில் அதிகபட்சமாக உத்தரப் பிரதேசம் - 133, மகாராஷ்டிரம் - 97, குஜராத் - 74, கர்நாடகம் - 73, ராஜஸ்தான் - 72, பீகார் - 61 மதக் கலவரங்கள் நடைபெற்றுள்ளதாகப் புள்ளிவிவரங்கள் கூறுகின்றன. 2015-ம் ஆண்டில் 650 மதக் கலவரங்கள் நடைபெற்றுள்ளதாக நாடாளுமன்றத்தில் தகவல் தெரிவிக்கப்பட்டது. இதில், உத்தரப் பிரதேசம் - 139, மகாராஷ்டிரம் - 97, மத்தியப் பிரதேசம் - 86, கர்நாடகம் - 79, பீகார் - 59 என்ற எண்ணிக்கையில் கலவரங்கள் நிகழ்ந்துள்ளன என்று நாடாளுமன்ற புள்ளிவிவரங்கள் கூறுகிறது. கடந்த ஏப்ரல் மாதம் ராஜஸ்தான் மாவட்டம் காரொளியில் இந்துக்கள் புத்தாண்டைக் கொண்டாடும் விதமாக இருசக்கர வாகனத்தில் ஊர்வலம் நடத்தினர். அப்போது, முஸ்லிம்கள் அதிகம் இருந்த பகுதிக்கு அந்த ஊர்வலம் சென்றது. அங்கு இரண்டு தரப்பினருக்கும் பிரச்னை ஏற்பட்டதில் இருவரும் தாக்கிக்கொண்டனர். இதில் அந்த பகுதியிலிருந்த பல்வேறு கடைகளுக்கும் தீ வைக்கப்பட்டது. 35-க்கும் அதிகமானோர் படுகாயமடைந்தனர். கலவரத்தைக் கட்டுப்படுத்த ஊரடங்கு அமல்படுத்தப்பட்டது.ராஜஸ்தான் கலவரம் கடந்த ஏப்ரல் மாதம் டெல்லியில் உள்ள ஜஹாங்கீர்புரி பகுதியில் அனுமன் ஜெயந்தி ஊர்வலத்தின் போது இரு பிரிவினரிடையே மோதல் ஏற்பட்டது. இந்த மோதல் கலவரமாக மாறியது. இதனைத் தொடர்ந்து அந்த பகுதியில் உள்ள கடைகள், வாகனங்கள் தீ வைத்துக் கொளுத்தப்பட்டன. கலவரக்காரர்கள் தாக்கியதில் காவலர்கள் பலர் படுகாயமடைந்தனர்.மத்தியப்பிரதேசம்: ராம நவமி ஊர்வலத்தில் கலவரம்! - 20 வீடுகள் எரிப்பு; ஊரடங்கு அமல் 2019-ம் ஆண்டு ஜூன் மாதம் 17-ம் தேதி அன்று ஜார்கண்டை சேர்ந்த தப்ரேஜ் அன்ஸாரி என்ற இஸ்லாமிய இளைஞரைப் பிடித்துவைத்து ஒரு கும்பல் திருடியதாக அவரை கம்பத்தில் கட்டி வைத்து அடிக்கிறது. பிறகு அவரை ஜெய் ஸ்ரீ ராம், ஜெய் ஸ்ரீ ஹனுமான் சொல்லச் சொல்லி அடிக்கிறார்கள். காவல்நிலையத்தில் ஒப்படைக்கப்பட்ட அவர் உயிரிழக்கின்றார். ஜார்கண்ட் மாநிலத்தில் 12 பேர் கும்பல் கொலை செய்யப்பட்டுள்ளதாக ஜார்கண்ட் பொதுமக்கள் உரிமை இயக்கத்தின் அறிக்கை தகவல் தெரிவிக்கின்றது.முதியவர் அப்துல் சதாம் கடந்த 2021-ம் ஆண்டு உத்தரப் பிரதேசத்தில் காசியாபாத் மாவட்டத்தைச் சேர்ந்தவர் இஸ்லாமிய முதியவர் அப்துல் சதாம் என்பவரை, ஒரு கும்பல் காட்டுப் பகுதிக்கு அழைத்துச் செல்கிறது. அங்கு அவரை ஜெய் ஸ்ரீ ராம் சொல்லச் சொல்லி அடித்துத் துன்புறுத்தும் வீடியோ வெளியானது. அந்த வீடியோவில், அவரின் தாடியை வெட்டியதோடு, அவரின் மீது கொலைவெறி தாக்குதல் நடத்தப்பட்டது.கான்பூரில் கலவரம் சமீபத்தில், பாஜக செய்தித் தொடர்பாளர் நுபுர் ஷர்மா தொலைக்காட்சி விவாதம் ஒன்றில் சர்ச்சைக்குரிய கருத்தைத் தெரிவித்திருந்தார். இதற்கு நாடு முழுவதும் கடும் எதிர்ப்பு கிளம்பியது. இதனையடுத்து உத்தரப்பிரதேச மாநிலம் கான்பூரில் ஒரு பிரிவினர் கடையடைப்பு போராட்டத்துக்கு அழைப்பு விடுத்திருந்தனர். அப்போது இரண்டு பிரிவினருக்கிடையே வன்முறை ஏற்பட்டது. இந்த வன்முறையில் காவலர்கள் உட்பட 40-க்கும் அதிகமானோர் படுகாயமடைந்தனர். அந்த பகுதியே போர்க்களம் போலக் காட்சியளித்தது. கடுமையான போராட்டத்துக்குப் பிறகு காவலர்கள் போராட்டத்தைக் கட்டுப்பாட்டுக்குள் கொண்டுவந்தனர். இது தவிர்த்து இன்னும் பல்வேறு மதம் சார்ந்த வன்முறைகள் இந்தியா முழுவதும் நடைபெற்றுள்ளது குறிப்பிடத்தக்கது.ஆந்திரா: அம்பேத்கர் பெயரைச் சூட்டியதால் வெடித்த கலவரம்; அமைச்சர், எம்.எல்.ஏ இல்லங்களுக்கு தீ வைப்பு
http://dlvr.it/SSDWlx

Read More

அறிமுகமாகியது 'அக்னிபாத்' திட்டம் - இனி 4 ஆண்டுகள் ராணுவத்தில் பணிபுரியலாம்!

இந்திய ராணுவத்தில் 4 ஆண்டுகள் பணிபுரிய வகை செய்யும் 'அக்னிபாத்' திட்டத்தை மத்திய அரசு அறிமுகம் செய்துள்ளது. இந்திய ராணுவத்தின் முப்படைகளிலும் குறுகிய கால மற்றும் நிரந்தர அடிப்படையில் வீரர்கள் தேர்வு செய்யப்படுகிறார்கள். குறுகிய கால அடிப்படையில் தேர்வு செய்யப்படும் வீரர்கள் 10 ஆண்டுகளும், நிரந்தர அடிப்படையில் தேர்வு செய்யப்படுவோர் ஓய்வு பெறும் வயது வரையிலும் பணிபுரிய முடியும். இதில் குறுகிய கால அடிப்படையில் தேர்வு செய்யப்பட்டவர்கள் விருப்பப்பட்டால் தனது பணிக்கால முடிவில் 4 ஆண்டுகள் பணி நீட்டிப்பு பெற்றுக் கொள்ளலாம். இதுவே இந்திய ராணுவத்தில் தற்போது வரை பின்பற்றப்படும் நடைமுறையாக இருந்தது. இந்நிலையில், ராணுவத்தில் அதிக அளவில் இளைஞர்களை சேர்க்கும் வகையிலும், வேலைவாய்ப்பை பெருக்கும் விதமாகவும் 'அக்னிபாத்' என்ற திட்டத்தை மத்திய அரசு அண்மையில் கொண்டு வந்தது. இந்த திட்டத்துக்கு பாதுகாப்பு விவகாரங்களுக்கான மத்திய அமைச்சரவை நேற்று ஒப்புதல் அளித்தது. இதையடுத்து, இந்த திட்டம் தற்போது செயல்பாட்டுக்கு வந்துள்ளது. இதுதொடர்பான சில முக்கிய அம்சங்களை இங்கு சுருக்கமாக பார்ப்போம். 1. அக்னிபாத் திட்டத்தின் கீழ் இந்திய ராணுவத்தின் முப்படைகளிலும் (ராணுவம், விமானப்படை, கடற்படை) இளைஞர்களும், இளம்பெண்களும் சேரலாம். 17.5 வயது முதல் 21 வயது வரை உள்ளவர்கள் இத்திட்டத்தில் சேர தகுதியானவர்கள் ஆவர். 2. ராணுவத்தில் சேருவதற்கு இப்போது நிர்ணயிக்கப்பட்டிருக்கும் உடற்தகுதிகளே அக்னிபாத் திட்டத்தில் சேருபவர்களுக்கும் பொருந்தும். 10 மற்றும் 12-ம் வகுப்புகளில் தேர்ச்சி பெற்றிருத்தல் அவசியம். 3. அக்னிபாத் திட்டத்தின் கீழ் தேர்வாகும் வீரர்களுக்கு முதலாம் ஆண்டில் வருடத்துக்கு ரூ.4.76 லட்சம் ஊதியமும், கடைசி, அதாவது 4-வது ஆண்டில் வருடத்துக்கு ரூ.6.92 லட்சம் சம்பளமும் வழங்கப்படும். பணி நிறைவின் போது ஒவ்வொரு வீரர்களுக்கும் தலா ரூ. 11.7 லட்சம் (சேவை நிதி) வழங்கப்படும். 4. மொத்தம் 45 ஆயிரம் பேர் இந்த திட்டத்தின் கீழ் ராணுவத்தில் சேர்க்கப்படவுள்ளனர். 4 ஆண்டு பணிக்காக இவர்களுக்கு 6 மாத பயிற்சி வழங்கப்படும். 5. பணிக்காலம் முடிவடைந்ததும் தேர்வு செய்யப்பட்டவர்களில் 25 சதவீதம் பேர் நிரந்தர ராணுவப் பணிக்கு சேர்த்துக் கொள்ளப்படுவர். அவர்களின் விருப்பம், பணித் திறன் மற்றும் பங்களிப்பு ஆகியவற்றை பொறுத்து இந்த நடவடிக்கை இருக்கும். மீதமுள்ள 75 சதவீதம் பேர் ராணுவத்தில் இருந்து வெளியேற்றப்படுவார்கள். 6. பணிக்காலத்தில் வீர மரணம் அடையும் அக்னிபாத் வீரர்களின் குடும்பத்தினருக்கு ரூ.1 கோடியும், அவர்கள் பணிபுரிந்திருக்க வேண்டிய காலத்துக்கான ஊதியமும் வழங்கப்படும். 7. பணியின் போது அக்னிபாத் வீரர்கள் உடல் ஊனமுற்றால் அவர்களுக்கு வட்டியுடன் கூடிய முழு சேவை நிதியும், அவர்கள் பணிபுரிந்திருக்க வேண்டிய காலத்துக்கான ஊதியமும் வழங்கப்படும். இதுதவிர, ஊனத்தின் தீவிரத்தை பொறுத்து அவருக்கு ரூ.46 லட்சம் வரை வழங்கப்படும். 8. இன்றில் இருந்து 90 நாட்களுக்கு பிறகு அக்னிபாத் திட்டத்தின் கீழ் வீரர்கள் தேர்வு செய்யப்படுவார்கள்.
http://dlvr.it/SSCzb3

Read More

’கவர்ச்சியாக நடிப்பதை தவிர்ப்பது ஏன்?’ - ரகசியம் உடைத்த சாய் பல்லவி!

கதாநாயகியாக மலையாள சினிமாவில் அறிமுகமாகி, கோலிவுட்டுக்கு வந்து அப்படியே டோலிவுட்டின் முன்னணி நாயகியாக உருவெடுத்திருக்கிறார் சாய் பல்லவி. நடனத்திறமையால் ரசிகர்களை பெருமளவில் கவர்ந்த நடிகை சாய்பல்லவி கவர்ச்சியான ஆடைகள் அணிந்து நடிப்பது தொடர்ந்து தவிர்த்து வருகிறார். அதற்கு காரணம் என்ன என அவரே அண்மையில் அளித்திருந்த பேட்டி ஒன்றில் சாய்பல்லவி கூறியிருக்கிறார். அதன் விவரம் பின்வருமாறு:- “என்னுடைய குடும்பம் பாரம்பரியமானது, எனக்கு தங்கை இருக்கிறார். அவரும் நானும் பேட்மிண்டன், டென்னிஸ் விளையாடும் போதெல்லாம் எங்களுக்கு விருப்பமான ஆடையையே உடுத்துவோம். ஆனால் சினிமாவுக்குள் வந்ததும் ஒரு சம்பவம் அப்படியான ஸ்கின்னி உடைகளை அணிய வேண்டாம் என முடிவெடுக்கச் செய்தது. என்னுடைய படிப்புக்காக ஜார்ஜியாவில் இருந்தபோது அங்கு டேங்கோ நடனம் ஆட கற்றுக்கொண்டேன். அப்போது அந்த நடனம் ஆடுவதற்கென ஸ்கின்னி ட்ரெஸ் அணிய வேண்டிய சூழல் ஏற்பட்டது. அப்போது என் பெற்றோரிடம் அனுமதி பெற்று அந்த நடனத்தை கற்றேன். அதில் மிகவும் வசதியாகவே உணர்ந்தேன். ஆனால் பிரேமம் படம் வெளியான பிறகு என்னுடைய டேங்கோ டான்ஸ் வீடியோ வைரலானது. அதற்கு நெட்டிசன்களால் கொடுக்கப்பட்ட கமெண்ட்ஸ் என்னை மிகவும் வேதனையடையச் செய்தது. அதனால்தான் திரைப்படங்களில் கவர்ச்சியான ஆடைகள் அணிவதில்லை என்ற முடிவை எடுத்தேன்” எனக் கூறியிருக்கிறார். சாய் பல்லவி ராணா டகுபதி இணைந்து நடித்திருக்கும் 'விரத பர்வம்' என்ற படம் வருகிற 17ம் தேதி தியேட்டர்களில் வெளியாக இருப்பது குறிப்பிடத்தக்கது. சமீபத்தில் விரத பர்வம் படத்தின் நிகழ்ச்சியின் போது சாய் பல்லவியுடன் போட்டோ எடுக்க ரசிகர்கள் குவிந்திருக்கிறார்கள். அப்போது நடிகர் ராணா சாய் பல்லவிக்கு பவுன்சராக இருந்து பாதுகாத்த வீடியோவும் சமூக வலைதளங்களில் வைரலானது.
http://dlvr.it/SSCzGC

Read More

கணவனையும், காதலியையும் அரை நிர்வாணமாக்கி தாக்கிய மனைவி - சத்தீஸ்கர் கிராமத்தில் பகீர்

மற்றொரு பெண்ணுடன் காதல் உறவில் இருந்த கணவனையும், அவரது காதலியையும் அரைநிர்வாணமாக்கி ஊர்வலமாக அழைத்துச் சென்ற மனைவியின் செயல் சத்தீஸ்கரின் கொண்டகேன் மாவட்டத்தில் உள்ள கிராமத்தில் அரங்கேறியிருக்கிறது. உரிபேண்டா காவல்நிலைய எல்லைக்குட்பட்ட பழங்குடி கிராமத்தை சேர்ந்த பெண் ஒருவர் ஃபர்சகான் பகுதியில் உள்ள badgai என்ற கிராமத்தில் உள்ள பெண்ணுக்கும் தனது கணவனுக்கும் இடையே திருமணத்தை மீறிய பந்தம் இருப்பதை அறிந்து கடந்த ஜூன் 11 அன்று அங்கு சென்று சோதனை இட்டிருக்கிறார். அப்போது அவர்கள் இருவரும் தனிமையில் இருப்பதை கண்டு அதிர்ச்சியும் ஆத்திரமுற்ற அந்த மனைவி அவர்களை கையும் களவுமாக பிடித்து கடுமையாக தாக்கியிருக்கிறார். இதைத் தொடர்ந்து அவர்களை அரைநிர்வாணமாக்கி தெருவெங்கும் ஊர்வலமாக அழைத்துச் சென்றிருக்கிறார். இதனை அக்கிராமத்தினர் வேடிக்கை பார்த்ததோடு சிலர் வீடியோ எடுத்து சமூக வலைதளத்திலும் பரப்பியிருக்கிறார்கள். அது தொடர்பான வீடியோ வைரலானதை அறிந்த கொண்டேகன் மாவட்ட எஸ்.பி., திவ்யாங் படேல் காவல்நிலைய குழுவை அனுப்பி வைத்து விசாரணை மேற்கொள்ள உத்தரவிட்டிருக்கிறார். அதன் பேரில் சம்பவம் நடந்ததை உறுதிசெய்த போலிஸார் கணவனையும், அவரது காதலியையும் தாக்கி ஊர்வலமாக அழைத்துச் சென்றதாக மனைவி உட்பட நால்வரையும் கைது செய்து அவர்கள் மீது 354, 354 B, 509 A,B வழக்குப்பதிந்திருக்கிறார்கள். இதனையடுத்து பேசியுள்ள அப்பழங்குடியின கிராம தலைவர் மங்குராம் மன்ஜி, நடந்த சம்பவத்தை கண்டிப்பதாகவும், அது தொடர்பாக கிராம அளவில் விசாரிக்கப்பட்டு அவர்கள் மீது நடவடிக்கையும் எடுக்கப்பட்டுவிட்டது. அவர்கள் செய்தது வெட்கக்கேடான சம்பவம் என கூறியிருக்கிறார்.
http://dlvr.it/SSCzFw

Read More

‘6 மாதங்களாக வெற்றி பெற்றிருந்தாலும் சிறப்பாக விளையாடவில்லை’ -கிராண்ட்மாஸ்டர் பிரக்ஞானந்தா

கடந்த 6 மாதங்களில் பல தொடர்களை வென்று இருந்தாலும் நான் சிறப்பாக விளையாடவில்லை, போட்டிகளில் மாற்றங்கள் மேற்கொள்வது குறித்த பயிற்சிகளை தற்போது பயிற்சியாளருடன் இணைந்து மாற்றங்களை மேற்கொண்டு வருகிறேன் என இளம் கிராண்ட்மாஸ்டர் பிரக்ஞானந்தா புதிய தலைமுறைக்கு பிரத்தியேகமாக அளித்த பேட்டியில் தெரிவித்துள்ளார். 44-வது செஸ் ஒலிம்பியாட் தொடரில் பங்கேற்கும் பி டீம் அணிக்கான பயிற்சி முகாம் சென்னையில் நடைபெற்று வருகிறது. இந்திய அணிக்காக தேர்வு செய்யப்பட்டுள்ள பிரக்ஞானந்தா புதிய தலைமுறைக்கு அளித்த பேட்டியில்: “ஒலிம்பியாட் தொடரில் தேர்வு செய்யப்பட்டுள்ளது மகிழ்ச்சியை அளிக்கிறது. ஒலிம்பியாட் போன்ற தொடர் இந்தியாவில் அதுவும் தமிழகத்தில் நடைபெறுவது கூடுதல் மகிழ்ச்சியை அளிக்கிறது. இந்தத் தொடரை இங்கு நடத்த உடனடியாக நடவடிக்கை மேற்கொண்ட அரசுக்கு நன்றி. ஒலிம்பியாட் போன்ற தொடர்களுக்கு முன்னால், இதுபோன்ற பயிற்சி முகாம் முக்கியம். அணியில் உள்ள வீரர்களை புரிந்துகொள்ளலாம். குழுவாக விளையாடினாலும், நம்முடைய போட்டிகளில் வெற்றி பெறுவது முக்கியம். எனவே கூடுதல் கவனம் செலுத்துகிறோம்” இவ்வாறு அவர் தெரிவித்தார். கடந்த 6 மாதங்களில் தொடர்ச்சியாக பல தொடர்களை வென்று வருவது குறித்த கேள்விக்கு பதில் அளித்த அவர், “பல தொடர்களை வென்று இருந்தாலும், என்னுடைய போட்டி சிறப்பாக இல்லை. தொடர்ச்சியாக ஒரு சில தவறுகளை மேற்கொண்டேன். எனவே அதனை மாற்றுவது குறித்து பயிற்சியாளருடன் இணைந்து மாற்றங்களை மேற்கொண்டு வருகிறேன்” இவ்வாறு அவர் கூறினார்.
http://dlvr.it/SS9dLF

Read More

தினமும் ரூ.40,000 வசூலிக்க கெடு: மொபைல் ஆப்பில் கடன் பெற்றவர்களை மிரட்டிய 5 பேர் கர்நாடகாவில் கைது!

மும்பையில் மொபைல் ஆப் மூலம் கடன் பெற்று பணத்தை சரியாக திரும்ப செலுத்தாதவர்களுக்கு மொபைல் போனில் தொடர்ந்து மிரட்டல் அழைப்புகள் வந்தன. போனில் மிரட்டியவர்கள் கடன் பெற்றவர்களின் மொபைல் போன் தொடர்பில் இருப்பவர்களின் நம்பர்களை திருடி, அவர்களுக்கும் மெசேஜ் அனுப்ப ஆரம்பித்தனர். அதோடு கடன் பெற்றவர்களின் புகைப்படங்களை மார்பிங் செய்து ஆபாசபடமாக சித்தரித்து அவர்களின் உறவினர்கள் மற்றும் நண்பர்களுக்கு அனுப்பி வைத்தனர். இதனால் கடந்த மாதம் மும்பையில் ஒருவர் தற்கொலை செய்து கொண்டார். எஸ்.பி.சஞ்சய்(நடுவில்) இது போன்ற புகார்கள் அதிகமாக வந்ததையடுத்து இது குறித்து விசாரிக்கும் படி மாநில உள்துறை அமைச்சர் திலிப் வல்சே பாட்டீல் சைபர் பிரிவு போலீஸாருக்கு உத்தரவிட்டார். இது குறித்து வழக்கு பதிவு செய்த சைபர் பிரிவு போலீஸார் விசாரணையை தீவிரப்படுத்தினர். தீவிர விசாரணைக்கு பிறகு துலே என்ற நகரை சேர்ந்த காய்கறி வியாபாரி ஒருவர் மூலம் இவ்வழக்கில் துப்பு கிடைத்தது. இது குறித்து சைபர் பிரிவு எஸ்.பி சஞ்சய் அளித்த பேட்டியில், ``துலேயை சேர்ந்த காய்கறி வியாபாரி ஒருவரின் போன் நம்பரை வாட்ஸ் ஆப் நம்பராக குற்றவாளி பயன்படுத்தி வருவது தெரிய வந்தது. காய்கறி வியாபாரியிடம் விசாரித்தபோது, அவரின் போன் நம்பர் அவரிடம்தான் இருந்தது. அவரின் போனுக்கு ஒரு ஒன்டைம் பாஸ்வேர்டு வந்தது. அதனை பயன்படுத்தி குற்றவாளி எங்கு இருக்கிறான் என்பதை கண்டுபிடித்தோம். கர்நாடகா மாநிலம் தார்வாடு என்ற இடத்தில் குற்றவாளிகள் இருப்பதை கண்டுபிடித்தோம். உடனே தனிப்படை போலீஸார் விரைந்து சென்று ரெய்டு நடத்தி அகமத் உசேன் என்பவரை கைது செய்தோம். அவர் மாதம் 12 ஆயிரம் சம்பளத்திற்கு மொபைல் ஆப்பிற்காக கடனை வசூலிக்கும் வேலை செய்து வந்தார். அவரிடம் விசாரணை நடத்தி சுஹைல் செய்யத், செய்யத் மொகமத், மொகமத் கைஃப், முப்தியாஸ் ஆகியோரை கைது செய்தோம். இவர்கள் ஹேப்பி லோன் ஆப்பிற்காக வேலை செய்துள்ளனர். கடன் வலையில் சிக்காமல் இருக்க 8 சுலப வழிமுறைகள்..! கைது செய்யப்பட்டவர்கள் தினமும் கடன் வாங்கியவர்களிடம் 40 ஆயிரம் ரூபாய் வசூலிக்கவேண்டும் என்று இலக்கு நிர்ணயிக்கப்பட்டுள்ளது. இதற்காக தினமும் 100 பேருக்காவது போன் செய்யவேண்டும் என்று அறிவுறுத்தப்பட்டுள்ளது. வசூலாகும் பணம் பல்வேறு யுபிஐ மூலம் அனுப்பப்பட்டுள்ளது. இதில் சீன பிரஜைகளுக்கு தொடர்பு இருக்கும் என்று சந்தேகிக்கிறோம். அது குறித்து விசாரித்து வருகிறோம்” என்று தெரிவித்தார்.
http://dlvr.it/SS93Yf

Read More

விமானத்தில் முதல்வர் பினராயி விஜயனுக்கு எதிராக கோஷமிட்ட காங்கிரஸார் - கேரளாவில் நடந்தது என்ன?!

கேரளா மாநிலம், திருவனந்தபுரத்தில் உள்ள ஐக்கிய அரபு அமீரக (யு.ஏ.இ) தூதரக பார்சல் மூலம் ரூ.15 கோடி மதிப்பிலான தங்கம் கடத்தல் வழக்கில், முதல்வர் பினராயி விஜயனுக்கும் தொடர்பிருப்பதாக, சிறைக்குச் சென்று ஜாமீனில் வெளிவந்த ஸ்வப்னா சுரேஷ் கூறியது பெரும் பரபரப்பை ஏற்படுத்தியது. இந்த நிலையில், பினராயி விஜயன் தனது முதல்வர் பதவியை ராஜினாமா செய்ய வேண்டும் எனக் கேரள காங்கிரஸ், பா.ஜ.க உள்ளிட்ட எதிர்க்கட்சிகள் வலியுறுத்திவருகின்றன. இந்த நிலையில், நேற்று கேரள முதல்வர் பினராயி விஜயன் கண்ணூரிலிருந்து திருவனந்தபுரத்துக்கு விமானத்தில் பயணம் செய்தார். அப்போது ​​இரண்டு காங்கிரஸ் தொண்டர்கள் அவருக்கு எதிராக முழக்கங்களை எழுப்பியதால் விமானத்திற்குள் சறிது நேரம் பதற்றம் நிலவியது. മുഖ്യമന്ത്രിക്കെതിരെ വിമാനത്തിൽ പ്രതിഷേധം pic.twitter.com/tpBldYtwLP— കേരള ബുദ്ധൻ (@buddhettan) June 13, 2022 இந்த சம்பவம் தொடர்பான வீடியோ சமூகவலைத்தளங்களில் வேகமாகப் பரவி வருகிறது. அந்த வீடியோவில், இரண்டு காங்கிரஸ் தொண்டர்களில் ஒருவர் கருப்பு சட்டை அணிந்துள்ளார். திருவனந்தபுரம் விமான நிலையத்தில் விமானம் தரையிறங்கியதும் கேரள முதல்வர் பினராயி விஜயனை நோக்கி பதவி விலகவேண்டும் எனக் கோஷமிட்டனர். அப்போது ஆளும்கட்சி நிர்வாகி ஒருவர் அவர்களை தள்ளிவிடுவதாகவும் காட்சிகள் இருந்தது. இந்த சம்பவம் குறித்து எல்.டி.எஃப் அமைப்பாளரும், சி.பி.ஐ.(எம்) மூத்த தலைவருமான ஈ.பி.ஜெயராஜன், "விமானத்தின் முன்புறத்தில் அமர்ந்திருந்த இருவரும் குடிபோதையில் இருந்துள்ளனர், விமானம் தரையிறங்கியதும், அனைவரும் இறங்கத் தயாரானதும் முதல்வர் நோக்கி நடந்து வந்தவர்களை நான் தான் விலக்கினேன். இது பயங்கரவாத நடவடிக்கையாகும்.ஈ.பி.ஜெயராஜன், பயங்கரவாத குழுக்களின் வழிமுறையைப் பின்பற்றும் அளவுக்குக் காங்கிரஸ் வீழ்ச்சியடைந்துள்ளது. இதுபோன்ற பயங்கரவாதிகளுடன் காங்கிரஸ் உலா வருவதாகக் கூறப்படும்போது, ​​முதல்வரின் பாதுகாப்பு ஏற்பாடுகளை அனைவரும் விமர்சிக்கிறார்கள். ஒரு மாநிலத்தின் முதல்வரால் விமானத்தில் நிம்மதியாகப் பயணிக்க முடியாதது துரதிர்ஷ்டவசமானது. காங்கிரஸால்தான் இதுபோன்ற நிலை ஏற்பட்டுள்ளது" எனத் தெரிவித்துள்ளார்.``தங்கத்துக்காக நாட்டை விற்காதீர்... பதவி விலகுங்கள்!" - பினராயி விஜயன் மீது பாஜக விமர்சனம்
http://dlvr.it/SS8XGZ

Read More

சார்ஜ் ஏற்றாமல் பல மாதங்கள் ஓடுமாம் - சூரிய ஓளியில் இயங்கும் உலகின் முதல் கார் அறிமுகம்

சூரிய ஓளியில் இயங்கும் உலகின் முதல் காரை அறிமுகம் செய்திருக்கிறது நெதர்லாந்தை சேர்ந்த நிறுவனம். நெதர்லாந்து நாட்டைச் சேர்ந்த ஸ்டார்ட் அப் நிறுவனமான லைட்இயர், சூரிய ஓளியில் இயங்கும் உலகின் முதல் கார் மாடலை அறிமுகம் செய்திருக்கிறது. 'Lightyear 0' எனப் பெயரிடப்பட்ட இந்த சோலார் கார், 624 கிலோமீட்டர் ரேஞ்ச் கொண்டது ஆகும். 53.8 சதுர அடி அளவில் வளைந்த சோலார் பேனல்கள் உள்ளன. இந்த எலெக்ட்ரிக் கார் மணிக்கு 100 கிமீ வேகத்தை 10 நொடிகளுக்குள் எட்டி விடும். இந்த கார் மணிக்கு அதிகபட்சமாக 160 கிலோமீட்டர் வரை செல்லும். இந்த காரில் உள்ள ஆப்டிமைஸ் செய்யப்பட்ட சோலார் ரூஃப், காரை பல மாதங்கள் வரை சார்ஜ் செய்யாமல் இயக்கும் வசதியை வழங்குகிறது. இந்த காரின் விலை 250,000 டாலர்கள் (இந்திய மதிப்பில் ரூ.2 கோடி) வரை நிர்ணயம் செய்யப்படும் என தெரிகிறது. இந்த எலெக்ட்ரிக் காருக்கான முன்பதிவு இந்த ஆண்டு இறுதியில் துவங்க உள்ளதாக தெரிவிக்கப்பட்டுள்ளது. இதையும் படிக்கலாம்: பேல் பூரிக்கு சர்வதேச அங்கீகாரமா? - வைரல் ட்வீட்டின் காரசார பின்னணி!
http://dlvr.it/SS6lYz

Read More

ரிக்‌ஷாவிலிருந்து தவறிவிழுந்த குழந்தை - பஸ்முன் பாய்ந்து காப்பாற்றிய ட்ராஃபிக் போலீஸ்

பஸ் முன் பாய்ந்து குழந்தை உயிரை காப்பாற்றிய போக்குவரத்து போலீசுக்கு சமூக ஊடகங்களில் பாராட்டுகள் குவிந்து வருகிறது. ஞாயிற்றுக்கிழமை அவனிஷ் சரண் என்ற நபர் வீடியோ ஒன்றை பகிர்ந்துள்ளார். ரிக்‌ஷாவில் இருந்து விழுந்த குழந்தையை போக்குவரத்து காவலர் ஒருவர் சரியான நேரத்தில் எப்படி காப்பாற்றினார் என்பதே அந்த வீடியோ. 6 லட்சத்துக்கும் அதிகமானோர் அந்த வீடியோவை பார்த்துள்ளனர். மேலும் 41 க்கும் அதிகமான லைக்குகளையும் அந்த வீடியோ பெற்றுள்ளது. To his credit, the traffic policeman went for the child at the risk of getting mowed down by the bus.The bus driver was judicious.The traffic policeman was brave and judicious. — Vikram Jamwal (@jamwalvikram) June 12, 2022 அந்த வீடியோவில், நடுரோட்டில் நின்றுகொண்டு காவலர் ஒருவர் போக்குவரத்தை கட்டுப்படுத்திக் கொண்டிருக்கிறார். அப்போது எதிரே பேருந்து வரும்போது ரிஷ்காவில் இருந்து திடீரென ஒரு குழந்தை தவறி விழுவதை பார்க்கிறார். உடனடியாக பேருந்தை நிறுத்தச்சொல்லி ஓடிச்சென்று குழந்தையை தூக்குகிறார். குழந்தையின் தாயாரும் சட்டென ரிஷ்காவை விட்டு இறங்கி குழந்தையை வாங்கிக்கொள்கிறார். இந்த வீடியோவை பார்த்த சிலர் ரிக்‌ஷா ஓட்டுநரை திட்டி பதிவிட்டுள்ளனர். பலர் பேருந்து ஓட்டுநர் மற்றும் காவலரை பாராட்டி வருகின்றனர்.
http://dlvr.it/SS6lYR

Read More

``யோகி ஆதித்யநாத் தலைமை நீதிபதியாகிவிட்டார்; யாரையும் குற்றவாளியாக்குவார்!" - ஒவைசி

நபிகள் நாயகம் பற்றி சர்ச்சைக்குரிய கருத்தைத் தெரிவித்த பா.ஜ.க-வின் நுபுர் ஷர்மாவைக் கைதுசெய்யக் கோரி டெல்லி, உத்தரப்பிரதேசம், தெலங்கானா, மேற்கு வங்கம் உள்ளிட்ட மாநிலங்களில் இஸ்லாமியர்கள் போராட்டம் நடத்திவருகின்றனர். குறிப்பாக, உத்தரப்பிரதேசத்தில் பல்வேறு மாவட்டங்களில் கடந்த வெள்ளிக்கிழமை போராட்டம் நடைபெற்றது. இந்தப் போராட்டம் திடீரென வன்முறையாக மாறியது. வன்முறையைக் கட்டுப்படுத்த போலீஸார் சில நபர்களைக் கைதுசெய்தனர். பிரயாக்ராஜில் ஏற்பட்ட வன்முறைக்கு முக்கியக் காரணமாக கருதப்படுபவர் ஜாவேத் முகமது. அதனால் அவரின் வீடு இடிக்கப்பட்டது. `ஜாவேத் முகமது வீடு கட்டுவதற்கான திட்ட அனுமதியைப் பெறவில்லை... அதனால் அவரின் வீட்டை இடித்துவிட்டோம்' என அதிகாரி ஒருவர் செய்தியாளர்களிடம் கூறினார்.யோகி ஆதித்யநாத் இந்த நிலையில், குஜராத்தில் நடந்த பொதுக்கூட்டத்தில் பேசிய ஒவைசி, ``உ.பி முதல்வர் யோகி ஆதித்யநாத் அலகாபாத் உயர் நீதிமன்றத்தின் தலைமை நீதிபதியாகிவிட்டார். அவர் யாரையும் குற்றவாளியாக்கி அவர்களின் வீடுகளை இடிப்பார்... இடிக்கப்பட்ட வீடு, குற்றம்சாட்டப்பட்டவரின் மனைவி பெயரில் இருக்கிறது. அரசு திட்டமிட்டு இது போன்ற செயல்களில் ஈடுபட்டுவருகிறது'' என்று அரசை சாடினார்`மோடி குறித்து விமர்சனம்!’ - ஓவைசி, திருமுருகன் காந்தி உட்பட 17 பேர் மீது வழக்கு
http://dlvr.it/SS6DLY

Read More

ஜூன் 17-ல் மேக்கேதாட்டூ அணைக்கு அனுமதி?

கர்நாடக அரசு, காவிரியின் குறுக்கே மேக்கேதாட்டூவில், சட்டவிரோதமாக அணை கட்ட முயன்று வருகிறது. இந்த அணை கட்டப்பட்டால், கர்நாடகாவிலிருந்து ஒரு சொட்டு காவிரி நீர்கூட வராது என இங்குள்ள விவசாயிகளும் அரசியல் கட்சியினரும் தொடர்ந்து எதிர்ப்பு தெரிவித்து வருகிறார்கள். இந்த அணை கட்டப்படுவதைத் தடுத்து நிறுத்த, தமிழக அரசு சட்ட நடவடிக்கைகளிலும் ஈடுபட்டு வருகிறது. இந்நிலையில்தான் மேக்கேதாட்டூ அணைக்கு அனுமதி வழங்குவதற்காகவே, ஜூன் 17-ம் தேதி காவிரி மேலாண்மை ஆணைய கூட்டம் நடைபெற இருப்பதாகவும், இதைத் தமிழக அரசும், தமிழக மக்களும் முன்கூட்டியே தடுத்து நிறுத்த வேண்டும் எனவும் காவிரி உரிமை மீட்புக்குழு ஒருங்கிணைப்பாளர் பெ.மணியரசன் அபயக் குரல் எழுப்புகிறார்.மேக்கேதாட்டூமேக்கேதாட்டூ விவகாரம்: கர்நாடகாவைக் கட்டுப்படுத்த தமிழக அரசு செய்யவேண்டியவை என்ன? இதுகுறித்து நம்மிடம் பேசிய பெ.மணியரசன், ``காவிரி உரிமைச் சிக்கலில், மத்திய அரசு சட்டத்துக்குப் புறம்பாகவும், நடுநிலை தவறியும், கர்நாடகத்துக்குப் பக்கச் சாய்வாகவே இதுவரை செயல்பட்டு வந்துள்ளது. அது காங்கிரஸ் அரசாக இருந்தாலும், பா.ஜ.க அரசாக இருந்தாலும் அவற்றின் ஓரவஞ்சனைச் செயல்பாட்டைப் பல தடவைப் பார்த்துள்ளோம். சட்டப்படி தமிழகத்துக்கு உரிய காவிரி நீரை கர்நாடகத்திடம் இருந்து பெற்றுத் தர, இதுவரையிலும் மத்திய அரசு எந்த ஒரு முயற்சியையும் மேற்கொண்டதில்லை. மத்திய அரசால் அமைக்கப்பட்ட காவிரி ஆணையமும், கர்நாடகத்துக்கு சாதகமாகவே செயல்பட்டு வருகிறது. இந்நிலையில்தான் ஆங்கில நாளிதழ் ஒன்றுக்கு பேட்டி அளித்துள்ள காவிரி மேலாண்மை ஆணையத்தின் தலைவர் எஸ்.கே.ஹல்தர் 17.6.2022 அன்று காவிரி மேலாண்மை ஆணையக் கூட்டத்தைக் கூட்ட உள்ளதாகவும், அதில் கர்நாடகத்தின் மேக்கேதாட்டூ அணைத்திட்டத்துக்கு அனுமதி வழங்குவது பற்றி விவாதிக்கப்படும் என்றும் உறுதிபடக் கூறியுள்ளார். இந்தத் தகவல் தமிழ்நாட்டு மக்களின் நெஞ்சில் ஈட்டியைப் பாய்ச்சுவது போல் உள்ளது. ஜூன் 17-ம் தேதி காவிரி ஆணைய கூட்டம் நடைபெற்றால், மேக்கேதாட்டூ அணைக்கு அனுமதி வழங்கப்படும். இதை முன்கூட்டியே, தமிழக அரசும், ஒட்டுமொத்த தமிழக மக்களும் முறியடிக்க வேண்டும்.மேட்டூர் அணைமேக்கேதாட்டூ அணை: `தீர்மானம் மட்டும் போதாது, இதைச் செய்ய வேண்டும்!' - அரசுக்கு மணியரசன் கோரிக்கை கடந்த காலங்களில் நடைபெற்ற காவிரி ஆணையக் கூட்டங்களில் மேக்கேதாட்டூ அணை அனுமதி குறித்து, விவாதிப்பதற்கான பொருள், நிகழ்வு நிரலில் சேர்த்த போதெல்லாம் தமிழ்நாடு அரசுப் பிரதிநிதிகள் அதை எதிர்த்து வந்ததால், அதை விவாதிக்க முடியாமல் போய்விட்டது. இதுகுறித்து சட்டவிளக்கம் அறிய, மத்திய அரசின் சட்ட அமைச்சகத்தை அணுகி விளக்கம் கேட்டதாகவும், அதன் சார்பில் இந்திய அரசின் சொலிசிட்டர் ஜெனரல் துஷார் மேத்தா அளித்த விளக்கத்தில், காவிரி தொடர்பான எந்தச் சிக்கலையும் விவாதித்து முடிவெடுக்கக் காவிரி மேலாண்மை ஆணையத்துக்குக் ``கட்டற்ற அதிகாரம்” இருப்பதாகக் கூறப்பட்டுள்ளதாகவும் எஸ்.கே.ஹல்தர் கூறியுள்ளார். அதன் அடிப்படையில்தான் 17.6.2022 அன்று மேலாண்மை ஆணையக் கூட்டத்தில், மேக்கேதாட்டூ அணை குறித்து விவாதித்து முடிவெடுக்கப்படும் என்று கூறியுள்ளார். ஏற்கெனவே 7.2.2022 அன்று மக்களவையில் கர்நாடகத்தைச் சேர்ந்த நாடாளுமன்ற உறுப்பினர் ஒருவர் மேக்கேதாட்டூ அணைக்கு எப்போது அனுமதி கிடைக்கும் என்று கேட்டதற்கு, ஒன்றிய அரசின் சுற்றுச்சூழல் - வனத்துறை இணை அமைச்சர் அஷ்வினி குமார் சௌபே, காவிரி மேலாண்மை ஆணையத்தின் ஒப்புதல் கிடைத்தவுடன் சுற்றுச்சூழல் - வனத்துறை அனுமதி கொடுத்து விடும் என்று உறுதி அளித்தார். அதை அப்போதே காவிரி உரிமை மீட்புக் குழு சார்பில் கண்டித்தோம்.பெ.மணியரசன்நிலநடுக்க பிரதேசத்தில் மேக்கேதாட்டூ அணை! கட்டுவதற்குத் தடைபோடும் கர்நாடக நிபுணர்கள்! காவிரி மேலாண்மை ஆணையத்துக்கு, உச்ச நீதிமன்றத் தீர்ப்பில் உள்ளபடி தமிழ்நாட்டுக்குக் காவிரி நீரைத் திறந்துவிட ஆணையிடும் அதிகாரம் மட்டுமே உள்ளது. காவிரியில் புதிய நீர்த்தேக்கங்கள் கட்டுவதற்கு அனுமதி கொடுக்கும் அதிகாரம் துளியும் இல்லை! உச்ச நீதிமன்றம் 2018-ல் அளித்த தீர்ப்பில் புதிய அணைகள் கட்ட அனுமதி வழங்கும் அதிகாரத்தை மேலாண்மை ஆணையத்துக்கு அளிக்கவில்லை. அத்தீர்ப்பின்படி தண்ணீர்ப் பகிர்வு அதிகாரம் பெற்றுள்ள ஆணையம் இதுவரை ஒரு தடவை கூட, கர்நாடகத்திடமிருந்து தமிழ்நாட்டுக்குரிய காவிரி நீரைப் பெற்றுத் தந்ததில்லை. தண்ணீர்ப் பகிர்வு பற்றி முடிவு எடுப்பதிலும் கூட, ஜனநாயகமற்ற முறையில் மத்திய அரசின் ஒருதலைச்சார்புக்கும், கர்நாடகப் பக்கச் சாய்வுக்கும் ஏற்ற வகையில்தான் காவிரி ஆணையமே உருவாக்கப்பட்டுள்ளது. மேலாண்மை ஆணையத்தின் நிர்வாகக் குழுவில் மொத்தம் 9 உறுப்பினர்கள். நிர்வாகக் குழுவின் தலைவராக, காவிரி மேலாண்மை ஆணையத்தின் தலைவர் இருக்கிறார். மேலும் 4 உறுப்பினர்கள் மத்திய அரசு சார்பான அதிகாரிகள். எஞ்சிய நால்வர் தமிழ்நாடு + கர்நாடகம் + கேரளம் + புதுச்சேரி மாநிலங்களுக்குத் தலா ஒருவர் வீதம் 4 பேர். ஆக மொத்தம் 9 பேர். இவர்களில் 6 பேர் பங்கேற்று, ஒரு தீர்மானத்தை 6 பேரும் ஆதரித்தால் அது செயலுக்கு வந்துவிடும் என்கிறது அந்த அமைப்பின் விதிமுறைகள். காவிரி ஆணையத்தின் தலைவர், மத்திய அரசு சார்பான அதிகாரிகள் மற்றும் கர்நாடக பிரதிநிதி.. ஆகிய 6 நபர்கள் வாக்களித்தாலே, கர்நாடகாவுக்கு சாதகமான தீர்மானம் நிறைவேறிவிடும். மத்திய அரசு இதைத்தான் செய்யத் துடிக்கிறது.காவிரி ஆறுமேக்கேதாட்டூ அணை விவகாரம்: ``திமுக, அதிமுக இரண்டு கட்சிகளுமே கச்சேரி நடத்துகின்றன!" - மணியரசன் ஏற்கெனவே ஒன்றிய நீராற்றல் துறையின் தலைவராக இதே எஸ்.கே.ஹல்தர் இருந்தபோதுதான் கர்நாடக அரசிடம் மேக்கேதாட்டூ அணைக்கு விரிவான திட்ட அறிக்கை கோரி, பெற்று, அதற்கு அனுமதி வழங்கியதுடன் அதைக் காவிரி மேலாண்மை ஆணையத்தின் ஏற்புக்காக அனுப்பி வைத்தார். இப்போது அதே ஹல்தர் காவிரி மேலாண்மை ஆணையத்தின் தலைவராக மோடி அரசால் அமர்த்தப்பட்டு, சட்டத்துக்குப் புறம்பாக மேக்கேதாட்டூ அணைக்கு அனுமதி வழங்கும் வேலையில் இறங்கியுள்ளார். தமிழ்நாடு அரசு உடனடியாக இந்தச் சட்டவிரோத நடவடிக்கை களுக்கு உரியவாறு எதிர்ப்பு தெரிவிக்க வேண்டும். இதைச் சுட்டிக்காட்டி, 17.6.2022 அன்று ஆணையக் கூட்டத்துக்கு இடைக்காலத் தடை ஆணை பெற வேண்டும். ஒருவேளை அந்த ஆணையக் கூட்டம் நடந்தால் அதைப் புறக்கணிக்க வேண்டும், புதுச்சேரியும் கேரளமும் புறக்கணிக்குமாறு வேண்டுகோள் வைக்க வேண்டும்.அணை மத்திய அரசின் தமிழ்நாடு விரோதப் போக்கைக் கண்டித்தும், தன்னாட்சி அதிகாரம் பெற்ற, அதேசமயம் நடுநிலையுடன் செயல்படக்கூடிய தலைவரைக் கொண்ட புதிய மேலாண்மை ஆணையம் அமைக்க வலியுறுத்தியும், காவிரி காப்பு நாள் என்ற பெயரில், குமரி முதல் கும்மிடிப்பூண்டி வரை வெகுமக்கள் போராட்டத்துக்குத் தமிழ்நாடு அரசு ஏற்பாடு செய்ய வேண்டும். இதைக் காவிரி உரிமை மீட்புக் குழு சார்பில் வலியுறுத்துகிறேன்’’ எனத் தெரிவித்தார்.
http://dlvr.it/SS5fZx

Read More

ஷேக் நகர் இனி சிவநகர்! அம்பாலா சவுக் இனி 'அனுமான் சவுக்'- ஜம்முவில் ஊர்ப்பெயர்கள் மாற்றம்

காஷ்மீர் தலைநகர் ஜம்முவில் இரு முக்கிய இடங்களின் பெயர்கள் மாற்றப்பட்டுள்ளன. இதற்கான தீர்மானம் ஜம்மு மாநகராட்சி கூட்டத்தில் பாஜக உறுப்பினர் சாரதா குமாரி என்பவரால் கொண்டு வரப்பட்டு நிறைவேற்றப்பட்டது. இதன் படி “ஷேக் நகர்” என்ற பகுதி “சிவ நகர்” என மாற்றப்பட உள்ளது. “அம்பாலா சவுக்” என்ற பகுதி “ஹனுமான் சவுக்” என மாற்றப்பட உள்ளது. சனிக்கிழமையன்று நடைபெற்ற ஜம்மு மாநகராட்சியின் பொதுக்குழுக் கூட்டத்தில் அப்பகுதிகளுக்கு பெயர் சூட்டுவதற்கான தீர்மானம் நிறைவேற்றப்பட்டது. ஜம்மு மாநகராட்சியில் பா.ஜ.க.வுக்கு பெரும்பான்மை உள்ள நிலையில் இந்த 2 ஊர்ப்பெயர்களின் பெயர்களை மாற்றும் தீர்மானம் ஒருமனதாக நிறைவேற்றியதாக ஜம்மு மாநகராட்சி மேயர் சந்தர் மோகன் குப்தா தெரிவித்தார். மறுபெயரிடுவதற்கான அடுத்த கட்ட நடவடிக்கைகளுக்காக தீர்மானம் இப்போது ஜம்மு காஷ்மீர் சிவில் செயலகத்திற்கு அனுப்பப்படும். எனினும் இம்முடிவுக்கு எதிர்ப்பு தெரிவித்து சில அமைப்பினர் போராட்டம் நடத்தி வருகின்றனர். இதற்கிடையில் காஷ்மீரில் ஊர் பெயர்களை மாற்றுவதற்கு பதில் அங்குள்ள பண்டிட்டுகளுக்கு பாதுகாப்பு தருவதில் கவனம் செலுத்த மாநில அரசுக்கு சிவசேனா எம்பி சஞ்சய் ரவுத் அறிவுறுத்தியுள்ளார்.
http://dlvr.it/SS4VWT

Read More

118 தையல்கள்! கேலி செய்த இளைஞரை கன்னத்தில் அறைந்த பெண்ணுக்கு நேர்ந்த கோர சம்பவம்!

மத்தியப் பிரதேசத்தில் இளைஞர்களால் தாக்கப்பட்ட பெண் ஒருவரின் முகத்தில் 118 தையல்கள் போடப்பட்டுள்ளன. போபால் நகரின் டி.டி நகர்ப் பகுதியைச் சேர்ந்த பெண் ஒருவர் தனது கணவருடன் சந்தைக்கு சென்றுள்ளார். அப்போது அங்கிருந்த இளைஞர்களுடன் பைக் பார்க்கிங் தொடர்பாக தம்பதியர் வாக்குவாதம் செய்ததாக கூறப்படுகிறது. இதையடுத்து இளைஞர்கள் அப்பெண்ணை கேலி செய்துள்ளனர். அந்த பெண்ணிடம் ஆபாசமான கருத்துகளை கூறி விசில் அடித்துள்ளனர். இதனால் ஆத்திரமடைந்த அவர், அந்த இளைஞர்களில் ஒருவரை கன்னத்தில் அறைந்துள்ளார். பின்னர் தம்பதியினர் வீடு திரும்பிக்கொண்டிருந்தபோது அடையாளம் தெரியாத வாலிபர் ஒருவர் அப்பெண்ணின் முகத்தில் பிளேடால் கடுமையாக தாக்கியுள்ளார். இதில் பலத்த காயமடைந்த அவர் முகத்தில் 118 தையல்கள் போடப்பட்டுள்ளன. சம்பவம் தொடர்பாக பாட்ஷா பேக் மற்றும் அஜய் என்ற பிட்டி சிப்டே என்ற இரண்டு பேர் கைது செய்யப்பட்டுள்ளதாகவும், மூன்றாவது குற்றவாளியைப் பிடிக்க தேடுதல் நடந்து வருவதாகவும் போலீசார் தெரிவித்தனர். ஹோட்டலில் உள்ள சிசிடிவி காட்சிகளை போலீசார் ஆய்வு செய்ததை அடுத்து அவர்கள் கைது செய்யப்பட்டனர். மத்தியப் பிரதேச முதல்வர் சிவராஜ் சிங் சவுகான் இன்று காலை தம்பதியரை நேரில் சந்தித்து மருத்துவ சிகிச்சைக்கு முழு உதவி செய்வதாக உறுதியளித்தார். அந்தப் பெண்ணின் துணிச்சலைப் பாராட்டி அவருக்கு ரூ. 1 லட்சத்தை முதல்வர் சவுகான் வழங்கினார். அந்தப் பெண் மற்றவர்களுக்கு முன்னுதாரணமாக திகழ்ந்தார் என முதல்வர் சவுகான் கூறினார். "குற்றவாளிகள் விடுவிக்கப்பட மாட்டார்கள், அவர்கள் மீது கடுமையான நடவடிக்கை எடுக்கப்படும்" என்று அவர் கூறினார்.
http://dlvr.it/SS3Ncm

Read More

தங்கக் கடத்தல் வழக்கு: “என்னை கொன்றுவிடுங்கள்” - ஸ்வப்னா சுரேஷ் கண்ணீர் பேட்டி!

தங்கக் கடத்தல் வழக்கில், தன்னை மிக மோசமாக புண்படுத்துவதாகவும், அதற்கு பதிலாக கொன்று விடுங்கள் என்றும் ஸ்வப்னா சுரேஷ் கூறியபடி கதறி அழுதார். கேரளாவை உலுக்கி வரும் தங்கக் கடத்தல் வழக்கில் முக்கிய குற்றவாளியாக குற்றம்சாட்டப்பட்டுள்ள ஸ்வப்னா சுரேஷ், முதலமைச்சர் பினராயி விஜயனுக்கு தொடர்பு இருப்பதாக நீதிமன்றத்தில் வாக்குமூலம் அளித்தார். மேலும், பினராயி விஜயன் தொடர்பாக ராஜ் கிரண் என்பவருடன் பேசிய உரையாடலையும் ஸ்வப்னா சுரேஷ் வெளியிட்டிருந்தார். இதைத்தொடர்ந்து பினராயி விஜயனை கண்டித்து, கேரள எதிர்க்கட்சிகள் தொடர் போராட்டங்களில் ஈடுபட்டு வருகின்றன. இதற்கு பதில் அளித்த பினராயி விஜயன், மக்களுக்கு சிறப்பான ஆட்சியை அரசு வழங்கி வருவதாகவும், மாநில நலனுக்கு எதிராக நிற்கும் எந்த சக்திகளுக்கும் அரசு அடிபணியாது எனவும் கூறியிருந்தார். இந்தச் சூழலில் பாலக்காட்டில் செய்தியாளர்களை சந்தித்த ஸ்வப்னா சுரேஷ், தன்னை ஏன் தொடர்ந்து புண்படுத்த வேண்டும் எனக் கேள்வி எழுப்பினார். Kerala gold smuggling case accused Swapna Suresh broke down in front of the media in Palakkad yesterday"Why are they attacking me like this. I stick to the statement I gave. Don’t hurt people who are around me. Hurt me, please kill me so that the story will get over," she said pic.twitter.com/jN9uv9LfPQ — ANI (@ANI) June 12, 2022 “முதல்வர் பினராயி விஜயன், அவரது குடும்பத்தினர் உள்பட அனைவர் மீதும் நான் ரகசிய வாக்குமூலம் அளித்துள்ளேன். அவ்வாறு ரகசிய வாக்குமூலத்தின்போது நான் அவர்கள் மீது கூறிய புகார்களிலிருந்து எந்தக் காரணம் கொண்டும் பின்வாங்கப் போவதில்லை. என்னுடன் இருப்பவர்களை குறி வைத்து காவல் துறை நடவடிக்கை எடுக்கிறது. சரித்குமாரை போலீஸார் பிடித்துச் சென்று ஒரு மணி நேரத்தில் விடுவிப்பார்கள் என பத்திரிகையாளர் ஷாஜ் கிரண் கூறியிருந்தார். அதே போல் நடந்தது. என்னுடைய வழக்கறிஞர் மீது போலீஸார் வழக்குப் பதிவு செய்யும் என்றும் கிரண் கூறியிருந்தார். அதுவும் நடந்தது. என்னை குறி வைத்து தாக்குதல் நடத்தப்பட்டு வருகிறது. என்னை கொன்றுவிடுங்கள். அப்படி நடந்தால் அனைத்து உண்மைகளும் மூடப்பட்டு விடும்” எனவும் கூறி, பத்திரிகையாளர்கள் முன்பாக அவர் கதறி அழுதார் ஸ்வப்னா சுரேஷ்.
http://dlvr.it/SS3NK6

Read More

டெத் ஓவரில் அதிக ரன்கள் குவிப்பு: இலங்கை ஆல்-ரவுண்டர் டாசன் சனகா புதிய சாதனை

டெத் ஓவரில் 50 ரன்களுக்கு மேல் அடித்த முதல் வீரர் என்ற சாதனையை படைத்துள்ளார் இலங்கை அணியின் ஆல்-ரவுண்டர் டாசன் சனகா. இலங்கையில் சுற்றுப்பயணம் செய்துள்ள ஆஸ்திரேலியா அணி டி20, ஒருநாள் மற்றும் டெஸ்ட் போட்டிகள் கொண்ட தொடரில் விளையாடி வருகிறது. முதலில் நடந்த இரு டி20 போட்டியிலும் ஆஸ்திரேலியா வெற்றி பெற்று தொடரை கைப்பற்றியது. இந்நிலையில், இரு அணிகளுக்கு இடையிலான 3வது டி20 போட்டி பல்லேகலேயில் நேற்று நடைபெற்றது. டாஸ் வென்ற ஆஸ்திரேலியா பேட்டிங் தேர்வு செய்தது. அதன்படி, முதலில் ஆடிய ஆஸ்திரேலியா நிர்ணயிக்கப்பட்ட 20 ஓவரில் 5 விக்கெட் இழப்புக்கு 176 ரன்கள் எடுத்தது. இதையடுத்து, 177 ரன்கள் எடுத்தால் வெற்றி என்ற இலக்குடன் இலங்கை அணி களமிறங்கியது. கேப்டன் டாசன் சனகா மட்டும் ஓரளவு போராடினார். 3 ஓவர்களுக்கு 59 ரன்கள் தேவைப்பட்ட நிலையில் களத்தில் டாசன் சனகா 12 பந்துகளில் 6 ரன்களுடனும் சமிகா கருணாரத்னே 6 பந்துகளில் 8 ரன்களுடனும் இருந்தனர். அப்போது யாரும் எதிர்பாராத வகையில் சனகா ருத்ரதாண்டவம் ஆடினார். சிக்சர், பவுண்டரி என பறக்கவிட, அவருக்கு கருணரத்னேவும் நல்ல கம்பெனி கொடுத்தார். 18வது ஓவரில் 22 ரன்கள் விளாசிய டாசன் சனகா - கருணரத்னே ஜோடி, 19வது ஓவரில் 18 ரன்களை விளாசியது. கடைசி ஓவரில் 19 ரன்கள் தேவைப்பட்ட நிலையில், கேன் ரிச்சர்ட்சன் 2 வைடு பந்து வீசினார். அடுத்த இரண்டு பந்துகளில் 2 ரன்கள். 4 பந்துகளில் 15 ரன்கள் தேவைப்பட்டது. 4வது பந்தை ஷனகா பவுண்டரிக்கு விளாசினார். 5வது பந்திலும் பவுண்டரி  அடித்தார்.  கடைசி பந்தில் 1 ரன் தேவைப்பட்ட போது பவுலர் வைடு பந்தாக வீசினார். இதையடுத்து இலங்கை அணி 4 விக்கெட் வித்தியாசத்தில் திரில் வெற்றி பெற்றது. டாசன் சனகா  25 பந்துகளில் 54 ரன்களை அடித்து அணியின் வெற்றிக்கு வித்திட்டார். அவருக்கு ஆட்ட நாயகன் விருது வழங்கப்பட்டதும் குறிப்பிடத்தக்கது.  இதன்மூலம் டெத் ஓவரில் 50 ரன்களுக்கு மேல் அடித்த முதல் வீரர் என்ற சாதனையை படைத்துள்ளார் டாசன் சனகா. டி20 கிரிக்கெட்டில் கடைசி 3  ஓவர்கள் டெத் ஓவர் என அழைக்கப்படுகிறது. இதையும் படிக்கலாம்: தவறுகளை திருத்திக்கொள்வாரா ரிஷப் பண்ட்? முதல் போட்டியில் சொதப்பியதற்கான காரணங்கள் என்ன?
http://dlvr.it/SS3NHx

Read More

போபால்: கிண்டல் செய்த இளைஞர்கள்; தட்டிக்கேட்ட பெண்ணுக்கு முகத்தில் 118 தையல்கள்! - என்ன நடந்தது?

மத்தியப் பிரதேச மாநிலம், போபாலில் உள்ள டிடி நகரில் வசிப்பவர் சங்கமித்ரா. டாக்டர் ஒருவரிடம் உதவியாளராகப் பணியாற்றும் சங்கமித்ரா, தன் கணவருடன் அருகில் உள்ள மார்க்கெட்டிற்குச் சென்றார். மார்க்கெட்டில் அந்தப் பெண்ணின் கணவர் அருகில் சென்று தண்ணீர் வாங்க சென்றார். அந்நேரம் அங்குவந்த சிலர், பைக் அருகில் நின்று கொண்டு அந்தப் பெண்ணை கிண்டல் செய்து பேசியதாகத் தெரிகிறது. இதனால் அந்தப் பெண் அவர்களுடன் வாக்குவாதத்தில் ஈடுபட்டார். ஒருகட்டத்தில் கோபத்தில் அந்தப் பெண் அவர்களில் ஒருவனை அடித்துவிட்டார். உடனே மார்க்கெட்டில் மக்கள் கூட்டம் கூடியது. இதனால் அந்தப் பெண்ணுடன் வாக்குவாதத்தில் ஈடுபட்ட நபர்கள் அங்கிருந்து தப்பி சென்றுவிட்டனர். பின்னர் அவர் தன் கணவருடன் வீட்டிற்கு புறப்பட்டு சென்றார். குற்றம் ஆனால், அவர்கள் இரண்டு பேரையும் அடிப்பட்டவர்களில் ஒருவன் பைக்கில் பின் தொடர்ந்து சென்றிருக்கிறான். ஆள் நடமாட்டம் இல்லாத இடத்தில் அவர்களை மடக்கியவன், தன்னிடம் இருந்த பிளேடால் சங்கமித்ராவை முகத்தில் தாக்கிவிட்டு தப்பி ஓடிவிட்டான். இதில் சங்கமித்ராவிற்கு நெற்றி உட்பட முகத்தின் பல இடங்களில் காயம் ஏற்பட்டது. உடனே மருத்துவமனையில் சேர்க்கப்பட்ட சங்கமித்ராவிற்கு டாக்டர்கள் 118 தையல்கள் போட்டிருக்கின்றனர். போலீஸ் இது குறித்து போலீஸில் புகார் செய்யப்பட்டுள்ளது. போலீஸார் இரண்டு பேர்மீது வழக்கு பதிவு செய்துள்ளனர். இது குறித்து துணை போலீஸ் கமிஷனர் சாய் கிருஷ்ணா, `குற்றவாளிகள் விரைவில் கைதுசெய்யப்படுவார்கள்' என்று தெரிவித்தார். பட்டப்பகலில் நடந்த இந்தச் சம்பவம் பொதுமக்கள் மத்தியில் அதிர்ச்சியை ஏற்படுத்தியிருக்கிறது. ``யார் மீதும் சந்தேகம் இல்லை” - கொலை மிரட்டல் கடிதம் குறித்து சல்மான் கான் போலீஸாரிடம் விளக்கம்
http://dlvr.it/SS33ZV

Read More

மும்பை கடல் பாலம்: காயமடைந்த பறவையை காப்பாற்ற சென்ற தொழிலதிபர்... கார் மோதி உயிரிழந்த சோகம்

மும்பையில் பாந்த்ரா - ஒர்லி இடையே கட்டப்பட்டுள்ள கடல் பாலம் சுற்றுலா தலம் போன்று பயணிப்பவர்களை கவரும் தன்மை கொண்டது. இப்பாலத்தில் காரில் சென்ற சிலர் காரை பாலத்தில் நிறுத்திவிட்டு கடலில் குதித்து தற்கொலை செய்த சம்பவங்கள் நடந்திருக்கிறது. இதனால் பாலத்தில் செல்லும் போது காரை நிறுத்தக்கூடாது என்று வாகன ஓட்டிகள் கேட்டுக்கொள்ளப்பட்டுள்ளனர். இந்த நிலையில் தென்மும்பையை சேர்ந்த அமர் மனீஷ் என்ற தொழிலதிபர் தனது காரில் மலாடு நோக்கி சென்று கொண்டிருந்தார். கார் மும்பை கடல் பாலத்தில் சென்று கொண்டிருந்த போது ஒரு பறவை காரில் அடிபட்டுவிட்டது. உடனே காரை நிறுத்திய அமர், அவரின் கார் டிரைவர் சியாம் சுந்தர் காமத் ஆகியோர் காரில் இருந்து இறங்கி பறவைக்கு உதவ முயன்றனர்.மும்பை கடல் பாலம் அந்நேரம் பாலத்தில் கார்கள் அனைத்தும் வேகவேகமாக சென்று கொண்டிருந்தது. அமரும், காமத்தும் காரிலிருந்து இறங்கி பறவைக்கு உதவ முயன்றபோது வேகமாக வந்த டாக்சி ஒன்று இருவர் மீதும் மோதியது. இதில் இருவரும் பாலத்தில் தூக்கி வீசப்பட்டனர். அவர்கள் இருவரும் உடனே மருத்துவமனைக்கு கொண்டு செல்லப்பட்டனர். மருத்துவமனையில் சோதித்து பார்த்தபோது அமர் ஏற்கனவே இறந்திருந்தார். காமத்திற்கு சிகிச்சையளிக்கப்பட்டு வருகிறது. கண்மூடித்தனமாக கார் ஓட்டியதாக டாக்சி டிரைவர் ரவீந்திர குமார் மீது வழக்கு பதிவு செய்து விசாரித்து வருகின்றனர். இது குறித்து அமர் தந்தை மனீஷ் கூறுகையில், ``எனது மகன் பறவைகள் மற்றும் விலங்குகளுக்காக எவ்வளவோ உதவிகள் செய்திருக்கிறான். அவன் மீது மோதிய டாக்சி டிரைவர் மீது எந்த வித நடவடிக்கையும் எடுக்கவேண்டாம் என்று கேட்டுக்கொள்கிறோம்” என்று தெரிவித்தார். அமர் மீது டாக்சி மோதிய வீடியோ காட்சி சமூக வலைத்தளங்களில் வெளியாகி அதிர்ச்சியை ஏற்படுத்தியுள்ளது.
http://dlvr.it/SS2J33

Read More

ஃபோன் பார்த்துக்கொண்டே உடல் எடையை குறைக்க முடியும் தெரியுமா?

இளசுகள் தொடங்கி பெரியவர்கள் வரை அனைவருக்கும் ஒரு சேர இருக்கும் ஒரே ஆசை, எண்ணம், கவலை என அனைத்து எமோஷன்ஸையும் கொடுப்பது உடல் எடை குறைப்பு அல்லது உடல் அளவை கட்டுப்பாடாக வைத்திருப்பது. புத்தாண்டு அன்று உறுதிமொழி எடுத்தாலும் அடுத்த நாளே அந்த எண்ணமெல்லாம் கானல் நீராகிவிடும். சிலருக்கு அந்த ரிசொல்யூஷன் மோகம் ஒரு வாரம் தாக்குப்பிடிக்கும். ஆனால் அனைவராலுமே ஜிம்முக்கு போவது, வாக்கிங், ஜாகிங், சைக்கிளிங் செல்வது, அதனை முறையாக கடைபிடிப்பது பெரும் சோதனையாகவே இருக்கும்.  இருப்பினும் உடல் எடையை குறைத்தே ஆக வேண்டும் ஆனால் அதற்கென தனியாக நேரம் ஒதுக்க முடியாது என சொல்பவர்களாலும் தாராளமாக நினைத்ததை செய்துக்காட்ட முடியும். அதுவும் செல்போன் பயன்படுத்திக் கொண்டோ, படம் பார்த்துக் கொண்டோ சுலபமாகவே உடல் எடையை குறைக்கலாம். இதற்காக பிரத்யேகமாக டயட் முறையை பராமரிக்கவோ, ஜிம்முக்கு சென்றுதான் செய்ய வேண்டும் என்றில்லை. வீட்டில் இருந்தபடியே எந்த ப்ரஷரும் இல்லாமல் செய்யலாம். அதன்படி LEG Exercise-ஐ விருப்பம் போல் ஃபோன் பார்த்துக் கொண்டே தொடர்ந்து செய்து வந்தால் போதும், காலப்போக்கில் தொப்பை இல்லாத, நேர்த்தியான உடலமைப்பை பெறுவீர்கள். காலுக்கான பயிற்சிகள் மேற்கொண்டு வந்தால் இடுப்பு, தொப்பை மற்றும் தொடை பகுதிகளில் சேரும் கொழுப்புகள் குறைவதற்கு வாய்ப்புள்ளது. இதனை குறித்த நேரத்தில் அதாவது காலை அல்லது மாலை வேளைகளில் தவறாது செய்யலாம் வெறுமனே ஃபோனை மட்டுமே பார்த்துக் கொண்டிருக்காமல் இப்படியாக பயனுள்ளவற்றை செய்தால் ஒரே கல்லுல ரெண்டு மாங்கா என்ற சொல்லுக்கேற்ப நல்ல பலனும் கிட்டும். ALSO READ:  எடை குறைப்புக்கு பட்டினி கிடப்பது சரியா? - விளைவுகளை தெரிந்துகொள்ளுங்கள்
http://dlvr.it/SS1CTX

Read More

ஏ.ஆர்.ரகுமானின் மகள் திருமண வரவேற்பு விழா - தமிழக முதல்வர், பாலிவுட் பிரபலங்கள் பங்கேற்பு

இசைப்புயல் ஏ.ஆர். ரகுமானின் மூத்த மகள் திருமண வரவேற்பு விழா மிக ஆடம்பரமாக செங்கல்பட்டில் நடைபெற்றது. இந்த விழாவில் ஏராளமான பிரபலங்கள் கலந்துகொண்டனர். இந்தியாவின் பிரபல திரைப்பட பின்னணி இசையமைப்பாளராக வலம் வருபவர் ஏ.ஆர். ரகுமான். 1990-ம் ஆண்டுகள் முதல் தமிழ் திரையுலகத்திலும், 2000-ம் ஆண்டுகள் முதல் பாலிவுட்டிலும் தனது பின்னணி இசையால் கலக்கி வருகிறார். மேலும், தேசிய விருதுகள் மட்டுமின்றி ஆஸ்கர் அகாடமி, பாஃப்தா, கிராமி, கோல்டன் குளோப் உள்ளிட்ட விருதுகளையும் வென்று சாதனை படைத்துள்ளார். இவர், கடந்த 1995-ம் ஆண்டு சாய்ரா பானு என்பவரை திருமணம் செய்துகொண்டார். இந்த தம்பதிக்கு, கதீஜா, ரஹீமா என்ற மகள்களும், அமீன் என்ற மகனும் உள்ளனர். இதில் மூத்த மகள் கதீஜாவுக்கும், சவுண்ட் இன்ஜினீயரான ரியாஸ்தீன் சேக்கிற்கும் கடந்த ஆண்டு டிசம்பர் மாதம் நிச்சயதார்த்தம் நடைபெற்றது. இதையடுத்து நெருங்கிய உறவினர்கள் மற்றும் நட்பு வட்டாரங்கள் முன்னிலையில், இருவருக்கும் கடந்த மாதம் 5-ம் தேதி மாலை சென்னையில் எளிமையாக திருமணம் நடைபெற்றது. பிரபலங்கள் யாரும் அழைக்கப்படாதநிலையில், மகளின் திருமண வரவேற்பு நிகழ்ச்சிக்கு அனைவரையும் அழைத்து நடத்துவதாக ஏ.ஆர்.ரகுமான் அறிவித்திருந்தார். இந்நிலையில், நேற்று மாலை செங்கல்பட்டு மாவட்டத்தில் ஏ.ஆர்.ரகுமானுக்கு சொந்தமான ஏ.ஆர்.ஆர். பிலிம் சிட்டியில் திருமண வரவேற்பு நிகழ்ச்சி ஆடம்பரமாக நடைபெற்றது. இதில் அரசியல் தலைவர்கள், பாலிவுட் பிரபலங்கள் என பலரும் கலந்துகொண்டனர். இந்த விழாவில் தமிழக முதல்வர் மு.க.ஸ்டாலின், தனது மனைவி துர்கா ஸ்டாலினுடன் கலந்துகொண்டார். பின்னர், தனது ட்விட்டர் பக்கத்தில் அவர் தெரிவித்துள்ளதாவது, “ஏ.ஆர்.ஆர். பிலிம் சிட்டியில் நடைபெற்ற ஏ.ஆர். ரகுமானின் மகள், கதீஜா - ரியாஸ்தீனின் திருமண வரவேற்பு நிகழ்ச்சியில் கலந்து கொண்டு, புதுமணத் தம்பதிகளுக்கு எனது வாழ்த்துகளைத் தெரிவித்தேன். எல்லைகள் மற்றும் தடைகளைத் தாண்டி, தனது ஆத்மார்த்தமான இசையால் மேலும் பல இதயங்களைக் ஒன்றிணைக்க அன்பான ஏ.ஆர். ரகுமானை வாழ்த்துகிறேன்” என்று குறிப்பிட்டுள்ளார். மேலும் ஏ.ஆர். ரகுமானின் மகள் திருமண வரவேற்பு விழாவில் பாலிவுட்டைச் சேர்ந்த நடிகர்கள் ஷகில்கான், மனீஷா கொய்ராலா, தயாரிப்பாளர் சந்தீப் சிங், பாடகர் சோனு நிஹாம், யோயோ ஹனி சிங் உள்ளிட்ட பிரபலங்கள் பலர் கலந்துகொண்டனர். இந்தப் புகைப்படங்கள் தற்போது வைரலாகி வருகிறது. View this post on Instagram A post shared by Manisha Koirala (@m_koirala) View this post on Instagram A post shared by India’s Youth & Fitness IC⭕️N® (@sahilkhan)
http://dlvr.it/SS1CJl

Read More

அதிக வசதிகள் வேண்டுமா? சந்தா செலுத்துக! டெலிகிராமில் அறிமுகமாகிறது ப்ரீமியம் ப்ளான்!

டெலிகிராம் செயலியில் பிரீமியம் பிளானை அறிமுகப்படுத்த உள்ளதாக அந்நிறுவனத்தின் தலைமை நிர்வாக அதிகாரி பாவெல் துரோவ் கூறியுள்ளார். டெலிகிராம் செயலியில் தற்போது அனைத்து வசதிகளும் பயனர்களுக்கு இலவசமாகவே வழங்கப்பட்டு வரும் நிலையில், தற்போது சில மேம்படுத்தப்பட்ட சிறப்பு வசதிகளை பயன்படுத்துவதற்கு பயனர்களிடம் இருந்து கட்டணம் வசூலிக்க அந்நிறுவனம் முடிவு செய்துள்ளது. இதற்காக ப்ரீமியம் பிளான் என்ற புதிய சந்தா செலுத்தும் திட்டத்தை இம்மாத இறுதிக்குள் அறிமுகப்படுத்த முடிவு செய்துள்ளதாக அந்நிறுவனத்தின் தலைமை நிர்வாக அதிகாரி பாவெல் துரோவ் தெரிவித்தார். “டெலிகிராம் விளம்பரதாரர்களிடம் இருந்து நிதியை பெறுவது இல்லை. முதன்மையாக அதன் பயனர்களால் நிதியளிக்கப்படுகிறது. ஜூன் முதல், பயனர்கள் சில அம்சங்களுக்கு பணம் செலுத்த வேண்டும். இருப்பினும், டெலிகிராம் ஏற்கனவே உள்ள அம்சங்களுக்கு கட்டணம் வசூலிக்காது. புதிய அம்சங்களுக்கு மட்டுமே கட்டணம் விதிக்கப்படும்.” என்று துரோவ் தெரிவித்தார். 2021 ஆம் ஆண்டில், டெலிகிராமிற்கான மிகப்பெரிய சந்தையாக இந்தியா இருந்து வருகிறது. அச்செயலியை பயன்படுத்துபவர்களில் 22% பேர் இந்தியாவில் வசிப்பவர்களே! டெலிகிராம் 2013 இல் அறிமுகமான போதிலும் வாட்ஸ்அப்பின் குழப்பமான தனியுரிமை கொள்கைகள் செயல்பாட்டுக்கு வந்த பிறகுதான் டெலிகிராம் ஒரு அதிவேக வளர்ச்சியைக் கண்டது. வாட்ஸ்அப்பின் புதிய சேவை விதிமுறைகள் மற்றும் தனியுரிமைக் கொள்கைகள் பற்றித் தெரியாமல் இருந்த பல பயனர்கள், தனியுரிமையின் மீது படையெடுப்பதற்குப் பயந்து டெலிகிராமைப் பதிவிறக்கம் செய்து பயன்படுத்தி வருகின்றனர்.
http://dlvr.it/SS1CJR

Read More

``மகன் ஆர்யன் கான் கைதின்போது கிரிமினலைப்போல் எங்களைச் சித்திரித்தனர்" - நடிகர் ஷாருக் கான்

பாலிவுட் நடிகர் ஷாருக் கானின் மகன் ஆர்யன் கான் கடந்த ஆண்டு, அக்டோபர் மாதம் சொகுசுக் கப்பலில் போதைப்பொருள் பயன்படுத்தியதாகக் கைதுசெய்யப்பட்டு 20 நாள்களுக்கும் மேலாகச் சிறையில் இருந்தார். சொகுசுக் கப்பலில் ரெய்டு நடத்திய மும்பை போதைப்பொருள் தடுப்புப் பிரிவு அதிகாரி சமீர் வான்கடே ஆரம்பத்தில் இந்த வழக்கை விசாரித்தார். ஆனால், அவர்மீது குற்றச்சாட்டுகள் எழுந்ததால் இந்த வழக்கு விசாரணையிலிருந்து விடுவிக்கப்பட்டார். போதைப்பொருள் தடுப்புப் பிரிவின் டெல்லி சிறப்பு விசாரணைக்குழு சஞ்சய் சிங் தலைமையில் விசாரணை நடத்தியது. இந்த விசாரணைக்குழு சமீபத்தில் சிறப்பு நீதிமன்றத்தில் குற்றப்பத்திரிகை தாக்கல் செய்தது. குற்றப்பத்திரிகையில் ஆர்யன் கான் பெயர் இடம்பெறவில்லை. ரெய்டின்போது ஆர்யன் கானிடம் போதைப்பொருள் எதுவும் பிடிபடவில்லை என்றும், போதைப்பொருள் பயன்படுத்தினார் என்பதை நிரூபிக்க மருத்துவப் பரிசோதனை நடத்தப்படவில்லை என்றும் கூறப்பட்டதோடு இந்த வழக்கிலிருந்து ஆர்யன் கான் விடுவிக்கப்படுவதாகக் குற்றப்பத்திரிகையில் குறிப்பிடப்பட்டிருந்தது. ஷாருக் கான் தற்போது இந்த வழக்கை விசாரித்த போதைப்பொருள் தடுப்புப் பிரிவு துணை இயக்கநர் சஞ்சய் சிங், ஆர்யன் கானிடம் விசாரணை நடத்திய அனுபவத்தைப் பகிர்ந்து கொண்டிருக்கிறார். ஆர்யன் கான் தன்னிடம் கேட்ட கேள்விகள் மனதை உருக்குவதாக இருந்தன என்று தெரிவித்திருக்கிறார். ஆர்யன் கானிடம் திறந்த மனதுடன் பேசுவதாக உறுதியளித்த பிறகு என்னிடம் பேசினார். ``சார் என்னை சர்வதேச போதைப்பொருள் கடத்தல்காரன் போன்றும், போதைப்பொருள் கடத்தலுக்கு நிதியுதவி செய்வதாகவும் சித்திரிக்கின்றனர். இந்தக் குற்றச்சாட்டுகள் மிகவும் அபத்தமானதாக இல்லையா... என்னிடம் போதைப்பொருள் எதுவும் பறிமுதல் செய்யப்படவில்லை. அப்படியிருந்தும் என்னைக் கைதுசெய்தனர். சார், நீங்கள் மிகப்பெரிய தவறு செய்துவிட்டீர்கள். எனது புகழையும் அழித்துவிட்டீர்கள். நான் ஏன் பல வாரங்கள் சிறையில் இருக்க வேண்டும்... நான் அதற்குத்தான் தகுதியானவனா?” என்று சஞ்சய் சிங்கிடம் ஆர்யன் கான் கேட்டிருக்கிறார்.``அமெரிக்காவில் படித்தபோது கஞ்சா பயன்படுத்தினேன்" - வாக்குமூலத்தில் ஆர்யன் கான் சொன்ன காரணம்! ஆர்யன் கானின் தந்தை ஷாருக் கானும் சஞ்சய் சிங்கைச் சந்தித்துப் பேசினார். அது தொடர்பாகப் பேசுகையில், ``ஷாருக் கான் என்னைச் சந்திக்க விரும்பினார். நான் ஏற்கெனவே மற்ற கைதிகளின் பெற்றோர்களைச் சந்தித்திருப்பதால் ஷாருக் கானைச் சந்திக்கச் சம்மதம் தெரிவித்தேன்” என்று சஞ்சய் சிங் தெரிவித்தார். அவர் மேலும் கூறுகையில், ``ஷாருக் கான் என்னைச் சந்தித்துப் பேசியபோது, ஆர்யன் கானின் மனநிலை குறித்து மிகவும் கவலை தெரிவித்தார். ஆர்யன் கான் சரியாகத் தூங்கவில்லை என்று சொன்னேன். அப்போது ஆர்யன் கானுடன் ஷாருக் கான் இரவில் தங்கினார். தன் மகன் மீதான குற்றச்சாட்டுக்கு எந்தவிதப் பூர்வாங்க ஆதாரமும் இல்லாத நிலையில் அவர் இழிவுபடுத்தப்பட்டிருக்கிறார் என்று தெரிவித்தார். அதோடு மிகவும் கண்ணீர்மல்க, `நாங்கள் மிகப்பெரிய கிரிமினல்கள்போலவும், சமுதாயத்தை அழிக்கத் துடிக்கும் அரக்கர்கள்போலவும் சித்திரிக்கப்பட்டிருக்கிறோம்” என்று சொன்னதாக சஞ்சய் சிங் தெரிவித்தார்.
http://dlvr.it/SS0sLm

Read More

``பினராயி விஜயனின் ஃபண்டுகள் பிலிவெர்ஸ் சர்ச் மூலம் அமெரிக்காவுக்கு போகின்றன" - ஸ்வப்னா சுரேஷ்

திருவனந்தபுரத்தில் உள்ள யு.ஏ.இ தூதர பார்சல் வழியாக தங்கம் கடத்திய வழக்கு விவகாரம் இப்போது சூடுபிடிக்கத் தொடங்கியுள்ளது. தங்கம் கடத்தல் வழக்கில் 16 மாதங்கள் சிறையில் இருந்துவிட்டு ஜாமீனில் வெளியே வந்த ஸ்வப்னா சுரேஷ் கேரள முதல்வர் பினராயி விஜயனை குறிவைத்து பல குற்றச்சாட்டுக்களை கூறிவருகிறார். கடந்த செவ்வாய்க்கிழமை கொச்சியில் செய்தியாளர்களை சந்தித்த ஸ்வப்னா சுரேஷ், தனது உயிருக்கு ஆபத்து என்பதால் நீதிமன்றத்தில் ரகசிய வாக்குமூலம் அளித்துள்ளதாகவும், தங்கம் கடத்தல் வழக்கில் முதல்வர் பினராயி விஜயன், அவரின் மனைவி கமலா, மகள் வீணா ஆகியோருக்கு தொடர்பு இருப்பதாகவும், திருவனாதபுரம் யு.ஏ.இ தூதரகத்தில் இருந்து பிரியாணி பாத்திரத்தில் உலோகம் போன்ற பொருள்கள் முதல்வரின் க்ளப் ஹவுஸுக்கு சென்றதாகவும் கூறி பரபரப்பை கிளப்பியிருந்தார். மேலும், முதல்வர் பினராயி விஜயன் சார்பில் தனது நண்பரான ஷாஜ் கிரண் தன்னை மிரட்டியதாகவும் கூறியிருந்தார்.ஷாஜ் கிரண் அதே சமயம் ஷாஜ் கிரண் அதை மறுத்திருந்தார். இந்த நிலையில் ஷாஜ் கிரண் தன்னுடன் பேசும் ஆடியோ ஒன்றை நேற்று பாலக்காட்டில் வைத்து வெளியிட்டார் ஸ்வப்னா சுரேஷ். அதன் பின்னர் செய்தியாளர்களிடம் பேசிய ஸ்வப்னா சுரேஷ், ``எனது வாக்குமூலத்தால் ஒன்றாம் நம்பர் வி.ஐ.பி கோபமாக இருபதாக ஷாஜ் கிரண் கூறியிருந்தார். அவர் கூறிய ஒன்றாம் நம்பர் வி.ஐ.பி முதல்வர் பினராயி விஜயன்தான். முதல்வர் பினராயி விஜயன்ம் சி.பி.எம் கேரள மாநில செயலாளர் கொடியேரி பாலகிருஷ்ணன் ஆகியோர் பிலிவெர்ஸ் சர்ச் (Believers church) மூலம் அமெரிக்காவில் ஃபண்ட்களை கொண்டு சேர்த்துள்ளனர். அதனால்தான் பிலிவெர்ஸ் சர்ச்-க்கு எஃப்.சி.ஆர்.ஏ (பாரின் காண்ட்ரிபியூஷன் ரெகுலேசன் ஆக்ட்) ரத்துச் செய்யப்பட்டது. பிலிவெர்ஸ் சர்ச்சுக்கு நெருக்கமானவர்தான் ஷாஜ் கிரண். மேலும் முதல்வர் பினராயி விஜயனுக்கும் நெருக்கமானவர் ஷாஜ் கிரண். எனக்கு சிவசங்கர் ஐ.ஏ.எஸ் மூலம்தான் ஷாஜ் கிரண் அறிமுகம் ஆனார். லேண்ட் புரோக்கர் என தன்னைக் கூறிக்கொள்ளும் ஷாஜ் கிரண், பல கம்பெனிகளுக்கு இயக்குநராக உள்ளார். பவர்ஃபுல் மனிதரான ஷாஜ் கிரண் என்னை மனதளவில் தளர்த்த முயன்றார். நான் உயிருக்குப் பயந்துதான் நீதிமன்றத்தில் ரகசிய வாக்குமூலம் அளித்தேன். என் பின்னால் வேறு யாரும் இல்லை" என்றார்.கேரள முதல்வர் பினராயி விஜயன் இதுகுறித்து கருத்து தெரிவித்த ஷாஜ் கிரண், "ஸ்வப்னா சுரேஷ் ஆடியோவை எடிட் செய்து வெளியிட்டுள்ளார். எடிட் செய்யாத ஆடியோவை நான் விரைவில் வெளியிடுவேன். எனக்கும் முதல்வருக்கும் சம்பந்தம் இல்லை" என்றார். மேலும் சி.பி.எம் மாநில செயலாளர் கொடியேரி பாலகிருஷ்ணன், "முதல்வரையும், அவரின் குடும்பத்தையும் விமர்சிப்பதை லட்சியமாகக்கொண்டு ஸ்வப்னா செயல்படுகிறார். இதன் பின்னால் அரசியல் சதி உள்ளது" என்றார். ஸ்வப்னா சுரேஷ் குற்றச்சாட்டுக்களை தொடர்ந்து காங்கிரஸ் கட்சி கேரளாவில் போராட்டங்களை தீவிரமாக்கி வருகிறது.
http://dlvr.it/SRzzzl

Read More

ஏலியன்கள் இருக்கிறார்களா? பறக்கும் தட்டுகள் குறித்து ஆய்வு செய்ய குழு அமைத்தது நாசா!

மிகவும் சர்ச்சைக்குரிய விஷயங்களில் ஒன்றான பறக்கும் தட்டுக்கள் குறித்த ஆராய்ச்சியில் நாசா ஈடுபட உள்ளது. பறக்கும் தட்டுக்கள் குறித்த மர்மமான காட்சிகளை ஆய்வு செய்ய ஒரு அறிவியல் குழுவை உருவாக்குகிறது நாசா. அரை நூற்றாண்டுக்கும் மேலாக மர்மமாக நீடிக்கும் அடையாளம் காணப்படாத பறக்கும் பொருள்கள் (UFOs) பற்றிய காட்சிப் பதிவுகள் பற்றிய அறிவியல் ஆய்வைத் தொடங்க உள்ளது அமெரிக்க விண்வெளி ஆய்வு நிறுவனமான நாசா. அதிக ஆபத்துள்ள, அதிக தாக்கத்தை ஏற்படுத்தும் அறிவியலை ஆராய்வதற்காக ஒரு அறிவியல் குழுவை உருவாக்கும் திட்டத்தை நாசா அறிவித்துள்ளது. கிடைக்கக்கூடிய தரவை வரிசைப்படுத்தவும், எதிர்காலத் தரவைச் சேகரிப்பதற்கான சிறந்த வழிகளை அடையாளம் காணவும், இந்த சிக்கலைப் பற்றிய அறிவியல் புரிதலை மேம்படுத்த தகவலை எவ்வாறு பயன்படுத்தலாம் என்றும் அந்த குழு ஆய்வு செய்யும் என நாசா தெரிவித்துள்ளது. அடையாளம் காணப்படாத வான்வழி நிகழ்வுகள் எனப்படும் வானத்தில் உள்ள மர்மமான காட்சிகளை விளக்க முயற்சிப்பதில் இது முதல் படியாக நாசா கருதுகிறது. சைமன்ஸ் அறக்கட்டளையின் தலைவரான வானியற்பியல் விஞ்ஞானி டேவிட் ஸ்பெர்கெல் தலைமையில் குழு அமைக்கப்படும் என நாசா தெரிவித்துள்ளது. இந்த ஆய்வுக்கு ஆயிரம் முதல் லட்சக்கணக்கான டாலர்கள் செலவாகும் என நாசா தெரிவித்துள்ளது. அமெரிக்கப் பாதுகாப்புத் துறையின் கடற்படை விமானிகளால் ஏப்ரல் 28, 2020 அன்று எடுக்கப்பட்ட ஒரு வீடியோவில் எடுக்கப்பட்ட அடையாளம் தெரியாத வான்வழி நிகழ்வுகள் சில பதிவாகி இருந்தது சர்ச்சையை ஏற்படுத்தியது குறிப்பிடத்தக்கது.
http://dlvr.it/SRyWkK

Read More

ஆம்புலன்ஸ்க்கு வசதியில்லை; 4 வயது மகளின் உடலை 5 கி.மீ தூக்கிச் சென்ற தந்தை -மனதைக் கணமாக்கும் வீடியோ

மத்தியப் பிரதேசத்தில் ஆம்புலன்ஸ்க்கு கொடுக்க காசு இல்லாததால், இறந்துபோன தன்னுடைய 4 வயது மகளின் உடலை தந்தை ஒருவர் தோளில் சுமந்தபடியே சாலையில் நடந்துசெல்லும் வீடியோ சமூக வலைதளங்களில் வைரலாகி வருகிறது. மத்தியப் பிரதேசத்தின் சத்தர்பூர் மாவட்டத்தைச் சேர்ந்த தம்பதியினர், கடந்த திங்களன்று தங்களின் 4 வயது மகளின் உடல்நிலை சரியில்லாத காரணத்தால், பக்ஸ்வாஹா சுகாதார மையத்துக்கு முதலில் கொண்டுசென்றுள்ளனர். பின்னர் சிறுமியின் உடல்நிலை மோசமானதையடுத்து பெற்றோர், டாமோவில் உள்ள மாவட்ட மருத்துவமனைக்கு கொண்டுசென்றுள்ளனர். ஆனால், எதிர்பாராதவிதமாக சிறுமி மருத்துவமனையில் அன்றைய தினமே இறந்துவிட்டார். அதன் பின்னர், சிறுமியின் உடலை ஊருக்கு கொண்டுசெல்ல, மருத்துவமனை ஊழியர்களிடம் ஆம்புலன்ஸ் கேட்டதாகவும், அவர்களிடமிருந்து சரியான பதில் ஏதும் வராததால், சிறுமியின் உடலை அப்படியே கொண்டுசெல்ல நேர்ந்ததாகவும் கூறப்படுகிறது.மகளின் உடலைத் தோளில் சுமந்து செல்லும் தந்தை இது குறித்து ஊடகங்களிடம் பேசிய இறந்த சிறுமியின் உறவினர்கள், ``தனியார் வாகனம் ஏற்பாடு செய்யுமளவுக்கு எங்களிடம் வசதி இல்லை. அதனால், உடலை எங்கள் கிராமத்துக்கு கொண்டுசெல்ல வாகனம் ஏற்பாடு செய்து தருமாறு நகர் பஞ்சாயத்திடம் கேட்டோம். ஆனால், அவர்கள் அதை மறுத்துவிட்டனர். அதையடுத்து, சிறுமியின் உடலைப் போர்வையில் போர்த்தி ஊருக்கு கொண்டுசெல்ல முடிவு செய்து பக்ஸ்வாஹாவுக்கு பஸ்ஸில் ஏறிவிட்டோம். பின்னர் பக்ஸ்வாஹா சென்றடைந்ததும் அங்கிருந்து பவுடி கிராமத்துக்கு வாகனத்தில் செல்ல வசதி இல்லாததால், சிறுமியின் தந்தை அவர் உடலைத் தோளில் சுமந்தபடியே 5 கிலோமீட்டர் சாலையில் நடந்து சென்றார்" என்று கூறினார்கள். இந்த வீடியோ சமூக வலைதளங்களில் வைரலாகிவரும் நிலையில், டாமோ மாவட்ட மருத்துவமனை நிர்வாகம், ``இது குறித்து யாருமே எங்களிடம் வரவில்லை. எங்களிடம் கார்கள் இருக்கின்றன. அப்படியில்லையென்றால், செஞ்சிலுவைச் சங்கம் அல்லது ஏதாவதொரு தொண்டுநிறுவனத்தின் மூலம் வாகனத்தை ஏற்பாடு செய்திருப்போம்" என விளக்கமளித்திருக்கிறது.அதிக பணம் கேட்ட ஆம்புலன்ஸ் ஊழியர்கள்; மகன் சடலத்தை 90 கி.மீ பைக்கில் கொண்டு சென்ற தந்தை!
http://dlvr.it/SRy0PB

Read More

``என் மகளுக்காக நான் மன்னிப்பு கேட்டுக்கொள்கிறேன்" - கர்நாடக பாஜக எம்.எல்.ஏ... என்ன நடந்தது?

கர்நாடக சட்டமன்ற உறுப்பினர் அரவிந்த் லிம்பாவலி-யின் மகள் ரேணுகா பெங்களூரில் உள்ள மாநிலச் சட்டசபைக்கு அருகில் BMW காரில் வேகமாக வந்துள்ளார். அப்போது சாலைவிதியை மீறி காவலர்களின் வாகனத்தை வேகமாக முந்தி சென்றதாகக் கூறப்படுகிறது. இது தொடர்பாக காவல்துறை ரேணுகா வந்த காரை நிறுத்தி விசாரித்தபோது, வாகனத்தை முந்திச் சென்றதற்காக தன் மீது வழக்குப் பதிவு செய்ய முடியாது என்றும், தான் சாலை விதியை மீறவில்லை என்றும், தன்னை செல்ல அனுமதிக்க வேண்டும் என்றும் காவல்துறையிடம் வாக்குவாதத்தில் ஈடுபட்டதாகக் கூறப்படுகிறது. அப்போது, ``நான் யார் தெரியுமா? என் அப்பா யார் தெரியுமா?" என்ற தொனியில் மிரட்டும் விதமாகப் பேசியதாகவும், அங்கிருந்த ஊடகவியலாளரின் கேமராவையும் தாக்கியதாகவும் கூறப்படுகிறது. இறுதியில் காவலர்கள் அவருக்கு அபராதம் விதித்து காரை செல்ல அனுமதித்தனர். இவை அனைத்தும் அந்த ஊடகவியலாளரின் கேமராவில் பதியப்பட்டுள்ளது.ரேணுகா வாக்குவாதத்தின் போது இந்த நிலையில், கர்நாடக பா.ஜ.க சட்டமன்ற உறுப்பினர் அரவிந்த் லிம்பாவலி இந்த சம்பவம் தொடர்பாக ஊடகவியலாளர்களிடம், “ஒரு சிறிய சம்பவம் நடந்துவிட்டது. எனது மகள் அவளின் நண்பருடன் காரில் சென்று கொண்டிருந்தபோது காவல்துறையின் பாதுகாப்பு வாகனத்தை முந்திச் சென்றுள்ளனர். அப்போது காவல்துறை எனது மகளின் வாகனத்தை நிறுத்தி விசாரித்துள்ளனர். அதன்பின்பு, அவள் நண்பன் தருணுக்கு அபராதம் விதித்துள்ளனர். அங்கிருந்த ஊடகவியலாளரை எனது மகள் தாக்கியதாகக் குற்றச்சாட்டு எழுந்தது. அந்த வீடியோவை பார்த்தேன் அதில் சார் என்றுதான் பேசுகிறார். எனவே, ஊடகங்களைக் காயப்படுத்தியிருந்தால் இதைப் பொருட்படுத்த வேண்டாம். அவருக்காக நான் மன்னிப்பு கேட்டுக்கொள்கிறேன்" எனக் கூறியுள்ளார்.``மிஸ்டுகால் கட்சியெல்லாம் ஒருபோதும் எதிர்க்கட்சியாக முடியாது!" - பாஜக-வைச் சாடிய கி.வீரமணி
http://dlvr.it/SRy06Y

Read More

ஆந்திரா: செல்போன் திருடியதாக சந்தேகம்... பட்டியலின இளைஞரை மரத்தில் கட்டிவைத்து தாக்கிய நபர்!

ஆந்திர மாநிலம், விசாகப்பட்டினத்தில் செல்போன் திருடியதாகக் கூறி, சந்தேகத்தின் அடிப்படையில் சூரி பாபு என்பவர் தாரகேஸ்வர ராவ் என்ற இளைஞரை மரத்தில் கட்டிவைத்து சரமாரியாகத் தாக்கினார். இந்தச் சம்பவம் சுமார் பத்து நாள்களுக்கு முன்பு நடைபெற்றிருக்கிறது. ஆனால் தற்போது இது தொடர்பான வீடியோ இணையத்தில் வைரலாகி வருகிறது. மேலும் அந்த வீடியோவில், ஒரு நபர் மற்றொருவரை செருப்பை பயன்படுத்தி தாக்குவதும், அவரை தரக்குறைவான வார்த்தைகளில் திட்டுவதும் தெரிகிறது. இந்தச் சம்பவம் குறித்து பாதிக்கப்பட்ட தாரகேஸ்வர ராவ் உள்ளூர் போலீஸில் புகார் அளித்ததையடுத்து, தாக்குதல் நடத்திய சூரி பாபுவை போலீஸார் கைதுசெய்தனர். மேலும் இந்திய தண்டனைச் சட்டத்தின் சில பிரிவுகளின் வழக்கு பதிவுசெய்யப்பட்டிருக்கிறது. இது குறித்து ஊடகங்களிடம் பேசிய அந்தப் பகுதி காவல்துறை உயரதிகாரிகள், ``செல்போன் காணாமல் போனது தொடர்பாக தாரகேஸ்வர ராவுக்கும், சூரி பாபுவுக்கும் இடையே தகராறு ஏற்பட்டிருக்கிறது. தாரகேஸ்வர ராவ் தனது போனை திருடி விட்டதாக சூரி பாபு குற்றம்சாட்டினார். இதன் காரணமாக தாரகேஸ்வர ராவ் தாக்கப்பட்டிருக்கிறார். அவரை நாங்கள் கைதுசெய்து விட்டோம். மேற்கொண்டு விசாரணை நடந்து வருகிறது'' என்றனர். `பதவி போனால் என்ன; விவசாயம் இருக்கு' பதவிநீக்கம் செய்யப்பட்ட ஆந்திர துணை முதல்வரின் இயற்கை விவசாயம்
http://dlvr.it/SRy03C

Read More

மகனின் சடலத்தை கொடுக்க ரூ.50 ஆயிரம் லஞ்சம் - பிச்சையெடுத்து பணம் சேகரிக்கும் பெற்றோர்

தங்கள் மகனின் சடலத்தை கொடுப்பதற்கு மருத்துவமனை ஊழியர் ரூ.50 ஆயிரம் லஞ்சம் கேட்டதால் வேறு வழியின்றி அவரது வயதான பெற்றோர் பிச்சையெடுக்கும் நிலைக்கு தள்ளப்பட்டுள்ளனர். பிஹார் மாநிலம் சமஸ்திபூர் மாவட்டத்தைச் சேர்ந்தவர் சஞ்சீவ் தாக்குர் (35). சற்று மனநலம் பாதிக்கப்பட்டவரான இவர், கடந்த இரண்டு வாரங்களாக காணவில்லை எனக் கூறப்படுகிறது. இதனிடையே, கடந்த 6-ம் தேதி சஞ்சீவ் தாக்குரின் சடலம் முஸ்ரிகராரி பகுதியில் கண்டெடுக்கப்பட்டது. இதையடுத்து, அவரது பெற்றோரை அழைத்த போலீஸார், இறந்து போனது அவர்களின் மகன் சஞ்சீவ் தாக்குர் தான் என்பதை உறுதிப்படுத்தினர். பின்னர் அவரது உடல் சதார் அரசு மருத்துவமனைக்கு அனுப்பி வைக்கப்பட்டது. அங்கு பிரேதப் பரிசோதனை முடிவடைந்த நிலையில், மகனின் சடலத்தை வாங்குவதற்காக அவரது தந்தை மகேஷ் தாக்குர் மருத்துவமனைக்கு சென்றுள்ளார். ஆனால் அங்கிருந்த ஊழியர்கள், ரூ.50 ஆயிரம் கொடுத்தால் மட்டுமே சடலத்தை கொடுப்போம் எனத் தெரிவித்துள்ளனர். இதனால் என்ன செய்வது எனத் தெரியாமல் தவித்த கூலித் தொழிலாளியான மகேஷ் தாக்குர், ரூ.50 ஆயிரம் பணத்தை திரட்டுவதற்காக அதே பகுதியில் தனது மனைவியுடன் கடந்த 3 நாள்களாக பிச்சை எடுத்து வருகிறார். இதுதொடர்பான வீடியோ சமூக வலைதளங்களில் வைரலாக பரவி பெரும் சர்ச்சையை ஏற்படுத்தியது. இந்த விவகாரம் பூதாகரமானதை அடுத்து, சம்பந்தப்பட்ட மருத்துவமனை நிர்வாகம் சஞ்சீவ் தாக்குரின் உடலை உடனடியாக அவரது பெற்றோரிடம் ஒப்படைத்தது. இதுகுறித்து உரிய விசாரணை நடத்தப்பட்டு லஞ்சம் கேட்ட ஊழியர்கள் மீது கடும் நடவடிக்கை எடுக்கப்படும் என பிஹார் சுகாதாரத் துறை தெரிவித்துள்ளது.
http://dlvr.it/SRvp27

Read More

``தோப்புக்கரணம் போட்டபடி, ஜெய்ஸ்ரீராம் சொல்லுங்கள்..!" - இஸ்லாமிய பக்கிரிகளை துன்புறுத்திய இளைஞர்கள்

நபிகள் நாயகம் தொடர்பாக, பா.ஜ.க செய்தித் தொடர்பாளர் நுபுர் ஷர்மா சமீபத்தில் சர்ச்சைக்குரிய வகையில் பேசியது, சர்வதேச அளவில் பெரும் அதிர்வலைகளை ஏற்படுத்தியது. இதையொட்டி, சமூக ஊடகங்களில் வெறுப்புணர்வைத் தூண்டும் வகையில் பேசியதாக பா.ஜ.க-வின் முன்னாள் செய்தித் தொடர்பாளர் நுபுர் ஷர்மா, நவீன் ஜிண்டால் மற்றும் சில பத்திரிகையாளர்கள்மீது டெல்லி போலீஸார் எஃப்.ஐ.ஆர் பதிவு செய்திருக்கின்றனர். இந்த நிலையில், உ.பி-யில் இஸ்லாமிய பக்கிரிகள் மீது தாக்குதல் நடத்தப்பட்டிருக்கும் சம்பவம் பரபரப்பை ஏற்படுத்தியிருக்கிறது. உத்தரப்பிரதேச மாநிலம், தேகூர் கிராமத்தில் உள்ள கோண்டா பகுதிக்குச் சென்ற மூன்று இஸ்லாமிய பக்கிரிகளை வழிமறித்த சில இளைஞர்கள், அவர்களை கடுமையாக விமர்சித்ததாகக் கூறப்படுகிறது. भीख मांगने गए फ़क़ीर के साथ बदसलूकी एवं उनसे जय श्रीराम कहलवाने का एक वीडियो सोशल मीडिया पर वायरल हो रहा है। वीडियो यूपी गोंडा के खरगूपुर डिंगुर गाँव का बताया जा रहा। महोदय @gondapolice कृपया मामले की जाँच कर आवयश्क कार्रवाई करें… pic.twitter.com/7BEOApYCBe— Ashraf Hussain (@AshrafFem) June 8, 2022 தேகூர் கிராமத்தைச் சேர்ந்த சில இளைஞர்கள், இஸ்லாமிய பக்கிரிகளிடம், ``உங்களுடைய பெயர் என்ன... நீங்கள் எங்கிருந்து வருகிறீர்கள்... நீங்கள் ஆதார் அட்டையை எப்போதும் உடன் வைத்திருக்க வேண்டும். இல்லையென்றால் நீங்கள் தாக்கப்படுவீர்கள். ஜிஹாதிகள், பயங்கரவாதிகள் என அழைக்கப்படுவீர்கள்" என மிரட்டியதாகக் கூறப்படுகிறது. இது தொடர்பான வீடியோ இணையத்தில் அதிகமாகப் பகிரப்பட்டு வருகிறது. அந்த வீடியோவில், இளைஞர் ஒருவர் கையில் பெரிய குச்சியுடன் நின்று கொண்டிருக்கிறார். கைது அவரைச் சுற்றி பலர் நின்று கொண்டிருக்கின்றனர். இஸ்லாமிய பக்கிரிகளிடம் வாக்குவாதம் செய்த அந்த இளைஞர்கள், ஒருகட்டத்தில் அவர்களை மிரட்டி தோப்புக்கரணம் போடவைத்து, ஜெய்ஶ்ரீராம் எனக் கூற வேண்டும் என்று வற்புறுத்துகிறார்கள். இந்தச் சம்பவம் பரபரப்பை ஏற்படுத்தியதையடுத்து, அந்தப் பகுதி காவல்துறையினர் இளைஞர் ஒருவரைக் கைதுசெய்திருக்கின்றனர்.உத்தரப்பிரதேச தேர்தல்: லக்கிம்பூர் சம்பவத்தால் யோகிக்கும், பாஜக-வுக்கும் பின்னடைவா?
http://dlvr.it/SRtkqg

Read More