அ,தி.மு.க., எம்.எல்.ஏ.,க்களுக்கு எதிராக போராட்டம்; கட்ஜூ அழைப்பு

புதுடில்லி: சிறைக்கைதியின் பினாமிக்கு ஆதரவு அளித்த அ.தி.மு.க., எம்.எல்.ஏ.,க்கள் வீடு முன் தமிழக இளைஞர்கள் போராட்டம் நடத்த வேண்டும் என முன்னாள் சுப்ரீம் கோர்ட் நீதிபதி கட்ஜூ கூறியுள்ளார்.

இது குறித்து பேஸ்புக்கில் அவர் வெளியிட்ட செய்தி:

ஜல்லிக்கட்டு போராட்டம் மூலம் நாட்டையே தமிழக இளைஞர்கள் வியக்க வைத்தீர்கள். தற்போது, மீண்டுமொரு போராட்டத்தை இளைஞர்கள் நடத்த வேண்டும் என தமிழகம் மட்டுமின்றி, இந்தியா முழுவதும் விரும்புகிறது.

ஊழல்வழக்கில் சிறையில் உள்ள கைதியின் பினாமிக்கு, வெட்கமில்லாமல் ஆதரவு அளித்த எம்.எல்.ஏ.,க்கள் வீடு மற்றும் அலுவலகம் முன் இளைஞர்கள் அமைதியான முறையில் போராட்டம் நடத்த வேண்டும்

எம்.எல்.ஏ.,க்கள் எங்கு சென்றாலும், அங்கெல்லாம் அவர்களுக்கு கறுப்பு கொடி காட்ட வேண்டும். எதிர்ப்பு தெரிவிக்க வேண்டும்.
அவர்களை சமூகத்தில் புறக்கணிக்க செய்வதுடன், எந்த நிகழ்ச்சிகளுக்கும் அழைக்கப்படக்கூடாது.

சோழர்களின் வழிவந்த தமிழக மக்களின் கோபத்தை எம்.எல்.ஏ.,க்கள் உணர செய்ய வேண்டும். இவ்வாறு அதில் கூறப்பட்டுள்ளது.

English Summary:

NEW DELHI: Supported by a prisoner to the proxy AIADMK MLAs in front of the house of former Supreme Court Chief Justice Katju said that young people will have to deal. 

Read More

பழனிசாமிக்கு எதிராக போராட்டம்: வக்கீல்களுக்கு கட்ஜு அழைப்பு

'முதல்வர் பழனிசாமி ராஜினாமா செய்ய வேண்டும் என வலியுறுத்தி, வழக்கறிஞர்கள் போராட வேண்டும்' என, உச்ச நீதிமன்ற முன்னாள் நீதிபதி மார்க்கண்டேய கட்ஜு தெரிவித்துள்ளார்.

அவரது முகநுால் பதிவு:

தென் மாநிலங்களை சேர்ந்த அனைத்து வழக்கறிஞர்களும், இன்று முதல் தினமும், கீழ்கண்ட கோரிக்கைகளுக்காக, அமைதியாக போராட வேண்டும்.

* வட மாநில உயர் நீதிமன்றங்களில், ஆங்கிலத்துடன் ஹிந்தியும் வழக்காடு மொழியாக உள்ளது. அதேபோல் தமிழ், தெலுங்கு, கன்னடம், மலையாள மொழிகளை, அந்தந்த உயர் நீதிமன்றத்தில் வழக்காடு மொழியாக்க வேண்டும்.

* உச்ச நீதிமன்ற கிளையை, சென்னையிலோ அல்லது இதர தென்மாநில நகரங்களிலோ ஏற்படுத்த வேண்டும்.

* ஊழல் குற்றச்சாட்டில் சிக்கிய, பெங்களூரு சிறை பறவையின் கைப்பாவை பழனிசாமி, உடனடியாக ராஜினாமா செய்ய வேண்டும்.

* 'ஹைட்ரோ கார்பன்' திட்டத்தை, உரிய அறிவியல் ரீதியான ஆய்வுகள் மேற்கொள்ளும் வரை தற்காலிகமாக நிறுத்தி வைக்க வேண்டும்.

இந்த நான்கு கோரிக்கைகள் நிறைவேறும் வரை, கையில் வெள்ளை, 'பேன்ட்' அணிந்து வழக்கறிஞர்கள் போராட வேண்டும். வெள்ளை பேன்ட், போராட்டத்தின் குறியீடு ஆகும். கோரிக்கைகள் நிறைவேறும் வரை, வழக்கறிஞர்கள் அவற்றை நீக்க வேண்டாம். இவ்வாறு கட்ஜு தெரிவித்துள்ளார்.

English Summary:

'CM palanisami to resign, insisting that lawyers have to fight', as former Supreme Court Justice Markandeya Katju said.

Read More

சசிகலா மேல்முறையீடு செய்ய முடியாது: கட்ஜு

திருச்சி: ''சிறை தண்டனை பெற்ற சசிகலா, மேல்முறையீடு செய்ய முடியாது.'' என, உச்ச நீதிமன்ற முன்னாள் நீதிபதி, மார்கண்டேய கட்ஜு கூறினார்.

முடிவுகள் சரியே..

திருச்சி, என்.ஐ.டி.,யில் நடந்த ஒரு கருத்தரங்கில் பங்கேற்க வந்த கட்ஜு, விமான நிலையத்தில் நேற்று அளித்த பேட்டி: சிறை தண்டனை பெற்ற சசிகலா, மேல்முறையீடு செய்ய முடியாது. சீராய்வு மனு வேண்டுமானால் தாக்கல் செய்யலாம். ஆனால், பெரும்பாலான சீராய்வு மனுக்கள், தள்ளுபடி தான் செய்யப்பட்டுள்ளன. இடைப்பாடி பழனிசாமி ஆட்சி குறித்து, ஆறு மாதம் கழித்து தான், விமர்சனம் செய்ய முடியும். தமிழக அரசியல் விவகாரத்தில், கவர்னர் வித்யாசாகரின் முடிவுகள் அனைத்தும் சரியானதே.

ஏராளமான பிரச்னைகள்:

'உ.பி.,யில் ராமர் கோவில் கட்டப்படும்' என, பா.ஜ., தெரிவித்துள்ளது. நாட்டில் வேலையின்மை, வறுமை என ஏராளமான முக்கிய பிரச்னைகள் உள்ளன. ராமர் கோவில் கட்டுவதால் இந்த பிரச்னைகள் முடிந்து விடாது,இவ்வாறு அவர் கூறினார். 

Read More

'அ.தி.மு.க.,வுக்கு இனி அழிவு தான்!': கட்ஜூ

புதுடில்லி: 'சசிகலாவின் கைப்பாவையை முதல்வராக நியமிக்க, எப்போது, அ.தி.மு.க., முடிவு செய்ததோ, அப்போதே அக்கட்சியின் கதை முடிந்து விட்டது' என, உச்ச நீதிமன்ற முன்னாள் நீதிபதி மார்கண்டேய கட்ஜு கருத்து தெரிவித்துள்ளார்.

அ.தி.மு.க., அழியும்:

அவர் தன், 'பேஸ்புக்' பக்கத்தில் கூறியுள்ளதாவது: சசிகலாவின் கைப்பாவையை, சட்டசபை கட்சி தலைவராக தேர்ந்தெடுத்ததன் மூலம், அ.தி.மு.க., தன் மரணத்துக்கு குழி தோண்டி விட்டது. தமிழக சட்டசபைக்கு இப்போது தேர்தல் நடந்தால், சந்தேகமே இல்லாமல், தி.மு.க., தான் பெரும் வெற்றி பெறும். அ.தி.மு.க., மாபெரும் தோல்வியைத் தழுவி அழிந்தே போகும். இவ்வாறு அவர் கூறியுள்ளார்.

English summary:

NEW DELHI: 'Sasikala appoint the puppet Chief Minister, anytime, Digg, made the decision, then the party is over the story', as former Supreme Court Justice Katju commented firs.

Read More

உரிமைக்காக போராடிய தமிழ் மக்கள் வாழ்க! மார்க்கண்டேய கட்ஜூ புகழாரம்..!

புதுடில்லி: முன்னாள் உச்சநீதிமன்ற நீதிபதி மார்க்கண்டேய கட்ஜூ தனது முகநூல் பக்க பதிவில், தமிழ்நாட்டு மக்களின் கலாச்சார விளையாட்டான ஜல்லிக்கட்டுக்கு ஆதரவாக மாணவர்கள், இளைஞர்களின் அறவழிப்போராட்டம் நாட்டுக்கே நல்ல பாடத்தைக் கற்றுக் கொடுத்துள்ளது என்றும் போராட்டத்தில் கலந்துகொண்டவர்களுக்கு புகழாரம் சூட்டியுள்ளார்.
இதுகுறித்து அவர் தனது முகநூல் பதிவில், தமிழக மக்களுக்கு என் மனமார்ந்த பாராட்டுக்கள். குறிப்பாக, ஜல்லிக்கட்டு போராட்டத்தில் பங்கேற்ற இளைஞர்களுக்கு பாராட்டுக்கள். அவர்களைக் கண்டு பெருமைப்படுகிறேன். அவர்களது வருங்காலம் சிறக்கும், வாழ்க!

இந்த போராட்டத்தில் மிக முக்கிய அம்சமாக, பல்வேறு கருத்து முரண்பாடுகள் இருந்தபோதிலும் சாதி, மத எல்லைகளை தகர்த்து துணிச்சலுடன் உறுதியாக அறவழியில் அது மாபெரும் இயக்கமாக, அனைவரும் பேதமில்லாமல் ஒருங்கிணைந்ததுதான் இதன் மிகப் பெரிய முக்கிய அம்சம். அனைத்து நம்பிக்கைகளையும் தவிடுபொடியாக்கி நீங்கள் மிகப் பெரிய அறவழி போராட்டத்தை நடத்திக்காட்டி வெற்றியையும் கண்டுள்ளீர்கள்.
ஒட்டுமொத்த இந்திய மக்களும் உங்களிடமிருந்து பாடம் கற்பார்கள். அவர்களுடைய வளமான வாழ்க்கைக்கு தடைகளை தகர்க்க உங்களை முன்னுதாரணமாக எடுத்துகொள்வார்கள். தமிழ் மக்கள் வாழ்க! என்று உணர்ச்சியுடன் கூறியுள்ளார்.
மேலும், மற்றொரு பதிவில் கர்நாடகா மற்றும் மகாராஷ்ட்ரா மாநிலங்கள் தங்களுடைய கலாசாரத்தில் ஒருபகுதியாக உள்ள கம்பாலா போட்டி, எருது பந்தயம் ஆகிய போட்டிகளை நடத்துவதற்கு அவசர சட்டம் கொண்டு வர வேண்டும் என கூறியுள்ளார்.
ஜல்லிக்கட்டு ஆதரவான நடைபெற்ற அறவழிப் போராட்டத்தில், ஒர் போராட்டகாரராக தன்னைத் தானே அறிவித்துக் கொண்டு ஆரம்பம் முதலே தமிழ்நாட்டு மக்களுக்கு பல வகையிலும் தனது முக நூல் மூலமாக, டிவி பேட்டிகள் மூலமாக, ஆலோசனைகள், கருத்துக்களை, யோசனைகளைக் கூறி கொண்டே இருந்தார் முன்னாள் உச்சநீதிமன்ற நீதிபதி மார்க்கண்டேய கட்ஜு என்பது குறிப்பிடத்தக்கது.

Read More