ஓ.பி.எஸ் மீதான சொத்துக்குவிப்பு வழக்கு; மீண்டும் கையிலெடுக்கும் நீதிபதி ஆனந்த் வெங்கடேஷ்!

2001 சட்டமன்றத் தேர்தலில் வெற்றிபெற்ற ஓ.பி.எஸ்., வருவாய்த்துறை அமைச்சராகப் பதவியேற்றார். டான்சி வழக்கில் சிறைத் தண்டனை உறுதிசெய்யப்பட்டதால், ஜெயலலிதாவிடமிருந்து முதல்வர் பதவி பறிபோனது. அதனால், தமிழ்நாட்டின் திடீர் முதல்வரானார் ஓ.பி.எஸ். பிறகு, மீண்டும் ஜெயலலிதா முதல்வரான பின்னர், பொதுப்பணித்துறை அமைச்சராக ஓ.பி.எஸ் பதவிவகித்தார். 2006-ல் ஆட்சிமாற்றம் ஏற்பட்டு, தி.மு.க ஆட்சிக்கு வந்தது. அப்போது, மதுரை லஞ்ச ஒழிப்புத்துறை துணைக் கண்காணிப்பாளர் கொடுத்த தகவல்களின் அடிப்படையில், ஓ.பி.எஸ், அவரின் குடும்பத்தினர்மீது வழக்கு பதிவுசெய்யப்பட்டது.ஓபிஎஸ் - அதிமுக ஊழல் தடுப்புச் சட்டத்தின்கீழ் பதிவுசெய்யப்பட்ட அந்த வழக்கில், குற்றம்சாட்டப்பட்ட முதல் நபராக ஓ.பி.எஸ் சேர்க்கப்பட்டார். அவருடன் அவரின் மனைவி விஜயலெட்சுமி, மகன் ரவீந்திரநாத் குமார், தம்பி ஓ.ராஜா, ராஜாவின் மனைவி சசிகலாவதி, மற்றொரு தம்பி ஓ.பாலமுருகன் மற்றும் அவரின் மனைவி லதா மகேஸ்வரி ஆகியோர் குற்றம்சாட்டப்பட்டவர்களாகச் சேர்க்கப்பட்டனர். தேனி தலைமை குற்றவியல் நீதிமன்றத்தில் வழக்கு நடைபெற்றது. 2009 ஜூலை 30-ம் தேதி, இந்த வழக்கில் குற்றப்பத்திரிகை தாக்கல் செய்யப்பட்டது. அதில், ‘2001 சட்டமன்றத் தேர்தலின்போது ஓ.பி.எஸ் கணக்கில் காட்டிய சொத்து மதிப்பு, 17 லட்சத்து 44 ஆயிரத்து 840 ரூபாய். தேர்தலில் போட்டியிட்டு வெற்றிபெற்று, வருவாய்த்துறை அமைச்சர், முதல்வர், பொதுப்பணித்துறை அமைச்சர் என பதவிகள் வகித்த ஐந்து வருடங்களில், ஓ.பி.எஸ்-ஸின் சொத்து மதிப்பு ஒரு கோடியே 77 லட்சம் ரூபாயாக உயர்ந்தது. அதாவது, ஐந்து ஆண்டுகளில் 374 சதவிகிதம் உயர்ந்திருக்கிறது’ என்று குற்றம்சாட்டப்பட்டது. 2001 முதல் 2006-ம் ஆண்டு வரை நடைபெற்ற அ.தி.மு.க ஆட்சியில் முதலமைச்சராகவும், வருவாய்த்துறை அமைச்சராகவும் இருந்த ஓ.பன்னீர்செல்வம், வருமானத்துக்கு அதிகமாக 1.72 கோடி ரூபாய் அளவுக்குச் சொத்து சேர்த்ததாக வழக்கு தொடரப்பட்டது. 2012-ம் ஆண்டு ஜனவரி 20-ம் தேதி தன்மீதான ஊழல் வழக்கை, மதுரை நீதிமன்றத்திலிருந்து, சிவகங்கை நீதிமன்றத்துக்கு மாற்றக் கோரி மதுரை உயர் நீதிமன்றக் கிளையில் ஓ.பன்னீர்செல்வம் மனுத் தாக்கல் செய்தார். இதை நீதிபதி பெரிய கருப்பையா விசாரித்து வழக்கை மதுரை நீதிமன்றத்திலிருந்து, சிவகங்கையிலுள்ள மாவட்ட முதன்மை அமர்வு நீதிமன்றத்துக்கு மாற்றி உத்தரவிட்டார். பல்வேறு கட்டங்களைக் கடந்து, சிவகங்கை சிறப்பு நீதிமன்றத்தில் வழக்கு விசாரணை செய்யப்பட்டு வந்தது. இதற்கிடையே 2011-ல் அ.தி.மு.க ஆட்சிக்கு வந்தது. அதன் பிறகு, திடீர் திருப்பங்கள் நிகழ்ந்தன. 2012 அக்டோபர் 27-ம் தேதி தமிழக சபாநாயகர் தனபால், ஓ.பி.எஸ் மீது வழக்கு போடுவதற்காக ஏற்கெனவே சட்டமன்றம் கொடுத்திருந்த அனுமதியைத் திரும்பப் பெற்றார்.ஓ.பி.எஸ் அதைத் தொடர்ந்து சிவகங்கை நீதிமன்றத்தில், ஊழல் தடுப்பு மற்றும் கண்காணிப்புத்துறை ஓர் அறிக்கையைத் தாக்கல் செய்தது. ‘குற்றம்சாட்டப்பட்டவர்கள்மீது சுமத்தப்பட்ட குற்றங்களை நிரூபிக்கும்விதமான ஆதாரங்கள் ஏதும் கிடைக்கவில்லை. எனவே, இந்த வழக்கைத் திரும்பப் பெறுகிறோம்’ என்றது அந்த அறிக்கை. அதன் அடிப்படையில், இந்த வழக்கு முடித்துவைக்கப்பட்டது. அதைத் தொடர்ந்து, வழக்கு சிவகங்கை நீதிமன்றத்தில் நடந்து வந்த நிலையில், 2012-ம் ஆண்டு ஓ.பி.எஸ் விடுவிக்கப்பட்டார். நீதிபதி ஆனந்த் வெங்கடேஷ் இந்த நிலையில், முன்னாள் முதலமைச்சர் ஓ.பன்னீர்செல்வத்துக்கு எதிரான வழக்கை தாமாக முன்வந்து விசாரிக்கப்போவதாக எம்.பி., எம்.எல்.ஏ-க்கள் மீதான வழக்கை விசாரிக்கும் சென்னை உயர் நீதிமன்ற நீதிபதி ஆனந்த் வெங்கடேஷ் அறிவித்திருக்கிறார். ஏற்கெனவே தி.மு.க-வைச் சேர்ந்த அமைச்சர்கள் பொன்முடி, கே.கே.எஸ்.எஸ்.ஆர்.ராமச்சந்திரன், தங்கம் தென்னரசு உள்ளிட்டோரை சொத்துக்குவிப்பு வழக்கிலிருந்து கீழமை நீதிமன்றங்கள் விடுதலை செய்ததற்கு எதிராக சென்னை உயர் நீதிமன்றத்தில் தாமாக முன்வந்து மேல்முறையீடு செய்து, விசாரணைக்கு எடுத்திருந்தார். இந்த நிலையில், தற்போது நான்காவதாக முன்னாள் முதலமைச்சர் ஓ.பன்னீர்செல்வம் மீதான வழக்கை மீண்டும் விசாரிக்கப்போவதாக அறிவித்திருக்கிறார். இந்த வழக்கு நாளை விசாரணைக்கு வரவிருக்கிறது. Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY
http://dlvr.it/SvQMgc

Read More

சிலிண்டர் விலை குறைப்பு: `பாஜக வாக்குறுதியை நிறைவேற்றிவிட்டது; திமுக எப்போது..?' - அண்ணாமலை

பிரதமர் மோடி தலைமையிலான மத்திய அமைச்சரவைக் கூட்டம் டெல்லியில் இன்று நடைபெற்றது. இந்தக் கூட்டத்தில் எரிவாயு சிலிண்டர் விலை குறைப்பது தொடர்பாக தீர்மானிக்கப்பட்டது. அதில், நாடு முழுவதும் சமையல் சிலிண்டர் விலையை ரூ.200 குறைத்தும், உஜ்வாலா திட்டத்தின்கீழ் சிலிண்டர் பெறும் பயனாளிகளுக்கு கூடுதலாக ரூ.200 மானியம் வழங்கப்படும் என்றும் தெரிவிக்கப்பட்டிருக்கிறது. பயனாளிகளுக்கு குறைக்கப்படும் 200 ரூபாயை, மத்திய அரசே நேரடியாக எண்ணெய் நிறுவனங்களுக்கு வழங்கும் என்றும் குறிப்பிட்டிருக்கிறது.சிலிண்டர் இதன் மூலம் நாடு முழுவதும் 10 கோடி பேர் பயனடைவார்கள் என மத்திய அரசு தெரிவித்திருக்கிறது. இந்த நிலையில், நடைப்பயணம் மேற்கொண்டிருக்கும் அண்ணாமலை தனது ட்விட்டர் பக்கத்தில், ``நாடு முழுவதுமுள்ள அனைத்து சமையல் எரிவாயு பயனாளர்களுக்கும், ரூ.200 கூடுதலாக மானியம் அறிவித்து, சமையல் எரிவாயு சிலிண்டர் விலையில் ரூ.200 குறைத்து அறிவித்திருக்கும், நமது பிரதமர் மோடிக்கு தமிழக பா.ஜ.க சார்பாக மனமார்ந்த நன்றிகளைத் தெரிவித்துக்கொள்கிறோம். உஜ்வாலா சமையல் எரிவாயு திட்டத்தின்கீழ், மேலும் 75 லட்சம் பயனாளிகளுக்கு இலவச சமையல் எரிவாயு இணைப்பு வழங்கி அறிவிப்பு வெளியிட்டிருக்கும் பிரதமர் மோடி தலைமையிலான மத்திய அரசுக்கு நன்றிகளைத் தெரிவித்துக்கொள்கிறோம். 2022-ம் ஆண்டு மே மாதம், மத்திய நிதியமைச்சர் நிர்மலா சீதாராமன் உஜ்வாலா சமையல் எரிவாயு பயனாளிகளுக்கு ரூ.200 மானியம் அறிவித்திருந்தார். இந்த ஆண்டு மார்ச் மாதம், மேலும் ஓராண்டுக்கு ரூ.200 மானியம் நீட்டிக்கப்பட்டது.பிரதமர் நரேந்திர மோடி இன்றைய அறிவிப்பின் மூலம், நாடு முழுவதுமுள்ள 9.6 கோடி உஜ்வாலா பயனாளிகள், ஒரு சிலிண்டருக்கு ரூ.400 மானியமாகப் பெறுவார்கள். இந்த நேரத்தில், சமையல் எரிவாயு சிலிண்டர் ஒன்றுக்கு 100 ரூபாய் மானியமாக வழங்குவதாக தேர்தல் வாக்குறுதி எண் 503-ல் கூறிய ஊழல் தி.மு.க, ஆட்சிக்கு வந்து 27 மாதங்கள் கடந்தும் அந்த வாக்குறுதியை நிறைவேற்றுவது குறித்து எந்த அக்கறையும் இல்லாமல் இருப்பதை நினைவுபடுத்த விரும்புகிறோம்" என தி.மு.க அரசைச் சாடியிருக்கிறார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY`உள்ளூர் தலைவர்களுக்குத் தடை’ - 5 மாநில சட்டமன்றத் தேர்தலில் `மோடி மேஜிக்’-ஐ கையில் எடுக்கும் பாஜக?!
http://dlvr.it/SvMhSH

Read More

``தமிழ் விரோதி; தமிழக பாஜக-வினர் வாய்ச்சொல் வீரர்கள்” - கே.எஸ்.அழகிரி ஆவேசம்

சத்தியமூர்த்தி பவனில் செய்தியாளர்களைச் சந்தித்த தமிழக காங்கிரஸ் கமிட்டி தலைவர் கே.எஸ்.அழகிரி, ``இன்று (நேற்று, 28-08-2023) வசந்தகுமாரின் நினைவுநாள். தமிழக காங்கிரஸின் நட்சத்திரமாக விளங்கியவர். அவருடைய இரத்தமே காங்கிரஸ். தான் சார்ந்திருந்த கட்சிக்காக, கொள்கைக்காக, பெருந்தலைவர் காமராஜருக்காக எதையும் இழக்கத் தயாராக இருந்தார்.சத்திய மூர்த்தி பவன் கொடூரமான கொரோனா காலத்தில் இறந்தார். யாரும் எதிர்பார்க்காத இழப்பு. சந்திராயன் -3 தனது இலக்கை அடைந்திருக்கிறது. ஐரோப்பிய, அமெரிக்காவுக்கு இணையாக நாமும் விண்வெளியில் இருக்கிறோம் என்பது அனைத்து இந்தியர்களும் பெருமைப்படக்கூடிய விஷயம். இதற்கு காரணமான விஞ்ஞானிகளுக்கு தமிழக காங்கிரஸ் கமிட்டி சார்பில் நன்றியைத் தெரிவித்துக்கொள்கிறேன். இதற்கு அடிப்படையாக இருந்தவர் ஜவகர்லால் நேரு. அவர்தான் முதலில் விஞ்ஞானிகளை அழைத்து விண்வெளியிலும் நாம் பயணிக்க வேண்டும், ஆராய வேண்டும் என ஆராய்ச்சி மையத்தை உருவாக்கினார். அப்போது அமெரிக்க பத்திரிகைகள் கிண்டலாக எழுதின.ஜவர்ஹலால் நேரு அதையெல்லாம் துட்சமாக மதித்து, விண்வெளி பயணத்தைத் தொடங்கினார். அதன் வளர்ச்சியாக இன்று நிலவைத் தொட்டிருக்கிறோம். காமராஜர் மதிய உணவைக் கொண்டுவந்தார். அதைத் தொடர்ந்து தற்போது தமிழக அரசு காலை உணவையும் தொடங்கியிருக்கிறது. அதற்கு பாராட்டுகளைத் தெரிவித்துக்கொள்கிறேன். குறுவைக்கு தண்ணீர் இல்லாதபோது, `எங்களிடம் தண்ணீர் குறைவாக இருக்கிறது. எனவே, தமிழகத்துக்கு தண்ணீர் வழங்க முடியாது' என கர்நாடக அரசு தெரிவித்தது. தமிழக அரசு அதை ஏற்றுக்கொள்ளவில்லை. தமிழக காங்கிரஸும் அரசின் பக்கமும், விவசாயிகளின் பக்கமும் நின்றது.அண்ணாமலை - பாஜக நீதிமன்றத்தின் மூலமாக ஒரு நாளைக்கு 15,000 கன அடி தண்ணீரை திறக்க வேண்டிய நிர்பந்தத்தை உருவாக்கியிருக்கிறோம். அப்போது பா.ஜ.க-வைத் தவிர, தமிழகத்தில் இருக்கும் அனைத்து அரசியல் கட்சிகளும் அரசின் பக்கம் நின்றோம். பா.ஜ.க அரசியலாக்க முற்பட்டது. இன்று கர்நாடக அரசு தண்ணீரை திறந்ததும், அதற்கு முன்னாள் முதல்வர்கள் பொம்மை, எடியூரப்பா கடும் எதிர்ப்பு தெரிவித்திருக்கிறார்கள். இருவரும் அந்த மாநில பா.ஜ.க தலைவர்கள். `தி.மு.க-வுடன் கூட்டணி என்பதற்காக கர்நாடக அரசு தமிழகத்துக்கு தண்ணீர் திறந்துவிட்டிருக்கிறது. அதை ஏற்றுக்கொள்ள முடியாது’ என்கிறார்கள்.காவேரி அதற்கு தமிழகத்தில் இருக்கும் பா.ஜ.க தலைவர்கள் எதிர்ப்பு தெரிவிப்பார்கள் என்று நாம் அப்போது எதிர்பார்த்தோம். ஆனால் இந்த வாய்ச்சொல் வீரர்கள் அதை மறந்துவிட்டார்கள். பதில் சொல்லவில்லை. அண்ணாமலை, தமிழக பா.ஜ.க பதில் சொல்லவில்லை. இது என்ன நியாயம்... நீங்கள் ஒரு தமிழ் விரோதி என்பதைக் காட்டுகிறீர்கள். தண்ணீர் வராதபொழுது கடுமையாகத் தாக்கிப் பேசினீர்கள். வரும்பொழுது கர்நாடக பா.ஜ.க எதிர்க்கிறது. நீங்கள் வாய்திறக்காமல் இருக்கிறீர்கள் என்றால், உங்களைவிட தமிழ் விரோதிகள் இருக்க முடியுமா.... நீங்கள் யார் என்பதைக் காட்டியிருக்கிறீர்கள். நாங்கள் இதை வன்மையாகக் கண்டிக்கிறோம். இந்தப் போக்கு மாற வேண்டும். சமீபத்தில் சிஏஜி அறிக்கை வந்திருக்கிறது.காங்கிரஸ் தன்னை நேர்மையானவர் என மோடி சொல்லிக்கொள்கிறார். பா.ஜ.க சொல்கிறது. ஆனால், சி.ஏ.ஜி அறிக்கை எவ்வளவு கொடூரமாக இருக்கிறது தெரியுமா... 7.5 லட்சம் கோடிக்கு ஊழல் நடந்திருக்கிறது. பணம் தவறாக செலவு செய்யப்பட்டிருக்கிறது என்று அந்த அறிக்கை சொல்கிறது. நாடாளுமன்றத்தில் தாக்கல் செய்திருக்கிறார்கள். பல நூறு கோடி மதிப்புடைய திட்டங்களை அதானிக்கு கொடுத்திருக்கிறீர்கள். அவருக்கு எந்த முன் அனுபவமும் இல்லை. முன் அனுபவம் இல்லாதவருக்கு வேலை கொடுத்ததும் இல்லாமல், வங்கிகளின் மூலமாகவும், நிதி நிறுவனங்கள் மூலமாகவும் முன்பணமும் கொடுத்திருக்கிறீர்கள். கிட்டத்தட்ட நீங்கள்தான் அந்த வேலை அதானி பெயரில் செய்கிறீர்கள்.அதானி மக்களின் வரிப்பணம் செலவிடப்பட்டிருக்கிறது. இதை நாங்கள் சொல்லவில்லை. சி.ஏ.ஜி அறிக்கை சொல்கிறது. அதற்கு உங்களுடைய பதில் என்ன... பிரதமர் ஏன் பதில் சொல்ல மறுக்கிறார்... அவருடைய தலைமைக்கு கீழ் இருக்கிற துறைகள். அதற்காக அவர் அமர்ந்து கோப்புகளை கிளியர் செய்கிறார். ஆதாரபூர்வமான குற்றச்சாட்டுக்களை அவர்கள் சொல்லியிருக்கிறார்கள். ஆனால், நீங்கள் பதில் சொல்லவில்லை. பரனூர் சுங்கச்சாவடியில் மட்டும் கிட்டத்தட்ட 6.5 கோடி முறைகேடு நடந்திருக்கிறது. பொதுவாகவே தமிழக மக்களுக்கு சுங்கச்சாவடிகள் மீது வருத்தம் உண்டு. எவ்வளவு நாள்களாகப் பணம் வசூல் செய்கிறீர்கள் என்பது அனைவரும் கேட்கும் கேள்வி.சுங்கச்சாவடி இந்தியாவில் 600 சுங்கச்சாவடிகள் இருக்கின்றன. அனைத்திலும் இது போன்ற முறைகேடுகள் நடக்கின்றன. நீங்கள் எவ்வளவு கெட்டிக்காரர்களாக இருக்கிறீர்கள். ரோடு போட்டோம் பணம் எடுத்தோம் அப்படினு சொல்வது வழக்கமாக இருக்கக் கூடியது. ஆனால், டோல்கேட்டில் ஒருத்தன் இவ்வளவு கொள்ளை அடித்திருக்கிறான் என்றால் இந்தியாவில் இதுவரை நடக்காத விஷயம். இதற்கெல்லாம் இந்த ஊர் பா.ஜ.க-வினர் என்ன பதில் சொல்கிறார்கள். வாய்கிழிய பேசுகிறவர்கள் இதற்கெல்லாம் பதில் சொல்ல வேண்டாமா... எக்ஸ்பிரஸ் சாலைக்கு எஸ்டிமேட் ரூ.18 கோடி. நீங்கள் செலவு செய்தது ஒரு கி.மீ-க்கு ரூ.250 கோடி. 278 மடங்கு அதிகமாக செலவு செய்திருக்கிறார்கள். இது எப்படி சாத்தியம்... நிதித்துறை எப்படி அந்தப் பணத்தைக் கொடுத்தார்கள்... இதற்கெல்லாம் பிரதமர் பதில் சொல்லவில்லை.அண்ணாமலை, கே.எஸ்.அழகிரி வரும் 31-ம் தேதி சோழ மண்டலத்தில் இருக்கும் மாவட்டங்களில் வாக்குச்சாவடி உறுப்பினர்கள் பயிற்சி பாசறையை நடத்துகிறோம். தினேஷ் குண்டுராவ் கலந்துகொள்கிறார். 10 மாவட்டங்களைச் சேர்ந்த வட்டார, நகரத் தலைவர்கள், வாக்குச்சாவடி பொறுப்பாளர்கள், தலைவர்கள் கலந்துகொள்கிறார்கள். முதலில் கும்பகோணத்தில் நடத்துகிறோம். பிறகு தமிழகம் முழுவதும் 9 இடங்களில் நடக்கிறது" என்றார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiYஎதிர்க்கும் செல்வப்பெருந்தகை; கடுப்பில் கே.எஸ்.அழகிரி தரப்பு - பரபரப்பு அடங்காத சத்தியமூர்த்தி பவன்
http://dlvr.it/SvK2Yd

Read More

`குளச்சல் மருத்துவமனையில் மருத்துவர்களே இல்லை’ - காங்., எம்.எல்.ஏ-வை உடனே ஆய்வுக்கு அழைத்த மா.சு!

நாகர்கோவில் கோட்டார் அரசு ஆயுர்வேத மருத்துவக் கல்லூரி மருத்துவமனையில் ரூ.5.40 கோடியில் புதிய கட்டடங்களை மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் திறந்துவைத்தும், மேலும் புதிய திட்டங்களுக்கு அடிக்கல் நாட்டவும் செய்தார். இந்த விழாவில் பால்வளத்துறை அமைச்சர் மனோ தங்கராஜ், கலெக்டர் ஸ்ரீதர், கல்லூரி டீன் டாக்டர் கிளாரன்ஸ் டேவி, நாகர்கோவில் மேயர் மகேஷ், விஜய் வசந்த் எம்.பி, பா.ஜ.க எம்.எல்.ஏ எம்.ஆர்.காந்தி, காங்கிரஸ் எம்.எல்.ஏ-க்கள் பிரின்ஸ், ராஜேஷ்குமார் ஆகியோர் கலந்துகொண்டனர். நிகழ்ச்சியில் பேசிய பிரின்ஸ் எம்.எல்.ஏ இதில் குளச்சல் தொகுதி காங்கிரஸ் எம்.எல்.ஏ பிரின்ஸ் பேசும்போது, "குளச்சல் அரசு மருத்துவமனையில் மருத்துவர்கள் இல்லை. பிரேத பரிசோதனை செய்யப்படுவதில்லை. குளச்சல் மருத்துவமனையை தாலுகா மருத்துவமனையாக தரம் உயர்த்த வேண்டும்" எனப் பேசினார். பின்னர், மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் பேசும்போது "எம்.எல்.ஏ-க்கள் பல்வேறு கோரிக்கைகளை வைத்திருக்கின்றனர். அது தொடர்பாக அலுவலர்களுடன் கலந்துபேசி எதையெல்லாம் செய்ய முடியுமோ அதை செய்துகொடுக்க நடவடிக்கை எடுக்கப்படும். தமிழகத்தில் கடந்த 10 ஆண்டுகளில் ஓர் ஆரம்ப சுகாதார நிலையம்கூட வரவில்லை. ஆனால், முதலமைச்சர் மு.க.ஸ்டாலின் மத்திய அரசிடம் பேசி 25 புதிய ஆரம்ப சுகாதார நிலையங்கள், 25 நகர்ப்புற ஆரம்ப சுகாதார நிலையங்கள் கொண்டுவந்திருக்கிறார். தமிழகத்தில் 708 மருத்துவமனைகள் அறிவிக்கப்பட்டு ஒரு நாளில் 500 மருத்துவமனைகள் திறக்கப்பட்டன. இதில் நாகர்கோவில் மாநகருக்கு 10 அறிவிக்கப்பட்டு 5 மருத்துவமனைகள் திறக்கப்பட்டன. தமிழகத்தில் செவிலியர் கல்லூரிகள் 6-தான் இருந்தன. தற்போது மத்திய அரசிடம் 30 செவிலியர் கல்லூரி கேட்கப்பட்டது. அதில் 11 செவிலியர் கல்லூரிகளுக்கு அனுமதி தரப்பட்டிருக்கிறது. விரைவில் அவை தொடங்கப்படும். தமிழகத்தில் கடந்த 11 ஆண்டுகளில் 478 தேசிய தர உறுதி சான்றிதழ் கிடைத்திருக்கிறது. இதில் கடந்த ஆண்டு மட்டும் 239 கிடைத்திருக்கிறது. 50 சதவிகித சான்றிதழ்கள் இந்த ஆட்சியில் கிடைத்திருக்கின்றன. 239 சான்றிதழ்களில் குமரி மாவட்டத்துக்கு மட்டும் 5 சான்றிதழ் கிடைத்திருக்கின்றன.கோட்டாறு அரசு ஆயுர்வேத மருத்துவமனையில் நடந்த நிகழ்ச்சியில் அமைச்சர் மா.சுப்பிரமணியன் கோட்டார் அரசு மருத்துவமனையில் 100 படுக்கை கூடிய கட்டடம் இருக்கிறது. ஆனால், 135 உள்நோயாளிகள் இருக்கின்றனர். இதனால் இடப்பற்றாக்குறை இருக்கிறது. அடுத்த நிதி அறிக்கையில் கோட்டார் அரசு ஆயுர்வேத மருத்துவமனைக்கு மேலும் 100 படுக்கைகளுடன் கூடிய கட்டடம் கட்ட நடவடிக்கை எடுக்கப்படும். தமிழகத்தில் கன்னியாகுமரி, ராணிப்பேட்டை, திருப்பூர், ஈரோடு உட்பட 5 மாவட்டங்களில் புற்றுநோய் தாக்கம் அதிகமிருக்கிறது. காஞ்சிபுரத்தில் புற்றுநோய் ஆராய்ச்சி மையம் அமைக்க ஏற்கெனவே 130 கோடி ரூபாய் ஒதுக்கீடு செய்யப்பட்டது. தற்போது கூடுதலாக 100 கோடி ஒதுக்கீடு செய்யப்பட்டு பணிகள் நடக்கின்றன. குளச்சல் அரசு மருத்துவமனையில் பிணவறை இருக்கிறது. மருத்துவர்களும் இருக்கின்றனர். பிரின்ஸ் எம்.எல்.ஏ இப்போது என்னுடன் வந்தால் குளச்சல் அரசு மருத்துவமனையில் நேரில் சென்று ஆய்வு செய்யலாம்" எனப் பதிலடி கொடுத்தார். இதனால் அரசு விழாவில் சிறு சலசலப்பு ஏற்பட்டது.
http://dlvr.it/SvGQzc

Read More

``அதிமுக மாநாடு கேலிக்கூத்தானது; இளைஞரணி மாநாடு நிச்சயம் அப்படி இருக்காது!” - உதயநிதி ஸ்டாலின்

தி.மு.க இளைஞரணியின் இரண்டாவது மாநில மாநாடு வருகின்ற டிசம்பர் மாதம் சேலம் மாவட்டத்தில் நடைபெறவிருக்கிறது. இது தொடர்பாக நேற்று மாலை திருவாரூர் மாவட்டம் காட்டூர் பகுதியில் அமைந்திருக்கும் கலைஞர் கோட்டத்தில் திருவாரூர் மாவட்ட இளைஞரணி செயல்வீரர்கள் கூட்டம் நடைபெற்றது. செயல்வீரர்கள் கூட்டத்தில் பேசிய அமைச்சர் உதயநிதி, ``தி.மு.க-வில் சுமார் 23 அணிகள் இருக்கின்றன. ஆனால், தலைமைக் கழகம் சொல்வதை உடனடியாக நிறைவேற்றக்கூடிய ஓர் அணி நம்முடைய இளைஞரணிதான். கலைஞர் நூற்றாண்டை முன்னிட்டு வருகின்ற டிசம்பர் மாதம் சேலம் மாவட்டத்திலே தி.மு.க இளைஞரணியின் 2-வது மாநில மாநாடு நடைபெறவிருக்கிறது. இந்த மாநாட்டுக்கு கலைஞர் பிறந்த மாவட்டமான திருவாரூரிலிருந்து, லட்சக்கணக்கான இளைஞர்களும், கழக உடன்பிறப்புகளும் தங்களுடைய குடும்பத்தோடு வந்து பங்கேற்க வேண்டும். சேலத்தில் நடக்கவிருக்கும் இந்த இளைஞரணி மாநில மாநாடு தமிழக அரசியலில் ஒரு மிகப்பெரிய மாற்றத்தையும், தாக்கத்தையும் ஏற்படுத்தும் என்று நான் நம்புகிறேன். குறிப்பாக சமீபத்தில் மதுரையில் நடந்த அ.தி.மு.க-வின் மாநாடு மாதிரி கேலிக்கூத்தாக நம்முடைய இளைஞரணியின் மாநாடு நிச்சயம் இருக்காது. ஒரு மாநாடு எப்படி நடத்தக் கூடாது என்பதற்கு மிகப்பெரிய உதாரணமாக சமீபத்தில் மதுரையில் நடந்த அ.தி.மு.க-வின் மாநாடு இருந்தது. நாட்டிலுள்ள மக்கள் பிரச்னைகளைப் பற்றியோ, நாட்டு மக்களின் மீதோ கொஞ்சம்கூட அக்கறை இல்லாமலும், வெறும் ஆடல், பாடல் கலைநிகழ்ச்சி என்று ஒரு கேவலமான மாநாட்டை அ.தி.மு.க நடத்தியிருக்கிறது. நேற்று காலையில்கூட ஒருவர், அ.தி.மு.க மாநாட்டுக்குச் சென்ற என்னுடைய மனைவியைக் காணவில்லை என்று காவல் நிலையத்தில் புகார் அளித்தாக செய்தி வந்தது. அம்மையார் ஜெயலலிதா இருந்தவரை நீட் தேர்வு தமிழகத்துக்குள் வரவில்லை. அவர் இறந்த பிறகுதான், அ.தி.மு.க-வின் அடிமைகள் கூட்டம் நீட் தேர்வை தமிழகத்தில் கொண்டுவந்தது. கிட்டத்தட்ட 21 மாணவர்கள் இந்த நீட் தேர்வினால் தற்கொலை செய்துகொண்டிருக்கின்றனர். இவை அனைத்தும் தற்கொலைகள் அல்ல..! திட்டமிட்டு செய்யப்பட்ட கொலைகள்..! குறிப்பாக, தமிழ்நாட்டில் பா.ஜ.க-வும், அ.தி.மு.க-வும் இணைந்து கிட்டத்தட்ட 21 மாணவர்களைக் கொலை செய்திருக்கின்றன. நீட் தேர்வை ரத்துசெய்வதற்கான எல்லா முயற்சிகளையும் உண்மையாக தி.மு.க அரசாங்கம் செய்துவருகிறது. ஏ.கே.ராஜன் தலைமையில் நீட் தேர்வு பற்றி ஆய்வுசெய்ய குழு அமைக்கப்பட்டது. அந்தக் குழுவின் அறிக்கையின் மூலம் தமிழ்நாடு சட்டமன்றத்தில் இரண்டு முறை நீட் தேர்வுக்கு எதிராக தீர்மானம் நிறைவேற்றப்பட்டன. ஆனால், இன்றுவரை அந்தத் தீர்மானத்துக்கு ஒன்றிய அரசு ஒப்புதல் தராமலே இருந்துவருகிறது. சமீபத்தில் வெளியான சி.ஏ.ஜி-யின் அறிக்கையில் பாசிச மோடி அரசாங்கத்தின் உண்மையான ஊழல் முகம் வெளிவந்திருக்கிறது. அந்த அறிக்கையில் ஒன்றிய அரசின் ஆயுஷ்மான் பாரத் மருத்துவ காப்பீடு திட்டத்தின் மூலம், இறந்துபோன, கிட்டத்தட்ட 88,000 பேருக்கு இன்ஷூரன்ஸ் தொகை வழங்கியதாகக் கூறி கோடிக்கணக்கில் ஊழல் நடைபெற்றிருக்கிறது. மேலும், "பாரத் மாலா" என்கிற திட்டத்தின் மூலம் ரோடு போடுவதற்காக சுமார் ஒரு கிலோமீட்டர் தூரத்துக்கு, பல கோடி செலவு செய்தாக, கணக்கு காட்டப்பட்டு மக்களின் பணம் கொள்ளையடிக்கப்பட்டிருக்கிறது. கொரோனா காலத்தில் பி.எம் கேர்ஸுக்கு அளிக்கப்பட்ட பணம் இதுவரை எவ்வளவு செலவானது என்றுகூட ஒன்றிய மோடி அரசாங்கம் சொல்ல மறுக்கிறது. தகவல் அறியும் உரிமைச் சட்டத்தில் கேட்டால்கூட, இதைப் பற்றி கேட்பதற்கு யாருக்கும் உரிமை இல்லை என கூறப்படுகிறது. பிரதமர் மோடி நாட்டில் எங்கு பொதுக்கூட்டத்துக்குச் சென்றாலும் தி.மு.க-வைப் பற்றியும், தலைவர் ஸ்டாலினைப் பற்றியும்தான் திட்டி பேசுகிறார். ஆனால், நம்முடைய இந்திய நாட்டிலுள்ள மணிப்பூர் என்கிற மாநிலம் சுமார் மூன்று மாதங்களாகப் பற்றியெரிந்துகொண்டிருக்கிறது. அதைப் பற்றி பேசுவதற்கு அவருக்கு நேரமில்லை. உலக வரலாற்றிலேயே ஒரு பிரதமரை நாடாளுமன்றத்துக்கு வரவைப்பதற்குக்கூட போராட்டம் நடத்த வேண்டிய அவல நிலை நம்முடைய இந்திய நாட்டில்தான் உள்ளது. தமிழ்நாட்டில் கலைஞர் குடும்பம் மட்டும்தான் செழிப்பாக வாழ்ந்து வருவதாக பிரதமர் மோடி கூறி வருகிறார். ஆம், தமிழ்நாட்டிலுள்ள அத்தனை மக்களும் கலைஞரின் குடும்பம்தான். ஆனால், பிரதமரால் இந்திய நாட்டில் ஒரே ஒரு குடும்பம் மட்டும்தான் சொகுசாக வாழ்ந்து வருகிறது. அது அதானியின் குடும்பம் மட்டும்தான்...! இந்திய நாட்டையே பங்கு போட்டு, அதானிக்கு மோடி அரசாங்கம் விற்று வருகிறது. அதானி, இந்திய நாட்டிலுள்ள, ரயில்வே, துறைமுகம், சாலைப் போக்குவரத்து போன்ற, அவர் கால் பதிக்காத துறையே இல்லை. இதை அனைத்தையும் அதானிக்கு தாரை வார்த்தது இந்திய பிரதமர் மோடிதான். எனவே, இவற்றுக்கெல்லாம் முடிவுகட்ட இளைஞரணியைச் சேர்ந்த இளைஞர்கள் வீடு வீடாகச் சென்று ஒன்றிய மோடி அரசாங்கத்தைப் பற்றியும், அடிமை அ.தி.மு.க-வைப் பற்றியும் மக்களுக்கு எடுத்துக் கூறி, 2024 நாடாளுமன்றத் தேர்தலில் `இந்தியா' கூட்டணி வெற்றிபெற உழைக்க வேண்டும். எப்படி 2021-ல் நடந்த சட்டமன்றத் தேர்தலில் மகத்தான வெற்றியை தி.மு.க கூட்டணி பெற்றதோ..! அதே போன்ற ஒரு வெற்றியை வருகின்ற 2024 நாடாளுமன்றத் தேர்தலிலும் `இந்தியா' கூட்டணி பெற வேண்டும். அதற்கு நமது இளைஞரணியைச் சேர்ந்த தம்பிகள் அயராது உழைக்க வேண்டும்” என்றார்.
http://dlvr.it/SvDXgm

Read More

ஊழல் நடந்திருப்பதாக சி.ஏ.ஜி அறிக்கை சொல்லவில்லை என்ற அண்ணாமலையின் கருத்து சரியா? - ஒன் பை டூ

ஒன் பை டூ
http://dlvr.it/SvBkFG

Read More

தேர்தல் முறைகேடு வழக்கு; நீதிமன்றத்தில் சரணடைந்த டொனால்டு ட்ரம்ப்பின் முன்னாள் வழக்கறிஞர்!

அமெரிக்க அதிபராக டொனால்டு ட்ரம்ப் 2017-ம் ஆண்டு பதவியேற்றார். அதன் பிறகு 2020-ம் ஆண்டு நடைபெற்ற அதிபர் தேர்தலில், ஜனநாயகக் கட்சியின் வேட்பாளர் ஜோ பைடனிடம் டொனால்டு ட்ரம்ப் தோல்வியடைந்தார். ஆனால், இந்தத் தேர்தலில் முறைகேடுகள் செய்து, தேர்தல் வெற்றியை ஜோ பைடன் அபகரித்துக்கொண்டார் என ட்ரம்ப் குற்றம்சாட்டினார். இதற்கிடையில், 2021 ஜனவரி 6-ம் தேதி தேர்தல் முடிவுகளுக்குச் சான்றளிக்கும் நிகழ்ச்சி அமெரிக்க நாடாளுமன்றத்தில் நடைபெற்றது.டொனால்டு ட்ரம்ப் ஆனால், அந்த நிகழ்ச்சியை நடத்தவிடாமல், ட்ரம்ப் ஆதரவாளர்கள் நாடாளுமன்ற வளாகத்தில் அத்துமீறி நுழைந்து கலவரத்தில் ஈடுபட்டனர். இந்தக் கலவரத்தில் ஐந்து பேர் உயிரிழந்தனர். இந்தக் கலவரம் தொடர்பாகவும், ஜார்ஜியா மாகாண தேர்தல் முடிவுகளை மாற்றியமைக்க முயன்றதாகவும் ட்ரம்ப் மீது குற்றம்சாட்டப்பட்டது. இதில் கலவரம் தொடர்பான வழக்கு கொலம்பியா மாவட்ட நீதிமன்றத்திலும், ஜார்ஜியா மாகாண தேர்தல் முடிவுகளை மாற்ற முயன்றதாகத் தொடரப்பட்ட வழக்கு ஜார்ஜியா நீதிமன்றத்திலும் நடந்தது. இரண்டு நீதிமன்றங்களும் டொனால்டு ட்ரம்ப் மீதான குற்றச்சாட்டை உறுதிசெய்தன. தேர்தல் முடிவுகளை மாற்ற முயன்ற வழக்கில் மேலும் 17 பேர்மீது வழக்கு பதிவுசெய்யப்பட்டது. எனவே, இந்த வழக்கில் குற்றம்சாட்டப்பட்ட ட்ரம்ப் உள்ளிட்ட 17 பேரும் வெள்ளிக்கிழமைக்குள் நீதிமன்றத்தில் சரணடையவும் நீதிமன்றம் உத்தரவிட்டது. இதில், மிஸ்டி ஹாம்ப்டன், டேவிட் ஷாஃபர், கேத்தி லாதம், ரே ஸ்மித், கென்னத் செஸ்ப்ரோ, ஜான் ஈஸ்ட்மேன், ஸ்காட் ஹால் உட்பட பல்வேறு நபர்கள் வெவ்வேறு நாள்களில் சரணடைந்தனர்.ருடால்ப் கியுலியானி இந்த நிலையில், தேர்தல் முறைகேடுகளுக்கு தலைமை தாங்கியதாகக் கூறப்படும் டொனால்டு ட்ரம்ப்பின் முன்னாள் தனிப்பட்ட வழக்கறிஞர் ருடால்ப் கியுலியானி மீது, பொய்யான அறிக்கைகளை வழங்குதல், பொய் சாட்சியம் கோருதல், மோசடியான ஆவணங்களை உருவாக்க சதி செய்தல் ஆகிய குற்றச்சாட்டுகள் முன்வைக்கப்பட்டன. இந்த நிலையில், இன்று அட்லான்ட்டா காவல் நிலையத்தில் ருடால்ப் கியுலியானி சரணடைந்தார். இவர் 1,50,000 அமெரிக்க டாலர் பிணையாகச் செலுத்த வேண்டும் என்று நீதிமன்றம் உத்தரவிட்டது. அந்தத் தொகையை அவர் வழங்கிய பிறகு பெயிலில் விடுவிக்கப்பட்டார். இது குறித்துப் பேசிய ருடால்ப் கியுலியானி, ``இந்த வழக்கில் குற்றம்சாட்டப்பட்டதற்கு நான் மிகவும் பெருமைப்படுகிறேன். ஏனென்றால், இந்த வழக்கு எங்கள் வாழ்க்கை முறைக்கான போராட்டம். என்மீது மட்டுமல்ல, முன்னாள் அதிபர் டொனால்டு ட்ரம்ப் மீதும் வைத்த இந்தக் குற்றச்சாட்டு ஒரு கேலிக்குரியது. எங்கள்மீது தொடரப்பட்ட தாக்குதல் என்றே கருதுகிறேன்" எனக் குறிப்பிட்டார். இந்த வழக்கில் குற்றம்சாட்டப்பட்ட ட்ரம்ப் `விரைவில் ஆஜராகுவேன்' எனக் குறிப்பிட்டிருந்தார். இந்த வழக்கில் அவர் கைதுசெய்யப்பட்டால் குறைந்தது 20 ஆண்டுகள் வரை சிறைத் தண்டனை விதிக்கப்படலாம் எனக் கூறப்படுகிறது. Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY'டொனால்ட் ட்ரம்ப் குற்றமற்றவர்' - தீர்ப்பு வழங்கிய இந்திய வம்சாவளி நீதிபதி... யார் இந்த உபாத்யாயா?!
http://dlvr.it/Sv8G8L

Read More

``நிலவில் `சந்திரயான்-3' ; பூமியில் எடப்பாடியாரின் மாநாடு சாதனை..!" - ஆர்.பி.உதயகுமார்

``கச்சத்தீவை தி.மு.க அரசு தாரைவார்த்துக் கொடுத்ததை மாற்றி எழுத, பொய் மூட்டைகளை அவிழ்த்துவிட ஸ்டாலின் முயல்கிறார்'' என்று முன்னாள் அமைச்சர் ஆர்.பி.உதயகுமார் பேசியிருக்கிறார். நலத்திட்ட உதவி எடப்பாடி பழனிசாமிக்கு `புரட்சித் தமிழர்' விருது வழங்கியதை முன்னிட்டு தெப்பக்குளம் பகுதியில் மாற்றுத்திறனாளிகளுக்கு நலத்திட்ட உதவிகளை வழங்கிய ஆர்.பி.உதயகுமார் செய்தியாளர்களிடம் பேசும்போது, ``தமிழகத்தில் பல்வேறு புரட்சிகரமான திட்டங்களை எடப்பாடியார் செயல்படுத்தியதால், `புரட்சித் தமிழர்' பட்டத்தை மதுரை மக்கள் சூட்டினார்கள்.  ஆனால், அவர் என்ன சாதனை செய்தார் என்று சில ஞானசூனியங்கள் பேசிவருகிறார்கள். அது மட்டுமல்ல, மாநாட்டில் 32 தீர்மானங்கள் நிறைவேற்றப்பட்டன. இதில் உலக பொதுமறையாம் திருக்குறளை தேசிய நூலகமாக மத்திய அரசு அறிவிக்க வேண்டும், தமிழ்நாட்டிலும் அனைத்துக் கல்வி நிறுவனங்களிலும் தமிழைக் கட்டாயமாக பாட மொழியாகவும், பயிற்று மொழியாகவும் கொண்டுவர சட்டம் இயற்ற வேண்டும் என்று மத்திய அரசிடம் வலியுறுத்தப்பட்டது.மதுரை அ.தி.மு.க மாநாடு அதைத் தொடர்ந்து 9, 10, 11, 12, 13, 14, 15 ஆகிய தீர்மானங்கள் தி.மு.க அரசைக் கண்டித்தும், ஸ்டாலினைக் கண்டித்து நிறைவேற்றப்பட்டிருக்கிறது. இதில் 16-வதாக கச்சத்தீவை மீட்க வேண்டும் என்றும் தீர்மானம் நிறைவேற்றப்பட்டிருக்கிறது.  ராமேஸ்வரத்தில் நடைபெற்ற கூட்டத்தில் கச்சத்தீவை தி.மு.க அரசு தாரைவார்த்துக் கொடுத்ததை மாற்றி எழுத பொய் மூட்டைகளை அவிழ்த்துவிட ஸ்டாலின் முயல்கிறார். கச்சத்தீவு பிரச்னையில்கூட ஜெயலலிதா இருக்கும்போது உச்ச நீதிமன்றத்தில் வழக்கு தொடுக்கப்பட்டது. அந்த வழக்கில் வருவாய்த்துறையும் இணைக்கப்பட்டது. கச்சத்தீவை மீண்டும் மீட்டுத் தர மத்திய, மாநில அரசுகளுக்கு கோரிக்கை வைக்கப்பட்டது. மேலும், ஜெயலலிதா ஆட்சி மீண்டும் மலர தொடர்ந்து களப்பணி ஆற்றிவரும் தொண்டர்களுக்கு நன்றி தெரிவிக்கப்பட்டிருக்கிறது. தொண்டர்களுக்கு நன்றி தெரிவித்து இதுவரை யாரும் தீர்மானம் நிறைவேற்றியதில்லை. அதேபோல் 2024 நாடாளுமன்றத் தேர்தலில் எடப்பாடியார் அமைக்கும் வியூகத்தின்படி செயல்பட்டு எடப்பாடியார் தலைமையில் ஆட்சி அமைக்க சூளுரை ஏற்கப்பட்டிருக்கிறது. இதையெல்லாம் தெரிந்தும் தெரியாததுபோல் புரிந்தும் புரியாததுபோல் ஊடக விவாதங்களில் சிலர் பேசி வருவதை மக்கள் ஏற்றுக்கொள்ளவில்லை. அதை நகைச்சுவையாகத்தான் பார்க்கிறார்கள்.நலத்திட்ட உதவி தமிழகம் மென்பொருள் உற்பத்தியில் முதலிடம் வந்ததாக முதலமைச்சர் கூறுகிறார். ஆனால், தமிழகத்தில் பொருளாதார வல்லுநர்கள் அறிவுறுத்தியும் தமிழகத்தில் கடன் சுமை முதலிடத்தில் இருக்கிறது. `ராகுல் காந்தி பிரதமர் ஆனவுடன் நீட் தேர்வு ரத்து செய்வார்' என்று உதயநிதி கூறுகிறார். `சந்திரயான்-3' நிலவில் சாதனை படைத்திருக்கிறது. எடப்பாடியார் தலைமையிலான மாநாடு பூமியில் சாதனை படைத்திருக்கிறது" என்றார். Junior vikatan 1 Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்
https://bit.ly/3OITqxs வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3OITqxs``அரசு விழாக்களில் இன்பநிதி; தமிழகம் கருணாநிதியின் குடும்பச் சொத்தா?!” - ஆர்.பி.உதயகுமார் காட்டம்
http://dlvr.it/Sv5c2t

Read More

வீணாக்கப்பட்ட உணவு: அதிமுக விளக்கம் -Madras Day Special - பிரகாஷ்ராஜ் மீது வழக்கு - SIP: லாப உத்தி

வீணாக்கப்பட்ட உணவு: அதிமுக விளக்கம்!  அதிமுக மாநாட்டில் வீணான உணவு மதுரை அதிமுக மாநாட்டிற்கு வருகை தந்த தொண்டர்கள் மற்றும் நிர்வாகிகளுக்கு உணவு வழங்கும் விதமாக 10 ஆயிரம் சமையல் கலைஞர்கள் இணைந்து 10 லட்சம் பேருக்கு சமையல் செய்தனர். இதற்காக 100 டன் அரிசி வரவழைக்கப்பட்டது. லெமன் சாதம், புளி சாதம், சாம்பார் சாதம், பிரிஞ்சி சாதம் என வழங்க ஏற்பாடு செய்யப்பட்டிருந்தன. இந்த நிலையில் மாநாட்டில் தொண்டர்களுக்காக தயாரிக்கப்பட்ட உணவுகள் டன் கணக்கில் வீணாக கீழே கொட்டப்பட்டது கடும் விமர்சனத்துக்குள்ளானது. இது குறித்து அதிமுக தரப்பில் விளக்கம் அளிக்கப்பட்டுள்ளது. மாநாட்டுக்கான உணவு தொடர்பான விஷயங்களை பொறுப்பேற்று கவனித்துக்கொண்ட முன்னாள் அமைச்சர் ஆர்.பி. உதயகுமார் இது தொடர்பாக செய்தியாளர்களிடம் அளித்த விளக்கத்தை படிக்க இங்கே க்ளிக் செய்க... Madras Day Special: மெட்ராஸுக்கு ஐஸ் வந்த கதை தெரியுமா? ஐஸ் ஹவுஸ் ஐஸ், ஒரு காலத்தில் அதிகாரத்தின் குறியீடு. மற்றவர்களெல்லாம் ஆசைப்பட்டாலும் கிடைக்காத பொருள். ஐஸ், இந்தியாவுக்கு வந்ததும், அது எல்லோரும் பயன்படுத்தும் பொருளாக மாறியதும் இரு நூற்றாண்டு வரலாறு. ஐஸின் வரலாறு சென்னையின் வரலாற்றோடு பிணைந்திருக்கிறது. அந்த வரலாற்றைத் தினந்தோறும் நினைவுகூர்ந்து கொண்டேயிருக்கிறது சென்னை, மெரினா கடற்கரையை ஒட்டியிருக்கும் ஐஸ் ஹவுஸ். ஐஸ் ஹவுஸ் என்பது வீடா? ஊரா? தெருவா? தெரிந்துகொள்ள இங்கே க்ளிக் செய்க... Chandrayaan-3 : கிண்டல் புகார்; நடிகர் பிரகாஷ்ராஜ் மீது வழக்கு! பிரகாஷ் ராஜ் பிரபல நடிகரான பிரகாஷ் ராஜ், தனது ட்விட்டர் பக்கத்தில், ஒருவர் டீ ஆற்றுவதுபோன்ற ஒருபடத்தைப் பதிவிட்டு, ''சந்திரயான் 3-ன் விக்ரம் லேண்டர் நிலவிலிருந்து எடுத்த முதல் படம்'' எனக் குறிப்பிட்டிருந்தார். அதைத் தொடர்ந்து சமூக வலைதளவாசிகள் பலரும், இந்தப் பதிவுக்கு எதிரான கருத்துகளைப் பகிர்ந்து வந்தனர். மேலும் படிக்க இங்கே க்ளிக் செய்க... டீ, வடைக்கு 6 மாதம் பாக்கிவைத்த போலீஸார்; முதல்வருக்குப் பறந்த புகார்! டீ கடை கள்ளக்குறிச்சி மாவட்டம், கல்வராயன்மலையில் இருக்கிறது கரியாலூர் காவல் நிலையம். இந்தக் காவல் நிலையத்துக்கு எதிரே செல்வம் என்பவர் சிறிய அளவில் டீக்கடை வைத்து நடத்திவருகிறார். அந்தக் கடையில் இருந்துதான் இந்தக் காவல் நிலையத்தில் பணிபுரியும் போலீஸார் தினமும் டீயும், வடையும் வரவழைத்து சாப்பிட்டிருக்கின்றனர். ஆனால், அதற்கான தொகையை செலுத்தாமல் கடன் வைத்தே அன்றாடம் டீயையும், வடையையும் சாப்பிட்டிருக்கின்றனர். மேலும் படிக்க இங்கே க்ளிக் செய்க... சனிதசை என்ன செய்யும்..? - பரிகாரங்கள்! ஶ்ரீசனிபகவான் ஜாதகத்தில் குறிப்பிட்ட கிரகங்களுக்கான தசா காலங்கள் நடக்கும்போது, குறிப்பிட்ட பலன்கள் விளையும் என்பது ஜோதிடக் கிரந்தங்களின் கூற்று. அந்த வகையில், சனி பகவானின் தசா காலம் 19 வருடங்கள். ஜாதகத்தில் குறிப்பிட்ட ஜாதகரின் பிறப்பு நேரம், தசா கால இருப்பு விவரங்கள் தெளிவாகக் குறிப்பிடப்பட்டிருக்கும். இன்று வெளியான சக்தி விகடன் இதழில் இடம்பெற்றுள்ள இது குறித்த கட்டுரையை படிக்க இங்கே க்ளிக் செய்க... எஸ்.ஐ.பி முதலீடு... லாபத்துக்கான உத்தி! எஸ்.ஐ.பி மியூச்சுவல் ஃபண்டில் புதிதாக முதலீடு செய்யும் புதிய முதலீட்டாளர்கள் மற்றும் ஏற்கெனவே மொத்தமாக முதலீடு செய்தவர்கள் எஸ்.ஐ.பி முறையில் சரியாக முதலீடு செய்வது எப்படி என்பதைத் தெரிந்துகொண்டால் அவர்களின் லாபம் நிச்சயம் அதிகரிக்கும். எனவே எஸ்.ஐ.பி முறையில் முதலீட்டை ஆரம்பிக்கும்போது அவசியம் தெரிந்துகொள்ள வேண்டிய முக்கியமான விஷயங்கள் என்னென்ன..? படிக்க இங்கே க்ளிக் செய்க... தலைச்சுற்றல், வாந்தி ... அவ்வளவு ஆபத்தானதா நிலக்கடலை? நிலக்கடலை சுடச்சுட வறுத்த கடலையை, மிகச்சன்னமாகச் சுருட்டிய காகிதப்பொட்டலத்தில் வண்டிக்காரர் கட்டித்தர, அதிலிருந்து ஒவ்வொரு கடலையாக சுவைத்தபடியே அரட்டையடிக் கச்சேரி நடத்துவதிலிருக்கும் சுகமே... தனிதான்! இதற்கிடையே, `நிலக்கடலையா... பார்த்துச் சாப்பிடுங்க... 12 கிராமுக்கு மேல சாப்பிடக்கூடாது... தலைச்சுத்தல் வரும்' என்பது போன்ற எச்சரிக்கைகள் எட்டிப்பார்ப்பது, நிலக்கடலையின் மீது கொஞ்சம் பயத்தையும் ஏற்படுத்தத் தவறவில்லை. மேலும் படிக்க இங்கே க்ளிக் செய்க... விஷ்ணு விஷால் மிஸ் செய்த 'நான் மகான் அல்ல'!  விஷ்ணு விஷால், கார்த்திக்- காஜல் அகர்வால் 'நான் மகான் அல்ல' படம் மக்களிடையே நல்ல வரவேற்பைப் பெற்றிருந்தது. இப்படம் வெளியாகி 13 ஆண்டுகள் நிறைவடைந்த நிலையில் ரசிகர்கள் பலரும் படம் தொடர்பாக பல்வேறு பதிவினை வெளியிட்டிருந்தனர். அதில் ஒரு பகிர்வை பகிர்ந்த நடிகர் விஷ்ணு விஷால் 'நான் மகன் அல்ல' படம் எனக்கு இரண்டாவது படமாக அமைய வேண்டிய படம் என்று பதிவு ஒன்றைப் பகிர்ந்திருக்கிறார். அப்பதிவை படிக்க இங்கே க்ளிக் செய்க...
http://dlvr.it/Sv2zlG

Read More

`திருமா போராட்டம் முதல் டிடிவி பேட்டி வரை' முக்கிய நிகழ்வுகளின் புகைப்படத் தொகுப்பு | News In Photos

திருச்சியிலுள்ள தேசிய வாழை ஆராய்ச்சி மையத்தின் 30-வது நிறுவன நாள் மற்றும் விவசாயிகள் தின விழாவில், வாழை தொடர்பாக சிறப்பாகப் பணியாற்றிய 13 பேருக்கு விருதுகள் வழங்கப்பட்டன. இதில், பிரின்ட் மீடியா பிரிவில் வாழை தொடர்பாக சிறப்பான பங்களிப்பை அளித்ததற்காக பசுமை விகடனுக்கு விருது வழங்கப்பட்டது.ஈரோடு மாவட்டம், தென்முக வெள்ளோடு ராசா சுவாமி நல்லமங்கையம்மன் கோயில் தேரோட்டம்ஈரோடு கனி ராவுத்தர்குளம் ஓங்காளியம்மன் கோயில் பொருள்களைத் திருடிய நபர்கள்மீது நடவடிக்கை எடுக்கக் கோரி, திருநங்கை ஆமிஷா என்பவர் கலெக்டர் அலுவலகத்தில் தரையில் அமர்ந்து தர்ணா போராட்டத்தில் ஈடுபட்டார். சென்னையிலுள்ள தாமஸ் மன்றோ சிலை வர்ணம் பூசி புதுப்பிக்கப்பட்டது. தேனியில் தமிழில் பெயர் பலகை வைக்காத வணிக வளாகங்களின் உரிமையாளர்கள்மீது எடுக்கப்பட்ட நடவடிக்கைகள் குறித்து தமிழ் வளர்ச்சி அரசு செயலாளர் நேரில் சென்று ஆய்வுமேற்கொண்டார்தஞ்சையில் டி.டி.வி.தினகரன் செய்தியாளர்கள் சந்தித்தார். அப்போது அவர் அ.தி.மு.க மாநாட்டையும் எடப்பாடியையும் கடுமையாக விமர்சித்தார். பொய்கை அரசு ஆரம்ப சுகாதார நிலையத்தின் புறநோயாளிகள் பிரிவு புதிய கட்டடத்தை அமைச்சர் மா.சுப்பிரமணியம் திறந்துவைத்தார்.மதுரையில் நடைபெற்று முடிந்த அ.தி.மு.க மாநாட்டில் மீதமுள்ள உணவை கீழே கொட்டியிருக்கின்றனர்புதுச்சேரியில் பணி நீக்கம் செய்யப்பட்ட பொதுப்பணித்துறை ஊழியர்கள் மீண்டும் வேலை வேண்டி தலைமை அலுவலகத்தின் வாயில் மீது ஏறி தற்கொலை முயற்சி போராட்ட த்தில் ஈடுபட்டனர்.திருநெல்வேலி: நெல்லையில் தொடரும் சாதிய படுகொலைகளைக் கண்டித்து நடந்த கண்டன ஆர்ப்பாட்டத்தில் விடுதலைச் சிறுத்தைகள் கட்சித் தலைவர் தொல். திருமாவளவன் கலந்துகொண்டு கண்டனக் குரல் எழுப்பினார்.மக்கள் குறைத்தீர்வு நாள் கூட்டம் வேலூா் மாவட்ட ஆட்சியர் குமரவேல் பாண்டியன் தலைமையில் நடைபெற்றதுவிருதுநகர் ஆட்சியர் அலுவலகத்தில் வாரிசு சான்றிதழ் வேண்டி பிச்சையெடுக்கும் போராட்டத்தில் ஈடுபட்ட தம்பதி.கன்னியாகுமரி ஈசாந்திமங்கலம் அண்ணா காலனி கிராமத்தில் சுடுகாட்டுக்கு செல்ல பாதை அமைத்து தரக் கோரி மாவட்ட ஆட்சியர் அலுவலகத்துக்கு முகத்தில் கரி பூசி, பட்டை நாமம் அடித்து மனு அளிக்க வந்த இளைஞரால் பரபரப்பு ஏற்பட்டது.
http://dlvr.it/Sv0GV6

Read More

``அப்போ இந்தி எதிர்ப்பு... இப்போ நீட்; எப்போதும் மக்கள் ஏமாற மாட்டார்கள்!" - வானதி சீனிவாசன் காட்டம்

நீட் தேர்வு காரணமாக அரியலூர் அனிதா முதல் சென்னை ஜெகதீஸ்வரன் வரை பல மாணவர்கள் தற்கொலை செய்து கொண்டனர். அதனால், நீட் தேர்வில் இருந்து தமிழ்நாட்டிற்கு விலக்கு அளிக்க கோரி தமிழ்நாடு முழுவதும் உண்ணாவிரதப் போராட்டம் நடத்தப்படும் என்று தி.மு.க அறிவித்து, இன்று காலை 9 மணி முதல் மாலை 5 மணி வரை, சென்னை வள்ளுவர் கோட்டத்தில் உண்ணாவிரதப் போராட்டம் நடைபெற்றுவருகிறது. இதில் அமைச்சர் உதயநிதி ஸ்டாலின், துரைமுருகன் உள்ளிட்ட அமைச்சர்களும், இளைஞரணி, மாணவரணி மற்றும் மருத்துவ அணியினரும் கலந்திருக்கின்றனர்.நீட் எதிர்ப்பு போராட்டம் இந்த நிலையில், தி.மு,க-வின் நாடகத்திற்கு தமிழ்நாட்டு மக்கள் முடிவு கட்டுவார்கள் என கோவை தெற்கு தொகுதி எம்.எல்.ஏ-வும், பா.ஜ.க-வின் தேசிய மகளிர் அணித்தலைவருமான வானதி சீனிவாசன் தெரிவித்திருக்கிறார். அதில், "மருத்துவப் படிப்புகளில் சேருவதற்கான நீட் நுழைவுத் தேர்வை மீண்டும், தங்களின் குறுகிய அரசியல் ஆதாயங்களுக்காக பயன்படுத்த தொடங்கியிருக்கிறது தி.மு.க. மருத்துவப் படிப்புகளில் சேரும் மாணவர்களின் எண்ணிக்கை அதிகரித்திருப்பதால், மருத்துவக் கல்வியின் தரம் குறைந்து விடக்கூடாது. அதே நேரத்தில், திறமையான மாணவர்களின் மருத்துவர் கனவும் தகர்ந்து விடக்கூடாது என்பதற்காகவே, நீட் நுழைவுத் தேர்வு நடத்த வேண்டும் என, உச்ச நீதிமன்றம் உத்தரவிட்டது. அதன்படி தி.மு.க அங்கம் வகித்த காங்கிரஸ் தலைமையிலான கூட்டணி ஆட்சியில், நீட் தேர்வு கொண்டு வரப்பட்டது. 2017 முதல் கடந்த 7 ஆண்டுகளாக தமிழகத்தில் நீட் தேர்வு நடந்து வருகிறது. ஆண்டுக்கு தமிழக மாணவர்களின் பங்கேற்பும், தேர்ச்சியும் அதிகரித்து வருகிறது. ஆனாலும், இந்தி வெறுப்பு, திராவிட இனவாதம் போல, நீட் தேர்வையும் பிரித்தாளும் அரசியல் ஆயுதமாக தி.மு.க பயன்படுத்தி வருகிறது.நீட் எதிர்ப்பு போராட்டம் நீட் தேர்வுக்காக தமிழக அரசே பயிற்சி மையங்களை நடத்தி, அதற்கு பெரும் வெற்றி கிடைத்து வந்த நிலையில்தான், 2021-ம் ஆண்டு தி.மு.க., ஆட்சிக்கு வந்தது. 2021 சட்டமன்ற தேர்தல் பிரசாரத்தின்போது, முதலமைச்சர் மு.க.ஸ்டாலினின் மகனும், விளையாட்டுத்துறை அமைச்சருமான உதயநிதி, "தி.மு.க., ஆட்சிக்கு வந்தால் நீட் தேர்வை ரத்து செய்து முதல் கையெழுத்திடுவோம். அதற்கான ரகசியம் எனக்கு தெரியும்" என்றார். உச்ச நீதிமன்ற தீர்ப்பின் அடிப்படையில் கொண்டுவரப்பட்ட நீட் தேர்வை, உச்ச நீதிமன்ற உத்தரவில்லாமல் ரத்து செய்ய முடியாது என்பது தெரிந்தும் பொய்யான வாக்குறுதி அளித்து தி.மு.க ஆட்சிக்கு வந்தது. அதுமட்டுமல்ல ஒவ்வொரு ஆண்டும் நீட் தேர்வு இருக்காது என தி.மு.க-வினர் பிரசாரம் செய்கின்றனர். இதனால், நீட் தேர்வு இருக்காது, 12-ம் வகுப்பு மதிப்பெண்கள் அடிப்படையில்தான் எம்.பி.பி.எஸ் சேர்க்கை நடக்கும் என ஒரு பகுதி மாணவர்கள் நம்ப வைக்கப்படுகின்றனர். இன்னொரு பெரும் பகுதி மாணவர்கள் நீட் தேர்வு நடக்குமா, நடக்காதா என்ற குழப்ப மனநிலைக்கு தள்ளப்படுகின்றனர்.நீட் எதிர்ப்பு போராட்டம் இதனால் நீட் தேர்வை உறுதியுடன் எழுத முடியாத சூழலுக்கு தள்ளப்படுகின்றனர். இதனால்தான் தற்கொலை செய்து கொள்ளும் சூழலுக்கு சில மாணவர்கள் தள்ளப்படுகின்றனர். நீட் தேர்வு பயிற்சி மையங்கள் மாணவர்களுக்கு சுமை என்பதை நான் மறுக்கவில்லை. ஆனால், 12-ம் வகுப்பு மதிப்பெண்கள் அடிப்படையில் நீட் தேர்வு நடந்தபோது, 12-ம் வகுப்பையே பயிற்சி மையங்கள் போல, ஆண்டுக்கு பல லட்சம் ரூபாய் கட்டணம் வாங்கிக் கொண்டு தனியார் பள்ளிகள் நடத்தின. நாமக்கல், சேலம், ஈரோடு மாவட்ட தனியார் பள்ளிகளில் படித்தவர்கள் ஆண்டுக்கு ஆயிரக்கணக்கானோர் எம்.பி.பி.எஸ்-ல் சேர்ந்தனர். தனியார் பயிற்சி மைய பிரச்னை 12-ம் வகுப்பு மதிப்பெண்கள் அடிப்படையில் மருத்து மாணவர் சேர்க்கை நடக்கும்போதும் இருந்தது. இப்போதும் இருக்கிறது. அதன் வடிவங்கள் தான் மாறியுள்ளன. அரசு இதில் அதிக கவனம் செலுத்தும் தனியார் பயிற்சி மைய பிரச்னையை முடிவுக்கு கொண்டு வந்து விடலாம். ஆனால், அரசியல் ஆதாயத்திற்காக இதற்கு தீர்வு காண்பதில் தி.மு.க அரசு அக்கறை காட்டவில்லை. நீட் தேர்வால் இட ஒதுக்கீடு முறையில் எந்த மாற்றமும் இல்லை.நீட் எதிர்ப்பு போராட்டம் தமிழகத்தில் 69 சதவிகித இட ஒதுக்கீட்டின்படியே மருத்துவ மாணவர் சேர்க்கை நடக்கிறது. மத்திய பா.ஜ.க அரசின் வழிகாட்டுதலில், அ.தி.மு.க அரசு கொண்டு வந்த அரசுப் பள்ளி மாணவர்களுக்கான 7.5 சதவீத இட ஒதுக்கீடு, அரசுப் பள்ளிகளில் படிக்கும் கிராமப்புற, ஏழை மாணவர்களுக்கு வரப்பிரசாதமாக அமைந்துள்ளது. எனவே, நீட் தேர்வால் சமூக நீதிக்கும் பாதிப்பு இல்லை. மத்தியில் பா.ஜ.க அரசு அமைந்த பிறகு, 'ஒரு மக்களவைத் தொகுதிக்கு ஒரு மருத்துவக் கல்லூரி' என்ற திட்டத்தை செயல்படுத்தி வருகிறது. அதனால் நாடு முழுவதும் மருத்துவக் கல்லூரிகளின் எண்ணிக்கையும், எம்.பி.பி.எஸ், எம்.டி., போன்ற இளநிலை, முதுநிலை மருத்துவப் படிப்புகளின் எண்ணிக்கையும் இரு மடங்காகியுள்ளது. தமிழகத்திற்கு 11 புதிய அரசு மருத்துவக் கல்லூரிகளை மத்திய பா.ஜ.க அரசு வழங்கியுள்ளது. இதுதவிர 6 தனியார் மருத்துவக் கல்லூரிகளுக்கும் மத்திய பா.ஜ.க அரசு அனுமதி அளித்துள்ளது. இதனால் எம்.பி.பி.எஸ் இடங்களின் எண்ணிக்கையும் 10 ஆயிரத்தை தாண்டியுள்ளது. இந்த இடங்களில் சுமார் ஒன்றரை லட்சம் பேர் போட்டியிடுகின்றனர்.வானதி சீனிவாசன் அவர்களில் இருந்து தகுதியான 10 ஆயிரம் பேரை தேர்வு செய்ய, நுழைவுத் தேர்வு தேவைப்படுகிறது. அகில இந்திய தொகுப்பு ஒதுக்கீட்டு இடங்களில் இதர பிற்படுத்தப்பட்ட வகுப்பு (ஓ.பி.சி.) மாணவர்களுக்கான 27 சதவீத இட ஒதுக்கீட்டையும் 2021-ம் ஆண்டு ஜூலை 29-ம் தேதி பிரதமர் மோடி அறிவித்தார். எனவே, நீட் தேர்வால் சமூக நீதிக்கு எந்தப் பாதிப்பும் இல்லை. "இன்னும் சில மாதங்களில் நாங்கள் ஏற்படுத்த நினைக்கும் அரசியல் மாற்றம் நடக்கும் போது நீட் தடுப்புச் சுவர் பொலபொலவென உதிர்ந்து விழும்" என முதலமைச்சர் ஸ்டாலின் கூறியிருக்கிறார். அப்படியெனில், 2021-ல் தமிழகத்தில் தி.மு.க ஆட்சிக்கு வந்தது அரசியல் மாற்றம் இல்லையா? 2021 தமிழக சட்டசபை தேர்தலுக்கு முன்பு நீட் விலக்கு மசோதாவுக்கு குடியரசுத் தலைவரின் ஒப்புதல் வேண்டும், நாடாளுமன்றத்தில் தீர்மானம் நிறைவேற்ற வேண்டும், உச்ச நீதிமன்றத்தின் உத்தரவு வேண்டும் என்பதெல்லாம் அன்று எதிர்க்கட்சித் தலைவராக இருந்த ஸ்டாலினுக்கும், அவரது மகன் உதயநிதிக்கும் தெரியாதா? "தி.மு.க ஆட்சிக்கு வந்தால் நீட் தேர்வை ரத்து செய்வோம். அதன் ரகசியம் எனக்கு தெரியும்" என்று உதயநிதி சொன்னதெல்லாம் மாணவர்களை, மக்களை ஏமாற்றும் நாடகமா?உதயநிதி, ஸ்டாலின் "நீட் தேர்வுக்கு எதிரான போராட்டத்தை மக்கள் போராட்டமாக மாற்ற வேண்டும்" என்று அமைச்சர் உதயநிதி கூறியிருக்கிறார். இதிலிருந்து நீட் தேர்வை அரசியலாக்கி குளிர்காய நினைக்கிறார்கள் என்பது அப்பட்டமாகத் தெரிகிறது. ஆட்சி அதிகாரத்தில் இருப்பவர்கள், மக்களை போராட்டத்திற்கு அழைப்பது, சமூக அமைதியை குலைக்கும் செயல். அமைச்சரே மக்களைத் தூண்டி விடுகிறார். இது கடும் கண்டனத்திற்குரியது. அரசுப் பள்ளிகளில் அடிப்படை கட்டமைப்புகளை ஏற்படுத்தி, பாடத்திட்டங்களை காலத்திற்கேற்ப மாற்றி அமைத்து, பள்ளிகளிலேயே பயிற்சி அளித்தால் நம் மாணவர்கள் சாதிப்பார்கள். ஆனால், நீட் தேர்வு குறித்த அச்சத்தை விதைத்து கொண்டிருப்பதால் மாணவர்களுக்கு மன அழுத்தம் ஏற்படுகிறது. அரசியல் நடத்த ஆயிரம் விஷயங்கள் இருக்கின்றன. உண்ணாவிரதப் போராட்டம் என்ற பெயரில், அரசியலுக்காக நாட்டின் சொத்தான மாணவர்களின் எதிர்காலத்தோடு, அவர்களின் வாழ்க்கையோடு விளையாட வேண்டாம்.வானதி சீனிவாசன் தி.மு.க தொடங்கப்பட்டபோது அதாவது அந்தக் கட்சியின் முதல் தலைமுறை இந்தி எதிர்ப்பு போராட்டத்தை நடத்தியது. இப்போது மூன்றாவது தலைமுறை நீட் எதிர்ப்பு போராட்டத்தை கையிலெடுத்துள்ளது. இந்தி எதிர்ப்பு போராட்டத்திலும் மாணவர்களைத்தான் பலிகடா ஆக்கினர். இப்போதும் அதுதான் நடக்கிறது. ஆனால் இந்த முறை தமிழக மாணவர்களும், தமிழக மக்களும் ஏமாற மாட்டார்கள்" எனக் குறிப்பிட்டிருக்கிறார்.``உதயநிதி காலத்தில் நீட் ஒழிந்தது என்கிற வரலாறு சரித்திரத்தில் இடம்பெறும்!" - துரைமுருகன் பேச்சு
http://dlvr.it/StxTnW

Read More

DMK: ``இந்தியாவில் நாம் மட்டும்தான் நீட் தேர்வை எதிர்த்து வருகிறோம். ஏனென்றால்..!” - துரைமுருகன்| Live Updates

தொடங்கியது திமுக-வின் உண்ணாவிரத போராட்டம்! திமுக இளைஞரணி, மாணவரணி மற்றும் மருத்துவ அணி சார்பாக நீட் தேர்வை ரத்து செய்ய மறுக்கும் மத்திய அரசையும் ஆளுநரையும் கண்டித்து உண்ணாவிரதப் போராட்டம் அறிவிக்கப்பட்டது. சென்னையில் நடைபெறும் உண்ணாவிரதப் போராட்டத்தில் திமுக இளைஞரணி செயலாளர் அமைச்சர் உதயநிதி ஸ்டாலின் கலந்து கொண்டார். இந்த உண்ணாவிரதப் போராட்டத்தை திமுகவின் பொதுச் செயலாளர் துரைமுருகன் தொடங்கி வைத்தார். இந்த உண்ணாவிரதத்தில் அமைச்சர்கள் சேகர் பாபு, மா.சுப்பிரமணியன், எம்.பி தயாநிதிமாறன், மேயர் பிரியா உள்ளிட்ட பலர் கலந்து கொண்டுள்ளனர் சென்னையில் உண்ணாவிரத போராட்டத்தை தொடங்கிவைத்து பேசிய துரைமுருகன், ``நீட் தேர்வுக்கு எதிராக திமுக நீண்ட சட்டப் போராட்டத்தை நடத்தி வருகிறது. அரசியலுக்கு அப்பாற்பட்டு நீட் தேர்வை கல்வியாளர்கள் பலரும் எதிர்க்கிறார்கள். ஆனால் ஒன்றிய மோடி அரசு அதனை கண்டுகொள்ளாமல் உள்ளது. ஒட்டுமொத்த இந்தியாவில் நாம் மட்டும்தான் நீட் தேர்வை எதிர்த்து வருகிறோம். ஏனென்றால், இது எதிர்காலத்தை சீரழிக்கும் என்ற வருங்கால சிந்தனை நமக்கு உண்டு” என்றார். அதிமுக மாநாட்டை கொடியேற்றி தொடங்கி வைத்தார் எடப்பாடி பழனிசாமி மதுரையில் அதிமுக எழுச்சி மாநாட்டை எடப்பாடி பழனிசாமி கொடியேற்றி தொடங்கி வைத்தார். மதுரையில் அதிமுக பொன்விழா எழுச்சி மாநாடு நடைபெறும் என அறிவிக்கப்பட்ட நாள் முதலே அதற்கான ஏற்பாடுகள் தீவிரமாக நடைபெற்று வந்தது. இந்த நிலையில் இன்று காலை தொண்டர்கள் வரவேற்ப்புக்கு இடையே எடப்பாடி பழனிச்சாமி மாநாட்டு திடலுக்கு வருகை புரிந்து, 51 அடி உயர கொடி கம்பத்தில் அதிமுக கொடியை ஏற்றி வைத்து மாநாட்டு நிகழ்வினை தொடக்கி வைத்தார். அதிமுக தொண்டர்கள் எடப்பாடி பழனிசாமிக்கு உற்சாக வரவேற்பினை அளித்தனர். அம்மா பேரவையை சேர்ந்த 4000 தொண்டர்கள் எடப்பாடி பழனிச்சாமிக்கு அணிவகுப்பு மரியாதை செலுத்த உள்ளனர். அதிமுக பொதுச்செயலாளர் எடப்பாடி பழனிச்சாமி அதிமுக கொடியை ஏற்றி வைத்த போது ஹெலிகாப்டர் மூலம் கிட்டத்தட்ட ஒரு டன் ரோஜா மலர்கள் தூவி வரவேற்பு அளிக்கப்பட்டது. மக்களவைத் தேர்தலுக்கு முன்பாக நடக்கும் அதிமுகவின் எழுச்சி மாநாடு என்பதால் இந்த மாநாட்டு அதிக முக்கியத்துவம் பெற்றுள்ளது மதுரை அதிமுக மாநாட்டில் அமைக்கப்பட்டுள்ள சாதனை விளக்க கண்காட்சி. #admk #madurai மதுரையில் நடைபெறும் அதிமுக மாநாடு. நிருபர் : சல்மான் மு. கார்த்தி வீடியோ: ஈ. ஜெ.நந்தகுமார், என்.ஜி.மணிகண்டன்,ஆர்.எம்.முத்துராஜ் அதிமுக மாநாடு: தயார் நிலையில் ஏற்பாடுகள்..! மதுரையில் அதிமுக எழுச்சி மாநாடு: அதிமுக எழுச்சி மாநாடு மதுரையில் பிரமாண்டமாக இன்று நடைபெற உள்ளது. இன்று காலை கட்சி கொடியை ஏற்றிவைத்து மாநாட்டை தொடக்கி வைக்கிறார் பொதுச்செயலாளர் எடப்பாடி பழனிசாமி. அப்போது ஹெலிகாப்டர் மூலம் மலர்கள் தூவ ஏற்பாடு செய்யப்பட்டுள்ளது. மேலும் அதிமுக அம்மா பேரவையின் சார்பில் 4 ஆயிரம் தொண்டர்கள் சீருடை அணிந்து எடப்பாடி பழனிசாமிக்கு அணிவகுப்பு மரியாதை செலுத்துகின்றனர். தொடர்ந்து மாநாட்டில் அதிமுக புகைப்பட கண்காட்சி, கலை நிகழ்ச்சிகள், பட்டிமன்றம், இசை கச்சேரி, மூத்த நிர்வாகிகளுக்கு பொற்கிழி வழங்குவது என பல நிகழ்ச்சிகள் திட்டமிடப்பட்டுள்ளது. 10 க்கும் மேற்பட்ட தீர்மானங்கள் இந்த மாநாட்டில் நிறைவேற்றப்பட உள்ளன. காலையில் கொடியேற்றிய பிறகு, ஓய்வெடுக்கச் செல்லும் எடப்பாடி பழனிசாமி, மாலை 4.30 மணிக்கு மீண்டும் மேடைக்கு வருகிறார். மாலை 6 மணிக்கு தொண்டர்கள் மத்தியில் சிறப்புரை ஆற்றுகிறார். மாநாடு காரணமாக வலையங்குளம் பகுதிக்கு வரக்கூடிய அனைத்து வாகனங்களும் மாற்றுப்பாதையில் இயக்கப்படுகின்றன. மேலும், அதிமுக மாநாட்டை ஒட்டி, ஆயிரத்துக்கும் மேற்பட்ட காவல்துறையினர் பாதுகாப்பு பணியை மேற்கொண்டு வருகின்றனர். திமுக உண்ணாவிரத போராட்டம்! கடந்த வாரத்தில் சென்னை ஆளுநர் மாளிகையில் நடைபெற்ற நிகழ்ச்சியில், ஆளுநர் ரவி நீட் விலக்கு மசோதா குறித்து பேசும் போது, தான் ஒருபோதும் நீட் விலக்கு மசோதாவுக்கு ஒப்புதல் அளிக்க மாட்டேன் என தெரிவித்தார். இந்த கருத்து தமிழ்நாட்டில் சர்ச்சையாக வெடித்தது. இதனை தொடர்ந்து திமுக இளைஞர் அணி, மாணவர் அணி, மருத்துவ அணி ஆகிய அணிகள் சார்பில், உண்ணாவிரத போராட்டம் அறிவிக்கப்பட்டது. அதிமுக மாநாடு நடைபெறும் நாளில் திமுக போராட்டம் அறிவித்ததால், இந்த இரு நிகழ்வுகளும் அரசியல் முக்கியத்துவம் பெற்றது. உதயநிதி ஸ்டாலின் இதனை தொடர்ந்து நீட் தேர்வை ரத்து செய்யக் கோரி திமுக இளைஞர், மாணவர், மருத்துவ அணிகள் சார்பில் தமிழகம் முழுவதும் இன்று உண்ணாவிரதப் போராட்டம் நடைபெறுகிறது. சென்னை வள்ளுவர் கோட்டம் அருகில் நடைபெறும் போராட்டத்தில் உதயநிதி ஸ்டாலின் பங்கேற்கிறார். மாவட்ட தலைநகரங்களில் நடக்கும் உண்ணாவிரத போராட்டங்கள் மாநில அமைச்சர்கள் சட்டமன்ற உறுப்பினர்கள் கலந்து கொள்வார்கள் என எதிர்பார்க்கப்படுகிறது. மதுரையில் பழங்காநத்தத்தில் உண்ணாவிரதம் இருக்க முதலில் ஏற்பாடு செய்யப்பட்டது. மதுரையில் இன்று அதிமுக மாநாடு நடப்பதால், திமுக உண்ணாவிரதம் ஆக.23-க்கு தள்ளிவைக்கப்பட்டுள்ளது.
http://dlvr.it/StvStP

Read More

1,100 சதுர அடி; இந்தியாவின் முதல் 3D தபால் நிலையம் திறப்பு... எங்கு தெரியுமா?!

கர்நாடக மாநிலம், பெங்களூரின் கேம்பிரிட்ஜ் லே-அவுட் பகுதியில் 3டி தொழில்நுட்பத்தில் தபால் நிலையம் கட்டப்பட்டிருக்கிறது. இதுதான் 3டி தொழில்நுட்பத்தில் கட்டப்பட்ட இந்தியாவின் முதல் தபால் நிலையம். 1,100 சதுர அடி பரப்பளவில் இந்த தபால் நிலையம் அமைக்கப்பட்டிருக்கிறது. இந்தத் தபால் நிலையத்தை மத்திய அமைச்சர் அஸ்வினி வைஷ்ணவ் நேற்று திறந்துவைத்தார். அதைத் தொடர்ந்து பேசிய அஸ்வினி வைஷ்ணவ், "இது பெருமைமிகு தருணம். 3டி தொழில்நுட்பத்தில் இந்தியா சாதனை படைத்திருக்கிறது" எனக் கூறினார்.இந்தியாவின் முதல் 3D தபால் இந்த 3டி தபால் நிலையம் குறித்து பிரதமர் மோடி தனது ட்விட்டர் பக்கத்தில், ``பெங்களூரில் கட்டப்பட்டிருக்கும் இந்தியாவின் முதல் 3டி தபால் நிலையத்தைப் பார்க்கும் ஒவ்வோர் இந்தியரும் பெருமைப்படுவார்கள். இது இந்தியாவின் புதுமைக்கும் முன்னேற்றத்துக்கும் ஓர் எடுத்துக்காட்டு. இது ஒரு தன்னம்பிக்கைமிக்க இந்தியாவின் உணர்வையும் உள்ளடக்கியது. இந்தக் கட்டுமானத்தில் ஈடுபட்ட அனைவருக்கும் பாராட்டுகள்" எனப் பதிவிட்டிருக்கிறார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்
https://bit.ly/3OITqxs வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3OITqxs`தேர்தலுக்காக மோடி சுட்ட வடைகள், ஊசிப்போய்விட்டன... இபிஎஸ், பாஜக-வின் பாதம்தாங்கி'- ஸ்டாலின் காட்டம்
http://dlvr.it/StsTMm

Read More

Traffic Violation: ட்விட்டரில் போட்டோ, உடனே ஆயிரங்களில் அபராதம் - இதற்கு சட்டத்தில் இடம் இருக்கிறதா?

Greater Chennai Traffic Police என்றொரு ID, ட்விட்டர் சமூகவலைதளத்தில் இருக்கிறது. உங்களுக்குத் தெரியும் என்று நினைக்கிறேன். எப்போதாவது நேரம் கிடைக்கும்போது இதை ஓப்பன் செய்து பார்த்தால், காவல்துறையைவிட பொதுமக்களே காவல்துறையாகவே மாறி ஏகப்பட்ட பேர் இதில் ஆக்டிவ் ஆக இருப்பது தெரியும். யாராவது ஹெல்மெட் போடாமல் பைக் ஓட்டினால், சிக்னலை மீறினால், நோ பார்க்கிங்கில் வாகனங்களை பார்க் செய்திருந்தால், ஒன்வேயில் திருட்டுத்தனமாக வண்டி ஓட்டினால், ட்ரிப்பிள்ஸ் அடித்தால்… என்று இப்படி டிராஃபிக் வயலேஷன்களில் ஈடுபடுபவர்களின் புகைப்படங்கள் வரிசையாக வந்து விழுகின்றன. ‘இவனைப் புடிங்க சார்; புடிச்சு ஜெயில்ல போடுங்க சார்’ எனும் ரீதியில் அந்தப் போக்குவரத்து விதிமீறல்களில் ஈடுபட்டவர்கள் பற்றிய கமென்ட்டுகள். @ChennaiTraffic One-way driving & no helmet for both rider & pillion. - In front of Puzhithivakkam MRTS - 8th Aug 2023; 6 PM - Vehicle no. TN07 CK8536 Fyi pls. pic.twitter.com/5p86VPqG7a— Ramesh रमेश ரமேஷ் (@Udumalai_Ramesh) August 8, 2023 உடனே அந்தப் பதிவுக்கு நன்றி தெரிவித்து, ‘Thank you for your tweet. It has been sent to the concerned officer for follow-up action’ – இப்படி ஒரு பொதுவான ரிப்ளை ட்வீட் காவல்துறையிடம் இருந்து வருகிறது. அடுத்த கொஞ்ச நேரத்தில் அந்தச் சம்பந்தப்பட்ட நபருக்கு அபராதச் சலான் பறக்கிறது. அந்தப் பதிவும் வந்து விழுகிறது அந்தப் பக்கத்தில்.  ‘என்னடா நடக்குது இங்க; எல்லோருமே போலீஸ் இன்ஃபார்மர்ஸ் ஆகிட்டாங்களா’ என்று Greater Chennai Traffic Police ட்விட்டர் பக்கத்துக்கு ஒரு எட்டுப் போனேன்.Triple Riding Traffic Violation அது மெரினா பீச் சாலை என்று நினைக்கிறேன். ‘பெரிய ஆபீசர் போல; ஹெல்மெட் இல்லை; வண்டி ஓட்டும்போது போன் பேசுறார்’ என்று போட்டோவுடன் ஒரு பதிவு. அதைப் பதிவிட்டிருந்தவர் பாலாஜி என்கிற ஒரு நபர். அடுத்த கொஞ்ச நேரத்தில் காவல்துறையிடம் இருந்து அந்த வாகனத்துக்கு அபராத சலான் நோட்டீஸ் வந்து விழுந்திருக்கிறது.  நடைபாதையில் ஒரு காரும் சில ஆட்டோக்களும் பார்க் ஆகியிருந்த புகைப்படம் ஒன்று பதிவாகியிருந்தது. பெரியமேடு பகுதியில் ராஜா முத்தையா சாலையில் அந்தப் புகைப்படம் எடுக்கப்பட்டிருந்தது. ‘Hope necessary action will be taken on the vehicles’ என்று அந்த வாகனத்தின் நம்பர் பிளேட்டுடன் அதைப் பதிவிட்டிருந்தார் ஆனந்தன் என்பவர். அடுத்த சில மணி நேரங்களில் அந்த வாகனங்களுக்கு ‘இந்தா புடி’ என்று வரிசையாக 500 ரூபாய் அபராதச் சலான்கள் வந்திருந்தன. Traffic ViolationsFine ‘ஒன்வேயில, அதுவும் ஹெல்மெட் இல்லாமப் போறான் பாருங்க’ எனும் ரீதியில் புழுதிவாக்கம் பகுதியில் எடுத்த ஒரு வீடியோவையே வெளியிட்டிருந்தார் ரமேஷ் என்பவர். சில மணி நேரத்தில் அந்த வெள்ளை நிற ஆக்டிவாவின் நம்பர் பிளேட்டை ட்ரேஸ் செய்து, ஒன்வே டிரைவிங் மற்றும் ஹெல்மெட்லெஸ் டிரைவிங் என இரண்டுக்கும் சேர்த்து 1,500 ரூபாய் சலான் வந்திருந்தது.  இன்னொரு புகைப்படம்; கணவன் பின்னால் மனைவி கட்டைப்பையுடன் அமர்ந்து டூவீலரில் பயணம் செய்கிறார். அவருக்கு 1000 ரூபாய் அபராதம் வந்திருந்தது. ‘கட்டைப் பை கொண்டு போனா ஃபைனா’ என்று தேடிப் பார்த்தால்… அந்தப் பில்லியன் பெண்மணி ஹெல்மெட் போடவில்லை என்பதற்கான அபராதமாம் அது! Defective Number Plate இதைவிட ஒருவர் ‘தளபதி’ விஜய் ரசிகர் போல! அவரது பல்ஸர் பைக்கின் நம்பர் பிளேட்டில் ‘மெர்சல்’ பட விஜய், மெர்சலாக கை நீட்டி போஸ் கொடுத்துக் கொண்டிருந்தார். சென்னை அண்ணா நகர் மெட்ரோ பார்க்கிங்கில் நிறுத்தியிருந்த அந்த பைக்கைப் புகைப்படம் எடுத்துக் காவல்துறையின் வெளிச்சத்துக்குக் கொண்டு வந்திருக்கிறார் மஹாராஜா ஜெயின் என்பவர். அந்த விஜய் ரசிகருக்கு ‘Defective Number Plate’ என்று 1,500 ரூபாய் அபராதம்!  இந்த அபராத விஷயங்கள், சம்பந்தப்பட்ட அந்த நபர்களைச் சென்றடைந்ததா… அவர்கள் அபராதத்தைக் கட்டிவிட்டார்களா என்பது தெரியவில்லை.எல்லாம் ஓகே! ‘‘இப்படிச் சட்டத்தை யார் வேண்டுமானாலும் கையில் எடுத்துச் செயல்படலாமா? இதில் தவறான பழி பழி வாங்கும் நோக்கம் வந்து விடாதா?’’ என்று சென்னையைச் சேர்ந்த வழக்கறிஞர் பாபு ரங்கசாமியிடம் கேட்டேன். Lawyer Babu Rangasamy ‘‘இதற்கு சட்டத்தில் நிச்சயம் இடம் இருக்கிறது சார். இப்படி மக்கள் செய்யும் போக்குவரத்து விதிமீறல்களைத் தனிநபர் ஒருவர் புகைப்படமோ வீடியோவோ எடுத்து காவல்துறைக்குத் தெரிவிக்க, தண்டனை பெற்றுத் தர, சட்டத்தில் எவ்விதத் தடையும் இல்லை. மக்கள் தொகை மிகுந்த சென்னை மாநகரத்தில் இப்படி எத்தனை விதிமீறல்கள் நடக்கின்றன? இவை எல்லாவற்றையும் கவனிக்க காவல்துறையால் மட்டுமே முடியாது. மக்கள் ஒருவகையில் காவல்துறைக்கு நன்மைதான் செய்கிறார்கள். இருந்தாலும், தவறான புகார்கள் வந்தால், அதை எப்படிக் கையாள்வது என்பது குறித்து, மத்திய/மாநில அரசுகள், சட்டத்தில் இதை எப்படி இடம்பெற வைப்பது என்பதைப் பற்றி சட்ட வல்லுநர்களுடன் கலந்தாலோசிக்க வேண்டும்" என்றார் பாபு. சைபர் க்ரைம் வழக்கறிஞர் சத்ய நாராயணன்‘தவறு செய்பவர்களுக்குத் தண்டனை உடனே கிடைப்பது’ என்பது நல்ல விஷயம்தான் என்றாலும், மக்கள் இதில் பழிவாங்கும் நோக்கில் செயல்படவும் வாய்ப்பு இருக்கிறது. என்றோ எடுத்த பழைய போட்டோவையோ, பகைமை உணர்வை மட்டுமோ மனதில் வைத்தும் இதுபோல் செயல்களில் ஈடுபடலாம் அல்லவா? அப்போ யார் வேண்டுமானாலும், யாரையும் புகைப்படம் எடுத்துப் போட்டால், உடனே அபராதம் உறுதிதானா? இது பற்றி இன்னொரு சைபர் க்ரைம் வழக்கறிஞர் சத்ய நாராயணன் என்ன சொல்கிறார்? ‘‘இது ஒன்றும் தவறில்லை; நல்ல விஷயம்தானே! க்ரைம்களில் சின்ன க்ரைம்; பெரிய க்ரைம் என்று இருக்கிறதா என்ன? தப்பு செய்தால் எல்லோருக்குமே தண்டனை கிடைக்க வேண்டும்தான். காவல்துறையிலேயே ஒரு குற்றத்தைப் பதிவு செய்வது சம்பந்தமாக, பாதிக்கப்பட்டவர் (Victim) மட்டுமே புகார் அளிப்பதை வைத்து FIR என்கிற First Information Report பதிவு செய்யப்பட வேண்டும் என்பது இல்லை. அதை Witness செய்தவர்களும் புகார் அளிக்கலாம். அதேபோல்தான் இதுவும்.  ட்விட்டரில் மட்டுமல்ல; இப்போது மொபைலில் Police-E-Eye என்கிற ஆப் மூலமும் பலர் இதுபோல் காவல்துறைக்குப் புகார் அளிக்கிறார்கள். இதில் நீங்கள் சொல்வதுபோல், தவறு செய்தவர் புகைப்படத்தில் இருக்கும் அந்த நபர்தானா… சம்பந்தப்பட்ட புகைப்படம் ஒரிஜினலா… எப்போது எடுத்தது… போன்ற சமாச்சாரங்களை உறுதி செய்ய வாய்ப்பளித்த பிறகே, அபராதம் வழங்க வேண்டும்! இதுவும் ஏற்றுக் கொள்ளப்பட வேண்டியதுதான்!’’ என்றார். Pillion not wearing helmet காவல்துறைக்கு ஒரு வேண்டுகோள்: க்ரைம் என்பதில் சின்ன க்ரைம் இல்லைதான்; ஆனால் குழந்தைகளைக் கொண்டு போய் விடும் தாய்மார்களை, ஹெல்மெட் போடாத பாவமான பில்லியன் ரைடர்களையெல்லாம் படம்பிடித்து 1000 ரூபாய் வசூலித்தால், மக்கள் காசிலிருந்தே விரைவில் தமிழ்நாட்டின் கடனையே அடைத்து விடலாம்போல! குடித்துவிட்டு வண்டி ஓட்டுபவர்களை, ஒன்வேயில் சர்புர் எனப் பறப்பவர்களை, சாலைகளில் ஸ்டன்ட் அடிக்கும் பயங்கரவாதிகளைப் பிடித்து அபராதம் விதித்தாலே… விபத்துகளையும், குற்றங்களையும் முக்கால்வாசிக்கு மேல் தடுத்துவிடலாம். முந்தியெல்லாம் டிராஃபிக் போலீஸைப் பார்த்தா மட்டும்தான் பயப்படுவோம்; இப்போ செல்போன் வெச்சிருக்கிற யாரைப் பார்த்தாலும் பயமாத்தான்யா இருக்கு! இனிமே கேர்ஃபுல்லா ரூல்ஸை மதிச்சு வண்டி ஓட்டுங்க மக்கா!
http://dlvr.it/StpqWw

Read More

செண்டை மேளம் அடித்த அண்ணாமலை | வாஜ்பாய் நினைவு தினம் - News In Photos

நீரின்றி வறண்டு காணப்படும் வைகை ஆறு.ஆடி அமாவாசையான இன்று, தூத்துக்குடி துறைமுக கடற்கரையில் அதிகாலையில் ஏராளமான மக்கள் தங்கள் முன்னோர்களுக்குத் தர்ப்பணம் கொடுத்தனர்.ராமேஸ்வரத்தில் ஆடி அமாவாசையை முன்னிட்டு, முன்னோர்களுக்குத் தர்ப்பணம் செய்ய பல்லாயிரக்கணக்கானோர் அக்னி தீர்த்தக் கடலில் திரண்டனர்.தஞ்சாவூர் மாவட்டம், திருவையாறில் ஆடி அமாவாசையை முன்னிட்டு, முன்னோர்களுக்குத் தர்ப்பணம் செய்ய ஏராளமான மக்கள் வந்தனர்.கடல் அரிப்பு ஏற்படுவதைத் தடுக்கும் விதமாக, முகத்துவாரம் அருகே தூண்டில் வளைவு அமைக்கும் பணி நடைபெறுகிறது. இடம்: சென்னை, நேப்பியர் பாலம் அருகேஈரோட்டில் அளவுக்கு அதிகமாக பள்ளி மாணவர்களை ஏற்றிச் சென்ற ஆட்டோக்கள் சிறைப்பிடிப்பு. இடம்: கிழக்கு ஆர்.டி.ஓ அலுவலகம்வேலூர்: தமிழ்நாடு தீண்டாமை ஒழிப்பு முன்னணி சார்பில் பல்வேறு கோரிக்கைகளை வலியுறுத்தி ஆர்ப்பாட்டம்.ஈரோடு அரசு மகளிர் மாதிரி மேல்நிலைப்பள்ளியில், தொல்லியல்துறை சார்பில் ஒன்பது, பத்தாம் வகுப்பு மாணவிகளுக்கான `பண்டைய தமிழ் சமூகம்' என்ற தலைப்பில், மாவட்ட அளவிலான கட்டுரைப் போட்டி நடைபெற்றது.கன்னியாகுமரி மாவட்டத்தில் நடைபெற்ற பா.ஜ.க மாநிலத் தலைவர் அண்ணாமலையின் `என் மண், என் மக்கள்' நடைப்பயணத்தில், செண்டை மேளம் கலைஞர்களுடன் மேளம் அடித்து அசத்திய அண்ணாமலை.ஆடி அமாவாசையை முன்னிட்டு கன்னியாகுமரி முக்கடல் சங்கமத்தில் குவிந்த மக்கள்.நாங்குநேரி சம்பவம் குறித்து மக்கள் சிவில் உரிமைக் கழகத்தினர் தங்களது கள ஆய்வறிக்கையை இன்று மதுரையில் வெளியிட்டனர்.புதுச்சேரி: மறைந்த முன்னாள் பிரதமர் வாஜ்பாய் நினைவுதினத்தை முன்னிட்டு, புதுச்சேரியில் அவரது உருவபடத்துக்கு முதல்வர் ரங்கசாமி மலர்தூவி அஞ்சலி செலுத்தினார்.புதுச்சேரி: பிரெஞ்சு ஆட்சியர்களிடமிருந்து புதுச்சேரி சுதந்திரம் பெற்ற சட்டபூர்வ பரிமாற்ற நாளான இன்று, புதுச்சேரி அரசின் சார்பாக கீழூரிலுள்ள நினைவிடத்தில் சபாநாயகர் செல்வம், தேசியக்கொடியேற்றி மரியாதை செலுத்தினார்.புதுச்சேரி, வில்லியனூர் தொகுதிக்குட்பட்ட சுல்தான்பேட்டையைச் சேர்ந்த பயனாளிகளுக்கு, சிகப்பு குடும்ப அட்டையை உள்துறை அமைச்சர் நமச்சிவாயம் வழங்கினார்.விருதுநகர் மாவட்டம், சதுரகிரியில் ஆடி அமாவாசையை முன்னிட்டு ஆயிரக்கணக்கான பக்தர்கள் மலையேறினர்.விருதுநகர் மாவட்டம், சதுரகிரியில் மாங்கனி ஓடை தண்ணீரின்றி வறண்டு காணப்படுகிறது.திருநெல்வேலி: ஆடி அமாவாசையை முன்னிட்டு, முன்னார்களுக்கு தாமிரபரணி ஆற்றங்கரையில் தர்ப்பணம் கொடுத்தனர்.
http://dlvr.it/Stm5M3

Read More

``மணிப்பூர் முகாம்களில் மருத்துவர்களின்றி பிரசவம் நடக்கிறது!” - விவரிக்கிறார் ம.நீ.ம அருணாச்சலம்

``மணிப்பூரில் பொதுமக்கள் சர்வ சாதாரணமாக ஆயுதம் பயன்படுத்துவதாக வரும் தகவல்கள் உண்மைதானா?" ``குக்கி இன மக்களைச் சந்திக்கச் சென்றபோது மைதேயி இனப் பெண்கள் 300 பேர் ஆயுதம் ஏந்தி வாகனத்தை சோதனையிட்டனர். குக்கி இன மக்களுக்கான நிவாரணப் பொருள்களைக் கொண்டு செல்ல அவர்கள் அனுமதிக்கவில்லை. குக்கி இன மக்கள் மலைகளிலிருந்து கீழே வந்துவிடக் கூடாது என்பதிலும், குக்கி பகுதிக்குள் மைதேயி இன மக்கள் வந்துவிடக் கூடாது என்பதிலும் தெளிவாக இருக்கிறார்கள். இரு தரப்பு மக்களுமே கையில் ஆயுதம் வைத்திருக்கிறார்கள்.” மணிப்பூர் வன்முறை ``நிவாரண முகாம்களில் அடிப்படை வசதிகளும், பாதுகாப்பு அம்சங்களும் முறையாக இருக்கின்றனவா?” ``குக்கி இன மக்கள் வாழும் பகுதிகளிலுள்ள முகாமில் எந்தவோர் அடிப்படை வசதியுமே முறையாக இல்லை. வருத்தமளிக்கக்கூடிய வகையில், போதிய உணவுப் பொருள்களோ, மருத்துகளோ, மருத்துவர்களோ, கழிவறை வசதிகளோ செய்து தரப்படவில்லை. அணிந்து வந்த உடையோடு பலர் பல நாள்களாக நிவாரண முகாம்களில் இருக்கிறார்கள். 100 பேர் இருக்கக்கூடிய இடத்தில் 1,000 பேர் என்ற கணக்கில் தங்கவைக்கப்பட்டிருக்கிறார்கள். முகாம்களில் மருத்துவர்கள் இல்லாமல் பிரசவம் நடந்துகொண்டிருக்கிறது. பாரசிட்டமால் மாத்திரைகூட அவர்களுக்கு எளிதில் கிடைப்பதில்லை. பசியில் சிறு குழந்தைகள் தவித்துக்கொண்டிருக்கிறார்கள். கலவரத்தில் மரணமடைபவர்களைவிட அடிப்படை வசதிகளின்றி மக்கள் மரணமடையும் சூழலே நிலவுகிறது.” ``மக்களைக் காக்க எதாவது நடவடிக்கை மேற்கொண்டிருக்கிறதா, மணிப்பூர் மாநில அரசு?” ``மாநில அரசு முற்று முழுதாகச் செயலிழந்துவிட்டது. அமைதிப் பேச்சுவார்த்தைதான் பிரச்னையை முடிவுக்குக்கொண்டு வரும். அதைச் செய்யவேண்டிய இடத்தில் மாநில அரசு இல்லவே இல்லை. மணிப்பூருக்குச் சென்று, பாதிக்கப்பட்ட மக்களை நேரில் சந்தித்தவன் என்ற அடிப்படையில் சொல்கிறேன். கலவரத்தைத் தடுப்பதற்கான வழிகளைத் தேடாமல் மாநில அரசு கலவரத்துக்குத் துணை போகிறது. அமைதிக்குத் துணை போகவேண்டிய அரசே, அமைதியே வந்துவிடக் கூடாதென்று நினைக்கக்கூடிய அரசாக இருக்கிறது. மக்களைக் காப்பாற்ற உடனடியாக குடியரசுத் தலைவர் ஆட்சியை அமல்படுத்த வேண்டும்.”  அமித் ஷா, மோடி ``மணிப்பூர் விவகாரத்தில் மத்திய அரசின் செயல்பாடுகள் குறித்து மக்கள் நீதி மய்யத்தின் பார்வை என்ன?” `` `குடியரசுத் தலைவர் ஆட்சியை அமல்படுத்துங்கள்’ என நாங்கள் கோரிக்கை வைப்பதற்குக் காரணமே, மத்திய அரசும் தோற்றுவிட்டது என்பதால்தான். மத்தியிலும் மாநிலத்திலும் பா.ஜ.க-தானே இருக்கிறது... அவர்கள் நினைத்தால் அமைதியைக் கொண்டு வந்திருக்க முடியும். ஆனால், அதற்கு அவர்கள் விரும்புகிறார்களா என்பதே கேள்வியாக இருக்கிறது. வெளிநாடுகளுக்குச் சென்று, `யாதும் ஊரே யாவரும் கேளிர்’ எனப் பேசிவரும் பிரதமருக்கு அதற்கான அர்த்தத்தை யாராவது கற்பிக்க வேண்டும். மணிப்பூருக்குச் செல்வதற்கே மோடி தயக்கம் காட்டுகிறார்." ``மணிப்பூரில் குடியரசுத் தலைவர் ஆட்சியை அமல்படுத்தக் கோருகிறீர்கள். ஆனால் அமித் ஷாவோ ’மணிப்பூர் முதலமைச்சர் ஒத்துழைப்பு தருகிறார். ஒத்துழைப்பு தராவிட்டால் மாற்றலாம்’ என்றல்லவா பேசியிருக்கிறார்?” ``மத்திய பா.ஜ.க-வுக்கு மாநில பா.ஜ.க ஒத்துழைப்பு தருவது பெரிதல்ல. மாநில அரசு மக்களுடன் ஒத்துழைக்கிறதா... கலவரத்தை நிறுத்த ஒத்துழைக்கிறதா என்பதே முக்கியம். இதே அமித் ஷாதான், `இரு தரப்பு மக்களும் மத்திய அரசுடன் பேசுங்கள்’ என்று சொல்கிறார். அவர் ஏன் `மாநில அரசுடன் பேசுங்கள்’ எனச் சொல்லவில்லை. ஏனெனில், மாநில அரசின் மீது அமித் ஷாவுக்கே நம்பிக்கையில்லை.”அமித் ஷா ``தி.மு.க-வின் இரண்டரை ஆண்டு ஆட்சி மீது கடும் விமர்சனங்களை எதிர்க்கட்சிகள் முன்வைக்கின்றன. ம.நீ.ம-வின் பார்வை என்ன?” ``தி.மு.க அரசு நிறைய விஷயங்களில் சிறப்பாகச்  செயல்படுகிறது. மக்கள் மற்றும் எதிர்க்கட்சிகளின் குரல்களுக்குச் செவி கொடுக்கக்கூடிய அரசாக இருப்பதை வரவேற்கிறோம். அதேசமயம் ஏற்பில்லாத விஷயங்களை ம.நீ.ம சுட்டிக்காட்டுகிறது.” ஸ்டாலின் ``ஆனால், ஊழல், சட்டம்-ஒழுங்கு என எதிர்க்கட்சியான அ.தி.மு.க அனுதினமும் விமர்சிக்கிறது. அவ்வளவு ஏன்... அண்ணாமலை தி.மு.க-வின் ஊழலுக்கு எதிராகத்தான் நடைப்பயணமே நடத்துவதாகச் சொல்கிறாரே?”அண்ணாமலை - எடப்பாடி பழனிசாமி ``முதலில் அ.தி.மு.க என்ற கட்சி தமிழகத்தில் இருக்கிறதா... அப்படியே இருக்கிறதென்றால் மக்கள் நலன் சார்ந்து செயல்படுகிறதா... கட்சிக்குள் இருக்கும் பிரச்னையைப் பார்த்துக்கொள்ளவே அவர்களுக்கு நேரம் சரியாக இருக்கிறது. அண்ணாமலை நடைப்பயணம் மேற்கொள்வதால், அவரின் உடல்நிலை சீராகுமே தவிர அரசியல்ரீதியாக எந்த மாற்றத்தையும் அது ஏற்படுத்தப்போவதில்லை.”பத்தல... பத்தல... நிதியும் பத்தல..! - திண்டாடும் ‘மக்கள் நீதி மய்யம்’
http://dlvr.it/StjTPd

Read More

பொது விருந்தில் உதயநிதி டு அண்ணாமலை யாத்திரையில் பிரமாண்ட மோடி உருவ பொம்மை! | News in Photos

திருநெல்வேலி: நற்சான்றிதழ் வாங்கிய காவல் ஆய்வாளர் ஒருவரை மற்றொரு காவல் ஆய்வாளர் மொபைலில் படம் எடுத்தபோது.விழுப்புரத்தில் 77-வது சுதந்திர தின கொண்டாட்டம்திருநெல்வேலி: 77 வது சுதந்திர தினத்தில் பாளையங்கோட்டை வ.உ.சி மைதானத்தில் தேசியக்கொடி ஏற்றிய மாவட்ட ஆட்சியர் கார்த்திகேயன் மூவர்ண பலூனை பறக்கவிட்டார்.திருநெல்வேலி: பாளையங்கோட்டை வ.உ.சி மைதானத்தில் நடந்த சுதந்திர தின விழாவில் பள்ளி மாணவிகள் அப்துல்கலாம் வேடமிட்டு நடனமாடினர்வேலூர்: சுதந்திர தினத்தையொட்டி பள்ளி மாணவ மாணவிகளின் கலை நிகழ்ச்சிகள் நடைபெற்றன.நாட்டின் 77-வது சுதந்திர தின விழா: அணிவகுப்பு மரியாதை ஏற்றுக்கொண்ட முதல்வர் ஸ்டாலின் நாட்டின் 77-வது சுதந்திர தின விழாவை முன்னிட்டு, தமிழ்நாடு முதலமைச்சர் மு.க.ஸ்டாலின், சென்னை, தலைமைச் செயலகக் கோட்டைக் கொத்தளத்தில் தேசியக்கொடியை ஏற்றிவைத்து சிறப்புரையாற்றினார். திருநெல்வேலி: பாளையங்கோட்டை வ.உ.சி மைதானத்தில் நடந்த 77-வது சுதந்திர தினத்தையொட்டி பள்ளி மாணவ மாணவிகள் நடத்திய கலைநிகழ்ச்சியில் இந்திய வரைபடம் போன்று நின்று அசத்திய எஸ்.ஏ.வி பள்ளி மாணவிகள்.கடலூர் பாதிரிக்குப்பத்தில் மாவட்ட ஆட்சியர் தலைமையில் கிராம சபை கூட்டம் நடைபெற்றதுசுதந்திர தினம்: சென்னை மாநகராட்சி அலுவலகத்தில் மேயர் கொடியேற்றுகிறார்.திருநெல்வேலி: 77 வது சுதந்திர தினத்தை முன்னிட்டு அருள்மிகு நெல்லையப்பர் காந்திமதி அம்பாள் திருகோயிலிலுள்ள காந்திமதி யானை கோயில் முன்பு தேசியக்கொடி ஏற்றி மரியாதை செய்தது. இதில் திரளான பக்தர்கள் கலந்துகொண்டனர். வேலூர்: நற்சான்றிதழ் வாங்கிய காவலர்கள்விருதுநகரில் 77- வது சுதந்திர தினத்தில் மாவட்ட விளையாட்டு மைதானத்தில் தேசியக்கொடி ஏற்றிய மாவட்ட ஆட்சியர் முனைவர் ஜெயசீலன் மூவர்ண பலூனை பறக்கவிட்டார்.விருதுநகரில் 77- வது சுதந்திர தின விழா கலை நிகழ்ச்சியில் பள்ளி மாணவியர்கள் ஜிம்னாஸ்டிக் செய்து அசத்தினர்.விருதுநகரில் 77- வது சுதந்திர தின விழாவில் மாவட்ட ஆட்சியர் முனைவர் ஜெயசீலன் சிறப்பாகச் செயல்பட்ட காவலர்களுக்கு சான்றிதழும் பதக்கமும் வழங்கினார்.விருதுநகரில் 77- வது சுதந்திர தினத்தில் மாவட்ட விளையாட்டு மைதானத்தில் மாவட்ட ஆட்சியர் முனைவர் ஜெயசீலன் தேசியக்கொடி ஏற்றினார்.சென்னை திருவல்லிக்கேணி அருள்மிகு பார்த்தசாரதி சுவாமி திருக்கோயிலில் அமைச்சர் உதயநிதி ஸ்டாலின், இந்து சமய அறநிலையத்துறை அமைச்சர் பி.கே.சேகர்பாபு மற்றும் மேயர் பிரியா ஆகியோர் சுதந்திர தின சிறப்பு பொது விருந்தில் கலந்துகொண்டனர்.சென்னை சத்தியமூர்த்தி பவன் வளாகத்திலுள்ள 150 அடி உயர கொடிக் கம்பத்தில், மாநிலத் தலைவர் கே.எஸ்.அழகிரி தேசியக்கொடி ஏற்றிவைத்து மரியாதை செலுத்தினார். அருகில், சு.திருநாவுக்கரசர், எம்.பி., எம்.எல்.ஏ-க்கள் கு.செல்வபெருந்தகை, ஈ.வி.கே.எஸ்.இளங்கோவன் உள்ளிட்ட பலர் இருக்கின்றனர்தூத்துக்குடியிலிருந்து விளாத்திகுளம், அருப்புக்கோட்டை, கல்குறிச்சி, காரியாபட்டி வழியாக மதுரைக்கு புதிதாக அகல ரயில்பாதை அமைக்கும் பணிகள் நடைபெற்றன. 18 கி.மீ தொலைவுக்கு பாதைகள் அமைக்கப்பட்ட நிலையில். தற்பொழுது போதிய நிதி இல்லாத காரணத்தால் அந்தப் பணிகளை பாதியிலேயே நிறுத்திவைக்க ரயில்வேதுறை முடிவு செய்திருக்கிறது.ஈரோடு மாவட்ட ஆட்சித் தலைவர் ராஜகோபால் சுன்கரா மாவட்ட ஆட்சியரக அலுவலக வளாகத்தில் (ஒளிரும் ஈரோடு பவுண்டேஷன் சார்பில் அமைக்கப்பட்டிருக்கும் பூங்காவைத் திறந்துவைத்தார்.பா.ஜ.க மாநிலத் தலைவர் அண்ணாமலை `என் மண், என் மக்கள்' நடைப்பயணம்.! கன்னியாகுமரி மாவட்டம் களியக்காவிளையி்ல் தொடங்கி குழித்துறை வரை கையில் தேசியக்கொடி ஏந்தி நடைப்பயணத்தில் மக்களைச் சந்தித்தார்கன்னியாகுமரி மாவட்டத்தில் நடைபெற்று வரும் பா.ஜ.க மாநிலத் தலைவர் அண்ணாமலை `என் மண், என் மக்கள்' நடைப்பயணத்தில் கொண்டுவரப்படும் மக்கள் புகார் பெட்டி.கன்னியாகுமரி மாவட்டத்தில் நடைபெற்று வரும் பா.ஜ.க மாநிலத் தலைவர் அண்ணாமலை `என் மண், என் மக்கள்' நடைப்பயணத்தில் உடன் வந்த பிரமாண்ட மோடி உருவ பொம்மை.சேலத்தில் சுதந்திர தின பள்ளிக் குழந்தைகள் கலை நிகழ்ச்சி. 77 - வது சுதந்திர தினத்தை முன்னிட்டு தேனி மாவட்ட ஆட்சியர் மகாத்மா காந்தி சிலைக்கு மாலை அணிவித்து மரியாதை செலுத்தினார்25 அம்ச கோரிக்கைகளை வலியுறுத்தி மாநிலத் தலைவர் பிஆர்.பாண்டியன் காலவரையற்ற சத்தியாகிரகப் போராட்டம். இடம்: பெசன்ட் நகர், சென்னைதஞ்சையில் 77 வது சுதந்திர தின விழாவில் காவலர் அணி வகுப்பு.
http://dlvr.it/StjT8K

Read More

`16 தற்கொலைகள்; நீட் விலக்கு மசோதாவுக்கு விரைந்து ஒப்புதல் அளியுங்கள்'- முர்முவுக்கு ஸ்டாலின் கடிதம்

சென்னையை அடுத்த குரோம்பேட்டையில் நீட் தேர்வில் போதிய மதிப்பெண் பெறாததால் நேற்று ஜெகதீஸ்வரன் என்ற மாணவர் தற்கொலை செய்துகொண்ட நிலையில், இன்று மாணவனின் தந்தையும் துக்கம் தாளாமல் தற்கொலை செய்துகொண்டார். இந்தச் சம்பவம் மீண்டும் தமிழ்நாட்டில் நீட் விவகாரத்தைக் கிளப்பியிருக்கிறது. நீட் விலக்கு மசோதாவில் கையெழுத்திட மாட்டேன் என ஆளுநர் ஆர்.என்.ரவி திட்டவட்டமாக மறுத்திருக்கும் நிலையில், அரசியல் வட்டாரத்தில் இந்த விவகாரம் சூடுபிடித்திருக்கிறது.குடியரசுத் தலைவர் திரௌபதி முர்மு - முதல்வர் ஸ்டாலின் நீட் விலக்கு மசோதாவில் கையெழுத்திடாத ஆளுநருக்கு எதிர்ப்பு தெரிவிக்கும் வகையில், அவரது தேநீர் விருந்தை ஆளும் அரசான தி.மு.க புறக்கணிப்பதாக அறிவித்திருக்கிறது. இந்த நிலையில், இந்தியாவின் குடியரசுத் தலைவர் திரௌபதி முர்முவுக்கு தமிழ்நாடு சட்டமன்றத்தில் நிறைவேற்றப்பட்டு அனுப்பப்பட்ட நீட் தொடர்பான மசோதாவுக்கு விரைவில் ஒப்புதல் அளிக்க வேண்டுமென்று கோரி தமிழ்நாட்டின் முதல்வர் ஸ்டாலின் கடிதம் எழுதியிருக்கிறார். அதில், `மருத்துவப் படிப்புகளில் சேருவதற்கான தேசிய தகுதி மற்றும் நுழைவுத் தேர்வை (NEET) தமிழ்நாடு அரசு தொடர்ந்து எதிர்த்து வருகிறது. நீட் தேர்வில் பெறும் மதிப்பெண்கள் அடிப்படையிலான மருத்துவச் சேர்க்கை, நகர்ப்புற மாணவர்களுக்கும், அதிக கட்டணம் செலுத்தி பயிற்சி பெறக்கூடிய மாணவர்களுக்குமே சாதகமாக இருக்கிறது. அடிப்படையிலேயே ஏழை எளிய மாணவர்களுக்கு எதிரானதாக இந்தத் தேர்வு முறை இருக்கிறது. நீட் போன்ற நுழைவுத் தேர்வின் அடிப்படையில் சேர்க்கை நடைபெறுவதைவிட ப்ளஸ் டூ மதிப்பெண்கள் அடிப்படையில் மட்டுமே சேர்க்கை நடைபெற வேண்டும்.நீட் தேர்வு எழுதும் மாணவர்கள் நுழைவுத் தேர்வு முறை மாணவர்களுக்குத் தேவையற்ற கூடுதல் சுமையை ஏற்படுத்தும் என்பது தமிழ்நாட்டின் கருத்து. நீட் அடிப்படையிலான மாணவர் சேர்க்கை செயல்முறை, ஏழை மற்றும் கிராமப்புற மாணவர்களுக்கு நீட் தேர்வினால் ஏற்படும் பாதகமான விளைவுகள் ஆகியவை குறித்து ஆராய்ந்திட உயர் நீதிமன்ற முன்னாள் நீதியரசர் ஏ.கே.ராஜன் தலைமையில் குழு அமைக்கப்பட்டது. அந்தக் குழு விரிவான ஆய்வை மேற்கொண்டு, தீர்வுகள் குறித்த தனது பரிந்துரைகளைச் சமர்ப்பித்தது. இந்தக் குழுவின் அறிக்கை மற்றும் பல்வேறு விவாதங்களின் அடிப்படையில், தமிழ்நாடு இளநிலை மருத்துவப் படிப்புகளுக்கான சேர்க்கை சட்டமுன்வடிவு, 2021 (சட்டமன்றப் பேரவை சட்டமுன்வடிவு எண் 43/2021), தமிழ்நாடு சட்டமன்றத்தில் 13-9-2021 அன்று நிறைவேற்றப்பட்டது. மேலும், 18-9-2021 அன்று தமிழ்நாடு ஆளுநருக்கும் அனுப்பப்பட்டது. ஆளுநரால் ஐந்து மாத காலத்துக்குப் பிறகு இந்தச் சட்டமுன்வடிவு திருப்பி அனுப்பப்பட்டது. 8-2-2022 அன்று தமிழ்நாடு சட்டமன்றத்தில் மீண்டும் இந்தச் சட்டமுன்வடிவு அறிமுகப்படுத்தப்பட்டு, மறுபரிசீலனைக்குப் பிறகு மீண்டும் நிறைவேற்றப்பட்டு, குடியரசுத் தலைவரின் ஒப்புதல் பெறுவதற்கு ஏதுவாக ஆளுநருக்கு மீண்டும் அனுப்பப்பட்டது.நீட் - ஆளுநர் ஆர்.என்.ரவி தமிழ்நாடு ஆளுநர், இந்த மசோதாவை மத்திய உள்துறை அமைச்சகத்துக்கு அனுப்பி, தற்போது நிலுவையில் இருக்கிறது. தமிழ்நாடு சட்டமன்றப் பேரவை நிறைவேற்றி அனுப்பிய சட்டமுன்வடிவு தொடர்பாக, ஒன்றிய சுகாதாரம் மற்றும் குடும்ப நல அமைச்சகம் 21-6-2022 அன்று கோரியிருந்த விளக்கங்கள், ஒன்றிய உயர்கல்வி அமைச்சகம் 26.08.2022, 15.05.2023 ஆகிய தேதிகளில் கோரியிருந்த விளக்கங்கள், ஒன்றிய ஆயுஷ் அமைச்சகம் 13.01.2023 அன்று கோரியிருந்த விளக்கங்கள், ஒன்றிய உள்துறை அமைச்சகத்தின் மூலம் பெறப்பட்டன. ஒன்றிய அமைச்சகங்கள் கோரியிருந்த அனைத்து விவரங்களையும் தமிழ்நாடு அரசு விரைவாக வழங்கியது. ஆனால், தமிழ்நாடு சட்டமன்றம் நிறைவேற்றி அனுப்பிய சட்டமுன்வடிவுக்கு இதுவரை ஒப்புதல் அளிக்கப்படாததால், நீட் அடிப்படையிலான மாணவர் சேர்க்கை முறையைப் பின்பற்ற வேண்டிய கட்டாயத்தில் இருக்கிறோம். இது மாணவர்கள் மற்றும் பெற்றோர்களின் மனதில் மிகுந்த கவலையையும், மன அழுத்தத்தையும் ஏற்படுத்தியிருக்கிறது.நீட் தேர்வு தந்தை, மகன் தற்கொலை நீட் தேர்வின் மூலம் சேர்க்கை கிடைக்காத விரக்தியில் மாணவர்களும், சில நிகழ்வுகளில் அவர்களின் பெற்றோர்களும் தற்கொலை செய்துகொள்ளும் பல்வேறு சோகமான சம்பவங்கள் நடந்திருக்கின்றன. அண்மையில்கூட, நீட் தேர்வில் தோல்வியடைந்த மனஉளைச்சலில், சென்னை, குரோம்பேட்டையைச் சேர்ந்த மாணவர் ஒருவரும், அவரின் தந்தையும் தற்கொலை செய்துகொண்டனர். தமிழ்நாட்டில் நீட் தேர்வால் தற்கொலை செய்துகொண்ட மாணவர்களின் எண்ணிக்கை 16-ஆக அதிகரித்திருக்கிறது. நீட் தேர்விலிருந்து விலக்கு கோரும் மசோதாவுக்கு ஒப்புதல் அளித்து, ப்ளஸ் டூ மதிப்பெண்கள் மூலம் மருத்துவ மாணவர் சேர்க்கை நடந்திருந்தால், இது போன்ற சோக நிகழ்வுகளை நிச்சயம் தவிர்த்திருக்க முடியும். தமிழ்நாடு சட்டமன்றம் நிறைவேற்றி அனுப்பிய நீட் விலக்கு மசோதா, தமிழ்நாட்டு மக்களின் ஒட்டுமொத்த கருத்தின் பிரதிபலிப்பு. அதைச் செயல்படுத்துவதில் ஏற்படும் ஒவ்வொரு நாள் தாமதமும், தகுதியான மாணவர்களுக்கு சேர்க்கை கிடைப்பதில் பாதிப்புகளை ஏற்படுத்தும்.ஸ்டாலின், ஆர்.என்.ரவி, திரௌபதி முர்மு அதுமட்டுமல்லாமல், சமுதாயத்தில் விலைமதிப்பற்ற மனித உயிரிழப்புகள் ஏற்படுவதற்குக் காரணமாகவும் அமைகிறது. எனவே, இந்த விவகாரத்தில் இந்தியக் குடியரசுத் தலைவர் உடனடியாகத் தலையிட்டு, தமிழ்நாடு சட்டமன்றத்தில் நிறைவேற்றப்பட்டு அனுப்பப்பட்ட நீட் தொடர்பான மசோதாவுக்கு விரைவில் ஒப்புதல் அளிக்க வேண்டுமென்று கேட்டுக்கொள்கிறேன்' எனக் குறிப்பிட்டிருக்கிறார். Junior vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்
https://bit.ly/3OITqxs வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3OITqxsநீட் தேர்வு: தற்கொலை செய்துகொண்ட மாணவரின் தந்தையும் தற்கொலை - சென்னையில் நடந்த சோகம்
http://dlvr.it/Stg0lc

Read More

கார்ட்டூன் - விடாது கரப்ஷன்...

கார்ட்டூன்
http://dlvr.it/StcV18

Read More

ம.நீ.ம-வின் அடுத்த விக்கெட்... கட்சியை விட்டு விலகிய மாநில நிர்வாகி பொன்னுசாமி - பின்னணி என்ன?!

2021 சட்டமன்றத் தேர்தல் முடிவுக்குப் பிறகு டாக்டர் மகேந்திரனில் ஆரம்பித்து சி.கே.குமரவேல், முருகானந்தம், முன்னாள் ஐ.ஏ.எஸ் அதிகாரி சந்தோஷ்பாபு, பழ.கருப்பையா எனக் கட்சியின் முன்னணி பிரமுகர்கள் பலர் கட்சியைவிட்டு வெளியேறிய நிலையில், தற்போது 2024 நாடாளுமன்றத் தேர்தல் நெருங்கும் நிலையில் கட்சியின் தொழிலாளர் நல அணி மாநிலச் செயலாளர் சு.ஆ.பொன்னுசாமி கட்சியை விட்டு விலகியிருப்பது ம.நீ.ம-வில் சலசலப்பை ஏற்படுத்தியிருக்கிறது.மனோ தங்கராஜுடன் பொன்னுசாமி இது குறித்து நம்மிடம் பேசிய அந்தக் கட்சிப் பிரமுகர்கள் சிலர், “தொழிலாளர் நல அணி மாநிலச் செயலாளர் சு.ஆ.பொன்னுசாமி தமிழ்நாடு பால் முகவர் நலச் சங்கத்தின் நிறுவனத் தலைவராகவும் பொறுப்பு வகித்துவருகிறார். இந்த நிலையில், தமிழ்நாடு அமைச்சர் மனோ தங்கராஜைப் பால் முகவர் நலச்சங்கத்தின் தலைவர் என்கிற முறையில் சந்தித்ததோடு அந்தச் செய்தியை கட்சியின் வாட்ஸ்அப்பிலும் பகிர்ந்திருக்கிறார். பின்னர் தவறுதலாகப் பதிவிட்டதாக அதை நீக்கவும் செய்திருக்கிறார். இதைக் காரணம் காட்டி கட்சித் தலைமை நிர்வாகிகள் முன் விசாரணைக்கு ஆஜராகக் கட்சி தரப்பிலிருந்து அழைப்பு விடுக்கப்பட்டது. உடையும் உலகநாயகனின் மக்கள் நீதி மய்யக் கனவு… அடுத்தடுத்து வெளியேறும் நிர்வாகிகள்… காரணம் என்ன?! கடந்த மே மாதம் அழைப்பை ஏற்று ஆஜரான பொன்னுசாமியிடம் `அமைச்சரைச் சந்திக்கத் தலைமையிடம் அனுமதி பெற்றீர்களா?’ என்பது போன்ற கேள்விகளை முன்வைத்திருக்கின்றனர். அதோடு கட்சிப் பொறுப்புக்கு வருபவர்கள் சங்கப் பதவிகளை ராஜினாமா செய்துவிட்டுத்தான் வருவார்கள் என்றும் கட்சியின் பொறுப்புகளிலிருந்தால் பால் முகவர் சங்க பொறுப்புகளில் இருக்கக் கூடாதென்ற தொனியில் பேசியிருப்பது பொன்னுசாமியை காயப்படுத்திவிட்டது. ஒருசில மாதங்களாகவே கட்சிக்குள் ஓடிக்கொண்டிருந்த விவகாரம் இன்று வெடித்திருக்கிறது” என்கிறார்கள் விவரமறிந்த கட்சிப் பிரமுகர்கள்.பொதுச் செயலாளர் அருணாச்சலம் இது குறித்து சு.ஆ.பொன்னுசாமி ஆதரவாளர்கள் சிலரிடம் பேசினோம் ``கட்சியில் இணைவதற்கு முன்பே தமிழ்நாடு பால்முகவர் நலச் சங்கத்துக்காக உழைத்து வருபவர் சு.ஆ.பொன்னுசாமி. இதை அறிந்தே ம.நீ.ம அவருக்குப் பதவி வழங்கியது. ஆரம்பத்திலிருந்தது போலான சுதந்திரம் கட்சிக்குள் இப்போதில்லை. கட்சியின் பதவியைச் சுட்டிக்காட்டி பொன்னுசாமியின் சமூகப் பணிகளைத் தடுக்க நினைக்கிறார்கள். ஒரு ட்வீட் போடுவதாக இருந்தாலும் கட்சித் தலைமையிடம் அனுமதி பெற்றுத்தான் போட வேண்டும் என்ற நிலையில் கட்சி இருக்கிறது. கட்சிப் பிரமுகர்களின் தனிப்பட்ட வாழ்வு, தொழில், சமூகப் பணிகளிலும் மூக்கை நுழைக்கும் போக்கு அதிகரிப்பதனால்தான் சு.ஆ.பொன்னுசாமி விலகியிருக்கிறார்” என்கிறார்கள். Junior vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்
https://bit.ly/3OITqxs வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3OITqxsபத்தல... பத்தல... நிதியும் பத்தல..! - திண்டாடும் ‘மக்கள் நீதி மய்யம்’
http://dlvr.it/StZcxL

Read More

பிரதமர் மோடியின் பதிலுரையில் தெரிந்தது விரக்தியா, சமாளிப்பா, நம்பிக்கையா?! - ஓர் அலசல்

மத்தியில் இருக்கும் மோடி அரசுக்கு எதிராக நம்பிக்கையில்லாத் தீர்மானத்தை ‘இந்தியா’ கூட்டணியைச் சேர்ந்த எதிர்க்கட்சிகளின் எம்.பி-க்கள் கொண்டுவந்தனர். அதன்மீது விவாதங்கள் நடைபெற்று, நேற்று (ஆக.10) பிரதமர் மோடி பதிலுரை அளித்தார். மணிப்பூர் வன்முறை மூன்று மாதங்களுக்கு மேலாக வன்முறைகள் தொடர்ந்துகொண்டிருக்கும் மணிப்பூர் மாநிலத்தின் பிரச்னையை முன்வைத்து நம்பிக்கையில்லாத் தீர்மானம் கொண்டுவந்திருக்கும் நிலையில், பிரதமரின் இரண்டே கால் மணி நேர உரையில், மணிப்பூர் பிரச்னைக்கு முக்கியத்துவம் தரப்படவில்லை என்ற விமர்சனம் எழுந்திருக்கிறது. இன மோதல் காரணமாக மணிப்பூரில் நிகழ்ந்த கொலைகள், பாலியல் வன்கொடுமைகள், சொந்த நாட்டில் 50 ஆயிரத்துக்கும் மேற்பட்ட மக்கள் அகதிகளாக இருக்கும் துயரங்கள் போன்றவை பற்றியெல்லாம் மோடி பேசவில்லை என்ற குற்றச்சாட்டும் முன்வைக்கப்படுகிறது. இவை பற்றியெல்லாம் பேசவில்லை என்றால், அந்த இரண்டே கால் மணி நேரத்தில், காங்கிரஸ் கட்சியைத் தாக்குவதிலேயே பிரதமர் அதிக கவனம் செலுத்தினார். பிரதமர் மோடி மணிப்பூர் பிரச்னையைப் பற்றி பேசுவதற்கு அவருக்குத் தயக்கம் இருந்திருக்கலாம். ஏனென்றால், பல கொடூரங்கள் நிகழ்ந்தும் அந்த மாநிலத்துக்கு இதுவரை அவர் செல்லவில்லை. எதிர்க்கட்சியைச் சேர்ந்த ராகுல் காந்தியும், ‘இந்தியா’ கூட்டணியைச் சேர்ந்த எம்.பி-க்களும் மணிப்பூருக்குச் சென்று பாதிக்கப்பட்ட மக்களைச் சந்தித்துவிட்டு வந்துவிட்டனர். ஆனால், பிரதமர் மோடி இன்னும் மணிப்பூருக்குச் செல்லவில்லை. மணிப்பூர் விவகாரம் பற்றி உள்துறை அமைச்சர் அமித் ஷா விரிவாகப் பேசியிருக்கிறார் என்பதைச் சொல்லி, மணிப்பூரைக் கடந்துசென்றுவிட்டார் பிரதமர் மோடி. “இதேபோல, 2018-ம் ஆண்டும் நம்பிக்கையில்லாத் தீர்மானத்தைக் கொண்டுவந்தார்கள். அது எங்களுக்கு மங்கலகரமாக அமைந்தது. 2019 தேர்தலில் மிகப்பெரிய வெற்றியைப் பெற்றோம். அதுபோல இப்போது கொண்டுவந்திருக்கும் நம்பிக்கையில்லாத் தீர்மானமும் எங்களுக்கு மங்கலகரமாக அமையும். அடுத்த ஆண்டு நடைபெறவிருக்கும் நாடாளுமன்றத் தேர்தலில் பெரிய வெற்றியைப் பெறுவோம். மூன்றாவது முறையாக ஆட்சியமைப்போம்” என்று பேசினார் பிரதமர் மோடி.மணிப்பூர் நாடாளுமன்றத்துக்கு வராமல் இருந்த பிரதமர் மோடியை, நம்பிக்கையில்லாத் தீர்மானத்தின் மூலம் எதிர்க்கட்சிகள் வரவழைத்துவிட்டன. அந்தக் கோபம் பிரதமருக்கு இருக்கலாம். காங்கிரஸை ‘ஆணவம் நிறைந்த கட்சி’ என்றெல்லாம் சாடினார் பிரதமர். ‘தேசியக்கொடியிலிருந்து மூவர்ணத்தை எடுத்துக்கொண்டது, காந்தி பெயரையும் திருடிக்கொண்டது’ என்கிறார் பிரதமர். அதற்கு, ‘காந்தியைக் கொலைசெய்தவர்களை ஆதரிக்கும் நீங்கள், காந்தி பற்றிப் பேசலாமா?’ என்று பதிலடி கொடுக்கிறார்கள் காங்கிரஸ்காரர்கள். நம்பிக்கையில்லா தீர்மானத்தின் மீதான மக்களவை விவாதத்தில் நடந்த சில `தரமான’ சம்பவங்கள்! ‘எதிர்க்கட்சிகளுக்கு என்மீது பாசம் அதிகம். அது எந்த அளவுக்கு என்றால், நான் நாடாளுமன்றத்தில் பேசும்போது தண்ணீர் குடித்தால்கூட அதைப் பிரச்னையாக்குவார்கள். 24 மணி நேரமும் மோடியைப் பற்றியே நினைத்துக்கொண்டிருக்கிறார்கள்‘ என்றார் பிரதமர் மோடி. மோடியைப் பார்த்து எதிர்க்கட்சிகளுக்கு பயம் இருக்கிறதா அல்லது எதிர்க்கட்சிகளைப் பார்த்து மோடிக்கு பயம் இருக்கிறதா என்பது தெரியவில்லை. எதிர்க்கட்சிகள் ஓரணியில் திரண்டிருப்பதையும், ‘இந்தியா’ என்று கூட்டணிக்குப் பெயர் வைத்திருப்பதையும் கண்டு பா.ஜ.க-வுக்கும் மோடிக்கும் பயம் வந்துவிட்டதாக எதிர்க்கட்சியினரும், அரசியல் பார்வையாளர்களும் கூறுகிறார்கள். ராகுல் காந்தி ஏனெனில், ‘கூட்டணியின் பெயரை மாற்றினால், ஆட்சிக்கு வந்துவிடலாம் என்று எதிர்க்கட்சியினர் நினைக்கிறார்கள். `இந்தியா’ என்று பெயர் வைத்ததன் மூலம் ஐக்கிய முற்போக்குக் கூட்டணிக்கு பெங்களூரில் இறுதிச்சடங்கு செய்துவிட்டனர்’ என்றெல்லாம் கடுமையாக மோடி பேசியிருக்கிறார். `இது, அவரது விரக்தியின் வெளிப்பாடு’ என்கிறார்கள் எதிர்க்கட்சியினர். `இமாச்சலப் பிரதேசம், கர்நாடகா என இரண்டு மாநிலங்களில் காங்கிரஸ் கட்சியிடம் ஆட்சியைப் பறிகொடுத்ததைத் தொடர்ந்து, எதிர்க்கட்சிகளின் கூட்டணி பலமடைந்திருப்பது பிரதமருக்கு நம்பிக்கையின்மையை ஏற்படுத்தியிருக்கலாம்’ என்றும் அவர்கள் சொல்கிறார்கள். Junior vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்
https://bit.ly/3OITqxs">
https://bit.ly/3OITqxs வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3OITqxs">
https://bit.ly/3OITqxs
http://dlvr.it/StXpTM

Read More

இந்தியாவின் $6.7 டிரில்லியன் பொருளாதாரக் கனவு சாத்தியமாகுமா..? ஆய்வறிக்கை என்ன சொல்கிறது?

இந்தியா 2023-24-ம் ஆண்டில் இருந்து ஆண்டுக்கு 6.7 சதவிகித வளர்ச்சியடைந்தால் தான் 2030-31-க்குள் 6.7 டிரில்லியன் டாலர் பொருளாதார கனவு சாத்தியமாகும் என ஆய்வு மற்றும் பகுப்பாய்வு நிறுவனமான ஸ்டாண்டர்ட் அண்ட் புவர் குளோபல் தெரிவித்துள்ளது. இது தொடர்பாக வெளியிட்டுள்ள அறிக்கையில், ‘ 2022-23-ல் இந்தியாவில் மொத்த உள்நாட்டு உற்பத்தி (GDP) 3.7 டிரில்லியன் டாலராக உள்ளது. இந்த வளர்ச்சி தொடர்ந்தால் நாட்டின் மூலதன வருமானம் 2,500 டாலரில் இருந்து சுமார் 4,500 டாலராக உயரும் என மதிப்பீடு நிறுவனம் கூறியுள்ளது. GDP ஆசிரியர் வேலை To பில்லியன் டாலர் கம்பெனி... `பிசிக்ஸ் வாலா' -வின் நம்ப முடியாத வெற்றிக்கதை! தற்போது சர்வதேச அளவு பொருளாதார வளர்ச்சியில் அமெரிக்கா 26 டிரில்லியன் டாலருடன் முதலிடத்திலும் சீனா 19 டிரில்லியன் டாலருடன் 2-வது இடத்திலும் ஜப்பான் 4.4 டிரில்லியன் டாலருடன் 3-வது இடத்திலும் ஜெர்மனி 4.3 டிரில்லியன் டாலருடன் 4-வது இடத்திலும் இந்தியா 3.7 டிரில்லியன் டாலருடன் 5-வது இடத்திலும் உள்ளன. கொரோனாவுக்கு பின்னர் உலகளவில் காணப்படும் பொருளாதார சுணக்கம் மற்ற நாடுகளின் வேகத்துக்கு தடையாகியுள்ளது. இதே போல இந்தியாவில் வட்டி விகிதம் அதிகமாக இருப்பதும் இந்த சுணக்கத்தின் வேகத்தை தீவிரப்படுத்தியுள்ளது. இது போன்ற இடர்பாடுகளை அரசு மற்றும் ரிசர்வ் வங்கி சரியான முறையில் அணுகி பிரச்னைகளுக்கு தீர்வு காண வேண்டும். இல்லையெனில் இந்தியாவின் வளர்ச்சி 6.7 டிரில்லியன் டாலர் மதிப்பில் இருந்து 6 டிரில்லியனாக குறையலாம். எனவே தொழில் நடவடிக்கைகளை ஊக்குவித்து அவற்றின் பங்கை அதிகரிக்கும் வகையில் கொள்கைகளை வகுப்பதுடன் உலகச் சந்தையில் போட்டியிடும் அளவில் இந்தியாவின் தனித்தன்மையை அதிகரிக்க வேண்டும்’ என அதில் குறிப்பிடப்பட்டுள்ளது.
http://dlvr.it/StVQky

Read More

``மணிப்பூரில் வன்முறை நடந்தது உண்மைதான்; கைகூப்பி கேட்கிறேன், வன்முறையை நிறுத்துங்கள்..!" - அமித் ஷா

பா.ஜ.க ஆளும் மணிப்பூரில் பழங்குடிப் பெண்கள் நிர்வாணமாக்கப்பட்டு, பாலியல் வன்கொடுமை செய்யப்பட்ட சம்பவம், மூன்று மாதங்களாக நடந்துகொண்டிருக்கும் வன்முறை விவகாரம் மக்களிடையே பெரும் கொந்தளிப்பை ஏற்படுத்தியது. அதைத் தொடர்ந்து நாடாளுமன்றத்தில் விவாதம் நடத்த வேண்டும் என வலியுறுத்திவந்த எதிர்க்கட்சிகள், பா.ஜ.க அரசு ஒத்துழைக்காததால் அரசுமீது நம்பிக்கையில்லாத் தீர்மானம் கொண்டுவந்தன. அதைத் தொடர்ந்து எதிர்க்கட்சிகளின் நம்பிக்கையில்லாத் தீர்மானத்தின்மீதான விவாதம் நேற்று தொடங்கி இரண்டாவது நாளாக இன்று நடைபெற்றது.ராகுல் காந்தி இருப்பினும், நாடாளுமன்றக் கூட்டத்தொடரின் முதல் நாளில் கலந்துகொண்ட பிரதமர் மோடி, அதன் பிறகு இன்றுவரை நாடாளுமன்றத்துக்கு வரவில்லை. இன்றைய விவாதத்தில் முதல் ஆளாக உரையாற்றிய ராகுல் காந்தி, ``பிரதமர் ஏன் இன்னும் மணிப்பூருக்குச் செல்லவில்லை. பிரதமரைப் பொறுத்தவரை, அவருக்கு மணிப்பூர் இந்தியாவில் இல்லை. மணிப்பூரில் பாரத மாதாவை எரித்துவிட்டீர்கள் நீங்கள் (பா.ஜ.க). நீங்கள் தேசத்துரோகிகள்" என்று கடுமையாகச் சாடினார். இந்த நிலையில் நம்பிக்கையில்லாத் தீர்மானத்தின்மீதான விவாதத்தில் மணிப்பூர் வன்முறைப் பற்றி உரையாற்றிய மத்திய உள்துறை அமைச்சர் அமித் ஷா, ``மணிப்பூரில் வன்முறை நடந்ததை நாங்கள் ஒப்புக்கொள்கிறோம். ஆனால், இது போன்ற சம்பவங்களில் எதிர்க்கட்சிகள் அரசியல் செய்வது வெட்கக்கேடானது. இந்த வன்முறையில் 152 பேர் உயிரிழந்திருக்கின்றனர். மேலும், மணிப்பூர் பெண்களுக்கு நேர்ந்தது துரதிர்ஷ்டவசமானது. ஒட்டுமொத்த சமூகத்துக்கும் ஏற்பட்ட அவமானம் இது.அமித் ஷா ஆனால், நாடாளுமன்றக் கூட்டத்தொடர் தொடங்குவதற்கு முந்தைய நாள் இந்த வீடியோ வெளியானது ஏன்... அந்த வீடியோ யாரிடமாவது இருந்திருந்தால், அதை அப்போதே டி.ஜி.பி-யிடம் கொடுத்திருக்க வேண்டும். அப்படிக் கொடுக்கப்பட்டிருந்தால் சம்பவம் நடந்த அன்றே நடவடிக்கை எடுக்கப்பட்டிருக்கும். இப்போது ஒன்பது பேரை நாங்கள் அடையாளம் கண்டு கைதுசெய்திருக்கிறோம். மேலும், மணிப்பூரில் மூன்று நாள்கள் நான் இருந்தேன். அந்தச் சமயத்தில் பல்வேறு முக்கிய முடிவுகள் எடுக்கப்பட்டன. அதுமட்டுமல்லாமல், இந்த விவகாரத்தில் முதல் நாளிலிருந்தே விவாதத்துக்கு நான் தயாராக இருந்தேன். ஆனால், எதிர்க்கட்சிகள் விவாதத்தை விரும்பவில்லை. நான் பேசுவதைக்கூட அவர்கள் விரும்பவில்லை. இருப்பினும் அவர்கள் என்னை வாயடைக்க முடியாது.மணிப்பூர் வன்முறை - பாஜக 130 கோடி மக்கள் எங்களைத் தேர்ந்தெடுத்திருக்கின்றனர். எனவே, நாங்கள் பேசுவதைக் கேட்க வேண்டும். ஒரு மாநில முதல்வர் மத்திய அரசுக்கு ஒத்துழைக்கவில்லையென்றால்தான் அவரை மாற்ற வேண்டும். மணிப்பூர் முதல்வர் அரசுக்கு ஒத்துழைக்கிறார். எனவே, அவரைப் பதவி நீக்கம் செய்ய வேண்டிய தேவை இல்லை. மேலும் குக்கி, மைதேயி சமூகங்கள் பேச்சுவார்த்தையில் ஈடுபட வேண்டும். கைகூப்பி கேட்டுக்கொள்கிறேன், ஏனெனில் எந்தவொரு பிரச்னைக்கும் வன்முறை ஒருபோதும் தீர்வாகாது. மாநிலத்தில் அமைதியை ஏற்படுத்துவோம் என்று நான் உறுதியளிக்கிறேன். அதேசமயம், இந்த விவகாரத்தில் யாரும் அரசியல் செய்யக் கூடாது" என்றார்.``இந்தியைத் திணிப்பதை நிறுத்திவிட்டு, சிலப்பதிகாரத்தைப் படியுங்கள்!" - மக்களவையில் கனிமொழி காட்டம்
http://dlvr.it/StRrc9

Read More

ஆசிய சாம்பியன்ஷிப் ஹாக்கி; இந்திய அணி வெற்றி | மேகமலை வனப்பகுதியில் காட்டுத்தீ - News In Photos

நீலகிரி: தமிழ்நாடு வணிகர் சங்கங்களின் பேரமைப்பு பொதுக்குழுக் கூட்டம், மாநிலத் தலைவர் விக்கிரமராஜா தலைமையில் ஊட்டியில் நடந்தது.சென்னையில் நடைபெற்று வரும் ஆசிய சாம்பியன்ஷிப் ஹாக்கி தொடரில், இந்திய அணி நடப்பு சாம்பியனான கொரியாவை எதிர்கொண்டிருந்தது. வலுவான கொரியாவை வீழ்த்தி இந்தப் போட்டியை 3-2 என இந்திய அணி வென்றது. அடுத்த போட்டியில் இந்திய அணி பாகிஸ்தானை எதிர்கொள்ளவிருப்பது குறிப்பிடத்தக்கது.தேனி மாவட்டம், மேகமலை வனப்பகுதியில் காட்டுத்தீ.திருநெல்வேலி: பாளையங்கோட்டை செயின்ட்ஸ் பால்ஸ்நகர் பகுதியில் சீரான குடிநீர் வழங்கிட கோரி, தண்ணீர் பாட்டில் மாலை அணிந்து மாநகராட்சிக்கு மனு அளிக்க வந்த காங்கிரஸார்.திருநெல்வேலி: சுதந்திர தினத்துக்காக தபால் அலுவலகத்தில் விற்பனைக்கு வந்திருக்கும் தேசியக்கொடி.சேலம் மாவட்ட ஆட்சியர் அலுவலகத்தில் வைக்கப்பட்டிருக்கும் தேர்தல் வாக்குப்பதிவு இயந்திரங்களை, அனைத்துக் கட்சிப் பிரதிநிதிகளும் பார்வையிட்டனர்.ஆகஸ்ட் 18 அன்று மண்டபம் முகாமில் நடைபெறும் மீனவர் சந்திப்பு நிகழ்ச்சியில் தமிழக முதல்வர் ஸ்டாலின் கலந்துகொள்கிறார். அதற்காகத் தயாராகும் மாநாட்டு திடல்.விருதுநகரில் பி.ஜே.பி தலைமை அலுவலகத்தில் அனுமதியின்றி வைக்கப்பட்ட பாரத மாதா சிலையை, வருவாய்த்துறையினர் அகற்றினர்.விருதுநகரில் மாவட்ட ஆட்சியர் அலுவலக வளாகத்தில் தமிழ்நாடு விவசாயிகள் சங்கத்தின் சார்பில் மாநிலத் தலைவர் பெ. சண்முகம் தலைமையில் ஆர்ப்பாட்டம் நடைபெற்றது.தஞ்சாவூர் அடுத்த வண்ணாரப்பேட்டை கிராமத்தில் ஆடிப்பட்டத்தை முன்னிட்டு விவசாய நிலத்தை டிராக்டர் மூலம் தொழு அடித்த விவசாயிகள்.ஈரோடு: ரயில்வே ஊழியர்கள் பல்வேறு கோரிக்கைகளை வலியுறுத்தி உண்ணாவிரதப் போராட்டத்தில் ஈடுபட்டனர்.புதுச்சேரி வந்த குடியரசுத் தலைவர் திரெளபதி முர்மு, முருகம்பாக்கம் கைவினை கிராமத்தில் ஓவியர் வரைந்த புகைப்படத்தை பெற்றுக்கொண்டார்.ஈரோடு: தமிழகத்தில் சாதி, மதக் கலவரத்தைத் தூண்டும் வகையில் பேசி வரும் சீமானை தேசிய பாதுகாப்பு சட்டத்தின்கீழ் கைதுசெய்ய வலியுறுத்தி, காங்கிரஸ் கட்சியினர் மாவட்டக் காவல் கண்காணிப்பாளர் அலுவலகத்தில் புகார் மனு அளித்தனர்.புதுச்சேரி வந்த குடியரசுத் தலைவர் திரெளபதி முர்மு, திருக்காஞ்சி கோயிலில் தரிசனம் செய்தார்.புதுச்சேரி வந்த குடியரசுத் தலைவர் திரெளபதி முர்மு, அரபிந்தோ சமாதியில் மலர் வளையம் வைத்து அஞ்சலி செலுத்தினார்.வேலூர் தலைமை தபால் நிலையத்தில் விற்பனைக்கு வந்திருக்கும் தேசியக்கொடி.பரணிக்காவடியை முன்னிட்டு வேலூர் புதிய பேருந்து நிலையத்திலிருந்து திருத்தணிக்குச் செல்லத் தயாராக இருக்கும் சிறப்புப் பேருந்துகள்.ஸ்ரீரங்கம் கோயில் கோபுர சுவர் இடிந்து விழுந்ததை, அமைச்சர் சேகர் பாபு பார்வையிட்டு ஆய்வுசெய்தார்.ஸ்ரீரங்கம் கோயில் கோபுர சுவர் இடிந்து விழுந்ததை ஹெச்.ராஜா பார்வையிட்டு ஆய்வுசெய்தார்.
http://dlvr.it/StPFsW

Read More

`நரம்பை நீக்கிவிட்டனர் காலைக்கூட அசைக்க முடியவில்லை' - செந்தில் பாலாஜி, `ED Will take Care'- நீதிபதி

அமைச்சர் செந்தில் பாலாஜி தரப்பு தொடர்ந்த மேல்முறையீட்டு வழக்கில் உச்ச நீதிமன்றம் இன்று காலை, 5 நாள்கள் அமலாக்கத்துறை காவலில் எடுத்து விசாரிக்க அனுமதி அளித்த நிலையில், காவலுக்காக விண்ணப்பித்து அமலாக்கத்துறையினர் மாவட்ட முதன்மை அமர்வு நீதிமன்றத்தை இன்று மாலை அணுகினர். அப்போது உச்ச நீதிமன்றத்தின் தீர்ப்பு நகலையும் அவர்கள் சமர்ப்பித்தனர். இதையடுத்து, மாலை 5 மணியளவில் விசாரணை தொடங்கியது. புழல் சிறையிலுள்ள அமைச்சர் செந்தில் பாலாஜி விசாரணைக்காக காணொளி வாயிலாக ஆஜர்படுத்தப்பட்டார். அப்போது அவர் தாடியுடன் தோற்றமளித்தார். நீதிபதி அல்லி - அமைச்சர் செந்தில் பாலாஜி உச்ச நீதிமன்றத் தீர்ப்பின் நகலைப் பார்த்த பின்பு, மாவட்ட முதன்மை அமர்வு நீதிமன்ற நீதிபதி அல்லி, ``செந்தில் பாலாஜி, உங்களை உச்ச நீதிமன்றம் உத்தரவிட்டபடி, இன்று முதல் 12-ம் தேதி வரை அமலாக்கத்துறை காவலில் எடுத்து விசாரிக்க அனுமதி தருகிறோம்" என்றார். அதற்கு செந்தில் பாலாஜி, "பைபாஸ் அறுவை சிகிச்சை காரணமாக என் காலில் இருந்த நரம்பை எடுத்துவிட்டனர். அதனால் காலை அசைக்கக்கூட முடியாத நிலையில் நான் இருக்கிறேன். என் உடல்நிலையைக் கருத்தில்கொண்டு விசாரணையைத் தள்ளி வைக்க வேண்டும்" என்று கேட்டுக்கொண்டார்.செந்தில் பாலாஜி - அமலாக்கத்துறை அப்போது குறுக்கிட்ட நீதிபதி அல்லி, "உச்ச நீதிமன்றம் ஏற்கெனவே தீர்ப்பளித்திருப்பதால், நான் தனியாக ஏதும் தீர்ப்பளிக்க இயலாது. மேலும், உச்ச நீதிமன்றத்திலேயே உங்கள் தரப்பு உங்கள் உடல்நிலை குறித்து விளக்கியிருக்கிறது. அதற்கு உச்ச நீதிமன்றம், `அதை அமலாக்கத்துறை அதிகாரிகள் கவனித்துக்கொள்வார்கள்' எனக் குறிப்பிட்டிருக்கிறது. எனவே உங்களுக்கு உடல்ரீதியாக ஏதேனும் பிரச்னைகள் இருந்தால், அவற்றை அமலாக்கத்துறை அதிகாரிகளிடம் தெரிவிக்கலாம்" என்று கூறி, அவருக்கு ஐந்து நாள்கள் நீதிமன்றக் காவல் அளித்து உத்தரவிட்டார். Junior vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்
https://bit.ly/3OITqxs வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3OITqxsTamil News Live Today: செந்தில் பாலாஜியைக் காவலில் எடுத்தது ED; சிறையிலிருந்து விசாரணைக்கு அழைத்துச் செல்லப்பட்டார்!
http://dlvr.it/StLc5P

Read More