'பன்னீர்செல்வம் பலம் பெற்றுவிடக் கூடாது!' - கடுகடு கார்டன்; தகிக்கும் தம்பிதுரை

தமிழக சட்டப் பேரவைக் கூட்டத் தொடர் 23-ம் தேதி தொடங்குகிறது. புதிய திட்டங்கள், நிவாரணம், அதிகாரிகளுடன் கலந்தாய்வு என பரபரப்பாக இயங்கி வருகிறார் முதல்வர் ஓ.பன்னீர்செல்வம். 'முதல்வராக சசிகலா பதவியேற்பதற்காக குறிக்கப்பட்ட நல்ல நாட்கள் தள்ளிக் கொண்டே போகின்றன. பிரதமரை நேரடியாகச் சந்திக்கச் சென்ற தம்பிதுரைக்கும் உரிய மரியாதை கிடைக்கவில்லை" என்கின்றனர் அ.தி.மு.க வட்டாரத்தில்.

அ.தி.மு.க பொதுச் செயலாளர் பதவிக்கு எளிதாக வர முடிந்த சசிகலாவால், முதல்வர் பதவியை நோக்கி நகர முடியவில்லை. கடந்த சில நாட்களாக வெளிப்பட்டு வரும் முட்டல், மோதல்கள் நேற்று பகிரங்கமாகவே வெடிக்கத் தொடங்கின. இதை உணர்ந்து, தன்னுடைய நிலைப்பாட்டை உளவுத்துறை அதிகாரி ஒருவர் மூலம் கார்டன் பார்வைக்குக் கொண்டு சென்றார் ஓ.பி.எஸ். அப்படியும் மன்னார்குடி உறவுகளின் கோபம் தணியவில்லை. "ஜெயலலிதா மருத்துவமனையில் அனுமதிக்கப்பட்டிருந்த காலத்தில், பிரதமரை சந்திக்க முயற்சி மேற்கொண்டார் தம்பிதுரை. அப்போது முடியவில்லை. இரண்டாவது முறையாக, நேற்று ஜல்லிக்கட்டுக்காக சசிகலா கொடுத்த கடிதத்தை எடுத்துக் கொண்டு பிரதமரை சந்திக்கச் சென்றார் அ.தி.மு.க கொள்கை பரப்புச் செயலாளரும் மக்களவை துணை சபாநாயகருமான தம்பிதுரை. 'கென்ய அதிபருடனான சந்திப்பில் பிரதமர் இருக்கிறார். அதனால்தான் அவரை சந்திக்க முடியவில்லை' என தம்பிதுரை சமாதானம் சொன்னாலும், பன்னீர்செல்வத்துக்கு எதிராக நடத்தப்படும் உள்கட்சி தாக்குதல்களை பிரதமர் கவனித்துக் கொண்டு வருகிறார். ஜல்லிக்கட்டு என்ற பெயரில் சமரசம் பேசத்தான் தம்பிதுரை சென்றார். அதற்கு மோடி இடம் கொடுக்கவில்லை" என விவரித்த அ.தி.மு.க நிர்வாகி ஒருவர்,

"டெல்லியில் நேற்று மீடியாக்களிடம் பேசும்போதும், தமிழகத்தில் முதல்வர் ஒருவர் இருக்கிறார் என்பதை எந்த இடத்திலும் அவர் நினைவூட்டவில்லை. அதேநேரம், 'ஜல்லிக்கட்டை நடத்தியே தீருவோம். பின்வாங்க மாட்டோம்' என அதிரடியைக் கிளப்பினார் பன்னீர்செல்வம். 'ஆட்சிக்குள் பன்னீர்செல்வம் பலம் பெற்றுவிடக் கூடாது' என்பதற்காகத்தான், கடிதம் எழுதுவது, நிர்வாகிகளை பேச வைப்பது போன்ற செயல்களை மன்னார்குடி உறவுகள் செய்து வருகின்றன. கட்சிக்குள் இருக்கும் உள் எதிரியாக பன்னீரையும் வெளி எதிரியாக தீபாவையும் பார்க்கிறார் சசிகலா. அமைச்சர்கள் மற்றும் சீனியர் நிர்வாகிகளுடன் தீவிரமாக ஆலோசித்து வருகிறார். பன்னீரை வீழ்த்தும் அவர்களின் முயற்சிகள் எதுவும் பலிக்கவில்லை. கூட்டத் தொடர் அறிவிக்கப்பட்டுவிட்டதால், சசிகலாவின் முதல்வர் கனவு தள்ளிப் போய்விட்டது" என்றார் விரிவாக.

"சசிகலா, தினகரன், நடராசன் உள்ளிட்ட மூவரும் அதிகாரத்துக்குள் வந்துவிட முடியாத அளவுக்கு வழக்குகள் நெருக்கிக் கொண்டிருக்கின்றன. பணப் பரிவர்த்தனை வழக்கில் டி.டி.வி.தினகரனை நெருக்கிக் கொண்டிருக்கிறது அமலாக்கத்துறை. லெக்சஸ் கார் இறக்குமதியில் மோசடி செய்த வழக்கில் நடராசன் வகையாகச் சிக்கியிருக்கிறார். சொத்துக்குவிப்பு வழக்கின் தீர்ப்பு ஜனவரிக்குள் வரலாம் என்பதால் பதைப்புடன் இருக்கிறார் சசிகலா. இந்த வழக்குகளால் முதல்வர் பதவியைத் தொட்டுவிடுவது அவ்வளவு எளிதானதல்ல. தீர்ப்பு வருவதற்குள் முதல்வர் ஆகிவிட்டாலும், உறவுகளில் ஒருவரை பதவிக்குக் கொண்டு வரலாம் எனத் திட்டமிட்டிருந்தார் சசிகலா.

அவருடைய நினைப்புக்கு குறுக்கே பன்னீர்செல்வம் இருக்கிறார். அதன் விளைவை தம்பிதுரை நேரடியாகக் காட்டிக் கொண்டிருக்கிறார். 'உங்கள் தலைமைக்குக் கட்டுப்பட்டு நடக்கிறேன்' என பன்னீர்செல்வம் கூறினாலும், கார்டன் வட்டாரம் மிகுந்த எரிச்சலில் இருக்கிறது. பிரதமர் மூலமே விவகாரத்தை முடிவுக்குக் கொண்டு வரும் வேலையில் மன்னார்குடி உறவுகள் இறங்கியுள்ளன. 'இப்போதுள்ள நிலை தொடர்ந்தால், தமிழக பா.ஜ.கவின் எதிர்காலத்துக்கு நல்லது' எனத் திட்டமிடுகிறார் அமித் ஷா. அதனாலேயே, சசிகலாவுக்கு எதிரான சக்திகளை சந்திப்பதற்கு ஆர்வம் காட்டி வருகிறார். தீபாவுக்குக் கூடும் கூட்டங்களைப் பற்றிக் கேள்விப்பட்டு, விசாரித்திருக்கிறார். விரைவில் தீபாவை அவர் சந்திப்பதற்கும் வாய்ப்பு இருக்கிறது" என்கிறார் அரசியல் பார்வையாளர் ஒருவர்.

"குடியரசு தினத்தில் பன்னீர்செல்வம் கொடியேற்றுவார் என ஆளுநர் அலுவலகம் தெரிவித்துள்ளது. சட்டசபை கூட்டத் தொடர், பட்ஜெட் வேலைகள் என முதல்வருக்கான பணிகளில் வேகத்தைக் கூட்ட ஆரம்பித்துவிட்டார் பன்னீர்செல்வம். முதல்வரின் முக்கியத்துவத்தைக் குறைக்கும் வகையில், இருட்டடிப்பு செய்வதற்கான வேலைகளில் ஆளும்கட்சி ஊடகமும் செயல்பட ஆரம்பித்துவிட்டது. 'ஜெயலலிதா மரணமடைந்த நாளிலேயே, சசிகலா முதல்வர் பதவியை ஏற்றிருந்தால், இந்தளவுக்கு விவகாரம் நீண்டிருக்காது' என மன்னார்குடி உறவுகள் பேசி வருகின்றனர். வெங்கய்ய நாயுடு சொன்னதால்தான், பன்னீர்செல்வத்தை முன்னிறுத்தினார். இப்போது தும்பை விட்டு வாலைப் பிடித்த கதையாக, பன்னீர்செல்வதைப் பதவியில் இருந்து நீக்குவதற்கு போராட்டம் நடத்திக் கொண்டிருக்கிறார் சசிகலா. எந்த அசைவையும் காட்டாமல், பளீர் புன்னகையோடு வலம் வருகிறார் முதலமைச்சர் பன்னீர்செல்வம்" என்கின்றனர் கோட்டை வட்டாரத்தில்.

English Summary:

The plenary session of the Legislative Tamilnadu commences on 23. New projects, relief, and is busy working with the authorities to discuss O.Pannir Selvam CM. "The good days are marked to take a charge as chief minister Shashikala keep pushing. Tampiturai directly went to see the prime minister did not receive the proper respect, "say the AIADMK in the locality.

Read More

அமைதி திரும்பியுள்ளது காஷ்மீரின் அழகை ரசிக்க வாருங்கள்

ஸ்ரீநகர்: காஷ்மீரில் அமைதி திரும்பியுள்ள நிலையில், காஷ்மீரின் அழகை ரசிக்க வாருங்கள் என சுற்றுலா பயணிகளுக்கு அம்மாநில முதல்வர் மெகபூபா அழைப்பு விடுத்துள்ளார். காஷ்மீரில் பிரிவினைவாதிகளின் தூண்டுதலால் அடிக்கடி வன்முறை நிகழ்ந்து வருகிறது. பாகிஸ்தானை சேர்ந்த தீவிரவாதிகளும் காஷ்மீருக்குள் ஊடுருவி நாசவேலைகளில் ஈடுபட்டு வருகின்றனர். ஹிஸ்புல் முஜாகிதின் அமைப்பின் கமாண்டர் புர்கான்வானி கடந்த ஜூலை மாதம் ராணுவத்தினரால் சுட்டுக்கொல்லப்பட்டதை தொடர்ந்து கடந்த சில மாதங்களாக காஷ்மீரில் அசாதாரண சூழல் நிலவி வந்தது. வன்முறை, கடையடைப்பு, போராட்டம் போன்வற்றால் இயல்பு வாழ்க்கை பெரிதும் பாதித்தது.

ரூ.500, ரூ.1000 நோட்டுகள் செல்லாது என்ற அறிவிப்புக்கு பின்னர், பிரிவினையை ஊக்குவிப்போரின் கையில் போதிய பணம் இல்லாததால் அங்கு வன்முறை சம்பவங்கள் குறைந்து விட்டன. தற்போது காஷ்மீரில் அமைதியான சூழல் நிலவி வருகிறது. இந்நிலையில், அழகுமிகுந்த காஷ்மீரை ரசிக்க வாருங்கள் என உள் மற்றும் வெளிநாட்டு சுற்றுலா பயணிகளுக்கு அம்மாநில முதல்வர் மெகபூபா அழைப்பு விடுத்துள்ளார்.

இதுகுறித்து அவர் கூறுகையில், ‘‘காஷ்மீரில் அமைதி திரும்பியுள்ளது. தற்போது இதமான காலநிலை நிலவி வருகிறது. குல்மார்க் பகுதியில் ஜனவரியில் நடைபெறும் பனித்திருவிழாவில் கலந்துகொள்ள வருமாறு ஒவ்வொருவரையும் அழைக்கிறேன். சுற்றுலா பயணிகளுக்கு காஷ்மீர் போன்று பாதுகாப்பான இடம் வேறு எங்கும் கிடையாது. குறிப்பாக, பெண்களுக்கு சிறந்த பாதுகாப்பு அளிக்கப்படும். பெண் சுற்றுலா பயணிகள் அதிகளவில் வரவேண்டும் என விரும்புகிறேன்’’ என்றார்.

English summary:

Srinagar: Kashmir in the wake of the return of peace, for the tourists to come and enjoy the beauty of Kashmir Chief Minister called for mehapupa.

Read More

ரூ.2,000 நோட்டுகள் பறிமுதல்: வங்கிகள் முறைகேடுகளில் ஈடுபட்டது உண்மைதான்:கல்ராஜ் மிஸ்ரா

லக்னோ:புதிதாக வெளியிடப்பட்ட ரூ.2,000 நோட்டுகள் பறிமுதல் செய்யப்பட்டு வருவதால் பரபரப்பு நிலவும் நிலையில், வங்கிகள் குறிப்பிட்ட முறைகேடுகளில் ஈடுபட்டது உண்மைதான் என்று மத்திய அமைச்சர் கல்ராஜ் மிஸ்ரா ஒப்புக் கொண்டுள்ளார்.

இதுதொடர்பாக உத்தரப் பிரதேச மாநிலம், லக்னோவில் பத்திரிகையாளர்களிடம் கூறியதாவது:சில இடங்களில் சோதனை நடத்தப்பட்டு, சிலர் கைது செய்யப்பட்டுள்ளனர். வங்கிகளும் குறிப்பிட்ட முறைகேடுகளில் ஈடுபட்டுள்ளன. சில வங்கிகளின் அதிகாரிகள் பணியிடை நீக்கம் செய்யப்பட்டுள்ளனர்.இதுதொடர்பாக எங்கெங்கு தகவல் கிடைத்தாலும், அதுதொடர்பாக நடவடிக்கை எடுக்கப்பட்டு வருகிறது என்றார் மிஸ்ரா.

பொருளாதாரம் சுத்தமானதாக மாறும்:

ரூபாய் நோட்டுகள் செல்லாது என்று அறிவிக்கப்பட்டதால், மக்கள் சந்தித்து வரும் பிரச்னைகள் குறித்து மிஸ்ராவிடம் கேட்கப்பட்டது. அதற்கு அவர் அளித்த பதில்:குறைந்த காலத்துக்கு சில கஷ்டங்களை மக்கள் சகித்துக் கொண்டாக வேண்டும் என்று நாட்டு மக்களிடம் பிரதமரே கேட்டுக் கொண்டுள்ளார். பெரிய முடிவுகள் எப்போது எடுக்கப்பட்டாலும், அப்போது பிரச்னைகள் ஏற்படத்தான் செய்யும். ஆனால், இந்த முடிவால், நமது நாட்டின் பொருளாதாரம் சுத்தமானதாக மாறும்.

நாட்டு மக்கள் தங்களிடம் இருக்கும் கருப்புப் பணத்தை தாமாக முன்வந்து தெரிவிக்க வேண்டும் என்று பிரதமர் மோடி கேட்டுக் கொண்டார். ஆனால், அதற்கு போதிய பலன் கிடைக்காததால், ரூ.500, ரூ.1,000 நோட்டுகள் செல்லாது என்ற முடிவை மத்திய அரசு எடுத்தது.என்றார் கல்ராஜ் மிஸ்ரா.

English summary:

Lucknow: Newly released Rs 2,000 banknotes were confiscated and the level of sensation, the banks involved in the irregularities Kalraj Mishra, the Minister admitted that was true. 

Read More

மேற்கு வங்க தலைமைச்செயலகத்தில் ராணுவம் குவிப்பு : எதிர்ப்பு தெரிவித்து மம்தா உள்ளிருப்பு போராட்டம்

கொல்கத்தா: மேற்கு வங்க தலைமைச்செயலகத்தில் ராணுவ வீரர்கள் குவிக்கப்பட்டுள்ளதால் பரபரப்பு ஏற்பட்டுள்ளது. தலைமைச்செயலகத்தில் ராணுவ வீரர்கள் குவிக்கப்பட்டுள்ளதற்கு அம்மாநில முதல்வர் மம்தா பானர்ஜி எதிர்ப்பு தெரிவித்துள்ளார். ராணுவ வீரர்களை வாபஸ் பெறும் வரை தலைமைச் செயலகத்தை விட்டு வெளியேற மாட்டேன் என உறுதிபட தெரிவித்துள்ள அவர், அங்கேயே உள்ளிருப்பு போராட்டத்தில் ஈடுபட்டுள்ளதால் பெரும் பரபரப்பு நிலவுகிறது.

English Summary : West Bengal head quarters sensation experienced by the soldiers deployed.

Read More

ரூபாய் நோட்டு வாபஸ்: மக்களுக்கு பாதிப்பு என்கிறார் மன்மோகன்

புதுடில்லி: ரூபாய் நோடடு வாபஸ் பெறப்பட்டதில், மக்களுக்கு அவதி ஏற்பட்டுள்ளது என முன்னாள் பிரதமர் மன்மோகன் சிங் கூறயுள்ளார்.

பிரதமர் பங்கேற்பு:

ரூபாய் நோட்டு வாபஸ் பெறப்பட்ட விவாகாரத்தில் ராஜ்யசபாவில் விவாதம் நடத்த வேண்டும் என எதிர்க்கடசிகள் வலியுறுத்தின. இந்த விவாதத்தில், பிரதமர் பங்கேற்று பதிலளிக்க வேண்டும் எனக்கூறி அமளியில் ஈடுபட்டனர். இதனால் ராஜ்யசபா நடவடிக்கை பாதிக்கப்பட்டது. இந்நிலையில், விவாதத்திற்க தயார் என மத்திய அரசு அறிவித்தது. பிரதமர் பங்கேற்று பதிலளிப்பார் எனவும், இந்த விவாதத்தில் முன்னாள் பிரதமர் மன்மோகன் சிங் பேச வேண்டும் என மத்திய நிதியமைச்சர் அருண் ஜெட்லி கூறினார். தொடர்ந்து இந்த விவாதத்தில், பிரதமர் மோடி, முன்னாள் பிரதமர் மன்மோகன் சிங் கலந்து கொண்டனர்.

அவதி:

மன்மோகன் பேசும்போது, ‛நாட்டின் நலனுக்கான நடவடிக்கை என்பதில் மாற்றுக்கருத்தில்லை. ஆனால், பிரதமரின் முடிவு மிகப்பெரிய தவறான நிர்வாக முடிவு. மத்திய அரசின் இந்த நடவடிக்கையால் ஏழை மக்கள் அவதிப்படுகின்றனர். 50 நாள் தடை என்பது ஏழை மக்களுக்கு பெரிய இடியாக அமைந்துவிட்டது. அவகாசம் மிகக்குறைவு. எந்த நாட்டிலாவது பணம் எடுக்க தடை விதிக்கப்பட்டுள்ளதா? ரூபாய் நோட்டு வாபசால், நாட்டின் ஜி.டி.பி., 2 புள்ளிகள் குறைந்துவிட்டது. அமைப்பு சாரா தொழில்கள் முற்றிலும் முடங்கிவிட்டது. கூட்டுறவு சேவை முற்றிலும் முடங்கிவிட்டது. மத்திய அரசின் நடவடிக்கையை கண்டிக்கிறேன்.

நம்பிக்கை இல்லை:

ரூபாய் நோட்டு வாபசால் 65 பேர் பலியாகியுள்ளனர். ஏழை மக்களின் தினசரி நடவடிக்கை பாதிக்கப்பட்டுள்ளது. இதனை தடுக்க ரிசர்வ் வங்கி நடவடிக்கை இல்லை. மோசமான நிர்வாகத்திற்கு உதாரணமாக ரிசர்வ் வங்கி மாறிவிட்டது. ரூபாய் நோட்டு மீதான நம்பிக்கை போய் விவட்டது. விளைவுகளை குறைத்து மதிப்பிட்டு எடுக்கப்பட்ட நடவடிக்கை இது. அரசின் நடவடிக்கையால் நாட்டில் பேரழிவு ஏற்பட்டுள்ளது. சாத்தியமான திட்டங்களை அறிவிக்க வேண்டும் என பிரதமரை கேட்டுக்கொள்கிறேன் என்றார்.

முன்னதாக இந்த விவாதத்தில் கலந்து கொண்டு பேசிய காங்., மூத்த தலைவர் குலாம் நபி ஆசாத், ரூபாய் நோட்டு வாபஸ் பெறப்பட்ட திட்டத்தை காங்கிரஸ் எதிர்க்கவில்லை. இதில் அரசின் அணுகுமுறையை தான் எதிர்க்கிறோம். அரசின் நடவடிக்கையால் மக்கள் பெரிதும் அவதிக்குள்ளாகியுள்ளனர் என்றார்.

லோக்சபா ஒத்திவைப்பு:

லோக்சபா துவங்கியதும் எதிர்க்கட்சியினர் அமளியில் ஈடுபட்டனர். அப்போது, சமாஜ்வாதி எம்.பி., அக்சய் யாதவ் பேப்பரை வீசினார். அவர் மீது நடவடிக்கை எடுக்கப்படலாம் என எதிர்பார்க்கப்படுகிறது. தொடர்ந்து அமளியில் ஈடுபட்டனர். இதனால் 12 மணிக்கு ஒத்திவைக்கப்பட்டது. பின்னர் அவை கூடியதும், எதிர்க்கட்சி உறுப்பினர்கள் அமளியில் ஈடுபட்டதால், நாள் முழுவதும் லோக்சபா ஒத்திவைக்கப்பட்டது.

English Summary:

In rupee derived notes withdrawn, as experienced by the former Prime Minister Manmohan Singh said that people got troubled 

Read More

வழக்கை சந்தித்தே ஆகணும் கெஜ்ரிவால் மனு தள்ளுபடி

புதுடில்லி: மத்திய நிதியமைச்சர் அருண் ஜெட்லி தொடர்ந்த அவதுாறு வழக்கை ரத்து செய்யக் கோரி, டில்லி முதல்வர் அரவிந்த் கெஜ்ரிவால் தொடர்ந்த வழக்கை தள்ளுபடி செய்த சுப்ரீம் கோர்ட், வழக்கை சந்திக்கும்படி உத்தரவிட்டது.

டில்லி கிரிக்கெட் சங்க முறைகேடு தொடர்பாக, அதன் முன்னாள் தலைவராக இருந்த, மத்திய நிதியமைச்சரும், பா.ஜ., மூத்த தலைவருமான அருண் ஜெட்லி குறித்து, டில்லி முதல்வரும், ஆம் ஆத்மி தலைவருமான அரவிந்த் கெஜ்ரிவால் விமர்சனம் தெரிவித்திருந்தார்.

அதைத் தொடர்ந்து, கெஜ்ரிவால் மீதும், அவரது கட்சி, எம்.எல்.ஏ.,க்கள் மீதும், டில்லி கோர்ட்டில், கிரிமினல் அவதுாறு வழக்கையும், டில்லி ஐகோர்ட்டில், 10 கோடி ரூபாய் இழப்பீடு கேட்டு, சிவில் அவதுாறு வழக்கையும் அருண் ஜெட்லி தொடர்ந்தார்.

டில்லி கோர்ட்டில் தொடரப்பட்ட கிரிமினல் அவதுாறு வழக்கை எதிர்த்து, கெஜ்ரிவால் தாக்கல் செய்த மனுவை, டில்லி ஐகோர்ட் தள்ளுபடி செய்தது.
இந்நிலையில், வழக்கு தொடர்பாக நேரில் ஆஜரானதால், கெஜ்ரிவால் உள்ளிட்டோருக்கு, டில்லி கோர்ட் ஜாமின் அளித்திருந்தது.

இந்த வழக்குகளை எதிர்த்து, கெஜ்ரிவால் உள்ளிட்டோர் தாக்கல் செய்த மனுக்கள், சுப்ரீம் கோர்ட்டில் நேற்று விசாரணைக்கு வந்தன. அவர் சார்பில் ஆஜரான மூத்த வழக்கறிஞர் ராம்ஜெத்மலானி வாதிட்டதாவது:
சிவில் அவதுாறு வழக்கில், டில்லி ஐகோர்ட் அளிக்கும் தீர்ப்பின் அடிப்படையிலேயே, கிரிமினல் அவதுாறு வழக்கில் டில்லி கோர்ட் தீர்ப்பு அளிக்கும். சாட்சிகள், சம்பவங்களை அது கருத்தில் கொள்ளாது.
அதனால், டில்லி கோர்ட்டில் உள்ள கிரிமினல் அவதுாறு வழக்கை தள்ளுபடி செய்ய வேண்டும். ஐகோர்ட்டில் உள்ள சிவில் அவதுாறு வழக்கை மட்டுமே நடத்த வேண்டும்.
இவ்வாறு அவர் வாதிட்டார்.

இந்த வழக்கை விசாரித்த, நீதிபதிகள், பி.சி.கோஷ், யு.யு.லலித் அடங்கிய சுப்ரீம் கோர்ட் அமர்வு, நேற்று அளித்த தீர்ப்பில் கூறியுள்ளதாவது:
இந்த வழக்கில், கீழ் கோர்ட் மற்றும் டில்லி ஐகோர்ட் விவகாரத்தில் சுப்ரீம் கோர்ட் தலையிட முடியாது. ஒரே நேரத்தில், கிரிமினல் மற்றும் சிவில் அவதுாறு வழக்குகளை நடத்துவதால், எந்தக் குழப்பமும் இருக்காது. அதனால், இரண்டு வழக்குகளையும் சந்திக்க வேண்டும்; இந்த மனு தள்ளுபடி செய்யப்படுகிறது.

English Summary:

Finance Minister Arun Jaitley  continued to demand the cancellation of the case, Delhi Chief Minister Arvind Kejriwal, who dismissed the case following the Supreme Court ordered the case to meet.

Read More

முதலமைச்சர் ஜெயலலிதா பூரண உடல்நலம் பெற வழிபாடு

தமிழக முதல்வர் ஜெயலலிதா  பூரண உடல்நலம் பெறவேண்டி தமிழகத்தில் பல்வேறு கோவில்களில் சிறப்பு வழிபாடுகள் நடத்தப்பட்டன.

திருவாரூர் மாவட்டம் அவளிவணல்லூர் சாட்சிநாதசாமி கோயிலில் 13 வகையான யாகங்கள் நடத்தப்பட்டு சிறப்பு அபிஷேகங்கள் நடைபெற்றது. அதன்பின் பக்தர்களுக்கு அன்னதானம் வழங்கப்பட்டது. இதில் அதிமுக உள்ளிட்ட பலர் பங்கேற்றனர்.

ராமநாதபுரம் திருஉத்திரகோசமங்கை மங்களநாதர் கோவிலில் முதலமைச்சர் ஜெயலலிதாவுக்காக ஹோமங்கள் மற்றும் யாகசாலை பூஜைகள் உள்ளிட்ட சிறப்பு வழிபாடுகள் நடைபெற்றது. இதில் அதிமுகவினர் பலர் கலந்து கொண்டனர்.

தருமபுரி மாவட்டம் அரூர் வருணீஸ்வரர் கோவிலில் ஸ்ரீ மகாகணபதி ஹோமம், ஆயுஸ் ஹோமம், உள்ளிட்ட சிறப்பு வழிபாடுகள் நடைபெற்றது. இதில் அதிமுகவினர் பலர் கலந்து கொண்டனர்.

தமிழக முதல்வர் ஜெயலலிதா  பூரண குணமடைந்து வீடு திரும்ப வேண்டியும், அவர் நீண்ட ஆயுள் பெற வேண்டியும் புதுக்கோட்டை மாவட்ட அதிமுக சார்பில் திருவேங்கை வாசலில் உள்ள தட்சிணாமூர்த்தி சன்னதியில் ஆயுஷ் ஹோமம், மிருத்தஞ்யங் ஹோமம் உள்ளிட்டவை நடைபெற்றன.  108 நறுமணப் பொருட்களைக் கொண்டு யாகம் நடத்தப்பட்டது. தமிழக முதல்வர் பூரண உடல்நலத்துடன் மருத்துவமனையில் இருந்து வீடு திரும்ப வேண்டி திருவள்ளூர் மாவட்டம் பஞ்செட்டியில் அமைந்துள்ள அருள்மிகு ஆனந்தவல்லி அம்பிகை சமேத அகதீஸ்வரர் திருக்கோவிலில்  ஆயுஷ் ஹோமம் உள்ளிட்ட சிறப்பு வழிபாடுகள் நடத்தப்பட்டன.  ஊரக தொழில்துறை அமைச்சர் பெஞ்சமின் உள்ளிட்டோர் இந்த வழிபாட்டில் கலந்துகொண்டனர்.

திண்டுக்கல் அபிராமி அம்மன் கோவிலில் பிரத்யாங்கர யாகம் நடைபெற்றது. முன்னதாக அபிராமி அம்பிகை, பத்மகீரிஸ்வரருக்கு முதல்வர் ஜெயலலிதா பெயரில் சிறப்பு பூஜைகள் நடத்தப்பட்டன. இந்ந நிகழ்ச்சியில் அமைச்சர் திண்டுக்கல் சீனிவாசன் உள்பட அதிமுகவினர் பலர் பங்கேற்றனர்.

English Summary:

Tamil Nadu Chief Minister Jayalalithaa, special pujas were held at various temples in the state to be in perfect health.

Read More

'மெகா' கூட்டணிக்கு காங்., மேடையில் அச்சாரம்?

காங்கிரஸ் நடத்திய, இந்திரா நுாற்றாண்டு பிறந்த நாள் விழா கருத்தரங்கில், லோக்சபா தேர்தலுக்கு, தமிழகத்தில் மெகா கூட்டணிக்கு அச்சாரம் போடும் வகையில், தலைவர்கள் பேசியது பரபரப்பைபை ஏற்படுத்தி உள்ளது.

தமிழக காங்., சார்பில், நேற்று முன்தினம், சென்னை யில், மறைந்த முன்னாள் பிரதமர் இந்திராவின் நுாற்றாண்டு விழா கருத்தரங்கம் நடந்தது.

இதில், கூட்டணி மேடையாக அலங் கரிக்கும் வகையில், தி.மு.க., விடுதலை சிறுத் தைகள், இந்திய கம்யூனிஸ்ட், இந்திய யூனியன்
முஸ்லிம் லீக் போன்ற கட்சிகள் பங்கேற்றன.

இந்திய யூனியன் முஸ்லிம் லீக் தலைவர், காதர் மொய்தீன் பேசுகையில், ''மத்திய அரசு, பொது சிவில் சட்டம் கொண்டு வருவதாக அறிவித்துள்ளது. இது, இஸ்லாமிய பெண்களுக்கு பாதுகாப்பற்ற சூழ் நிலையை ஏற்படுத்தும். ராகுல் பிரதமராகும் சூழல் உருவாகியுள்ளது; நாங்கள் காங்கிரசோடு இணைந்து பணியாற்றுவோம்,'' என்றார்.

வி.சி., தலைவர் திருமாவளவன் பேசுகையில், ''காங் கிரஸ் ஆட்சிக்கு வரவும், ராகுல் பிரதமராகவும், மத்திய அரசு வாயிலை திறந்து விட்டுள்ளது. காங்கிரசை ஆட்சி அரியணையில் ஏற்ற, இந்த மேடையில் இருக்கும், அணிகள் தொடரும்,'' என்றார்.

தி.மு.க.,அமைப்புச் செயலர், டி.கே.எஸ்.இளங்கோ வன் பேசுகையில், ''நாங்கள் காங்கிரசுடன் துணை நிற்போம்; கூட்டணி தொடரும்,'' என்றார்.

தமிழக காங்., தலைவர் திருநாவுக்கரசர் பேசுகை யில், ''நாம் அனைவரும், மத்தியில் உள்ள மோடி அரசை அகற்ற ஒன்று பட்டுள்ளோம்.

இது, தேர்தல் கூட்டணி அல்ல; ஆனால், மக்கள் கூட்டணி. மக்களுக்கான பிரச்னைகளுக்காக, நாம் ஒரே களத்தில் போராடுவோம்; நம் நட்பு தொடர வேண்டும்,'' என்றார்.

அடுத்த லோக்சபா தேர்தலுக்கு, தமிழகத்தில், தி.மு.க., தலைமையில், 'மெகா' கூட்டணி அமைப்பதற்கான அச்சாரமாகவே, கருத்தரங் கில் பேசிய தலைவர்களின் பேச்சு அமைந் திருந்தது.

English Summary:

By Congress, Indira hundreds birthday party conference, the Lok Sabha elections, the state, the foundation laid in the mega-coalition, the leaders spoke is  caused stunning.

Read More

மோடியிடம் 15 ஆண்டுகள் ஆட்சியைத் தாருங்கள்: அமித் ஷா வேண்டுகோள்

பஞ்சாயத்து முதல் நாடாளுமன்றம் வரை 15 ஆண்டுகளுக்கு நரேந்திர மோடியிடம் ஆட்சியை அளித்தால், அவர் தேசத்தை மாற்றிக் காட்டுவார் என்று பாஜக தேசியத் தலைவர் அமித் ஷா தெரிவித்துள்ளார்.
சண்டீகரில் விரைவில் உள்ளாட்சித் தேர்தல் நடைபெறவுள்ளது. இதனை முன்னிட்டு, பாஜக வாக்குச் சாவடி முகவர்கள் மத்தியில் ஞாயிற்றுக்கிழமை அவர் பேசியதாவது:
கருப்புப் பணத்தை ஒழிக்கும் நோக்கில் மத்திய அரசு ரூ.500, ரூ.1000 நோட்டுகளைச் செல்லாது என்று அறிவித்ததை காங்கிரஸ் துணைத் தலைவர் (ராகுல் காந்தி) எதிர்ப்பதில் ஆச்சரியப்படுவதற்கு ஒன்றுமில்லை. ஏனெனில், காங்கிரஸ் தலைமையிலான ஐக்கிய முற்போக்குக் கூட்டணியின் 10 ஆண்டுகால ஆட்சி ஊழல்களின் மறுபெயராகத்தான் விளங்கியது.
கருப்புப் பணம் என்பது நமது நாட்டைப் பீடித்துள்ள புற்றுநோய். அறுவை சிகிச்சை மூலம்தான் அதனை ஒழிக்க முடியும். இந்த சிகிச்சையின்போது ஏற்படும் வலியை சற்று பொறுத்துக் கொண்டுதான் ஆக வேண்டும். அதன் பிறகு வாழ்நாள் முழுவதும் நலமுடன் வாழலாம்.
மழை பெய்து வெள்ளப் பெருக்கு ஏற்பட்டால், அதில் சிக்கிய எலிகள், பாம்புகள், பூனைகள், கீரிகள் போன்றவை அலறியபடி பெரிய மரத்தில் ஏறித் தப்பிக்க முயற்சிக்கும். ரூபாய் நோட்டுகள் தொடர்பான பிரதமரின் அதிரடி அறிப்பால், வெள்ளத்தில் சிக்கிய எலிகள், பாம்புகள், பூனைகள், கீரிகள் போல எதிர்க்கட்சிகள் கூச்சலிட்டு வருகின்றன. ஆனால் இவை அனைத்தும் ஒரே மரத்தில் தங்க முடியாது.
காங்கிரஸ், சமாஜவாதி, பகுஜன் சமாஜ், ஆம் ஆத்மி, திரிணமூல் காங்கிரஸ் ஆகிய கட்சிகள் மோடியின் அதிரடி அறிவிப்பால் வேறு வழியின்றி ஒரே மரத்தைப் பிடித்துத் தொங்கிக் கொண்டிருக்கின்றன. அந்தப் பிரச்னை தீர்ந்த பிறகு, அவர் ஓடி விடுவார்கள்.
சண்டீகரில் நடைபெறவுள்ள உள்ளாட்சித் தேர்தலில் மக்கள் பாஜகவுக்கு வெற்றியைத் தர வேண்டும். பஞ்சாயத்து முதல் நாடாளுமன்றம் வரை அனைத்து நிலைகளிலும் மோடியிடம் 15 ஆண்டுகளுக்கு ஆட்சியை அளித்தால், அவர் தேசத்தையே மாற்றிக் காட்டுவார் என்றார் அமித் ஷா.
முன்னதாக, கூட்டம் நடைபெற்ற பகுதிக்கு அருகே அமித் ஷா வுக்கு எதிராக காங்கிரஸ் கட்சியினர் கருப்புக் கொடி ஏந்தி போராட்டம் நடத்தினர்.

English Summary : Give him 15 years of Modi regime: Amit Shah Request.

Read More

புதிய ரூபாயில் ஹிந்தி எழுத்துகளுக்கு எதிர்ப்பு: உச்ச நீதிமன்றத்தில் கம்யூனிஸ்ட் கட்சி மனு

புதிய ரூ.500, ரூ.1,000 நோட்டுகளில் தேவநாகரி வரி வடிவத்தில் ஹிந்தி எழுத்துகள் இடம்பெற்றிருப்பதற்கு எதிர்ப்பு தெரிவித்து, இந்திய கம்யூனிஸ்ட் கட்சியின் தேசிய செயற்குழு உறுப்பினர் பினோய் விஸ்வம், உச்ச நீதிமன்றத்தில் வழக்கு தொடுத்துள்ளார்.
இந்த மனுவை, பழைய ரூபாய் நோட்டுகள் செல்லாது என்ற அறிவிப்புக்கு எதிராகத் தொடுக்கப்பட்டுள்ள பல்வேறு மனுக்களுடன் சேர்த்து உச்ச நீதிமன்றம், வரும் 24-ஆம் தேதி விசாரிக்கும் என்று தெரிகிறது. அவர் தனது மனுவில் கூறியிருப்பதாவது:
ரூபாய் நோட்டு என்பது நாட்டின் பொருளாதாரத்தின் வடிவமாகும். புதிய ரூ.500, ரூ.1,000 நோட்டில் தேவநாகரி வரி வடிவத்தில் ஹிந்தி எழுத்துகள் இடம்பெறச் செய்திருப்பது அரசமைப்புச் சட்டத்தின் 343(1)-ஆவது பிரிவை மீறிய செயலாகும். இதேபோல், 1960-ஆம் ஆண்டின் ஆட்சி மொழிகள் சட்டத்தில், எண்கள் வடிவத்தை மாற்றுவற்கான எந்த அனுமதியும் வழங்கப்படவில்லை.
இதுதவிர, புதிய ரூபாய் நோட்டுகளில் தண்ணீர் பட்டால் சாயம் போவது, பல நாடுகளில் உள்ள பணத்தைப் போன்ற தோற்றத்தில் இருப்பது என்று பல்வேறு குறைபாடுகள் காணப்படுகின்றன என்று விஸ்வம் தனது மனுவில் குறிப்பிட்டுள்ளார்.

English Summary : The new Rs 500 and Rs 1,000 notes Devanagari text in the form of Hindi characters included protest, the Indian Communist Party National Committee member Binet visvam, the Supreme Court sues.
This petition, old banknotes annulled the declaration waged against the various petitions with the Supreme Court, the It seems that it will be heard on 24th. In his petition, he said, 

Read More

திவாலாகும் நிலையில் நாட்டின் பொருளாதாரம்: மம்தா தாக்கு

உயர் மதிப்பிலான ரூபாய் நோட்டுகள் செல்லாது என அறிவிக்கப்பட்டதால் நாட்டின் பொருளாதாரம் திவாலாகும் நிலையில் இருப்பதாக மேற்கு வங்க முதல்வர் மம்தா பானர்ஜி குற்றம்சாட்டியுள்ளார்.
பழைய ரூ.500, ரூ.1000 நோட்டுகள் செல்லாது என்று மத்திய அரசு அறிவித்துள்ளதற்கு மேற்கு வங்க முதல்வர் மம்தா பானர்ஜி கடும் எதிர்ப்பு தெரிவித்து வருகிறார்.
இந்த விவகாரம் தொடர்பாக குடியரசுத் தலைவர் பிரணாப் முகர்ஜியை எதிர்க்கட்சிகளைச் சேர்ந்த பிரதிநிதிகளுடன் மம்தா பானர்ஜி அண்மையில் சந்தித்து முறையிட்டார். இந்நிலையில், கொல்கத்தாவில் உள்ள ரிசர்வ் வங்கி தலைமையகத்தை மம்தா பானர்ஜி சனிக்கிழமை பார்வையிட்டார். அதன் பின்னர் செய்தியாளர்களிடம் அவர் கூறியதாவது:
ரூபாய் நோட்டுகள் செல்லாததாக்கப்பட்டதால் நாடு முழுவதும் கடும் பணத் தட்டுப்பாடு ஏற்பட்டுள்ளது. ஏழை மக்கள் கடுமையாக பாதிக்கப்பட்டுள்ளனர். மேலும், இந்த முன்யோசனையற்ற அறிவிப்பால் கடந்த 11 நாள்களில் மட்டும் நாட்டின் பொருளாதாரத்தில் ரூ.2.75 லட்சம் கோடி இழப்பு ஏற்பட்டுள்ளது.
இந்நிலையில், ஏடிஎம் மையங்களில் நாள்தோறும் பணம் எடுப்பதற்கான உச்ச வரம்பு ரூ.4,500-இலிருந்து ரூ.2000-ஆக குறைக்கப்பட்டுள்ளது. இது, நாட்டின் பொருளாதாரம் திவாலாகும் நிலையில் இருப்பதையே காட்டுகிறது.
ரூபாய் நோட்டுகள் செல்லாது என்ற அறிவிப்பை மத்திய அரசு திரும்பப் பெற கெடு விதித்திருக்கிறோம். வரும் திங்கள்கிழமையுடன் அந்த கெடு முடிகிறது. அதற்கு பிறகு இந்த நடவடிக்கை திரும்பப் பெறப்படவில்லையெனில், அடுத்தக்கட்ட போராட்டங்கள் குறித்து ஆம் ஆத்மி, சிவசேனை உள்ளிட்ட கட்சிகளுடன் ஆலோசித்து முடிவெடுக்கப்படும் என்றார் மம்தா பானர்ஜி.

English Summary : High-value banknotes invalid, as the announcement of the country's economy in case of bankruptcy of the West Bengal Chief Minister Mamata Banerjee's allegation.

Read More

ரூபாய் நோட்டு வாபஸ் நடவடிக்கையின் பின்விளைவுகள் நீண்ட காலம் தொடரும்

உயர் மதிப்புடைய ரூபாய் நோட்டுகள் செல்லாதவையாக அறிவிக்கப்பட்ட நடவடிக்கையின் பின்விளைவுகள் நீண்ட காலத்துக்கு தொடரும் எனவும், இந்த முடிவை மேற்கொள்ளும் முன் தலைமைப் பொருளாதார ஆலோசகரிடம் மத்திய அரசு கலந்தாலோசித்ததா? என்ற சந்தேகம் எழுவதாகவும் முன்னாள் மத்திய நிதியமைச்சர் ப.சிதம்பரம் தெரிவித்துள்ளார்.
இதுதொடர்பாக, அவர் மும்பையில் செய்தியாளர்களிடம் சனிக்கிழமை கூறியதாவது: நாட்டில் புழக்கத்திலிருந்த 86 சதவீத ரூபாய் நோட்டுகள் திரும்பப் பெறப்பட்டுள்ளன. இதனால் ஏற்பட்டுள்ள முதல் நிலை தாக்கங்களை நாம் கண்கூடாகப் பார்த்து வருகிறோம். பெரும்பாலான மக்கள் மிகக் குறைவான பணத்தை வைத்து வாழும் நிலை உள்ளதால், பொருள்களின் நுகர்வு குறைந்துள்ளது. காய்கறிகள், பழங்கள் உள்ளிட்டவை விற்பனையாகாமல் இருக்கின்றன. இன்னும் பல வாரங்களுக்கு இந்த நிலை தொடரும்.
திருப்பூர், சூரத் உள்ளிட்ட தொழில் நகரங்களில், இரண்டாம் நிலை தாக்கங்கள் ஏற்பட்டுள்ளன. அதாவது, தொழிலாளர்கள் வேலையிழப்பு, ஆள்குறைப்பு உள்ளிட்ட பிரச்னைகள் தலைதூக்கியுள்ளன. உரம் வாங்குவதற்கு விவசாயிகளிடம் பணமில்லை. விவசாயத் தொழிலாளர்களுக்கும் கூலி தர முடியாத நிலை ஏற்பட்டுள்ளது. மத்திய அரசின் நடவடிக்கையால் ஏற்பட்டுள்ள இழப்புகளை, இப்போதே அளவிட்டுக் கூற முடியாது.
இந்த விவகாரம் தொடர்பாக, தற்போதைய மத்திய அரசில் உள்ள ஒரே ஒரு அறிவார்ந்த பொருளாதார வல்லுநரான அரவிந்த் சுப்பிரமணியனிடம் (தலைமைப் பொருளாதார ஆலோசகர்) மத்திய அரசு கலந்தாலோசனை நடத்தியதா? என்பதே எனது சந்தேகமாகும்.
ரூபாய் நோட்டுகள் திரும்பப் பெறப்பட்டதால், பொதுமக்களுக்கு ஏற்பட்டுள்ள சிரமங்கள் இன்னும் 50 நாள்களில் தீரும் என்று பிரதமர் மோடி கூறியுள்ளார். இந்த 50 நாள்களில் தனிநபர்களிடம் பணத் தட்டுப்பாடு தீருமேயன்றி, இதர பிரச்னைகள் தீராது.
உதாரணமாக, எண்ணிக்கை அடிப்படையில் மொத்தமாக 2,200 கோடி ரூ.500, ரூ.1000 நோட்டுகள் செல்லாதவையாக அறிவிக்கப்பட்டுள்ளன. நம் நாட்டிலுள்ள உள்ள அச்சகங்கள் மூலம் மாதத்துக்கு 300 கோடி ரூபாய் நோட்டுகளையே அச்சிட முடியும். 2,200 கோடி ரூபாய் நோட்டுகளை புதிதாக அச்சிட 7 மாதங்கள் ஆகும் என்றார் ப.சிதம்பரம்.

English Summary :The action will continue in the long-term consequences of the withdrawal bill.The former Finance Minister P Chidambaram said the emergence of the doubt.
In this regard, he told reporters in Mumbai on Saturday said 86 percent of the banknotes in circulation in the country, have been withdrawn. We're seeing evidence of the impact of the first stage.

Read More

கருப்புப் பணத்தை பறிகொடுத்தவர்கள் நாடாளுமன்றத்தை முடக்குகின்றனர்: ஸ்மிருதி இரானி

உயர் மதிப்புடைய ரூபாய் நோட்டுகளை செல்லாதவையாக அறிவித்து, மத்திய அரசு மேற்கொண்ட நடவடிக்கையால் கருப்புப் பணத்தை பறிகொடுத்தவர்கள்தான், நாடாளுமன்றத்தை செயல்பட விடாமல் முடக்குகின்றனர் என்று மத்திய ஜவுளித் துறை அமைச்சர் ஸ்மிருதி இரானி சனிக்கிழமை குற்றம்சாட்டினார்.
ரூபாய் நோட்டு விவகாரம் தொடர்பாக வாக்கெடுப்புடன் கூடிய விவாதம் நடத்த வலியுறுத்தி, நாடாளுமன்றத்தின் இரு அவைகளிலும் காங்கிரஸ் தலைமையிலான எதிர்க்கட்சிகள் கடந்த 2 நாள்களாக அமளியில் ஈடுபட்டன. இதனால், இரு அவைகளிலும் வழக்கமான அலுவல் எதுவும் நடைபெறவில்லை. இந்நிலையில், குஜராத் மாநிலம், ஆமதாபாதில் சனிக்கிழமை நிகழ்ச்சியொன்றில் பங்கேற்பதற்காக வந்த மத்திய ஜவுளித் துறை அமைச்சர் ஸ்மிருதி இரானி, செய்தியாளர்களிடம் கூறியதாவது:
கருப்புப் பணம் பதுக்கியவர்கள், ஊழலில் திளைத்தவர்கள், ஏழை மக்களின் பணத்தை சுரண்டியவர்கள் ஆகியோருக்கு எதிரான நடவடிக்கையின் ஒரு பகுதியாகவே, உயர் மதிப்புடைய ரூபாய் நோட்டுகள் செல்லாதவையாக அறிவிக்கப்பட்டன.
மத்திய அரசின் வரலாற்று சிறப்புமிக்க இந்த நடவடிக்கையால் கருப்புப் பணத்தை பறிகொடுத்தவர்கள்தான், நாடாளுமன்றத்தை செயல்பட விடாமல் முடக்குகின்றனர். அரசியல் வேறுபாடுகளை ஒதுக்கிவிட்டு, நாட்டின் நலனுக்காக ஒன்றிணைந்து செயல்பட வேண்டும்.
பழைய பணத்தை மாற்றுவதற்காக சிரமத்தை பொறுத்துக் கொண்டு வங்கிகள் முன் நீண்ட வரிசையில் காத்திருக்கும் அனைவருமே, ஊழலுக்கு எதிரான போர்ப் படையினரே. கருப்புப் பணத்துக்கு எதிரான பிரதமர் மோடியின் அழைப்பை முழு மனதுடன் ஏற்றுக் கொண்ட அவர்களுக்கு, நாடே நன்றிக் கடன்பட்டுள்ளது என்றார்
ஸ்மிருதி இரானி.

English Summary: Disables the Parliament of black money lost: Smriti Irani.
Banknote issue and vote with the debate, urging lawmakers in both houses of the Congress-led opposition over the past 2 days replenish . Thus, both the houses and there was the usual desk. In this case, Gujarat, Ahmedabad Saturday program, attended the Union Textiles Minister Smriti Irani, journalists told the 

Read More

பாஜகவைத் தவிர மற்ற கட்சிகளின் அடுத்த தலைவரை யூகிக்க முடியும்:

பாஜகவைத் தவிர பெரும்பாலான கட்சிகளில் அடுத்த தலைவர் யார்? என்பது ஏற்கெனவே முடிவு செய்யப்பட்டுவிட்டது என்று பாஜகவின் தேசியத் தலைவர் அமித் ஷா கூறினார்.
மற்ற கட்சிகளைப் போல், குடும்ப ஆதிக்கமின்றி, செயல்பாட்டை முன்வைத்து இயங்கும் கட்சி பாஜக மட்டுமே என்றும் அவர் கூறினார்.
உத்தரப் பிரதேச மாநில சட்டப்பேரவைத் தேர்தலை முன்னிட்டு, லக்னெளவில் உள்ள தனியார் பல்கலைக்கழகம் ஒன்றில் மாணவர்களுடன் அவர் கலந்துரையாடும் நிகழ்ச்சி சனிக்கிழமை நடைபெற்றது. அதில், பிரதமர் மோடி தலைமையிலான அரசின் பல்வேறு நலத் திட்டங்களை எடுத்துரைத்த அவர், காங்கிரஸ், சமாஜவாதி, பகுஜன் சமாஜ் உள்ளிட்ட கட்சிகளை விமர்சிக்கும் வகையில் அவர் பேசியதாவது:
பெரும்பாலான கட்சிகள், குடும்பக் கட்சியாகச் சிறுத்துவிட்டன. அந்தக் குடும்பத்தில் மகன் ஒருவன் பிறந்துவிட்டால், அந்தக் கணமே அந்தக் கட்சியின் அடுத்த தலைவர் அவர்தான் என்பது முடிவு செய்யப்பட்டு விடுகிறது. காங்கிரஸ் கட்சியின் அடுத்த தலைவர் யார் என்பதை இப்போதே நீங்கள் கூற முடியும். ஆனால், பாஜகவின் அடுத்த தலைவர் யார் என்பதை முன்கூட்டியே நீங்கள் கூற முடியுமா?
பெரும்பாலான அரசியல் கட்சிகள், தங்களது பொறுப்புகளை விட்டு விட்டு, ஜாதியம், குடும்ப அரசியல் என்று தங்களது எல்லைகளை சுருக்கிக் கொண்டுவிட்டன.
இந்த நாடு செயல்பாடு மிக்க அரசியலை நோக்கிச் செல்ல வேண்டும் என்று பாஜக விரும்புகிறது.
கருப்புப் பண விவகாரத்தில், யாரும் தப்பித்துவிட முடியாது. பிரதமர் மோடி தலைமையிலான அரசு ஆட்சிக்கு வந்ததில் இருந்து, "கருப்புப் பணத்தை ஒழிப்பதாக அளிக்கப்பட்ட வாக்குறுதி என்னவாயிற்று?' என்று எதிர்க்கட்சிகள் கேள்வியெழுப்பின.
ரூபாய் நோட்டுகளை செல்லாது என்று மத்திய அரசு அறிவித்த பிறகு, அந்த அறிவிப்பை திரும்பப் பெற வேண்டும் என்று அதே கட்சிகள் கூக்குரலிடுகின்றன.
ரூபாய் நோட்டுகள் செல்லாது என்ற அதிரடி அறிவிப்பால் எதிர்க்கட்சிகள் விரக்தியில் உள்ளன. இந்த விவகாரத்தில் காங்கிரஸ், சமாஜவாதி, பகுஜன் சமாஜ் கட்சி, ஆம் ஆத்மி, திரிணமூல் காங்கிரஸ் உள்ளிட்ட எதிர்க்கட்சிகள் அனைத்தும் ஒருமித்த குரலில் எதிர்ப்பு தெரிவிக்கின்றன.
உத்தரப் பிரதேசத்தை சமாஜவாதி கட்சியும், பகுஜன் சமாஜ் கட்சியும் மாறி மாறி ஆட்சி செய்ததால், சட்டம்-ஒழுங்கு முற்றிலும் சீர்குலைந்துவிட்டது. இந்த மாநிலத்தில் பாஜகவால் மட்டுமே மாற்றத்தை ஏற்படுத்த முடியும். அந்த மாற்றத்தை தேர்தல் திருவிழாவில் இளைஞர்கள் ஏற்படுத்த வேண்டும் என்றார் அவர்.

English Summary:Except BJP, can guess the next director/leader of the other parties, Said Amit Shah

Read More

பேரிடர் சூழலில் விவசாயிகள்: அகிலேஷ்

லக்னோ : அதிக மதிப்பிலான ரூபாய் நோட்டுகளை மத்திய அரசு வாபஸ் பெற்றதால், ஒரு பேரிடர் சூழலை விவசாயிகள் எதிர்கொண்டு வருவதாக உ.பி., முதல்வர் அகிலேஷ் யாதவ் தெரிவித்தார்.

பணக்காரர்களுக்கு பாதிப்பில்லை:

உ.பி., மாநில அமைச்சரவைக் கூட்டம் நேற்று(நவ.,19) நடைபெற்றது. கூட்டத்துக்குப் பின் செய்தியாளர்களை சந்தித்த அகிலேஷ் கூறியதாவது: அதிக மதிப்பிலான ரூபாய் நோட்டுகளை மத்திய அரசு வாபஸ் பெற்றது, எந்தவித முன்னேற்பாடும் இல்லாமல் மேற்கொள்ளப்பட்ட நடவடிக்கை. இதனால் பணக்காரர்கள் யாரும் பாதிக்கப்படவில்லை.

விவசாயிகள் பாவம்:

ரூபாய் நோட்டு விவகாரத்தால் அதிகம் பாதிக்கப்பட்டுள்ளது விவசாயிகளே. இந்த ஆண்டு, இயற்கை அன்னையின் கருணையால் நல்ல விளைச்சல் கிடைத்தும், அதன் பலனை அனுபவிக்க முடியாமல் விவசாயிகள் தவிக்கின்றனர். விவசாயிகள் பாதிக்கப்பட்டால், நாட்டின் ஒட்டு மொத்த பொருளாதாரமும் பாதிக்கும் என்பதை மத்திய அரசு உணரவில்லை.

அனுமதி வேண்டும்:

விவசாயிகளைக் காப்பாற்ற வேண்டிய பொறுப்பு மத்திய அரசுக்கு உள்ளது. எனவே, பழைய ரூ.500, ரூ.1000 நோட்டுகளை பணப் பரிவர்த்தனைகளுக்குப் பயன்படுத்த விவசாயிகளுக்கு மட்டுமாவது மத்திய அரசு அனுமதியளிக்க வேண்டும். இவ்வாறு அவர் தெரிவித்தார்.

English Summary:

f the federal government withdrew the banknotes expensive, farmers are facing a disaster for the environment, UP Chief Minister Akhilesh Yadav said.

Read More

மோடியின் ராஜதந்திரத்தில் சிக்கிய எதிர்க்கட்சிகள்

ரூ.500, 1000 நோட்டுக்கள் வாபஸ் பெற்றதால் மக்கள் மிகுந்த சிரமத்திற்கு ஆளாவதாகவும், இதனால் பிரதமர் மோடி தவறான முடிவை எடுத்து விட்டதாகவும் எதிர்க்கட்சிகள் குற்றம்சாட்டி வருகின்றன. ஆனால் பிரதமரின் இந்த ராஜதந்திரமான திட்டத்தால் கறுப்பு பணம் ஒழிக்கப்பட்டு, நிலைமை சீராகி, மக்கள் மகிழ்ச்சி அடையும் நிலை ஏற்படும் போது, தற்போது பிரதமரை குற்றம் சுமத்தும் எதிர்க்கட்சிகளே மக்களிடம் செல்வாக்கை இழக்கும் நிலை ஏற்படும்.கறுப்பு பணத்தை ஒழிக்கும் இந்த போராட்டத்தில், தங்களின் நலனுக்காகவே பிரதமர் மோடி இந்த திட்டத்தை கொண்டு செயல்படுத்தி வருகிறார் என்பதை சாமானிய மக்கள் புரிந்து கொண்டு அவர் பக்கம் நிற்க துவங்கி உள்ளனர். வங்கிகள், ஏடிஎம்.,கள், பழைய நோட்டுக்களை மாற்றுவதில் தற்போதைய சூழ்நிலையில் சிரமங்கள் இருந்தாலும் இன்னும் சில வாரங்களில் இவை சரியாகி விடும் என்ற எண்ணம் மக்கள் மனதில் ஏற்பட்டுள்ளது. இன்னும் 50 நாட்களில் பணத்தட்டுப்பாடு நீங்க, பொருளாதார தேக்க நிலை சரியாகும் என பிரதமர் மோடி கூறி இருந்தாலும், தற்போது ஏற்பட்டுள்ள பொருளாதார தேக்க நிலை சீராகி, இயல்பு நிலை திரும்ப இன்னும் சில மாதங்கள் ஆகும் என பொருளாதார நிபுணர்கள் தெரிவித்துள்ளனர்.நிபுணர்களின் இந்த கருத்தை தங்களுக்கு சாதகமாக பயன்படுத்திக் கொண்டுள்ள காங்கிரஸ் உள்ளிட்ட எதிர்க்கட்சிகள், பிரதமரின் இந்த தவறான முடிவால் ஏழை மக்கள் கடும் சிரமத்திற்கு ஆளாகி உள்ளனர். இது ஏழை மக்களின் ரத்தத்தை உருஞ்சும் செயல் என கடுமையாக விமர்சித்து வருவதுடன், கூச்சல் குழப்பத்தை ஏற்படுத்தி பார்லி., கூட்டத்தொடரையும் முடக்கி வருகின்றனர். கறுப்பு பணம் மற்றும் ஊழலுக்கு எதிரான பிரதமரின் இந்த திட்டம் நீண்ட காலம் பயன்தரக்கூடியது என்பதை உணராத எதிர்க்கட்சிகள், இதனை குறுகிய கண்நோட்டத்துடன் பார்த்து வருகின்றன.மக்களுக்கு ஏற்பட்டுள்ள சிரமங்கள் படிப்படியாக குறைய துவங்கும். பண தட்டுப்பாடு நீங்கும் நிலையில், தற்போது முடங்கி உள்ள சிறுதொழில்கள் மீண்டும் செயல்பட துவங்கும். ஏடிஎம் மற்றும் வங்கிகளில் கூட்டமும் குறைய துவங்கும். அந்த நிலை வரும் போது, தற்போது பிரதமரை குறை கூறி வரும் எதிர்க்கட்சிகள் மக்களிடம் செல்வாக்கை இழந்து, சிக்கலில் மாட்டிக் கொள்ளும் நிலை உருவாகும்.தற்போது பண தட்டுப்பாடு உள்ளிட்ட சிரமங்களை மக்கள் சந்தித்தாலும், தங்கள் நிலையில் இருந்து பின்வாங்காமல் பிரதமரின் பக்கம் நின்று, ஆர்வத்துடன் வந்து பழைய நோட்டுக்களை மாற்றிச் செல்கின்றனர். பிரதமரின் இந்த திட்டத்தை மனதார வரவேற்று, பாராட்டுகின்றனர்.பிரதமரின் அறிவிப்பிற்கு பிறகு, அதுபற்றி நாடு முழுவதும் 10,000 பேரிடம் கருத்துகணிப்பு நடத்தப்பட்டது. இவர்களில் பெரும்பாலானவர்கள் பிரதமரின் திட்டத்திற்கு ஆதரவு தெரிவித்துள்ளனர். துவக்கத்தில் இதனை எதிர்த்த பலரும் கூட, இப்போது ஆதரவு தெரித்து வருகின்றனர். உ.பி., ராஜஸ்தான், மகாராஷ்டிரா, மேற்குவங்கம், தமிழகம், தெலுங்கானா உள்ளிட்ட 13 மாநிலங்களில் நடத்தப்பட்ட ஆய்வில் 80 சதவீதத்திற்கும் அதிகமான மக்கள், எவ்வித குறையும் கூறாமல் பிரதமரின் திட்டத்திற்கு ஆதரவு தெரிவித்துள்ளனர். கோவா, உத்திரகாண்ட், ஒடிசா போன்ற மாநிலங்களில் உள்ள 25 சதவீதத்திற்கும் அதிகமான மக்கள் சிரமங்கள் ஏற்பட்டுள்ளது. இருப்பினும் இதனை ஆதரிக்கிறோம் என தெரிவித்துள்ளனர்.தனது ஜப்பான் பயணத்திற்கு முன் அமைச்சரவை சகாக்கள், கட்சி உறுப்பினர்கள் ஆகியோரிடம் பேசிய மோடி, எதிர்க்கட்சிகள் என்ன கூறினாலும் அதைப் பற்றி கவலைப்படாதீர்கள், மக்கள் நம்முடன் இருக்கிறார்கள் என கூறி இருந்தார். அந்த நம்பிக்கை இன்று உண்மையாகி வருகிறது. இப்போது பிரச்னை எதிர்க்கட்சிகள் பக்கம் தான் திரும்ப துவங்கி உள்ளது. ஏனெனில் இந்த திட்டத்திற்கு பா.ஜ., மட்டுமின்றி பீகார் முதல்வர், ஒடிசா முதல்வர் உள்ளிட்டோர் கட்சி பாகுபாடுகளை மறந்து ஆதரவு தெரிவித்துள்ளனர்.

English Summary:

500, 1000, notes the great inconvenience of people falling victim withdrew the opposition accusing the Prime Minister had been taking the wrong decision.

Read More

5 மாநில தேர்தல் தேதி : ஜனவரியில் அறிவிப்பு

புதுடில்லி : உ.பி., பஞ்சாப் உள்ளிட்ட 5 மாநிலங்களுக்கான சட்டசபை தேர்தல் குறித்த அறிவிப்பை ஜனவரியில் வெளியிட தேர்தல் கமிஷன் திட்டமிட்டிருப்பதாக தகவல் வெளியாகி உள்ளது.

5 மாநில தேர்தல் :

உ.பி., பஞ்சாப், கோவா, மணிப்பூர், உத்திரகாண்ட் உள்ளிட்ட 5 மாநிலங்களில் சட்டசபைகளின் பதவிக்காலம் 2017 ம் ஆண்டு முடிகிறது. கடந்த முறை இந்த மாநிலங்களுக்கான தேர்தல் தேதி 2012ம் ஆண்டு டிசம்பர் மாதத்தில் அறிவிக்கப்பட்டு, 2013 ம் ஆண்டு துவக்கத்தில் ஓட்டுப்பதிவு நடத்தப்பட்டது. இதனால் இந்த முறை முந்தைய ஆண்டே தேர்தல் தேதியை வெளியிடாமல், தேர்தல் நடக்கும் ஆண்டிலேயே தேதியை வெளியிட தேர்தல் கமிஷன் திட்டமிட்டுள்ளது.

தேர்தல் தேதி :

இதனால் ஜனவரி 5 முதல் 15ம் தேதிக்குள் தேர்தல் தேதி வெளியிடப்பட வாய்ப்பு உள்ளதாக எதிர்பார்க்கப்படுகிறது. பிப்ரவரி முதல் தேர்தல் நடைமுறைகள் கையாளப்பட்டு, மார்ச் மாதத்தில் ஓட்டுப்பதிவு நடத்தப்படலாம் என கூறப்படுகிறது. உ.பி., மாநிலத்தில் அதிக தொகுதிகளும், வாக்காளர்களும் உள்ளதால் அதனை கருத்தில் கொண்டே தேர்தல் தேதி அறிவிப்பில் தேர்தல் கமிஷன் தாமதம் காட்டி வருவதாக கூறப்படுகிறது.

பல கட்ட தேர்தல் :

உ..பி.,யில் கடந்த முறை 7 கட்டங்களுக்கும் அதிகமாக தேர்தல் நடத்தப்பட்டது. பிப்ரவரி 8 துவங்கி மார்ச் 3 வரை அங்கு தேர்தல் நடந்தது. இம்முறை புதிய வாக்காளர்கள் பலரும் சேர்க்கப்பட்டுள்ளதால், கூடுதல் கட்டங்களாக தேர்தல் நடத்தப்படலாம் என எதிர்பார்க்கப்படுகிறது. பாக்., ஊடுருவல் அதிகரித்து வருவதால் இம்முறை அதிக அளவில் மத்திய துணைராணுவம் பாதுகாப்பு பணியில் ஈடுபடுத்தப்படலாம் என கூறப்படுகிறது.

English Summary:

UP assembly elections in Punjab, including 5 state election commission to publish the announcement in January that it planned to have the information released.

Read More

அ.தி.மு.க., பூத் ஏஜன்ட்கள் வெளியேற்றம்

அரவக்குறிச்சி: அரவக்குறிச்சி தொகுதியில், தி.மு.க.,வினர் புகாரை தொடர்ந்து அ.தி.மு.க., பூத் ஏஜன்ட்கள் வெளியேற்றப்பட்டனர். மே மாதம் நடந்த சட்டசபை தேர்தலின் போது, தஞ்சை மற்றும் அரவக்குறிச்சியில், பண பட்டுவாடா புகார் காரணமாக தேர்தல் நிறுத்தப்பட்டது. 

இதை தொடர்ந்து நவ.,19ம் தேதி தேர்தல் நடக்கும் என அறிவிக்கப்பட்டு, தற்போது ஓட்டுப்பதிவு நடந்து வருகிறது. அ.தி.மு.க., சார்பில் முன்னாள் அமைச்சர் செந்தில் பாலாஜி, தி.மு.க., சார்பில் கே.சி.பழனிச்சாமி ஆகியோர் போட்டியிடுகின்றனர். இங்கு, பள்ளப்பட்டியில் ஓட்டுச்சாவடி எண் 221, 231ல் அ.தி.மு.க., பூத் ஏஜன்ட்கள் வெளியேற்றப்பட்டனர். 

‛அ.தி.மு.க., பூத் ஏஜன்ட்கள் வெளியூரை சேர்ந்தவர்கள்' என, தி.மு.க., உள்ளிட்ட எதிர்க்கட்சிகள் புகார் தெரிவித்தன. புகாரை அடுத்து அ.தி.மு.க., பூத் ஏஜன்ட்கள் ஜோசப், கிருஷ்ணமூர்த்தி ஆகியோர் வெளியேற்றப்பட்டனர்.

English Summary:

Aravakurichi constituency, DMK, AIADMK continue to report staggering, Booth agents expelled. During the Assembly elections in May, the town and Aravakurichi, cash payment complaint has been terminated due to the election.

Read More

சிறுநீரகங்களுக்கு மத அடையாளம் கிடையாது: சுஷ்மா

புதுடில்லி : இஸ்லாமிய மதத்தைச் சேர்ந்த ஒருவர் தானமாக அளிக்க முன்வந்த சிறுநீரக

ம் தொடர்பாக நன்றி தெரிவித்து கருத்து வெளியிட்டுள்ள மத்திய அமைச்சர் சுஷ்மா சுவராஜ், 'சிறுநீரகங்களில் மத அடையாளம் கிடையாது' என தெரிவித்துள்ளார்.மத்திய அமைச்சர் சுஷ்மா சுவராஜ், சிறுநீரக கோளாறு காரணமாக டில்லி எய்ம்ஸ் மருத்துவமனையில் சிகிச்சை பெற்று வருகிறார். அவருக்கு டயாலிசிஸ் சிகிச்சை அளிக்கப்பட்டு வருகிறது. அவருக்கு மாற்று சிறுநீரகங்கள் பொறுத்துவதற்கான ஏற்பாடுகளும் நடந்து வருகிறது. இந்நிலையில் சுஷ்மாவுக்கு சிறுநீரகம் வழங்க பலரும் முன்வந்துள்ளனர்.தனக்கு சிறுநீரகத்தை தானமாக தர முன்வந்த நண்பர்களுக்கு தனது டுவிட்டர் பக்கத்தில் நன்றி தெரிவித்திருந்த சுஷ்மா சுவராஜ், மருத்துவமனையில் இருந்து விரைவில் வீடு திரும்புவேன் என்றும் நம்பிக்கையுடன் கூறியிருந்தார்.இந்நிலையில், இஸ்லாமியர்களான நியமத் அலி ஷேக், ஜான் ஷா மற்றும் முஜிப் அன்சாரி ஆகியோரும் நேற்று சுஷ்மா சுவராஜுக்கு தங்களது சிறுநீரகங்களை தானமாக வழங்க முன்வந்துள்ளனர். இவர்களில் தனது விருப்பத்தை சுஷ்மாவுக்கு 'டுவிட்டர்' மூலம் தெரிவித்திருந்த உத்தரப்பிரதேசம் மாநிலத்தை சேர்ந்த முஜிப் அன்சாரி, 'நான் பகுஜன் சமாஜ் கட்சியின் ஆதரவாளர். ஆனால், நீங்கள் எனக்கு தாய் போன்றவர். உங்களுக்கு எனது இரு சிறுநீரகங்களையும் தானமாக அளிக்க விரும்புகிறேன். அல்லாஹ் உங்களுக்கு அருள் புரியட்டும்' என குறிப்பிட்டுள்ளார்.இதற்கு நெகிழ்ச்சியுடன் நன்றி தெரிவித்து தனது டுவிட்டரில் பதிவிட்டுள்ள சுஷ்மா சுவராஜ், 'மிக்க நன்றி சகோதரர்களே.., சிறுநீரகத்துக்கு மதமுத்திரைகள் கிடையாது என்பதை நான் நிச்சயமாக நம்புகிறேன்' என தெரிவித்துள்ளார்.

English Summary:

Islamic faiths offered to donate a kidney to the opinion issued by the Federal Minister Sushma Swaraj thanked, 'kidneys have no religious identity, "he said

Read More

இரவு நேரத்தில் வங்கிக்கு சென்று ரூபாய் நோட்டுகளை மாற்றிய அமைச்சரால் சர்ச்சை

உத்தரப்பிரதேசத்தைச் சேர்ந்த அமைச்சர் இக்பால் மெஹ்மூத், இரவு நேரத்தில் வங்கிக்கு சென்று பழைய 500 மற்றும் 1000 ரூபாய் நோட்டுகளை மாற்றியது சர்ச்சையை ஏற்படுத்தியுள்ளது.

பழைய 500 மற்றும் 1000 ரூபாய் நோட்டுகளை வங்கியில் கொடுத்து மாற்றுவதற்காக பொது மக்கள், வங்கிகள் மற்றும் அஞ்சலகங்களில் மணிக்கணக்கில் வெயிலையும் பொருட்படுத்தாமல் காத்திருக்கின்றனர். 

இந்நிலையில், உத்தரப்பிரதேசத்தின் சம்பால் பகுதியில் உள்ள தனியார் வங்கிக்கு இரவு நேரத்தில் பழைய ரூபாய் நோட்டுகளை மாற்றுவதற்காக அம்மாநில அமைச்சர் இக்பால் மெஹ்மூத் சென்றார். அந்த நேரத்தில் வங்கி செயல்படாத போதிலும், அமைச்சரின் வருகையை முன்னிட்டு, வங்கி மீண்டும் திறக்கப்பட்டது. 

அமைச்சரும், அவரது மகனும் உள்ளே அனுமதிக்கப்பட்டனர். வங்கியின் மேலாளர் அறைக்கு சென்ற அமைச்சருக்கு, தேநீர் கொடுத்து வங்கி மேலாளர் உபசரித்தார். பின்னர் சில நிமிடங்களில் பழைய ரூபாய் நோட்டுகளை மாற்றிக் கொண்டு, அமைச்சர் மெஹ்மூத் வங்கியில் இருந்து வெளியே சென்றார். 

English Summary:

At night, go to the bank and changed the old banknotes of 500 and 1000 caused controversy.

Read More