ஜெட்லியுடன் வைகோ சந்திப்பு

புதுடில்லி : டில்லி ஜந்தர்மந்திரில் தமிழக விவசாயிகள் நடத்தும் போராட்டத்தில் மதிமுக பொதுச் செயலாளர் வைகோ நேற்று கலந்து கொண்டார். இதனையடுத்து இன்று காலை மத்திய நிதியமைச்சர் அருண் ஜெட்லியை அவரது வீட்டிற்கு சென்று வைகோ சந்தித்துள்ளார். அப்போது, 13 வது நாளாக விவசாயிகள் நடத்தும் போராட்டத்திற்கு விரைவில் தீர்வு காண வேண்டும். தமிழக வறட்சி நிவாரண பணிகளுக்கு கூடுதல் நிதி ஒதுக்க வேண்டும். விவசாய கடன்களை தள்ளுபடி செய்ய வேண்டும் என்பது உள்ளிட்ட கோரிக்கைகளை வைகோ வலியுறுத்தி உள்ளார்.

Read More

வைகோ முழுக்கு: விஜயகாந்த் குஷி

மக்கள் நல கூட்டணியில் இருந்து ம.தி.மு.க., விலகியதற்கு, விஜயகாந்த தரப்பு மிகுந்த சந்தோஷத்தில் இருப்பதாகக் கூறப்படுகிறது.

மக்கள் நலக் கூட்டணியில் இருந்து வைகோ விலகினால், விஜயகாந்த ஏன் சந்தோஷப்பட வேண்டும் என்ற புரியாத கேள்வியுடன், தே.மு.தி.க., மாநில நிர்வாகி ஒருவரிடம் விசாரித்தோம்.

அவர் கூறியதாவது:

தே.மு.தி.க.,வின் ஒட்டுமொத்த அரசியல் எதிர்காலத்தையும் சிதைத்ததில், வைகோவுக்கு மிகப் பெரிய பங்கிருக்கிறது என்பதுதான், கட்சியினர் அவ்வளவு பேரின் தெளிவான முடிவு. கட்சியின் தலைவராக இருக்கும் விஜயகாந்த் மட்டும் இதிலிருந்து எப்படி மாறுபடுவார்? எல்லோரைக் காட்டிலும் பாதிப்பு அவருக்குத்தானே அதிகம்?2016ல் சட்டசபை தேர்தலில் தேமுதிகவை பா.ஜ.,வினர் தேடி வந்தனர். வருந்தி வருந்தி கூட்டணிக்கு அழைத்தனர். ஆனால், விஜயகாந்த் விதித்த சில நிபந்தனைகளை ஏற்க மறுத்து விட்டனர். இதனால், பா.ஜ., கூட்டணியில் இணைய விஜயகாந்துக்கு விருப்பம் இல்லை. அதேபோல, தி.மு.க.,வும், விஜயகாந்தை கூட்டணியில் இணைத்துக் கொள்ள பிரயாசைப்பட்டது. தி.மு.க., கூட்டணியில் இணைந்திருந்தால், எப்படியும் 40 எம்.எல்.ஏ.,க்கள் தே.மு.தி.க.,வுக்கு கிடைத்திருப்பார்கள். தி.மு.க., கட்டாயம் ஆட்சிப் பொறுப்புக்கு வந்திருக்கும். சந்தர்ப்பம் வாய்த்திருக்குமானால், தே.மு.தி.க., கூட்டணி ஆட்சிக்கு வற்புறுத்தி, ஆட்சி அதிகாரத்திலும் பங்கெடுத்திருக்கலாம்.

விஜயகாந்தை பின்னணியில் இருந்து தூண்டியவர் வைகோதானே? நீங்கள் மக்கள் நல கூட்டணிக்கு வாருங்கள்; உங்களை முதல்வர் வேட்பாளர் ஆக்குகிறோம். மக்கள் நல கூட்டணி ஊழல் இல்லாத அணி. இந்த அணிக்கு மக்கள் மத்தியில் அமோக ஆதரவு இருக்கிறது என்று சொல்லி, மக்கள் நல கூட்டணி பக்கம் இழுத்து சென்றவர் வைகோ.சொன்னபடியே, 124 சீட்களை கூட்டணியில் விட்டுக் கொடுத்தனர்; முதல்வர் வேட்பாளராகவும் அறிவித்தனர். ஆனால், மக்களிடம் போணியாகாத மக்கள் நல கூட்டணியால், எதுவும் செய்ய முடியவில்லை. விஜயகாந்த் என்ற மூன்றாவது சக்தியை, 6 சதவீத ஓட்டுக்களில் இருந்து 2 சதவீத ஓட்டாக சுருக்கியதான் மிச்சம். கட்சியின் ஒட்டுமொத்த எதிர்காலமும் இன்று கேள்விக்குறியாகி விட்டது.

வைகோவின் பேச்சை நம்பி, மக்கள் நல கூட்டணியில் இணைந்த விஜயகாந்தின் அரசியல் எதிர்காலம் கேள்விக்குறியாகி நிற்க, நினைத்த அசைன்மெண்ட்டை செய்து முடித்த திருப்தியில் இருந்த வைகோ என்ன சொன்னார் தெரியுமா? மக்கள் நல கூட்டணியின் முதல்வர் வேட்பாளராக விஜயகாந்தை அறிவித்திருக்கக்கூடாதாம். அவரை முதல்வர் வேட்பாளராக அறிவித்ததாலேயே, கூட்டணிக்கு தோல்வி ஏற்பட்டு விட்டது போல கருத்து சொல்லத் துவங்கினார். இல்லையென்றால் மட்டும், கூட்டணி ஆட்சியை பிடித்திருக்குமா?

எல்லா பிரச்னைகளும் வைகோவால் விளைந்தது. ஆனால், தோல்விக்கு காரணம் விஜயகாந்த என்பது போல அவர் கருத்து சொன்னதும், விஜயகாந்தும் குடும்பத்தினரும் கொதித்து போனார்கள். கடுமையாக் ரியாக்ட் செய்ய வேண்டும் என்று புறப்பட்ட குடும்பத்தினரை, விஜயகாந்த்தான் கட்டுப்படுத்தினார். வைகோ மீதான அந்த ஆத்திரம் குமுறலாக விஜயகாந்த் மற்றும் கட்சியினரிடம் தொடர்ந்து இருந்து வந்தது.

தற்போது மக்கள் நல கூட்டணியில் பிளவு ஏற்பட்டு, வைகோ அதில் இருந்து விலகினார் என்றதும், விஜயகாந்த் ரொம்பவே சந்தோஷமாக உள்ளார். ம.ந.கூட்டணியில் இருந்து வைகோ விலக காரணமாக இருந்த மார்க்சிஸ்ட் கட்சியின் தலைவர்கள் சிலரிடம் பேசி, தனது சந்தோஷத்தை விஜயகாந்த பகிர்ந்து கொண்டார். தேவையானால், நல்ல சந்தர்ப்பத்தில், மீண்டும் கூட்டணியில் இணைவேன் என்றும் அப்போது, விஜகாந்த கூறியதாகத் தெரிகிறது. வைகோ எங்கேணும் விஜயகாந்த குறித்து விமர்சித்தால், அவருக்கு தக்க பதலடி கொடுக்கவும், தே.மு.தி.க., தலைவர்கள் தயாராக உள்ளனர். சின்ன விமர்சனம் கிளம்பினாலும், வைகோ மீது கடுமையாக அட்டாக்கை தொடுக்கும் தே.மு.தி.க., இவ்வாறு அந்த நிர்வாகி கூறினார்.

English Summary:

From a welfare coalition zeroth, withdrawal, vijayakanth party are said to be very happy.
Vaiko withdrawal from the coalition People's Welfare, vijayakanth esoteric question of why we should rejoice at DMDK, inquired of the state executive.

Read More

தன்மானத்திற்கு இழுக்கு...? ம.ந.கூ.,வுக்கு வைகோ முழுக்கு

சென்னை:
மக்கள் நல கூட்டணியில் இருந்து ம.தி.மு.க., விலகி விட்டதாக, அக்கட்சியின் பொது செயலர் வைகோ அறிவித்துள்ளார்.
கட்சியின், உயர்நிலைக் கூட்டம், கடந்த 27ம் தேதி, வைகோவின், சென்னை, அண்ணா நகர் இல்லத்தில் நடந்தது. அப்போது, மக்கள் நலக் கூட்டணியில் தொடர்ந்து நாம் நீடிக்க வேண்டும் என, கட்சியின் உயர் நிலைக் குழு உறுப்பினர்கள் பலர் வலியுறுத்தியும், இனியும் அவமானப்பட்டுக் கொண்டு அங்கிருக்க முடியாது; நமக்கு போக்கிடம் இல்லை என்று, மக்கள் நல கூட்டணியினர் உள்ளனர்.

அவர்கள் போக்கு பிடிக்கவில்லை. தொடர்ச்சியாக அவமானப்பட்டுக் கொண்டு அங்கிருக்கத் தேவையில்லை என, ஆவேசமாக வைகோ பேசியுள்ளார். அதன்பின்பே, மக்கள் நல கூட்டணியில் இருந்து ம.தி.மு.க., விலகும் முடிவு எடுக்கப்பட்டிருக்கிறது.

இது குறித்து, ம.தி.மு.க., முக்கிய நிர்வாகி ஒருவர் கூறியதாவது:

கடந்த 2016 சட்டசபை தேர்தலுக்கு சில மாதங்களுக்கு முன், ம.தி.மு.க., கம்யூனிஸ்ட்கள், விடுதலைச் சிறுத்தைகள், மனித நேய மக்கள் கட்சி, த.மா.கா., உள்ளிட்ட கட்சிகளை இணைத்து, தி.மு.க., - அ.தி.மு.க.,வுக்கு மாற்றாக ஒரு மக்கள் நல கூட்டு இயக்கத்தை ஆரம்பிக்க வேண்டும்; தேர்தல் நேரத்தில் தேவையானால், அதை கூட்டணியாக மாற்றிக் கொள்ளலாம் என, அனைத்து கட்சி தரப்பினரும் தொடர்ந்து வைகோவை வலியுறுத்தினர்.

அதே எண்ணத்தில் இருந்த வைகோவும், இதற்கு ஒப்புக் கொண்டார். ஆனால், நீண்ட தயக்கத்துக்குப் பின் தான், அவர் அதற்கு இசைவு தெரிவித்தார். இப்படியெல்லாம் பேசி வருகிறவர்கள், தங்கள் கருத்துக்களில் அவ்வளவு உறுதியாக இருந்து செயல்படுவார்களா? தமிழகத்தின் மூத்த அரசியல் தலைவராக இருக்கும் தனக்கு உரிய மரியாதையும்; அந்தஸ்தும் அளிக்கப்படுமா என்று சந்தேகம் கொண்டார்.

இருந்த போதும், காலத்தின் கட்டாயம் கருதி அதை ஏற்றுக் கொண்டார். மக்கள் நல கூட்டு இயக்கம் பிரமாண்டமாக உருவானது. அந்த இயக்கத்தில் இணைந்து செயல்படுவதாக உறுதி அளித்த த.மா.கா., எடுத்த எடுப்பிலேயே கழன்று கொண்டு விட்டது.

அதேபோல, மனித நேய மக்கள் கட்சியும் வரவில்லை. கம்யூனிஸ்ட்கள், விடுதலை சிறுத்தைகள் மட்டும் இருந்தால் போதும் என முடிவெடுத்து, ம.தி.மு.க., மக்கள் நல கூட்டு இயக்கத்தில் இணைந்து செயல்பட முடிவெடுத்தது. வைகோவே, முக்கியஸ்தராக இருந்து செயல்பட்டார். பல்வேறுவித போராட்டங்கள் முன்னெடுக்கப்பட்டன.

பின், தேர்தல் நெருக்கத்தில், மக்கள் நல் கூட்டு இயக்கம், மக்கள் நல கூட்டணியாக மாறியது. கூட்டணியின் ஒருங்கிணைப்பாளராகவும் நிர்ப்பந்தப்படுத்தி, வைகோவை, தலைவர்கள் நியமித்தனர். தொடர்ச்சியாக,வேறு சில கட்சிகளையும் கூட்டணியில் இணைத்து, கூட்டணியை பலப்படுத்த வேண்டும் என, வைகோ தரப்பில் தெரிவிக்கப்பட்டது. எல்லோரும் ஆசைப்படுகிறார்கள் என்றதும், தே.மு.தி.க., விஜயகாந்திடமும், த.மா.கா.,வின் வாசனிடமும், வைகோவே பேசினார்.

ஆரம்பத்தில் முரண்டு பிடித்த இருவருமே, வைகோவின் வற்புறுத்தலைத் தொடர்ந்தே கூட்டணியில் இணைந்தனர். ஆனால், அவர்கள் இருவரும் கூட்டணிக்குள் வந்தது முதலேயே, வைகோவுக்கு சிக்கல் துவங்கியது.கூட்டணிக் கட்சித் தலைவர்கள் அத்தனை பேரும் ஒன்று கூடிப் பேசித்தான், தேர்தலை எப்படி எதிர்கொள்வது என தீர்மானிக்கப்பட்டது.

அதன் அடிப்படையில்தான், இரு திராவிட இயக்கங்களையும் எல்லோரும் விமர்சித்தனர். அதில் வைகோ மட்டும், தி.மு.க.,வை குறிவைத்து தாக்குவதாகவும்; அ.தி.மு.க.,வை மயில் இறகால் வருடிக் கொடுப்பது போலவும் நடந்து கொள்கிறார் என, மற்ற கட்சிகளின் தலைவர்கள் கருதினர்.இதனால், துவக்கத்திலேயே கூட்டணிக்குள் முரண்பாடு ஏற்பட்டு, தொண்டர்கள் வரை அது தொடர்ந்தது. விளைவு - கூட்டணி போட்டியிட்ட அத்தனை இடங்களிலும் படு தோல்வி. பல இடங்களில் டிபாசிட் கூட கிடைக்கவில்லை. உடனே, மொத்த பழியையும் வைகோ மீது கூட்டணி தலைவர்கள் போட்டனர்.

கூட்டணியில் இருந்து முதலாவதாக த.மா.கா., வெளியேறியது; தொடர்ச்சியாக தே.மு.தி.க.,வும் வெளியேறியது. இரண்டு கட்சிகளும் வேறு வேறு கூட்டணிக்கு முயற்சித்து விட்டு, கடைசி நேரத்தில் மக்கள் நல கூட்டணிக்கு வருகிறது. நம்பகத்தன்மையை இழந்து விட்டு, கூட்டணிக்கு வருகிறவர்களால், கூட்டணிக்கு எந்த நலனையும் செய்ய முடியாது என, துவக்கத்தில் இருந்து வைகோ வலியுறுத்தியதை யாரும் கேட்கவில்லை.

ஆனால், தோல்வி என்றதும், மொத்தப் பழியையும் வைகோ மீது சுமத்தினர். விஜயகாந்தும்; வாசனும், வைகோ மீது கடும் விமர்சனங்களை வைத்தனர். இதற்கு, கூட்டணியில் இருந்த மற்றத் தலைவர்களும் அமைதியாக இருந்தனர். சில நேரங்களில், தங்கள் தரப்பிலும், சில விஷயங்களை சொல்லி, வைகோ மீதான அதிருப்தியை கக்கினர்.

இதெல்லாம் தொடர்ச்சியாக, வைகோவுக்கு வந்து கொண்டிருந்தது. இந்த சமயத்தில், மார்க்சிஸ்டுகள் சார்பில், கூட்டணியின் ஒருங்கிணைப்பாளர் பதவியில் இருந்து வைகோவை விலக்க வேண்டும் என முயற்சித்தனர். எங்கள் நடைமுறைப்படி, கூட்டணிக்கு ஒருங்கிணைப்பாளர் பொறுப்பு தேவையில்லை என, நிர்ப்பந்தம் விதித்தனர்.

அப்போதே கோபமான வைகோ, கூட்டணியில் இருந்து விலகிக் கொள்வதாக தெரிவித்தார். ஆனால், அப்போது சமாதானம் பேசி, கூட்டணிக்குள் இறுத்தியவர்கள், தொடர்ந்து அவரை, சங்கடப்படுத்தினர்; அவமரியாதைக்குள்ளாக்கினர்.

இந்நிலையில்தான், நாட்டின் நலன் கருதி, பிரதமர் மோடி எடுத்திருக்கும் கறுப்புப் பணம் ஒழிக்கும் நடவடிக்கைகளுக்கு ஆதரவளித்தார். மோடியை நேரிலேயே சந்தித்து, தன் ஆதரவை தெரிவித்தார். உடனே, பா.ஜ., கூட்டணியில் வைகோ இணையப் போகிறார் என, கூட்டணி கட்சியினரே பேசத் துவங்கினர். வழக்கம் போல, பணக் குற்றச்சாட்டும் வைக்கப்பட்டன.

இதற்கிடையில், புதுச்சேரியில் விடுதலை சிறுத்தைகள் சார்பில் ஏற்பாடு செய்யப்பட்ட அரசியலமைப்பு பாதுகாப்பு மாநாட்டுக்கு, கம்யூனிஸ்ட்களை மட்டும் அழைத்து விட்டு, வைகோவை அழைக்காமல் விட்டு விட்டனர்; கிட்டத்தட்ட புறக்கணித்தனர்.
இதன் பின்பும், கூட்டணிக்கு ஒட்டிக் கொண்டிருக்க வைகோ விரும்பவில்லை. மாநாடு நடப்பதற்குள் கூட்டணியில் இருந்து வெளியேறி விட வேண்டும் என முடிவெடுத்தார்.

அதற்காகவே, உயர் நிலை குழுவைக் கூட்டி விவாதித்து, தன் நிலையை எடுத்துச் சொல்லிவிட்டு, கூட்டணியில் இருந்து வெளியேறும் முடிவை அறிவித்து விட்டார். இனி, அவர் சுதந்திரப் பறவை. ம.தி.மு.க.,வின் எதிர்கால நலனுக்காக எந்தக் கூட்டணியிலும் இணைந்து கொள்வார்.

வெளிப்பூச்சுக்கு, மக்கள் நல் கூட்டணித் தலைவர்களுடன், நட்பு; உறவுடன் இருப்பது போல காட்டிக் கொண்டாலும், கூட்டணியில் இருந்து ம.தி.மு.க., வெளியேறிய பின், மக்கள் நல கூட்டணியினர், வைகோ மீது கடும் கோபத்தில் உள்ளனர். அது எப்படி போகும் என தெரியாது. ஆனால், வைகோ, மோடியை ஆதரிப்பதில் தீவிரமாக உள்ளார்.இவ்வாறு அந்த நிர்வாகி கூறினார்.⁠⁠⁠⁠

English Summary:

Chennai: MDMK from a welfare coalition, had withdrawn, the party's general secretary Vaiko said. The party's high-level meeting, the 27th, Vaiko, Chennai, Anna Nagar took place in homes. Then, we continue to extend the Public Welfare Alliance, a group of high-level members of the party, stressing that there was no longer able Ir respect That we do not have to go, people are health ally.

Read More

ஜல்லிக்கட்டு நடத்தாவிடில் கலாசாரம் அழிக்கப்பட்டுவிடும்: வைகோ பேட்டி

சென்னை, ஜல்லிக்கட்டு நடத்த மத்திய அரசு நடவடிக்கை எடுக்கவேண்டும். ஜல்லிக்கட்டு நடத்தாவிடில் கலாசாரம் அழிக்கப்பட்டுவிடும் என்று வைகோ கூறி உள்ளார்.

சென்னை விமான நிலையத்தில் ம.தி.மு.க பொதுச்செயலாளர் வைகோ பேட்டி அளித்தார். அப்போது அவர் கூறியதாவது:-

தமிழ்நாட்டு பண்பாட்டின் அடையாளமான ஜல்லிக்கட்டு நடத்துவது குறித்து மத்திய அரசு புரிந்து கொள்ளவில்லை. உச்சநீதிமன்றமும் யதார்த்தத்தை புரிந்து கொள்ளாமல் தீர்ப்பு வழங்கியுள்ளது.தற்போது இரு தரப்பு வாதங்களையும் கேட்டு தீர்ப்பு நிலுவையில் உள்ளது. ஸ்பெயின் நாட்டில் விளையாட்டின் போது மாடுகளை குத்திக்கொல்ல அனுமதி வாங்கியுள்ளனர். தமிழகத்தில் காளைகளை பல இடங்களில் தெய்வமாக வழிபடுகிறார்கள்.ஏர் உழவும், வண்டிகளை இழுக்கவும் காளைகளை பயன்படுத்துகிறோம். மாடுகள் வெயிலில் நிற்கிறது என்று நீதிபதி ஒருவர் சொல்வது ஏற்றுக்கொள்ளத்தக்க தல்ல. சிங்கம், புலி, ஓநாய், கரடி ஆகிய காட்டு விலங்குகள் பட்டியலில் இருந்து மாடுகளை மத்திய அரசு நீக்க வேண்டும்.அதன் பிறகு ஜல்லிக்கட்டு நடத்த உச்சநீதிமன்றத்தில் அனுமதி பெறவேண்டும். இதையெல்லாம் கடந்த 15-ந் தேதி பிரதமர் மோடியை சந்தித்து கூறி இருக்கிறேன்.

ஜல்லிக்கட்டுக்கு அனுமதி கொடுத்து விட்டு ஒரு முறை வந்து பாருங்கள் என அழைப்பு விடுத்து இருக்கிறேன்.தக்க நடவடிக்கை எடுக்கப்படும் என கூறியிருக்கிறார். ஜல்லிக்கட்டு நடத்துவதற்கு மோடி தலையிடுவார் என நம்புகிறேன். இன்னும் ஓரிரு நாட்கள் தான் உள்ளது .எனவே ஜல்லிக்கட்டு நடத்த மத்திய அரசு நடவடிக்கை எடுக்கவேண்டும். இல்லையெனில் ஒரு தேசிய இனத்தின் கலாசாரத்தையே அழித்து விடுகிறார்கள் என கருதுவோம். ஜல்லிக்கட்டு நடத்தப்படவில்லையென்றால் மத்திய அரசு மீது மக்களுக்கு அதிருப்தியும், வெறுப்பும் ஏற்படும்.

இவ்வாறு அவர் கூறினார்.

English summary:

Chennai, the central government should take action to hold jallikattu. Jallikattu said, adding that unless culture is wiped. MDMK General Secretary Vaiko told the Chennai Airport.

Read More

ம.ந.கூட்டணியிலிருந்து வெளியேறியது மதிமுக

சென்னை: மக்கள் நலக்கூட்டணியிலிருந்து ம.தி.மு.க., வெளியேறுவதாக அக்கட்சி பொதுச்செயலாளர் வைகோ தெரிவித்துள்ளார்.

சென்னையில் ம.தி.மு.க.,வின் உயர்நிலை கூட்டம் நடந்தது. இந்த கூட்டத்திற்கு பின் பத்திரிகையாளர்களிடம் பேசிய அக்கட்சி தலைவரும், ம.ந.கூ., ஒருங்கிணைப்பாளருமான வைகோ, மக்கள் நலக்கூட்டணியிலிருந்து ம.தி.மு.க., வெளியேறுகிறது. இந்த முடிவு உயர்நிலை கூட்டத்தில் எடுக்கப்பட்டது. கூட்டணியிலிருந்து வெளியேறினாலும் அதன் தலைவர்களுடன் நட்புறவு தொடரும். இவ்வாறு அவர் கூறினார்.

English summary:

Chennai: People from friend feed MDMK quitting the party general secretary Vaiko said. 

Read More

தி.மு.க. தலைவர் கருணாநிதியை சந்திக்க சென்ற வைகோ கார் மீது தி.மு.க.வினர் கல் வீசி தாக்குதல்

சென்னை : மருத்துவமனையில் கருணாநிதியை சந்திக்கச் சென்ற வைகோ மீது தி.மு.க.வினர் கல் வீசி தாக்குதல் நடத்தினர். தி.மு.க.வினரின் இந்த அநாகரீக செயலுக்கு ம.தி.மு.க கடும் கண்டனம் தெரிவித்துள்ளது.

வைகோவுக்கு எதிர்ப்பு:

தி.மு.க தலைவர் கருணாநிதி உடல்நலக்குறைவு காரணமாக சென்னை ஆழ்வார்ப்பேட்டையில் உள்ள காவேரி மருத்துவமனையில் சிகிச்சைக்காக அனுமதிக்கப்பட்டுள்ளார். அவரை சந்தித்து உடல்நலம் விசாரிப்பதற்காக மதி.மு.க பொதுசெயலாளர் வைகோ, நேற்று இரவு காவேரி மருத்துவமனைக்கு வந்தார். அவரது கார் மருத்துவமனை வளாகத்திற்கு நுழைய முற்பட்டதுமே அங்கு திரண்டிருந்த தி.மு.க தொண்டர்கள் கடும் எதிர்ப்பு தெரிவித்தனர். செருப்புகளையும், கற்களையும் அவரை நோக்கி வீசனர். இதனால் அந்த பகுதியில் பெரும் பரபரப்பு ஏற்பட்டது.

விசாரிக்காமலே சென்றார்:

இதைத்தொடர்ந்து மதி.மு.கவினருக்கும் தி.மு.கவினருக்கும் இடையே மோதல் ஏற்படும் சூழ்நிலை உருவானது. இதனால் கருணாநிதி உடல்நிலை குறித்து விசாரிக்காமலே திரும்பி சென்றார் இந்த சம்பவத்தால் அங்கு பெரும் பதட்டம் ஏற்பட்டது. தி.மு.கவினரின் அநாகரீக செயலை கண்டு அந்த பகுதி மக்கள் பெரும் அதிர்ச்சி அடைந்தனர்.

ம.தி.மு.க. கண்டனம்:

இது குறித்து ம.தி.மு.க துணை பொதுசெயலாளர் மல்லை சத்யா நிருபர்களுக்கு அளித்த பேட்டியொன்றில் இது ஒரு நாகரிகமற்ற செயல். அண்ணா உருவாக்கிய தி.மு.க நாகரிகமற்ற விதத்தில் நடந்து கொண்டது ஏற்றுக் கொள்ள முடியாதது. வன்மையாக கண்டிக்கின்றோம். நடந்துவிட்ட தவறுக்கு காரணம் கற்பிக்கிறார்கள். தூரத்தில் வைகோவின் கார் வரும் பொழுதே வாகனம் மீது கல், கட்டை வீசப்பட்டது. இது மேலிருக்கும் தலைவர்களுக்கு தெரியாமலேயா நடந்திருக்கும்? அவர்கள் கீழே வந்திருந்தால் நிலைமையை கட்டுப்படுத்தியிருக்க முடியும்.  இவ்வாறு மல்லை சத்யா கூறியுள்ளார்.

English Summary:

Chennai, vaiko went to see the karunanithi in hospital while DMk people thrown stone attack on Vaiko. 

Read More

தமிழக மீனவர்கள் தாக்கப்பட்டால் மோடியை எதிர்த்து டெல்லியில் போராட்டம் : வைகோ

ராமேஸ்வரம்  -  இலங்கை கடற்படையால் கைப்பற்றப்பட்ட படகுகளை விடுவிக்க வேண்டும், சிறைபிடிக்கப்பட்ட மீனவர்களை விடுதலை செய்ய வேண்டும் என வலியுறுத்தி மதிமுக சார்பில் அதன் பொதுச் செயலாளர் வைகோ தலைமையில் ராமேஸ்வரம் மீன்பிடித்துறைமுகம் அருகில் கண்டன ஆர்ப்பாட்டம் நடைபெற்றது.

ஆர்ப்பாட்டத்தில்  வைகோ பேசியதாவது :

 ராமநாதபுரம் சேதுபதி மன்னர் குடும்பத்திற்கு சொந்தமான கச்சத்தீவை இலங்கைக்கு தாரை வார்த்துக் கொடுத்ததால் தான் 680 தமிழக மீனவர்கள் இலங்கை கடற்படையினரால் படுகொலை செய்யப்பட்டனர். மேலும் மீனவர்களைத் தாக்குவது, படகுகளைக் கைப்பற்றுவது, வலைகளை அறுப்பது போன்ற செயல்கள் தொடர்கதையாகி நடைபெறுகின்றன. ஆனால் இவற்றை எல்லாம் தடுத்து நிறுத்த வேண்டிய நமது இந்தியக் கடற்படையினரோ இலங்கை கடற்படையினருடன் சேர்ந்து கும்மாளமிடுகின்றனர்.

 நிவாரணம் வழங்க வேண்டும் :

கடந்த 2015ஆம் ஆண்டு மார்ச் மாதத்திலிருந்து இலங்கை கடற்படையினரால் 120 படகுகள் சிறைபிடிக்கப்பட்டுள்ளன. அவற்றில் 18 படகுகள் கடலில் மூழ்கி சேதமடைந்துள்ளன. இவற்றுக்கு இலங்கை அரசிடம் மத்திய, மாநில அரசகள் நிவாரணம் வாங்கித் தரவேண்டும்.முன்னாள் முதல்வர் ஜெயலலிதா இலங்கை கடற்படையினரால் மூழ்கடிக்கப்பட்ட படகுகளுக்கு தலா ஒன்றரை லட்சம் நிவாரணம் வழங்கினார். அது போல முதல்வர் பன்னீர்செல்வம் இலங்கை கடற்படையினரால் மூழ்கடிக்கப்பட்ட படகுகளுக்கு நிவாரணம் வழங்க வேண்டும்.

போராட்டம்  வெடிக்கும் :

இலங்கை நாடாளுமன்றத்தில் சர்வதேசக் கடல் எல்லையைத் தாண்டி மீன்பிடிக்கும் தமிழக மீனவர்களுக்கு ரூ. 7 லட்சத்திலிருந்து ரூ. 7 கோடி வரையிலும் அபராதம் விதிக்கும் சட்டம் விரைவில் இயற்றப்பட உள்ளது. பிரதமர் மோடி ராஜதந்திர நடவடிக்கைகள் மூலம் இலங்கை அரசுடன் பேசி உடனே இதனை தடுத்து நிறுத்த வேண்டும். தொடர்ந்து கடலில் மீனவர்கள் தாக்கப்பட்டால் டெல்லியில் போராட்டத்தை நடத்தி பிரதமர் மோடிக்கு நெருக்கடி கொடுப்பேன் என்று வைகோ எச்சரித்துள்ளார்.

English Summary:

Rameswaram - captured by the Sri Lankan Navy vessels to be freed,On behalf of the captive mdmk urging fishermen to be released Led by its General Secretary Vaiko held a protest near Rameswaram harbor.

Read More

ராமேஸ்வரத்தில் 16-ந்தேதி ம.தி.மு.க. ஆர்ப்பாட்டம்- வைகோ

சென்னை: ராமேஸ்வரத்தில் டிசம்பர் 16-ம் தேதி மறுமலர்ச்சி திராவிட முன்னேற்றக் கழகத்தின் சார்பில் கண்டன அறப்போர் ஆர்ப்பாட்டம் நடைபெறும் என வைகோ கூறியுள்ளார்.

ம.தி.மு.க. பொதுச் செயலாளர் வைகோ வெளியிட்டுள்ள அறிக்கையில் கூறியிருப்பதாவது:-

ஆயிரம் ஆயிரம் ஆண்டுகளாக தமிழர் கடலில் நீந்தி விளையாடி, படகுகளைச் செலுத்தி மீன்கள் செல்வத்தை வலைகளில் அள்ளியும், கடலின் ஆழ்மடியில் சிப்பிகளில் உறங்கும் முத்துக்களை எடுத்தும் தமிழகத்துக்கு வளத்தையும், செல்வத்தையும் வாரி வழங்கிய பரதவர்களாகிய மீனவ மக்களின் வாழ்வு 40 ஆண்டு காலமாக சிங்கள அரசின் கொடுமையால் சிதைந்து சின்னா பின்னமாகிறது. தமிழகத்தின் உரிமை பூமியான கச்சத் தீவினை 1974-ல் இந்திய அரசு சட்ட விரோதமாக சிங்கள அரசுக்கு தாரைவார்த்துக் கொடுத்து, தமிழக மீனவர்களின் வாழ்வை பலி பீடத்தில் நிறுத்தியது.ஒரு நாட்டின் குடிமகன், மற்றொரு நாட்டு ராணுவத்தால் கொல்லப்பட்டால், உயிரைப்பறி கொடுத்த நாடு வெகுண்டு வெளியுறவைத் துண்டிக்கும்.

ஆனால், ஆயிரக்கணக்கான முறை சிங்களக் கடற்படை தமிழர் கடலில் நுழைந்து, நமது கடல் பகுதியிலும், சர்வதேச கடல் பகுதியிலும் தமிழக மீனவர்களை தாக்குவதும், சுட்டுப் படுகொலை செய்வதும், படகுகளை உடைப்பதும், வலைகளைக் கிழித்து எறிவதும், மீன்கள் செல்வத்தைக் கொள்ளையடிப்பதும், பல நேரங்களில் தமிழக மீனவர்களின் ஆடைகளைக் களைந்து அம்மணமாக்கி அடித்துக் கடலில் வீசுவதும், மேலும் பல வேளைகளில் நமது மீனவர்களைக் கொண்டுபோய் இலங்கைச் சிறைகளில் வதைப்பதும், தமிழர்களின் படகுகளை அங்கே சிறை வைப்பதும் பெரும்பாலும் அன்றாட நிகழ்வாகிவிட்டது.

இந்தப் பின்னணியில், இன்னும் ஒரு பெரும் கொடூரமான அபாயம் தமிழக மீனவர்களின் தலைக்குமேல் பேரிடியாக விழக் காத்திருக்கிறது. ஆழிப் பேரலை உயிர்களை வாரிச் சுருட்டியதைப் போல தமிழக மீனவர்களின் எதிர்காலத்தை நிரந்தரமாக நரகப் படுகுழியில் தள்ள சிங்கள அரசு திட்டம் போட்டுவிட்டது. 1979 சட்டத்தில் திருத்தங்கள் கொண்டுவந்து தமிழக மீனவர்களின் படகுகளைக் கைப்பற்றுவதோடு, ஒரு படகுக்கு 7 இலட்சம் முதல் 7 கோடி வரை அபராதம் விதிக்கும் அக்கிரமமான சட்டத்தை 2017 ஜனவரியில் நாடாளுமன்றத்தில் அரங்கேற்ற ஆயத்தமாகிவிட்டது.தமிழர்களின் நெஞ்சில் சூட்டுக்கோலைத் திணிக்கும் சிங்கள அரசின் நடவடிக்கையை தடுக்க வேண்டிய முழுப் பொறுப்பும், கடமையும் இந்தியப் பிரதமர் நரேந்திர மோடி அவர்களுக்கும், மத்தியில் ஆளும் தேசிய ஜனநாயகக் கூட்டணி அரசுக்கும் உண்டு என்பதை சுட்டிக்காட்டுகிறேன்.]

தமிழக மீனவர்களின் எதிர் காலத்தைப் பாதுகாக்கவும், சிங்கள அரசின் அராஜகமான சட்டத்தை நிறைவேற விடாமல் தடுக்கவும் மத்திய அரசு உடனடியாக செயல்பட வேண்டும் என்பதை வலியுறுத்தி எனது தலைமையில், ராமேஸ்வரத்தில் டிசம்பர் 16-ம் தேதி வெள்ளிக்கிழமை காலை 10 மணி அளவில் மறுமலர்ச்சி திராவிட முன்னேற்றக் கழகத்தின் சார்பில் கண்டன அறப்போர் ஆர்ப்பாட்டம் நடைபெறும்.கழகக் கண்மணிகளும், மீனவச் சகோதர சகோதரிகளும் அலைகடல் ஓரத்தில் வெள்ளமாய்த் திரள வேண்டுமெனக் கேட்டுக்கொள்கிறேன்.இவ்வாறு அதில் கூறியுள்ளார்.

English Summary:

Renaissance on December 16 at Rameswaram on behalf of DMK told him that there would be a protest demonstration Crusaders

Read More

ஜெ. உடலுக்கு மனைவியுடன் வந்து வைகோ அஞ்சலி! பழ.நெடுமாறனும் இறுதி மரியாதை செலுத்தினார்!

சென்னை: மறைந்த முதல்வர் ஜெயலலிதாவின் உடலுக்கு மனைவியுடன் வந்து மதிமுக பொதுச்செயலர் வைகோ அஞ்சலி செலுத்தினார்.

இதேபோல் தமிழர் தேசிய இயக்கத் தலைவர் பழ. நெடுமாறனும் ஜெயலலிதா உடலுக்கு இறுதி மரியாதை செலுத்தினார்.' ராஜாஜி ஹாலில் வைக்கப்பட்டுள்ள ஜெயலலிதா உடலுக்கு லட்சக்கணக்கானோர் இறுதி அஞ்சலி செலுத்தி வருகின்றனர். இன்னும் சிறிது நேரத்தில் ஜெயலலிதாவின் உடல் பீரங்கி வண்டியில் ஏற்றப்படு எம்ஜிஆர் நினைவிடத்துக்கு கொண்டு செல்லப்பட இருக்கிறது.

 குறைவான நேரமே இருப்பதால் கடுமையான கூட்ட நெரிசல் ராஜாஜி ஹாலில் ஏற்பட்டிருக்கிறது. மதிமுக பொதுச்செயலர் வைகோ, மனைவியுடன் வந்து அஞ்சலி செலுத்தினார்.

 தமிழர் தேசிய இயக்கத் தலைவர் பழ. நெடுமாறனும் ஜெயலலிதாவுக்கு இறுதி மரியாதை செலுத்தினார். பின்னர் செய்தியாளர்களிடம் பேசிய வைகோ, ஜெயலலிதாவுக்கு புகழாரம் சூட்டினார்.

English summary:

 Vaiko paid his last tribue to Tamilnadu CM Jayalalithaa.

Read More

மன உறுதி படைத்த ஜெயலலிதா மீண்டு வருவார் - உருக்கமாக பேசி கண்கலங்கிய வைகோ

சென்னை: ஜெயலலிதாவிற்கு கார்டியாக் அரெஸ்ட் என்று கேள்விப்பட்டு நான் ஒரு நிமிடம் பதறிப் போய்விட்டேன். அவருக்கு வில் பவர் உள்ளது. எம்ஜிஆர் அவர்களுக்கு ஒரு வில் பவர் உள்ளது. அதே வில்பவர்தான் ஜெயலலிதாவிற்கும் உள்ளது. அந்த வில்பவர் ஜெயலலிதாவை மீட்டுக்கொண்டு வரும் என்று வைகோ கூறினார்.

சென்னை விமான நிலையத்தில் செய்தியாளர்களிடம் பேசிய வைகோ,ஜெயலலிதாவின் உடல்நிலை பற்றி பேசும் போது கண் கலங்கினார். உணர்ச்சிவசப்பட்ட நிலையில் பேசி ஜெயலலிதாவின் சாதனைகளை வைகோ நினைவு கூர்ந்தார்.

ஈழத்தமிழர் பிரச்சினை, தமிழக மீனவர்கள் பிரச்சினை, முல்லைப்பெரியாறு பிரச்சினை, காவிரி நதிநீர் பிரச்சினை என பல பிரச்சினைகளை தைரியமாக எதிர்கொண்டார். சட்டமன்றத்தில் அவரது தைரியமான பேச்சு அனைவரையும் கவரும் என்றும் வைகோ தெரிவித்தார்.

கடந்த செப்டம்பர் 22ம் தேதி முதல்வர் ஜெயலலிதா உடல்நலக்குறைவால் அனுமதிக்கப்பட்டார். அவருக்கு கொடுக்கப்படும் சிகிச்சைப் பற்றி மருத்துவர்

ரிச்சர்ட் பீலே கூறியது கேட்டு மகிழ்ச்சியடைந்தேன். நோய் தொற்றில் இருந்து முழுவதுமாக மீண்டு வந்தார் முதல்வர் ஜெயலலிதா.
பெரிய கண்டத்தில் இருந்து மீண்ட ஜெயலலிதாவுக்கு திடீர் என உடல்நலக்குறைவு ஏற்பட்டுள்ளது.

இடைத்தேர்தலின் போது ஜெயலலிதாவின் கையெழுத்தில் கூட தடுமாற்றம் ஏற்பட்டது. ஜெயலலிதாவின் கையெழுத்து பற்றி கூட மனிதாபிமானம் இல்லாமல் அறிக்கை விட்டனர். சகோதரி ஜெயலலிதா உடல்நலக்குறைவு பற்றி கேள்விப்பட்டு அதிர்ச்சி அடைந்தேன். ஜெயலலிதா மன உறுதி மிக்கவர். எம்.ஜி.ஆரைப் போல அவரும் நோயிலிருந்து மீண்டு வருவார் என்று நம்பிக்கை இருக்கிறது. ஜெயலலிதா நீண்ட நாள் வாழ வேண்டும் என்று இயற்கை அன்னையை யாசிக்கிறேன் என்றும் வைகோ உருக்கமாக கூறியுள்ளார்

English summary:

MDMK leader Vaiko on Monday said heart broken news for for Jayalalithaa suffered cardiac arrest,he expressed confidence that she would return home in good health.

Read More

அப்பா எப்படி இருக்காரு இப்போ?... கனிமொழியிடம் விசாரித்த வைகோ

சென்னை: உடல் நலம் பாதிக்கப்பட்டு மருத்துவமனையில் அனுமதிக்கப்பட்டுள்ள கருணாநிதியின் உடல் நிலைக் குறித்து அவரது மகள் கனிமொழியிடம் விசாரித்ததாக வைகோ தெரிவித்துள்ளார்.

ம.தி.மு.க. பொதுச் செயலாளர் வைகோ, திருச்சியில் இருந்து விமானத்தில் சென்னை வந்தடைந்தார். அப்போது, சென்னை விமான நிலையத்தில் செய்தியாளர்களிடம் பேசிய அவர் கூறியதாவது: தி.மு.க. தலைவர் கலைஞர் கடந்த சில தினங்களுக்கு முன் உடல்நலம் குன்றியதாக அறிந்ததும் அவரது குடும்பத்தினரிடம் நலம் விசாரித்தேன். இந்நிலையில், மீண்டும் அவர் உடல்நலம் பாதிக்கப்பட்டு மருத்துவமனையில் அனுமதிக்கப்பட்ட செய்தி அறிந்து மிகவும் அதிர்ச்சி அடைந்தேன். உடனே கனிமொழியிடம் கலைஞர் பற்றி நலம் விசாரித்தேன். அவர் பூரண நலம் பெற்று வீடு திரும்ப வேண்டுகிறேன். இவ்வாறு வைகோ தெரிவித்தார்.

நீர்ச்சத்து மற்றும் ஊட்டச்சத்து குறைபாடு காரணமாக திமுக தலைவர் கருணாநிதி சென்னை ஆழ்வார் பேட்டையில் உள்ள காவேரி மருத்துவமனையில் சிகிச்சைக்காக அனுமதிக்கப்பட்டுள்ளார்.

English summary 

Chennai: MDMK general secretary Vaiko enquiry about the health of the Karunanidhi to Kanimozhi on Friday

Read More

தமிழகத்தில் ஜல்லிக்கட்டு நடத்த நடவடிக்கை தேவை- ஆளுநர் வித்யாசாகர் ராவிடம் வைகோ கோரிக்கை

சென்னை: தமிழக பொறுப்பு ஆளுநர் வித்யாசாகர் ராவை மதிமுக பொதுச்செயலர் வைகோ இன்று சந்தித்து பேசினார். இச்சந்திப்பின் போது தமிழகத்தில் ஜல்லிக்கட்டு நடத்தப்படுவதற்கான சட்ட திருத்தத்தை கொண்டுவர பிரதமர் மோடியிடம் வலியுறுத்த வேண்டும் என கோரிக்கை விடுத்ததாக வைகோ தெரிவித்துள்ளார்.

ரூபாய் நோட்டு செல்லாது விவகாரத்தில் பிரதமர் மோடியின் நடவடிக்கைகளை ஆதரிப்பதாக வைகோ அறிவித்திருந்தார். இதற்கு மக்கள் நலக் கூட்டணியில் இடம்பெற்றுள்ள இடதுசாரிகட்சிகளும் விடுதலை சிறுத்தைகள் கட்சியும் கடும் எதிர்ப்பு தெரிவித்திருந்தன.

இதனால் மக்கள் நலக் கூட்டணி நீடிக்குமா? என்ற கேள்வியும் எழுந்தது. மேலும் பாஜகவுடன் கூட்டணி வைப்பதற்காகவே வைகோ இத்தகைய கருத்துகளை பேசிவருகிறார் எனவும் கூறப்பட்டது.

திடீர் சந்திப்பு:

 இந்த நிலையில் இன்று திடீரென தமிழக பொறுப்பு ஆளுநர் வித்யாசாகர் ராவை வைகோ சந்தித்து பேசினார். இது தொடர்பாக வைகோ செய்தியாளர்களிடம் கூறியதாவது:

பிள்ளைகளைப் போல காளைகள்:

தமிழகத்தில் ஜல்லிகட்டு காளைகள் பிள்ளைகளைப் போல வளர்க்கப்படுகின்றன. காளைகளுக்கு சாராயம் ஊற்றுகிறார்க என்பதெல்லாம் பொய்.

 ஆடு கோழி வெட்ட தடையா? 

மிருகவதை என்ற பெயரில் ஜல்லிக்கட்டுவுக்கு தடை விதித்திருப்பது நியாயம் அல்ல. ஆடு, கோழிகளை துண்டாக வெட்டுவதும்கூட மிருகவதைதான். அதனால் நாடு முழுவதும் ஆடு, கோழிகள் வெட்ட தடை விதிக்க முடியுமா?

 ஜல்லிக்கட்டு அவசியம்:

காரில் செல்லும்போது விபத்துகள் ஏற்படுகின்றன. இதற்காக கார்களே கூடாது என தடை விதித்துவிட முடியுமா? என ஆளுநர் வித்யாசாகர் ராவிடம் ஜல்லிக்கட்டுவின் முக்கியத்துவம் குறித்து விவரித்தேன். பிரதமரை நேரில் சந்திக்கும் போது ஜல்லிக்கட்டு போட்டிகளை தமிழகத்தில் நடத்துவதற்கான சட்ட திருத்தம் மேற்கொள்ள வேண்டும் என வலியுறுத்துங்கள் எனவும் கோரிக்கை வைத்தேன்.

இவ்வாறு வைகோ கூறினார்

English summary :

MDMK General secretary Vaiko today met TN Governor Vidyasagar Rao.

Read More

அனைவரும் எதிர்க்கும்போது நான் மட்டும் மோடியை ஆதரிப்பது ஏன்?: வைகோ பேட்டி

சென்னை: பொருளாதார மாணவன் என்பதால் இந்தியாவுக்கு மோடியின் திட்டம் தேவை என்று வரவேற்றிருக்கிறேன் என மதிமுக பொதுச் செயலாளர் வைகோ தெரிவித்துள்ளார்.

மதிமுக பொதுச் செயலாளர் வைகோ கோவையில் இருந்து விமானம் மூலம் சென்னை வந்தார். விமான நிலையத்தில் அவர் செய்தியாளர்களுக்கு பேட்டி அளித்தார்.

அப்போது அவர் கூறுகையில்,

நான் தான்:

500 மற்றும் 1000 ரூபாய் நோட்டுகள் செல்லாது என பிரதமர் மோடி இரவில் அறிவித்தபோது தமிழகத்திலேயே முதல் ஆளாக நான் தான் அவரின் நடவடிக்கையை வரவேற்றேன்.

வரவேற்பு:

எனக்கு பிறகே மற்ற தலைவர்கள் மோடியின் அறிவிப்பை வரவேற்று அறிக்கை வெளியிட்டார்கள். ஆதரவு தெரிவித்து அறிக்கை விட்டவர்கள் தற்போது எதிர்க்கிறார்கள்.

சிரமம்:

மோடியின் அதிரடி நடவடிக்கையால் பொதுமக்களும், வியாபாரிகளும் சிரமத்திற்குள்ளாகியுள்ளது உண்மையே. 500 மற்றும் 100 ரூபாய் நோட்டுகளை முன்கூட்டியே அச்சடித்திருந்தால் கறுப்பு பணம் வைத்திருப்பவர்களுக்கு தகவல் கசிந்திருக்கும். அதனால் அமைச்சரவைக்கு கூட தெரிவிக்காமல் இருந்துள்ளனர்.இதை எதிர்த்து போராட்டம் நடத்துவது அவர்களின் உரிமை.

பொருளாதார மாணவன்:

பிற கட்சிகளை பற்றி விமர்சிக்க விரும்பவில்லை. பொருளாதார மாணவன் என்பதால் இந்தியாவுக்கு மோடியின் திட்டம் தேவை என்று வரவேற்றிருக்கிறேன்.

பாகிஸ்தான்:   

1967ம் ஆண்டு போடப்பட்ட ஒப்பந்தத்தின்படி பாகிஸ்தானுக்கு நீர் அளிக்க முடியாது என்று மோடி கூறுவது விபரீத விளைவுகளை ஏற்படுத்தும் என்று வைகோ தெரிவித்துள்ளார்.

English summary:

 MDMK general secretary Vaiko said that he is supporting PM Modi's demonetisation move as it is necessary for India.

Read More

வைகோவுக்கு சுடத்தெரியும்.. சொல்லிக் கொடுத்தது யார் தெரியுமா?

ஈரோடு: எனக்கு பதவி மீது எந்த மோகமும் இல்லை. எனது லட்சியம், கனவு எல்லாம் தமிழ் ஈழம் அமைய வேண்டும் என்பது தான் என்று வைகோ தெரிவித்துள்ளார்.

ஈரோட்டில் மாவட்ட தந்தை பெரியார் திராவிடர் கழகம் சார்பில் விடுதலை புலிகள் தலைவர் பிரபாகரன் பிறந்த நாள் விழா மற்றும் புத்தகங்கள் வெளியீட்டு விழா நடந்தது. விழாவில் பேசிய மதிமுக பொதுச் செயலாளர் வைகோ கலந்து கொண்டு பிரபாகரன் பிறந்த நாளையொட்டி கேக் வெட்டினார். மேலும் புத்தகங்களையும் அறிமுகம் செய்து வைத்து வைகோ பேசினார்.

அப்போது அவர், பிரபாகரன் இந்தியாவை பெரிதும் நம்பினார். ஆனால் அவருக்கு இந்தியா துரோகம் தான் செய்தது. நாடாளுமன்றத்தில் நான் ராஜீவ்காந்திக்கு பல கேள்விகளை எழுப்பி உள்ளேன். ஆனாலும் என் மீது ராஜீவ் அன்பாக இருந்தார் என்று வைகோ கூறினார்.

 ராஜீவ் காந்தி :

விடுதலை புலிகள் இயக்கம் பற்றி பேசி அவரது மனதை மாற்றம் செய்து வைத்திருந்தேன் அவரும் விடுதலை புலிகளுக்கு உதவுவதில் ஆர்வம் காட்டினார். ஆனால் டெல்லியில் உள்ள அதிகாரிகள் ராஜீவ் மனதை மாற்றி விட்டார்கள்.

ராணுவ ஒப்பந்தம் :

அதே நேரம் போபர்ஸ் ஊழல் தொடர்பாக அவரது பெயருக்கு களங்கம் விளைவிக்கப்பட்டது. அதில் இருந்து பிரச்சினையை திசை திருப்ப இலங்கை- இந்தியா ராணுவ ஒப்பந்தம் போடப்பட்டது. அதன் பிறகு தான் மிகப் பெரிய தாக்குதல் நடத்தப்பட்டது.

 துப்பாக்கி சுட பயிற்சி:

 வன்னி காட்டில் பிரபாகரன் மறைந்திருந்து மிகப் பெரிய படையை உருவாக்கினார். அனைத்து வீரர்களுக்கு பயிற்சி அளித்தார். எனக்கும் பிரபாகரன் துப்பாக்கி சுடும் பயிற்சி அளித்துள்ளார். அப்போது எடுக்கப்பட்ட புகைப்படத்தை வைத்து தான் எனக்கு வெளிநாடுகள் செல்ல விசா மறுக்கப்பட்டு வருகிறது.

பதவி மீது ஆசையில்லை:


எனக்கு பதவி மீது எந்த மோகமும் இல்லை. எனது லட்சியம், கனவு எல்லாம் தமிழ் ஈழம் அமைய வேண்டும் என்பது தான். தமிழ் ஈழ தாயகம் காண தமிழர்கள் தயாராக இருக்க வேண்டும் என்று வைகோ பேசியுள்ளார்.

English summary:

 MDMK leader Vaiko has said that LTTE chief Prabhakaran taught me to how to shoot.

Read More

கருப்பு பண ஒழிப்பு.. மோடியின் முயற்சிக்கு வைகோ ஆதரவு

கோவை: கறுப்புப் பணத்தை ஒழிப்பதற்கான பிரதமர் நரேந்திர மோடியின் முயற்சி நாட்டு மக்களிடையே பெரும் வரவேற்பை பெற்றுள்ளது என்று மதிமுக பொதுச்செயலாளர் வைகோ தெரிவித்துள்ளார்.

விடுதலைப் புலிகள் தலைவர் பிரபாகரன் பிறந்தநாளை முன்னிட்டு ஈரோட்டில் புத்தக வெளியீட்டு விழாவில் கலந்துகொள்வதற்காக விமானம் மூலம் கோவை வந்த மதிமுக பொதுச் செயலாளர் வைகோ, விமானநிலையத்தில் செய்தியாளர்களை சந்தித்த போது கூறியதாவது: நாடெங்கும் மிகப்பெரிய அளவில் சர்ச்சைக்குள்ளாகி உள்ள 500, 1000 ரூபாய் நோட்டு செல்லாது என பிரதமர் மோடி அறிவித்தது பெரும் பரபரப்பை ஏற்படுத்தியுள்ளது. போராட்டங்கள் நடக்கின்றன.

நாடாளுமன்றத்தில் அமளி ஏற்படுகிறது. மக்கள்கியூவில் நிற்கிறார்கள் என்றெல்லாம் பெரும் பரபரப்பை கிளப்புகிறார்கள். ஆனால் ம.தி.மு.க., சரியானது என வரவேற்கிறோம். அழுத்தமாக ஒரு கருத்தை பதிவு செய்ய விரும்புகிறேன். நரேந்திரமோடி பதவி ஏற்கும் போது நாங்கள் கூட்டணியில் இருந்தோம். அவர் ராஜபக்சேவை பதவி ஏற்புக்கு அழைத்த போது எந்த ஒரு தலைவரும் கண்டு கொள்ளாத நிலையில் நம் தமிழ் மக்களை கொன்று குவித்த ராஜபக்சேவுக்கு எதிர்ப்பு தெரிவிக்கும் வகையில் குஜராத் பவனுக்கு சென்று போராட்டம் நடத்தி கைதாகி சிறையில் அடைக்கப்பட்டோம்.

நியாயம் என்றால் வரவேற்பேன். தற்போது நரேந்திர மோடி வரவேற்பு முயற்சியில் ஈடுபட்டுள்ளார். இருப்பினும் 500 மற்றும் 1000 ரூபாய் நோட்டுகள் செல்லாது என்ற திடீர் அறிவிப்பால் மக்களுக்கு சிரமம் இருப்பது உண்மைதான் என்றாலும், பெரும்பாலான மக்கள் இந்த முயற்சியை வரவேற்பதாகத் கூறினார். 500, 1,000 ரூபாய் நோட்டு விவகாரத்தில், மக்கள் நலக் கூட்டணியில் உள்ள விடுதலை சிறுத்தைகள் கட்சி, கம்யூனிஸ்ட் கட்சிகள் எதிர்ப்புத் தெரிவித்து வரும் நிலையில், வைகோ பிரதமர் மோடியின் முயற்சிக்கு ஆதரவு தெரிவித்துள்ளது குறிப்பிடத்தக்கது

English summary:

MDMK chief vaiko has support of prime minister Narendra Modi's Demonesition action

Read More

காஸ்ட்ரோ மறைந்தார் என்ற செய்தி இருதயத்தில் துன்ப ஈட்டியைச் சொருகி உள்ளது: வைகோ

சென்னை: உடல் நலக்குறைவினால் பாதிக்கப்பட்டு இருந்த கியூபா முன்னாள் அதிபர் பிடல் காஸ்ட்ரோ கியூபா நேரப்படி இரவு 10.30 மணியளவில் உயிரிழந்தார். 90 வயதான பிடல் காஸ்ட்ரோ உடல் நலக்குறைவால் மரணம் அடைந்ததாக அவரது சகோதரும் அதிபருமான ராவுல் காஸ்ட்ரோ தெரிவித்தார்.

 அவரது மறைவுக்கு மதிமுக பொதுச்செயலாளர் வைகோ வெளியிட்டுள்ள இரங்கல் அறிக்கை: 

2016 ஆம் ஆண்டு நவம்பர் 26 ஆம் நாளாகிய இந்த நாள், மனிதகுலத்தின் இருதயத்தில் துன்ப ஈட்டியைச் சொருகி உள்ளது. ஆம்; உலக வரலாற்றில், யுகயுகhந்திரத்திற்கும் புகழ் படைத்த தலைவர்கள் வரிசையில், கியூபாவின் விடுதலை வேந்தன் பிடல் காஸ்ட்ரோ இன்று நம்மை விட்டுப் பிரிந்தார்.

அமெரிக்க ஏகாதிபத்தியத்தின் முழு ஆயுத பலத்தோடு கியூபாவில் அடக்குமுறை ஆட்சியை நடத்திக் கொண்டு இருந்த சர்வாதிகாரி பாடிஸ்டுடாவை எதிர்த்து இளம்வயதில் ஆயுதம் ஏந்திய போராட்டத்தைத் தொடங்கினார் கேட்ரோ. மான்கடா படைத்தளத்தைத் தகர்க்க முனைந்து, அந்த முயற்சி தோற்றபின், சகாக்கள் பலரைப் பலிகொடுத்த நிலையில், சியாரா மஸ்ட்ரா குன்றுகளில், ஆயுதப் பயிற்சிகளைத் தந்து, அர்ஜெண்டைனாவில் பிறந்த மாவீரன் சே குவேராவின் தோள் வலியை துணைவலியாகப் பெற்று, ஆறு ஆண்டுக்காலப் போராட்டத்தில், சர்வாதிகாரி பாடிஸ்டுடாவின் படைகளை நொறுக்கி, 1959 ஆம் ஆண்டு ஜனவரி 8 ஆம் நாள் தலைநகர் ஹவானா வீதிகளில் வெற்றிப் புரட்சிக்கொடி ஏந்தி வீர வலம் வந்தார். கியூபக் குடியரசை நிறுவினார்.

மார்க்சின் தத்துவத்திலும் லெனினின் கொள்கையிலும் தன்னை ஈடுபடுத்திக்கொண்ட போதிலும் கம்யூனிச உலகத்தில் தனித்த ஒளிச்சுடராகப் பிரகாசித்தார். உலகத்தையே அச்சுறுத்திக்கொண்டு இருந்த அமெரிக்க ஏகாதிபத்தியத்திற்கு அருகில் 80 கல் தொலைவில் இருந்துகொண்டே, எதற்கும் அடிபணியாத துணிச்சல்காரராக கியூப அரசை நடத்தினார். எத்தனையோ கொலை முயற்சிகளில் உயிர் தப்பினார்.


 புரட்சிகரமான சீர்திருத்தங்களைக் கொண்டு வந்தார். அமெரிக்க முதலாளித்துவ நிறுவனங்களை ஒழித்துக் கட்டினார். அணிசேரா நாடுகளின் அமைப்பின் முக்கியத் தலைவர்களுள் ஒருவராகத் திகழ்ந்தார்.

66 ஆண்டுகள் ஆனபின்னரும், பிடல் காஸ்ட்ரோ நிறுவிய அரசை அசைக்க முடியவில்லை. அவர் புரட்சிக்காரராக அரசைக் கவிழ்க்க சதி செய்தார் என்ற குற்றச்சாட்டின் பேரில், குற்றவாளிக் கூண்டில் நிறுத்தப்பட்டபோது, 'வரலாறு என்னை விடுதலை செய்யும்' என அவர் முழங்கிய உரை, உலகெங்கும் தேசிய விடுதலைக்குப் போராடுகின்றவர்களுக்குப் புத்துணர்ச்சி தரும் வீரியமிக்க உரை ஆகும். எரிமலை போன்ற புரட்சிக்காரராக இருந்தபோதும், அவர் நெஞ்சம் கவர்ந்த உரை இயேசு கிறிஸ்துவின் மலைப் பிரசங்கம்தான் என்று பிரகடனம் செய்தார். அவரது இதயம் கவர்ந்த புத்தகம் விக்டர் ஹ்யூகோ எழுதிய ஏழை படும் பாடு ஆகும்.

வரலாறு அடிமைத்தளைகளில் இருந்து கேஸ்ட்ரோவையும் கியூபாவையும் விடுவித்தது. ஆனால், வரலாற்றின் புகழில் இருந்து பிடல் கேஸ்ட்ரோவை ஒருபோதும் விடுவிக்க முடியாது. தமிழகத்தின் பட்டிதொட்டிகளில் எத்தனையோ மேடைகளில் கேஸ்ட்ரோ - சேகுவேரா வீரத்தைப் பேசி இருக்கின்றேன். உலகம் போற்றுகின்ற புரட்சி நாயகனுக்கு, மறுமலர்ச்சி திராவிட முன்னேற்றக் கழகத்தின் சார்பில் வீரவணக்கத்தைத் தெரிவித்துக் கொள்கின்றேன் என்று தெரிவித்துள்ளார்.

 திருமாவளவன் வீர வணக்கம்:

 விடுதலை சிறுத்தைகள் கட்சித்தலைவர் தொல். திருமாவளவன் தனது இரங்கல் செய்தியில், மாபெரும் போராளி இன்று மண்ணை விட்டு மறைந்தாலும் நமது இதயங்களில் நிறைந்திருக்கிறார் அவருக்கு வீர வணக்கம் என்று தெரிவித்துள்ளார். தனது புரட்சியினால் தாய் நாட்டைக்காத்தவர். மிகச்சிறிய நாட்டின் அதிபராக இருந்தாலும் வல்லரசு நாடாக அமெரிக்காவை அலற வைத்தவர் காஸ்ட்ரோ என்று புகழாரம் சூட்டினார் திருமாவளவன்.

English summary:

 MDMK general secretary Vaiko has condolences Fidel Castro's death. The Communist revolutionary's death was announced on Cuban state television in the early hours of Saturday.

Read More

ராஜீவ் கொலையில் மறைக்கப்பட்ட உண்மைகள் - நளினியின் புதிய நூல் வெளியீடு

சென்னை: முன்னாள் பிரதமர் ராஜிவ் காந்தி கொலை வழக்கில் கடந்த 25 ஆண்டுகளாக சிறையில் அடைக்கப்பட்டுள்ள நளினியின் சுயசரிதை புத்தகம் இன்று

"ராஜீவ் கொலை: மறைக்கப்பட்ட உண்மைகளும்; பிரியங்கா, நளினி சந்திப்பும்" என்ற பெயரில் நளினி பல்வேறு சம்பவங்களை தொகுத்துள்ளார். மூத்த பத்திரிகையாளரான பா. ஏகலைவன் இதனை தொகுத்துள்ளார். அதில் பல்வேறு பரபரப்பு தகவல்கள் இடம்பெற்றுள்ளன.

அதில், பிரியங்கா காந்தியை சந்திக்கும் சக்தி தனக்கு துளியளவும் இல்லை என்றும், பிரியங்காவை சந்தித்தவுடன் தான் தேம்பி தேம்பி அழுததாகவும் நளினி குறிப்பிட்டுள்ளதாகவும், பிரியங்கா அழுததை தன்னால் தாங்க முடியவில்லை எனவும், அந்த புத்தகத்தில் நளினி குறிப்பிட்டுள்ளதாக கூறப்படுகிறது.

யாழ் பதிப்பகம் என்ற பதிப்பகத்தின் மூலமாக இந்த புத்தகம் வெளியீடு நிகழ்ச்சி இன்று மாலை சென்னை வடபழனியில் நடந்தது. புத்தகத்தை மதிமுக பொதுச்செயலாளர் வைகோ வெளியிட்டார்.

அதன் முதல் பிரதியை விடுதலை சிறுத்தைகள் கட்சி தலைவர் தொல்.திருமாவளவன் பெற்றுக்கொண்டார். இந்த விழாவில் நாம் தமிழர் கட்சித் தலைமை ஒருங்கிணைப்பாளர் சீமான், காங்கிரஸ் கட்சி திருச்சி வேலுச்சாமி உள்ளிட்டோர் கலந்துகொண்டனர்.

English Summary:

Rajiv Gandhi's assassin Nalini Murugan's autobiography released by mdmk chief vaiko

Read More