ஆட்சியை அகற்ற போராடுவோம்: ஸ்டாலின்

சென்னை: அதிமுக ஆட்சி அகன்றால் தான் அநியாயம் அகற்றப்படும் என்றால், அதையும் அகற்ற போராடுவோம் என தி.மு.க., செயல் தலைவர் ஸ்டாலின் கூறியுள்ளார்.

இது தொடர்பாக அவர் வெளியிட்ட அறிக்கை: வரும் 13ம் தேதி போராட்ட முழக்கங்கள் ஓங்கி ஒலிக்கட்டும். ரேசன் கடைகளில் நிலவும் அநியாயங்களை அகற்றிட போராடுவோம். இந்த ஆட்சி அகன்றால்தான் அநியாயம் அகற்றப்படும் என்றால் அதையும் அகற்ற போராடுவோம். ரேசன் கடைகள் செயல்பாடுகளை அதிமுக அரசு சீர்குலைத்து விட்டது.
வறுமையில் வாடும் மக்களை பட்டினியில் தள்ளும் நிலை ஏற்பட்டுள்ளது. மக்களின் உணவு தேவையை பூர்த்தி செய்ய நடவடிக்கை எடுக்கவில்லை. ரேசன் கடைகளில் உணவு பொருட்கள் இருப்பதாக அமைச்சர்கள் கூறுவது உண்மைக்கு மாறானது. இவ்வாறு ஸ்டாலின் கூறியுள்ளார்.

English Summary:

Chennai: AIADMK regime were to be removed, but if it's wrong, and he will fight to eliminate the DMK leader MK Stalin said act. 

Read More

தமிழ்நாட்டின் எதிர்காலம் யார் கையில்? ஓ.பன்னீர்செல்வம் Vs சசிகலா! (Video)

தமிழ்நாட்டில் தற்போது எழுந்த அரசியல் சிக்கலுக்கு இன்னமும் முடிவு எட்டப்படாமல் உள்ளது. 120-க்கும் மேற்பட்ட அ.தி.மு.க சட்டமன்ற உறுப்பினர்களின் ஆதரவு தனக்கு இருப்பதாகவும், தன்னை சட்டமன்றக் கட்சித் தலைவராக எம்.எல்.ஏக்கள் தேர்வு செய்திருப்பதாகவும் தெரிவித்துள்ள சசிகலா, இதனால் தன்னை ஆளுநர் ஆட்சியமைக்க அழைப்பு விட வேண்டும் என்று வலியுறுத்தியுள்ளார். ஆனால், ஓ.பன்னீர்செல்வமோ, தான் கட்டாயப்படுத்தி ராஜினாமா செய்ய வைக்கப்பட்டேன் என்றும், தனக்கு உள்ள பெரும்பான்மையை நிரூபிக்க கால அவகாசம் வேண்டும் என்றும் ஆளுநரிடம் கேட்டுக் கொண்டுள்ளார்.

இந்த நிலையில் சசிகலாவுக்கு எதிரான உச்ச நீதிமன்றத் தீர்ப்பு விரைவில் வெளியாக உள்ளது. ஒருவேளை சசிகலாவை ஆட்சியமைக்க அழைப்பு விடுத்து, அவர் முதல்வராகப் பதவியேற்ற பின்னர், தீர்ப்பு சசிகலாவுக்கு பாதகமாக வரும்பட்சத்தில், மீண்டும் ஒருவரை முதல்வர் பதவியில் அமர்த்தியாக வேண்டும் என்பதால், ஆளுநர் தாமதிக்கிறாரோ என்ற எண்ணமும் தோன்றுகிறது. முதல்வராக இருந்த ஜெயலலிதா, பிரதமர் மோடிக்கு கடும் சவாலாக இருந்து வந்தார். ஆனால் அவர் மறைவுக்குப் பின்னர் அ.தி.மு.க-வுக்கு குடைச்சல் கொடுக்க வேண்டும் என்ற எண்ணத்தில் மோடி செயல்படக்கூடும் என்றும் பரவலான கருத்து நிலவுகிறது. இதுபோன்ற சூழ்நிலையில், தனக்கு ஆதரவு தெரிவிக்கும் எம்.எல்.ஏக்களை கூவத்தூரில் தங்க வைத்துள்ளார் சசிகலா. அடுத்த சில நாட்களில் ஆளுநர் எடுக்கப்போகும் முடிவு என்ன? என்பதை அறிய இந்த வீடியோவைப் பார்க்கவும்..



-- நன்றி விகடன் 

Read More

பாசறையும் பன்னீர் பக்கமே!: சசிகலாவுக்கு தொடர் சறுக்கல்

அ.தி.மு.க.,வில், பாசறை நிர்வாகிகள் பலர், முதல்வர் பன்னீர்செல்வத்துக்கு ஆதரவளிக்க துவங்கியுள்ளனர்.

அ.தி.மு.க.,வில், 2008ல், அப்போதைய பொதுச் செயலர் ஜெ., இளைஞர் மற்றும் இளம் பெண்கள் பாசறையை உருவாக்கினார். பாசறையின் மாநில செயலராக, சசிகலாவின் உறவினர் வெங்கடேஷை நியமித்த ஜெ., பின், அவரது செயல்பாட்டில் அதிருப்தியடைந்து, நீக்கினார். சட்டசபை தேர்தலில், ஊட்டி உட்பட பல தொகுதிகளில், பாசறை நிர்வாகிகளுக்கு வாய்ப்பு வழங்கினார். ஜெ., மறைவுக்கு பின், வெங்கடேஷ், மீண்டும், பாசறை நிர்வாகிகளை சந்தித்து பேசத் துவங்கினார்.
இந்நிலையில், நீலகிரி மாவட்ட பாசறை செயலரும், சட்டசபை தேர்தலில், ஊட்டி தொகுதியில் போட்டியிட்டு தோற்றவருமான வினோத், முதல்வர் பன்னீர்செல்வத்தை சந்தித்து, ஆதரவு தெரிவித்தார். இதுபோல், பல்வேறு மாவட்டங்களைச் சேர்ந்த பாசறை செயலர்கள், நிர்வாகிகள் பலர், முதல்வர் பன்னீர்செல்வம் பக்கம் செல்ல துவங்கியுள்ளனர்.

Read More

சொத்து வழக்கில் சசி கூட்டம் தப்பிக்குமா?: அடுத்த வாரத்தில் தீர்ப்பு

'மறைந்த தமிழக முதல்வர், ஜெயலலிதா அவரது தோழி, சசிகலா மற்றும் அவரது உறவினர்கள் மீதான சொத்து குவிப்பு வழக்கின் தீர்ப்பு, அடுத்த வாரம் அளிக்கப்படும்' என, சுப்ரீம் கோர்ட் தெரிவித்துள்ளது. இந்த வழக் கின் தீர்ப்பு எப்படி இருக்குமோ என, தற்போதே பரபரப்பு தொற்றிக் கொண்டுள்ளது.

 ஜெயலலிதா, அவரது தோழி சசிகலா, அவரது உறவினர் இளவரசி, ஜெயலலிதாவின் முன்னாள் வளர்ப்பு மகன் சுதாகரன் ஆகியோர் மீது, வருமானத்துக்கு அதிகமாக சொத்து குவித்ததாக வழக்கு நடந்து வருகிறது.


ஒத்திவைப்பு


இந்த வழக்கில், பெங்களூரு சிறப்பு கோர்ட் நீதிபதி, ஜான் மைக்கேல் டி குன்ஹா, 2014, செப்., 27ல், தீர்ப்பு அளித்தார். பரபரப்பான அந்த தீர்ப்பில், ஜெயலலிதா உள்ளிட்டோரை குற்றவாளிகள் என அறிவித்து, தலா நான்கு ஆண்டுகள் சிறை தண்டனையும், கடும் அபராதமும் விதிக்கப்பட்டது.இதை எதிர்த்து, தொட ரப்பட்ட வழக்கில், பெங்களூரு ஐகோர்ட் நீதிபதி, குமாரசாமி, 2015, மே,11ல்அனைவரையும் விடுவித்து தீர்ப்பளித்தார்.

இதை எதிர்த்து, கர்நாடக அரசு உள்ளிட்டோர், சுப்ரீம் கோர்ட்டில் மேல் முறையீடு செய்துள்ளனர். ஜெயல லிதா, சசிகலா உள்ளிட் டோர் மீதான, இந்த சொத்து குவிப்பு வழக்கு, 21 ஆண்டுக ளாக பல்வேறு கோர்ட் களில் நடந்து,

தற்போது சுப்ரீம் கோர்ட்டின் தீர்ப்புக்காக காத்திருக் கிறது. நீதிபதிகள், பினாகி சந்திர கோஷ்,அமிதவராய் அடங்கிய சுப்ரீம் கோர்ட் அமர்வு, இந்த வழக்கின் தீர்ப்பை, 2016, ஜூன், 7ல், ஒத்தி வைத்தது.

இதற்கிடையில், ஜெயலலிதாவின் மரணம், தமிழ கத்தின் அடுத்த முதல்வராக பதவியேற்க சசிகலா தயாராகி வருவது போன்ற சம்பவங்கள் நடந்துள் ளன. இந்த நிலையில், ''இந்த வழக்கில் தீர்ப்பு எப்போது அளிக்கப்படும்,'' என, நீதிபதி பினாகி சந்திர கோஷ் தலைமையிலான அமர்வை, கர்நாடக அரசு சார்பில் ஆஜரான மூத்த வழக்கறிஞர் துஷ்யந்த் தவே நேற்று கேட்டார்.

'அனைத்தும் கிட்டத்தட்ட முடிந்துவிட்டது; ஒரு வாரம் காத்திருங்கள்' என, தேதி எதையும் குறிப் பிடாமல், அமர்வு பதிலளித்துள்ளது; இது, தமிழகத் தில் மிகப் பெரிய அரசியல் பரபரப்பை ஏற்படுத்தி உள்ளது. இந்த வழக்கில், சசி மற்றும் அவரது உறவினர்கள் மீதான தீர்ப்பு எப்படி இருக்கும் என,

பரவலாக பெரும் எதிர்பார்ப்பை ஏற்படுத்திஉள்ளது.

சசி பதவியேற்க கூடாது சுப்ரீம் கோர்ட்டில் வழக்கு



சொத்துக் குவிப்பு வழக்கில் தீர்ப்பு அளிக்கப் படும் வரை, தமிழக முதல்வராக, சசிகலா பதவியேற் பதற்கு தடை விதிக்கக் கோரி, சுப்ரீம் கோர்ட்டில் வழக்கு தொடரப் பட்டுள்ளது.இது தொடர்பாக, சட்ட பஞ்சாயத்து இயக்கம் என்ற அரசு சாரா அமைப்பின் சார்பில், அதன் பொதுச் செயலர் செந்தில்குமார் தாக்கல் செய்துள்ள மனுவில் கூறப்பட்டுள்ளதாவது:

சொத்துக் குவிப்பு வழக்கில், ஒரு வாரத்தில் தீர்ப்பு அளிக்கப்பட உள்ளது. இந்நிலையில், சசிகலா முதல்வராக பதவியேற்று, சொத்துக் குவிப்பு வழக்கில் தண்டனை வழங்கப்பட்டால், பதவியை இழக்க நேரிடும். இதனால், தமிழகத் தில் வன்முறை சம்பவங்கள் நடக்கும் அபாயம் உள்ளது.

ஏற்கெனவே, புயல், செல்லாத ரூபாய் நோட்டு விவகாரம், முன்னாள் முதல்வர், ஜெயலலிதா வின் மரணம் என, பல்வேறு நெருக்கடிகளை சந்தித்துள்ள தமிழக மக்கள், இதை தாங்க மாட்டார்கள்.இந்த வழக்கில் மத்திய அரசின் தலையீடு உள்ளதாகவும் புரளி பரப்பி விடப் பட்டுள்ளது. கோர்ட்டின் மாண்பை காக்கும் வகையில், முதல்வராக சசிகலா பதவியேற் பதற்கு இடைக்கால தடை விதிக்க வேண்டும். இவ்வாறு மனுவில் கூறப்பட்டுள்ளது.

Read More

'ஜெ., கால்களை அகற்றவில்லை' லண்டன் டாக்டர் ரிச்சர்ட் பீலே விளக்கம்

சென்னை:''அப்பல்லோ மருத்துவமனையில், ஜெயலலிதா சிகிச்சை பெற்ற போது, அவரது உடலில் இருந்து, எந்த உறுப்பையும் அகற்றவில்லை,'' என, டாக்டர் ரிச்சர்ட் ஜான் பீலே தெரிவித்தார்.

முன்னாள் முதல்வர் ஜெயலலிதா மரணம் தொடர்பாக, பல்வேறு சந்தேகங்கள் எழுப்பப் பட்டன. அதனால், ஜெ.,க்கு அளிக்கப்பட்ட சிகிச்சைகள் குறித்து, சென்னை, நுங்கம் பாக்கம், தனியார் ஓட்டலில், லண்டன் டாக்டர் ரிச்சர்ட் ஜான் பீலே, நேற்று விளக்கம் அளித்தார். அப்போது, அவர் கூறியதாவது:

நோய் தொற்று காரணமாக, சென்னை, அப்பல்லோ மருத்துவமனையில், ஜெயலலிதா அனுமதிக்கப்பட்டார். அவருக்கு ஏற்கனவே, சர்க்கரை நோய், ரத்த கொதிப்பு, மூச்சுத் திணறல் இருந்தது. முதல் கட்டமாக, அவரின் உடலை சமநிலைப்படுத்தி, சகஜ நிலைக்கு கொண்டு வர தேவையான சிகிச்சைகள் தரப்பட்டன.

தொடர் பரிசோதனையில் அவருக்கு, 'செப்சிஸ்' என்ற, ரத்தத்தில் பாக்டீரியா தொற்று பாதிப்பு இருப்பது கண்டறியப்பட்டது. சிறுநீரகத்திலும் தொற்று பாதித்திருந்தது. அவை, உடலில் இருந்த மற்ற உறுப்புகளை பாதித்தன. அப்பல்லோ மருத்துவமனையில், சர்வதேச தர மருத்துவ வசதி உள்ளதால், ஜெயலலிதாவை, மேல் சிகிச்சைக்காக, வெளிநாட்டிற்கு அழைத்து செல்லவில்லை.

தொடர் சிகிச்சையால், ஜெ., உடலில் நல்ல முன்னேற்றம் ஏற்பட்டது. தன்னை சுற்றி நடக் கும் நிகழ்வுகளை அறிந்தார். பிடித்த உணவு வகைகளை விரும்பி சாப்பிட்டார். அறையில், சிறிது துாரம் நடைபயிற்சி செய்தார். என்னிடம், உணவு, 'டிவி' நிகழ்ச்சிகள், குடும்பம் உள்ளிட் டவை குறித்து கலந்துரையாடினார்.

தீவிர சிகிச்சை பிரிவில் உள்ள நோயாளி அறையில், கண்காணிப்பு கேமரா வைக்கக் கூடாது; 

புகைப்படமும் எடுக்கக் கூடாது. எனவே, அவர் சிகிச்சை பெற்ற புகைப்படங் களை வெளியிட வேண்டிய அவசியம் இல்லை. ஜெ.,க்கு அளிக்கப்பட்ட சிகிச்சைகள் குறித்து, சசிகலா மற்றும் அரசு உயர் அதிகாரிகளுக்கு தெரிவித்தேன்.

லண்டனில் இருந்தாலும், சிகிச்சை முறைகள் குறித்து ஆலோசனை தெரிவித்தேன். யாரும் எதிர்பாராத வகையில், அவருக்கு திடீரென மாரடைப்பு ஏற்பட்டது. உடனே, 'எம்கோ' கருவி பொருத்தி, சிகிச்சை அளிக்கப்பட்டது. ஆனால், சிகிச்சை பலனின்றி, அவர் மரணமடைந்தார். ஜெ., உடலில் இருந்து, எந்த உறுப்புகளும்அகற்றப்பட வில்லை.இவ்வாறு அவர் கூறினார்.


சிகிச்சை செலவு ரூ.5.5 கோடி


'ஜெயலலிதாவுக்கான சிகிச்சை செலவு எவ்வளவு; யார் செலுத்தியது' என, நிருபர்கள் கேள்வி எழுப்பி னர். அதற்கு பதில் அளித்த, சென்னை மருத்துவக் கல்லுாரி டாக்டர் பாலாஜி, ''சிகிச்சைக்கு, 5.50 கோடி ரூபாய் செலவானதாக, அப்பல்லோ நிர்வாகம் தெரிவித்தது.குடும்பத்தினரிடம், 'பில்' அளிக்கப் பட்டதாக டாக்டர்கள் கூறினர்,'' என்றார். எந்த குடும்பம் என, கேட்டதற்கு, பதில் கூற மறுத்து விட்டார்.


'உடல் பதப்படுத்தப்பட்டது'


சென்னை மருத்துவக் கல்லுாரி பேராசிரியை, சுதா சேஷய்யன் கூறியதாவது:முக்கிய பிரமுகர்கள் மறைவுக்கு, அஞ்சலி செலுத்த மக்கள் வருவர். அவர்களின், உடல் பாதிக்கக் கூடாது என்பதற்காக, பதப்படுத்துவது வழக்கம். ஜெ., மறைவு குறித்த தகவலை, சுகாதாரத்துறை அமைச்சரும், செயலரும், என்னிடம் தெரிவித்தனர்.

உடனே, என் தலைமையிலான, அரசு பொது மருத் துவமனை டாக்டர்கள், அப்பல்லோ சென்றனர். ஜெயலலிதாவின் உடலை பதப்படுத்தும் பணி, அன்றிரவு, 12:20 மணிக்கு துவங்கியது. அதற்காக, அவரின் உடலில், 5.50 லிட்டர் திரவம் செலுத்தப்பட்டது.

முதலில், இடது கால் வழியாக, திரவம் அனுப்பப் பட்டது; பின், மற்ற பகுதிகளின் மூலம் செலுத்தப் பட்டது. பணிகள், 20 நிமிடங்கள் நடந்தன. சிகிச்சைக் காக, நீண்ட நாட்கள் படுக்கையில் இருக்கும் போது,

உடலில் புள்ளிகள் ஏற்படும். அதன்படியே, ஜெயல லிதாவின் முகத்தில் புள்ளிகள் இருந்தன. அவரின் உடலில் எந்த ஓட்டைகளும் இல்லை. ஓட்டை இருந்தால், திரவம் வெளிவந்திருக்கும்.இவ்வாறு அவர் கூறினார்.


'அரசு வலியுறுத்தலால் விளக்கம்'


'ஜெயலலிதா மறைந்து, இரு மாதங்களுக்கு மேலாகிறது; இப்போது ஏன் விளக்கம் அளிக்கி றீர்கள்' என, நிருபர்கள் கேட்டனர். அதற்கு பதில் அளித்த டாக்டர் பாலாஜி, ''ரிச்சர்ட், வேறொரு நிகழ்ச்சியில் பங்கேற்க, சென்னை வந்துள்ளார். அந்த வாய்ப்பை பயன்படுத்தி, ஜெ., மறைவு குறித்த வதந்தி களுக்கு முற்றுப்புள்ளி வைக்க, அவர் மூலம் விளக்கம் அளிக்க ஏற்பாடு செய்யப்பட்டது,'' என்றார்.

அதை கவனிக்காத ரிச்சர்ட், ''ஜெயலலிதாவுக்கு அளிக்கப்பட்ட சிகிச்சைகள் குறித்து விளக்கம் அளிக்கும்படி, என்னை அரசு வலியுறுத்தியது; அதற்காக விளக்கம் அளிக்கிறேன்,'' என்றார். இவ்வாறு, பல கேள்விகளுக்கு, டாக்டர்கள் முரண்பட்ட தகவலை அளித்தனர். புரியும்படி பேச முயன்ற டாக்டர்களை, ரிச்சர்ட் தடுத்த படியே இருந்தார்.


'கவர்னர் பார்த்தார்'


டாக்டர் பாலாஜி கூறுகையில், ''கவர்னர் வித்யாசாகர் ராவ், அப்பல்லோ மருத்துவ மனைக்கு, முதலில் வந்த போது, அவரிடம், ஜெ.,க்கான சிகிச்சைகள் குறித்து விளக்கமாக கூறப்பட்டது. இரண்டாவது முறை வந்த போது, தீவிர சிகிச்சை பிரிவில் இருந்த ஜெயலலி தாவை, அந்த அறையின் கண்ணாடி வழியாக, கவர்னர் பார்த்தார்,'' என்றார்.


ஒரே முறை கைரேகை


''சிகிச்சையின் போது, சுயநினைவுடன் இருந்த ஜெயலலிதா, என் முன்னிலையில் தான், இடைத்தேர்தல் தொடர்பான படிவத்தில், கைரேகை வைத்தார்,'' என, டாக்டர் பாலாஜி கூறினார். பின், அவரிடம், 'வேறு ஏதேனும் ஆவணங்களில் ஜெயலலிதா, கைரேகை வைத்தாரா' என்ற, கேள்விக்கு, ''அந்த ரேகை மட்டும் என் முன்னிலையில் வைக்கப்பட்டது; மற்றவை பற்றி, அப்பல்லோ டாக்டர் பாபுவிடம் கேளுங்கள்,'' என்றார்.டாக்டர் பாபுவோ, ''அப்படி ஏதும் நடக்கவில்லை,'' என்றார்.

Read More

சசிக்கு எதிராக 1.5 லட்சம் பேர் கையெழுத்து

சென்னை : தமிழக முதல்வராக சசிகலா பதவியேற்பதற்கும் எதிராக நெட்டிசன்கள் கையெழுத்து இயக்கம் ஒன்றை ஆன்லைனில் நடத்தி வருகின்றனர்.

சசிக்கு எதிராக கையெழுத்து இயக்கம் :

சசிகலாவுக்கு எதிராக www.change.org என்ற இணையதளத்தில் ஆன்லைன் மூலம் கையெழுத்துக்கள் பெறப்பட்டு வருகிறது. பிப்ரவரி 05 (நேற்று) இந்த கையெழுத்து இயக்க தளம் உருவாக்கப்பட்டுள்ளது. இதுவரை சுமார் 1,55,447 க்கும் அதிகமான கையெழுத்துக்கள் சசிகலா முதல்வராவதற்கு எதிராக பெறப்பட்டுள்ளது. இந்த கையெழுத்து தளம் துவங்கப்பட்ட 15 நிமிடத்திற்குள் 10,000 பேர் தங்களின் கையெழுத்துக்களை பதிவு செய்துள்ளனர்.
ஆன்லைன் மூலம் பெறப்படும் இந்த கையெழுத்துக்களை ஜனாதிபதி, தமிழக கவர்னர் மற்றும் இந்திய தலைமை தேர்தல் கமிஷன் ஆகியோருக்கு அனுப்ப உள்ளதாக தெரிவிக்கப்பட்டுள்ளது.

www.change.org

Read More

ஒருமுறை ஓட்டு போட்டு மூன்று முதல்வர்களை கண்ட தமிழர்கள் நாம்!

தமிழக முதல்வராக சசிகலா நடராஜன் பதவியேற்க உள்ளது தான் தமிழகத்தின் தற்போதைய ஹாட் டாப்பிக்காக உள்ளது. கடந்த மே 16-ஆம் தேதி 15-வது தமிழ்நாடு சட்டமன்ற தேர்தல் நடைபெற்றது. இதில் வெற்றி பெற்ற அதிமுக ஜெயலலிதா தலைமையில் ஆட்சியை தொடர்ந்தது.

ஒரு வருடம் கூட முடிவடையவில்லை, ஆனால் அதற்குள் மூன்று முதல்வர்கள் வர உள்ளனர். ஒரே ஒருமுறை தான் மக்கள் ஓட்டு போட்டார்கள், ஆனால் மூன்று முதல்வர்களை காண உள்ளனர் என பலரும் சமூக வலைதளங்களில் விமர்சித்து வருகின்றனர்.

முதல்வராக இருந்த ஜெயலலிதா உடல் நலக்குறைவால் மரணமடைந்ததையடுத்து ஓ.பன்னீர்செல்வம் அடுத்த முதல்வராக பதவியேற்றார். ஆனால் மூன்றாவது முதல்வராக தற்போது சசிகலா பதவியேற்க உள்ளார்.

நேற்று அதிமுக சட்டமன்ற கட்சி தலைவராக சசிகலா தேர்ந்தெடுக்கப்பட்டு முதல்வராக அறிவித்தனர். இது தமிழகம் முழுவதும் பரபரப்பாக பேசப்படுகிறது. பல்வேறு தரப்பில் இருந்து அவருக்கு விமர்சனங்கள் எழுந்துள்ளன.

the people of TN are so lucky in one way.. you just have to cast your vote once and you get to see three Chief Ministers.. WHATTE WAAAWWW !
— Dhaya Alagiri (@dhayaalagiri) February 5, 2017

இந்நிலையில் முன்னாள் அமைச்சர் மு.க.அழகிரியின் மகன் தயாநிதி அழகிரி தனது டுவிட்டர் பக்கத்தில் தமிழ்நாட்டு மக்கள் கொடுத்துவைத்தவர்கள். ஒரு ஓட்டுக்கு மூன்று முதலமைச்சர்கள். வாவ்.. என டுவீட் செய்துள்ளார்.

Read More

அ.தி.மு.க.வின் பொதுசெயலாளர் பதவி முதல் முதலமைச்சர் தேர்வு வரை... என்ன நடந்தது?

இன்று அ.தி.மு.க., கட்சி தலைமை அலுவலகத்தில் நடைபெற்ற எம்.எல்.ஏ.க்கள் கூட்டத்தில் அந்தக் கட்சியின் சட்டமன்ற குழுத் தலைவராக சசிகலா தேர்வு செய்யப்பட்டார். மேலும், ஒ.பன்னீர்செல்வம் தனது முதலைமைச்சர் பதவியை ராஜினாமா செய்ததோடு, சசிகலா முதலமைச்சர் பொறுப்பேற்று கொள்வதற்கும் முன்மொழிந்துள்ளார்.

கடந்த டிசம்பர் 5 ஆம் தேதி தமிழகத்தின் முதல்வரும், அ.தி.மு.க.வின் பொது செயலாளருமான ஜெயலலிதா இறந்தார். அன்று இரவே அவசர அவசரமாக கட்சி அலுவலகத்தில் அமைச்சர்கள் மற்றும் எம்.எல்.ஏ க்கள் கூட்டம் நடத்தப்பட்டு, சட்டமன்ற உறுப்பினர்களின் தலைவராக ஒ.பன்னீர்செல்வம் தேர்ந்தெடுக்கப்பட்டார். அதன்பிறகு தமிழகத்தின் முதல்வராக  ஒ.பன்னீர்செல்வத்துக்கு, ஆளுநர் வித்யாசாகர ராவ் பதவி பிரமாணம் செய்துவைத்தார். ஒ.பன்னீர்செல்வம் முதலமைச்சராக பதவி ஏற்றக்கொண்ட பின்னர் தான் ஜெயலலிதாவின் உடல் அப்போலோ மருத்துவமனையை விட்டு வெளியே வந்தது. இந்த நிலையில், 'சசிகலா தான் கட்சியின் பொதுச் செயலாளராக பதவி ஏற்க வேண்டும்' என அ.தி.மு.க.,வின் மூத்த அமைச்சர்கள் பலர் கூறி வந்தனர். இந்தச் சூழலில் டிசம்பர் 29-ம் தேதி சென்னை வானகரத்தில் அதிமுகவின் பொதுக்குழு கூட்டப்பட்டது. அதில் ஒரு மனதாக கட்சியின் பொதுச் செயலாளராக சசிகலா நியக்கப்பட்டார். அடுத்த நாள், மாலை எம்.ஜி.ஆர் மற்றும் ஜெயலலிதா சமாதியில் மலர்வளையம் வைத்துவிட்டு உறுதிமொழி எடுத்துகொண்டார் சசிகலா. அதன்பின்னர், 31-ம் தேதி நண்பகல், அதிமுக கட்சி தலைமை அலுவலகத்தில் பொதுச்செயலாளராக, அமைச்சர் மற்றும் சட்டமன்ற உறுப்பினர்கள் முன்னிலையில் சசிகலா பொறுப்பேற்றுக்கொண்டார்.

கழகத்தின் பொதுச்செயலாளராக சசிகலாவும், முதலமைச்சராக பன்னீர்செல்வமும் செயல்பட்டு வந்த நிலையில், நாடாளுமன்ற துணைச் சபாநாயகர் தம்பிதுரை, செங்கோட்டையன், சைதை துரைசாமி உள்ளிட்ட பல மூத்த அமைச்சர்கள் சசிகலா தான் முதலமைச்சராகவும் இருக்கவேண்டும் என்று கருத்து கூறி வந்தார்கள். இதனால் அ.தி.மு.க.வில் உட்கட்சி பூசல்கள் முளைக்கத் தொடங்கின. அ.தி.மு.க.வின் உறுப்பினர்கள் பலர் அக்கட்சியை விட்டு வெளியேறவும் செய்தனர். அவர்களில் பலர் ஜெயலலிதாவின் அண்ணன் மகளான தீபாவை அரசியலுக்கு வர வேண்டும் எனக் கோரிக்கை வைத்தனர். இதன் பிறகு தமிழகம் முழுவதும் அ.தி.மு.க.வின் சார்பில் சசிகலா முதலமைச்சராக பதவியேற்க வேண்டும் என்று கோஷம் ஒலிக்கதொடங்கியது. 'சின்னம்மா தமிழகத்தை ஆள வேண்டும்' என்ற விளம்பர பேனர்களும் வைக்கப்பட்டன. இந்த நிலையில் நாடாளுமன்ற துணை சபாநாயகரான தம்பிதுரை கட்சியின் கழக பொதுச் செயலாளர், முதலமைச்சர் ஆகிய இந்த இரண்டு பொறுப்பும் ஒருவரிடமே இருக்கவேண்டும் என்றும் அதற்கு சசிகலா தமிழகத்தின் முதலமைச்சராக பதவி ஏற்க வேண்டும்' என்று அதிகார பூர்வ அறிக்கையை வெளியிட்டார். அந்த  அறிக்கையால், கட்சியில் நிறைய குழப்பங்களும், சண்டைச் சச்சரவுகளும் வரத் தொடங்கின.

கடந்த ஜனவரி 26 ஆம் தேதி நடந்த குடியரசு தின விழாவில் தமிழகத்தில் எந்த முதலமைச்சருக்கும் கிடைக்காத ஒரு வாய்ப்பு பன்னீர்செல்வத்துக்குக் கிடைத்தது. அதாவது குடியரசு தினத்தில் தனது மனைவி மற்றும் பேரக் குழந்தைகளுடன் கலந்துக்கொண்ட பன்னீர்செல்வம்  தேசியக் கொடியேற்றினார். வழக்கமாக, குடியரசுத் தின விழாவில் கவர்னர்தான் கொடியேற்றுவார். தமிழகத்துக்குப் பொறுப்பு ஆளுநர் என்பதால், அவர் மகாராஷ்டிரா மாநில குடியரசுத் தின விழாவில் இருந்ததால் ஒ.பன்னீர் செல்வதுக்கு இந்த அரிய வாய்ப்பு கிடைத்தது. ஜல்லிக்கட்டுப் போராட்டத்தின் விளைவாக ஜல்லிக்கட்டுக்கானச் சட்டம் கொண்டு வந்ததன் மூலம், தமிழக மக்களிடையே ஒருவித நன்மதிப்பைப் பெறத்தொடங்கினார் பன்னீர்செல்வம். இது சசிகலாவின் குடும்பத்துக்கு தாங்கிக் கொள்ளமுடியாத கோபத்தை உண்டாக்கியது. இதன் விளைவாக 27 ஆம் தேதி கட்சியின் தலைமை அலுவலகத்தில் எம்.எல்.ஏ களுடனான கூட்டம் நடைபெற்றது. இதில் கலந்துகொண்ட சசிகலா "அம்மாவின் பிறந்தநாளை நாம் வெகு சிறப்பாகக் கொண்டாடவேண்டும் என்றும் உங்களுக்கு ஏதேனும் குறைகள் இருந்தால் தயங்காமல் சொல்லாலாம்" என்றும் கூறினார். மேலும், "அம்மா விட்டு சென்ற இந்தக் கழக பணிகளை நாம் சிறப்பான முறையில் வழிநடத்த வேண்டும்." என்றார். இது மறைமுகமாக பன்னீர்செல்வத்துக்கு வைக்கப்பட்ட 'செக்' என்று அ.தி.மு.க. அலுவலகத்தில் செய்திகள் பரவியது. இதற்கு அடுத்தபடியாக சசிகலா தனது குடும்ப உறுப்பினர்களுடனும், ஜோசியருடனும் கலந்து பேசினார். அது தன்னை முதலமைச்சராக்கிக் கொள்ளவேண்டும்  என்பதற்கான ஆலோசனைக் கூட்டம் என அக்கட்சியின் முக்கியப் பொறுப்புகளில் உள்ளவர்களிடம் இருந்து செய்திகள் வந்தன.

சென்னை, திருவள்ளுவர், காஞ்சிபுரம் மாவட்ட நிர்வாகிகளுடன் (4-2-17) கூட்டம் நடத்தப் போவதாக அழைப்பு விடுக்கப்பட்டு கூட்டம் நடந்தது. அதற்கு 'சின்னம்மா தலைமையில் நாளை (5-2-17) நடக்கபோகும் கூட்டத்துக்கு அனைவரும் அவசியம் வரவேண்டும் என்றும் போயஸ் கார்டனிலிருந்து கட்சி அலுவலகம் வரை சசிகலாவை வரவேற்க ஒவ்வொரு நிர்வாகியும் ஆட்களை அழைத்து வரவேண்டும்' என்று உத்தரவு விடப்பட்டிருந்தது. மேலும், அனைத்து எம்.எல்.ஏ.க்களுக்கும், மாவட்டச் செயலாளர்களுக்கும் மீட்டிங்கில் அனைவரும் தவறாமல் கலந்துக் கொள்ளவேண்டும் என்பதோடு மற்றோர் அறிவிப்பும் இடம் பெற்றிருந்தது. அதில் 'உங்கள் தொகுதிகளுக்கு என்னென்ன தேவையோ? அதையெல்லாம் ஒரு லிஸ்ட் போட்டு எடுத்து வரவேண்டும் என்றும் சொல்லப்பட்டிருந்தது. அதனால் அனைத்து மாவட்டங்களிருந்த எம்.எல்.ஏக்களும் எதற்காக இதெல்லாம் கேட்கிறார்கள் என்கிற குழப்பத்துடனே வந்திருந்தனர்.

இந்த நிலையில் இன்று (5-2-17) காலை எண்ணூர் கப்பல் விபத்து பகுதிகளை முதல்வர் பன்னீர்செல்வம் பார்வையிட்டார். அவருடன் அமைச்சர்கள் ஜெயகுமார், பெஞ்சமின் ஆகியோரும் உடனிருந்தனர். அப்போது பேசிய பன்னீர்செல்வம், 'இன்னும் ஓரிரு தினங்களில் இந்தப் பிரச்னை முடிவுக்கு வந்துவிடும்' என்று சொன்னார். அப்போது பத்திரிகையாளர்கள் சசிகலா முதல்வராக பதவி ஏற்க முயற்சிகள் நடந்து வருவதாக செய்திகள் வருகிறதே என்று கேட்க. அதற்கு பன்னீர்செல்வம் புன்சிரிப்பை மட்டும் பதிலாக தந்து இடத்தை காலி செய்தார். அதன் பின், சுமார் மதியம் ஒரு மணியளவில், நடைபெற்ற கூட்டத்தில் அனைத்து எம்.எல்.ஏ.க்களிடமும் அ.தி.மு.க வின் சட்டமன்ற குழுத் தலைவராக சசிகலாவை ஏக மனதாக ஏற்றுக்கொள்கிறோம் என்று பன்னீர்செல்வம் முன்னிலையில் கையெழுத்து வாங்கப்பட்டது. சரியாக இரண்டரை மணியளவில் அனைவரிடமும் கையெழுத்து வாங்கி முடிக்கப்பட்டது. அதன்பின் மூன்று மணியளவில் பன்னீர்செல்வம், "தமிழக முதலமைச்சரான ஒ.பன்னீர்செல்வம் ஆகிய நான் சட்டமன்ற குழுத் தலைவராக சின்னம்மா பதவி ஏற்பதை வழிமொழிகிறேன். மேலும் தற்போது நான் வகித்துவரும் முதலமைச்சர் பதவியை ராஜினாமா செய்யப்போகிறேன் என்றும் இந்த ராஜினாமா கடிதத்தை ஆளுநரிடம் சமர்பிக்கபோவதாகவும்" கூறினார்.

உடனே கரவொலியில் அதிர்ந்த கட்சி அலுவலகம் இதை நாங்கள் ஒரு மனதாக வரவேற்கிறோம் என்று கூறினார்கள். இந்தச் செய்தியானது அப்பொழுதே போயஸ்கார்டனுக்கு அனுப்பப்பட்டது. அங்கிருந்து சில நிமிடங்களில் கட்சி அலுவலகத்துக்கு விரைந்து வந்தார் சசிகலா. அவரை சிரித்த முகத்துடன் வரவேற்றார் பன்னீர்செல்வம். பின் கூட்டத்தில் பேசிய சசிகலா "ஒரு மனதாக என்னை தேர்ந்தெடுத்தமைக்கு நன்றியினைத் தெரிவித்துக்கொள்கிறேன். அம்மா இறந்த உடனே பன்னீர்செல்வம் என்னை முதல்வராக பொறுப்பேற்று கொள்ள வேண்டும் என்று கூறினார். ஆனால் அப்போதைய மனநிலையில் நான் முதல்வராக பொறுப்பேற்றுக் கொள்ள மறுத்துவிட்டேன். அதன்பின் அனைவருமே என்னை முதலமைச்சராக பதவி ஏற்க வேண்டும் என்று கூறினார்கள். அதனால்தான் தற்போது முதலமைச்சர் பதவியை ஏற்றுக்கொள்ள முன்வந்தேன். மேலும் அம்மாவின் வழியை நாம் பின்பற்றி கட்சியினை வழிநடத்த வேண்டும். நாம் அனைவரும் ராணுவக் கட்டுப்பாட்டுடன் இருக்கவேண்டும்" என்று சொல்லிவிட்டு புறப்பட்டார் சசிகலா.

Read More

பன்னீர்செல்வத்துக்கு முதல்வர் பதவி வரமா... சாபமா?

முதல்வர் பதவி, ஒ.பன்னீர்செல்வத்துக்கு வரமா? சாபமா? என்ற முடிவுக்கு வரமுடியவில்லை. ஜெயலலிதா முதல்வர் பதவியிலிருந்து விலகும் சூழல் ஏற்படும் போதெல்லாம் முன்னிறுத்தப்பட்டது இவர் தான். 'பதவியை திரும்பக் கொடு' என்று கேட்டாலும் சிரித்துக் கொண்டே  கொடுத்துவிட்டுச்  செல்வதும் இவர் தான். 'பதவி என்பது தோளில் கிடக்கும் துண்டுப் போன்றது' என்பார் அறிஞர் அண்ணா. அவருடைய இந்த வரி  நாவலர் நெடுஞ்செழியனுக்கு பிறகு ஓ. பன்னீர்செல்வத்திற்குத்தான் சரியாகப் பொருந்தி போகிறதோ என்று தோன்றுகிறது. தோளில் கிடக்கிற துண்டைத் தொடர்ந்து நழுவ விடுவதற்கு நிர்பந்திக்கப்பட்டவர் ஒ.பன்னீர்செல்வம். 2001 - ல் இருந்து தேனி மாவட்டம் பெரியகுளம் மற்றும் போடி நாயக்கனுர் தொகுதிகளில் வெற்றிப் பெற்று சட்டமன்றத்திற்கு வந்தவர். பொதுப்பணித் துறை, வருவாய்த் துறை, நிதித் துறை ஆகிய துறைகளின் அமைச்சராகவும் இருந்துள்ளார்.

டான்சி வழக்கு தந்த முதல்வர் பதவி

ஜெயலலிதாவின் நம்பிக்கையைப் பெற்றவர் ஒ. பன்னீர்செல்வம் என்று சொல்வார்கள். 2001 - ல் அமைச்சராக பதவி ஏற்றபோது ஒ.பன்னீர்செல்வம் மானியக் கோரிக்கையைச்  சரியாக படிக்காத காரணத்தால் அவையில் இருந்தவர்கள் நகைத்தாகவும் அரசியல் ஆர்வலர்கள் சொல்வார்கள். அதே ஆண்டு டான்சி வழக்கு காரணமாக முதல்வர் பதவியை, ஜெயலலிதா தொடர முடியாத நிலை ஏற்பட்டபோது  முதலமைச்சராக பதவி ஏற்றார் ஒ .பன்னீர்செல்வம். 2002 வரை முதல்வராக பதவி வகித்து வந்த ஒ.பன்னீர்செல்வம் ஜெயலலிதாவின் வார்த்தையைத்  தட்டாமல் கடைமை ஆற்றினார். பின்னர், டான்சி வழக்கில் இருந்து ஜெயலலிதா  நீக்கப்பட்டதும் மீண்டும் முதல்வர் பதவி வேண்டும் என்றார். அப்படியே சிரித்துக் கொண்டே பொறுப்பை ஜெயலலிதாவிடம் ஒப்படைத்தார்.

சொத்துக்குவிப்பு வழக்கு தந்த முதல்வர் பதவி

இதனைத் தொடர்ந்து 1991–96 ஆண்டுகளில் ஜெயலலிதா முதல்வராக இருந்தபோது வருமானத்துக்கு அதிகமாக சொத்து வழக்கில் பெங்களூர் சிறப்பு நீதிமன்றம் 2014 - ல் ஜெயலலிதா குற்றவாளி என்று அறிவித்தது. அதன் காரணமாக மீண்டும் பதவியில் இருந்து இறங்கினார். சிறையில் இருந்த ஜெயலலிதா, பன்னீர்செல்வத்தை முதல்வர் பதவியை ஏற்குமாறு கூறினார். ஜெயலலிதாவின் உத்தரவின்படியே ஒ.பன்னீர்செல்வமும் மீண்டும் முதல்வராக பதவி ஏற்றார். பின்னர் 2015 - ஜெயலலிதா சார்பில் மேல் முறையீடு செய்யப்பட்ட மனுவை விசாரித்த நீதிபதி குமாரசாமி சொத்துகுவிப்பு வழக்கில் இருந்து ஜெயலலிதாவை விடுவித்தார். குமாராசாமியின் இந்தத் தீர்ப்பு குறித்து விமர்சனங்கள் எழுந்த நிலையில் வெளியில் வந்த ஜெயலலிதா மீண்டும் முதல்வர் 'பதவியைக் கொடு' என்றதும் சிரித்துக் கொண்டே பதவியைக் கொடுத்தார். இந்த நிலையில் (2016 மே மாதம் ) கடந்த ஆண்டு தமிழநாடு சட்டமன்றத் தேர்தல் நடைபெற்றது.

கண்ணீரில் வந்த முதல்வர் பதவி

அ.தி.மு.க இந்தத் தேர்தலில் வெற்றிப் பெற்று ஆட்சி அமைத்தது. ஜெயலலிதா தலைமையில் ஆட்சி நடைபெற்று வந்த நிலையில் கடந்த செப்டம்பர் 22 - ம் ஜெயலலிதாவுக்கு ஏற்பட்ட  உடல்நலக்குறைவு காரணமாக மருத்துவமனையில் அனுமதிக்கப்பட்டார். நலமாக இருக்கிறார் என்று மருத்துவமனை அறிக்கைகள் சொல்லின. 70 நாட்கள் சிகிச்சைப்பெற்று வந்தவருக்கு தீடீரென ஏற்பட்ட மாரடைப்பால் முதல்வர் ஜெயலலிதா மரணமடைந்து விட்டார் என்ற அறிவிப்பை வெளியிட்டனர்.ஜெயலலிதாவின் மரணம் தமிழகத்தில் மிகப்பெரிய அதிர்வலைகளை ஏற்படுத்தியது. ஜெயலலிதா மரண அறிவிப்பை வெளியிட்ட சில மணி நேரங்களில் முதலமைச்சராக ஒ.பன்னீர்செல்வம் பதவி ஏற்றார். அவருடன்  அமைச்சர்களும் பதவி ஏற்றனர். இந்த நிலையில் ஜெயலலிதா அறிமுகபடுத்தியவர் என்பதால்  பன்னீர்செல்வத்தை முதல்வராக தமிழக மக்கள் ஏற்றுக் கொண்டனர். முதலமைச்சராக ஒ. பன்னீர் செல்வம் இருந்தாலும் அ.தி.மு.க-வின் அசைக்க முடியாத சக்தியாக சசிகலா நடராஜன்தான் செயல்பட்டு வருகிறார் சொல்லபட்டது.

அதனை உறுதிபடுத்தும் விதமாக கடந்த டிசம்பர் 31 - ம் தேதி அ.தி.மு.க-வின் பொதுச் செயலாளராக சசிகலா நடராஜன்  பதவி ஏற்று  காண்பித்தார். இந்த நிலையில் சசிகலா  முதலமைச்சராக பொறுப்பேற்பதற்கான காய்களை நகர்த்தி வருகிறார் என்று தகவல் வெளியானது. இது குறித்து செய்தியாளர்கள்  ஒ.பன்னீர்செல்வத்திடம் கேட்டபோது சிரிப்பையே பதிலாக தந்தார். அவருடைய இந்தச் சிரிப்புக்கு பின்னால் மறைந்த உண்மை இதுதான் என்று தற்போது உறுதியாகிட்டது. அதேபோன்று முதல்வர்  பதவிக்கான  காய்களை  சசிகலா நகர்த்தியது உண்மையாகி விட்டது.

ராயப்பேட்டையில் அ.தி.மு.க தலைமை அலுவலகத்தில் (5.2.2017 ) ஞாயிற்றுக் கிழமை நடைபெற்ற அ.தி.மு.க.,வின் எம். எல். ஏக்கள் கூட்டத்தில் கட்சியின் சட்டமன்றக் குழு தலைவராக சசிகலா ஒரு மனதாக தேர்வு செய்யப்பட்டுள்ளார். இதனைத் தொடர்ந்து ஒ.பன்னீர்செல்வம் தனது பதவியை ராஜினாமா செய்துள்ளார். இதன்மூலம் தமிழகத்தின் முதல்வராக சசிகலா - நடராஜன் பதவி ஏற்பது உறுதியாகி விட்டது. பதவியை இப்போதும் சிரித்துக் கொண்டே விட்டுகொடுத்துள்ளார் ஒ.பன்னீர்செல்வம். ஆனால், இந்தச் சிரிப்புக்கு பின்னால்  உள்ள அர்த்தம்தான் என்ன என்பது புரியவில்லை. ஜெயலலிதாவுக்காக விட்டுக்கொடுத்த சிரிப்புக்கும் சசிகலாவுக்காக விட்டுக்கொடுக்கும் சிரிப்பும் நிச்சயம் வித்தியாசம் இருக்கக்கூடும்.

Read More

சசிகலா முதல்வர் ஆவதற்கு 75.13% பேர் எதிர்ப்பு

தமிழக முதல்வராக இருந்த ஜெயலலிதா உடல்நலக்குறைவு காரணமாக கடந்த டிசம்பர் 5ஆம் தேதி மரணமடைந்தார். அவருக்கு பின்னர் முதல்வராக பொறுப்பேற்றுள்ளார் ஓ.பன்னீர் செல்வம். இந்த நிலையில் ஜெயலலிதாவின் மறைவுக்குப் பின்னர் காலியாக இருந்த பொதுச்செயலாளர் பதவிக்கு சசிகலா நியமனம் செய்யப்பட்டுள்ளார்.

 அதிமுக நிர்வாகிகள், அமைச்சர்கள், எம்.எல்.ஏக்கள் நியமனம் செய்தாலும் அதிமுக தொண்டர்கள் மத்தியில் எதிர்ப்பு அலையே வீசுகிறது. இந்த நிலையில் சசிகலா முதல்வராக பொறுப்பேற்க போவதாகவும் தகவல்கள் வெளியாகி வருகின்றன.

அதிமுக நிர்வாகிகள் மத்தியில் சசிகலாவிற்கு ஆதரவு எப்படி உள்ளது என்று பல சர்வேக்கள் எடுக்கப்பட்டுள்ளன. மக்கள் மத்தியில் எடுத்த எடுத்த சர்வே ஒன்று வெளியாகியுள்ளது. அதில் சசிகலாவிற்கு எதிர்ப்பு அலையே வீசுகிறது. 11.174 பேரிடம் கேட்கப்பட்ட கேள்விகளும், அவர்கள் அளித்த பதில்களும் - சர்வே முடிவுகள் உங்கள் பார்வைக்கு.

Read More

பொதுச்செயலாளர் பொறுப்பை சசிகலா ஏற்று அ.தி.மு.க.வை சிறப்பாக வழிநடத்த வேண்டும் - பல்வேறு தரப்பினரும் தொடர்ந்து வலியுறுத்தல்

சென்னை : அ.தி.மு.க. பொதுச்செயலாளர் பொறுப்பை சசிகலா ஏற்று, மறைந்த முதல்வர் ஜெயலலிதாவின் வழியில், கட்சியை சிறப்பாக வழிநடத்துமாறு அ.தி.மு.க.வின் பல்வேறு அமைப்புகளைச் சேர்ந்த நிர்வாகிகள், மாவட்டக் கழக நிர்வாகிகள், கழகத் தொண்டர்கள், தொழிலதிபர்கள், பொதுமக்கள் உள்ளிட்ட பல்வேறு தரப்பினரும் தொடர்ந்து வலியுறுத்தி வருகின்றனர்.

அமைச்சர் வேண்டுகோள்

சென்னை போயஸ் தோட்ட இல்லத்தில், மறைந்த  முதல்வர் ஜெயலலிதாவுக்கு அஞ்சலி செலுத்திய பின்னர், அ.தி.மு.க. பொதுச் செயலாளர் பொறுப்பை சசிகலா ஏற்று கட்சியை வழிநடத்த வேண்டும் என அமைச்சர் கே.சி. வீரமணி உள்ளிட்டோர் வலியுறுத்தி கேட்டுக்கொண்டனர்.

சிவகங்கை மாவட்டம்

மறைந்த  முதல்வர் ஜெயலலிதாவுடன், 30 ஆண்டுகளுக்கும் மேலாக உடனிருந்து, அரசியல் நெளிவுசுளிவுகளை நன்கு அறிந்து வைத்துள்ள சசிகலாவால் மட்டுமே ராணுவ கட்டுப்பாட்டுடன் கழகத்தை நடத்த முடியும் என்பதால், கட்சியின் பொதுச் செயலாளர் பொறுப்பினை அவர் ஏற்று, அதிமுகவை வழிநடத்த வேண்டும் என சிவகங்கை மாவட்டத்தைச் சேர்ந்த பல்வேறு தரப்பினரும் வேண்டுகோள் விடுத்துள்ளனர்.

திண்டுக்கல் மாவட்டம்

தமிழகத்தையும், கழகத்தையும் வழிநடத்திச் செல்லும் வல்லமையும், ஆளுமையும் சசிகலா ஒருவருக்கு மட்டுமே உள்ளது என திண்டுக்கல் மாவட்ட பொதுமக்களும், கழக நிர்வாகிகளும் குறிப்பிட்டுள்ளனர்.

குமரி மாவட்டம்

தமிழக மக்களின் நலனுக்காக தவவாழ்க்கை வாழ்ந்து மறைந்த  முதல்வர் ஜெயலலிதா விட்டுச்சென்றப் பணிகளை, அவருக்கு உறுதுணையாக இருந்த சசிகலா தொடர வேண்டும் என கன்னியாகுமரி மாவட்ட அரசு அங்கீகாரம் பெற்ற சித்த மருத்துவர்கள் கேட்டுக்கொண்டுள்ளனர். மறைந்த  முதல்வர் ஜெயலலிதாவின் எண்ணத்தை நிறைவேற்றும் வகையில், கழகத்தைக் கட்டிக்காக்க சசிகலா பொதுச் செயலாளர் பதவி ஏற்க வேண்டி, மதுரை புறநகர் மாவட்டம் சார்பில், கழகத்தினர், மகளிர் அணியினர் உள்ளிட்ட ஏராளமானோர் உறுதிமொழி எடுத்துக்கொண்டனர்.

அண்ணா தொழிற்சங்கப் பேரவை தீர்மானம்

கழகப் பொதுச் செயலாளராக சசிகலா பொறுப்பேற்க வேண்டும் என்று தமிழகத்தில் மறைந்த  முதல்வர் ஜெயலலிதா விட்டுச் சென்ற பணிகளை சசிகலா உடனே தொடர வேண்டும் என்றும், திருநெல்வேலி, தூத்துக்குடி மண்டல அரசு போக்குவரத்துக் கழக அண்ணா தொழிற்சங்கப் பேரவை சார்பில் நடைபெற்ற ஆலோசனைக் கூட்டத்தில் தீர்மானம் நிறைவேற்றப்பட்டது.

Read More

ஜெ., பெரியம்மா, சசி சின்னம்மா: பொன்னையன் கண்டுபிடிப்பு

சென்னை: கடந்த வாரம் வரை, அதிமுகவில் சிலர் பொதுச்செயலாளர் ஆவர் என வரும் வதந்திகளை நம்ப வேண்டாம். கட்சியின் பொதுக்குழு, செயற்குழு தேர்வு செய்பவரே பொதுச் செயலாளர் ஆவார்'' எனக் கூறி வந்த மாஜி அமைச்சர் பொன்னையன், இன்று சசிகலாவிடம் திடீர் சரண்டர் ஆனார். அதிமுக பொதுச் செயலாளராக, சசிகலா ஏக மனதாக தேர்வு செய்யப்படுவதற்காக கட்சியில் உள்ள விதிமுறைகள் தளர்த்தப்படும்' என திடீர் பல்டி அடித்தார்.

பொன்னையன் பேட்டி:

இன்று காலை ஜெயலலிதா நினைவிடத்தில் நிருபர்களிடம் பேசும்போது பொன்னையன் இவ்வாறு தெரிவித்தார். அப்போது, ஜெயலலிதா பற்றி குறிப்பிடும்போது, பெரியம்மா என்ற புதிய வார்த்தையை முதன்முறையாக பயன்படுத்தினார்.கடந்த வாரம் சொன்னதில் இருந்து மாறுபட்டு இன்று பொன்னையன் இப்படி கூறியதைக் கேட்ட அங்கிருந்த கட்சி தொண்டர்கள், அவர் சசிகலாவிடம் சரண்டர் ஆகி விட்டதாக பேசிக்கொண்டனர்.

English Summary:

Chennai: Until last week, some of the AIADMK general secretary, as are those who do not believe the rumors. Party's General Council, the Executive Secretary is the giver of choice '', claiming that the former minister ponnaiyan, Sasikala today became the sudden surrender. AIADMK general secretary, Shashikala unanimously chosen to be done in terms of the lifting of the party as "sudden somersault scored.

Read More

தொடருது காலில் விழும் கலாச்சாரம்: சசிகலாவுக்கும் அதே மரியாதை

சென்னை: முன்னாள் முதல்வர் ஜெயலலிதா மறைந்தாலும் அவரது காலில் விழும் கலாச்சாரத்தை தற்போதைய அமைச்சர்களும் கடைபிடித்து அதனை துவக்கிவிட்டனர்.

இன்று சென்னை மெரினாவில் உள்ள ஜெ., நினைவிடத்தில் முதல்வர் ஓ.பன்னீர் செல்வம் உள்ளிட்ட அமைச்சர்கள் அஞ்சலி செலுத்த வந்தனர். அங்கு சசிகலாவும் வந்திருந்தார். பின்னர் அங்கு வைக்கப்பட்டிருந்த ஜெ., உருவபடத்திற்கு மலரஞ்சலி செலுத்திய அமைச்சர்கள் சிலர் அருகே நின்றிருந்த சசிகலா காலில் திடீரென விழுந்து வணங்கினர். இதன் காட்சி டி.வி.,களில் ஒளிபரப்பு செய்யப்பட்டது அந்த விடியோ காட்சிகள் தற்போது சமூக வலைதளங்களில் வைரலாக பரவி வருகிறது. இந்திய அரசியலில், வயது வித்தியாசம் இன்றி அமைச்சர்கள், எம்.எல்.ஏ.கள், கட்சி நிர்வாகிகள் ஜெ.,காலில் விழுவதை கலாச்சாரமாக வைத்திருந்தனர். அதே கலாச்சாரம் இன்று அரங்கேறியது.

தற்போது ஜெ.,மறைந்ததையடுத்து அவரது இடத்திற்கு வர துடிக்கும் சசிகலாவிற்கு ஆதரவும் எதிர்ப்பு கிளம்பி வருகிறது. இந்நிலையில் ஜெயலலிதா நினைவிடத்தில் முதல்வர் படத்திற்கு அஞ்சலி செலுத்தும் நிகழ்ச்சியில், அமைச்சர்கள் ராஜேந்திரபாலாஜி உட்பட பல அமைச்சர்கள் ஜெ.,படத்திற்கு மலர் தூவி , சசிகலா காலில் விழுந்து வணங்கி சென்ற காட்சி வீடியோக பதிவாகியுள்ளது.

English Summary:

Chennai: Former Chief Minister and ministers adopted the current culture it triggered a fall at his feet disappear.

Read More

அ.தி.மு.க., பொதுச்செயலர் சசிகலா? குழப்பம் ஏற்படும் என்கிறார் சாமி

சென்னை: ஜெயலலிதா இல்லாத அ.தி.மு.க.,விற்கு ஜாதிய பின்புலத்துடன், சசிகலா பொதுச் செயலர் ஆவதற்கு முயற்சிக்கிறார். அதை, மற்ற ஜாதிகளை சேர்ந்த கட்சியினர் புரிந்து கொண்டு, அந்த நடவடிக்கையை முறியடிக்க வேண்டும் என, பா.ஜ., மூத்த தலைவரும் ராஜ்யசபா எம்.பி.,யுமான சுப்பிரமணியன்சாமி கூறினார்.
இது தொடர்பாக, அவர் அளித்த பேட்டி;

எதிர்ப்பாக:

தமிழகத்தைப் பொறுத்த வரை, ஜெயலலிதா மறைவுக்குப் பின், அரசியல் ரீதியில் வெற்றிடம் ஏற்பட்டிருப்பது நிஜம்தான். ஜெயலலிதாவோடு, தனிப்பட்ட முறையில் எனக்கு எவ்வித முரண்பாடுகளும் இருந்ததில்லை. அவர், சிலரின் கைப்பாவையாக மாறி, தமிழக நலன்களுக்கு எதிராக செல்கிறார் என்பதை ஆதாரப்பூர்வமாக அறிந்த பின் தான், அவருக்கு எதிர்ப்பாக செயல்பட துவங்கினேன்.

காரணம் கருணாநிதி:

தி.மு.க., இந்துத்துவாவுக்கு எதிராக இருப்பதோடு, ஊழல் செய்யும் கட்சிகளில் முதன்மையானதாக இருப்பதால்தான், அக்கட்சியையும்; அக்கட்சித் தலைவர்களையும் எதிர்த்தேன். ராமர் சேது விவகாரம் தொடர்பாக, அப்போதைய முதல்வர் கருணாநிதி, நான் சொல்லும் விபரங்களை, காது கொடுத்து கேட்டிருந்தால், சேது சமுத்திரத் திட்டத்தை செயல்படுத்த அவர்கள் இவ்வளவு மும்முரமாக இருந்திருக்க மாட்டார்கள். சிலரின் சுய நலன்களுக்காக ஆயிரக்கணக்கான் கோடிகளை கொட்டி போடப்பட்ட திட்டம், அப்படியே கிடப்பில் கிடப்பதற்கான் காரணம் கருணாநிதியும், அவர் கூட இருந்தவர்களும்தான்.
அதேபோலத் தான் பல விஷயங்களிலும் ஜெயலலிதா செயல்பட்டிருக்கிறார். அரசியலைத் தவிர்த்து விட்டு, மக்கள் நலன் குறித்து யோசிக்க வேண்டும். இதை செய்யாத எந்த கட்சி, ஆட்சி நடத்தினாலும், அது மக்கள் விரோத அரசுதான். எழும் கேள்விகள்:
ஜெயலலிதா உடல் நிலை பாதிக்கப்பட்டுள்ளது என்று தெரிந்ததுமே, நான் டுவிட்டர் பக்கத்தின் மூலம் ஜெயலலிதாவுக்கு, மருத்துவம் தொடர்பான என் ஆலோசனைகளை வழங்கினேன். ஆனால், கூடவே இருந்து ஜெயலிதாவுக்கு மருத்துவ சிகிச்சைக்கு உதவியதாக அடையாளம் காட்டிக் கொண்டவர்கள், அந்த சிகிச்சைக்கு சம்மதம் தெரிவிக்கவில்லை. இதன் பின்புலம் என்ன? அதனால்தான், சிலர் ஜெயலலிதா மறைவை ஒட்டி, சசிகலாவை மையமாக வைத்து, ஆயிரம் ஆயிரம் கேள்விகளை எழுப்புகின்றனர்.

அ.தி.மு.க.தொண்டன் ஏற்கமாட்டான்:

ஜெயலலிதா மரணம் குறித்த சர்ச்சைகள் தொடர்ந்து கொண்டே இருக்கிறது. அதே போலத்தான், சசிகலா மற்றும் அவரது கணவர் குறித்த நடவடிக்கைகள். 2011ல், தனக்கு எதிராக இவர்கள் எல்லாம் சதி திட்டம் தீட்டினார்கள் என்று சொல்லி, ஒட்டுமொத்த சசிகலா குடும்பத்தினரையும் ஒதுக்கி வைத்தார் ஜெயலலிதா. குடும்பத்தினர் பலர் மீதும் வழக்குப் போட்டு, ஓரம்கட்டி வைக்கப்பட்டிருந்த பலரும், இப்போது, ஜெயலலிதா இறந்ததும், உடலை சுற்றி, நின்று கொண்டு, தமிழக மக்களுக்கு தங்களை அடையாளப்படுத்திக் கொண்டனர்.
இதை, தமிழக மக்கள், அதிமுகவினர் ரசிக்கவில்லை. சசிகலா குடும்பத்தினரை, ஒரு அ.தி.மு.க., தொண்டன் கூட ஏற்க மாட்டான். சசிகலா, கட்சியின் பொதுச் செயலர் ஆக வேண்டும் என துடிப்பதாகத் தெரிகிறது. ஒரே இனத்தைச் சேர்ந்தவர்களே முதல்வராகவும்; ஆளும்கட்சியின் பொது செயலரகவும் இருக்கலாமா என, தமிழகத்தின் பிரதான ஜாதிகளான கவுண்டர், நாடார், வன்னியர் இனத்தைச் சேர்ந்த கட்சியினர் கேட்கின்றனர். சசிகலா, கட்சியின் பொது செயலர் ஆகும் முயற்சியையும் எதிர்க்கின்றனர்.
இதை, சாதாரணமாக எடுத்துக் கொள்ள முடியாது. இதெல்லாம் பெரிதாக வெடிக்குமானால், யாரும் முயற்சிக்காமல், அ.தி.மு.க., தானாகவே உடையும். ஏற்கனவே ஜெயலலிதாவை அப்பல்லோவில் வைத்துக் கொண்டு, செயல்படாத அரசை நடத்தியவர்கள், இனியாவது, வேகமான ஆட்சியை தருவரா என்பதை பார்க்க வேண்டும்.
ஜெயலலிதா தொடர்பான சொத்துக்களை பங்கிடுவதில் சிக்கல் ஏற்பட்டுள்ளதாக தகவல் வந்துள்ளது. முறைகேடாக எதுவும் நடக்கக் கூடாது. அப்படி நடந்தால், சட்டத்துக்கு புறம்பாக செயல்பட நினைப்பவர்களுக்கு, கட்டாயம் சிக்கல் ஏற்படும்.
இவ்வாறு அவர் பேட்டியளித்தார்.

English Summary:

Chennai: AIADMK, Jayalalithaa absence, to the backstory of caste, is trying to become the general secretary Shashikala. If it does, both the understanding of the other nations, to break the action, senior BJP leader and Rajya Sabha MP said subramani sami.In this regard, he gave an interview;

Read More

எம்.ஜி.ஆர். நினைவிடம் பெயர் மாற்றம் அமைச்சரவை தீர்மானம்

சென்னை: எம்.ஜி.ஆர். நினைவிடத்தின் பெயரை மாற்றுவது என தமிழக அமைச்சரவை கூட்டத்தில் தீர்மானம் நிறைவேற்றப்பட்டது.

அமைச்சரவை தீர்மானம்:

முதல்வர் பன்னீர் செல்வம் தலைமையில் இன்று அமைச்சரவை கூட்டம் நடைபெற்றது. இதில் எம்.ஜி.ஆர். நினைவிடத்தின் பெயரை மாற்றுவது எனவும், அதற்கு பதிலாக எம்.ஜி.ஆர்.மற்றும் ஜெயலலிதா நினைவிடம் என பெயர்மாற்றி அமைப்பது எனவும், ஜெயலலிதாவிற்கு பாரத ரத்னா விருதுக்கு பரிந்துரைப்பது மற்றும் பார்லி மென்ட்டில் வெண்கலச்சிலை அமைக்க மத்திய அரசிடம் வலியுறுத்துவது எனவும்,. மேலும் ஜெயலலிதாவின் படத்தை சட்டசபையில் வைக்க வேண்டும் எனவும் அமைச்சரவையில் தீர்மானம் நிறைவேற்றப்பட்டது.

ஜெ.,நினைவிடம் அமைக்க ரூ.15 கோடி நிதி ஒதுக்கீடு:

ஜெ.,நினைவிடம் அமைக்க ரூ.15 கோடி நிதி ஒதுக்கீடு செய்யப்பட்டிருப்பதாக அமைச்சர் விஜயபாஸ்கர் கூறினார். இது குறித்து அவர் கூறுகையில் மறைந்த முதல்வர் ஜெயலலிதாவிற்கு ரூ.15 கோடி மதிப்பீட்டில் நினைவிடம் அமைப்பதற்கு அரசாணை வெளியிடப்பட்டுள்ளது என கூறினார்.

English Summary:

M.G.R Changing the name of the memorial resolution passed at a meeting of the State Cabinet.

Read More

தேர்தல் பிரசாரத்தில் காங் - அதிமுக மோதல்: வேட்பாளர் மகன் மீது வழக்கு

புதுச்சேரி: தேர்தல் பிரசாரத்தில் காங்கிரஸ், அதிமுகவினர் இடையே மோதல் ஏற்பட்டது. இதில் அதிமுக வேட்பாளர் ஓம்சக்திசேகர் மகன் மீது போலீசார் வழக்கு பதிவு செய்துள்ளனர்.
புதுவை ெநல்லித்தோப்பு தொகுதியில் காங்கிரஸ் - அதிமுகவினர் தீவிர தேர்தல்   பிரசாரத்தில் ஈடுபட்டுள்ளனர். காங்கிரசார் லெனின் வீதியில் நேற்று ஆட்டோ   பிரசாரம் மேற்கொண்டிருந்தனர். அப்போது கடந்த பொதுத்தேர்தலில் ரங்கசாமியை கடுமையாக விமர்சித்து   ஜெயலலிதா பேசிய வசனங்களை ஒலிபரப்பி சென்றதாக தெரிகிறது.
 இதற்கு   அதிமுகவினர் எதிர்ப்பு தெரிவித்து, அந்த ஆட்டோவை மறித்து ஒலிபெருக்கி   உபகரணங்கள், பெண்டிரைவ் ஆகியவற்றை பிடுங்கியுள்ளனர். இதை காங்கிரசார் தடுத்ததால்   இருதரப்புக்கும் இடையே மோதல் ஏற்பட்டது. இதில் காயமடைந்த காங்கிரஸ் பிரமுகர்   அய்யப்பன் உள்ளிட்ட சிலர் மருத்துவமனையில் அனுமதிக்கப்பட்டனர்.

 இருதரப்புக்கும் மோதல் ஏற்படும் சூழல் நிலவி பதற்றம் அதிகமாகவே   உருளையன்பேட்டை போலீசார், பறக்கும் படையினர் சம்பவ இடத்துக்கு  விரைந்து சென்று நிலைமையை கட்டுக்குள் கொண்டு வந்தனர். காங்கிரஸ் பிரமுகர் ஓம்சக்தி சேகர் மகன் கவியரசன் மீது உருளையன்பேட்டை போலீசார் வழக்கு பதிவு செய்து விசாரிக்கின்றனர். தமிழக முதல்வர் ஜெயலலிதாவின் உரையை தேர்தல் பிரசாரத்துக்கு காங்கிரசார் பயன்படுத்துவதாக. 3 நாட்களுக்கு முன்பே மாவட்ட தேர்தல் அதிகாரி சத்தியேந்திர சிங் துர்சாவத்திடம் புகார் தெரிவித்தும் நடவடிக்கை எடுக்கவில்லையென அதிமுக குற்றம் சாட்டியுள்ளது.

Read More