'காஷ்மீர் பனிச்சரிவுக்கு பாக்., குண்டு வீச்சு காரணம்

புதுடில்லி: ''உலகளாவிய வெப்பமயமாதல், சுற்றுச்சூழல் மாற்றங்கள், பாக்., ராணுவத்தினர் பீரங்கி குண்டுகளை வீசுவது உள்ளிட்ட காரணங்களால், ஜம்மு - காஷ்மீர் போன்ற பகுதிகளில் பனிச்சரிவு ஏற்பட்டு வருகிறது,'' என, ராணுவ தளபதி பிபின் ராவத் கூறியுள்ளார்.

ஜம்மு - காஷ்மீர் மாநிலத்தில், சமீபத்தில் ஏற்பட்ட பனிச்சரிவுகளில் சிக்கி, 15க்கும் மேற்பட்ட ராணுவ வீரர்கள் உயிரிழந்தனர். அங்கு அவ்வப்போது பனிச்சரிவு ஏற்பட்டு வருவதால் பதற்றம் நிலவுகிறது.

அடிக்கடி தாக்குதல்:

இந்நிலையில், டில்லியில் நேற்று நிருபர்களை சந்தித்த ராணுவ தளபதி பிபின் ராவத் கூறியதாவது: ஜம்மு - காஷ்மீரில், இதற்கு முன் பனிச்சரிவுகள் ஏற்பட்டதில்லை. ஆனால், சமீபகாலமாக, பாக்., ராணுவம், கனரக பீரங்கிகள், துப்பாக்கிகளால் அடிக்கடி தாக்குதல் நடத்தி வருகிறது. இதனால், மண் உறுதித் தன்மையை இழந்து, பனிச்சரிவுகள் ஏற்படுகின்றன. பனிச்சரிவுகள் ஏற்பட, உலகளாவிய வெப்ப மயமாதலும், சுற்றுப்புறவியல் மாற்றமும் பிற காரணங்கள்.

வீரர்கள் வாபஸ்:

ஜம்மு - காஷ்மீரில், கடந்த, 72 மணி நேரத்தில், பலமுறை பனிச்சரிவுகள் ஏற்பட்டுள்ளன. அடுத்த மூன்று நாட்களுக்கு இதே போன்ற சம்பவங்கள் ஏற்படும் வாய்ப்புள்ளது. பனிச்சரிவு ஏற்படும் வாய்ப்புள்ள பகுதிகளில் இருந்து, வீரர்களை வாபஸ் பெற்றுள்ளோம். இருப்பினும், சில பகுதிகள் பயங்கரவாதிகள் ஊடுருவல் நடக்க அதிகம் வாய்ப்பு உள்ளவை. எனவே, அங்கு, வீரர்கள் தொடர்ந்து பாதுகாப்பு பணியில் ஈடுபட்டு வருகின்றனர்.

முன்னுரிமை:

பனிச்சரிவில் சிக்கி இறந்த வீரர்களின் உடல்களை மீட்டு, அவர்களின் குடும்பத்தினரிடம் ஒப்படைப்பதற்கு முன்னுரிமை தந்து பணிகள் நடந்து வருகின்றன. இவ்வாறு அவர் கூறினார்.

Read More

பனிச்சரிவில் சிக்கி பலியான தமிழக வீரர்களுக்கு ரூ.20 லட்சம் நிவாரணம்

சென்னை: காஷ்மீர் பனிச்சரிவில் சிக்கி பலியான தமிழகத்தை சேர்ந்த 2 வீரர்கள் குடும்பத்தினருக்கு தலா ரூ. 20 லட்சம் வழங்கப்படும் என மாநில அரசு தரப்பில் அறிவிக்கப்பட்டுள்ளது.காஷ்மீர் பனிச்சரிவில் சிக்கி இந்திய ராணுவ வீரர்கள் 21 பேர் பலியாயினர். இதில் தஞ்சையை சேர்ந்த இளவரசன், மதுரையை சேர்ந்த சுந்தரபாண்டியன் 2 பேர் அடங்குவர். இவர்களுக்கு இன்று நிவாரண நிதியை முதல்வர் ஓ.பி.எஸ்., அறிவித்தார்.

English summary:

Chennai: Tamil Nadu killed in Kashmir avalanche trapped Rs 2 each to the families of the soldiers. 20 million would be provided by the state prosecution announced. 21 Indian soldiers killed in Kashmir avalanche trapped. 

Read More

காஷ்மீரில் மீண்டும் பனிச்சரிவு : மீட்பு பணிகள் தீவிரம்

ஜம்மு : காஷ்மீரின் மசில் பகுதியில் இன்று மீண்டும் பனிச்சரிவு ஏற்பட்டுள்ளது. அங்கு மீட்பு பணிகள் தீவிரமாக நடந்து வருகின்றன.

தொடரும் பனிப்பொழிவு :

கடந்த சில நாட்களாக காஷ்மீரின் பல்வேறு பகுதிகளில் பனிச்சரிவு ஏற்பட்டு வருகிறது. இதில் ராணுவ முகாம்கள் அமைந்துள்ள பகுதிகளில் ஏற்பட்ட பனிச்சரிவில் சிக்கி, இதுவரை, 22 ராணுவ வீரர்கள் பலியாகி உள்ளனர். இவர்களில், 2 பேர் தமிழகத்தைச் சேர்ந்தவர்கள் என்பது குறிப்பிடத்தக்கது.

தேடுதல் பணிகள் தீவிரம் :

இந்நிலையில் இன்று மசில் பகுதியிலும் பனிச்சரிவு ஏற்பட்டுள்ளது. இதில் சிக்கியவர்களை மீட்கும் பணியும், பனிச்சரிவில் காணாமல் போனவர்களை தேடும் பணியும் தீவிரமாக நடந்து வருகிறது. இன்று ஏற்பட்டுள்ள பனிச்சரிவில் சிக்கி 6 ராணுவ வீரர்கள் புதையுண்டுள்ளதாக உறுதிப்படுத்தப்படாத தகவல் வெளியாகி உள்ளது. காஷ்மீரில் பனிப்பொழிவு தொடர்ந்து அதிகமாக காணப்படுவதால் தேடுதல் பணியில் சிக்கல் ஏற்பட்டுள்ளது.

English summary:

Jammu and Kashmir avalanche Much has occurred in the area again today. Where rescue operations are ongoing.

Read More

காஷ்மீர் பனிச்சரிவு: பலி எண்ணிக்கை 20 ஆக உயர்வு

ஸ்ரீநகர்: ஜம்மு - காஷ்மீரில் வெவ்வேறு இடங்களில் ஏற்பட்ட தொடர் பனிச்சரிவுகளில் சிக்கி பலியானவர்களின் எண்ணிக்கை 20 ஆக உயர்ந்தது.

பலி 20 ஆக உயர்வு:

ஜம்மு - ஸ்ரீநகர் தேசிய நெடுஞ்சாலையில் பல இடங்களில் பனிச்சரிவு மற்றும் நிலநடுக்கம் ஏற்பட்டது. குரேஷ் செக்டார் பகுதியில் புதன்கிழமை ஏற்பட்ட பனிச்சரிவில் ராணுவ முகாம் கடுமையான பாதிப்புக்கு உள்ளானது. அப்பகுதியிலிருந்து 4 ராணுவ வீரர்களின் உடல் இன்று மீட்கப்பட்டது. இதையடுத்து, பனிச்சரிவில் சிக்கி பலியான ராணுவ வீரர்களின் எண்ணிக்கை 14 ஆக உயர்ந்தது. கடந்த, 4 நாட்களில் மட்டும் 20 பேர் பலியாகி உள்ளனர்.

அபாய எச்சரிக்கை:

பனிமூடிய காஷ்மீர் பள்ளதாக்கின் மலைபாங்கான பகுதிகளில் புதிய பனிச்சரிவுகள் ஏற்பட வாய்ப்பு இருப்பதால் கடும் அபாய எச்சரிக்கை விடப்பட்டுள்ளது.

முன்னதாக, பனிச்சரிவால் வீட்டில் இருந்து வெளியேற முடியாமல் தவித்த கர்பிணிகள் இருவரை போலீசார் மீட்டு அனந்த்நாக் மருத்துவனையில் அனுமதித்தனர்.

English Summary:

Srinagar: Jammu and Kashmir - a series of different places, the number of victims trapped in avalanches rose to 20.

Read More

காஷ்மீரில் பனிச்சரிவு; 2 வீரர்கள் மாயம்

ஜம்மு: பனிச்சரிவில் சிக்கிய 2 ராணுவ வீரர்களை தேடும் பணி நடந்து வருகிறது.ஜம்மு காஷ்மீர் மாநிலம் குரேஷ் பகுதியில் நிலச்சரிவு ஏற்பட்டது. இதில் ராணுவ முகாமும் சிக்கியது. இதில் 4 வீரர்கள் மீட்கப்பட்டனர். 2 வீரர்கள் மாயமானார்கள். அவர்களை தேடும் பணி தீவிரமாக நடந்து வருகிறது.

English summary:

Jammu: 2 soldiers injured in avalanche search and Kashmir kush in jammu ongoing landslide occurred in the area. The base hit. In which 4 soldiers were rescued. 2 players disappeared. The task has been actively looking for them.

Read More