பிலிம் இன்ஸ்ட்டியூட் சேர்மன் பதவியை ராஜினாமா செய்கிறாரா அடூர் கோபால கிருஷ்ணன்; காரணம் இதுதான்?!

கேரள மாநிலம் கோட்டயத்தில் செயல்படும் கே.ஆர்.நாராயணன் பிலிம் இன்ஸ்டியூட் சேர்மனாக உள்ளார் அடூர் கோபாலகிருஷ்ணன். பிலிம் இன்ஸ்டியூட்டில் இயக்குநராக இருந்த சங்கர் மோகன் தனது வீட்டுக் கழிவறையை பட்டியலின பெண் ஊழியரை வெறுங்கைகளால் சுத்தம் செய்ய வைத்ததாக புகார் எழுந்தது. மேலும் பிலிம் இன்ஸ்ட்டியூட் மாணவர்கள் மத்தியிலும் சாதிய பாகுபாடு பார்ப்பதாகவும் புகார் எழுந்தது. இதையடுத்து துப்புரவு பணியாளர்களும், பிலிம் இன்ஸ்ட்டியூட் மாணவர்களும் போராட்டத்தில் குதித்தனர். இதுகுறித்து செய்தியாளர்களிடம் பேசிய அடூர் கோபால கிருஷ்ணன், "பிலிம் இன்ஸ்ட்டியூட்டில் இயக்குநர் உள்ளிட்டவர்களுக்கு வீடு, கார் ஆகியவை அரசு வழங்கியுள்ளது. அந்த வீட்டை ஒவ்வொரு நாளும் சுத்தம்.செய்ய வேண்டியது துப்புரவு பணியாளராக நியமிக்கப்பட்டவரின் பணியாகும். ஆனால், அவர் வாரத்துக்கு ஒருமுறைதான் என்று வீடும், முற்றமும் சுத்தம் செய்துவந்துள்ளார். அதிலும், இயக்குநரின் வீட்டை சுத்தம் செய்யும்படி நான் கூறியதாக அந்த ஊழியர் பொய் சொல்லியுள்ளார்" என தெரிவித்திருந்தார்.சினிமா இயக்குநர் அடூர் கோபால கிருஷ்ணன் மேலும் போராட்டம் குறித்து ஒரு செய்தி நிறுவனத்துக்கு பேட்டி அளித்த அடூர் கோபாலகிருஷ்ணன், "துப்புரவு தொழிலாளர்கள் போராட்டம் நடத்துவதற்காக நன்றாக உடை அணிந்து, மேக்கப் போட்டுக்கொண்டு சினிமா நடிகைகளைப்போல வந்து பேட்டி கொடுக்கிறார்கள். அவர்களுக்கு யாரோ பயிற்சி அளித்திருக்கிறார்கள்" என கூறியிருந்தார். இயக்குநர் சங்கர் மோகன் பக்கம் தவறு இல்லை என அடூர் கோபால கிருஷ்ண கூறி வந்தார். இந்த நிலையில் தொடர் போராட்டத்தைத் தொடர்ந்து கே.ஆர்.நாராயணன் பிலிம் இன்ஸ்ட்டியூட் இயக்குநர் பதவியில் இருந்து சங்கர் மோகன் கடந்த வாரத்தில் ராஜினாமா செய்தார். இதைத் தொடர்ந்து பிலிம் இன்ஸ்ட்டியூட் மாணவர்களிடம் உயர்கல்வித்துறை அமைச்சர் ஆர்.பிந்து பேச்சுவார்த்தை நடத்தியதைத் தொடர்ந்து மாணவர்கள் போராட்டத்தைக் கைவிட்டனர். இதுகுறித்து பேசிய அமைச்சர் ஆர்.பிந்து, "14 அம்ச கோரிக்கைகளை மாணவர்கள் முன்வைத்தனர். இயக்குநரை நீக்க வேண்டும் என்பது மாணவர்களின் முக்கிய கோரிக்கையாக இருந்தது. இயக்குநர் ராஜினாமா செய்ததைத் தொடர்ந்து, புதிய இயக்குநரைத் தேர்வுசெய்ய கமிட்டி நியமிக்கப்பட்டுள்ளது. ஒவ்வொரு கோரிக்கைகளாக நிறைவேற்றப்படும்" என்றார்.உயர்கல்வித்துறை அமைச்சர் ஆர்.பிந்து கே.ஆர்.நாராயணன் பிலிம் இன்ஸ்ட்டியூட் இயக்குநர் சங்கர் மோகன் ராஜினாமா செய்ததைத் தொடர்ந்து அதன் சேர்மனாக இருக்கும் அடூர் கோபால கிருஷ்ணன் ராஜினாமா செய்ய முடிவு செய்திருப்பதாகத் தகவல் வெளியாகியுள்ளது. முதல்வர் பினராயி விஜயன் உள்ளிட்டவர்கள் அவரிடம் பேசி சமாதானம் செய்திருக்கிறார்கள். இருப்பினும் அவர் ராஜினாமா முடிவில் உறுதியாக இருப்பதாகவும், இன்று தனது முடிவை அறிவிக்க உள்ளதாகவும் தகவல்கள் வெளியாகியிருக்கின்றன.
http://dlvr.it/Shj9kN

Read More

`இதுதான் எனது ஃபைனல் இயர் கிளாஸ் ரூம்' வைரலாகும் மம்முட்டியின் சட்டக்கல்லூரி வீடியோ!

மலையாள சினிமாவின் முன்னணி நடிகர் மம்முட்டி. நடிகர் ஆவதற்கு முன்பு அவர் வழக்கறிஞராக இருந்தார். எர்ணாகுளம் சட்ட கல்லூரியில் எல்.எல்.பி பயின்ற மம்முட்டி அதன்பிறகு இரண்டு ஆண்டுகள் வழக்கறிஞராக பிராக்டீஸ் செய்தார். இப்போது அவர் பயின்ற எர்ணாகுளம் சட்டக்கல்லூரி கிளாஸ் ரூமில் இருந்து ஒரு வீடியோவை இன்ஸ்டாகிராமில் நேற்று வெளியிட்டுள்ளார். 'அல்மா மேட்டர்' என்ற குறிப்புடன் வெளியிட்டுள்ள அந்த வீடியோவில் தான் சட்டக்கல்லூரியில் பயின்ற கிளாஸ் ரூமைக் காட்டியுள்ளார். இறுதியாக அந்த வீடியோவில் பேசும் மம்முட்டி, "இது எர்ணாகுளம் சட்டக்கல்லூரி. இதுதான் எனது ஃபைனல் இயர் கிளாஸ் ரூம்.நடிகர் மம்முட்டி! இப்போது இங்கு கிளாஸ் இல்லை. இதுதான் இண்டோர் கோர்ட், சிறு நிகழ்ச்சி இங்கு நடத்தினோம். இது ஒரு காலத்தில் கொச்சி மாநிலத்தின் சட்டசபை ஹாலாக இருந்தது" என பேசியுள்ளார். இந்த வீடியோ சமூக வலைதளங்களில் வைராகியுள்ளது. அந்த வீடியோவில் பின்னூட்டமிட்ட ரசிகர்கள் சிலர், எதாவது சினிமா ஷூட்டிங்கிற்காக அங்கு சென்றீர்களா? என கேட்டுள்ளனர். நரசிம்ஹம் என்ற சினிமாவில் மம்முட்டி வழக்கறிஞராக நடித்த கதாப்பாத்திரமான நந்தகோபால் மாரார் என்ற கெஸ்ட் ரோலை நினைவூட்டி ஒரு ரசிகர் பதிவிட்டுள்ளார். மம்முட்டி நடித்த `நண்பகல் நேரத்து மயக்கம்' திரைப்படம் கடந்த 19-ம் தேதி வெளியானது. மம்முட்டி நடித்த 'கிறிஸ்டோபர்' திரைப்படம் விரைவில் வெளியாக உள்ளது. View this post on Instagram A post shared by Mammootty (@mammootty) மம்முட்டி வெளியிட்ட வீடியோ ஒரு வேளை கிறிஸ்டோபர் சினிமா காட்சிகள் எர்ணாகுளம் சட்டக்கல்லூரியில் படமாக்கப்பட்டதா என்பதுபோன்ற கேள்விகளை கமெண்டில் ரசிகர்கள் எழுப்பியுள்ளனர்.
http://dlvr.it/Shj9NV

Read More

"என்னை இந்து என்றழையுங்கள்; இந்தியாவில் பிறந்த அனைவரும் இந்துக்கள்தான்" - கேரள கவர்னர் ஆரிஃப் முகமது

கேரள கவர்னர் ஆரிஃப் முகமதுகான் அடிக்கடி அதிரடியாகச் செயல்படுவதும், பேசுவதும் வழக்கம். கடந்த சில மாதங்களுக்கு முன்பு ராஜ் பவனில் பிரஸ்மீட் நடத்தி அரசுக்கு எதிராகப் பேட்டி கொடுத்து பரபரப்பைக் கிளப்பினார். இந்த நிலையில் தற்போது, `இந்தியாவில் பிறந்த அனைவரும் இந்துக்கள்தான்' எனப் பேசியிருக்கிறார். அமெரிக்கா, கனடா, மெக்ஸிகோ நாடுகளில் வசிக்கும் மலையாள மொழிபேசும் சங்பரிவார் ஆதரவாளர்களின் கூட்டமைப்பான 'கேரளா இந்தூஸ் ஆஃப் நார்த் அமெரிக்கா' என்ற அமைப்பின் 'இந்து கான்கிளேவ்' நிகழ்ச்சி திருவனந்தபுரத்தில் நடந்தது. அந்த நிகழ்ச்சியை கேரள கவர்னர் ஆரிஃப் முகமதுகான் தொடங்கிவைத்துப் பேசினார்.கவர்னர் ஆரிஃப் முகமதுகான் பேச்சு அவர் பேசுகையில், "சனாதனம் உயர்த்திக்காட்டிய கலாசாரத்தின் பெயர்தான் இந்து. இந்து என்பது ஒரு பிரதேசத்தில் பிறந்தவர்களைக் குறிக்கும் சொல். இந்தியாவில் பிறந்தவர்கள் அனைவரும் இந்துக்கள். எதற்கான என்னை இந்து அல்லாதவர் எனக் குறிப்பிடுகிறீர்கள். இங்கு பிறந்த என்னை, நீங்கள் இந்து என அழைக்க வேண்டும்" என்றார்.இந்து கான்கிளேவ் நிகழ்ச்சியை தொடங்கிவைத்த கவர்னர் ஆரிஃப் முகமதுகான் கேரள கவர்னர் ஆரிஃப் முகமதுகான், கடந்த சில மாதங்களுக்கு முன்பு தன்னுடைய மகனுடன் இருமுடி கட்டி சபரிமலை ஐயப்ப சுவாமி கோயிலுக்குச் சென்று சாமி தரிசனம் செய்தார் என்பது குறிப்பிடத்தக்கது. காஷ்மீர் பண்டிட் கொலை: ``இந்தியனாக இருப்பதில் நான் வெட்கப்படுகிறேன்!" - கேரள ஆளுநர் ஆரிஃப் முகமது
http://dlvr.it/ShfH6p

Read More

மைசூர்: நான்கு பேரைக் கொன்ற சிறுத்தை சிக்கியது... சிறுத்தை - மனித மோதலைத் தடுக்க தனிப்படை திட்டம்!

கர்நாடக மாநிலம், மைசூர் டி.நரசிபுரம் தாலுகாவுக்குட்பட்ட பகுதிகளில், கடந்த மூன்று மாதங்களாகச் சிறுத்தை நடமாட்டம் அதிகரித்திருக்கிறது. டிசம்பர் மாதம் குடியிருப்புகளுக்குள் புகுந்த சிறுத்தை ஒன்று, நாய், ஆட்டுக்குட்டி உள்ளிட்ட உயிரினங்களைக் கொன்றது. வனத்துறை கண்காணிப்பு மேற்கொண்டிருந்த நிலையில் டிசம்பர் 1-ம் தேதி, கெப்பேஹண்டி கிராமத்தைச் சேர்ந்த அரசுக் கல்லுாரியில் இறுதியாண்டு படிக்கும் மாணவி மேகனாவை (20) தாக்கிக் கொன்றது. அதன் பிறகு கடந்த வாரம், இரண்டு நாள்கள் இடைவெளியில், மேகனா வீட்டிலிருந்து, 4 கிலோமீட்டர் தொலைவிலுள்ள கன்னையாகனஹள்ளியில், சித்தம்மா என்பவரையும், ஹோரலஹள்ளி கிராமத்தைச் சேர்ந்த, 11 வயது சிறுவன் ஜெயந்த் என்பவரையும் தாக்கிக் கொன்றது. நான்கு மாதங்களுக்குள் நான்கு பேர் சிறுத்தை தாக்கி இறந்ததால் வெகுண்டெழுந்த மக்கள், பல்வேறு போராட்டங்களை நடத்தினர்.கூண்டு வைக்கப்பட்டது. சிறுத்தையைப் பிடிக்க, வனத்துறையினர் அந்தப் பகுதியில், ஒன்பது இடங்களுக்கு மேல் கூண்டுவைத்து, 110 பணியாளர்களை கண்காணிப்புப் பணியில் களமிறக்கினர். இந்த நிலையில், நேற்று முன்தினம் நள்ளிரவு, சிறுவன் ஜெயந்த் கொல்லப்பட்ட இடத்துக்கு அருகே, கூண்டில் சிறுத்தை சிக்கியது. இதுவரை, கண்காணிப்பு கேமராக்களில் பதிவான சிறுத்தையின் உடலமைப்பு, உடலிலுள்ள கோடுகள் ஒரே மாதிரியாக இருந்ததால், நால்வரைக் கொன்றது இந்தச் சிறுத்தைதான் எனக் கண்டறியப்பட்டது. இது குறித்து மைசூர் வனக்கோட்ட வன உயிரின பாதுகாவலர் மாலதி பிரியா நிருபர்களிடம், ‘‘இறந்தவர்களின் உடலில் கிடைத்த சிறுத்தையின் டி.என்.ஏ மற்றும் பிடிபட்ட சிறுத்தையின் டி.என்.ஏ மாதிரிகள் ஆய்வகத்துக்கு அனுப்பப்பட்டுள்ளன. ஆய்வு முடிவு வந்தால்தான் அதே சிறுத்தையா என்பது தெரியவரும். ஆனாலும், உடலமைப்பில் சிறுத்தையின் அனைத்துப் படங்களும், பிடிபட்ட சிறுத்தையுடன் ஒத்துப்போகின்றன. பிடிபட்ட சிறுத்தையை பெங்களூரிலுள்ள பென்னர்கட்டா தேசியப் பூங்காவில் வைத்து பராமரிக்கவிருக்கிறோம். மீதமுள்ள கூண்டுகள் அகற்றப்படவில்லை, மற்ற சிறுத்தைகள் பிடிபடுகின்றனவா எனக் கண்காணிக்கிறோம்’’ என்றார்.சிறுத்தை முதல்வர் பவசராஜ் பொம்மை நிருபர்களிடம், ‘‘கடுமையாக உழைத்து சிறுத்தையைப் பிடித்த வனத்துறை ஊழியர்களின் முயற்சி பாராட்டுக்குரியது. கர்நாடக மாநிலம் முழுவதிலும் சிறுத்தை – மனித மோதலைத் தடுக்க, வனத்துறையினரின் புதிதாக பிரத்யேக கண்காணிப்புக்குழு அமைக்கப்படும். மேலும், இதற்கென பிரத்யேகப் பயிற்சிகள் கொடுக்கப்படுவதுடன், நிதியும் ஒதுக்கப்படும்’’ என்றார். சிறுத்தை பிடிபட்டதால் மைசூர் சுற்றுப் பகுதியிலுள்ள மக்கள் நிம்மதியடைந்திருப்பதுடன், சிறுத்தை பிடிபட்டதைப் பட்டாசு வெடித்துக் கொண்டாடிவருகின்றனர்.மைசூர்: சிறுத்தை தாக்கி சிறுவன் பலி; 2 நாள்களில் இருவர் பலி – வயதான சிறுத்தையால் தொடரும் மரணங்கள்?
http://dlvr.it/ShcBm4

Read More

``முஸ்லிம்களையும், கிறிஸ்தவர்களையும் ஆர்.எஸ்.எஸ் எதிரிகளாகச் சித்திரிக்கிறது!" - பினராயி விஜயன்

கேரள முதல்வர் பினராயி விஜயன், முஸ்லிம்களையும், கிறிஸ்தவர்களையும் ஆர்.எஸ்.எஸ் எதிரிகளாகச் சித்திரிப்பதாகவும், அரசியலமைப்பின்மீது பா.ஜ.க தாக்குதல் நடத்துவதாகவும் விமர்சித்திருக்கிறார்.கேரள முதல்வர் பினராயி விஜயன் இந்திய குடியரசு தினமான நேற்று, மதச்சார்பற்ற சந்திப்பு மற்றும் அரசியலமைப்புப் பாதுகாப்பு மாநாட்டை கேரள முதல்வர் பினராயி விஜயன் தொடங்கிவைத்தார். அதைத் தொடர்ந்து மாநாட்டில் உரையாற்றிய பினராயி விஜயன், ``சங்பரிவாரும், ஆர்.எஸ்.எஸ் அமைப்பும் முஸ்லிம்களையும், கிறிஸ்தவர்களையும் எதிரிகளாகச் சித்திரிக்கின்றன. இந்தியாவை இந்துராஷ்டிரவாக மாற்றுவதே தங்களின் நோக்கம் என்பதை அவர்கள் தெளிவுபடுத்தியிருக்கின்றனர். மேலும், மத்தியில் ஆட்சியிலிருப்பவர்கள் சுதந்திரப் போராட்டத்தில் பங்கேற்காத அரசியல் குழுவைப் பின்பற்றுபவர்கள். அவர்கள் நம் நாட்டின் வேர்கள், ஜனநாயகம், அரசியலமைப்பின்மீது தாக்குதல் நடத்துகின்றனர்.ஆர்.எஸ்.எஸ் - பாஜக அரசியலமைப்புச் சட்டம் அழிக்கப்பட்டால், ஒரு தனிமனிதனின் கண்ணியம் முதல் நாட்டின் இறையாண்மை வரை அனைத்தும் இழக்கப்படும். எனவே, இது போன்ற செயல்களுக்கு எதிராக நாம் அனைவரும் ஒன்றிணைய வேண்டும்" என்று கூறினார். பினராயி விஜயனின் இத்தகைய விமர்சனத்துக்கு எதிர்வினையாற்றிய பா.ஜ.க, ``அரசியல் சாசனம் குறித்து ஒரு வார்த்தைகூட பேச முதல்வருக்கு உரிமையில்லை" எனச் சாடியது.`ஆர்எஸ்எஸ்-ஸை முன்னிலைப்படுத்தும் பாஜக' - சமீபநாள்களில் அதிகரிக்கக் காரணம் என்ன?!
http://dlvr.it/ShZBSx

Read More

ஆக்ரா: திடீரென இடிந்து விழுந்த 6 வீடுகள்; 4 வயது குழந்தை பலி - அகழ்வாராய்ச்சிப் பணிகள் காரணமா?

உத்தரப்பிரதேச மாநிலம், ஆக்ரா ரயில் நிலையம் அருகே அமைந்திருக்கும் திலா மைதானப் பகுதியிலுள்ள தரம்சாலாவில் அகழ்வாராய்ச்சிப் பணி நடைபெற்றுக்கொண்டிருந்தது. இந்த நிலையில், திடீரென அந்தப் பகுதியில் ஆறு வீடுகளும், ஒரு கோயிலும் இடிந்து விழுந்திருக்கின்றன. இடிந்து விழுந்த வீடுகள் இந்தச் சம்பவம் குறித்து இடிந்த வீட்டின் உரிமையாளர்களில் ஒருவரான முகேஷ் சர்மா, ``காலை 7:05 மணிக்கு விபத்து நடந்தது. இந்தப் பகுதி மிகவும் மேடானது. எங்கள் வீடுகளுக்கு அடுத்ததாக தரம்சாலா இருக்கிறது. அங்கு அகழ்வாராய்ச்சிப் பணிகள் நடந்துவருகின்றன. அதற்காக நிலம் தோண்டப்பட்டதால், நிலச்சரிவு ஏற்பட்டு, அடுத்தடுத்து ஆறு வீடுகள், ஒரு கோயில் இடிந்து விழுந்தன. அதில், எங்கள் வீடும் இடிந்து விழுந்தது. என் இரண்டு பேத்திகளும், மகனும் இடிபாடுகளுக்குள் சிக்கிக்கொண்டனர். சுமார் இரண்டு மணி நேரத்துக்குப் பிறகு அவர்கள் மீட்கப்பட்டனர். ஆனால், அதற்குள் என் பேத்தி இறந்துவிட்டாள். இந்தக் கட்டடப் பணியை நிறுத்தப் பலமுறை கூறியும், அவர்கள் அதைக் கண்டுகொள்ளவில்லை" எனத் தெரிவித்திருக்கிறார்.இடிந்து விழுந்த வீடுகள் இந்தச் சம்பவத்தைத் தொடர்ந்து, முதல்வர் யோகி ஆதித்யநாத் பாதிக்கப்பட்ட பகுதிகளுக்கான நிவாரணப் பணிகளைக் கண்காணிக்கவும், காயமடைந்தவர்களுக்கு உரிய சிகிச்சை அளிக்கவும் மாவட்ட மாஜிஸ்ட்ரேட்டுக்கும், மூத்த காவல்துறை அதிகாரிகளின் குழுக்களுக்கும் அறிவுறுத்தியிருக்கிறார். கட்டட இடிபாடுகளுக்குள் ஐந்து பேர் சிக்கியிருக்கலாம் எனச் சந்தேகிக்கப்படுகிறது. அவர்களில், 4 வயது குழந்தை இறந்துவிட்டதாகக் கூறப்படுகிறது. மீட்புப்பணிகள் தொடர்ந்து நடந்துவருகின்றன.இடிந்து விழுந்த 70 ஆண்டுகள் பழைமையான வீடு! -3 மணி நேர போராட்டத்துக்குப் பிறகு மூதாட்டி சடலமாக மீட்பு
http://dlvr.it/ShWSyh

Read More

"200 யூனிட் இலவச மின்சாரம், மகளிருக்கு ரூ.2,000... காங்கிரஸ் குற்றவாளியில்லையா?!" - கர்நாடக முதல்வர்

கர்நாடகாவில் வரும் மே மாதம் சட்டமன்றத் தேர்தல் நடைபெறவிருக்கிறது. இதனை முன்னிட்டு ஆளும் பா.ஜ.க, காங்கிரஸ் உட்பட அரசியல் கட்சிகள் பலவும் தேர்தல் வேலைகளை ஆரம்பித்து, வாக்குறுதிகளை அள்ளி வீசிவருகின்றனர்.ரமேஷ் ஜார்கிஹோலி அந்த வரிசையில் மாநிலத்தின் முன்னாள் அமைச்சரும், பா.ஜ.க எம்.எல்.ஏ-வுமான ரமேஷ் ஜார்கிஹோலி, வாக்காளர்களிடம் `பா.ஜ.க ஒரு ஓட்டுக்கு ரூ.6,000 தரும்' என்று நேற்று முன் தினம் பொதுக்கூட்டத்தில் வெளிப்படையாகப் பேசினார். பா.ஜ.க எம்.எல்.ஏ-வின் இந்த சர்ச்சைப் பேச்சுக்கு, காங்கிரஸ் கர்நாடக தலைவர் டி.கே.சிவக்குமார், ``மாநிலத்தில் 40 சதவிகிதம் கமிஷன் என்ற மிகப்பெரிய ஊழல் இருக்கிறது" என விமர்சித்திருந்தார். அதோடு இந்த விவகாரம் தொடர்பாக, பா.ஜ.க தேசியத் தலைவர் ஜே.பி.நட்டா, முதல்வர் பசவராஜ் பொம்மை ஆகியோர் மீது, டி.கே.சிவக்குமார், சித்தராமையா உட்பட காங்கிரஸ் தலைவர்கள் பலர் ஹைகிரவுண்ட் காவல் நிலையத்தில் புகாரளித்தனர். இந்த நிலையில், முதல்வர் பசவராஜ் பொம்மை, காங்கிரஸைச் சாடியிருக்கிறார்.பசவராஜ் பொம்மை காங்கிரஸின் புகார் தொடர்பாக இன்று பேசிய பசவராஜ் பொம்மை, ``ஒவ்வொரு பெண்ணுக்கும் 2,000 ரூபாய், ஒவ்வொரு குடும்பத்துக்கும் 200 யூனிட் மின்சாரம் இலவசம் என்று காங்கிரஸ் வாக்குறுதியளித்திருக்கிறது. ஒவ்வொரு நாளும் புதிய வாக்குறுதிகளை அவர்கள் அறிவிக்கிறார்கள்.காங்கிரஸ் மாநிலத் தலைவர் சிவக்குமார் அப்படியென்றால், வாக்காளர்களைக் கவருவதற்காக அவர்கள் புதிய வாக்குறுதிகளை அளிக்கவில்லையா... அவர்கள் குற்றவாளிகள் இல்லையா... அவர்களுக்கு எதிராக இதுபோன்ற நூற்றுக்கணக்கான புகார்களை நாங்கள் பதிவுசெய்யலாம், ஆனால் மக்களுக்கு அவர்களை நன்றாகத் தெரியும், அவர்களே முடிவெடுப்பார்கள். காங்கிரஸ்காரர்களிடமிருந்து நாம் கற்றுக்கொள்ள வேண்டியதில்லை" என்றார்.`ஹிட்லர், முசோலினிபோலத்தான் மோடியும்!' - சித்தராமையா பேச்சு... பசவராஜ் பொம்மை பதிலடி
http://dlvr.it/ShSbwN

Read More

தோழியை மணக்க ஆணாக மாறிய அரசு பெண் ஊழியர்... வேறொருவரை கரம் பிடித்த தோழி; என்ன காரணம்?

உத்தரப்பிரதேசத்தில், தன் தோழியை மணக்க விரும்பிய அரசு பெண் ஊழியர் ஒருவர், பாலின அறுவை சிகிச்சை செய்து கொண்டு ஆணாக மாறினார். ஆனால், தோழியோ வேறோர் ஆண் நண்பரை மணந்து, அதிர்ச்சி வைத்தியம் கொடுத்துள்ளார். உத்தரப் பிரதேசத்தைச் சேர்ந்தவர் சோனல். இந்தப் பெண்ணின் வீட்டு மேல்தளத்தில் வாடகைக்கு குடியிருந்தவர், குஜராத்தைச் சேர்ந்த அரசு பெண் ஊழியரான சனா. 2016-ம் ஆண்டு வாடைகைக்கு குடியிருந்தபோது சோனல் மற்றும் சனா இருவரிடையே நட்பு உண்டாகி, நாளடைவில் நெருங்கிய தோழிகளாயினர். இருவருக்கும் இடையே பாலியல் ரீதியான உறவு இருப்பதாகச் சந்தேகப்பட்ட சோனலின் பெற்றோர், சனாவை வீட்டை விட்டு வெளியேற்றினர். சனா சோனல் அரசு ஊழியரான சனாவுக்கு, 2017-ம் ஆண்டு அரசு சார்பில் ஒதுக்கப்பட்ட குடியிருப்பு கிடைத்தது. அதில் வசித்து வந்த சனாவுடன் சேர்ந்து வாழ, அவரின் தோழியான சோனல் முடிவு செய்தார். வாழ்க்கையில் இருவரும் இணைபிரியாமல் வாழவேண்டுமென்று முடிவெடுத்தனர். எனவே, பாலின அறுவை சிகிச்சை செய்து ஆணாக மாறி, திருமணம் செய்து கொள்வது என்று சனா தீர்மானித்தார். அதன் தொடர்ச்சியாக, டெல்லியில் உள்ள கங்காராம் மருத்துவமனைக்கு இருவரும் சென்றனர். அங்கு நடைபெற்ற பாலின மாற்று அறுவை சிகிச்சைக்கான பரிசோதனையில், சனாவுக்கு உடற்தகுதிச் சான்று கிடைத்தது. இதையடுத்து, 2020-ம் ஆண்டு ஜூனில் சனாவுக்கு பாலின மாற்று அறுவை சிகிச்சை நடந்தது. அதன் பின்னர், சனா தனது பெயரை அதிகாரபூர்வமாக சோஹைல்கான் என்று மாற்றிக் கொண்டார். பின்னர் கணவன்- மனைவியாக இருவரும் புதிய வாழ்க்கையைத் தொடங்கினர். அத்துடன் அரசு ஊழியராக சனா வேலைக்குப் போவதால், தானும் வேலைக்குச் செல்ல வேண்டுமென்று கருதிய சோனல், மருத்துவமனை ஒன்றில் பணிக்குச் சேர்ந்தார். நாள்கள் செல்லச்செல்ல, சோனாவின் போக்கில் மாற்றங்கள் உண்டாயின. சனாவை கண்டுகொள்ளாமல் சோனல் இருந்ததாகக் கூறப்படுகிறது. இதுபற்றி சனா கேட்டபோது, இருவருக்கும் இடையே வாக்குவாதம் ஏற்பட்டுள்ளது. அதன் பிறகே, மருத்துவமனையில் உள்ள கியான் என்பவரை சோனல் காதலித்து வந்தது தெரிய வந்தது. பாலின மாற்று அறுவை சிகிச்சை செய்து ஆணாக மாறிய சனாவுக்கு, சோனலின் இந்த முடிவு கடும் அதிர்ச்சியைத் தந்துள்ளது. இதனிடையே, சனாவை பிரிந்த சோனல், தன் காதலர் கியானுடன் சென்றார். மேலும், சனாவால் தனக்குப் பிரச்னை வரக்கூடாது என்று எண்ணி, காவல்துறையில் சோனல் புகார் அளித்தார். நீதிமன்றம்`காதலுக்காக..!' - மாணவியை மணக்க பாலின மாற்று அறுவைசிகிச்சை செய்த ஆசிரியை! தனக்கு நேர்ந்த கொடுமைக்கு நீதி கேட்டு, நீதிமன்றத்தை நாடியுள்ளார் சனா. இவ்வழக்கில் நீதிமன்றம் சம்மன் அனுப்பியும் சோனல் ஆஜாராகவில்லை. இதையடுத்து ஜனவரி 18-ம் தேதி, சோனலை காவல்துறையினர் கைது செய்தனர். தற்போது அவர் ஜாமீனில் விடப்பட்டுள்ளார். இவ்வழக்கின் அடுத்தகட்ட விசாரணை, வரும் பிப்ரவரி 23-ம் தேதி நடைபெற உள்ளது.
http://dlvr.it/ShSbfQ

Read More

கர்நாடகா: `ஓட்டுக்கு ரூ.6,000; ஆட்சியமைக்க எதையும் செய்வோம்!’ - பாஜக மாஜி அமைச்சர் சர்ச்சைப் பேச்சு

கர்நாடக மாநிலத்தில் வரும் மே மாதத்துக்குள் சட்டப்பேரவைத் தேர்தல் நடக்கவிருப்பதால், பா.ஜ.க., காங்கிரஸ், மதச்சார்பற்ற ஜனதா தளம் கட்சியினர் வாக்குறுதிகளை ‘அள்ளி வீசி’ வருகின்றனர். இந்த நிலையில், பா.ஜ.க முன்னாள் நீர்வளத்துறை அமைச்சர் ரமேஷ் ஜார்கிஹோலி, ``வரும் தேர்தலில் நாங்கள் (பா.ஜ.க) வாக்காளர்களுக்கு ரூ.6,000 கொடுப்போம்" என வெளிப்படையாகப் பேசியிருக்கிறார். மேலும், ``எதை வேண்டுமானாலும் செய்து கர்நாடகத்தில், பா.ஜ.க ஆட்சியமைக்கும்’’ எனவும் பேசியிருப்பது அரசியல் களத்தில் பெரும் புகைச்சலைக் கிளப்பியிருக்கிறது. யார் இந்த ரமேஷ் ஜார்கிஹோலி? பல ஆண்டுகளாக காங்கிரஸ் கட்சியிலிருந்த ரமேஷ் ஜார்கிஹோலி, 2019-ல் காங்கிரஸ் – மதச்சார்பற்ற ஆட்சியைக் கவிழ்த்து பா.ஜ.க ஆட்சியமைத்தபோது, காங்கிரஸ் கட்சியை உதறிவிட்டு பா.ஜ.க-வில் இணைந்தார். எடியூரப்பா தலைமையிலான அரசில், நீர்வளத்துறை அமைச்சராக இருந்தபோது, ஒரு பெண்ணுக்குப் பாலியல் தொல்லைக் கொடுத்ததாக வீடியோ வெளியாகி பரபரப்பு ஏற்பட்டதும், அமைச்சர் பதவியை ராஜினாமா செய்தார்.ரமேஷ் ஜார்கிஹோலி சர்ச்சைப் பேச்சு... தற்போது, பெலகாவி மாவட்டம் கோகாக் தொகுதி பா.ஜ.க எம்.எல்.ஏ-வாக இருக்கும் ரமேஷ் ஜார்கிஹோலி, பா.ஜ.க-வுக்கு வாக்குச் சேகரிக்கும் பணியின்போது, அருகிலுள்ள தொகுதியின் காங்கிரஸ் எம்.எல்.ஏ லட்சுமி ஹெப்பல்கரை விமர்சித்துப் பேசினார். அப்போது அவர், ``லட்சுமி ஹெப்பல்கர் தொகுதி வாக்காளர்களுக்கு பரிசுப்பொருள்கள் விநியோகம் செய்வதை நான் பார்த்திருக்கிறேன். அவர் வாக்காளர்களுக்கு, ஆயிரம் ரூபாய் மதிப்புள்ள குக்கர், மிக்‌ஸியைப் பரிசாகக் கொடுத்திருக்கிறார். அவர் வேறு பரிசுகள் கொடுத்தாலும் அவை, 3,000 ரூபாயைத் தாண்டாது. ஆனால், நாங்கள் (பா.ஜ.க) உங்கள் ஒவ்வொருவருக்கும் (வாக்காளர்களுக்கு) 6,000 ரூபாய் கொடுப்போம்; கொடுக்கவில்லை எனில் எங்கள் வேட்பாளருக்கு வாக்களிக்க வேண்டாம்’’ என சர்ச்சையாகப் பேசியிருக்கிறார். மேலும், அந்தப் பகுதியில் நடந்த மற்றொரு நிகழ்ச்சியில், ‘‘வரும் கர்நாடக தேர்தலில் பா.ஜ.க வெற்றி பெறும். பெரும்பான்மை பெறவில்லை என்றாலும் ஆட்சி அமைக்கும். பா.ஜ.க ஆட்சியமைக்க நாங்கள் எதை வேண்டுமானாலும் செய்வோம்’’ எனப் பேசியிருந்தார். காங்கிரஸ் கண்டனம் ரமேஷ் ஜார்கிஹோலியின் பேச்சுக்கு காங்கிரஸ் கட்சியினர் கடும் கண்டனத்தைப் பதிவுசெய்ததுடன், ``ரமேஷ் ஜார்கிஹோலி கோகாக் தொகுதியில், ஓர் ஓட்டுக்கு, 500 முதல் 2,000 ரூபாய் கொடுத்து வெற்றி பெற்றிருக்கிறார். தற்போது, 6,000 ரூபாய் தருவதாகப் பேசியிருக்கிறார். வரும் தேர்தலுக்கு அவர் தொகுதியில், ரூ.50 கோடி வரையில் செலவு செய்வார். தேர்தல் ஆணையம், வருமான வரித்துறையினர் அவரது சமீபத்திய பேச்சுகள் குறித்து நடவடிக்கை எடுத்திருக்க வேண்டும். ஆனால், பா.ஜ.க-வின் ஆட்சி நடப்பதால், பா.ஜ.க-வுக்கு ஆதரவாகச் செயல்படும் மாநில தேர்தல் ஆணையம், எந்த நடவடிக்கையும் எடுக்கவில்லை’’ எனத் தெரிவித்திருக்கின்றனர். ரமேஷ் ஜார்கிஹோலி பேச்சு, பா.ஜ.க தலைவர்கள் மத்தியிலும் அதிருப்தியை ஏற்படுத்தியிருக்கிறது.ரமேஷ் ஜார்கிஹோலி ‘ஆபரேஷன் லோட்டஸ்‘? மதச்சார்பற்ற ஜனதா தளம், ஆம் ஆத்மி, அரசியல் விமர்சகர்களிடம் இது தொடர்பாகப் பேசினோம். ‘‘ரமேஷ் ஜார்கிஹோலி பேச்சின் வாயிலாக, பா.ஜ.க வரும் தேர்தலில் பணம், பரிசுகள் கொடுத்து வாக்காளர்களைக் கவர முயலப்போவது தெளிவாகத் தெரிகிறது. மேலும், `பா.ஜ.க ஆட்சியமைக்க நாங்கள் எதை வேண்டுமானாலும் செய்வோம்' எனவும் பேசியிருக்கிறார். இதனால், பெரும்பான்மை பெறவில்லை என்றாலும், கடந்த முறையைப்போல ‘ஆபரேஷன் லோட்டஸ்’ நிகழ்த்தி, காங்கிரஸ், ஜனதா தளம் கட்சியிலுள்ள எம்.எல்.ஏ-க்களிடம் குதிரை பேரம் பேசி, ஆட்சியமைக்க திட்டமிட்டிருப்பதை மறைமுகமாகச் சொல்லியிருக்கிறார். இது ஜனநாயகத்துக்கு முற்றிலும் விரோதமானது’’ என்றனர். ‘மீண்டும் ஆபரேஷன் லோட்டஸா...?’ என, காங்கிரஸ், மதச்சார்பற்ற ஜனதா தளம் கட்சியினர் அச்சத்தில் இருப்பதுடன், என்ன ஆனாலும் வேட்பாளர்கள் விலை போகக் கூடாது என்பதில் தீவிரமாக இருக்கின்றனர்.``முன்பு ஆபரேஷன் தாமரை; இப்போது ஆபரேஷன் வோட்டர்” - கர்நாடக முதல்வர் மீது காங்கிரஸ் புகார்
http://dlvr.it/ShPjcy

Read More

கேரளா: காலாவதி தேதியில்லாத உணவு பாக்கெட்டுகளுக்கு தடை; சுகாதாரத்துறையின் அதிரடி தொடர்கிறது!

கேரளாவில், காலாவதி தேதி உள்ளிட்ட விவரங்கள் இடம்பெறாத உணவுப் பாக்கெட்டுகளை விற்க, அம்மாநில அரசு தடை விதித்துள்ளது. கேரளாவில், உணவின் தரம் தொடர்பான பிரச்னைகளால் அடுத்தடுத்து உயிர்பலி, மக்களுக்கு உடல்நல பாதிப்புகள் போன்ற சம்பவங்கள் நடந்து வருகின்றன. சமீபத்தில் எர்ணாகுளம் மாவட்டம் வடபரவூரில் உள்ள உணவகத்தில் உணவு உண்ட 68 பேர் உணவு நச்சு அறிகுறிகளுடன் பல்வேறு மருத்துவமனைகளில் அனுமதிக்கப்பட்டனர். உணவு | மாதிரிப்படம்கேரள மாணவியின் உயிரை பறித்த ஷவர்மா... கெட்டுப்போன சிக்கனில் தயாரித்ததால் விபரீதம்! ஜனவரி 2-ம் தேதி, கோட்டயம் மருத்துவக் கல்லூரியில் பணிபுரியும் பெண் செவிலியர் ஒருவர், கோட்டயத்தில் உள்ள ஒரு உணவகத்தில் இருந்து உணவை உட்கொண்ட பிறகு உடல் நலம் பாதித்து உயிரிழந்தார். தொடர்ந்து, அவருடன் அதே உணவகத்தில் சாப்பிட்ட 21 பேர் நோய்வாய்ப்பட்டனர். அவர்கள் அனைவரும் மருத்துவ சிகிச்சைகளுக்குப் பின் குணமடைந்தனர். இதையடுத்து உணவகம் மூடப்பட்டதுடன், அதன் தலைமை சமையல்காரர் மற்றும் உரிமையாளர் ஆகியோரை கேரள காவல்துறையினர் கைது செய்தனர். மேலும், உணவகங்களில் திடீர் ஆய்வு உள்ளிட்ட அதிரடி நடவடிக்கைகளையும் சுகாதாரத்துறை மேற்கொண்டு வந்தது. இந்த நிலையில், கேரள மாநிலத்தில் கடைகள் மற்றும் உணவகங்களில் விற்கப்படும் பாக்கெட்டுகளில் அடைக்கப்பட்ட உணவு பொருட்களில் காலாவதி தேதி குறித்த விவரங்கள் கண்டிப்பாக இடம் பெற்றிருக்க வேண்டும் என்று மாநில சுகாதாரத்துறை அமைச்சகம் உத்தரவிட்டுள்ளது. அத்தகைய விவரங்கள் இடம் பெறாத உணவு பாக்கெட்டுகளின் விற்பனை தடை செய்யப்பட வேண்டும் என்று கேரளா சுகாதார அமைச்சகம் சமீபத்தில் வெளியிட்டுள்ள அறிக்கையில் குறிப்பிட்டுள்ளது.Food முட்டையில் இருந்து தயாரிக்கப்படும் மயோனைஸுக்கு கேரளாவில் தடை! - காரணம் இதுதான்! மேலும், `உணவுப் பாதுகாப்பு மற்றும் தரநிலை விதிகளின்படி, சூடான உணவுகள் என வகைப்படுத்தப்பட்ட உணவுகள், சமைத்த இரண்டு மணி நேரத்திற்குள் உட்கொள்ளப்பட வேண்டும். அத்தகைய உணவை அதிக பயண நேரம் எடுக்கும் இடங்களுக்கு எடுத்துச் செல்லும்போது கூட வெப்பநிலை 60 டிகிரியில் பராமரிக்கப்பட வேண்டும். இந்த உணவுகள் 2 மணி நேரத்திற்கும் மேலாக அறை வெப்பநிலையில் வைக்கப்படும் போது ஆரோக்கியத்திற்கு தீங்கு விளைவிக்கும் மற்றும் உண்ணுவதற்கு தகுதியற்றதாக மாறும். எனவே, சில கட்டுப்பாடுகள் அவசியம் என்று கண்டறியப்பட்டதால் இந்த முடிவு எடுக்கப்பட்டுள்ளது' என்று சுகாதாரத்துறையின் செய்திக்குறிப்பில் தெரிவிக்கப்பட்டுள்ளது.
http://dlvr.it/ShPjQL

Read More

`என் தோட்டத்தில் விளைந்த காய்கறிகள், அம்மாவின் சமையல்!’ - சச்சின் பெருமிதம்!

மும்பையில் பாலிவுட் நட்சத்திரங்கள் தங்களது வீடுகளில் காலியாக இருக்கும் இடத்தில் காய்கறிகளை பயிரிட்டு வருகின்றனர். இயற்கையான முறையில் காய்கறிகளை பயிரிட்டு சமையல் செய்து சாப்பிடவேண்டும் என்பது அனைவருக்கும் கனவாக இருந்தாலும், அது ஒரு சிலருக்குத்தான் வாய்க்கிறது. தற்போது பெரும்பாலான காய்கறிகள் பூச்சிக்கொல்லி மருந்து பயன்படுத்தித்தான் விளைவிக்கப்படுகின்றன. மாடித்தோட்டம் அமைக்க A to Z வழிகாட்டல்கள்; பசுமை விகடன் நடத்தும் நேரடி பயிற்சி! இயற்கையான முறையில் விவசாயம் செய்வது மிகவும் குறைவாகவே இருக்கிறது. மும்பையில் சச்சின் டெண்டுல்கரும் தனது வீட்டில் காலியாக இருக்கும் இடத்தில் இயற்கையான முறையில் காய்கறிகளை பயிரிட்டுள்ளார். அதிலிருந்து காய்கறிகளை பறித்து தனது வீட்டு சமையலுக்கும் பயன்படுத்துகிறார். இது தொடர்பாக அவர் தனது இன்ஸ்டாகிராமில் வீடியோ ஒன்றையும் பகிர்ந்து கொண்டுள்ளார். அதில் சச்சின் டெண்டுல்கர் தனது தோட்டத்தில் இருந்து முள்ளங்கியை பிடுங்கி எடுத்து வருகிறார். இது தவிர தோட்டத்தில் சுரைக்காய், கொண்டைக்கடலை, குடைமிளகாய், வெண்டைக்காய் என பலதரப்பட்ட காய்கறிகளை தனது வீட்டுத்தோட்டத்தில் பயிரிட்டுள்ளார். காய்கறிகளை பறித்துக்கொண்டு புறப்படும் போது, இந்த காய்கறிகளை வீட்டிற்கு எடுத்துச்சென்று எனது அம்மா தயாரித்த உணவை சமைக்கப்போகிறோம் என்று மகிழ்ச்சியுடன் தெரிவித்தார். வீட்டில் வளர்க்கப்படும் காய்கறிகள் சுத்தமானதாக இருப்பதாகவும், அதனை சமைத்து சாப்பிடுவது மிகவும் மகிழ்ச்சியான ஒரு அனுபவம் என்றும், உடல் ஆரோக்கியத்திற்கு நன்மை பயக்கும் என்றும் அவர் தெரிவித்தார்.சச்சின் டெண்டுல்கர் பசுமைப் பள்ளித் திட்டம்: காய்கறி, மூலிகை, மீன் வளர்ப்பு அசத்தும் திருவாரூர் அரசுப்பள்ளி மாணவர்கள்! சச்சின் டெண்டுல்கரைப்போல் நடிகை ஜுஹி சாவ்லா மும்பைக்கு வெளியில் நிலம் வாங்கி சொந்தமாக காய்கறி தோட்டம் அமைத்துள்ளார். அத்தோட்டத்தில் விளையும் காய்கறிகளை தனது கணவரின் ஹோட்டலுக்கு பயன்படுத்துகிறார். அதோடு உள்ளூர் கிராம மக்களுக்கு குறிப்பிட்ட நிலத்தை கொடுத்து விவசாயம் செய்யவும் உதவி செய்கிறார். பாலிவுட் நடிகர் தர்மேந்திரா புனே அருகில் பல ஏக்கரில் பண்ணை வீடு வைத்திருக்கிறார். அந்த நிலத்தில் சொந்தமாக விவசாயம் செய்து வருகிறார்.
http://dlvr.it/ShLnhX

Read More

”இத மட்டும் பண்ணுங்க.. எதிரணியை சேர்ந்து மிரட்டலாம்” - உம்ரானுக்கு முகம்மது ஷமி அட்வைஸ்!

இந்திய அணியின் மூத்த வேகப்பந்து வீச்சாளரான முகம்மது ஷமி, மற்றொரு இளம் வேகப்பந்து வீச்சாளர் உம்ரான் மாலிக்கிற்கு சில ஆலோசனைகளை வழங்கியுள்ளார். இந்தியாவில் சுற்றுப்பயணம் மேற்கொண்டிருக்கும் நியூசிலாந்து அணி 3 ஒருநாள் மற்றும் 3 டி20 போட்டிகளில் விளையாட இருக்கிறது. தற்போது ஒருநாள் போட்டிகளில் விளையாடி வருகிறது. இதில் முதல் இரண்டு போட்டிகளில் இந்தியா வெற்றி பெற்றதன் மூலம் தொடரையும் கைப்பற்றியுள்ளது. இந்த நிலையில், 2வது போட்டியில் வெற்றிக்கான பங்களிப்பைத் தந்தவர் வேகப்பந்து வீச்சாளர் முகம்மது ஷமி. அவர், 6 ஓவர்கள் வீசி 1 மெய்டன் உள்பட 3 முக்கிய விக்கெட்களைக் கைப்பற்றினார். இதனால், நியூசிலாந்து அணி 34.3 ஓவர்களில் 108 ரன்களுக்குச் சுருண்டது. பின்னர் ஆடிய இந்திய அணி, 20.1 ஓவர்களில் 2 விக்கெட் இழப்புக்கு 111 ரன்கள் எடுத்து வெற்றிபெற்றது. இந்தப் போட்டியில் முகம்மது ஷமிக்கு ஆட்ட நாயகன் விருது வழங்கப்பட்டது. இந்த நிலையில், முகம்மது ஷமியை மற்றொரு இந்திய அணியின் இளம் வேகப்பந்து வீச்சாளர் உம்ரான் மாலிக் பேட்டி எடுப்பதற்கு பிசிசிஐ ஏற்பாடு செய்திருந்தது. ராய்ப்பூர் மைதானத்தில் நடந்த இந்த உரையாடலின்போது, ”தாம் முன்னேறுவதற்கு சில ஆலோசனைகளை வழங்குங்கள்” என்று முகமது ஷமியிடம் உம்ரான் மாலிக் கேட்டார். அதற்கு ஷமி, “முதலில் உங்களுக்கு எனது வாழ்த்துகள். உங்களுக்கு பிரகாசமான எதிர்காலம் உள்ளது. அப்போது, நீங்கள் இதைவிட இன்னும் சிறப்பாக செயல்படுவீர்கள். நீங்கள், உங்கள் திறமையை மட்டும் நம்புங்கள். வேகமாய் விக்கெட்டை வீழ்த்துவதில் முயற்சி செய்யுங்கள். உங்களிடம் நிறைய திறமை இருக்கிறது. இயல்பாகவே நல்ல வேகத்தைக் கொண்டுள்ள நீங்கள், கோட்டுக்குள் நேர்த்தியாக பந்துவீசுவதில் கவனம் செலுத்தினால் யாராலும் உங்களைத் தொட முடியாது. ஒருமுறை நீங்கள் அதில் கடினமாக உழைத்து தேவையான மாற்றங்களை செய்து வெற்றி கண்டுவிட்டால், அதன்பின் நாம் இருவரும் சேர்ந்து உலகின் எதிரணிகளை மிரட்டலாம்” என ஆலோசனை வழங்கியுள்ளார். From bowling pace & staying calm to sharing an invaluable advice Raipur Special: @umran_malik_01 interviews his 'favourite bowler' @MdShami11 after #TeamIndia win the 2⃣nd #INDvNZ ODI - By @ameyatilak Full interview https://t.co/lALEGLjeZb pic.twitter.com/hy57SAtBf6 — BCCI (@BCCI) January 22, 2023 சமீபத்தில் நடைபெற்று முடிந்த இலங்கை அணிக்கு எதிரான டி20 தொடரில் இடம்பெற்றிருந்த உம்ரான் மாலிக், முதல் டி20 போட்டியில் அவரது கடைசி ஓவரில் அதிகபட்சமாக 155 கிமீ வேகத்தில் பந்து வீசி சாதனை படைத்தார். இதற்கு முன்னதாக ஜஸ்ப்ரித் பும்ரா அதிகபட்சமாக 153.36 கிலோ மீட்டர் வேகத்திலும், முகமது ஷமி 153.3 கிமீ வேகத்திலுமே பந்து வீசியிருந்தனர் என்பது குறிப்பிடத்தக்கது. இந்தத் தொடரின்போது முதல் போட்டியில் 2 விக்கெட்கள், இரண்டாவது போட்டியில் 3 விக்கெட்கள் 3வது போட்டியில் 2 விக்கெட்கள் என மொத்தம் 7 விக்கெட்களை உம்ரான் கைப்பற்றியிருந்தார். அதுபோல இலங்கைக்கு எதிரான ஒருநாள் தொடரில் முதல் இரண்டு போட்டிகளில் விளையாடி 5 விக்கெட்களை அள்ளியிருந்தார். இருப்பினும் நியூசிலாந்து தொடரில் அவர் இடம்பெற்றும் முதல் இரண்டு போட்டிகளில் ஆடும் லெவனில் களமிறங்கவில்லை என்பது குறிப்பிடத்தக்கது.
http://dlvr.it/ShHzKV

Read More

பெங்களூர்: மாபெரும் மலர் கண்காட்சி! கண்களை விரியச்செய்யும் அலங்காரங்கள்!

கர்நாடக மாநிலம் பெங்களூர் நகரின் மையப்பகுதியில், லால்பாக் தாவரவியல் பூங்கா உள்ளது. ஆண்டுதோறும் குடியரசு தினம் மற்றும் சுதந்திர தினத்தையொட்டி லால்பாக் தாவரவியல் பூங்காவில், மலர் கண்காட்சி நடத்தப்படுவது வழக்கம். 26-ம் தேதி குடியரசு தினம் கொண்டாடப்பட உள்ள நிலையில், லால்பாக்கில் மலர் கண்காட்சி நடத்த, கர்நாடக அரசு திட்டமிட்டது.மலர் கண்காட்சி. அதன்படி, பூங்காவிலுள்ள கண்ணாடி மாளிகையில் அமைக்கப்பட்டுள்ள மலர் கண்காட்சியின் துவக்க விழா இன்று நடந்தது. கர்நாடக தோட்டக்கலைத்துறை மற்றும் மத்திய வேளாண்துறை சார்பில் நடத்தப்படும் இந்த கண்காட்சியை, முதல்வர் பசவராஜ் பொம்மை துவங்கி வைத்தார்.மலர் கண்காட்சி.காரைக்கால்: மலர்க் கண்காட்சி... சினிமாவை விஞ்சிய அலங்காரம்! ‘பெங்களூரின் வளர்ச்சி மற்றும் வரலாறு’ என்ற தலைப்பில் நடக்கும் இக்கண்காட்சி, இன்று துவங்கி வரும், 29ம் தேதி வரையில் நடக்கிறது. பெங்களூருவின் வளர்ச்சிக்கு முக்கிய பங்காற்றிய கெம்பேகெளவுடா, திப்பு சுல்தான், நால்வடி கிருஷ்ணராஜ உடையார் ஆகியோரின் சேவைகளை மையப்படுத்தி, மலர் கண்காட்சி அமைக்கப்பட்டுள்ளது. மேலும், மைசூர் கோட்டை, திப்புசுல்தான் அரண்மனை, உயர்நீதிமன்றம், கோட்டைகள், கோபுரங்கள், யானை, மயில், மாடுகள் என, பலவகை விலங்குகள், காட்டுயிர்கள் போல, மலர்களால் வடிவமைக்கப்பட்டுள்ளன. 97 வகையான மலர்களைக்கொண்ட, மூன்று லட்சம் தொட்டிகளில் மலர்கள் காட்சிப்படுத்தப்பட்டு உள்ளன. நுழைவுக்கட்டணமாக தலா, 70 ரூபாய் செலுத்தியும், 12 வயதுக்குட்பட்டவர்களுக்கு தலா, 30 ரூபாய் செலுத்தி, காலை, 9:00 மணி முதல் இக்கண்காட்சியை மக்கள் கண்டு ரசிக்கலாம். மலர் கண்காட்சிக்காக, கிருஷ்ணகிரி கிராமப்பகுதிகள், ஓசூர், பெங்களூர் உள்பட, நாட்டின் பல்வேறு பகுதிகளில் இருந்து, பல டன் மலர்கள் கொண்டு வரப்பட்டு கண்காட்சி நடத்தப்படுகிறது.மலர் கண்காட்சி.செரெங்கெட்டி தேசியப் பூங்கா: முடிவில்லா சமவெளியில் ஒரு முடிவற்ற ஊர்வலம் - 4 சுமார், 12 லட்சம் பார்வையாளர்கள் வந்து செல்வார்கள் என்பதால், போலீஸார் பாதுகாப்பு பணியில் ஈடுபட்டுள்ளனர். லால்பாக் சுற்றிலும் திருவிழா போன்று கடைகளும் அமைக்கப்பட்டுள்ளன. கண்காட்சிக்கு சென்றால் பல வண்ண மலர்களை கண்டு ரசிப்பதுடன், விதவிதமான ‘புட்’, ‘ஸ்நாக்ஸ்’, ‘டாய்ஸ்’ வாங்கி மகிழலாம். ‘வீக் எண்டு’ கொண்டாட இக்கண்காட்சி சிறந்த இடமாக இருக்கும்.
http://dlvr.it/ShFxQg

Read More

புகாரளித்து 32 ஆண்டுகளுக்குப் பிறகு... பாலில் கலப்படம் செய்தவருக்குத் தண்டனை விதித்த நீதிமன்றம்!

உத்தரப்பிரதேச மாநிலம், முசார்ஃபர் நகரைச் சேர்ந்தவர் ஹர்பீர் சிங். இவர் அந்தப் பகுதியில் நீண்டகாலமாக பால் வியாபாரம் செய்துவந்திருக்கிறார். இந்த நிலையில், ஹர்பீர் சிங் விற்பனை செய்துவந்த பாலில் கலப்படம் இருப்பதாக 1990-ம் ஆண்டு புகார் எழுந்திருக்கிறது. அதைத் தொடர்ந்து, அப்போதைய உணவு ஆய்வாளர் சுரேஷ் சந்த் என்பவர், ஹர்பீர் சிங்கின் பாலை ஆய்வுசெய்திருக்கிறார். அப்போது பால் கலப்படம் செய்யப்பட்டிருந்தது உறுதியானது. அதைத் தொடர்ந்து, அவர்மீது ஏப்ரல் 21, 1990 அன்று நீதிமன்றத்தில் புகாரளித்தார். இந்த விவகாரத்தில் புகார் பதிவுசெய்யப்பட்டு 32 ஆண்டுகளுக்கும் மேலாக, கலப்பட பால் விற்பனை செய்த நபர் மீதான விசாரணை நடந்துவந்ததாகக் கூறப்படுகிறது. இந்த நிலையில், பால் விற்பனையாளர் ஹர்பீர் சிங்கைக் குற்றவாளியென உறுதிசெய்த கூடுதல் தலைமை ஜூடிசியல் மாஜிஸ்டிரேட் பிரசாந்த் குமார், ஹர்பீர் சிங்குக்கு ரூ.5,000 அபராதம் விதித்து நேற்று உத்தரவிட்டார்.நீதிமன்றத் தீர்ப்பு இது தொடர்பாக ஊடகங்களிடம் பேசிய அரசுத் துறை அதிகாரி ராமவதார் சிங், ``1990-ம் ஆண்டு ஹர்பீர் சிங் விற்பனை செய்த பாலின் மாதிரி சேகரிக்கப்பட்டு ஆய்வகத்துக்கு அனுப்பப்பட்டபோது அதில் கலப்படம் செய்யப்பட்டிருந்தது தெரியவந்தது. அப்போதே உணவு ஆய்வாளர் சுரேஷ் சந்த், நீதிமன்றத்தில் புகாரளித்தார். அந்த வழக்கில் 32 ஆண்டுகளுக்குப் பிறகு, கலப்படம் செய்யப்பட்ட பாலை விற்ற நபருக்கு ஆறு மாதங்கள் சிறைத் தண்டனையும், 5,000 ரூபாய் அபராதமும் விதித்து நீதிமன்றம் உத்தரவிட்டிருக்கிறது" எனத் தெரிவித்தார்.பொங்கல் பொருள்களில் கலப்படம்; அதிர்வை ஏற்படுத்திய விகடன் காணொலி! - அலுவலர் அதிரடி சஸ்பெண்ட்
http://dlvr.it/ShCyYM

Read More

ஹோட்டல் ஊழியர்களுக்கு மருத்துவச்சான்று கட்டாயம், தவறினால் சீல்: கேரள சுகாதாரத்துறை அதிரடி!

கேரள மாநிலத்தில் ஹோட்டலில் குழிமந்தி பிரியாணி சாப்பிட்ட நர்ஸ் உயிரிழந்த சம்பவத்தை தொடர்ந்து, ஹோட்டல்களில் சாப்பிட்டதால் வாந்தி, பேதி உள்ளிட்ட உடல்நலக்குறைவுகள் பலருக்கும் ஏற்பட்டு வருகின்றன. இதையடுத்து ஹோட்டல்களில் கேரள உணவு பாதுகாப்புத்துறை அதிகாரிகள் அதிரடி ஆய்வு நடத்தி வருகின்றனர். கடந்த 10 நாள்களில் நடந்த ஆய்வில் சுத்தம், சுகாதாரம் இல்லாத, லைசென்ஸ் இல்லாமல் செயல்பட்ட 112 ஹோட்டல்கள் மூடி சீல் வைக்கப்பட்டன. 578 ஹோட்டல்களுக்கு நோட்டீஸ் வழங்கப்பட்டுள்ளன. அதைத் தொடர்ந்து ஹோட்டல்கள், ரெஸ்டாரன்ட்களில் பணிபுரியும் ஊழியர்கள் மருத்துவப் பரிசோதனை நடத்தி ஹெல்த் கார்டு எடுக்க வேண்டும் எனவும், வரும் பிப்ரவரி 1-ம் தேதிக்குள் அனைத்து ஹோட்டல்களிலும், ரெஸ்டாரன்ட்களிலும் ஹெல்த் கார்டு எடுக்காதவர்கள் வேலை செய்ய அனுமதிக்கக்கூடாது எனவும் கேரள சுகாதாரத்துறை அமைச்சர் வீணா ஜார்ஜ் அதிரடியாக அறிவித்துள்ளார். அமைச்சர் வீணா ஜார்ஜ் இதுகுறித்து சுகாதாரத்துறை அமைச்சர் வீணா ஜார்ஜ் வெளியிட்ட அறிவிப்பில், "ஹோட்டல், உணவகங்களில் அனைத்து பணியாளர்களும் உடல் பரிசோதனை மேற்கொண்டு மருத்துவச் சான்றிதழ் எடுக்க வேண்டும். பிப்ரவரி 1-ம் தேதிக்குள் ஹெல்த் கார்டு எடுக்காத பணியாளர் ஹோட்டல், உணவகங்களில் வேலைசெய்யக்கூடாது. அப்படி வேலை செய்தால் அந்த ஹோட்டல் சீல் வைக்கப்படும். உணவு பாதுகாப்பு விதிமுறைப்படி மருத்துவச் சான்றிதழ் இருக்க வேண்டும். சான்றிதழ் எடுக்காமல் இருந்தாலோ, போலிச் சான்றிதழ் வைத்திருந்தாலோ ஹோட்டலுக்கு சீல் வைக்கப்படும்" எனத் தெரிவித்துள்ளார். இதுகுறித்து சுகாதாரத்துறையின் சுற்றறிக்கையில் சில வழிகாட்டுதல்கள் கூறப்பட்டுள்ளன: * பதிவு செய்யப்பட்ட மருத்துவரிடம் இருந்து ஹெல்த் கார்ட் பெற வேண்டும். * ரத்தப் பரிசோதனை மற்றும் உடல் பரிசோதனை நடத்தித்தான் மருத்துவர்கள் ஹெல்த் கார்டு வழங்க வேண்டும். * கிருமித்தொற்று, தொற்று நோய், தோல் நோய்கள், பார்வை குறைபாடு உள்ளிட்டவற்றுக்கு முக்கியத்துவம் அளித்து பரிசோதனை மேற்கொள்ளப்படும். * நோய் எதிர்ப்புக்கான தடுப்பூசிகள் போடப்பட்டுள்ளனவா என்பதையும் மருத்துவர்கள் பரிசோதிப்பார்கள்.பரிசோதனைகேரள மாணவியின் உயிரை பறித்த ஷவர்மா... கெட்டுப்போன சிக்கனில் தயாரித்ததால் விபரீதம்! * ஹெல்த் கார்டுக்கான மாதிரி படிவம் உணவுப் பாதுகாப்பு கமிஷனர் இணையதளத்தில் பதிவேற்றம் செய்யப்பட்டுள்ளது. * ஹெல்த் கார்டுகள் அனைத்தும் ஹோட்டல்களில் பாதுகாப்பாக வைக்கப்பட வேண்டும். அதிகாரிகள் பரிசோதனை நடத்தும்போது அவற்றை காண்பிக்க வேண்டும். * ஆறு மாதங்களுக்கு ஒருமுறை ரத்தம் உள்ளிட்ட பரிசோதனைகளை மீண்டும் செய்து ஹெல்த் கார்டை புதுப்பித்துக்கொள்ள வேண்டும்.
http://dlvr.it/Sh9BLF

Read More

இறுதிகட்டத்தை நெருங்கும் பாரத் ஜோடோ; ஜம்மு-காஷ்மீர் முக்கிய நிர்வாகி திடீர் விலகல் - காரணம் என்ன?

காங்கிரஸ் எம்.பி ராகுல் காந்தியால் கடந்த ஆண்டு செப்டம்பரில் தொடங்கப்பட்ட பாரத் ஜோடோ யாத்திரை கிட்டத்தட்ட அதன் இறுதிகட்டத்தை நெருங்கிவிட்டது. இந்த யாத்திரையில் கடைசி மாநிலமாக வரும் வெள்ளிக்கிழமையன்று ஜம்மு - காஷ்மீரில் காங்கிரஸ் நுழைகிறது. இந்த நிலையில், ஜம்மு - காஷ்மீரின் காங்கிரஸ் செய்தித் தொடர்பாளர் தீபிகா புஷ்கர்நாத், கட்சியிலிருந்து விலகுவதாகத் தெரிவித்திருக்கிறார்.காங்கிரஸ் செய்தித் தொடர்பாளர் தீபிகா புஷ்கர் நாத் இது குறித்து தீபிகா புஷ்கர் நாத் தன்னுடைய ட்விட்டர் பக்கத்தில், ``சவுத்ரி லால் சிங் பாரத் ஜோடோ யாத்ராவில் கலந்துகொள்ள விருப்பம் தெரிவித்திருப்பதையடுத்து காங்கிரஸ் அதற்கு அனுமதியளித்திருக்கிறது. அதனால், கட்சியிலிருந்து நான் ராஜினாமா செய்வதைத் தவிர எனக்கு வேறு வழியில்லை. 2018-ம் ஆண்டில் கதுவா பாலியல் வன்கொடுமை வழக்கில் பாலியல் வன்கொடுமையாளர்களைப் பாதுகாத்து, வழக்கை சீரழித்ததற்குக் காரணமாக இருந்தவர் லால் சிங். பாலியல் வன்கொடுமையாளர்களைப் பாதுகாப்பதற்காக ஒட்டுமொத்த ஜம்மு - காஷ்மீரையும் லால் சிங் துண்டாக்கினார்.சவுத்ரி லால் சிங் - பாரத் ஜோடோ யாத்திரை தத்துவார்த்த ரீதியாக பாரத் ஜோடோ யாத்திரை இதற்கு முற்றிலும் எதிர்மாறானது. எனவே, தத்துவார்த்த அடிப்படையில் அத்தகைய நபருடன் என்னால் மேடையைப் பகிர்ந்துகொள்ள முடியாது" எனக் குறிப்பிட்டிருக்கிறார். கதுவா பாலியல் வன்கொடுமை விவகாரமும், லால் சிங்கும்! ஜம்மு - காஷ்மீரின் மனித உரிமை வழக்கறிஞரான தீபிகா புஷ்கர் நாத், 2018-ம் ஆண்டு கதுவாவில் 8 வயது சிறுமி கொடூரமாக பாலியல் வன்கொடுமை செய்யப்பட்டு, கொலைசெய்யப்பட்ட வழக்கை கையிலெடுத்தார். ஆனால், அப்போதைய பா.ஜ.க-பிடிபி கூட்டணி ஆட்சியில் வனத்துறை அமைச்சராக இருந்த லால் சிங், இந்த வழக்கில் குற்றம்சாட்டப்பட்டவர்களுக்கு ஆதரவாக இருந்ததாகக் கூறப்படுகிறது.சவுத்ரி லால் சிங் அதைத் தொடர்ந்து, இந்த விவகாரத்தின் பின்னணியில் லால் சிங் தன்னுடைய பதவியை ராஜினாமா செய்ய நேர்ந்தது. பின்னர் 2019-ல் பா.ஜ.க-விலிருந்து விலகிய லால் சிங், டோக்ரா ஸ்வாபிமான் சங்கதன் கட்சி (டி.எஸ்.எஸ்.பி) என்ற தனிக்கட்சியைத் தொடங்கினார். இவர் ஏற்கெனவே 2014-ல் காங்கிரஸிலிருந்து விலகி பா.ஜ.க-வில் சேர்ந்தார் என்பது குறிப்பிடத்தக்கது.காஷ்மீரை நெருங்கிய பாரத் ஜோடோ யாத்திரை... ஏற்படுத்திய மாற்றங்கள் என்னென்ன?!
http://dlvr.it/Sh6Dj5

Read More

மும்பை குடிசைப்பகுதி கழிவறைகளில் 5000 சானிட்டரி நாப்கின் மெஷின்கள் அமைக்க முடிவு!

மும்பையில் 55% மக்கள் குடிசைப்பகுதியில் வசிக்கின்றனர். அவர்களின் வசதிக்காக நகர் முழுவதும் 8 ஆயிரம் பொதுக்கழிப்பறைகளை மாநகராட்சி நிர்வாகமும், மகாராஷ்டிரா வீட்டு வசதி வாரியமான மஹாடாவும் கட்டி இருக்கின்றன. இக்கழிவறைகளில் சிலவற்றில் அடிப்படை வசதிகள் கூட இல்லாமல் இருக்கிறது. அதிகமான கழிவறைகள் தொண்டு நிறுவனங்கள் மூலம் நடத்தப்பட்டு வருகின்றன. இதில் 5000 சானிட்டரி நாப்கின் மெஷின்களை பொருத்த மாநகராட்சி நிர்வாகம் திட்டமிட்டுள்ளது. இந்த மெஷின்களை ரிமோட் கன்ட்ரோல் மூலம் கண்காணிக்கவும் முடிவு செய்யப்பட்டுள்ளது. மெஷினில் எவ்வளவு நாப்கின்கள் இருக்கிறது என்பதை ஆன்லைன் மூலம் கண்காணித்து உடனுக்குடன் தனியார் நிறுவனம் மூலம் நிரப்பவும் முடிவு செய்யப்பட்டுள்ளது. அதோடு நாப்கின் மெஷினில் இல்லையெனில் உள்ளூர் வார்டு அலுவலகத்திற்கும் எச்சரிக்கை செய்தி வரும். இந்த மெஷினில் பணம் போட்டு பட்டனை அழுத்தினால் மூன்று பேடு கொண்ட நாப்கின் பாக்கெட் தானாக வெளியில் வரும். இப்பாக்கெட் ரூ.10 ஆகும். ஆனால் இன்னும் விலை அதிகாரபூர்வமாக அறிவிக்கப்படவில்லை. அதோடு பயன்படுத்திய நாப்கினையும் இதில் போட்டுவிடலாம்; அவை தானாக எரிந்து சாம்பலாகிவிடும்.நாப்கின், டேம்பூன்ஸ்... மாதவிடாய் சுகாதாரப் பொருள்களின் வரியைக் குறைத்த இலங்கை அரசு; காரணம் என்ன? ஒவ்வொரு மெஷினும் ரூ.65 ஆயிரம் செலவில் அமைக்கப்பட இருக்கிறது. இது தவிர இதனை பராமரிக்க ஆண்டுக்கு ரூ.38 கோடியை செலவிடவும் மாநகராட்சி நிர்வாகம் முடிவு செய்துள்ளது. இந்த மெஷின்களை நிறுவும் நிறுவனமே இதனை இரண்டு ஆண்டுகளுக்கு பராமரிக்கவும் செய்யும் என்று மாநகராட்சி அதிகாரிகள் தெரிவித்துள்ளனர். ஏற்கெனவே சோதனை அடிப்படையில் குடிசைப்பகுதியில் இருக்கும் கழிவறைகளில் இந்த மெஷின்கள் பொருத்தப்பட்டுள்ளன. மும்பையில் 20 ஆயிரம் கழிவறை இருக்கைகள் புதிதாக உருவாக்கப்படும் என்றும், ஏற்கெனவே பழுதடைந்திருக்கும் கழிவறைகள் சுத்தப்படுத்தப்படும் என்றும் துணை முதல்வர் தேவேந்திர பட்னாவிஸ் தெரிவித்திருந்தார். அதோடு கழிவறைகள் சுத்தமாக இருக்க தனி குழு ஒன்றையும் அமைக்கப்போவதாக தெரிவித்திருந்தார். புதிதாக கழிவறை கட்டப்படும் இடத்தில் குடியிருப்புகள் இருந்தால் அவர்களுக்கு மாற்று இடம் கொடுக்கப்படும் என்று மாநகராட்சி கமிஷனர் இக்பால் தெரிவித்துள்ளார். மும்பைக்கு விரைவில் மாநகராட்சி தேர்தல் நடக்க இருக்கிறது. அதனை எதிர் கொள்ள மாநில அரசு மும்பைக்கு பல்வேறு திட்டங்களை அறிவித்துள்ளது. சமீபத்தில் கூட 400 கிலோ மீட்டர் சாலைகள் காங்கிரீட் மயமாக்கப்படும் என்று அறிவிக்கப்பட்டது.
http://dlvr.it/Sh3DsD

Read More

உ.பி: திருமணம் மீறிய உறவு; கணவனைக் கொன்று புதைத்து, அதன்மீது செப்டிக் டேங்க் கட்டிய மனைவி!

உத்தரப்பிரதேசத்தைச் சேர்ந்தவர் சதீஷ் பால். இவருக்கு திருமணமாகி நீது என்ற மனைவி இருக்கிறார். இவர்கள் இருவருக்குள்ளும் அடிக்கடி கருத்துவேறுபாடு இருந்து வந்ததாகச் சொல்லப்படுகிறது. இந்த நிலையில், கடந்த ஒரு வாரமாக அண்ணன் சதீஷைக் காணவில்லை என சதீஷின் சகோதரர் சோட்டலால், காசியாபாத் காவல் நிலையத்தில் புகாரளித்தார். அதைத் தொடர்ந்து, காவல்துறை விசாரிக்கத் தொடங்கியது. அப்போது, ஒருவாரமாக கணவனைக் காணாவிட்டாலும், அதைப் பொருட்படுத்தாமல் இருந்த நீது மீது காவல்துறைக்குச் சந்தேகம் வலுத்தது. ஆனால், நீதுவை விசாரித்தபோது அவர் எந்தக் குற்றத்தையும் ஒப்புக்கொள்ளவில்லை. அதன் பிறகுதான் நீதுவுக்கும், ஹர்பால் என்பவருக்கும் திருமணம் மீறிய உறவு இருந்தது தெரியவந்தது. அது தொடர்பாக காவல்துறை ஹர்பாலை விசாரித்ததில் சதீஷ் பாலை கூட்டாகக் கொலைசெய்ததை ஒப்புக்கொண்டார். இது தொடர்பாக காவல்துறை தரப்பு, ``சதீஷ் பாலுக்கும் நீதுவுக்கும் இருந்த கருத்துவேறுபாடு காரணமாக ஹர்பால் நீதுவோடு நெருக்கமாகியிருக்கிறார். கணவனால் அதிக தொல்லை ஏற்படுவதாகக் கருதிய நீது அவரைக் கொலைசெய்ய திட்டமிட்டிருக்கிறார்.கொலை நடந்த இடம் அதற்கு ஹர்பாலை உதவிக்கு அழைத்திருக்கிறார். கொலை நடந்த அன்று சதீஷ் வழக்கம்போல வீட்டில் குடித்துவிட்டு மது போதையில் இருந்தபோது ஹர்பாலும், நீதுவும் அவரின் கழுத்தை கயிரால் இறுக்கிக் கொலைசெய்துவிட்டனர். அவர்களின் வீட்டுக்குப் பின்னால் கட்டப்பட்டுவந்த கழிவறை செப்டிக் டேங்க்கில் வைத்து கவுரவ் எனும் கட்டடத் தொழிலாளர் உதவியுடன் புதைத்து மேலேயே செப்டிங் டேங்க் கட்டி எழுப்பியிருக்கிறார்கள். குற்றத்தை உறுதிபடுத்த உடல் தோண்டி எடுக்கப்பட்டு பிரேத பரிசோதனைக்காக அனுப்பப்பட்டிருக்கிறது" எனத் தெரிவித்திருக்கிறது. குற்றவாளிகள் கைதுசெய்யப்பட்டிருக்கிறார்கள்.விருதுநகர்: உடலுறவில் கணவரின் விபரீத ஆசை; பெண்ணுறுப்பில் டார்ச்லைட் திணித்து மனைவி கொலை!
http://dlvr.it/Sh0FQ3

Read More

கர்நாடகா - மும்பை: உணவே கொடுக்காமல் லாரியில் ஏற்றிச் சென்ற 266 ஆடுகள்!

மும்பை தேவ்னார் பகுதியில் இருக்கும் இறைச்சிக்கூடத்திற்கு தினமும் ஆயிரக்கணக்கான ஆடுகள் நாடு முழுவதும் லாரிகளில் இறைச்சிக்காக கொண்டு வரப்படுவது வழக்கம். இதோடு இறைச்சிக்காக எருமை மாடுகளும் மும்பைக்கு கொண்டு வரப்படுகிறது. பொங்கல்: சந்தையில் குவிந்த ஆடுகள்; வியாபாரம் மந்தம்! தேவ்னார் இறைச்சிக்கூடத்தில் வெட்டப்படும் ஆடு, மாடு இறைச்சி மும்பை முழுவதும் சப்ளை செய்யப்படுகிறது. பக்ரீத் மற்றும் ரம்ஜான் காலத்தில் விற்பனைக்காக இந்த இறைச்சிக்கூடத்திற்கு லட்சக்கணக்கான ஆடுகள் கொண்டு வரப்படுவது வழக்கமாகும். கர்நாடகாவிலிருந்து மும்பைக்கு லாரியில் குறுகிய இடத்தில் அடைத்து நூற்றுக்கணக்கான ஆடுகள் சாப்பாடு எதுவும் கொடுக்காமல் ஏற்றி வரப்படுவதாக விலங்குகள் நல வாரிய அதிகாரிகளுக்கு ரகசிய தகவல் கிடைத்தது. இதையடுத்து ஆசிஷ் பாரிக் என்ற அதிகாரி தலைமையில் போலீஸார் கர்நாடகாவிலிருந்து வந்த ஒரு லாரியை மடக்கி சோதனை செய்தனர். அதில் 185 வெள்ளாடுகள், 80 செம்மறி ஆடுகள் அடைத்து வைக்கப்பட்டு இருந்தது. இந்த ஆடுகள் அனைத்தும் லாரியில் குறுகிய பகுதியில் அடைத்து வைக்கப்பட்டு இருந்தது. ஆடுகள்கிருஷ்ணகிரி: பொங்கல் பண்டிகைக்கு ஆடுகள் விற்பனை ஜோர்! – ரூ.8 கோடிக்கு விற்பனையான ஆடுகள்! அதோடு இந்த ஆடுகளுக்கு எந்த வித உணவும் கொடுக்காமல் பட்டினி போட்டுகொண்டு வந்திருந்தனர். அது மட்டுமல்லாமல் லாரிக்கு ஆர்டிஒ அனுமதியும் இல்லை என்று சோதனையில் தெரிய வந்தது. பறிமுதல் செய்யப்பட்ட ஆடுகளின் மதிப்பு ரூ. 6.09 லட்சமாகும். ஆடுகள் மட்டுமல்லாது அதனை ஏற்றி வந்த 10 லட்சம் மதிப்புள்ள லாரியையும் அதிகாரிகள் பறிமுதல் செய்தனர். ஆடுகளை லாரியில் கொண்டு வந்த டிரைவர் ரியாஷ் பாபாசாஹேப் என்பவர் மீது மோட்டார் வாகன சட்டம் மற்றும் விலங்குகள் கொடுமைச்சட்டத்தின் கீழ் வழக்கு பதிவு செய்து கைது செய்யப்பட்டுள்ளார்.
http://dlvr.it/SgxTbc

Read More

ரிஷப் பண்ட்டுக்கு இன்னும் 6 வாரங்களில் அடுத்த அறுவைச்சிகிச்சை!

இந்திய கிரிக்கெட் அணியின் நட்சத்திர வீரரான ரிஷப் பண்ட்டுக்கு இன்னும் 6 வாரங்களில் அடுத்த அறுவைச்சிகிச்சை செய்யப்பட இருப்பதாக தகவல் வெளியாகி உள்ளது. இந்திய கிரிக்கெட் அணியின் விக்கெட் கீப்பரும் பேட்டருமாக இருப்பவர், ரிஷப் பண்ட். இவர், கடந்த ஆண்டு (2022) டிசம்பர் 30ஆம் தேதி உத்தரகாண்ட் மாநிலம் ரூர்கி அருகே விபத்துக்குள்ளானார். படுகாயமடைந்த ரிஷப்பை, அந்த வழியாகச் சென்ற பேருந்து ஓட்டுநரும், நடத்துநரும் காப்பாற்றி அருகில் இருந்த மருத்துவமனைக்கு அனுப்பிவைத்தனர். அதன்பிறகு டேராடூன் மருத்துவமனையில் தங்கி சிகிச்சை பெற்ற ரிஷப், மேல் சிகிச்சைக்காக மும்பை அழைத்துச் செல்லப்பட்டார். மும்பையில் அவருக்கு முழங்கால் மற்றும் கணுக்கால் பகுதிகளில் ஏற்பட்ட தசைநார் கிழிவுக்கு அறுவைச்சிகிச்சை செய்யப்பட்டது. ரிஷப்பின் உடல்நிலையில் நல்ல முன்னேற்றம் ஏற்பட்டாலும், இன்னும் நல்ல உடற்தகுதியைப் பெற சில மாதங்கள் ஆகும் என மருத்துவமனை தெரிவித்திருந்தது. இந்த நிலையில், ’ரிஷப்புக்கு இன்னும் ஆறு வாரங்களில் மூன்றாவது அறுவைச்சிகிச்சை செய்யப்பட இருக்கிறது’ என மருத்துவமனை நிர்வாகம் தெரிவித்துள்ளதாக செய்திகள் வெளியாகி இருக்கின்றன. இதன்காரணமாக, இந்த ஆண்டில் அவர் பெரும்பகுதியான ஆட்டங்களில் விளையாட வாய்ப்பில்லை எனத் தெரிகிறது. ஏற்கெனவே இந்த ஆண்டு நடைபெறும் ஐபிஎல் தொடரில் ரிஷப் பண்ட் பங்கேற்க மாட்டார் என பிசிசிஐ முன்னாள் தலைவர் செளரவ் கங்குலி தெரிவித்திருந்தார். டெல்லி கேப்பிடல்ஸ் அணியை வழிநடத்துபவர்களில் தற்போது கங்குலியும் இணைந்துள்ளார் என்பது குறிப்பிடத்தக்கது. இதையடுத்தே, ’டெல்லி அணியின் கேப்டனாய் இருக்கும் ரிஷப்புக்கு பதில் மாற்று வீரரைத் தேர்வு செய்வோம்; சிறப்பாகச் செயல்படுவோம்’ என கடந்த சில நாட்களுக்கு முன்பு தெரிவித்திருந்தார்.இந்த நிலையில், அக்டோபர்-நவம்பர் மாதங்களில் சொந்த மண்ணில் நடைபெறும் ஒருநாள் உலகக்கோப்பை தொடரில் பங்கு பெறுவார் என அவருடைய ரசிகர்கள் எதிர்பார்த்திருந்த வேளையில், அதற்குள் அவர் உடற்தகுதி பெற்றுவிடுவாரா என்பதே பல மில்லியன் கேள்வியாக இருக்கிறது.
http://dlvr.it/SgvP5Q

Read More

``இந்தியாவுடனேயே இணைத்துவிடுங்கள்..!" - பாக்., அரசுக்கெதிராகப் போராடும் கில்ஜித்-பால்டிஸ்தான் மக்கள்

பாகிஸ்தானில் கடுமையானப் பொருளாதார நெருக்கடியும், உணவு நெருக்கடியும் மக்களை வாட்டி வதைத்துவருகின்றன. அத்தியாவசியப் பொருள்களின் விலை விண்ணை முட்டும் அளவுக்கு அதிகரித்திருப்பதால் மக்கள் பரிதவிப்புக்குள்ளாகி இருக்கின்றனர். இந்த நிலையில், பாகிஸ்தானின் ஆக்கிரமிப்பு காஷ்மீரிலுள்ள கில்ஜித் பால்டிஸ்தானை (G-B) இந்தியாவுடன் இணைக்க வேண்டும் என்று அந்தப் பகுதி மக்கள் கோரிக்கை விடுத்து, போராட்டத்தில் ஈடுபட்டுவருகின்றனர்.கில்ஜித் பால்டிஸ்தான் மக்கள் போராட்டம் ஜம்மு-காஷ்மீரின் அங்கமாக இருந்த கில்ஜித்-பால்டிஸ்தானை பாகிஸ்தான் ஆக்கிரமித்துக்கொண்டு, அதைத் தங்கள் நாட்டின் ஒரு பகுதி எனக் கூறிவருகிறது. ஆனால், இந்தியா அதை ஏற்றுக்கொள்ளவில்லை. இந்த நிலையில், கில்ஜித்-பால்டிஸ்தானில் கடந்த 12 நாள்களாகப் போராட்டம் நடைபெற்றுவருகிறது. அந்தப் போராட்டத்தில் கார்கில் சாலையை மீண்டும் திறப்பதற்கும், இந்தியாவின் லடாக் யூனியன் பிரதேசத்திலுள்ள கார்கில் மாவட்டத்தில் சக பால்ட்டிகளுடன் மீண்டும் இணைவதற்கும் கோரிக்கைகள் எழுப்பப்பட்டதாகப் பாகிஸ்தான் ஊடகங்களில் செய்திகள் வெளியாகியிருக்கின்றன. போராட்டத்தின்போது அந்தப் பகுதி மக்கள், ``பாகிஸ்தான் சட்டவிரோதமாக நிலத்தை ஆக்கிரமித்துவருகிறது. இந்தப் பகுதியின் இயற்கை வளங்களைச் சுரண்டுவது உள்ளிட்ட பல பிரச்னைகளைச் செய்துவருகிறது" எனத் தெரிவித்திருக்கின்றனர்.கில்ஜித் பால்டிஸ்தான் மக்கள் போராட்டம் இந்தப் பகுதியில், நிலம் தொடர்பான பிரச்னை பல ஆண்டுகளாக நீடித்துவருகிறது. கில்ஜித் -பால்டிஸ்தான் பகுதி நிலங்களைப் பாகிஸ்தான் அரசைச் சேர்ந்தவர்கள் அபகரிப்பதாக உள்ளூர்வாசிகள் குற்றம்சாட்டுகின்றனர். ஆனால், கில்ஜித்-பால்டிஸ்தான் நிர்வாகம், ``இந்த நிலம் பாகிஸ்தான் அரசைச் சேர்ந்த எந்தவொரு நபருக்கும் மாற்றப்படவில்லை" என்று தெரிவித்திருக்கிறது. இந்த நிலையில்தான், பாகிஸ்தான் ராணுவம் மற்றும் அரசுக்கு எதிராகப் பரவலான போராட்டங்கள் நடைபெற்றுவருகின்றன.`பஞ்சத்தில் பரிதவிக்கும் மக்கள் - திவாலாகும் பாகிஸ்தான் மீள வாய்ப்புண்டா?'
http://dlvr.it/SgsPX6

Read More

`No Guts No Glory'- சாதனை மேல் சாதனை செய்த பிரித்வி ஷா; நியூசிலாந்து டெஸ்ட்டில் வாய்ப்பு தரப்படுமா?

2022- 2023 ஆம் ஆண்டிற்கான ரஞ்சிக் கோப்பைத் தொடர் கடந்த மாதம் டிசம்பர் 13ம் தேதியிலிருந்து தொடங்கி விறுவிறுப்பாக நடைபெற்று வருகிறது. இந்நிலையில்  கவுகாத்தியில் மும்பை - அசாம் அணிகளுக்கு இடையே போட்டி நடைபெற்றது. அதில் அசாம் அணிக்கு எதிரான ஆட்டத்தில் முதலில் களமிறங்கிய பிரித்வி ஷா சாதனை படைத்துள்ளார்.  பிரித்வி ஷா சிறப்பான ஆட்டத்தை வெளிப்படுத்திய பிரித்வி ஷா 98.96 ஸ்டிரைக் ரேட்டில் 383 பந்துகளில் 379 ரன்களைக் குவித்துள்ளார். இதில் 49 பவுண்டரிகளும், 4 சிக்சர்களும் அடங்கும். பிரித்வி ஷா 379 ரன்களை எடுத்ததன் மூலம் ரஞ்சிக் கோப்பை வரலாற்றில் பல வீரர்களின் சாதனைகளைப் பின்னுக்குத் தள்ளி இரண்டாவது அதிகபட்ச ஸ்கோரை எடுத்தவர் என்ற பெருமையைப் பெற்றிருக்கிறார். முதலாவது வீராக 443 ரன்கள் குவித்த நிம்பல்கர் உள்ளார். சமீபத்தில் நடைபெற்ற இந்தியா-  இலங்கை அணிக்கு எதிரான டி20 தொடரிலும், ஒரு நாள் தொடரிலும் அவர் இடம் பெறவில்லை. பல சாதனைகள் புரிந்த பிரித்திவி ஷா அணியிலிருந்து தொடர்ந்து புறக்கணிக்கப்பட்டு வருகிறார். இந்நிலையில் ஆஸ்திரேலியா மற்றும் நியூசிலாந்துக்கு எதிரான டெஸ்ட் தொடரில் சேர்க்கப்படுவாரா என்ற எதிர்பார்ப்பு எழுந்திருக்கிறது.
http://dlvr.it/Sgph9h

Read More

ஜம்மு காஷ்மீர்: ரோந்துப் பணியின்போது பள்ளத்தாக்கில் கவிழ்ந்த ராணுவ வாகனம்; மூன்று வீரர்கள் பலி!

ஜம்மு காஷ்மீரில் ரோந்துப் பணியின்போது, ராணுவ வாகனம் பள்ளத்தாக்கில் கவிழ்ந்து விபத்துக்குள்ளானதில் மூன்று வீரர்கள் உயிரிழந்த சம்பவம் சோகத்தை ஏற்படுத்தியிருக்கிறது.இந்திய ராணுவ வீரர்கள் - ஜம்மு காஷ்மீர் குப்வாரா மாவட்டத்தில், நேற்று மாலை 6:30 மணியளவில் நடந்ததாகக் கூறப்படும் இந்தச் சம்பத்தில், ஒரு ஜூனியர் கமிஷண்டு அதிகாரி (JCO), இரண்டு ராணுவ வீரர்கள் மச்சல் பகுதியில், வாகனத்தில் வழக்கமான ரோந்துப் பணியை மேற்கொண்டிருந்தனர். அந்தப் பகுதியில் கடந்த சில நாள்களாகவே பனிப்பொழிவு சற்று அதிமாக இருப்பதால் பாதைகளில் பனி படர்ந்திருந்தது.ஜம்மு காஷ்மீர் அப்போது ராணுவ வீரர்கள் சென்ற வாகனம் எதிர்பாராதவிதமாகப் பனியில் சறுக்கி, பள்ளத்தாக்கு ஒன்றில் விபத்துக்குள்ளானது. இதில் மூன்று ராணுவ வீரர்கள் உயிரிழந்தனர். இது குறித்து இந்திய ராணுவம் ட்விட்டரில், ``ராணுவ வாகனம் பள்ளத்தாக்கில் விபத்துக்குள்ளானதில் மூன்று வீரர்கள் உயிரிழந்திருக்கின்றனர். அவர்களுடைய உடல்கள் மீட்கப்பட்டிருக்கின்றன'' எனத் தெரிவித்திருக்கிறது.ஜம்மு காஷ்மீருக்கு கூடுதலாக 1,800 சி.ஆர்.பி.எஃப் வீரர்கள்... மத்திய அரசு நடவடிக்கையின் பின்னணி என்ன?
http://dlvr.it/Sglmwp

Read More

``இதற்காகத்தான் கடத்தினேன்..!" - குழந்தைக் கடத்தலில் கைதானவர் `பகீர்' வாக்குமூலம்

மும்பை பாந்த்ரா ரயில் நிலைய நடைமேம்பாலத்தில் முகமது கான் என்பவர் தன்னுடைய மனைவி, குழந்தையோடு தங்கியிருந்தார். செப்டம்பர் 19-ம் தேதி முகமது கானுடன் நடைமேம்பாலத்தில் தங்கியிருந்த ஆசிக் அலி கான்(22) என்பவர் முகமது கானின் இரண்டு வயது பெண் குழந்தைக்கு சாக்லேட் வாங்கித்தருவதாகக் கூறி அழைத்துச்சென்றார். ஆனால், அதன் பிறகு திரும்பி வரவே இல்லை. இதையடுத்து, குழந்தையின் பெற்றோர் இது குறித்து போலீஸில் புகார் செய்தனர். மேலும், ஆசிக் அலி கான் யாசகம் செய்துவருவதாகத் தெரிகிறது. இது குறித்து குழந்தையின் தாயார், ``நாங்கள் முதலில் வசாய் பகுதியில் வாடகை வீட்டில் தங்கியிருந்தோம். கடைகளில் பொம்மைகளை விற்பனை செய்து பிழைப்பு நடத்திவந்தோம். கொரோனாவுக்குப் பிறகு ஏற்பட்ட நிதி நெருக்கடி காரணமாக தங்க இடமில்லாமல் ரயில் நிலைய நடைமேம்பாலத்தில் தங்கி இருந்தோம். குழந்தையுடன் பெற்றோர் ஆசிக் அலி கான் எங்களுடன் நடைமேம்பாலத்தில் தங்கியிருந்தான். அடிக்கடி எங்களுக்கு சாப்பாடு வாங்கிக்கொடுத்தான். குழந்தையோடும் அன்பாகப் பழகினான். இதனால் அவனை நம்பினோம். சம்பவத்தன்று எங்களின் மகளுக்கு சாக்லேட் வாங்கித்தருவதாகக் கூறி அழைத்துச் சென்றான். ஆனால், அதன் பிறகு அவன் திரும்பி வரவே இல்லை. இது குறித்து போலீஸாரிடம் தெரிவித்தபோது, நாங்கள் குழந்தையை விற்பனை செய்திருப்போம் என்று அலட்சியமாகத் தெரிவித்தனர். ஒரு வாரம் கழித்துதான் குழந்தை திருட்டு போனதை போலீஸார் நம்ப ஆரம்பித்தனர்'' என்று கவலையுடன் தெரிவித்தார். குழந்தை காணாமல் போனது குறித்து கடத்தல் வழக்கு பதிவு செய்த போலீஸார், குழந்தையைக் கண்டுபிடிக்க தீவிர தேடுதல் வேட்டையில் இறங்கினர்.கைது இது குறித்து பாந்த்ரா போலீஸ் இன்ஸ்பெக்டர் ராஜேஷ் , ``கடத்தப்பட்ட குழந்தை மற்றும் கடத்தியவர் தொடர்பாக 30,000 போஸ்டர்கள் அடித்து ரயில் நிலையம், பேருந்து நிலையம், ஆட்டோ நிறுத்தம், மார்க்கெட் மற்றும் மக்கள் கூடும் பகுதிகளில் ஒட்டினோம். காஷ்மீர் முதல் கன்னியாகுமரி வரை இந்த போஸ்டர்களை ஒட்டினோம். ஆரம்பத்தில் குழந்தையை மும்பையில் மட்டும் தேடினோம். பிறகு டெல்லி, பஞ்சாப், ராஜஸ்தான், மகாராஷ்டிரா, பாட்னா, ஹவுரா போன்ற இடங்களிலும் தேடினோம். இதில் பூடான் எல்லையில் உள்ள கூச் பெஹார் என்ற இடத்தில் குற்றவாளி பதுங்கியிருப்பது தெரியவந்தது. உடனே விரைந்து சென்று குற்றவாளியைக் கைதுசெய்து, குழந்தையை மீட்டோம். குற்றவாளிக்கு விபத்து ஒன்றில் கால்கள் பறிபோய்விட்டன. அதோடு குடும்பமும் இல்லை. எனவே, எதிர்காலத்தில் தன்னை கவனித்துக்கொள்ளவும், யாசகம் செய்யவும் ஓர் ஆள் தேவை என்று கருதி குழந்தையைக் கடத்திச்சென்றது விசாரணையில் தெரியவந்தது. குழந்தையின் குடும்பமும் முதலில் இந்தக் குழந்தையை யாசகம் செய்யத்தான் பயன்படுத்தினர்.கைது எனவே, குழந்தையை அவர்கள் பணத்துக்காக விற்பனை செய்திருப்பார்கள் என்று நினைத்தோம். அதன் பிறகு குழந்தை கடத்தப்பட்டதை உணர்ந்தோம். இப்போது குழந்தை மீட்கப்பட்டு அதன் பெற்றோரோடு சேர்த்து வைக்கப்பட்டிருக்கிறது. ஆனால் குழந்தையிடம் குற்றவாளி, கடந்த நான்கு மாதங்களில் தன்னை அதன் தந்தை என்று சொல்லியே வளர்த்திருக்கிறான்'' என்று தெரிவித்தார். மும்பை ரயில் நிலையங்கள், நடைபாதைகளில் ஏராளமானவர்கள் தங்கியிருக்கின்றனர். அவர்களின் குழந்தைகள் அடிக்கடி திருட்டு போகிறது என்பது குறிப்பிடத்தக்கது.மும்பை: வெளிநாட்டில் வேலை; விமான நிலையத்தில் விட்டுச்செல்லப்பட்ட 11 தமிழர்கள் - மோசடி ஏஜென்ட் கைது
http://dlvr.it/SghvVF

Read More

``சட்டப்படி நடக்கவில்லை'': ஐசிஐசிஐ வங்கியின் முன்னாள் சி.இ.ஓ சந்தா கோச்சரை விடுவிக்க கோர்ட் உத்தரவு!

இந்தியாவின் முன்னணி தனியார் வங்கியான ஐ.சி.ஐ.சி.ஐ வங்கியின் முன்னாள் தலைவராக இருந்தவர் சந்தா கோச்சார். இவர் உலகின் சக்திவாய்ந்த பெண்கள் பட்டியலில் இடம்பெற்றிருந்தது குறிப்பிடத்தக்கது. வீடியோகான் டிவி, வாஷிங்மெஷின் என்று எதை எடுத்தாலும் வீடியோகான் பெயர் ஒரு காலத்தில் மேலோங்கி இருந்தது. ஆனால், பின்னாளில் பெரும் சரிவை சந்தித்த வீடியோகான் தொழிலதிபர் வேணுகோபால் தூத் ரூ.31,000 கோடி கடன் மோசடியில் கைது செய்யப்பட்டார்.வேணுகோபால் தூத்அனில் அம்பானியைப் போல் மொபைல் சேவையால் வீழ்ச்சியை சந்தித்த வீடியோகான் வேணுகோபால் தூத்! வீடியோகான் நிறுவனம் மற்றும் அதன் துணை நிறுவனங்களுக்கு சந்தா கோச்சர் விதிமுறைகளை மீறி அதிகப்படியான கடன் கொடுத்தது தெரியவந்தது. தன் கணவருக்கு NUPOWER  நிறுவனத்தின் மொத்த உரிமையை வாங்கிக் கொடுப்பதற்காக வீடியோகான் நிறுவனத்தின் தலைவர் வேணுகோபால் தூத் உடன் இணைந்து வங்கிக் கடன் மோசடியைச் செய்தது விசாரணையில் தெரிய வந்தது. இது ஐ.சி.ஐ.சி.ஐ வங்கி முதலீட்டாளர்கள் மத்தியில் பதற்றமான சூழ்நிலையை ஏற்படுத்தியது. வீடியோகான் நிறுவனத்துக்குக் கடன் வழங்கிய பிரச்னை பல ஆண்டுகளாக நிலுவையில் இருந்தது. இந்நிலையில், வீடியோகான் - ஐ.சி.ஐ.சி.ஐ வங்கி கடன் மோசடி குறித்து பல மாதங்களாக ஆய்வு செய்த சிபிஐ, அதன் பின்னர் சந்தா கோச்சர், அவரின் கணவர் தீபக் கோச்சர், வேணுகோபால் தூத் ஆகியோரை கடந்த மாதம் 25-ம் தேதி கைது செய்தது. திடீரென கைது செய்தது அனைவருக்கும் ஆச்சர்யத்தை அளித்தது. சந்தா கோச்சர் மகனுக்கு இம்மாதம் 15-ம் தேதி திருமணம் நடக்க இருக்கிறது. இந்தத் திருமணத்தில் கலந்துகொள்ள அனுமதிக்க வேண்டும் என்று கோரி இருவரும் மும்பை உயர் நீதிமன்றத்தில் மனுத்தாக்கல் செய்திருந்தனர்.தீபக் கோச்சர், வேணுகோபால் தூத், சந்தா கோச்சர்மல்லையா, நீரவ் மோடி சுப்ரதோ ராய்... செய்த குற்றம் என்ன? - ஓ.டி.டி சீரிஸ் சொல்லும் உண்மைகள்! இம்மனு நீதிபதிகள் ரேவதி மற்றும் கே.சவான் ஆகியோர் அடங்கிய அமர்வு முன்பு விசாரணைக்கு வந்தது. கோச்சர் சார்பாக ஆஜரான வழக்கறிஞர் அமித் தேசாய், ``நான்கு ஆண்டுகளுக்கு முன்பு பதிவு செய்யப்பட்ட வழக்குக்கு இப்போது கைது செய்திருக்கிறார்கள். அதுவும் கிரிமினல் நடைமுறைச் சட்டம் 41ஏ பிரிவின் கீழ் விசாரணைக்கு நேரில் ஆஜராக அழைக்கவில்லை. அதோடு 46(4)வது சட்டப்படி கைது செய்யப்படும்போது பெண் அதிகாரி உடனிருக்கவில்லை. மனுதாரரின் மகனுக்கு இந்த வாரத்தில் திருமணம் இருக்கிறது. அத்திருமணத்தில் கலந்துகொள்ள இடைக்கால ஜாமீன் கொடுக்க வேண்டும்'' என்று கேட்டுக்கொண்டார். ஏற்கெனவே பணமோசடி வழக்கில் தீபக் கோச்சரை அமலாக்கப் பிரிவு கைது செய்து சிறையில் அடைத்திருந்தது. அவருக்கு கோர்ட் ஜாமீன் கொடுத்திருக்கிறது. அதோடு சந்தாவைக் கைது செய்து விசாரிக்க வேண்டிய அவசியம் இல்லை என்று சி.பி.ஐ தரப்பில் கோர்ட்டில் அறிக்கையும் இதற்கு முன் தாக்கல் செய்யப்பட்டு இருக்கிறது. அப்படி இருக்கையில் தன்னிச்சையாக சட்டவிரோதமாக இருவரும் கைது செய்யபட்டு இருப்பதாக கோச்சர் தரப்பில் வாதிடப்பட்டது.சந்தா கோச்சார் பல ஆயிரம் கோடி மோசடிக்கு பணி நீக்கம் மட்டும்தான் தண்டனையா? சந்தா கோச்சார் வழக்கு முழு விவரம்... ஜாமீன் மனு மீதான விவாதம் கடந்த வெள்ளிக்கிழமை முடிவடைந்த நிலையில் இன்று தீர்ப்பு வழங்கப்பட்டது. சந்தா கோச்சரையும், அவரின் கணவர் தீபக் கோச்சரையும் உடனே விடுதலை செய்ய நீதிபதிகள் உத்தரவிட்டனர். ``இருவரும் சட்டப்படி கைது செய்யப்படவில்லை. இருவரும் தலா ஒரு லட்சம் ரொக்க ஜாமீனில் விடுவிக்கப்பட வேண்டும்'' என்று நீதிபதிகள் தெரிவித்தனர். இந்த உத்தரவை எதிர்த்து சுப்ரீம் கோர்ட்டில் சி.பி.ஐ மனுத் தாக்கல் செய்ய இருப்பதாகச் சொல்லப்படுகிறது. இருவரும் தற்போது நீதிமன்றக் காவலில் இருக்கின்றனர்.
http://dlvr.it/Sgdz8q

Read More

முன்னாள் காதலனிடம் கொடுத்த நாய்க்குட்டியை வாங்க புதுக்காதலனுடன் சென்ற பெண்; பிறகு நடந்த விபரீதம்

மும்பை அருகிலுள்ள கல்யாண் பகுதியைச் சேர்ந்தவர் லலித் உஜ்ஜைன்கர். இவர் திவாவைச் சேர்ந்த கிரண் சோனாவானே என்ற பெண்ணைக் காதலித்துவந்தார். ஆனால், அவர்களுக்குள் கருத்து வேறுபாடு ஏற்பட்டு, இருவரும் பிரிந்திருந்தனர். இதனால் கிரண், கல்யாண் பகுதியைச் சேர்ந்த ஆதித்யா என்பவருடன் பழகிவந்திருக்கிறார். அதோடு இவரும் ஒருவரையொருவர் காதலிக்க ஆரம்பித்துவிட்டனர். இதனால் ஆத்திரமடைந்த லலித் அந்தப் பெண்ணிடம், ஆதித்யாவுடன் பழகுவதை நிறுத்திவிட்டு, மீண்டும் தன்னுடன் நட்பு வைத்துக்கொள்ளும்படி கேட்டார். ஆனால், கிரண் அதற்கு மறுத்துவிட்டதாகத் தெரிகிறது. அதோடு இருவரும் காதலித்தபோது கிரண், லலித்திடம் ஒரு நாய்க்குட்டியைக் கொடுத்திருந்தார். அது தனக்கு திரும்ப வேண்டும் என்று கிரண் கேட்டார். அதோடு அதை வாங்க வீட்டுக்கு வருவதாக லலித்திடம் தெரிவித்திருந்தார். ஆதித்யாவின் தாயார் இதனால் லலித் தன்னுடைய நண்பர்கள் மூன்று பேரை வீட்டுக்கு வரவழைத்திருந்தார். கிரண் தன் புதிய காதலன் ஆதித்யாவுடன் லலித் வீட்டுக்கு வந்தார். லலித் வீட்டில் அவர்களுக்குள் வாக்குவாதம் ஏற்பட்டது. புதிய காதலனைக் கைவிடச்சொல்லி லலித் தகராறு செய்தார். இந்த வாக்குவாதம் கைகலப்பாக மாறியது. லலித்தும் அவருடைய நண்பர்களும் சேர்ந்து ஆதித்யாவை அடித்து உதைக்க ஆரம்பித்தனர். ஒரு கட்டத்தில் வீட்டிலிருந்த கத்தியை எடுத்து ஆதித்யாவை குத்திக் கொலைசெய்துவிட்டு 4 பேரும் சம்பவ இடத்திலிருந்து தப்பி ஓடிவிட்டனர். இது குறித்து கிரண் போலீஸில் புகார் செய்தார். போலீஸார் விரைந்து செயல்பட்டு குற்றவாளிகளைப் பிடிக்க நான்கு தனிப்படை அமைத்திருக்கின்றனர். கொலையாளில் ஒருவன் மட்டும் கைதுசெய்யப்பட்டுள்ளான். முக்கியக் குற்றவாளி லலித் மத்தியப் பிரதேசத்துக்கு சென்றுவிட்டான் எனக் கூறப்படுகிறது. அவனைக் கைதுசெய்ய இரண்டு தனிப்படை போலீஸார் மத்தியப் பிரதேசம் விரைந்திருக்கின்றனர்.மும்பை: வெளிநாட்டில் வேலை; விமான நிலையத்தில் விட்டுச்செல்லப்பட்ட 11 தமிழர்கள் - மோசடி ஏஜென்ட் கைது
http://dlvr.it/Sgb8N6

Read More

ஜம்மு-காஷ்மீர்: ``எங்கள் நாயால்தான் உயிரோடு இருக்கிறோம்” - தீவிரவாதிகளிடமிருந்து தப்பிய குடும்பம்

கடந்த 10-ம் தேதி ஜம்மு - காஷ்மீரின் ரஜோரி மாவட்டத்தில் தீவிரவாதிகள் இருவர் நடத்திய துப்பாக்கிச்சூட்டில் நான்கு பேர் உயிரிழந்தனர். ஆறு பேர் காயமடைந்தனர். அதற்கு அடுத்தநாள் தாக்குதல் நடந்த அதே ரஜோரி மாவட்டத்தின் டாங்கிரி என்ற கிராமத்தில் ஐ.இ.டி குண்டு ஒன்று வெடித்ததில் ஒரு குழந்தை உயிரிழந்தது. ஐந்து பேர் காயமடைந்தனர். மேலும், காவல்துறை தரப்பு அந்தப் பகுதியில் மேலும் இரண்டு ஐ.இ.டி குண்டுகள் பூமியில் புதைக்கப்பட்டிருப்பதாகவும், பொதுமக்கள் பாதுகாப்பாக இருக்க வேண்டுமெனவும் எச்சரிக்கை விடுத்திருந்தது. இந்த நிலையில், மீண்டும் ரஜோரி மாவட்டத்தில் தீவிரவாதிகள் ஒரு வீட்டுக்குள் நுழைந்து தாக்குதல் நடத்த முயன்றிருக்கின்றனர். பாதுகாப்பில் ராணுவ வீரர்கள் அப்போது அந்த வீட்டில் வளர்க்கப்பட்டுவரும் செல்லப்பிராணியான மைக்கெல் எனும் நாய், தீவிரவாதிகளின் நடமாட்டத்தை அறிந்து சத்தமாகக் குரைத்து அவர்களை எச்சரித்திருக்கிறது. இதனால் பதற்றமடைந்த தீவிரவாதிகள், வீட்டுக்குள் நுழைந்து, டிவியை சுட்டுவிட்டு அங்கிருந்து தப்பியிருக்கிறார்கள். இது தொடர்பாக அந்தக் குடும்ப உறுப்பினர் நிர்மல் தேவி, "எங்கள் செல்லம் மைக்கெல் குரைக்க ஆரம்பித்தபோது நானும் என் பேத்தியும் சமையலறையில் இருந்தோம். மைக்கெல் எப்போதுமே ஆபத்தில்லாமல் குரைக்க மாட்டான் என்று என் பேத்தி சொன்னாள். இதனால் சந்தேகமடைந்த நாங்கள் எச்சரிக்கையுடன் இருந்தோம். அதனால் உயிர் தப்பினோம். தீவிரவாதிகள் வீட்டுக்குள் நுழைந்தபோது மைக்கெல் அக்கம்பக்கத்தினரையும் குரைத்து எச்சரித்தான். அவனின் எச்சரிக்கையால்தான் இந்தப் பகுதியில் பலர் உயிரோடு இருக்கின்றனர்" என்று தெரிவித்திருக்கிறார். தொடர்ந்து அந்தப் பகுதியில் தீவிரவாதத் தாக்குதல்கள் நடப்பது பரபரப்பை ஏற்படுத்தியிருக்கிறது.ரூ.1,20,000 மதிப்புள்ள மேக்புக்; ஆன்லைனில் ஆர்டர் செய்தவருக்கு நாய் உணவை டெலிவரி செய்த அமேசான்!
http://dlvr.it/SgY6s0

Read More

பெங்களூர்: ஆறு இடங்களில் என்.ஐ.ஏ சோதனை; ஐ.எஸ்.ஐ.எஸ் தொடர்புடைய இருவர் கைது- பின்னணி பகிரும் போலீஸ்

கர்நாடக மாநிலம், மங்களூரில் குக்கர் குண்டு வெடிப்புச் சம்பவத்துக்குப் பிறகு, அனைத்துக் கோயில்கள், முக்கிய இடங்களை போலீஸார் தீவிரமாகக் கண்காணித்து வருகின்றனர். அதேபோல பயங்கரவாதச் செயல்களில் ஈடுபட்ட, பயங்கரவாத அமைப்புகளுடன் தொடர்பில் இருப்பவர்களை, உளவுத்துறையும், என்.ஐ.ஏ-வும் தீவிரமாகக் கண்காணித்து வருகின்றன. இந்த நிலையில், நேற்று பெங்களூர் மட்டுமின்றி, தக்‌ஷின கன்னடா, சிவமோகா, தவகிரியிலுள்ள, ஆறு இடங்களில் என்.ஐ.ஏ அதிகாரிகள் திடீர் சோதனையில் ஈடுபட்டனர். இதில், உடுப்பி மாவட்டம், பிரம்மாவர் பகுதியைச் சேர்ந்த ரெஷான் தஜ்ஜுதின் ஷேக், சிவமோகா மாவட்டத்தைச் சேர்ந்த ஹூசைர் பர்ஹான் பைக் ஆகிய இருவரைக் கைதுசெய்து விசாரணை நடத்தினர். ‘கிரிப்டோ வாலட்’ நிதி! இது குறித்து உளவுத்துறை போலீஸாரிடம் பேசினோம். ``இருவரை கைதுசெய்து என்.ஐ.ஏ நடத்திய விசாரணையில், கல்லுாரி நண்பர்களான ரெஷான் தஜ்ஜுதின் ஷேக், ஹூசைர் பர்ஹான் பைக் ஆகிய இருவரும், ஐ.எஸ்.ஐ.எஸ் பயங்கரவாத அமைப்பு மற்றும் அதனுடன் தொடர்புடைய சில பயங்கரவாத அமைப்புகளுடன் நெருங்கிய தொடர்பில் இருந்திருக்கின்றனர்.என்.ஐ.ஏ (NIA) இவர்கள், ரகசிய ‘கிரிப்டோ வாலட்’ மற்றும் ‘டார்க் வெப்சைட்’ வாயிலாக, ஐ.எஸ்.ஐ.எஸ் பயிற்சி பெற்றதுடன், அவர்களிடமிருந்து நிதி பெற்று வந்திருக்கின்றனர். இருவரும் இணைந்து, முக்கிய இடங்கள், மது விற்பனை நிலையம், குடோன் உள்ளிட்ட பகுதிகளில் தீ வைத்து, தாக்குதல் நடத்தவும் திட்டமிட்டு வந்திருக்கின்றனர். இவர்கள் மீது ஏற்கெனவே சிவமோகா ரூரல் போலீஸ் ஸ்டேஷனில், செப்டம்பரில் வழக்கு பதிவுசெய்யப்பட்டிருக்கிறது. இவர்களது வீட்டில் சில முக்கிய ஆவணங்கள், அதிநவீன ‘டிவைஸ்’ போன்றவை பறிமுதல் செய்யப்பட்டிருக்கின்றன. கர்நாடகா முழுவதிலும் ரெய்டு தொடரும்’’ என்றனர்.ஒருங்கிணைத்த டார்க் வெப்சைட்... வழிநடத்திய ஹேண்ட்லர்ஸ்... மங்களூர் குண்டு வெடிப்பில் சர்வதேச சதி?!
http://dlvr.it/SgW9kJ

Read More

`அரசியல் பயணத்திலிருந்து விலகுகிறேன்’ - முன்னாள் முதல்வர் எஸ்.எம்.கிருஷ்ணா ஓய்வு

கர்நாடக மாநிலம், மாண்டியா மாவட்டத்தைச் சேர்ந்தவர் எஸ்.எம்.கிருஷ்ணா. 1968-ம் ஆண்டு மாண்டியா மாவட்டத்தில் எம்.பி-யாக தனது அரசியல் வாழ்வைத் தொடங்கி, தீவிர அரசியலில் ஈடுபட்டு காங்கிரஸில் இணைந்தார். இந்திரா காந்தி, ராஜீவ் காந்தி, மன்மோகன் சிங் ஆகியோரின் அமைச்சரவையில், மத்திய அமைச்சராக இருந்திருக்கிறார்.எஸ்.எம்.கிருஷ்ணா 1999-ம் ஆண்டில் கர்நாடகா முழுவதிலும் காங்கிரஸ் கட்சியை வெற்றிபெறச்செய்து, முதல்வராகப் பதவியேற்று, பிறகு காங்கிரஸ் கட்சியின் மாநிலத் தலைவர், மகாராஷ்ட்டிரா கவர்னர் எனப் பல பதவிகளை வகித்திருக்கிறார். ஐடி தொழில் வளர்ச்சி, இதர தொழில்துறை வளர்ச்சி, அனைத்து அரசு ஆவணங்களையும் டிஜிட்டல் முறையில் மாற்றியது எனத் தனது பல திட்டங்கள் மூலம், தொழில்துறை, தொழில்நுட்ப வளர்ச்சியில் பெங்களூரு நகரத்தையும், ஒட்டுமொத்த கர்நாடகத்தையும் மிளிரச்செய்தவரும் இவர்தான். கர்நாடக அரசியலில் தவிர்க்க முடியாத தலைவரான எஸ்.எம்.கிருஷ்ணா, சித்தராமையா, சில காங்கிரஸ் தலைவர்களுடன் ஏற்பட்ட மனக்கசப்பால், ‘கர்நாடகத்தில் காங்கிரஸ் கட்சி குழப்பநிலையில் இருக்கிறது. இங்கு நல்ல தலைவர்கள் இல்லை,’ எனக் கூறி, 2017-ல் காங்கிரஸ் கட்சியைவிட்டு வெளியேறி, பா.ஜ.க-வில் ஐக்கியமானார். கர்நாடகத்தில் நடைபெறும் அரசியல் நகர்வுகள், பிரச்னைகள் குறித்து அவ்வப்போது விவாதிப்பது, கருத்து தெரிவிப்பதென ‘பார்ட் டைம்’ அரசியல்வாதியாக இருந்துவந்தார்.எஸ்.எம்.கிருஷ்ணா. 60 ஆண்டுகளாக அரசியலில் கோலோச்சிய எஸ்.எம்.கிருஷ்ணா நேற்று செய்தியாளர்கள் சந்திப்பை நடத்தி நிருபர்களிடம், ‘‘எனக்கு தற்போது, 90 வயதாகிறது. நாம் வயது குறித்து அறிந்து செயல்பட வேண்டும், 90 வயதில், 50 வயது நபர்போல, செயல்படக் கூடாது. இதனால்தான், நான் அரசியல் பயணத்திலிருந்து விலகுகிறேன். இதற்காக நான் முற்றிலுமாக துறவியாகப்போவதில்லை. கட்சியோ, தலைவர்களோ ஆலோசனை கேட்டால் நிச்சயம் வழங்குவேன்’ எனக் கூறியிருக்கிறார். பெயர்வைப்பதில் பிரச்னை?! கர்நாடக பா.ஜ.க அரசு, தேசிய நெடுஞ்சாலை 275-ல், பத்து வழிச்சாலையான, பெங்களூர் – மைசூர் அதிவிரைவு சாலைக்கு பெயர் வைக்க தீவிரம் காட்டிவருகிறது. நான்கு நாள்களுக்கு முன்பு இந்த ரோடுக்கு, 1902 – 1940 வரையில் மைசூரை ஆட்சி செய்த நான்காம் கிருஷ்ணராஜ உடையார் பெயரைச் சூட்டுமாறு, மத்திய போக்குவரத்துத்துறை அமைச்சர் நிதின் கட்கரி, முதல்வர் பசவராஜ் பொம்மைக்கு எஸ்.எம்.கிருஷ்ணா கடிதம் அனுப்பியிருந்தார்.எஸ்.எம்.கிருஷ்ணா. இதேபோல், காங்கிரஸ் கட்சியின் மூத்த தலைவர்களும் இதே கோரிக்கையை நிதின் கட்கரியிடம் வைத்திருந்தனர். இந்தப் பெயரைச் சூட்டுவதற்கு அரசு தயக்கம் காட்டிவரும் நிலையில், எஸ்.எம்.கிருஷ்ணா அரசியலிலிருந்து விலகுவதாக அறிவித்திருப்பது, ‘கர்நாடக பா.ஜ.க தலைவர்கள் தன்னை மதிப்பதில்லை எனக் கருதி, அரசியலிலிருந்து விலகியிருக்கிறாரா?’ என்ற கேள்வியையும் எழுப்பியிருக்கிறது. இன்னும், நான்கு மாதங்களுக்கும் தேர்தல் வரும் நிலையில், எஸ்.எம்.கிருஷ்ணாவின் இந்த அறிவிப்பு,  அரசியல் களத்தில் பரபரப்பை ஏற்படுத்தியிருக்கிறது.`18-ல் தொடக்கம்; 93-ல் ஓய்வு!’ - ராம் ஜெத்மலானியின் சட்ட, அரசியல் பயணம்
http://dlvr.it/SgSd18

Read More

மும்பை: 80 ஆண்டுப் பழைமையான மனீஷ் லஞ்ச் ஹோம் மூடப்படும் அபாயம்; கட்டட உரிமையாளர் நோட்டீஸ்!

மும்பையில் மாட்டுங்கா, சயான், செம்பூரில் ’மனீஷ் லஞ்ச் ஹோம்’ செயல்பட்டுவருகிறது. நாடு சுதந்திரம் அடையும் முன்பு தொடங்கப்பட்ட இந்த ஹோட்டல் தற்போது சுப்ரமணி நாராயணசாமி என்ற தமிழரால் நடத்தப்பட்டுவருகிறது. மட்டுங்காவில் பூ மார்கெட் அருகில் இருந்த மனீஷ் லஞ்ச் ஹோம் ஏற்கெனவே மூடப்பட்டு, செம்பூருக்கு இடமாற்றம் செய்யப்பட்டுவிட்டது. மாட்டுங்காவில் தமிழர்களின் அடையாளமாக மனீஷ் லஞ்ச் ஹோம் இருந்தது. தற்போது மாட்டுங்காவில் ரூயா கல்லூரி அருகில் மட்டும் இந்த ஹோட்டல் செயல்பட்டுவருகிறது. 1937-ம் ஆண்டு தொடங்கப்பட்ட இந்த ஹோட்டலில் தென்னிந்திய உணவுகள் மற்றும் பாரம்பரிய பில்ட்டர் காபி பிரபலமாகும். ரூயா கல்லூரி, போதார் கல்லூரி மற்றும் மாட்டுங்கா ஜிம்கானாவிற்குப் பயிற்சிக்கு வருபவர்கள் இந்த ஹோட்டலின் பிரதான வாடிக்கையாளர்கள் ஆவர். இந்த அளவுக்கு பாரம்பரியம் மிக்க ஹோட்டலுக்கு இப்போது அச்சுறுத்தல் ஏற்பட்டுள்ளது. இந்த ஹோட்டலை காலி செய்யும்படி திடீரென கட்டட உரிமையாளர் லலித் குப்தா நோட்டீஸ் கொடுத்துள்ளார். அதுவும் இம்மாதம் 31-ம் தேதிக்குள் காலி செய்யவேண்டும் என்று அதில் குறிப்பிடப்பட்டுள்ளது. இது குறித்து ஹோட்டலை நிர்வகிக்கும் ராஜாமணி கூறுகையில், ”ஹோட்டலை காலி செய்யும்படி நோட்டீஸ் அனுப்பப்பட்டு இருப்பது எங்களுக்கு அதிர்ச்சியளிக்கும் விதமாக இருக்கிறது. சுதந்திரத்திற்கு முன்பு என் தாத்தா இந்த ஹோட்டலை தொடங்கினார். 85 ஆண்டுகளாக இந்த ஹோட்டலை நடத்திவருகிறோம். தரமான தென்னிந்திய உணவு மற்றும் பில்ட்டர் காபி விற்பனை மூலம் எங்களுக்கெனத் தனி மரியாதையை ஏற்படுத்தியிருக்கிறோம். வாடகையை நாங்கள் மிகவும் சரியான நேரத்தில் செலுத்திவருகிறோம். மறைந்துபோன என் சகோதரர் நாராயண சாமி கட்டட உரிமையாளருடன் நல்ல நட்பு வைத்திருந்தார். பேச்சுவார்த்தை மூலம் பிரச்னைக்குத் தீர்வு காணப்படும் என்று நம்புகிறோம். அது முடியாத பட்சத்தில் சட்டபூர்வ நடவடிக்கை குறித்து ஆய்வு செய்யப்படும்” என்று தெரிவித்தார். சுதந்திரப்போராட்டத்துக்கு முன்பு சுதந்திரப்போராட்டத் தியாகிகள் பலர் அருகில் உள்ள மைதானத்தில் போராட்டம் நடத்திவிட்டுத் திரும்பும் போது இந்தச் சிறிய ஹோட்டலில் அமர்ந்து பேசுவது வழக்கம். அந்த அளவுக்குப் பழைமையான ஹோட்டலைக் கட்டட உரிமையாளர் காலி செய்யச்சொல்லியிருப்பது அனைவருக்கும் அதிர்ச்சியை ஏற்படுத்தியிருக்கிறது. ஆரம்பத்தில் ஹோட்டலுக்கு எதிரில் உள்ள சாலையோரம் வாகனங்களை நிறுத்துபவர்களுக்கு அவர்களின் வாகனங்களுக்கே சென்று உணவுப்பொருள்களை சப்ளை செய்து வந்தனர். ஆனால் ஹோட்டல் இருக்கும் கட்டட உரிமையாளர் இதற்குக் கடும் எதிர்ப்பு தெரிவித்ததால் வாகனங்களில் சாப்பாடு சப்ளை செய்யப்படுவது நிறுத்தப்பட்டது. மனீஷ் லஞ்ச் ஹோம் மாட்டுங்காவில் பெரும்பாலான கட்டடங்கள் இடிக்கப்பட்டு மேம்படுத்தப்பட்டு வருகிறது. அந்த வகையில் மனீஷ் லஞ்ச் ஹோம் இருக்கும் கட்டடமும் மேம்படுத்தப்படும் என்று எதிர்பார்க்கப்படுகிறது. எனவேதான் ஹோட்டலை காலி செய்யும்படி ஹோட்டலுக்கு நிர்ப்பந்தம் கொடுக்கப்பட்டு வருகிறது. இதுகுறித்து ஹோட்டல் வழக்கறிஞர் கூறுகையில், கட்டட உரிமையாளருக்குத் தக்க பதில் கொடுக்கப்படும் என்று தெரிவித்தார். ஏற்கெனவே மாட்டுங்காவில் பூமார்க்கெட் அருகில் இருந்த மனீஷ் லஞ்ச் ஹோம் மூடப்பட்டு அந்தக் கட்டடம் மேம்படுத்தப்பட்டது. ஆனால் ஹோட்டலுக்கு பில்டர் தரப்பில் மாற்று இடம் கொடுக்கப்படவில்லை. இதையடுத்து தற்போது அந்த ஹோட்டல் செம்பூருக்கு மாற்றப்பட்டுவிட்டது. தற்போது ரூயா கல்லூரி அருகில் இருக்கும் மனீஷ் லஞ்ச் ஹோமிற்கும் ஆபத்து ஏற்பட்டுள்ளது. மாட்டுங்காவில் ஆரம்பத்தில் தமிழர்கள் அதிகம் வசித்தனர். ஆனால் கட்டடங்களை இடித்துவிட்டுப் புதிய கட்டடங்கள் கட்டப்பட்ட போது அதிகமான தமிழர்கள் மும்பையின் புறநகர்ப் பகுதிக்குச் சென்றுவிட்டனர்.
http://dlvr.it/SgPqSr

Read More

``மக்கள் பிரதிநிதிகளின் பேச்சுரிமைக்கு கூடுதல் கட்டுப்பாடுகளை விதிக்க முடியாது!" - உச்ச நீதிமன்றம்

கடந்த 2016-ம் ஆண்டு உத்தரப்பிரதேசத்தில் பெண் ஒருவர் கூட்டுப் பாலியல் வன்கொடுமைக்கு ஆளாக்கப்பட்டார். அப்போது சமாஜ்வாடி கட்சியைச் சேர்ந்தவரும், மூத்த நாடாளுமன்ற உறுப்பினருமான அசம் கான் இந்தச் சம்பவம் தொடர்பாக சர்ச்சைக்குரிய வகையில் கருத்து தெரிவித்திருந்தார். அவரின் அத்தகைய கருத்துக்கு கடும் எதிர்ப்புகள் கிளம்பியது. இந்த நிலையில், "மக்கள் பிரதிநிதிகள் தங்கள் கருத்துகளை கூறுவதற்கு விதிகள் ஏற்படுத்த வேண்டும். கருத்து சுதந்திரம் என்ற பெயரில் பல சர்ச்சைக்குரிய கருத்துகளை, அவதூறான கருத்துகளை தவறாகப் பயன்படுத்துகிறார்கள். இது நாடாளுமன்றத்திலும் தொடர்கிறது. எனவே அவர்களுக்கு சில வரைமுறைகளையும், விதிகளையும் இயற்ற வேண்டும்" என உச்ச நீதிமன்றத்தில் மனுத்தாக்கல் செய்யப்பட்டது. இந்த வழக்கு, அரசியல் சாசனம் வழங்கியிருக்கும் கருத்து சுதந்திரம் தொடர்பானது என்பதால், 5 நீதிபதிகள் கொண்ட அரசியல் சாசன அமர்வில் விசாரிக்கப்பட்டது.அசம் கான் இந்த வழக்கை விசாரித்த ஐந்து நீதிபதிகளில் நால்வர், "பேச்சுரிமையை கட்டுப்படுத்துவதற்கு கூடுதல் விதிகள் எதுவும் தேவையில்லை. அரசியல் சாசனத்தின் 19 (1), 19 (2) பிரிவுகளின் கீழ் கருத்து சுதந்திரத்துக்கு, எந்த அளவுக்கு எல்லைகள் வரையறுக்கப்பட்டிருக்கிறதோ... அதுவே மக்கள் பிரதிநிதிகளுக்கும் (அமைச்சர்கள், எம்.பி-க்கள், எம்.எல்.ஏ-க்கள்) பொருந்தும். அவர்களுக்கென கூடுதல் கட்டுப்பாடுகள் விதிக்க முடியாது. தற்போது பேச்சுரிமை தொடர்பாக நடைமுறையிலிருக்கும் கட்டுப்பாடுகளே போதுமானதாக இருப்பதாகக் கருதுகிறோம். அதேபோல அமைச்சர்கள், எம்.பி-க்கள் மற்றும் எம்.எல்.ஏ-க்களின் கருத்துகளை அரசாங்கத்தின் கருத்தாக ஏற்றுக்கொள்ள முடியாது. அவர்களின் கருத்துகளுக்கும் அவர்கள் விடும் அறிக்கைகளுக்கும் அவர்கள்தான் முழு பொறுப்பேற்க வேண்டும்" என்றனர். அதே சமயம் நீதிபதி நாகரத்னா, ``பேச்சுரிமை என்ற பெயரில் இழிவான, அவதூறான கருத்துகளை மக்கள் பிரதிநிகள் பயன்படுத்தினால் அரசாங்கம் அதற்கு பொறுப்பேற்க வேண்டும். இத்தகைய செயலை அனுமதிக்க கூடாது" என்றார்.பில்கிஸ் பானு வழக்கு: 11 பேர் விடுதலையை எதிர்த்து தாக்கலான சீராய்வு மனு... உச்ச நீதிமன்றம் தள்ளுபடி
http://dlvr.it/SgLwMW

Read More

``என் மரணத்துக்கு பாஜக எம்.எல்.ஏ உட்பட ஐவர்தான் காரணம்!" - கடிதம் எழுதிவிட்டு தொழிலதிபர் தற்கொலை

கர்நாடக மாநிலம், பெங்களூர் கனகபுரா சாலை ககலிபுரா காவல் நிலைய எல்லைக்குட்பட்ட பகுதியில், நேற்று மாலை, ஒரு கார் நீண்ட நேரமாக நின்றுகொண்டிருந்தது. காரிலிருந்து திடீரென துப்பாக்கியில் சுட்ட சத்தம் கேட்டது. அங்குள்ள மக்கள் வந்து பார்த்தபோது, காரினுள் ஒருவர் ரத்த வெள்ளத்தில் இறந்துகிடந்தார். தகவலறிந்து சம்பவ இடத்துக்கு வந்த போலீஸார், அவரின் சடலத்தை மீட்டு பிரேத பரிசோனைக்காக அனுப்பிவிட்டு, இறந்தவர் கையிலிருந்த, எட்டு பக்கம்கொண்ட மரணக் கடிதத்தை கைப்பற்றி, விசாரணை நடத்தினர்.மரணம் பகீர்... தற்கொலைக் கடிதம்! விசாரணையில் தற்கொலை செய்துகொண்டது, பெங்களூர் ஹெச்.எஸ்.ஆர் லே-அவுட்டைச் சேர்ந்த பிரதீப் (47) என்பதும், அவர் லைசென்ஸ் பெற்ற கைத்துப்பாக்கியால் சுட்டுத் தற்கொலை செய்துகொண்டதும் தெரியவந்தது. இந்த நிலையில், அவர் கையில் வைத்திருந்த தற்கொலைக்குறிப்பில், ‘‘கோபி, சோமையா ஆகிய இருவரின் வற்புறுத்தலுக்குப் பிறகு, 2018-ம் ஆண்டில் பெங்களூருவிலுள்ள ஒரு கிளப்பில் நான் ரூ.1.5 கோடி முதலீடு செய்தேன். முதலீடு செய்த தொகைக்கான ‘ரிட்டர்ன்’ மற்றும் கிளப்பில் பணிபுரியும் சம்பளம் என ஒவ்வொரு மாதமும் ரூ.3 லட்சத்தைச் சம்பளமாகத் தருவதாக இருவரும் உறுதியளித்தனர். நான் மே 2018 முதல் டிசம்பர் வரை முதலீடு செய்தேன். ஆனால், அவர்களிடமிருந்து எனக்கு ஒரு ரூபாய்கூட கிடைக்கவில்லை. எனது செலவுகளைச் சமாளிக்கவும், கடனைத் திருப்பிச் செலுத்தவும் எனது வீட்டையும், மைசூரில் உள்ள ஓர் இடத்தையும் விற்பனை செய்துவிட்டேன்.பிரதீப் எழுதிய தற்கொலைக் கடிதம். எனக்கான பணத்தைத் திருப்பி வழங்குமாறு, கோபி மற்றும் சோமையாவிடம் பேசுமாறு அரவிந்த் லிம்பாவலியிடம் (பா.ஜ.க எம்.எல்.ஏ) கோரிக்கை விடுத்தேன். ஆனால், அரவிந்த் லிம்பாவலி, கோபி, சோமையாவை ஆதரிக்கும் வகையில் செயல்பட்டார்’’ என எழுதியதுடன், ‘‘பா.ஜ.க எம்.எல்.ஏ அரவிந்த் லிம்பாவலி, கோபி, சோமையா, ஜி ரமேஷ் ரெட்டி, ஜெயராம் ரெட்டி, ராகவா பட் என ஐந்து பேர்தான் என்னுடைய தற்கொலைக்குக் காரணம், போலீஸார் உரிய நடவடிக்கை எடுக்க வேண்டும், என் மரணத்துக்கு நீதி வேண்டும்’’ என பாஜக எம்.எல்.ஏ உட்பட ஐந்து பேரின் பெயர்களுடன், மொபைல் எண்களையும் குறிப்பிட்டிருக்கிறார். ‘எனக்குத் தெரியவில்லை‘! இந்தச் சம்பவம் பெங்களூரில் பரபரப்பை ஏற்படுத்தியிருப்பதுடன், பா.ஜ.க வட்டாரத்தில் புகைச்சலை ஏற்படுத்தியிருக்கிறது. இதையடுத்து, இன்று பா.ஜ.க எம்.எல்.ஏ அரவிந்த் லிம்பாவலி நிருபர்களிடம், ‘‘பிரதீப் மரணக்குறிப்பில் என் பெயரையும் குறிப்பிட்டிருப்பதாகத் தகவல் கிடைத்தது. 2010 முதல் அவர் (பிரதீப்) 2013 வரையில், எனது சமூக ஊடக கணக்குகளைக் கையாண்டுவந்தார். அவர், தனது வணிகத் தகராறை எனது கவனத்துக்குக் கொண்டுவந்திருந்தார். நான் அவரையும், அவரின் கூட்டாளிகளையும் சமரசமாகத் தீர்க்கும்படி கேட்டுக்கொண்டேன்.பா.ஜ.க எம்.எல்.ஏ அரவிந்த் லிம்பாவலி. அவர் எவ்வளவு முதலீடு செய்தார் என்றுகூட நான் கேட்கவில்லை, பங்குதாரர்களுக்கு அவர்கள் எவ்வளவு பணம் செலுத்த வேண்டும் என்பது பற்றி எந்த ஆலோசனையும் செய்யவில்லை. இதன் பின்னர், அவர் (பிரதீப்) என்னிடம் வந்து எனக்கு நன்றியும் கூறினார். அவர், ஏன் தற்கொலை செய்துகொண்டார், என் பெயரை ஏன் குறிப்பிட்டார் என எனக்குத் தெரியவில்லை” என விளக்கமளித்திருக்கிறார். அனைவரிடமும் விசாரணை! போலீஸாரிடம் விசாரித்தபோது, ‘‘பெங்களூருவில் அம்பலிபுரா பகுதி அருகே வசித்துவந்த பிரதீப், தன்னுடைய உறவினர்களுடன் புத்தாண்டு விருந்துக்கு நெட்டிகெரேயிலுள்ள ரிசார்ட்டில் இருந்திருக்கிறார். ஞாயிற்றுக்கிழமை (நேற்று) காலை, சிராவுக்குச் செல்வதாகக் கூறி பிரதீப் ரிசார்ட்டிலிருந்து வெளியேறியதுடன், அம்பலிபுராவிலுள்ள தனது வீட்டுக்குச் சென்றிருக்கிறார். பின்னர் ரிசார்ட்டுக்குத் திரும்பிய அவர், ஞாயிற்றுக்கிழமை மாலை தன்னுடைய உறவினர்கள் நெட்டிகெரேயிலிருந்து ஊருக்குத் திரும்பிக்கொண்டிருந்தபோது, காருக்குள் தற்கொலை செய்துகொண்டார். பிரதீப் தன்னைத் தாக்கியதுடன், துப்பாக்கியைக் காண்பித்து கொலை மிரட்டல் விடுத்ததாக, அவருடைய மனைவி நமீதா கொடுத்த புகாரும் நிலுவையில் இருக்கிறது. பிரதீப் மரணம் குறித்து முழுமையாக விசாரிக்கிறோம், அவர் குறிப்பிட்டிருக்கும் அனைவரிடமும் விசாரணை நடத்திவருகிறோம்" என்றனர் விரிவாக.காங்கிரஸ் எம்.எல்.ஏ-வின் பங்களாவில் கல்லூரி மாணவர் தூக்கிட்டு தற்கொலை; போலீஸில் சிக்கிய கடிதம்!
http://dlvr.it/SgJ2X6

Read More

பாலியல் புகார் எதிரொலி: ஹரியானா அமைச்சர் சந்திப் சிங் ராஜினாமா

பாலியல் புகார் எழுந்த நிலையில் ஹரியானா மாநில விளையாட்டு துறை அமைச்சர் சந்திப் சிங் தனது பதவியை ராஜினாமா செய்துள்ளார்.இளநிலை தடகள பெண் பயிற்சியாளர் ஒருவர் சண்டிகர் காவல் துறையில் கொடுத்துள்ள புகாரில் ஜூலை 1, 2022 அன்று, ஹரியானா மாநில விளையாட்டு துறை அமைச்சர் சந்தீப் ஸ்னாப்சாட் செயலி மூலமாக தன்னை அழைத்து ஆவணங்களை சரி பார்ப்பதற்காக சண்டிகரில் செக்டார் 7ல் உள்ள தனது அதிகாரப்பூர்வ இல்லத்திற்குச் வரும் படி கூறியதாகவும் அவ்வாறு தான் சென்றபோது மாலை 6.50 மணியளவில், தனக்கு பாலியல் ரீதியாக தனக்கு துன்புறுத்தல் கொடுத்ததாகவும் ஒரு கட்டத்தில் அமைச்சரை தள்ளிவிட்டு வெளியே ஓடி தன்னுடைய காப்பாற்றிக் கொண்டதாகவும் அவர் தனது புகாரின் தெரிவித்தார். இப்புகாரின் அடிப்படையில் சந்திப் சிங் மீது வழக்குப் பதிவு செய்யப்பட்டு முதல் தகவல் அறிக்கையும் பதிவு செய்யப்பட்டது. இந்நிலையில் சந்தீப் சிங் தனது பதவியை ராஜினாமா செய்துள்ளார். தனது பெயருக்கு களங்கம் விளைவிக்கவே இத்தகைய குற்றச்சாட்டு தெரிவிக்கப்பட்டுள்ளதாகவும் இந்த விவகாரத்தில் முழுமையான அறிக்கை வரும் வரை விளையாட்டு துறையை முதல்வரிடம் ஒப்படைக்கிறேன் என்று தெரிவித்துள்ளார்
http://dlvr.it/SgFZRb

Read More

சபரிமலையில் விமான நிலையம்... கேரள அரசு தீவிரம் - 2,750 ஏக்கர் நிலம் கையகப்படுத்த ஆணை!

சபரிமலையில் விமான நிலையம் அமைக்கும் திட்டம் குறித்து சில ஆண்டுகளாக கேரள அரசு விவாதித்துவருகிறது. இந்த நிலையில் சபரிமலை விமான நிலையத்துக்காக எருமேலி பகுதியில் 2,750 ஏக்கர் நிலம் கையகப்படுத்துவதற்கான அரசாணையை கேரள அரசு வெளியிட்டிருக்கிறது. செறுவள்ளி எஸ்டேட் நிலப்பகுதி போக, வெளியே 307 ஏக்கர் நிலம் கையகப்படுத்தப்படவிருப்பதாக அந்த அரசாணையில் கூறப்பட்டிருக்கிறது. விமான நிலையத்துக்காக மணிமலா கிராமத்தில் அதிக நிலம் கையகப்படுத்தப்படவிருக்கிறது. அதே சமயம் செறுவள்ளி எஸ்டேட் தொடர்பான வழக்கு ஒன்று கோர்ட்டில் நடந்துவருவதும் குறிப்பிடத்தக்கது.சபரிமலை சபரிமலை விமான நிலையத்துக்கான ஓடுதளம் 3,500 மீட்டர் நீளத்தில் அமையவிருக்கிறது. சபரிமலை விமான நிலைய திட்டத்துக்காக நாடாளுமன்றக்குழு ஏற்கனவே ஒப்புதல் அளித்திருக்கிறது. அதே சமயம் மத்திய விமானப் போக்குவரத்து அமைச்சகத்தின் ஒப்புதலைப் பெறுவதற்கான நடவடிக்கையில் இறங்கியிருக்கிறது கேரள அரசு. கடந்த சட்டசபைக் கூட்டத்தொடரில் விமான நிலைய திட்டத்துக்காக இரண்டு கோடி ரூபாயை கேரள அரசு ஒதுக்கியிருந்தது.இது சபரிமலை சீசன் - ஐயப்ப படி பூஜை செய்வது எப்படித் தெரியுமா?! வாங்க தெரிஞ்சிக்கலாம்! எருமேலியில் விமான நிலையம் அமைக்கப்பட்டால், சபரிமலை ஐயப்ப சுவாமி கோயிலில் பக்தர்கள் வருகை பெருமளவில் அதிகரிக்கும் என கேரள அரசு நம்பிக்கை தெரிவித்திருக்கிறது. அமெரிக்காவின் லூயிஸ் பர்ஜர் கம்பெனியிடம் விமான நிலைய கட்டுமான திட்டமிடல் பணி ஒப்படைக்கப்பட்டுள்ளன. சபரிமலை விமான நிலையத்துடன் திருவனந்தபுரம், கொச்சி விமானப் போக்குவரத்தை இணைக்கும் திட்டமும் இருப்பதாகக் கூறப்படுகிறது. மொத்தத்தில் சபரிமலையில் விமான நிலையத்தை அமைக்கும் திட்டத்தில் தீவிரம்காட்டிவருகிறது கேரள அரசு.
http://dlvr.it/SgFZGF

Read More

ரூ.6 கோடி மதிப்பிலான போதைப்பொருள்கள் பறிமுதல்... போலீஸார் தீவிர விசாரணை - பெங்களூருவில் அதிர்ச்சி!

கர்நாடக மாநிலம், பெங்களூரு பகுதியில், புத்தாண்டு கொண்டாடுவோருக்கு விற்பனை செய்வதற்காக, போதை பொருள்கள் பதுக்கப்படுவதாக, மத்திய குற்றபுலனாய்வுத்துறை மற்றும் பெங்களூர் போலீஸாருக்கு தகவல் கிடைத்தது. இதையடுத்து, நேற்று, கொத்தனுார் பகுதியில் அடுக்குமாடி குடியிருப்பில் ஒரு வீட்டில் போலீஸார் ஆய்வு செய்த போது, ஆறு மாநிலங்களைச் சேர்ந்தவர்கள் அந்த வீட்டில் போதை பொருள்கள் பதுக்கி வைத்திருந்தது தெரியவந்தது. ஜேக்கப் வினோத், ஸ்ரீகாகுளத்தை சேர்ந்த ரமண சனாபதி, கத்ரி பகுதியை சேர்ந்த இர்பான் மற்றும் ஷேக் முகமது ஆகியோரை போலீஸார் கைது செய்தனர். அந்த வீட்டிலிருந்து, 2.5 கிலோ MDMA, 350 போதை மாத்திரைகள், 4 கிலோ கஞ்சா ஆயில், 440 கிராம் சரஸ், ஏழு கிலோ கஞ்சா ஆகியவற்றை பறிமுதல் செய்தனர். இதேபோல், ஹொம்மதேவனஹல்லி பகுதியில், அக்பு சிகே அந்தோனி என்ற நைஜீரிய நாட்டவரிடம், 250 கிராம் MDMA கைப்பற்றி அவரை கைது செய்தனர். போலீஸ் கடந்த இரண்டு நாள்களில் மட்டும், எட்டு பேரை கைது செய்து, ஆறு கோடி ரூபாய் மதிப்பிலான போதை பொருள்களை பறிமுதல் செய்திருக்கின்றனர் எனக் கூறப்படுகிறது. மேலும், இன்று காலை முதல் பெங்களூரு முழுதிலும், டிரக் மாஃபியாக்களை கண்டறிய பல இடங்களில் போலீஸார் சோதனை செய்து வருகின்றனர். பெங்களூரில் தொடர்ந்து வெளிநாட்டு போதைப்பொருள்கள் விற்பனை அதிகரித்து வருவது அதிர்ச்சியளிக்கிறது என சமூக ஆர்வலர்கள் கவலை தெரிவிக்கின்றனர்.வீடு தேடி உணவு மட்டுமல்ல, கஞ்சாவும் வரும்... அதிர்ச்சி தரும் ‘ஹைடெக்’ போதை விற்பனை!
http://dlvr.it/SgCmp9

Read More