பைக்கில் அமர்ந்து அடம் பிடித்த இளைஞர்: வீடியோ பாருங்க விழுந்து விழுந்து சிரிங்க.....

கான்பூர்: விதி மீறி பைக்கை நிறுத்திய இளைஞரிடம் பைக்கை பறிமுதல் செய்ய முடியாமல் திணறிய போக்குவரத்து போலீசார் , பைக்கில் அமர்ந்த நிலையில் இருந்த இளைஞனை மீட்பு வாகனத்துடன் ஓட்டிச் சென்ற வீடியோ காட்சி சமூக வலைதளங்களில் வைரலாக பரவி வருகிறது.

நோ பார்க்கிங்:

உ.பி. மாநிலம் கான்பூரில் படா சவுரஹா என்ற முக்கிய இடத்தில் நோ பார்க்கிங் பகுதியில் வேகமாக பைக்கில் வந்த இளைஞன் தனது பைக்கை நிறுத்தினார். இதை பார்த்த போக்குவரத்து போலீஸ்காரர் ஒருவர் அந்த இளைஞனிடம் பைக்கை நிறுத்தக்கூடாது மீறினால் அபராதம் விதிக்கப்படும் என்றார்.

அடம் பிடித்த இளைஞர்:

இதற்கு எதிர்ப்பு தெரிவித்த அந்த இளைஞர் அபராதம் தர மறுத்து போலீிசிடம் வாக்குவாதம் செய்தார். உடனே போலீஸ்காரர். சார்ஜன்டிற்கு தகவல் கொடுத்தார். அங்கு போலீஸ் மீட்பு வாகனம் வந்தது. பைக்கை பறிமுதல் செய்து மீட்பு வாகனத்தில் ஏற்ற போலீசார் முயன்றனர். உடனே அந்த இளைஞர் பைக்கில் அமர்ந்து கொண்டு இறங்க மறுத்தார். தொடர்ந்து அடம்பிடித்த அந்த இளைஞனை போக்குவரத்து போலீசார் அப்படியே பைக்குடன் குண்டுகட்டாக தூக்கி மீ்ட்பு வாகனத்தில் ஏற்றி கொண்டு சென்றனர்.
இதன் வீடியோ காட்சி வைரலாக சமூக வலைதளங்களில் வேகமாக பரவியது. பலரும் தங்களது கருத்தை பதிவேற்றினர்.

English summary:

Kanpur: Rule violation Bike traffic police stopped the young man struggled with the bike can not be seized,The teenager was sitting on the bike with the recovery of the vehicle that was driving the spread of a viral video and social networking sites.

Read More

உ.பி.,யில் பதுங்கிய 13 பயங்கரவாதிகள்: தேடுதல் தீவிரம்

லக்னோ : உ.பி.,யில் பயணிகள் ரயிலில் குண்டுவெடிப்பு நடத்தப்பட்டதை தொடர்ந்து போலீசார் தீவிர தேடுதல் வேட்டையில் ஈடுபட்டனர். அப்போது வீடு ஒன்றில் பதுங்கி இருந்த பயங்கரவாதி ஒருவன் கொல்லப்பட்டான்.

உ.பி.,யில் ஐஎஸ் பயங்கரவாதிகள் :

இதனைத் தொடர்ந்து, கொல்லப்பட்ட பயங்கரவாதி பதுங்கி இருந்த வீட்டில் சோதனை நடத்தப்பட்டது. அப்போது உ.பி., வரைபடங்கள், வெடிகுண்டுகள் தயாரிக்க பயன்படுத்தப்படும் பொருட்கள் உள்ளிட்டவை கண்டுபிடிக்கப்பட்டன. இதனால் உ.பி., மற்றும் ம.பி.,யில் சுமார் 13 ஐஎஸ்ஐஎஸ் பயங்கரவாதிகள் பதுங்கி இருக்கலாம் என்ற சந்தேகம் எழுந்துள்ளது. இதனால் தேடுதல் வேட்டை தீவிரப்படுத்தப்பட்டுள்ளது.
உ.பி.,யில் இன்று இறுதி மற்றும் 7 ம் கட்ட ஓட்டுப்பதிவு நடந்து வரும் நிலையில் பயங்கரவாதிகள் பதுங்கல், துப்பாக்கிச் சண்டை, பயணிகள் ரயிலில் குண்டுவெடிப்பு போன்ற சம்பவங்கள் பீதியை ஏற்படுத்தி உள்ளன.

English summary:

Lucknow: UP, followed by treatment of the passengers on the train blasts, police were involved in a serious search. One terrorist was killed, who was hiding in the house.

Read More

கெஜ்ரிவாலுக்கு இமெயிலில் கொலை மிரட்டல்

புதுடில்லி : டில்லி முதல்வர் கெஜ்ரிவாலுக்கு இமெயில் மூலம் கொலை மிரட்டல் விடுக்கப்பட்டுள்ளது. இதுகுறித்து போலீசார் விசாரணை நடத்தி வருகின்றனர்.

மிரட்டல்:

டில்லி முதல்வரும் ஆம்ஆத்மி தலைவருமான அரவிந்த் கெஜ்ரிவாலின் அதிகாரப்பூர்வ இமெயிலுக்கு மர்மநபர்க ஒருவர் இருமுறை கொலை மிரட்டல் விடுத்துள்ளனர். அதில் கெஜ்ரிவாலை கொலை செய்வோம் என மிரட்டல் விடுக்கப்பட்டுள்ளது. இந்த இ-மெயிலை டில்லி போலீசாருக்கு முதல்வர் அலுவலக அதிகாரிகள் அனுப்பி வைத்துள்ளனர். இது தொடர்பாக டில்லி காவல்துறையினர் தீவிர விசாரணை நடத்தி வருகின்றனர்.

English summary:

New Delhi : Delhi Chief Minister Kejriwal received a death threat by email. The police are investigating.

Read More

402 போலீஸ் ஸ்டேஷன்களில் தொலைபேசி இல்லை

புதுடில்லி : நாட்டில் உள்ள 402 காவல் நிலையங்களில் போன் வசதி இல்லை, 134 போலீஸ் நிலையங்களில் வாகன வசதி இல்லை என்ற அதிர்ச்சி தகவல் வெளியாகி உள்ளது.

காவல்துறை ஆராய்ச்சி மற்றும் வளர்ச்சி பணியகம் (Bureau of Police Research and Development) சமீபத்தில் வெளியிட்டுள்ள அறிக்கையில், இந்தியாவில் மொத்தம் 15,555 காவல் நிலையங்கள் உள்ளது. அதில், 188 காவல் நிலையங்களில் வாகனங்கள் இல்லை, 402 காவல் நிலையங்களில் தொலைபேசி வசதி இல்லை, 134 காவல் நிலையங்களில் வயர்லெஸ் வசதி இல்லை என தெரிவிக்கப்பட்டுள்ளது.

ஜனவரி 2016 வரை நாடு முழுவதும் காவல் துறையில் மொத்தம் 22,80,691 பேர் பணியில் உள்ளனர். அவர்களில் 5,56,539 பேர் மட்டுமே காவலர் குடியிருப்புகளை பெற்றுள்ளனர். ஒட்டு மொத்தமாக 729 பொதுமக்களுக்கு ஒரு காவலர் என்ற விகிதாசாரத்தில் தற்போதைய நிலை உள்ளதாகவும், அவ்வறிக்கை சுட்டிக் காட்டுகிறது. போலீசாரின் எண்ணிக்கை குறைவாக இருப்பதால், ஒருவரே பல வேலைகளை செய்ய வேண்டியவுள்ளதாகவும் அந்த அறிக்கையில் தெரிவிக்கப்பட்டுள்ளது. நாடு முழுவதிலும் சுமார் 5 லட்சம் காவலர் பணியிடங்கள் காலியாக உள்ளதாக சமீபத்தில் மத்திய அரசு வெளியிட்டுள்ள மற்றொரு புள்ளிவிபர அறிக்கையில் தெரிவிக்கப்பட்டுள்ளது குறிப்பிடத்தக்கது.

English summary:

The country had no phone at 402 police stations, 134 police stations bombshell revelation that the vehicle is not comfortable. 

Read More

வருமான வரித்துறையின் 586 நடவடிக்கை: சிக்கியது ரூ.316 கோடி: புதுசு 79 கோடி

புதுடில்லி: கடந்த நவம்பர் மாதம் 8 ம் தேதிக்கு பின்னர் நடத்தப்பட்ட மத்திய அரசின் வருமான வரித்துறை நடவடிக்கையால் ரூ. 316 கோடி சட்டவிரோத பணம் சிக்கியிருப்பதாக வருமான வரித்துறை தகவல் வட்டாரம் தெரிவிக்கிறது .

கறுப்பை ஓயிட்டாக மாற்ற :

கடந்த நவம்பர் 8ம் தேதி ரூ.500, 1000 செல்லாது என்ற அறிவிப்பை பிரதமர் வெளியிட்டார். கறுப்பு பணத்தை ஒழிக்க இது உதவும் என்பதால் , அத்துடன் பண பரிமாற்றத்தில் புதிய 2000 ஆயிரம் ரூபாய் வெளியிடப்பட்டது. கையில் வைத்திருந்த பழைய 500 , 1000 ரூபாய் நோட்டுகள் வங்கியில் கட்டவும் அவகாசம் கொடுக்கப்பட்டது. ஒருவருக்கு 2.5 லட்சத்திற்கு மேல் வங்கியில் செலுத்தும் போது வருமான வரி காட்ட வேண்டிய நிலையில் பலரும் தங்களில் கறுப்பை ஓயிட்டாக மாற்ற கடும் முயற்சி மேற்கொண்டனர்.

ஆங்காங்கே பணம் பதுக்குவது தொடர்பாக வருமான வரி மற்றும் அமலாக்க துறையினர் கடும் சோதனை மேற்கொண்டனர். நாடு முழுவதும் கடந்த நவம்பர் 8 முதல் டிசம்பர் 14 வரை 586 இடங்களில் சோதனை நடத்தப்பட்டது. இதில் கணக்கில் வராத ரூ. 316 கோடி பறிமுதல் செய்யப்பட்டது. இதில் புதிய கரன்சி 79 கோடி ஆகும். இவ்வாறு வருமான வரி துறை வட்டார தகவல் தெரிவிக்கிறது.

English summary:

New Delhi on November 8 after the operation carried out by the central government income tax of Rs. 316 crore income tax information according to a source of illegal money being trapped.

Read More

பிரதமரின் பாதுகாப்பு போலீஸ்காரர் துப்பாக்கியால் சுட்டு தற்கொலை.. ஹைதராபாத்தில் விபரீதம்

ஹைதராபாத்: பிரதமரின் பாதுகாப்பு பணிக்கு சென்ற போலீஸ் எஸ்.ஐ. துப்பாக்கியால் சுட்டு தற்கொலை செய்து கொண்ட சம்பவம் ஹைதராபாத்தில் பரபரப்பை ஏற்படுத்தியது.

ஹைதராபாத்தில் நேற்றும் இன்றும் நடைபெற்றுவரும் அனைத்து மாநில போலீஸ் ஐ.ஜி. மற்றும் டி.ஜி.பி.க்கள் மாநாட்டில் பங்கேற்பதற்காக பங்கேற்பதற்காக இந்நகருக்கு வந்துள்ளார் பிரதமர் மோடி. இவரின் பாதுகாப்பு ஏற்பாடுகளை கவனிக்க தெலுங்கானா மாநிலம், ஆசிபாபாத் போலீஸ் நிலையத்தில் பணியாற்றிவந்த ஸ்ரீதர் என்ற சப்-இன்ஸ்பெக்டரும் நியமிக்கப்பட்டிருந்தார்.

பாதுகாப்பு பணிக்காக, ஹைதராபாத்தின் உப்பராப்பள்ளி பகுதிக்கு வந்த ஸ்ரீதர் திடீரென தனது ரிவால்வரால் தன்னைத்தானே, துப்பாக்கியால் சுட்டு தற்கொலை செய்துகொண்டார்.

குடும்பப் பிரச்சனை காரணமாக இந்த முடிவை அவர் தேர்ந்தெடுத்திருக்கலாம் என ராஜேந்திரா நகர் போலீசார் கூறுகிறார்கள். இச்சம்பவம் தொடர்பாக வழக்குப்பதிவு செய்து விசாரித்து வருகின்றனர்.

English summary:

A Sub-Inspector committed suicide by firing his service revolver in Hyderabad on Saturday morning.

Read More

செம்மரக் கட்டைகளை வெட்டிக் கடத்தியதாக 53 தமிழர்கள் கைது!

ஆந்திர மாநிலம் கடப்பாவில் செம்மரக் கட்டைகளை வெட்டி கடத்த முயன்றதாகக் கூறி 53 தமிழர்களை போலீசார் இன்று கைது செய்துள்ளனர். 

கடப்பா மாவட்டம் லங்கமலா பகுதியில், செம்மரம் வெட்டப்படுவதாக போலீசாருக்கு தகவல் கிடைத்ததாகக் கூறப்படுகிறது.

இதையடுத்து அங்கு சென்ற போலீசார் கடத்தல் கும்பலை சுற்றிவளைத்தது, போலீசாரை கண்டதும் சிலர் அங்கிருந்து தப்பியோடினர்.

எனினும் 20 பேரை கைது செய்த போலீசார் அவர்களிடம் இருந்து 1 டன் எடை கொண்ட, 63 செம்மரக் கட்டைகளை பறிமுதல் செய்தனர்.

இதற்கிடையே முத்தலூர் பகுதியில், செம்மரக் கடத்தல் கும்பலை சேர்ந்த மேலும் 33 பேரை போலீசார் கைது செய்தனர். இப்படி கைது செய்யப்பட்ட அனைவரும் தமிழர்கள் என்பது குறிப்பிடத்தக்கது.

பிடிபட்டவர்களிடம் இருந்து ஒரு லாரி,  2 வேன், 26 செல்போன்கள் பறிமுதல் செய்யப்பட்டுள்ளன.

இது தொடர்பாக ஆந்திர போலீசார் தீவிர விசாரணை நடத்தி வருகின்றனர். மேலும் கடத்தல் கும்பலை சேர்ந்தவர்களை போலீசார் தேடி வருகின்றனர் என்பது குறிப்பிடத்தக்கது.

English Summary:

Red sandalwood tried to smuggle the wood cut in Kadapa, Andhra Pradesh Police today said 53 Tamils were arrested.

Read More