நட்டத்துடன் வர்த்தகத்தைத் தொடங்கிய எல்.ஐ.சி... யார் யாருக்கு எவ்வளவு நட்டம்?

பெரிதும் எதிர்பார்கப்பட்ட எல்.ஐ.சி இன்று வர்த்தகத்தை தொடங்கியது. சந்தையில் ஏற்கெனவே கணிகப்பட்டதை போல முதலீட்டாளர்களுக்கு ஒதுக்கப்பட்ட விலையை விட குறைவாகவே பட்டியலானது. ஒரு பங்கு ரூ.949க்கு முதலீட்டாளர்களுக்கு ஒதுக்கப்பட்டது. ஆனால் 8.6 சதவீதம் குறைந்து 867 ரூபாய்க்கு வர்த்தகத்தை தொடங்கியது. ஆனால் குறைந்தபட்ச விலையாக ரூ.860 வரைக்கும் விலை சரிந்தது. எல்.ஐ.சி. பட்டியலாகும்போது சுமார் 6 லட்சம் கோடி ரூபாய்க்கு மேல் சந்தை மதிப்பு இருந்தது. ஆனால் பட்டியலான பிறகு சுமார் 42,000 கோடி ரூபாய் வரை சந்தை மதிப்பு குறைந்தது. இதனால் முதலீட்டாளர்களுக்கு இழப்பு ஏற்பட்டிருக்கிறது. சிறுமுதலீட்டாளர்கள் மற்றும் பாலிசிதாரர்களுக்கு குறைந்த விலையில் பங்குகள் வழங்கப்பட்டன. ஆனால் அவர்களுக்கு ஒதுக்கீடு செய்ததைவிடவும் குறைவாகவே தற்போது எல்.ஐ.சி. பங்குகள் வர்த்தகமாகின்றன. பணியாளர்களுக்கு ரூ.904க்கு ஒதுக்கீடு செய்யப்பட்டது. பாலிசிதாரர்களுக்கு ரூ.889க்கு ஒதுக்கப்பட்டது. இதர சிறு முதலீட்டாளர்களுக்கு ரூ.949க்கு வழங்கப்பட்டது. ஆனால் அனைத்து தரப்புக்குமே எல்.ஐ.சி முதலீடு தற்போது நஷ்டத்தையே வழங்கி இருக்கிறது. அடுத்து என்ன? எல்.ஐ.சியின் சந்தை மதிப்பு கவர்ச்சிகரமாகவே இருக்கிறது. இருந்தும் சந்தை சூழ்நிலைகள் சரியில்லாத காரணத்தால் எல்.ஐ.சி. பங்குகள் தள்ளுபடியில் வர்த்தகமாகின்றன. ஏற்கெனவே பங்குகளை வைத்திருக்கும் முதலீட்டாளர்கள் முதலீட்டை தொடரலாம். ஒருவேளை ஐபிஓவில் கிடைக்கவில்லை என்றால் புதிதாக முதலீடும் செய்யலாம். எல்.ஐ.சியில் புதிய முதலீட்டுக்கு இது சரியான வாய்ப்பு என பங்குச்சந்தை வல்லுநர்கள் தெரிவித்திருக்கின்றனர். நீண்ட கால முதலீட்டில் பங்குச்சந்தையை அணுகுபவர்களுக்கு இது சரியான தருணம். பங்குகளின் விலை குறைய குறைய, முதலீட்டை மேலும் உயர்த்தலாம். நடப்பு ஆண்டில் நல்ல டிவிடெண்ட் கிடைக்க கூடும் என்றும் சில சந்தை வல்லுநர்கள் தெரிவித்திருக்கிறார்கள். காப்பீடு குறித்து விழிப்புணர்வு தற்போது தொடர்ந்து உயர்ந்துவருகிறது. எல்.ஐ.சி. பெரும்பான்மையான சந்தையை வைத்திருப்பதால் விழிப்புணர்வு உயரும்போது காப்பீடு எடுப்பவர்களின் எண்ணிக்கை உயரும். அது எல்.ஐ.சி.க்கு சாதகமாக இருக்கும் எனவும் கருத்து தெரிவித்திருக்கிறார்கள். ஐந்தாவது பெரிய நிறுவனம் பங்குச்சந்தையில் பட்டியலான பிறகு இந்தியாவில் ஐந்தாவது பெரிய நிறுவனமாக எல்.ஐ.சி உயர்ந்திருக்கிறது. முதல் இடத்தில் ரிலையன்ஸ் இண்டஸ்ட்ரீஸ் நிறுவனம் உள்ளது. இரண்டாம் இடத்தில் டிசிஎஸ்-ம், மூன்றாம் மற்றும் நான்காம் இடத்தில் ஹெச்டிஎப்சி வங்கி மற்றும் இன்ஃபோசிஸ் ஆகிய நிறுவனங்களும் உள்ளன. ஐந்தாம் இடத்தில் எல்.ஐசி இருக்கிறது. சுமார் ரூ.5.56 லட்சம் கோடி சந்தை மதிப்பில் வர்த்தகமாகிறது. இதற்கடுத்து ஆறாவது இடத்தில் ஹெச்.யூ.எல். நிறுவனம் இருக்கிறது. எல்.ஐ.சி பங்குகள் மேலும் சரிவை சந்தித்தாலோ அல்லது ஹெச்.யு.எல். பங்கு விலையில் ஏற்றம் இருந்தாலோ ஐந்தாம் இடத்தில் இருக்கும் எல்.ஐ.சி. ஆறாம் இடத்துக்கு தள்ளப்படலாம். ஆனால், சில மாதங்களுக்கு முன்பு இந்தியாவின் இரண்டாவது மிகப்பெரிய நிறுவனம் எல்.ஐ.சி. என்னும் கணிப்புகள் இருந்தன. ரிலையன்ஸுக்கு அடுத்து அதிக சந்தை மதிப்பை கொண்ட நிறுவனமாக இருக்கும் என கணிக்கப்பட்டது. ஆனால் சந்தையில் நிலவும் ஏற்ற இறக்கம் காரணமாக சந்தை மதிப்பு குறைந்தது. அதேபோல முன்பு 5 சதவீத பங்குகளை விலக்கிகொள்ள திட்டமிட்டது. ஆனால் ரஷ்யா உக்ரைன் போர் காரணமாக 3.5 சதவீத பங்குகள் மட்டுமே விற்பனை செய்யப்பட்டன. தற்போது அந்த பங்குகளும் விலை குறைந்து வர்த்தகமாகின்றன.
http://dlvr.it/SQY99k

Read More

உத்தரப்பிரதேசம்: கியான்வாபி மசூதியில் சிவலிங்கம்? - சர்ச்சையும் பின்னணியும்!

உத்தரப்பிரதேச மாநிலம், வாரணாசியில் காசி விஸ்வநாதர் கோயிலுக்கு அருகே கியான்வாபி என்ற மசூதி உள்ளது. இந்த மசூதி வளாகத்தின் வெளிப்புறச் சுவரில் சிங்கார கௌரி அம்மன் சிலை உள்ளது. ஆண்டுக்கு ஒரு முறை மட்டுமே அம்மனுக்கு பூஜைகள் நடத்தப்பட்டுவருகின்றன. இந்நிலையில், சிங்கார கௌரி அம்மனுக்கு தினமும் பூஜை நடத்த அனுமதிக்க வேண்டும் என்று ஐந்து பெண்கள் வாரணாசி நீதிமன்றத்தில் கடந்த ஆண்டு வழக்கு தொடர்ந்தனர். முன்னதாக கியான்வாபி மசூதியிலுள்ள கோயிலை மறுசீரமைக்க வேண்டும் என 1991-ம் வாரணாசி மாவட்ட நீதிமன்றத்தில் மனுத்தாக்கல் செய்யப்பட்டது. இதை எதிா்த்து சன்னி வக்பு வாரியம், அஞ்சுமன் இந்தஜாமியா மஸ்ஜித் ஆகியவை தொடுத்த வழக்கில் மாவட்ட நீதிமன்ற உத்தரவுக்கு அலகாபாத் உயர் நீதிமன்றம் தடைவிதித்தது. இந்நிலையில், கியான்வாபி மசூதியின் சுவரிலுள்ள சிலைகளை வழிபட அனுமதிக்கக் கோரி தாக்கலான மனுவை விசாரணைக்கு எடுத்துக்கொண்டது. இதை விசாரித்த மாவட்ட நீதிபதி ரவிகுமாா் திவாகா், மசூதியை அளவிட்டு வீடியோ பதிவுசெய்து மே 17-ம் தேதிக்குள் அறிக்கை தாக்கல் செய்ய உத்தரவிட்டார். மேலும், இந்தப் பணிகளை மேற்கொள்ளக் குழு அமைத்து கடந்த 12-ம் தேதி உத்தரவிட்டார். இந்த ஆய்வை மேற்கொள்ளக் கூடாது என்று மசூதி நிர்வாகமான அஞ்சுமன் இந்தஜாமியா மசூதி கமிட்டி சார்பில் வாரணாசி நீதிமன்றத்தில் மனுத்தாக்கல் செய்யப்பட்டது. ஆனால், அந்த மனு நிராகரிக்கப்பட்டது. இதனால், வாரணாசி நீதிமன்ற உத்தரவை எதிர்த்து அஞ்சுமன் இந்தஜாமியா மசூதி கமிட்டி உச்ச நீதிமன்றத்தில் மனுத்தாக்கல் செய்தது. இந்த மனுவை விசாரித்த நீதிமன்றம், ``இன்னும் வழக்கு தொடர்பான ஆவணங்களைப் பார்க்காததால், இப்போது கள ஆய்வுக்குத் தடை விதிக்க முடியாது" என்று கூறியது. எனினும் மனுவை அவசரமாக விசாரிக்க வேண்டும் என்ற கோரிக்கையை நீதிபதிகள் ஏற்றுக்கொண்டனர். கியான்வாபி மசூதி இந்நிலையில் மசூதியில் கடந்த சனிக்கிழமை தொடங்கி மூன்று நாள்களாக நடந்த ஆய்வு நேற்று (16-ம் தேதி) நிறைவுபெற்றது. இந்த ஆய்வில் வழக்கறிஞர் ஆணையர் அஜய்குமார் மிஸ்ரா, சிறப்பு வழக்கறிஞர் விஷால் சிங், துணை வழக்கறிஞர் அஜய் பிரதாப் சிங், மனுதாரர்கள், அவர்களின் வழக்கறிஞர்கள் ஆகியோர் என மொத்தம் 36 பேர் இருந்தனர். ஆய்வின்போது எதுவும் அசம்பாவிதம் நடைபெற்றுவிடக் கூடாது என்பதால் முன்னெச்சரிக்கை நடவடிக்கைக்காக மசூதியிலிருந்து ஒரு கிலோமீட்டர் தொலைவு வரை போலீஸார் பாதுகாப்புப் பணியில் ஈடுபடுத்தப்பட்டனர். அதன்படி, நடைபெற்ற ஆய்வில் மசூதியின் உள்ளே இருந்த செயற்கைக் குளத்தில் சிவலிங்கம் கிடைக்கப்பெற்றதாகக் கூறி, ஹரிஷங்கர் ஜெயின் என்ற வழக்கறிஞர் நீதிமன்றத்தை அணுகினார். மேலும், மசூதி வளாகத்துக்குள் உள்ள அந்தக் குறிப்பிட்ட பகுதியை சீல் வைக்குமாறும், அந்தப் பகுதிக்குள் ஆட்கள் செல்வதைத் தடுக்க வேண்டும் என்றும் கோரிக்கை விடுத்தார். அதன்படி, வளாக பகுதியைப் பூட்டி சீல் வைக்க பனாரஸ் மாவட்ட ஆட்சியருக்கு நீதிமன்றம் உத்தரவிட்டது. இதனையடுத்து, ஆட்கள் யாரும் உள்ளே சென்றுவிடாமல் தடுக்க வளாகப் பகுதி சீல் வைக்கப்பட்டு, பாதுகாப்பு ஏற்பாடு செய்யப்பட்டுள்ளது. ஆனால், ஆய்வின்போது சிலை எதுவும் கிடைத்ததாக ஆய்வுக்குழுத் தரப்பில் எந்தத் தகவலும் வெளியிடப்படவில்லை. அதேபோல, ஆய்வுப் பணிகள் முழுவதையும் வீடியோ பதிவுசெய்து, அது குறித்து எந்தத் தகவலையும் வெளியிடக் கூடாது என்று நீதிமன்றம் கூறியிருந்தது.ஞானவாபி மசூதி தற்போது வெளியான இந்தத் தகவலை மசூதி நிர்வாகம் மறுத்துள்ளது. மேலும், குளத்துக்குள் இருப்பது சிவலிங்கம் இல்லை என்றும், அந்தக் குளம் மசூதிக்கு வருபவர்கள் தொழுகைக்கு முன்பு தங்களைத் தூய்மைப்படுத்திக்கொள்வதற்கான செயற்கை நீரூற்று அமைப்புகொண்டது என்று மசூதி தரப்பு தெரிவித்துள்ளது. இதையே ஏ.ஐ.எம்.ஐ.எம் தலைவர் அசாதுதீன் ஒவைசியும் தெரிவித்துள்ளார். பிரதமர் மோடியின் தொகுதியான வாரணாசியில் நடைபெறும் இந்தச் சம்பவம் நாடு முழுவதும் பெரும் அதிர்வலைகளை ஏற்படுத்தியிருக்கிறது. இந்த விவகாரம் குறித்து உச்ச நீதிமன்றத்தில் நடைபெறும் வழக்கின் போக்கை வைத்தே அடுத்தகட்ட விவரம் தெரியவரும்! ``ஞானவாபி மசூதி ஆய்வில் கண்டுபிடிக்கப்பட்டது சிவலிங்கம் அல்ல... நீரூற்று" - அசாதுதீன் ஒவைசி
http://dlvr.it/SQXcBN

Read More

ஜம்மு-காஷ்மீர் எல்லை நிர்ணய திட்டம்: பாகிஸ்தானின் தீர்மானத்தை நிராகரித்தது இந்தியா!

ஜம்மு-காஷ்மீர் எல்லைத் திட்டத்துக்கு எதிராகப் பாகிஸ்தான் நாடாளுமன்றத்தில் கொண்டுவரப்பட்ட தீர்மானத்தை எதிர்த்து இந்திய வெளியுறவு அமைச்சகம் அறிக்கை வெளியிட்டிருக்கிறது. அந்த அறிக்கையில், ``ஜம்மு-காஷ்மீர் எல்லை நிர்ணய திட்டத்துக்கு எதிராக பாகிஸ்தான் நாடாளுமன்றத்தில் கொண்டுவரப்பட்ட தீர்மானத்தை இந்தியா திட்டவட்டமாக நிராகரிக்கிறது. இந்தியாவுக்கு எதிரான எல்லை தாண்டிய பயங்கரவாதத்தைப் பாகிஸ்தான் உடனடியாக நிறுத்தவேண்டும். மேலும், பயங்கரவாதத்தின் உட்கட்டமைப்புகளை பாகிஸ்தான் உடனே முடிவுக்குக் கொண்டுவர வேண்டும்.இந்தியா பாகிஸ்தான் பாகிஸ்தானின் சட்டவிரோத ஆக்கிரமிப்பின் கீழ் உள்ள இந்தியப் பகுதிகளின் விவகாரங்களில் தலையிடவோ... இந்தியாவின் மற்ற உள்விவகாரங்களில் தலையிடவோ அது தொடர்பாக விவாதிக்கவோ பாகிஸ்தானுக்கு எந்தவித உரிமையும் இல்லை. ஜம்மு-காஷ்மீர் யூனியன் பிரதேசத்தில் எல்லை நிர்ணயம் செய்வது என்பது விரிவான ஆலோசனை, பங்களிப்பு கொள்கைகளை அடிப்படையாகக் கொண்ட ஒரு ஜனநாயக முயற்சி. ஆனால், பாகிஸ்தானில் உள்ள தலைமை தனது சொந்த வீட்டைச் சீரமைக்காமல் இந்தியாவின் உள்விவகாரங்களில் தலையிடுவதும், அடிப்படையற்ற மற்றும் ஆத்திரமூட்டும் வகையில் இந்தியாவுக்கு எதிரான பிரசாரத்தில் ஈடுபடுவதும் வருந்தத்தக்கதாக இருக்கிறது.காஷ்மீர் மேலும், இஸ்லாமிய ஒத்துழைப்பு அமைப்பு (Organization of Islamic co-operation) இந்தியாவின் உள்விவகாரங்களில் தேவையற்ற கருத்துகளைத் தெரிவிப்பதைத் தவிர்த்துக் கொள்ளுமாறு கேட்டுக்கொள்கிறோம். ஜம்மு-காஷ்மீர் யூனியன் பிரதேசத்தில் இஸ்லாமிய ஒத்துழைப்பு அமைப்பு செயலகத்தின் வலியுறுத்தல்களை இந்திய அரசு திட்டவட்டமாக நிராகரிக்கிறது" எனக் குறிப்பிட்டுள்ளது.``இம்ரானைக் கைது செய்தால் பாகிஸ்தான் இலங்கையாக மாறும்!" - ஷெபாஷை எச்சரிக்கும் முன்னாள் அமைச்சர்
http://dlvr.it/SQX1GT

Read More

மனைவியின் திருமணத்துக்கு மீறிய உறவால் ஆபத்து - கணவரின் கோரிக்கையை ஏற்ற நீதிமன்றம்!

தனது மனைவி மற்றும் மனைவியின் கள்ளக்காதலனால் தனது உயிருக்கு ஆபத்து இருப்பதாக கணவர் ஒருவர் தாக்கல் செய்த மனுவை பரிசீலிக்குமாறு தேனி மாவட்ட காவல் கண்காணிப்பாளருக்கு சென்னை உயர் நீதிமன்ற மதுரைக் கிளை உத்தரவிட்டுள்ளது. தேனி மாவட்டம் கம்பத்தைச் சேர்ந்த தொழிலதிபர் நாராயணன் என்பவர் உயர் நீதிமன்ற மதுரைக் கிளையில் மனு ஒன்றை தாக்கல் செய்திருந்தார். அதில், "நான் தேனி மாவட்டம் கம்பத்தில் கடைகள் வைத்து நடத்தி வருகிறேன். எனக்கும், எனது மனைவி சத்யாவுக்கும் திருமணமாகி மூன்று பெண் குழந்தைகள் உள்ளன. இந்நிலையில், கூடலூரைச் சேர்ந்த அபிஷேக்குடன் எனது மனைவிக்கு முறையற்ற பழக்கம் ஏற்பட்டது. அபிஷேக்கின் ஆசை வார்த்தைக்கு மயங்கி பணம் நகைகளை எனது மனைவி கொடுத்துள்ளார். இந்த விஷயம் தெரியவந்ததும் நான் இருவரையும் எச்சரித்தேன். இதையடுத்து, அபிஷேக், அவரது உறவினர்கள் சிலருடன் சேர்ந்து என்னை கொலை செய்வதாக மிரட்டி வருகிறார். மேலும், எனது மனைவி மற்றும் அவளது கள்ளக்காதலன் அபிஷேக் ஆகியோர் எனது சொத்துக்களையும் கடை சொத்துக்களையும் அபகரிக்கும் முயற்சியில் ஈடுபட்டு வருகின்றனர். என்னை கொலை செய்ய வேண்டும் என்ற பல திட்டங்களையும் தீட்டி வருகின்றனர். எனவே எனக்கு போலீஸ் பாதுகாப்பு வழங்க தேனி மாவட்ட காவல்துறை கண்காணிப்பாளருக்கு உத்தரவு பிறப்பிக்க வேண்டும்" எனக் கூறப்பட்டிருந்தது. இந்த மனுவானது நீதிபதி தண்டபாணி முன்பு இன்று விசாரணைக்கு வந்தது. அப்போது, "மனுதாரர் தனது உயிருக்கும் உடைமைக்கும் பாதுகாப்பு கோரி மாவட்ட காவல் கண்காணிப்பாளரிடம் கொடுத்த மனுவின் அடிப்படையில் பாதுகாப்பு வழங்குவது குறித்து பரிசீலனை செய்ய வேண்டும்" என நீதிபதி உத்தரவிட்டார்.
http://dlvr.it/SQWRrY

Read More

மும்பை: வீட்டுக்குள் நுழைந்து கத்தியை காட்டி இளம்பெண் வன்கொடுமை - வீடியோ எடுத்து மிரட்டிய சகோதரர்கள்

தாராவியில் வசிக்கும் 20 வயது பெண் கடந்த இரண்டு மாதத்திற்கு முன்பு மும்பை வந்திருந்தார். அவர் வீட்டில் தனியாக இருந்த போது இரண்டு பேர் வீட்டுக்குள் அத்துமீறி நுழைத்து கத்தியை காட்டி மிரட்டி வன்கொடுமை செய்துள்ளனர். அதோடு சம்பவத்தை வீடியோ எடுத்துக்கொண்டு, வெளியில் சொன்னால் வீடியோவை சமூக வலைத்தளத்தில் வெளியிட்டுவிடுவேன் என்று கூறி மிரட்டினர். ஆனாலும் இச்சம்பவம் குறித்து அப்பெண் தாராவி போலீஸில் புகார் செய்தார். வன்கொடுமை செய்தவர்கள் யார் என்று அப்பெண்ணுக்கு தெரிந்திருக்கவில்லை. இதனால் போலீஸார் இச்சம்பவம் குறித்து வழக்கு பதிவு செய்து விசாரணை நடத்தி வந்தனர். அப்பெண் இருக்கும் வீட்டுக்கு அருகில் பொருத்தப்பட்டு இருந்த 100 கண்காணிப்பு கேமரா பதிவுகளை ஆய்வு செய்த பிறகு இவ்வழக்கில் துப்பு துலங்கியது. இது குறித்து தாராவி போலீஸ் இன்ஸ்பெக்டர் பிரதீப் கூறுகையில், ``இரண்டு சகோதரர்கள் வீட்டுக்குள் அத்துமீறி நுழைந்து தனியாக வீட்டில் இருந்த பெண்ணை கத்தியை காட்டி மிரட்டி வன்கொடுமை செய்துள்ளனர். சித்தரிப்பு படம் குற்றவாளிகளை கண்டுபிடிக்க 102 கண்காணிப்பு கேமரா பதிவுகளை ஆய்வு செய்தோம். அதில் ஒன்றில் கடைக்காரர் ஒருவரிடம் குற்றவாளி பேசிக்கொண்டிருந்ததை கண்டுபிடித்தோம். உடனே அக்கடைக்காரரிடம் விசாரித்த போது அவர் தன்னுடன் பேசிக்கொண்டிருந்தது நிலேஷ் சவுகான்(20) என்றும் விலே பார்லேயில் இருப்பதாகவும் தெரிவித்தார். உடனே நிலேஷ், அவரின் சகோதரர் அனில் ஆகிய இரண்டு பேரையும் கைது செய்தோம். அவர்களிடம் விசாரித்த போது அவர்களது குடும்பம் நீண்ட நாட்களாக தாராவியில் தான் வசித்துள்ளது. சமீபத்தில்தான் விலே பார்லேயிக்கு சென்றுள்ளனர். திருமணம் ஒன்றில் கலந்து கொள்வதற்காக அனில் தனது குடும்பத்தோடு தாராவி வந்துள்ளார். அனில் பாதிக்கப்பட்ட பெண்ணை தாராவி கார்டன் ஒன்றில் பார்த்து கவரப்பட்டுள்ளார். உடனே அப்பெண்ணிடம் பேச முயன்றுள்ளார். ஆனால் அப்பெண் பேச மறுத்துவிட்டார். இதனால் அப்பெண்ணை பின் தொடர்ந்து சென்றுள்ளனர். அப்பெண் வீட்டுக்குள் நுழைந்ததும் இவர்களும் உள்ளே நுழைந்து கத்தியை காட்டி மிரட்டி ஒருவர் மாற்றி ஒருவர் வன்கொடுமை செய்துள்ளனர். அதோடு அதனை வீடியோவும் எடுத்துக்கொண்டுள்ளனர். சம்பவத்தை வெளியில் சொன்னால் வீடியோவை வெளியிட்டுவிடுவோம் என்று மிரட்டியுள்ளனர்” என்றார்.
http://dlvr.it/SQVzGZ

Read More

அரசுப் பேருந்துகளில் கட்டண உயர்வா?: அமைச்சர் சிவசங்கர் விளக்கம்

தமிழ்நாடு அரசு போக்குவரத்துக் கழக பேருந்துகளில், பேருந்து பயணச்சீட்டுக் கட்டணம் உயர்த்தப்படவில்லை என்றும் அவ்வாறு பரவும் தகவல்கள் முழுக்க வதந்தியே என்றும் போக்குவரத்துத்துறை அமைச்சர் எஸ்.எஸ்.சிவசங்கர் அறிக்கை வெளியிட்டுள்ளார். தமிழ்நாடு அரசு போக்குவரத்துக் கழகக் பேருந்துகளில், பேருந்து பயணச்சீட்டுக் கட்டணம் உயர்த்தப்பட உள்ளதாக தகவல்கள் பரவிய நிலையில் அதற்கு மறுப்பு தெரிவித்து போக்குவரத்துத்துறை அமைச்சர் எஸ்.எஸ்.சிவசங்கர் அறிக்கை ஒன்றை வெளியிட்டுள்ளார். அந்த அறிக்கையில் “தமிழ்நாடு அரசுப் போக்குவரத்துக் கழகப் பேருந்துகள் கட்டண உயர்வு குறித்து தொடர்ந்து வதந்திகள் உலவி வருகின்றன. கட்டண உயர்வு குறித்து அட்டவணை தயாராகி விட்டதாக செய்திகள் பரப்பப்படுகின்றன. அது குறித்து இன்று என்னிடம் கேள்வி எழுப்பப்பட்டது. அவ்வாறு அட்டவணை ஏதும் தயாராகவில்லை என்பதனைத் தெரிவித்துக் கொள்கிறேன். இரு மாநிலங்களுக்கிடையே பேருந்து போக்குவரத்துக்கான ஒப்பந்தம் ஏற்படுத்தும்போது, ஒரு மாநிலத்தில் கட்டணம் உயர்த்தப்பட்டால், அந்த மாநிலத்தில் நுழையும் மற்றொரு மாநில பேருந்துகளின் கட்டணம் உயர்த்த வேண்டும் என்பது ஒப்பந்த விதி. அவ்வாறு தான் பர்மிட் வழங்கப்படும். கேரளா மற்றும் ஆந்திர மாநிலங்களில் பேருந்து கட்டணம் உயர்த்தப்பட்ட சூழலில், அந்த மாநிலங்களுக்குள் செல்லும் தமிழ்நாடு அரசு போக்குவரத்துக் கழக பேருந்துகளில் அந்த மாநிலத்தில் நிர்ணயிக்கப்பட்ட கட்டணம் வசூலிக்கப்படும். இந்த அட்டவணையை தவறாக புரிந்துகொண்டு, "தமிழ்நாட்டில் இயங்கும் அனைத்துப் பேருந்துகளுக்கும் கட்டணம் உயர்த்த அட்டவணை தயாராகி விட்டது" என்ற தவறான செய்தி பரப்பப்படுகிறது. கடந்த அ.தி.மு.க ஆட்சிக் காலத்தில் தமிழ்நாடு அரசு போக்குவரத்துக் கழகங்களின் நிதி சூறையாடப்பட்டு, போக்குவரத்து கழகங்கள் நிதி நெருக்கடியில் இருந்தாலும், தமிழ்நாடு முதலமைச்சர் மு.க. ஸ்டாலின் அவர்கள் எளிய மக்களுக்கு உதவிடும் வகையில் அரசு போக்குவரத்து கழகங்கள் செயல்பட வேண்டும் என்று அறிவுரை வழங்கியுள்ளார்கள். மேலும், தமிழ்நாடு அரசு போக்குவரத்துக் கழக சாதாரண கட்டணப் நகரப் பேருந்துகுளில் பெண்கள் இலவசமாக பயணம் செய்யலாம் என்ற மகத்தான திட்டத்தை வழங்கி, அது சிறப்புற செயல்படுத்தப்படுகிறதா என்று தொடர்ந்து கண்காணித்து வருகிறார்கள். இன்று வரை கடந்த ஓராண்டில், 112 கோடி பெண்கள் பேருந்துகளில் இலவசமாக பயணம் செய்துள்ளனர். அதற்கான நிதியை முதலமைச்சர் வழங்கி வருகிறார். இதுபோன்று, ஏழை, எளிய மக்களுக்கு பாதிக்காத வண்ணம் கட்டண உயர்வில்லாமல் அரசு போக்குவரத்துக் கழக பேருந்துகள் இயங்கி வரும் சூழலில், "கட்டண உயர்வு அட்டவணை தயாராகி விட்டது" என்ற தவறான செய்தியை பரப்ப வேண்டாம் என கேட்டுக் கொள்கிறேன்.” என்று அவர் கூறியுள்ளார்.
http://dlvr.it/SQT015

Read More

நேட்டோவில் இணைய தயாராகும் ஸ்வீடன், ஃபின்லாந்து - ரஷ்யா கடும் எச்சரிக்கை

நேட்டோ கூட்டணியில் ஸ்வீடன், ஃபின்லாந்து நாடுகள் இணையவுள்ளதாக அறிவித்திருக்கும் நிலையில் ரஷ்யா கடும் எச்சரிக்கை விடுத்துள்ளது. நேட்டோ கூட்டணியில் உக்ரைன் இணைவதை தடுக்கவே, அந்நாட்டின் மீது ரஷ்யா கடந்த பிப்ரவரி மாதம் போர் தொடுத்தது. சுமார் இரண்டரை மாதங்களுக்கும் மேலாக நீடித்து வரும் இப்போரால், உக்ரைனின் பல நகரங்கள் சின்னாபின்னமாகி விட்டன. ரஷ்யாவின் தாக்குதலில் நூற்றுக்கணக்கான மக்கள் உயிரிழந்துள்ளனர். லட்சக்கணக்கானோர் அகதிகளாக அண்டை நாடுகளில் தஞ்சம் அடைந்திருக்கின்றனர். எனினும், உக்ரைன் தலைநகர் கீவ்வை ரஷ்ய ராணுவத்தினரால் இதுவரை கைப்பற்ற முடியவில்லை. இதனால் கீவ்வை சுற்றி வளைத்து ரஷ்ய ராணுவம் குண்டுமழை பொழிந்து வருகிறது. இந்த சூழலில், ரஷ்யாவின் அண்டை நாடுகளான ஸ்வீடனும், ஃபின்லாந்தும் நேட்டோ கூட்டணியில் இணையவுள்ளதாக இன்று அதிகாரப்பூர்வமாக அறிவித்துள்ளன. இது ரஷ்யாவுக்கு கடுங்கோபத்தை ஏற்படுத்தியுள்ளது. இந்நிலையில், நேட்டோ கூட்டணியில் இணைந்தால் மோசமான விளைவுகளை சந்திக்க நேரிடும் என அந்த இரு நாடுகளுக்கு ரஷ்ய வெளியுறவுத் துறை அமைச்சர் செர்கெய் ரியாப்கோவ் பகிரங்கமாக எச்சரித்துள்ளார். "எந்த நேரத்தில் என்ன செய்ய வேண்டும் என்ற பொது அறிவு கூட இல்லாமல், ஃபின்லாந்தும், ஸ்வீடனும் நேட்டோ கூட்டணியில் இணையும் முடிவை எடுத்திருக்கின்றன. மிக ஆபத்தான தவறினை அவை செய்திருக்கின்றன. பதற்றம் அதிகரிக்கவே செய்யும்" என அவர் கூறியுள்ளார். இதனிடையே, ஸ்வீடன், ஃபின்லாந்தின் இந்த முடிவால் அந்த நாடுகள் மீதும் ரஷ்யா போர் தொடுக்கக்கூடும் என மேற்கத்திய ஊடகங்களில் செய்திகள் வெளியாகியுள்ளன. பின்னணி மேற்கத்திய நாடுகளின் ராணுவக் கூட்டமைப்பான நேட்டோவானது ரஷ்யாவுக்கு எதிரான நாடுகளின் கூட்டணியாக கருதப்படுகிறது. இந்தக் கூட்டமைப்பு உருவான போதே கிழக்கை நோக்கி (இப்போதைய ரஷ்யாவை நோக்கி) இது விரிவுப்படுத்தப்பட மாட்டாது என்று சோவியத் யூனியனிடம் நேட்டோ நாடுகள் உறுதியளித்தன. ஆனால் சோவியத் யூனியன் உடைந்த பின்னர், அந்த வாக்குறுதியை மீறி ரஷ்யாவுக்கு அருகே இருந்த 10-க்கும் மேற்பட்ட நாடுகளை தன்னுடன் நேட்டோ இணைத்துக் கொண்டது. இதுபோன்ற சூழலில், ரஷ்யாவுக்கு மிக அருகே இருக்கும் உக்ரைனையும் தன்னுடன் இணைக்க நேட்டோ கூட்டமைப்பு முயற்சி மேற்கொண்டது. இதனால் ஆத்திரமடைந்த ரஷ்யா, உக்ரைன் மீது போர் தொடுத்திருக்கிறது.
http://dlvr.it/SQT00j

Read More

``காஷ்மீர் பண்டிட்களை காப்பாற்ற `காஷ்மீர் பைல்ஸ்' படத்தை தடை செய்ய வேண்டும்!" - ஃபரூக் அப்துல்லா

காஷ்மீர் பண்டிட்டுகள் சந்தித்த கொடுமைகளைப் பற்றிய கதையை மையமாக வைத்து வெளிவந்திருப்பதாகக் கூறப்படும் படம் `தி காஷ்மீர் ஃபல்ஸ்'. இந்த திரைப்படம் உண்மையை வெளிப்படையாக காண்பிப்பதாக பிரதமர் மோடி பாராட்டியதைத் தொடர்ந்து உத்தரப்பிரதேசம், திரிபுரா, கோவா, ஹரியானா, உத்தரகாண்ட் உள்ளிட்ட மாநிலங்களில் இந்தப் படத்துக்குக் கேளிக்கை வரிவிலக்கு அறிவிக்கப்பட்டது. ‘தி காஷ்மீர் பைல்ஸ்’ கடந்த சில தினங்களுக்கு முன்பு ஜம்மு-காஷ்மீரில் உள்ள அரசு அலுவலகத்துக்குள் நுழைந்து காஷ்மீர் பண்டிட் ஒருவரை பயங்கரவாதிகள் சுட்டுக் கொன்ற சம்பவம் அந்தப் பகுதியில் பெரும் பரபரப்பை ஏற்படுத்தியது. இந்த நிலையில், ஜம்மு-காஷ்மீர் முன்னாள் முதல்வர் ஃபரூக் அப்துல்லா இந்தச் சம்பவம் தொடர்பாகக் கருத்து தெரிவித்திருக்கிறார். இதுகுறித்து பேசிய அவர், ``காஷ்மீர் பண்டிட்டுகள் மீதான தாக்குதலை நிறுத்த வேண்டுமென்றால், `காஷ்மீர் ஃபைல்ஸ்' திரைப்படத்தை அரசாங்கம் தடை செய்ய வேண்டும். காஷ்மீர் ஃபைல்ஸ் திரைப்படம் உண்மையா என நான் அரசாங்கத்திடம் கேட்கிறேன்? ஒரு முஸ்லிம் முதலில் இந்துவைக் கொன்று, அவருடைய இரத்தத்தை சோற்றில் போட்டு, அவருடைய மனைவியை சாப்பிடச் சொல்கிறார். அப்படி சொல்வாரா? இது நடக்குமா? நாம் மிகவும் தரம் தாழ்ந்துவிட்டோமா?... திரைப்படத்தில் பொய்யான சம்பவங்கள் சித்தரிக்கப்பட்டுள்ளன. காஷ்மீர் ஃபைல்ஸ் ஒரு அடிப்படையற்ற திரைப்படம். இது நாட்டில் வெறுப்பை மட்டுமே உருவாக்கியிருக்கிறது'' எனத் தெரிவித்தார். ``காஷ்மீர் ஃபைல்ஸ் போன்று ஏன் `லக்கிம்பூர் ஃபைல்ஸ்’ திரைப்படம் எடுக்கக் கூடாது?” - அகிலேஷ் யாதவ்
http://dlvr.it/SQSQ2k

Read More

கர்நாடகா: போலிஸாருக்கு வழிகாட்டியதால் தாக்கப்பட்ட பெண் வழக்கறிஞர் - அதிர்ச்சி வீடியோ

கர்நாடக மாநிலம் பாகல் கோட்டை பகுதியில் ரியல் எஸ்டேட் மற்றும் கட்டப்பஞ்சாயத்து செய்து வரும் மஹாதேஷ் என்பவரை காவல்துறையினர் ஒரு குற்ற வழக்கில் தேடிச் சென்றுள்ளனர். அப்போது பெண் வழக்கறிஞரான சங்கீதா மஹாதேஷ் இருக்கும் வீட்டுக்கு வழி காட்டியதாகக் கூறப்படுகிறது. இதனால் ஆத்திரமடைந்த மஹாதேஷ், சங்கீதா தனது வீட்டு அருகே சாலையில் சென்று கொண்டிருந்த பொழுது திடீரென கொடூரமாகத் தாக்கத் தொடங்கினார். #UttarPradesh's #GundaRaj shifted to the #Karnataka's #Bagalakot. The attack on Lawyer #SangeethaShikkeri, just because she showed the house to the police. Dear CM @BSBommai, HM @JnanendraAraga Sir, What’s happening in Karnataka?#BJPFailsIndia pic.twitter.com/CFFq2KA1nx— Hate Detector (@HateDetectors) May 14, 2022 இதனால் படுகாயம் அடைந்த சங்கீதாவைப் பொதுமக்கள் மீட்டு பாகல் கோட்டை அரசு மருத்துவமனையில் அனுமதித்துள்ளனர். இது தொடர்பாக சங்கீதா அளித்த புகாரின் பேரில் காவல்துறையினர் வழக்குப்பதிவு செய்து மஹாதேஷை கைது செய்துள்ளனர். மேலும், இது தொடர்பாகத் தீவிர விசாரணை மேற்கொண்டு வருகின்றனர். இந்த தாக்குதல் தொடர்பான வீடியோ சமூக வலைதளங்களில் வேகமாகப் பரவி அதிர்ச்சியை ஏற்படுத்திவருகிறது. கர்நாடகா: ஹிஜாப் சர்ச்சையைத் தொடர்ந்து பள்ளியில் எழுந்த பைபிள் சர்ச்சை... இந்து அமைப்பு புகார்
http://dlvr.it/SQRsCH

Read More

மணக்கோலத்துடன் மருத்துவமனை சென்று ஆசிர்வாதம் வாங்கிய மணமக்கள்; நெகிழ்ந்த தந்தை

மணக்கோலத்துடன் மருத்துவமனையில் தீவிர சிகிச்சை பிரிவிலிருந்த தந்தையிடம் ஆசிர்வாதம் வாங்க சென்ற மணமகன் மற்றும் மணமகள், அப்பகுதியில் நெகிழ்ச்சியை ஏற்படுத்தியுள்ளனர். திருவாரூர் மாவட்டம் குடவாசல் தாலுக்கா குடவாசல் பகுதியை சேர்ந்தவர் செல்வமணி. இவருடைய மகன் மணிகண்டனுக்கு நேற்று திருமணம் நடைபெற்றிருக்கிறது. இந்நிலையில் நேற்றைய முன் தினம் மணிகண்டன் தந்தை செல்வமணிக்கு திடீர் உடல்நலக்குறைவு ஏற்பட்டு, அவர் திருவாரூர் அரசு மருத்துவக் கல்லூரி மருத்துவமனையில் அவசர சிகிச்சை பிரிவில் அனுமதிக்கப்பட்டிருக்கிறார். கடைசி நேரத்தில் இப்படி ஆனதால், மிகுந்த மன கவலையுடன் தந்தை இல்லாமல் திருமணத்தை நடத்த முடிவு செய்திருக்கிறார் மணிகண்டன். தந்தையின்றி தனது திருமணம் நடைபெறப் போகிறது என எண்ணி மணிகண்டன் வேதனைப்பட்டிருக்கிறார். தந்தை மட்டும் இல்லாமல் பிற உற்றார் உறவினர்கள் முன்னிலையில் நேற்று நாச்சியார்கோவில் மணிகண்டன் சுஜாலினி திருமணம் இனிதே நடைபெற்றுள்ளது. இதையும் படிங்க... 'ஆன்லைன் கடன் அலெர்ட்' கடன் தருவதாக கூறி பெண்ணின் புகைப்படத்தை தவறாக சித்தரித்த ஊழியர் தாலி கட்டி முடித்ததும், மணிகண்டன் உடனடியாக தன்னுடைய மனைவியை அழைத்துக் கொண்டு திருவாரூர் அரசு மருத்துவக்கல்லூரி மருத்துவமனையில் அவசர சிகிச்சை பிரிவில் சிகிச்சை பெற்றுக் கொண்டிருந்த தனது தந்தையார் செல்வமணியிடம் ஆசிர்வாதம் பெற்றார். இந்த நிகழ்ச்சி திருவாரூர் அரசு மருத்துவக் கல்லூரி மருத்துவமனையில் பலரை நெகிழ்ச்சி அடைய செய்தது.
http://dlvr.it/SQRRDt

Read More

சரத்பவாரை தரக்குறைவாக விமர்சித்த புகாரில் மராத்தி நடிகை கைது

தேசியவாத காங்கிரஸ் தலைவர் சரத்பவார் குறித்து சமூக வலைதளத்தில் தரக்குறைவாக விமர்சித்த மராத்தி நடிகை கைது செய்யப்பட்டுள்ளார். மும்பையில் சரத்பவார் குறித்து சமூக வலைதளத்தில் பதிவிட்டிருந்த மராத்தி நடிகையான கேதகி சிதலே என்பவர், அவரது பவார் என்ற பெயரையும், அவரது வயதையும் குறிப்பிட்டு, அவரது உடல்நல பிரச்னைகளை குறிக்கும் வகையிலும் மராத்தியில் கவிதையை வெளியிட்டு இருந்திருக்கிறார். மேலும் அப்பகுதியை சேர்ந்த ஒரு சமூகத்திற்கு எதிராக அந்நடிகை கருத்து பதிவிட்டதாகவும் கூறப்படுகிறது. இதுதொடர்பாக மகாராஷ்ட்ரா மாநிலத்தின் பல்வேறு பகுதிகளில் காவல் நிலையங்களில் புகார்கள் குவிந்தன. இதையும் படிங்க... “பாஜகவில் இணைந்தால் ஒரே இரவில் தாவூத் இப்ராஹிம் கூட புனிதராகலாம்”- உத்தவ் தாக்கரே பேச்சு ஆர்.எஸ்.எஸ். மற்றும் பாஜகவின் தூண்டுதலின் பேரில் நடிகை கேதகி சிதலே இவ்வாறு விமர்சித்துள்ளதாக குற்றச்சாட்டு எழுந்தது. இதுதொடர்பாக வழக்குப்பதிவு செய்த காவல்துறையினர், அந்த மராத்தி நடிகையை கைது செய்துள்ளனர்.
http://dlvr.it/SQPxhv

Read More

'மொழித் திணிப்பை மக்கள் ஏற்க மாட்டார்கள்' - சாலமன் பாப்பையா

மக்களை மேலும் ஒரு மொழி கற்றுக்கொள்ள திணிப்பது எப்படி நியாயமாகும்? என இந்தி குறித்து பட்டிமன்ற நடுவர் சாலமன் பாப்பையா வினவியுள்ளார். பத்ம விருதுகளை மேற்கோள் காட்டி இந்தி திணிப்பு குறித்து அவர் விவரித்துள்ளார்.ஆங்கில பத்திரிகைக்கு அளித்துள்ள பேட்டியில் மொழி திணிப்பு குறித்து சாலமன் பாப்பையா கருத்து தெரிவித்துள்ளார். ஆங்கிலேயர்களின் வருகைக்கு பின்னரே அனைத்து தரப்பு மக்களும் கல்வி கற்கும் நிலை ஏற்பட்டதாகவும், தாய்மொழியை கற்றுக் கொள்வதோடு ஆங்கிலத்தையும் கற்க வேண்டியிருந்தாகவும் குறிப்பிட்டுள்ளார். மேலும் ஒரு மொழியை கற்க சொல்வதை மக்கள் ஒருபோதும் ஏற்க மாட்டார்கள் என சாலமன் பாப்பையா தெரிவித்துள்ளார். தமிழ் மொழி வளர்ச்சிக்கு 25 கோடி ரூபாயும், சமஸ்கிருத வளர்ச்சிக்கு 600 கோடி ரூபாயும் ஒதுக்கியதை மக்கள் கவனித்து வருவதாகவும், தமிழ்நாடு மக்கள் மட்டுமல்ல பிற மாநில மக்களும், அவர்களது மொழி நடத்தப்படும் விதத்தை பார்த்துக் கொண்டிருப்பதாகவும் அவர் தெரிவித்தார். தனக்கு வழங்கப்பட்ட பத்ம விருதை சுட்டிக்காட்டி பேசியுள்ள சாலமன் பாப்பையா, பத்ம விருதில் ஒரு வரி கூட தமிழ் மற்றும் ஆங்கிலத்தில் இல்லை என்றும், அனைத்தும் இந்தியிலேயே இருப்பதாகவும் தெரிவித்துள்ளார். ஒருவேளை அதில் தன்னை விமர்சித்து இருந்தால் கூட தமக்கு தெரியாது என்றும் அவர் குறிப்பிட்டுள்ளார். வடமாநிலங்களில் வேலைவாய்ப்புக்காக மூன்றாவது மொழியாக இந்தியை கற்பதில் தவறில்லை என முன்பு சாலமன் பாப்பைய்யா கருத்து தெரிவித்திருந்தார்.இதையும் படிக்கலாம்: மாநிலங்களவை தேர்தலுக்கான திமுக வேட்பாளர்கள் பட்டியல் வெளியீடு
http://dlvr.it/SQPxgv

Read More

மாநிலங்களவை தேர்தலுக்கான திமுக வேட்பாளர்கள் பட்டியல் வெளியீடு

மாநிலங்களவை எம்.பி. தேர்தலில் போட்டியிடும் திமுக வேட்பாளர்களை முதலமைச்சர் மு.க.ஸ்டாலின் அறிவித்துள்ளார். நாடு முழுவதும் காலியாக உள்ள 57 மாநிலங்களவை உறுப்பினர் இடங்களுக்கு ஜூன் 10-ஆம் தேதி தேர்தல் நடைபெறவுள்ளது. இதில் திமுக வேட்பாளர்கள் பட்டியலை கட்சித் தலைவரும் தமிழ்நாடு முதலமைச்சருமான மு.க.ஸ்டாலின் வெளியிட்டுள்ளார். அவர் வெளியிட்டுள்ள பட்டியலின்படி திமுக சார்பில் தஞ்சை சு. கல்யாணசுந்தரம், கே.ஆர்.என். ராஜேஸ்குமார், இரா. கிரிராஜன் ஆகியோர் மாநிலங்களவைத் தேர்தலில் போட்டியிடுகின்றனர். இதையும் படிங்க... அசாமில் தொடரும் கனமழை: உயிரிழப்புகளால் திணறும் மாநில பேரிடர் மேலாண்மை ஆணையம் திமுக கூட்டணி சார்பில் ஒரு மாநிலங்களவை எம்.பி. இடம் காங்கிரஸ் கட்சிக்கு ஒதுக்கீடு செய்யப்பட்டுள்ளது. திமுகவின் ஆர்.எஸ்.பாரதி, திருச்சி சிவாவின் பதவிக் காலம் முடிவடையவுள்ள நிலையில் மாநிலங்களவைத் தேர்தலில் போட்டியிடும் திமுக வேட்பாளர்கள் அறிவிக்கப்பட்டுள்ளனர்.
http://dlvr.it/SQPZZp

Read More

`அது அவர் தவறில்லை!' - மருத்துவ பரிசோதனையில் ஆண் என தெரியவந்த பெண்ணுக்கு பணிவழங்க நீதிமன்றம் உத்தரவு

மகாராஷ்டிரா மாநிலம், நாசிக்கை சேர்ந்த 19 வயது பெண் கடந்த 2018-ம் ஆண்டு போலீஸ் வேலைக்கு விண்ணப்பித்தார். இதற்காக நடத்தப்பட்ட எழுத்துத் தேர்வில் 200க்கு 171 மதிப்பெண் எடுத்து தேர்ச்சி பெற்றார். உடற்பயிற்சி தேர்விலும் வெற்றி பெற்றார். அதனை தொடர்ந்து அவர் உடல்ரீதியாக முழுமையாக மருத்துவ சோதனை செய்யப்பட மும்பையில் உள்ள ஜெ.ஜெ மருத்துவமனைக்கு அனுப்பி வைக்கப்பட்டார். மருத்துவமனையில் அவருக்கு சோனோகிராபி எடுத்துப் பார்த்தபோது, அவருக்கு கர்ப்பப்பை மற்றும் கருமுட்டை இல்லாமல் இருந்தது. இதனால் அதிர்ச்சியடைந்த டாக்டர்கள் அவரை கே.இ.எம் மருத்துவமனைக்கு அனுப்பி அவரது குரோமோசோம்கள் குறித்து ஆய்வு செய்தனர். இதில் அவருக்கு எக்ஸ் மற்றும் ஒய் குரோமோசோம்கள் இருந்தன. இதையடுத்து அப்பெண் ஆணாகத்தான் இருக்க முடியும் என்று டாக்டர்கள் உறுதிப்படுத்தினர். இதனால் போலீஸ் வேலைக்கான அவரது விண்ணப்பம் நிறுத்தி வைக்கப்பட்டது. பெண் கான்ஸ்டபிள் (சித்திரிப்புப் படம்) இதையடுத்து அப்பெண், தான் பிறப்பில் இருந்தே பெண்ணாகவே இருந்திருப்பதாகவும், தனது சான்றிதழ்கள் அனைத்திலும் தன்னைப் பெண் என்றே குறிப்பிடப்பட்டுள்ளது என்றும் கூறி, தனக்கு போலீஸ் வேலை வழங்க உத்தரவிடக் கோரி மும்பை உயர் நீதிமன்றத்தில் அப்பெண் வழக்குத் தொடர்ந்தார். குரோமோசோம் சோதனையில் தோல்வி அடைந்ததற்காகத் தனக்கு வேலை மறுக்கப்படக்கூடாது என்றும் அவர் தனது மனுவில் குறிப்பிட்டு இருந்தார். இவ்வழக்கு விசாரணைக்கு வந்தபோது அப்பெண்ணின் வழக்கறிஞர் விஜயகுமார் ஆஜராகி, 'மனுதாரர் போலீஸ் வேலையில் சேரவேண்டும் என்பதில் மிகவும் உறுதியாக இருக்கிறார். இந்த வேலைக்காக மிகவும் போராடி இருக்கிறார். எனவே போலீஸ் துறையில் வேறு வேலை கொடுத்தாலும் ஏற்றுக்கொள்ளத் தயாராக இருக்கிறார்' என்று தெரிவித்தார்.Stressed woman (Representational image) இந்த வழக்கில் விசாரணையின்போது கருத்துத் தெரிவித்த நீதிபதி, 'மனுதாரர் பெண்ணாகவே வாழ்ந்திருந்திருக்கிறார். அவருக்கு குரோமோசோம் குறைபாடு இருப்பதே மருத்துவப் பரிசோதனைக்கு அனுப்பப்பட்ட பிறகுதான் தெரிய வந்தது. எனவே அனுதாபத்துடன் அப்பெண்ணின் விண்ணப்பத்தை பரிசீலிக்க வேண்டும்' எனத் தெரிவித்தார். இதையடுத்து அரசிடம் கலந்து ஆலோசித்த பிறகு அரசு வழக்கறிஞர் கோர்ட்டில் முடிவை தெரிவித்தார். இதை சிறப்பு வழக்காக எடுத்துக்கொண்டு, அப்பெண்ணுக்கு போலீஸ் அல்லாத வேலை கொடுக்க மாநில அரசு முடிவு செய்திருக்கிறது என்று தெரிவித்தார். நீதிபதியும் அப்பெண்ணிடம் கலந்துரையாடினார். அப்பெண் பி.ஏ முடித்துவிட்டு எம்.ஏ படிப்பதாகத் தெரிவித்தார். அரசு வேலை கிடைத்தால் தனது குடும்பத்தைக் காப்பாற்ற இயலும் என்று நீதிபதியிடம் தெரிவித்தார்.தீர்ப்பு (சித்திரிப்புப் படம்)`பெண்களை பரிசு பெற மேடைக்கு அழைக்கக்கூடாது!' - கேரள இஸ்லாமிய தலைவரின் செயலால் கொதித்த கவர்னர் இதையடுத்து தீர்ப்பு வழங்கிய நீதிபதிகள், 'சம்பந்தப்பட்ட பெண்ணுக்குக் குறைபாடு இருப்பது அவரது தவறு கிடையாது. இது மிகவும் துரதிஷ்டவசமானது. மனுதாரர் பெண்ணாகவே வாழ்ந்திருக்கிறார்' என்று சுட்டிக்காட்டினர். 'நாசிக் சிறப்பு ஐஜி, மனுதாரரின் கல்வித்தகுதியை கருத்தில் கொண்டு அவருக்கு என்ன மாதிரியான வேலை கொடுக்கலாம் என்று கூடுதல் தலைமை செயலாளருக்கு பரிந்துரை செய்யவேண்டும். மற்ற அரசு ஊழியர்களுக்குக் கிடைக்கும் அனைத்து சலுகையும் மனுதாரருக்கும் கிடைக்கவேண்டும். மாநில அரசு இவ்விவகாரத்தில் இரண்டு மாதத்தில் முடிவு செய்யவேண்டும். மனுதாரர் 2018-ம் ஆண்டே தேர்வு செய்யப்பட்டு இருக்கிறார். அன்றையிலிருந்து வேலைக்காகக் காத்திருக்கிறார். ஏற்கெனவே அதிக நாள்கள் காத்திருந்துவிட்டதால் இரண்டு மாதத்தில் அவருக்கு போலீஸ் துறையில் வேலை வழங்க வேண்டும்' என்று நீதிபதிகள் உத்தரவிட்டனர்.
http://dlvr.it/SQPDmV

Read More

உ.பி: ``மாட்டுக் கோமியத்தை வீட்டில் தெளித்தால் தடைகள் நீங்கும்..!'' - பாஜக அமைச்சர்

இந்துக்களின் புனிதப் பொருளாகக் கருதப்படும் மாட்டுக் கோமியம் பல்வேறு மருத்துவ குணங்களைக் கொண்டது எனப் பலரும் கூறி வருகின்றனர். ஆனால், மருத்துவ உலகில் இதுவரையிலும் இந்தக் கூற்று மெய்ப்பிக்கப்படவில்லை. அண்மையில், `கொரோனா வேகமாகப் பரவிவந்த காலகட்டத்தில், எனக்கு கொரோனா வராததற்கு காரணம், நான் மாட்டுக் கோமியம் அருந்துவதே!' என உத்தரப்பிரதேச பா.ஜ.க எம்.எல்.ஏ ஒருவர் கருத்து தெரிவித்திருந்தது மிகப் பெரியளவில் பேசுப் பொருளானது.மாடுகள் இந்த நிலையில், உ.பி-யில் மாநில அமைச்சர் ஒருவர் மாட்டுக் கோமியத்தை வீட்டு வாசலில் தெளித்தால் அனைத்துப் பிரச்னைகளும் நீங்கும் எனக் கூறியிருக்கிறார். உத்தரப்பிரதேசத்தில் உள்ள பசு காப்பகங்களின் நிலை குறித்த செய்தியாளர் கேள்விக்கு கால்நடைத்துறை அமைச்சர் தரம்பால் சிங் பதிலளித்து பேசினார். அப்போது அவர், ``மாட்டுக் கோமியத்தை வீடுகளில் தெளிப்பதன் மூலம் வாஸ்து பிரச்னைகள் நீங்கும். வேறு ஏதேனும் தடைகள் இருந்தாலும் நீங்கும். பசுவின் சிறுநீரில் கங்கா தேவி வசிக்கிறாள். மாட்டு சாணத்தில் லட்சுமி வசிக்கிறாள். பசுக் காப்பகங்களை மேம்படுத்த பா.ஜ.க அரசு தொடர்ந்து பாடுபட்டு வருகிறது. விரைவில் இது தொடர்பான பிரச்னைகள் தீர்க்கப்படும்'' என்றார்.`கோமியம் குடித்துவிட்டுத் தயாராக இருங்கள்; இன்று பேசுகிறேன்' - பாஜக-வுக்கு மஹுவா மொய்த்ரா சவால்
http://dlvr.it/SQNgdM

Read More

விசாரணைக் கைதி விக்னேஷ் மரண வழக்கில் அடுத்த அதிரடி நடவடிக்கை!

காவல் நிலையத்தில் விசாரணை கைதி கொலை செய்த வழக்கு தொடர்பாக காவல் உதவி ஆணையர் மற்றும் காவல் ஆய்வாளர் பணியிட மாற்றம் செய்யப்பட்டுள்ளனர். சென்னை தலைமை செயலக காலனி காவல் நிலையத்தில் விசாரணை கைதி விக்னேஷ் கடந்த 18 ஆம் தேதி சந்தேக முறையில் உயிரிழந்தார். இந்த மரணத்தில் சந்தேகம் இருப்பதாக எழுந்த குற்றஞ்சாட்டினால் வழக்கு சிபிசிஐடிக்கு மாற்றப்பட்டது. மேலும் உதவி ஆய்வாளர் புகழும் பெருமாள், ஊர்க்காவல்படையை சேர்ந்த தீபக், காவலர் பவுன்ராஜ் ஆகியோரை பணியிடை நீக்கம் செய்து டிஜிபி உத்தரவிட்டார். மேலும் விக்னேஷின் உடலில் 13 இடங்களில் தாக்கிய காயங்கள் இருந்ததால் மேலும் சந்தேகம் எழுந்தது. இதனை தொடர்ந்து சிபிசிஐடி நடத்திய விசாரணையில் விக்னேஷ் தாக்கப்பட்டு உயிரிழந்தது தெரியவந்ததையடுத்து கொலை வழக்காக பதிவு செய்து காவலர் பவுன்ராஜ், ஊர்காவல்படையை சேர்ந்த தீபக், தலைமை காவலர் எழுத்தர் முனாப், குமார், சந்திரகுமார், ஜெகஜீவன் ஆகிய 6 பேரை சிபிசிஐடி போலீசார் வன்கொடுமை தடுப்பு சட்டத்தின் கீழ் கைது செய்து சிறையில் அடைத்தனர். மேலும் விக்னேஷ் கொலை வழக்கு தொடர்பாக நான்கு வாரங்களில் அறிக்கை தாக்கல் செய்ய வேண்டுமென தேசிய பட்டியலின ஆணையம் காவல் ஆணையருக்கு கடிதம் அனுப்பியது. இந்நிலையில் விக்னேஷ் கொலை வழக்கு தொடர்பாக தலைமை செயலக காலனி காவல் ஆய்வாளர் செந்தில்குமார், தென்மண்டல காவல்துறைக்கு மாற்றம் செய்தும், அயனாவரம் உதவி ஆணையர் சரவணனை காத்திருப்போர் பட்டியலுக்கு மாற்றம் செய்து டிஜிபி சைலேந்திரபாபு உத்தரவிட்டுள்ளார். இந்நிலையில் இந்த வழக்கில் தொடர்புடைய மற்ற போலீசார் மீதும் துறைரீதியிலான நடவடிக்கை எடுக்கப்பட உள்ளதாக கூறப்படுகிறது.
http://dlvr.it/SQMVRw

Read More

‘அதிர்ஷ்டம் விரைவில் உங்கள் பக்கம் திரும்பும்’ - கோலி குறித்து பஞ்சாப் அணி சுவாரஸ்ய பதிவு!

கோலி களத்தில் சிறப்பாக பேட் செய்யும்போது நாங்கள் மகிழ்ந்தோம் - பஞ்சாப் கிங்ஸ் அணி நிர்வாகம் நெகிழ்ச்சி பதிவு ஒன்றை வெளியிட்டுள்ளது. ராயல் சேலஞ்சர்ஸ் பெங்களூர் அணியின் முன்னாள் கேப்டன் விராட் கோலியின் மோசமாக ஃபார்ம் பஞ்சாப் அணிக்கு எதிரான போட்டியிலும் தொடர்ந்தது. இம்முறை டக் அவுட்டை தவிர்த்தபோதும், கோலியால் பெரிய ஸ்கோரை எட்டமுடியவில்லை. 14 பந்துகளை எதிர்கொண்டு சிறிது நேரம் களத்தில் இருந்த கோலி, தென்னாப்பிரிக்கா வேகப்பந்து வீச்சாளர் ககிசோ ரபாடாவிடம் சிக்கி அவுட் ஆகும்போது வெறும் 20 ரன்கள் மட்டுமே எடுத்திருந்தார். இருப்பினும், அவர் கிரீஸில் இருந்த நேரத்தில், ஒரு சிக்ஸர் மற்றும் 2 பவுண்டரிகளை அடித்து இருந்தார். இம்முறை அவுட் ஆகும்போது கோலி புன்னகையை உதிர்க்கவில்லை. மாறாக வழக்கமாக ஆத்திரத்துடன் தனது மட்டையை கோபத்தில் அறைந்தார். மூன்றாவது நடுவர் மறுஆய்வு முறை மூலம் அவுட் என்று தீர்ப்பளித்தபோது விரக்தியுடன் வெளியேறினார். கோலியின் அவுட்டான பின், அவரது எதிரணியான பஞ்சாப் கிங்ஸ் அவர் மீண்டும் வருவார் என்ற நம்பிக்கையில் சமூக ஊடகங்களில் ஒரு செய்தியை வெளியிட்டது. பஞ்சாப் கிங்ஸ் தனது இன்ஸ்டாகிராம் கணக்கின் மூலம் அந்த செய்தியை வெளியிட்டது. “விராட் கோலி, களத்தில் நீடிக்கும் வரை நாங்கள் கூட ரசித்தோம். அதிர்ஷ்டம் விரைவில் உங்கள் பக்கம் திரும்பும் என்று நம்புகிறோம்” என்று அந்த பதிவில் குறிப்பிட்டு இருந்தது பஞ்சாப் கிங்ஸ். View this post on Instagram Shared post on Time Santeqniki கோலியின் ஃபார்ம் ஆர்சிபிக்கு மட்டுமல்ல, இந்திய கிரிக்கெட் அணியின் ரசிகர்களுக்கும் கவலையாக உள்ளது. முகமது ரிஸ்வான் போன்ற சர்வதேச நட்சத்திரங்கள், முன்னாள் இந்திய கேப்டன் கோலியை விரைவில் ஃபார்மிற்கு திரும்பப் பார்ப்பார்கள் என்றும், இந்த கடினமான காலங்களில் அவருக்காக தாங்கள் உணர்கிறோம் என்றும் தங்கள் கருத்துகளை வெளியிட்டுள்ளனர். கோலி 2019 ஆம் ஆண்டில் இருந்து ஒரு சதம் கூட அடிக்காமல் இருக்கிறார். மேலும் அவரது ஆட்டமிழக்கும் முறை ரசிகர்கள், கிரிக்கெட் விமர்சகர்கள் அனைவரையும் அதிர்ச்சியில் ஆழ்த்தியுள்ளது. பல நிபுணர்கள் கோலிக்கு தனது கிரிக்கெட் ஃபார்மை மீட்டெடுக்க அவருக்கு நீண்ட இடைவெளி கொடுக்கப்பட வேண்டும் என்று தெரிவித்ததும் குறிப்பிடத்தக்கது.
http://dlvr.it/SQMVRs

Read More

படிப்பிற்கு திருமணம் தடையில்லை: திருமணம் முடிந்த கையோடு தேர்வெழுதிய புதுமணப்பெண்

கர்நாடக மாநிலத்தில் திருமணம் முடிந்த கையோடு புதுமணப்பெண் பி.காம் தேர்வு எழுதினார். கர்நாடக மாநிலம் மாண்டியா மாவட்டம் பாண்டவபுரா தாலுகா லிங்கபுரா கிராமத்தைச் சேர்ந்தவர் ஐஸ்வர்யா (19). இவர் பாண்டவபுராவில் உள்ள எஸ்.டி.ஜி. கல்லூரியில் பி.காம் முதலாம் ஆண்டு படித்து வந்தார். இந்த நிலையில் ஐஸ்வர்யாவுக்கு அவரது பெற்றோர் திருமணம் செய்து வைக்க முடிவு செய்தனர். இந்நிலையில், ஐஸ்வர்யாவுக்கு நேற்று திருமணம் நடந்தது. அதே வேளையில் பி.காம் முதலாம் ஆண்டு செமஸ்டர் தேர்வும் நேற்று தொடங்கியது. படிப்புக்கு திருமணம் தடையாக இருக்கக் கூடாது என கருதிய ஐஸ்வர்யா, திருமணம் முடிந்த கையோடு தேர்வு எழுதச் செல்வதாக தனது கணவர் மற்றும் பெற்றோரிடம் கூறியிருந்தார். அதன்படி தாலிகட்டி முடிந்ததும் திருமண கோலத்தில் ஐஸ்வர்யா கல்லூரிக்குச் சென்று தேர்வு எழுதினார்.
http://dlvr.it/SQM63G

Read More

செக்கை எந்த வங்கிக் கணக்கில் போடுவது என்பதில் வந்த பிரச்னை?!- கேரள நடிகை மரணத்தில் நீடிக்கும் மர்மம்

கேரள மாநிலம், காசர்கோடு செறுவத்தூரைச் சேர்ந்தவர் சஹானா (20). இவர் நகைக்கடை விளம்பரங்களில் மாடலாக இருந்துவந்தார். இவருக்கும் கோழிக்கோடு பகுதியைச் சேர்ந்த சஜ்ஜாத் என்பவருக்கும் ஒரு வருடத்துக்கு முன்பு திருமணம் நடைபெற்றது. இதற்கிடையே சினிமாவில் நடிக்க வாய்ப்பு வந்துள்ளது. இதையடுத்து சினிமாவில் நடித்தும் வந்துள்ளார். சஹானாவும் சஜ்ஜாத்தும் கடந்த சில மாதங்களாக கோழிக்கோடு பறம்பில் பஜார் பகுதியில் வாடகை வீட்டில் வசித்துவந்தனர். இந்த நிலையில் நேற்று முன்தினம் நள்ளிரவு திடீரென சஹானா இறந்திருக்கிறார். வீட்டு அறையில் உள்ள ஜன்னல் கம்பியில் தூக்குப்போட்டு தற்கொலை செய்துகொண்டதாக அவரது கணவர் சஜ்ஜாத் கூறியுள்ளார். ஆனால், சஜ்ஜத் ஏற்கெனவே மகளைக் கொடுமைப்படுத்திவந்ததாக சஹானாவின் தாய் உமைபா கூறியிருக்கிறார்.இறந்த நடிகை சஹானா சஹானா வசித்துவந்த பகுதியைச் சேர்ந்தவர்கள் கூறுகையில், "இரவு நேரத்தில் சஹானா பேசவில்லை என அவரின் கணவர் சஜ்ஜாத் சத்தம் போட்டார். நாங்கள் அங்கு சென்று பார்த்தபோது சஜ்ஜாத் தனது மடியில் சஹானாவின் உடலைக் கிடத்தியிருந்தார். அவர் ஜன்னலில் தூக்குப்போட்டு தற்கொலை செய்ததாக தெரிவித்தார். இது பற்றி வீட்டின் உரிமையாளர் காவல்துறைக்குத் தகவல் தெரிவித்தார். போலீஸார் வந்து உடலை மீட்டு பிரேத பரிசோதனைக்கு அனுப்பிவைத்தனர். சஜ்ஜாத்தையும் விசாரணைக்கு அழைத்துச் சென்றனர்" என்றனர். இது பற்றி சஹானாவின் தாய் உமைபா கூறுகையில், "பிறந்தநாள் விருந்தில் கலந்துகொள்ள அனைவரையும் அழைத்துக்கொண்டு வர வேண்டும் என மகள் கூறியிருந்தாள். கணவன் சஜ்ஜாத் அடிக்கடி கொடுமைப்படுத்துவது பற்றி மகள் போனில் சொல்லியிருந்தாள். உன் மகளைக் கொன்றுதான் அங்கு அனுப்புவேன் என்று ஒருமுறை சொல்லியிருந்தார். தனது மருத்துவச் செலவுக்காக வைத்திருந்த செக் -கைக் கேட்டு கொடுமைப்படுத்தினார்" என்றார்.சஹானா இது பற்றி போலீஸார் கூறுகையில், "சஹானா மரணத்தில் சந்தேகத்தின் அடிப்படையில் அவரின் கணவர் சஜ்ஜாத்திடம் விசாரணை நடத்திவருகிறோம். சினிமாவில் நடிக்கச் சென்றதால் கிடைத்த சம்பள செக்-கை எந்த வங்கியில் போடுவது என்பதில் கணவன் அடிக்கடி தகராறு செய்துள்ளதாகச்சொல்கிறார்கள். பிரேத பரிசோதனை முடிவு வந்த பிறகுதான் மரணத்துக்கான காரணம் தெரியவரும்" என்றனர்.
http://dlvr.it/SQLkwk

Read More

ட்விட்டரை விட்டு வெளியேறுவதை நினைத்துப் பார்க்கவில்லை - டிஸ்மிஸ் ஆன உயரதிகாரி குமுறல்

ட்விட்டரை விட்டு வெளியேறுவதை நான் நினைத்துக் கூடப் பார்க்கவில்லை என சிஇஓ பராக் அகர்வாலால் பதவி நீக்கம் செய்யப்பட்ட கேவோன் பெய்க்பூர் தெரிவித்துள்ளார். உலகின் முதல் பணக்காரரான எலான் மஸ்க் சமூக வலைதளமான டிவிட்டரை கையகப்படுத்த உள்ள நிலையில், டிவிட்டர் தலைமை நிர்வாக அதிகாரி பராக் அகர்வால் இரண்டு முக்கிய நிர்வாகிகளான தயாரிப்பு தலைவரான கேவோன் பெய்க்பூர் மற்றும் வருவாய் பொது மேலாளர் புரூஸ் ஃபலாக் ஆகியோரை பணிநீக்கம் செய்துள்ளார். ட்விட்டரின் தயாரிப்புத் தலைவராக பணியாற்றிய கேவோன் பெய்க்பூர் “7 ஆண்டுகளுக்குப் பிறகு டிவிட்டர் நிறுவனத்தை விட்டு வெளியேறுகிறேன்.உண்மை என்னவென்றால் எப்போது டிவிட்டரை விட்டு வெளியேறுவது என்று நான் கற்பனை செய்ததில்லை, இது என்னுடைய முடிவு அல்ல. பராக் டிவிட்டரை வேறு திசையில் கொண்டு செல்ல விரும்புகிறார் என்பதை எனக்குத் தெரியப்படுத்தினார். அதன்பிறகு என்னை வெளியேறும்படி கேட்டுக் கொண்டார். While I’m disappointed, I take solace in a few things: I am INSANELY proud of what our collective team achieved over the last few years, and my own contribution to this journey. — Kayvon Beykpour (@kayvz) May 12, 2022 நான் ஏமாற்றமடைந்தாலும், சில விஷயங்களில் ஆறுதல் அடைகிறேன்: கடந்த சில ஆண்டுகளாக எங்கள் கூட்டுக் குழு என்ன சாதித்திருக்கிறது என்பதையும், இந்தப் பயணத்தில் என்னுடைய சொந்த பங்களிப்பையும் நினைத்து நான் மிகவும் பெருமைப்படுகிறேன்” என்று தெரிவித்தார். குழந்தை பிறந்ததால் விடுமுறையில் இருக்கும் கேவோனுக்கு பணிநீக்க அறிவிப்பு சென்று சேர்ந்திருக்கிறது. வருவாய் பொது மேலாளராக பணியாறிய புரூஸ் ஃபலாக் அகற்றப்பட்டதை ட்விட்டரில் உறுதிப்படுத்தினார், ஆனால் பின்னர் அந்த ட்வீட்டை நீக்கினார். இருப்பினும் வேலையற்றவர் (Unemployed) என தன் டிவிட்டர் பயோவில் மாற்றம் செய்துகொண்டார். இதையடுத்து Jay Sullivan டிவிட்டரின் தயாரிப்புத் தலைவராகவும், இடைக்கால வருவாய்த் தலைவராகவும் பொறுப்பேற்பார் என்று செய்தி வெளியாகியுள்ளது.
http://dlvr.it/SQK5z5

Read More

பயங்கரவாதிகளால் சுட்டுக் கொல்லப்பட்ட `காஷ்மீர் பண்டிட்' - மக்கள் போராட்டத்தால் பரபரப்பு

ஜம்மு-காஷ்மீரின் பட்காம் மாவட்டம், சதூரா தாலுகா அலுவலகத்தில் ராகுல் பட் என்பவர் வருவாய்த்துறை ஊழியராகப் பணியாற்றிவந்தார். 2010-11-ம் ஆண்டில் புலம்பெயர்ந்தோருக்கான சிறப்பு வேலைவாய்ப்பு தொகுப்பின் கீழ் அவருக்கு எழுத்தர் வேலை கிடைத்தது. இந்த நிலையில், ராகுல் பட் நேற்றைய தினம் பயங்கரவாதிகளால் சுட்டுக் கொல்லப்பட்டாா். இதைத் தொடர்ந்து மருத்துவமனையில் அனுமதிக்கப்பட்ட அவர், சிகிச்சை பலனின்றி உயிரிழந்தார். #WATCH Police fire tear gas shells at protestors to prevent them from moving towards the Airport Road in Budgam during their protest demonstration against the recent killings of Kashmiri Pandits in the Union Territory pic.twitter.com/EPHvomqH9j— ANI (@ANI) May 13, 2022 இந்தச் சம்பவத்துக்குப் பல்வேறு அரசியல் கட்சியினா் கண்டனம் தெரிவித்திருக்கின்றனர். இது குறித்த புகாரில் போலீஸார் வழக்கு பதிவுசெய்து விசாரணை நடத்திவருகின்றனர். இந்தத் தாக்குதலுக்கு, 'காஷ்மீர் டைகர்ஸ்' என்ற பயங்கரவாத அமைப்பு பொறுப்பேற்றிருக்கிறது. இந்த நிலையில், காஷ்மீர் பண்டிட் சமூக மக்கள் குறிவைத்து தாக்குதலுக்கு உள்ளாக்கப்படுவதாகக் கூறி, ஜம்மு-காஷ்மீரில் உள்ள புத்காம் பகுதியில் நடந்த போராட்டத்தில் வன்முறை வெடித்ததால், போலீஸார் தடியடி நடத்தினர். மேலும், கண்ணீர்ப் புகைக்குண்டுகளை வீசியதால் அந்தப் பகுதியில் பரபரப்பு நிலவிவருகிறது. இது தொடர்பான வீடியோ இணையத்தில் தீயாகப் பரவிவருகிறது. ஜம்மு காஷ்மீர்: மசூதிக்குள் நாட்டுக்கெதிராக கோஷமிட்ட 13 பேர் கைது!
http://dlvr.it/SQJYSy

Read More

``ஆங்கிலேயருக்கு எதிராக மதரஸாக்கள்தான் நின்றன, சங் பரிவார் இல்லை!" - யோகியைச் சாடிய ஒவைசி

உத்தரப்பிரதேச மாநிலத்தில் யோகி ஆதித்யநாத் 2017-ல் முதல்வராகப் பதவியேற்றபோதே, மாநிலத்தில் உள்ள அனைத்து மதரஸாக்களிலும், சுதந்திர தினம் மற்றும் குடியரசு தினம் உட்பட முக்கிய தினங்களில் தேசியக்கொடி ஏற்றுவது, தேசியகீதம் பாடுவது உள்ளிட்டவை கட்டாயமாக்கப்பட்டு நடைமுறைப்படுத்தப்பட்டன. இந்த நிலையில், தற்போது யோகி ஆதித்யநாத் மீண்டும் முதல்வராக வெற்றிபெற்றதைத்தொடர்ந்து கடந்த மார்ச் 24 அன்று, மதரஸாக்களில் வகுப்புகள் தொடங்கப்படுவதற்கு முன்பு இனி தேசியகீதம் பாடப்பட வேண்டும் என உத்தரப்பிரதேச அரசின் மதராஸா கல்வி வாரியம் உத்தரவிட்டது. மேலும் இதில் முக்கியமாக மாணவர்களுடன் ஆசிரியர்களும் சேர்ந்து தேசியகீதம் பாட வேண்டும் என்று கட்டாயமாக்கப்பட்டுள்ளது.யோகி ஆதித்யநாத் இதற்கு முன்னதாக உருது மொழியில் இஸ்லாமியப் பிரார்த்தனைப் பாடல் பாடப்படுவதுதான் வழக்கமாக இருந்துவந்தது. இந்த நிலையில், இந்திய மஜ்லிஸ்-இ-இத்தேஹாதுல் முஸ்லிம் கட்சியின் தலைவர் அசாதுதீன் ஒவைசி, உத்தரப்பிரதேச அரசின் இந்த உத்தரவைக் கடுமையாகச் சாடியிருக்கிறார். இது குறித்து நேற்று பேசிய ஒவைசி, ``மதராஸாக்களில், நாட்டின்மீது அன்பு செலுத்தவே கற்பிக்கப்படுகிறது. இதில் பா.ஜ.க-வும், யோகி ஆதித்யநாத்தும் தேசபக்திக்கான சான்றிதழை வழங்கத் தேவையில்லை. அதுமட்டுமல்லாமல், மதரஸாக்களை இவர்கள் சந்தேகத்துடன் பார்ப்பதால்தான் இது போன்ற சட்டங்களை அவர்கள் கொண்டுவருகின்றனர். நாட்டில் சுதந்திரப்போராட்டம் நடந்தபோது, மதரஸாக்கள்தான் ஆங்கிலேயருக்கு எதிராக நின்றன, சங் பரிவார் இல்லை" எனக் கூறினார்.உ.பி மதரஸாக்களில் தேசியகீதம்! - மதரஸா கல்வி வாரிய முடிவுகளும் பின்னணியும்
http://dlvr.it/SQHzr7

Read More

ட்விட்டரை வாங்கும் முடிவை தற்காலிகமாக நிறுத்தி வைத்தார் எலான் மஸ்க்? என்ன காரணம்?

சமூக வலைதளமான ட்விட்டரை வாங்கும் முடிவை தற்காலிகமாக நிறுத்திவைத்தார் எலான் மஸ்க். உலகின் மிகப் பெரிய பணக்காரரான எலான் மஸ்க் சமூக வலைதளமான ட்விட்டரை வாங்கும் ஒப்பந்தத்தை தற்காலிகமாக நிறுத்தி வைத்தார். ட்விட்டரில் மொத்தமுள்ள கணக்குகளில் 5% போலிக் கணக்குகள் இருப்பதால் ட்விட்டரை வாங்கும் முடிவை தற்காலிகமாக நிறுத்தி வைப்பதாக தனது அதிகாரப்பூர்வ ட்விட்டர் கணக்கில் பதிவிட்டார் எலான் மஸ்க். Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn — Elon Musk (@elonmusk) May 13, 2022 ட்விட்டர் நிறுவனத்தை 44 பில்லியன் அமெரிக்க டாலர்களுக்கு வாங்க எலான் மஸ்க் முடிவு செய்திருந்தார். எலான் மஸ்க்கின் இந்த முடிவை அடுத்து ட்விட்டர் நிறுவனத்தின் பங்குகள் 20% அளவுக்கு சரிவை சந்தித்தது குறிப்பிடத்தக்கது. ட்விட்டரில் இருந்து போலிக்கணக்குகளை நீக்குவதே தமக்கு முன்னுரிமை என எலான் மஸ்க் முன்பு பேசியிருந்தார். இந்நிலையில் 5% போலிக் கணக்குகள் இருப்பதால் ட்விட்டரை வாங்கும் முடிவை தற்காலிகமாக நிறுத்தி வைப்பதாக எலான் மஸ்க் அறிவித்து இருக்கிறார்.
http://dlvr.it/SQHzmL

Read More

மும்பை: தாவூத் இப்ராஹிமின் நெருங்கியக் கூட்டாளிகள் இருவர் கைது!

மும்பையில் தேசிய புலனாய்வு ஏஜென்சி கடந்த சில நாள்களுக்கு முன்பு தாவூத் இப்ராஹிம் கூட்டாளிகளுக்குச் சொந்தமான 20-க்கும் மேற்பட்ட இடங்களில் ரெய்டு நடத்தியது. இதில் தாவூத் இப்ராஹிமின் நெருங்கிய கூட்டாளி சலீம் புரூட் கைது செய்யப்பட்டார். இந்த ரெய்டை தொடர்ந்து, மும்பையைச் சேர்ந்த தாவூத் இப்ராஹிம், சோட்டா சகீலுக்கு மிகவும் நெருங்கிய கூட்டாளியான ஆரிப் அபுபக்கர் ஷேக், சபீர் அபுபக்கர் ஷேக் ஆகிய இரண்டு பேரை தேசிய புலனாய்வு ஏஜென்சி கைது செய்துள்ளது. தாவூத் இப்ராஹிம் அவர்கள் இரண்டு பேரிடமும் தேசிய புலனாய்வு ஏஜென்சி தீவிர விசாரணை நடத்தி வருகிறது. இந்த ரெய்டை தொடர்ந்து நாட்டின் முக்கிய இடங்களில் தாவூத் இப்ராஹிம் கூட்டாளிகள் தாக்குதல் நடத்த திட்டமிட்டிருப்பதாக தேசிய புலனாய்வு ஏஜென்சி தெரிவித்திருந்தது. கைது செய்யப்பட்டவர்களிடம் அது குறித்தும் விசாரிக்கப்பட்டு வருகிறது. சோட்டாசகீல் பாகிஸ்தானிலிருந்துகொண்டு மும்பையில் மிரட்டிப் பணம் பறித்தல், ஹவாலா பண பரிவர்த்தனை, போதைப்பொருள் கடத்தல் போன்ற சம்பவங்களில் ஈடுபட்டு வருகிறான். கைது அவனைக் கைது செய்ய இண்டர்போல் ரெட்கார்னர் நோட்டீஸ் வெளியிட்டுள்ளது. ஐக்கிய நாடுகள் சபையால் சர்வதேச தீவிரவாதி என்று அறிவிக்கப்பட்டுள்ள தாவூத் இப்ராஹிமும், மும்பை தொடர் குண்டு வெடிப்பு சம்பவத்துக்குப் பிறகு பாகிஸ்தானில் பதுங்கி இருக்கிறான். அவனைப்பற்றி தகவல் கொடுத்தால் 25 மில்லியன் அமெரிக்க டாலர் வழங்கப்படும் என்று அறிவிக்கப்பட்டுள்ளது. இந்த ஆண்டு தொடக்கத்தில் தாவூத் இப்ராஹிம், அவனது கூட்டாளிகளுக்கு எதிராக தேசிய புலனாய்வு ஏஜென்சி சட்டவிரோத தடுப்புச் சட்டத்தின் கீழ் வழக்கு பதிவு செய்துள்ளது. இந்த வழக்கை தொடர்ந்து அமலாக்கப் பிரிவு மும்பையில் ரெய்டு நடத்தி தாவூத் இப்ராஹிம் சகோதரியின் மகன் உட்பட சிலரிடம் விசாரணை நடத்தியது. அதனைத் தொடர்ந்து மகாராஷ்டிரா சிறுபான்மை நலத்துறை அமைச்சர் நவாப் மாலிக் கைது செய்யப்பட்டார் என்பது குறிப்பிடத்தக்கது. நாடு முழுவதும் தாக்குதல் நடத்த சதி... சிவசேனா தலைவர்களைக் கொலைசெய்ய தாவூத் இப்ராஹிம் தனிப்படை?!
http://dlvr.it/SQHRdJ

Read More

`பெண்களை பரிசு பெற மேடைக்கு அழைக்கக்கூடாது!' - கேரள இஸ்லாமிய தலைவரின் செயலால் கொதித்த கவர்னர்

கேரள மாநிலம் மலப்புறம் பெரிந்தல்மண்ண பகுதியில் மதரசா ஆண்டுவிழா மற்றும் புதிய கட்டடம் திறப்புவிழா நடைபெற்றது. அதில், அதிக மதிப்பெண் பெற்று வெற்றிபெற்ற மாணவ, மாணவிகளுக்கு பரிசுகள் வழங்கப்பட்டன. விழா மேடையில் மத தலைவர்கள் குழுமியிருந்தனர். அப்போது மாணவன் ஒருவனது பெயர் அழைக்கப்பட்டது. அந்த மாணவன் மேடைக்கு வந்து பரிசை வாங்கிச் சென்றான். அடுத்ததாக, பத்தாம் வகுப்பு மாணவி மாஸிதா பீவி மைக்கில் மேடைக்கு அழைக்கப்பட்டார். அவரும் மேடைக்கு வந்தார். அப்போது மேடையில் நின்றிருந்த சமஸ்தா என்ற இஸ்லாமிய அமைப்பின் துணைத்தலைவர் அப்துல்லா முஸ்லியார், "பத்தாம் வகுப்பு மாணவியை மேடைக்கு அழைத்தது யார்? இனி பெண்களை மேடைக்கு அழைக்கக்கூடாது. சமஸ்தாவின் தீர்மானம் தெரியுமா? பெண்களின் பாதுகாவலர்களை பரிசு வாங்க மேடைக்கு வரச் சொல்லுங்கள்" எனக்கூறி, பரிசுவாங்க வந்த மாணவியை திருப்பி அனுப்பினார். இந்த வீடியோ சமூக வலைதளங்களில் வேகமாகப் பகிரப்பட்டது. இது பெண் இனத்தை அவமதிக்கும் செயல் என எதிர்ப்புக் கிளம்பியது.பெண்களை மேடைக்கு அழைக்கக்கூடாது என்று பேசிய 'சமஸ்தா' அமைப்பின் துணைத்தலைவர் அப்துல்லா முஸ்லியார் இதுபற்றி சி.பி.எம் கட்சியைச் சேர்ந்த கேரளா உயர்கல்வித்துறை அமைச்சர் ஆர்.பிந்து கூறுகையில், "பெண் குழந்தைகளை ஊக்குவிக்கும் விதமான அணுகுமுறையைத்தான் கடைப்பிடிக்க வேண்டும். முஸ்லிம் பெண்கள் கல்வியில் நன்றாக முன்னேற்றம் கண்டுவருகின்றனர். பெண் குழந்தைகள் தீப்பந்தமாக எரியும் காலம் இது" என்றார். மேலும் காங்கிரஸ் எதிர்க்கட்சி தலைவர் வி.டி.சதீசன், சி.பி.எம் முன்னாள் அமைச்சர் கே.டி.ஜலீல் உள்ளிட்டவர்கள் இந்தச் செயலுக்கு கண்டனம் தெரிவித்துள்ளனர். கேரள சுகாதாரத்துறை அமைச்சர் வீணா ஜார்ஜ், "பெண்களும், பெண் குழந்தைகளும் பெரிய அளவிலான செயல்களைச் செய்துவருகின்றனர். அவர்கள் செயல்பாட்டுக்கான அங்கீகாரத்தை அவர்கள்தான் பெற்றுக்கொள்ள வேண்டும். அவர்கள் சார்பில் வேறு யாரும் வாங்குவது சரியல்ல" என்றார்.கேரள கவர்னர் ஆரிப் முகமது கான் இதுகுறித்து கருத்து தெரிவித்த கேரள கவர்னர் ஆரிப் முகமதுகான், "பெண் குழந்தையை மேடைக்கு அழைத்து அவமானப்படுத்தியுள்ளார்கள். அதற்கு எதிராக நடவடிக்கை எடுக்க வேண்டும். இதற்கு எதிர்ப்பு தெரிவிக்காத அரசியல் தலைவர்களை நினைத்து வெக்கப்படுகிறேன். ஆண், பெண் சமத்துவமின்மைக்கு அதிக முக்கியத்துவம் அளிக்கும் கேரள சமூகத்தின் அமைதி மிகவும் வேதனைக்குரியது. பெண்களை வீட்டின் நான்கு சுவருக்குள் முடக்கும் மதத்தலைவர்களின் முயற்சிதான் இதன் பின்னணியில் உள்ளது. இதற்கு குரான் வசனத்திலோ, அரசியல் சட்டத்திலோ ஆதரவு இல்லை, அவற்றை மீறும் செயல் நடந்துள்ளது. பொதுமேடையில் நடந்த இந்த சம்பவத்தை குற்றகரமானதாகப் பார்க்கிறேன். மிகவும் துரதிஷ்டகரமான நிகழ்வு நடந்துள்ளது. இதற்கு தாமாக முன்வந்து வழக்குப்பதிவு செய்ய வேண்டும். இஸ்லாமோபோபியா பரவ இதுபோன்றவர்கள்தான் காரணம். தேசிய தலைவர்களும் இதற்கு பதில் சொல்ல வேண்டும்" என்றார். இஸ்லாமியப் பெண் (சித்திரிப்புப் படம்)மனைவியின் விருப்பத்துக்கு எதிரான கட்டாய உறவு வழக்கு; இரு நீதிபதிகளின் முரண்பட்ட தீர்ப்பு! பொது மேடையில் மாணவி அவமானப்படுத்தப்பட்ட சம்பவம் குறித்து குழந்தைகள் உரிமை கமிஷன் தாமாக முன்வந்து வழக்குப்பதிவு செய்து விசாரணை நடத்தி வருகிறது.
http://dlvr.it/SQFV9d

Read More

உணவுக்காக பணம் கேட்ட 6 வயது சிறுவனைக் கொன்ற காவலர்! - ம.பி-யில் அதிர்ச்சி

மத்திய பிரதேசத்தின், ததியா மாவட்டத்தில் ரத யாத்திரை திருவிழா நடைபெறுவது வழக்கமாகும். அந்த திருவிழாவின்போது 6 வயது சிறுவன் ஒருவன் காவலரிடம் வந்து உணவு வாங்க வேண்டும். ஆனால் தற்போது என்னிடம் பணம் இல்லை எனக்கூறி பணம் கேட்டுள்ளான். அந்த தலைமை காவலர் ரவி சர்மா பணம் தர மறுப்பு தெரிவித்து, அந்த சிறுவனை விரட்டியுள்ளார். அந்த சிறுவன் பசி மயக்கத்தில், மறுபடியும் அதே காவலரிடம் வந்து பணம் கேட்டுள்ளான். அப்போது கோபத்தின் உச்சநிலைக்கு சென்ற அந்த தலைமை காவலர், அந்த சிறுவனை அடித்து, கழுத்து நெரித்துள்ளார். இதைத்தொடர்ந்து அந்த சிறுவன் வலி தாங்க முடியாமல் உயிரிழந்து விட்டான். என்ன செய்வதென்று திகைத்து நின்ற அந்த தலைமை காவலர், உயிரிழந்த சிறுவனின் உடலை யாரும் இல்லாத இடத்தில் வீசிவிட்டு சென்றுள்ளார். A head constable of MP Police arrested for allegedly killing a six-year-old boy in Datia dist after the latter repeatedly asked him for money to buy food The accused cop was suffering from depression & got irritated&strangled the kid to death: Datia SP Aman Singh Rathore (11.05) pic.twitter.com/mLkHJf3bbz— ANI MP/CG/Rajasthan (@ANI_MP_CG_RJ) May 12, 2022 எனினும் அவர் சிக்கிக்கொண்டார். இது தொடர்பாக தலைமை காவலர் ரவி சர்மா கூறும் போது, ``நான் மிகவும் மன உளைச்சலில் இருந்தேன். அந்த சிறுவன் தொடர்ந்து பணம் கேட்டதால் எரிச்சலடைந்துவிட்டேன்'' என கூறியுள்ளார். இதையொட்டி, ததியா மாவட்ட எஸ்.பி அமன் சிங் ரத்தோர், ரவியை உடனடியாக பணியில் இருந்து நீக்கும்படி காவலர் தலைமையகத்திற்கு கடிதம் எழுதியுள்ளார். மேலும் ரவி கைது செய்யப்பட்டுள்ளதாக அவர் தெரிவித்துள்ளார். ஸ்பெயின்: மதிப்பெண் குறைவாக எடுத்ததால் கண்டிப்பு; ஆத்திரத்தில் தாய் உட்பட மூவரைக் கொலை செய்த சிறுவன்
http://dlvr.it/SQDHYc

Read More

மூலிகை ரகசியத்துக்காக கடத்தப்பட்ட வைத்தியர் கொடூரக் கொலை -`பொய் புகார்’ தொழிலதிபர் சிக்கியது எப்படி?

கேரளா மாநிலம் மலப்புரம் மாவட்டம் நிலம்பூரைச் சேர்ந்தவர் ஷைபின். தொழில் அதிபரான இவர் சில அடியாட்களை வைத்து சட்டவிரோத செயல்களிலும் ஈடுபட்டு வந்துள்ளார் எனக் கூறப்படுகிறது. ஷைபின் கடந்த மாதம் 24-ம் தேதி நிலம்பூர் காவல் நிலையத்தில் ஒரு புகார் அளித்தார். அந்த புகாரில், `சிலர் என் வீட்டுக்குள் புகுந்து, என்னை கட்டிப்போட்டு ஏழு லட்சம் ரூபாய் மற்றும் லேப்டாப், மொபைல் போன் ஆகியவற்றை கொள்ளையடித்துச் சென்றுவிட்டனர்' என குறிப்பிட்டிருந்தார். இதையடுத்து நிலம்பூர் போலீஸார் 7 பேர் மீது வழக்கு பதிவு செய்ததுடன் அஷ்ரப் என்பவரை கைது செய்தனர். மேலும் 6 பேரை தேடிவந்தனர். அதில் 5 பேர் கடந்த 29-ம் தேதி திருவனந்தபுரம் தலைமைச் செயலகம் முன்பு தங்களை பொய் வழக்கில் கைதுசெய்ய முயல்வதாக போராட்டத்தில் ஈடுபட்டதுடன், பெட்ரோல் ஊற்றி தீக்குளிக்க முயன்றனர். அவர்களை கண்டோமெண்ட் போலீஸார் கஷ்டடியில் எடுத்ததுடன், அவர்கள் மீது வழக்கு இருப்பதால் நிலம்பூர் காவல் நிலையத்தில் ஒப்படைத்தனர்.கொலை வழக்கில் கைதான தொழில் அதிபர் ஷைபின் நிலம்பூர் காவல்நிலைய போலீஸார் அவர்களிடம் விசாரணை நடத்தியபோது நெளஷாத் என்பவர் சில தகவல்களை கூறியதுடன் ஒரு பென் டிரைவையும் ஒப்படைத்தார். நெளஷாத் போலீஸாரிடம் கூறியதாக வெளியான தகவல் என்னவென்றால், "எங்கள் மீது புகார் அளித்திருக்கும் ஷைபினிடம் நாங்கள் அடியாட்களாக வேலை செய்தோம். அடிதடி, போதைபொருள் கடத்தல் என பல குற்ற சம்பவங்களில் ஈடுபடுள்ளோம். 2019-ம் ஆண்டு ஆகஸ்ட் மாதம் கர்நாடகா மாநிலம் மைசூரைச் சேர்ந்த பாரம்பர்ய நாட்டு வைத்தியர் ஷாபா செரீப் என்பவரை ஷைபின் கடத்தச் சொன்னார். பாரம்பர்ய நாட்டு வைத்தியரான ஷாபா செரீப் மூல நோய்க்கு மூலிகை மருந்துகொடுத்து குணப்படுத்துவதில் கைதேர்ந்தவர். அவரை கடத்திக்கொண்டுவந்து மூலிகை மருந்து குறித்த ரகசியத்தை கேட்டறிந்து, அந்த மருந்தை நாமும் தயாரித்து பணம் சம்பாதிக்கலாம் என ஷைபின் கூறியதால் நாங்கள் கடத்தினோம். நிலம்பூரில் உள்ள ஷைபினின் வீட்டில் சுமார் ஒரு ஆண்டுக்கு மேல் தனி அறையில் சங்கிலியில் கட்டி வைத்து நாட்டு வைத்தியர் ஷாபா செரீபை கொடுமைப்படுத்தி மூலிகை ரகசியத்தை கேட்டோம். ஆனால் அவர் ரகசியத்தை சொல்ல மறுத்துவிட்டார். நாங்கள் செய்த கொடுமையால் 2020-ம் ஆண்டு அக்டோபர் மாதம் அவர் இறந்துவிட்டார்.கொலை வழக்கில் கைதானவர்கள் ஷைபினின் வீட்டு பாத் ரூமில், ஒரு மரக்கட்டையில் வைத்து இறைச்சி வெட்டும் கத்தியால் ஷாபா செரீபின் உடலை சின்ன துண்டுகளாக வெட்டி கவரில் அடைத்து, ஆற்றில் வீசினோம். அது சம்பந்தமான வீடியோ எங்களிடம் இருக்கிறது. இதற்கிடையே ஷைபினுக்கும் எங்களுக்கும் கருத்துவேறுபாடு ஏற்பட்டதால் நாங்கள் அவரைவிட்டு சென்றுவிட்டோம். இந்த கொலை குறித்து நாங்கள் வெளியே சொல்லிவிடுவோம் என நினைத்து எங்கள் மீது பொய்புகார் கொடுத்திருக்கிறார்" என நெளஷாத் கூறியுள்ளார். பாரம்பர்ய வைத்தியரை கொலை செய்த வழக்கில் தொழில் அதிபர் ஷைபின், நெளஷாத், அஷ்ரப், ஷிகாபுதீன் ஆகிய நான்குபேரை போலீஸார் கைது செய்துளனர். இதுபற்றி மலப்புரம் எஸ்.பி சுஜித் தாஸ் கூறுகையில், "மலப்புறம் நிலம்பூர் முக்கட்டா பகுதியைச் சேர்ந்த ஷைபின் என்பவர் அவரது வீட்டில் இருந்து பணம், லேப்டாப், மொபைல் ஆகியவற்றை அடையாளம் தெரியாத சிலர் திருடிச்சென்றதாக புகார் கொடுத்தார். அதன்பேரில் விசாரணை நடத்தி சுல்தான் பத்தேரி பகுதியைச் சேர்ந்த அஷ்ரப் என்பவரை கைது செய்தோம். மற்றவர்களை கைதுசெய்ய முடியவில்லை. அவர்கள் திருவனந்தபுரம் தலைமைச் செயலகம் முன்பு போராட்டம் நடத்தியதுடன், பெட்ரோல் ஊற்றி தற்கொலை செய்ய முயன்றனர். அவர்களை கண்டோமெண்ட் போலீஸார் பிடித்து நிலம்பூர் காவல் நிலையத்தில் ஒப்படைத்தனர். அதில் நெளஷாத் என்பவரிடம் நடத்திய விசாரணையில், மைசூரைச் சேர்ந்த ஷாபா ஷெரீப் என்ற நாட்டு வைத்தியரை கடத்திக்கொண்டுவந்து நிலம்பூரில் உள்ள ஷைபின் வீட்டில் வைத்து கொடுமைப்படுத்தி கொலை செய்ததாக தெரிவித்தார். ஏற்கனவே ஷைபினுடன் இணைந்து நெளஷாத் உள்ளிட்டவர்கள் பல குற்றங்களை செய்துள்ளனர்.மலப்புறம் எஸ்.பி சுஜித் தாஸ் இதையடுத்து மைசூருக்குச் சென்று, ஷாபா செரீப் உயிருடன் இருக்கிறாரா என விசாரித்தோம். 2019 ஆகஸ்ட் 2-ம் தேதி அவரை காணவில்லை என புகார் பதிவுச்செய்யப்பட்டது தெரியவந்தது. எங்களிடம் இருந்த வீடியோவை காட்டி அந்த வைத்தியர் இவர்தானா என விசாரித்தோம். குடும்பத்தினர் அவர்தான் என அடையாளம் காட்டினர். கடத்தப்பட்டது மைசூர் வைத்தியர் என்பது தெரியவந்தது. ஷைபின் அஷ்ரப் வீட்டில் வைத்து 2020 அக்டோபர் மாதம் வரை அவரை கொடுமை செய்துள்ளது தெரியவந்துள்ளது. ஒருகட்டத்தில் வைத்தியரின் மார்பில் மிதித்தபோது அவர் சுருண்டுவிழுந்து இறந்துள்ளார். அவரின் உடலை சிறு துண்டுகளாக வெட்டி ஆற்றில் போட்டுள்ளனர். நெளஷாத், ஷிகாபுதீன், ஷைபின் அஷ்ரப் உள்ளிட்ட 4 பேரை கைது செய்து மேலும் விசாரணை நடத்திவருகிறோம். இன்னும் அவர்களிடம் விசாரணை நடத்த வேண்டியது உள்ளது" என்றார். மூல நோயை குணப்படுத்தும் மூலிகை ரகசியத்துக்காக நாட்டுவைத்தியரை கடத்தி கொலை செய்த சம்பவம் வெளியாகி பரபரப்பை ஏற்படுத்தி உள்ளது.
http://dlvr.it/SQDHXm

Read More

ஜடேஜாவுடன் மோதல்? - இன்ஸ்டாகிராமில் அன்ஃபாலோ செய்த சிஎஸ்கே

ஜடேஜாவை சென்னை சூப்பர் கிங்ஸ் அணி நிர்வாகம் இன்ஸ்டாகிராமில் பின்தொடர்வதை நிறுத்தியுள்ளது சர்ச்சையை ஏற்படுத்தியுள்ளது.நடப்பு ஐ.பி.எல். சீசன் தொடங்குவதற்கு முன்பு சென்னை சூப்பர் கிங்ஸ்  அணியின் கேப்டன் பொறுப்பு ஜடேஜாவிடம் ஒப்படைக்கப்பட்டது. ஆனால் கேப்டன் பொறுப்பு வகித்த ஜடேஜா முதல் 8 ஆட்டங்களில் 2 வெற்றிகளை மட்டுமே பெற்றுத் தந்தார். அவரது ஃபார்மும் கேள்விக்குள்ளானது. இந்த சீசனில் 10 போட்டியில் விளையாடியுள்ள ஜடேஜா, 116 ரன்களை மட்டுமே அடித்துள்ளார். சராசரி 19 மற்றும் ஸ்ட்ரைக் ரேட் 118 ஆகும். ஜடேஜா நடப்பு சீசனில் அதிகபட்சமாக 26 ரன்கள் மட்டுமே அடித்துள்ளார். இதே போன்று பந்துவீச்சிலும் ஜடேஜா 10 போட்டியில் விளையாடி 5 விக்கெட்டை மட்டுமே எடுத்துள்ளார். இதையடுத்து, கேப்டன் பொறுப்பிலிருந்து விலகிய ஜடேஜா மீண்டும் தோனியிடமே கேப்டன் பொறுப்பை ஒப்படைத்தார். அப்போது பேசிய தோனி, ஜடேஜாவுக்கு கேப்டன்ஷிப் அழுத்தத்தை கையாள முடியவில்லை என்று கூறினார். இதனிடையே ராயல் சேலஞ்சர்ஸ் பெங்களூருவுக்கு எதிரான லீக் ஆட்டத்தின்போது அவருக்கு காயம் ஏற்பட்டது. இதனால், டெல்லி கேபிடல்ஸ் அணிக்கு எதிரான ஆட்டத்தில் அவர் விளையாடவில்லை. இதையடுத்து நடப்பு தொடர் முழுவதிலும் ஜடேஜா விளையாடமாட்டார் என்று சிஎஸ்கே நிர்வாகம்  அறிவித்துள்ளது. இந்நிலையில் தற்போது ஜடேஜாவை சென்னை சூப்பர் கிங்ஸ் அணி நிர்வாகம் இன்ஸ்டாகிராமில் பின்தொடர்வதை நிறுத்தியுள்ளது புதிய சர்ச்சையை ஏற்படுத்தியுள்ளது. ஜடேஜாவுக்கு கேப்டன்சி சுதந்திரம் கொடுக்காமல், பதவியை பறித்துக்கொண்டதால் அணி நிர்வாகத்துடன் அவருக்கு மனக்கசப்பு ஏற்பட்டதாக கூறப்படுகிறது. இதனால் ஜடேஜாவை இன்ஸ்டாகிராமில் பின் தொடர்வதை சிஎஸ்கே நிறுத்திவிட்டதாகவும் பலரும் சமூக வலைதளங்களில் தெரிவித்து வருகின்றனர். இதையும் படிக்கலாமே: அன்று ரெய்னா! இன்று ஜடேஜா! நாளை..? திட்டமிட்டு கட்டம் கட்டுகிறதா சிஎஸ்கே நிர்வாகம்?
http://dlvr.it/SQClG8

Read More

மும்பை: ரெய்டில் சிக்கிய ரூ.30 கோடி; ரூ.6 கோடியை அபகரித்துக் கொண்ட போலீஸார் - 10 பேர் சஸ்பெண்ட்

மும்பை தானே அருகில் உள்ள மும்ப்ராவை சேர்ந்தவர்கள் பைசல் மேமன் மற்றும் ஷேக் இப்ராகிம். இருவரும் பொம்மை வியாபாரம் செய்து வருகின்றனர். பைசல் வீட்டில் சட்டவிரோத பணம் இருப்பதாக கேள்விப்பட்ட 10 போலீஸார் கடந்த மாதம் 12-ம் தேதி அவரின் வீட்டில் நள்ளிரவில் ரெய்டு நடத்தினர். இந்த ரெய்டில் 30 கோடி ரூபாய் பணம் இருப்பது கண்டுபிடிக்கப்பட்டு பறிமுதல் செய்யப்பட்டது. 30 பாக்ஸ்களில் தலா ஒரு கோடி வீதம் இப்பணம் இருந்தது. அவை கறுப்பு பணம் என்று கூறி பணத்தை எடுத்து சென்றனர். இதையடுத்து இருவரும் போலீஸ் நிலையம் சென்று பணத்தை திரும்ப கேட்ட போது ரூ.2 கோடி கொடுத்தால் பிரச்னையை தீர்த்துக்கொள்ளலாம் என்று தெரிவித்தனர். அவர்களும் சம்மதம் தெரிவித்தனர். ஆனால் பணத்தை வீட்டிற்கு கொண்டு வந்து எண்ணிப்பார்த்த போது 6 கோடி ரூபாயை போலீஸார் எடுத்திருந்தது தெரிய வந்தது.போலீஸார் இதனால் அதிர்ச்சியடைந்த இருவரும் இது குறித்து மாநில உள்துறை அமைச்சர் மற்றும் தானே போலீஸ் கமிஷனருக்கு புகார் கடிதம் அனுப்பினர். அக்கடிதம் கடந்த மாதம் 25-ம் தேதி சமூக வலைத்தளத்திலும் வெளியாகி பரபரப்பை ஏற்படுத்தியது. அதன் அடிப்படையில் துணை கமிஷனர் அவினாஷ் விசாரணை நடத்தினார். விசாரணையில் 3 போலீஸ் அதிகாரிகள் உட்பட 10 பேர் இந்த மோசடியில் தொடர்பு கொண்டு இருப்பது தெரிய வந்தது. . இதனையடுத்து தானே போலீஸ் கமிஷனர் ஜெய் ஜீத் சிங் விரைந்து செயல்பட்டு இன்ஸ்பெக்டர் கீதாராம் உட்பட 10 போலீஸாரை பணியிடை நீக்கம் செய்து உத்தரவிட்டார். அதோடு உதவி போலீஸ் கமிஷனர் அந்தாலே மற்றும் சீனியர் இன்ஸ்பெக்டர் அசோக் ஆகியோர் மீது இலாகா பூர்வ விசாரணை நடத்த உத்தரவிட்டுள்ளார்.
http://dlvr.it/SQClBt

Read More

`ஆட்டோ கட்டண நிர்ணய விவகாரம்... விரைவில் ஆலோசனை!’- போக்குவரத்துத்துறை அறிவிப்பு

ஆட்டோ கட்டண நிர்ணயம் தொடர்பாக வெள்ளிக்கிழமை ஆலோசனை செய்யப்படும் என தெரிவிக்கப்பட்டுள்ளது. அண்மையில் ஆட்டோ மீட்டர் கட்டணத்தை மறுநிர்ணயம் செய்யவேண்டும் என உயர்நீதிமன்றம் தெரிவித்திருந்த நிலையில், போக்குவரத்துத்துறை துறை சார்பாக இணை ஆணையர் இன்று அதுதொடர்பாக அறிவிப்பொன்றை வெளியிட்டுள்ளார். அந்த அறிவிப்பில், `ஆட்டோ மீட்டர் கட்டணம் மறுநிர்ணயம் செய்வது தொடர்பான ஆலோசனை கூட்டம் வரும் வெள்ளிக்கிழமை நடைபெறும். போக்குவரத்து ஆணையர் தலைமையில் அந்த ஆலோசனை நடைபெறும். தொழிற்சங்கம், அரசு அதிகாரிகள் கொண்ட குழுவுடன் ஆணையம் ஆலோசனை நடத்தவிருக்கிறது’ என தெரிவிக்கப்பட்டுள்ளது. முன்னதாக `பத்து ஆண்டுகளுக்கு முன் நிர்ணயிக்கப்பட்ட கட்டணத்தை தற்போதைய எரிபொருள் மற்றும் பராமரிப்பு செலவின் அடிப்படையில் மாற்றி அமைக்க வேண்டும்’ என ஆட்டோ தொழிற்சங்கத்தினர் என கோரிக்கை விடுத்திருந்தனரும்கூட. சமீபத்திய செய்தி: "பள்ளிக்கு அருகில் மதுபான கடை அமைக்க அனுமதிக்கக் கூடாது" - நடவடிக்கை எடுக்க நீதிமன்றம் உத்தரவு
http://dlvr.it/SQ9qXm

Read More

காஷ்மீர் மாணவர்களுக்கு எம்பிபிஎஸ் இடங்கள்; பணம் தீவிரவாதத்துக்கு?! - ஹுரியத் தலைவர்மீது புகார்

ஶ்ரீ நகரில் என்.ஐ.ஏ சட்டத்தின் கீழ் நியமிக்கப்பட்ட சிறப்பு நீதிமன்றம், யுஏபிஏ (உபா), ஐபிசி-யின் கீழ் ஹுரியத் அமைப்பின் மீது பல்வேறு குற்றச்சாட்டுகளை முன்வைத்துள்ளது. ``பாகிஸ்தானிலுள்ள கல்லூரிகளில் எம்பிபிஎஸ் மற்றும் பிற படிப்புகளில் ஜம்மு-காஷ்மீரில் வசிப்பவர்களை அனுமதிப்பதற்காக சில கல்வி ஆலோசகர்களுடன் இணைந்து ஹுரியத் தலைவர் மற்றும் சிலர் பணியாற்றியதாகத் தெரிகிறது. மேலும், மாணவர்களைக் கல்லூரியில் சேர்க்க, மாணவர்களின் பெற்றோரிடமிருந்து எம்பிபிஎஸ் இடங்களை ஹுரியத் தலைவர்கள் ரூ.15 முதல் ரூ.20 லட்சத்துக்கு விற்றதாகத் தகவல் வெளியாகியுள்ளது.ராணுவம் மேலும், அந்தப் பணத்தை ஜம்மு-காஷ்மீரில் பயங்கரவாதத்தை ஆதரிப்பதற்காகச் செலவு செய்யப்பட்டதாகக் கூறப்படுகிறது. இது தொடர்பான விசாரணையின்போது, ​​குற்றம்சாட்டப்பட்ட நபர்களின் வீடுகளிலும், மற்ற இடங்களிலும் சிறப்புப் புலனாய்வு அமைப்பு (எஸ்.ஐ.ஏ) சோதனை மேற்கொண்டது. அப்போது கைப்பற்றப்பட்ட ஆவணங்கள் மற்றும் பிற பொருள்களைப் பகுப்பாய்வு செய்ததில், குற்றம்சாட்டப்பட்ட நபர்களின் கணக்கில் பாகிஸ்தானில் எம்பிபிஎஸ் உட்பட பல்வேறு தொழில்நுட்ப மற்றும் தொழில்முறைப் படிப்புகளில் சேர்க்கை வழங்கியதன் மூலம் பெறப்பட்ட பணம் டெபாசிட் செய்யப்பட்டிருப்பது கண்டுபிடிக்கப்பட்டது.ஜம்மு கஷ்மீர் மேலும், இது தொடர்பான விசாரணை சாட்சியங்கள், வாக்குமூலங்கள் பதிவுசெய்யப்பட்டன. சேகரிக்கப்பட்ட பிற ஆதாரங்களின் அடிப்படையில், பாகிஸ்தானில் எம்பிபிஎஸ் மற்றும் பிற தொழில்முறை படிப்புகளில் கொல்லப்பட்ட பயங்கரவாதிகளின் நெருங்கிய குடும்ப உறவினர்களுக்கு முன்னுரிமை அளிக்கப்பட்டதும் தெரியவந்துள்ளது. மேலும், மாணவர்களிடமிருந்து பெறப்பட்ட தொகை கல் வீசுபவர்கள், சட்டவிரோத மற்றும் பயங்கரவாத நடவடிக்கைகளுக்காக அனுப்பப்பட்டது என்பதற்கான ஆதாரங்கள் விசாரணையின்போது வெளிவந்துள்ளன" எனக் குறிப்பிட்டுள்ளது.நீதிமன்றம் இந்த ஹுரியத் அமைப்பு என்பது ஓர் ஐக்கிய அரசியல் முன்னணியான 26 அரசியல், சமூக மற்றும் மத அமைப்புகளின் கூட்டணி என்பது குறிப்பிடதக்கது. புலிட்சர் பரிசை வென்ற 28 வயது காஷ்மீர் புகைப்பட பத்திரிகையாளர்; யார் இந்த சன்னா இர்ஷாத் மட்டூ?
http://dlvr.it/SQ8hXJ

Read More

மதுரை: பேனர்களை அகற்றிய மாநகராட்சி ஊழியர்களை தாக்கமுயன்ற பாஜகவினரால் சலசலப்பு

மதுரை அழகர்கோவில் பகுதியில் வைக்கப்பட்டிருந்த பேனர்களை மாநகராட்சி ஊழியர்கள் அகற்றமுயன்றதாகக் கூறி அவர்களை பாஜகவினர் அகற்ற முயன்றதால் அங்கு சலசலப்பு ஏற்பட்டது. பாஜக நிர்வாகிகள் கூட்டம் மதுரையில் இன்று காலைமுதல் நடைபெற்று வருகிறது. புதிய நிர்வாகிகள் நியமித்த பிறகு நடைபெறும் முதல் ஆலோசனைக் கூட்டம் இதுவாகும். இதில் கட்சியின் அடுத்தகட்ட வளர்ச்சிப்பணிகள் குறித்து பேசப்பட்டு வருகிறது. தமிழக பாரதிய ஜனதா கட்சியின் மாநிலத் தலைவர் அண்ணாமலை இரண்டு வாரங்களுக்கு முன்பு பாஜக அமைப்பு ரீதியாக மாவட்ட தலைவர்களை மாற்றி அமைத்து அறிவிப்பை வெளியிட்டியிருந்தார். அதைத்தொடர்ந்து கடந்த வாரம் பாஜகவின் மாநில துணைத் தலைவர்கள், மாநிலச் பொது செயலாளர், மாநில செயலாளர்கள்., கட்சியின் பல்வேறு அணிகள் பிரிவுகளின் தலைவர்கள் ஆகிய பதவிகளுக்கு புதிய நிர்வாகிகளை நியமித்து அண்ணாமலை உத்தரவிட்டார். அதைத்தொடர்ந்து இன்று மதுரையில் தமிழக பாரதிய ஜனதா கட்சியின் மாநில அளவிலான ஆலோசனைக் கூட்டம் நடைபெற்று வருகிறது. மதுரை அழகர்கோயில் சாலையில் உள்ள தனியார் விடுதியில் ஆலோசனை கூட்டம் நடைபெற்று வருகிறது. தமிழக பாஜக தலைவர் அண்ணாமலை தலைமையில் நடைபெற்று வரும் இந்த ஆலோசனை கூட்டத்தில் மாநில அமைப்பு பொதுச்செயலாளர் கேசவ.விநாயகம், தேசிய செயற்க்குழு உறுப்பினர் ஹெச்.ராஜா, சட்டமன்ற குழுத்தலைவர் நயினார் நாகேந்திரன் ஆகியோர் பங்கேற்றனர். மேலும் பாஜகவின் மாநில நிர்வாகிகள், மாவட்டத் தலைவர்கள், மாநில அணி பிரிவு தலைவர்கள் ஆலோசனை கூட்டத்தில் பங்கேற்றனர். இக்கூட்டத்தில் தமிழகத்தில் பாஜகவின் வளர்ச்சி, 2024 நாடாளுமன்ற தேர்தல் வெற்றி வியூகம், நடைபெற்று முடிந்த தேர்தல்கள் குறித்து விரிவாக ஆலோசனை செய்யப்பட்டு வருகிறது. இந்த ஆலோசனை கூட்டத்தையொட்டி அழகர்கோயிலில் சுமார் அரை கி.மீ தூரத்துக்கு பாஜக கட்சி சார்பாக போஸ்டர்கள் மற்றும் பேனர்கள் வைக்கப்பட்டிருந்தது. காவல்துறையிடம் முறையாக அனுமதிபெற்ற பாஜகவினர் மாநகராட்சி நிர்வாகத்திடம் அனுமதி பெறவில்லை என்றும் கூறப்படுகிறது. இதனால் மாநகராட்சி ஊழியர்கள் பேனர்களை அகற்றும் பணியில் ஈடுபட்டிருக்கின்றனர். அவர்கள் மீது பாஜகவினர் தாக்குதல் நடத்த முயன்றதால் அங்கு சலசலப்பு ஏற்பட்டது. மேலும் இதனையடுத்து தங்கள் கட்சி பேனர்களை அகற்றியதை கண்டித்து நூற்றுக்கும் மேற்பட்ட பாஜகவினர் சாலைமறியலில் ஈடுபட்டதால் அங்கு அரை மணிநேரத்திற்கும் மேலாக போக்குவரத்து பாதிப்பு ஏற்பட்டது. உடனடியாக அங்கு வந்த காவல்துறையினர் தாக்குதல் முயற்சியை தடுக்கும் நடவடிக்கையில் இறங்கினர். தற்போது மாநகராட்சி ஊழியர்களிடம் இதுகுறித்து காவல்துறையினர் விசாரணை நடத்திவருகின்றனர்.
http://dlvr.it/SQ6F7z

Read More

‘நம்மளோட கோட்ட’...வேற லெவலில் உருவாகும் ‘அவதார் 2’-துள்ளல் இசையில் மிரட்டலாக வெளியான டீசர்

உலக சினிமா ரசிகர்கள் அதிகம் எதிர்பார்த்துள்ள ‘அவதார் 2’ படத்தின் டீசர் மிரட்டலாக வெளியாகியுள்ளது. ‘தி டெர்மினேட்டர்’, ‘ஏலியன்ஸ்’, ‘டைட்டானிக்’ உள்ளிட்ட வெற்றி படங்களை இயக்கிய பிரபல ஹாலிவுட் இயக்குநரான ஜேம்ஸ் கேமரூன் இயக்கத்தில், கடந்த 2009-ம் ஆண்டு உலகம் முழுவதும் வெளியானப் படம் ‘அவதார்’. வரலாற்று சயின்ஸ் பிக்ஷனாக உருவான இந்தப் படம், சினிமா உலகை, அடுத்த தளத்திற்கு கொண்டு சென்றது மட்டுமல்லாமல், வசூல்ரீதியாக சாதனை படைத்தது. 23.7 கோடி அமெரிக்க டாலர்களில் உருவான இந்தப் படம், சுமார் 284.72 கோடி அமெரிக்க டாலர்களை ஈட்டி, திரைப்பட வரலாற்றில் புதிய மைல்கல்லை எட்டியது. இதையடுத்து இந்தப் படத்தின் சீக்குவல் எனப்படும், அடுத்தடுத்த பாகங்கள், குறிப்பிட்ட இடைவெளியில் வெளியாகும் என்று இயக்குநர் ஜேம்ஸ் கேமரூன் கூறியிருந்தார். சுமார் 5 பாகங்களாக இந்தப் படம் வெளியாகவுள்ளதாக அறிவிக்கப்பட்டது. அதன்படி ‘அவதார் 2’ படத்திற்கான படப்பிடிப்பை தொடங்கியநிலையில், இந்தப் படத்தின் ரிலீஸ் தேதி குறித்த அறிவிப்பு அண்மையில் வெளியானது. அந்தவகையில், 13 வருடங்களுக்குப் பிறகு ‘அவதார் 2’ திரைப்படம் வருகிற டிசம்பர் 16-ம் தேதி, டால்பி பிரீமியம் 4k உடன், 3D தொழில்நுட்பத்தில், உலகம் முழுவதும் 160 மொழிகளில் வெளியாக உள்ளது. இதையடுத்து படத்திற்கான ட்ரெய்லர் எப்போது வெளியாகும் என்ற எதிர்பார்ப்பு எகிறியநிலையில், கடந்த மாதம் லாஸ்வேகாஸில் நடைபெற்ற CinemaCon நிகழ்ச்சியில் ‘அவதார்: தி வே ஆஃப் வாட்டர்’ (Avatar: The Way of Water) என்ற பெயரில் டீசர் வெளியானது. சினிமா பிரபலங்கள் ‘‘அவதார்: தி வே ஆஃப் வாட்டர்’ படத்தின் டீசர் பார்த்து பிரமித்தநிலையில், தற்போது இணையதளத்தில் வெளியிடப்பட்டு மாபெரும் வரவேற்பை பெற்றுள்ளது. ‘ஒண்ணு உறுதியா சொல்றேன்... நாம எங்க போனாலும்... இந்த குடும்பம்தான்... நம்மளோட கோட்ட...’ என்று மிரட்டலாக டீசர் வெளியாகியுள்ளது. கடந்த முதல் பாகத்தில் நிலத்தில் இந்தப் படத்தின் கதைக்களம் அமைந்துள்ளநிலையில், இரண்டாவது பாகம் நீரில் கதைக்களம் அமைக்கப்பட்டுள்ளது. பஞ்ச பூதங்களான நிலம், நீர், காற்று, ஆகாயம், நெருப்பு ஆகியவற்றை அடிப்படையாகக் கொண்டு உருவானதுபோல் இருக்கிறது. ரஸ்ஸல் கார்பெண்டர் ஒளிப்பதிவு கண்களை திரையை விட்டு அகலாமல் பார்க்கும் ஆவலை தூண்டுகிறது. சைமன் பிராங்ளன் இசை துள்ளலாக மனதை வருடும் வகையில் அமைந்துள்ளது. 250 மில்லியன் அமெரிக்க டாலர்களில் உருவாகியுள்ள இந்தப் படத்தை லைட்ஸ்டோர்ம் எண்டெர்டெயின்மெண்ட் தயாரித்துள்ளது. 20-த் செஞ்சுரி ஸ்டூடியோஸ் வெளியிடுகிறது.
http://dlvr.it/SQ6Dpr

Read More

”எல்லாவற்றையும் நீதிமன்றம் சொல்லிகொண்டிருக்க முடியாது” - மத்திய அரசை சாடிய உச்சநீதிமன்றம்

”நீங்கள் என்ன செய்ய வேண்டும் என்பதை நீங்கள் தான் முடிவு செய்ய வேண்டும், எல்லாவற்றையும் நீதிமன்றம் சொல்லிகொண்டிருக்க முடியாது” என இந்துகள் எண்ணிக்கையில் குறைவாக உள்ள மாநிலங்களில் அவர்களை சிறுபான்மையினராக அங்கீகரிப்பது தொடர்பான வழக்கில் மத்திய அரசிடம் உச்ச நீதிமன்றம் காட்டமாக கூறியுள்ளது. நாட்டில் பத்துக்கும் மேற்பட்ட மாநிலங்களில் இந்துக்கள் குறைந்த எண்ணிக்கையில் இருப்பதாகவும் எனவே அந்த மாநிலங்களில் அவர்களை சிறுபான்மையினராக வகைப்படுத்த உத்தரவு பிறப்பிக்க வேண்டும் என பொதுநல மனு ஒன்று தாக்கல் செய்யப்பட்டிருந்தது. இந்த மனு மீது ஏற்கனவே பிரமாண பத்திரம் தாக்கல் செய்திருந்த மத்திய அரசு, விவகாரத்தில் சம்பந்தப்பட்ட மாநில அரசு தான் முடிவெடுக்க வேண்டும் என கூறியிருந்தது. இதற்கிடையில் புதிய பிரமாண பத்திரம் ஒன்றை தாக்கல் செய்த மத்திய அரசு, இவ்விவகாரத்தில் முடிவெடுக்க வேண்டிய அதிகாரம் மத்திய அரசிடம் தான் இருக்கிறது என மாற்றி கூறியது. இந்த வழக்கு உச்ச நீதிமன்ற நீதிபதி சஞ்சை கிஷண் கவுல் தலைமையிலான அமர்வில் விசாரணைக்கு வந்தபோது, மத்திய அரசு உடைய இந்த மாற்று நிலைப்பாட்டை நீதிபதிகள் கடுமையாக விமர்சித்தனர். நீதிமன்றத்தில் ஒரு விஷயத்தை தாக்கல் செய்வதற்கு முன்பாக பல ஆலோசனைகளை முன்வையுங்கள் ஏனென்றால் அனைத்தும் பொதுவெளிக்கு வந்துவிடும். இது தேவையில்லாத குழப்பங்களை ஏற்படுத்தும். இதுபோன்ற விஷயங்களில் அதிக கவனத்துடன் இருங்கள் என மத்திய அரசு வழக்கறிஞரை நீதிபதிகள் கேட்டுக் கொண்டனர். நீங்கள் என்ன செய்ய வேண்டும் என்பதை நீங்கள்தான் முடிவு செய்ய வேண்டும். எல்லாவற்றையும் நீதிமன்றம் சொல்லிகொண்டிருக்க முடியாது. பிற சமூகத்தை விட எண்ணிக்கையில் குறைவாக உள்ள இந்துக்களுக்கு சிறுபான்மை அந்தஸ்து வழங்குவது தொடர்பாக மாநிலங்களுடன் கலந்தாலோசிக்க விரும்பினால், அவ்வாறு செய்ய வேண்டியதுதானே எனவும் நீதிபதிகள் கேள்வி எழுப்பினர்.  இதனையடுத்து இந்துக்களுக்கு சிறுபான்மையினர் அந்தஸ்து வழங்கும் விவகாரம் தொடர்பாக பல்வேறு மாநில அரசுகளுடன் ஆலோசனை நடத்தி ஒரு முடிவுக்கு வர மத்திய அரசுக்கு மூன்று மாதம் கால அவகாசம் வழங்கிய நீதிபதிகள் மேலும் வழக்கு விசாரணையை ஆகஸ்ட் 30ஆம் தேதிக்கு ஒத்திவைத்து உத்தரவிட்டனர்
http://dlvr.it/SQ6DXk

Read More

3 சென்ட் நிலத்துடன் 3 பெட்ரூம் வீடு ரூ.2000... கேரளாவை அதிர வைத்த தம்பதியின் பலே கூப்பன் திட்டம்!

வீடு அல்லது நிலம் விற்க வேண்டுமென்றால் நாம் அதற்கான புரோக்கர்களை அணுகுவோம், அல்லது விளம்பரம் கொடுக்கவோ, நமக்கு தெரிந்த நண்பர்களிடம் கூறவோ செய்வோம். அதன் மூலம் வரும் நபர்களிடம் நமக்கு இசைந்த விலை கிடைத்தால் விற்பனை செய்துவிடுவோம். ஆனால் கேரள மாநிலம் திருவனந்தபுரம் வட்டியூர்காவு பகுதியைச் சேர்ந்த அஜோய் - அன்னா தம்பதிகள் தங்கள் வீட்டை அதிக விலைக்கு விற்பனை செய்ய எடுத்த அதிரடி நடவடிக்கை கேரள அரசையே அதிர வைத்திருக்கிறது. திருவனந்தபுரம் வட்டியூர்காவைச் சேர்ந்த அஜோய் - அன்னா தம்பதியினர் வெளிநாட்டில் வேலை செய்துவந்தனர். கடந்த மூன்று ஆண்டுகளுக்கு முன் வெளிநாட்டு வேலையை உதறிவிட்டு, பிசினஸ் செய்து நல்லவண்ணம் வாழலாம் என முடிவு செய்து ஊருக்கு வந்தனர். 45 லட்சம் ரூபாய்க்கு 3 சென்ட் நிலத்தில், 3 பெட்ரூம் கொண்ட 1500 சதுர அடி கொண்ட வீட்டை விலைக்கு வாங்கினர். அஜோய் பெயின்ட் ஷாப் பிசினஸ் தொடங்கிய கொஞ்சம் நாளிலேயே கொரோனா பரவலால் லாக்டெளன் அறிவிக்கப்பட்டது. இதனால் அவருக்கு பிசினஸில் நஷ்டம் ஏற்பட்டு சுமார் 32 லட்சம் ரூபாய் கடன் ஏறியது.அஜோய் - அன்னா தம்பதி கடனை அடைக்க வேறு வழி இல்லாமல் தனது வீட்டை விற்க முடிவு செய்தார் அஜோய். 3 வருடத்துக்கு முன்பு 45 லட்சம் ரூபாய்க்கு வாங்கிய வீட்டுக்கு இப்போது 55 லட்சம் ரூபாய் வரை விலை வைத்திருக்கிறார்கள். அதற்குமேல் விலை வைக்க ஆள் வரவில்லை. அந்த விலைக்கு வீட்டை கொடுத்தால் கடன் செலுத்தியதுபோக எதிர்பார்த்த அளவில் பணம் மிஞ்சாது. மீதி பணத்தில் வசிக்க சிறிய அளவிலாவது வேறு வீடு வாங்க வேண்டும் என அஜோய் நினைத்தார். இதையடுத்து நீண்ட யோசனைக்குப் பிறகு ஒரு யோசனை அவர்களுக்கு உதித்தது.அதன்படி, வீடும், நிலமும் விற்பதற்கு ஒரு புதிய முறையை கையாண்டனர். 2000 ரூபாய் மதிப்புள்ள 3700 கூப்பன்களை அச்சிட்டு விற்பனை செய்யத்தொடங்கினார். "ரூ.2000-க்கு 3 பெட்ரூம் வீடு" என்ற தலைப்பில் பிரபலமானது கூப்பன். அந்த கூப்பனில் 3 சென்ட்டில் 1500 சதுர அடி உள்ள வீடு பரிசு. அக்டோபர் 17-ம் தேதி குலுக்கல் எனக் குறிப்பிட்டிருந்தனர். இதுபற்றி பேசிய அஜோய், "நான் பெயிண்ட் கடை தொடங்கினேன். கொரோனா காரணமாக பிசினஸில் அடிமேல் அடி விழுந்தது. அதனால் இப்போது தனியார் பேங்கில் அக்கவுன்டன்ட்டாக வேலைக்குப் போகிறேன். எனது வீடு நான் எதிர்பார்த்த தொகைக்கு விலை போகாததால் 2000 ரூபாய் கூப்பன் அச்சிட்டு விற்பனை செய்துவருகிறேன்.2000 ரூபாய் கூப்பன் 3500 கூப்பன்களுக்கு மேல் விற்பனையாகி இருக்கிறது. ஆனால் குலுக்கல் நடத்தி அதில் வரும் அதிர்ஷ்டசாலிக்கு வீட்டை பத்திரப்பதிவு செய்வேன். கூப்பன் மூலம் 70 லட்சம் ரூபாய் கிடைத்தால், அதில் 18 லட்சம் ரூபாய் அரசுக்கு வரி செலுத்த வேண்டும். கடனை அடைத்துவிட்டு மீதம் கிடைக்கும் 20 லட்சம் ரூபாயில் சிறு வீடு வாங்கி மகிழ்ச்சியாக வாழ்வோம். ஒரு வேளை எதிர்பார்த்த அளவில் கூப்பன் விற்பனை ஆகாமல் இருந்தால், கூப்பன் வாங்கியவர்களிடம் பணத்தைத் திரும்ப ஒப்படைத்து விடுவேன்" என்றார். சுமார் நூறுக்கும் மேல் கூப்பன் விற்பனையான நிலையில், அஜோயின் இந்தத் திட்டம் லாட்டரி டிபார்ட்மெண்ட் அதிகாரிகள் கவனத்துக்குப் போனது. கேரளாவில் லாட்டரியை அரசு மட்டுமே விற்பனை செய்து வருகிறது. லாட்டரி போன்ற மாடலில் வீட்டை விற்கும் முயற்சி இது. லாட்டரி போன்ற முறையில் தனிநபர்கள் குலுக்கல் நடத்தக்கூடாது என லாட்டரி டிபார்ட்மெண்ட் கூறியதுடன், காவல்துறையிலும் தகவல் தெரிவித்தனர். இதையடுத்து போலீஸார் அஜோயிடம் விசாரணை நடத்தியுள்ளனர். கூப்பன் விற்பனை மூலம் வீட்டை விற்கக்கூடாது என்பது தனக்கு தெரியாது எனவும், இந்தத் திட்டத்தை உடனே கைவிடுவதாகவும் தெரிவித்தார். மேலும் விற்பனையான கூப்பன்களுக்கான பணத்தைச் சம்பந்தப்பட்டவர்களுக்குத் திரும்ப ஒப்படைப்பதாக அஜோய் தெரிவித்துள்ளார்.ரூ.2000-க்கு 3 பெட்ரூம் வீடு என்ற அஜோயின் கூப்பன் திட்டம் கேரளாவில் பரபரப்பை ஏற்படுத்தியது.
http://dlvr.it/SQ6DMt

Read More

பாலியல் வழக்கு: நடிகை காவ்யா மாதவனிடம் வீட்டுக்கே சென்று விசாரணை! - அடுத்தது என்ன?

கேரளத்தைச் சேர்ந்த பிரபல நடிகையை 2017-ம் ஆண்டு காரில் கடத்தி, பாலியல் தொல்லை அளிக்கப்பட்ட வழக்கு கடந்த சில மாதங்களாக வேகமெடுத்துச் சென்றுகொண்டிருக்கிறது. இயக்குநர் பாலச்சந்திரகுமார் இந்த வழக்கில் முக்கியத் திருப்பமாக அமைந்தார். பாலச்சந்திரகுமார் வாக்குமூலத்தின் அடிப்படையில் விசாரணை அதிகாரிகளைக் கொலைசெய்ய சதித்திட்டம் தீட்டியதாக நடிகர் திலீப் மீது மற்றொரு வழக்கும் பதிவுசெய்யப்பட்டுள்ளது. இதற்கிடையே நடிகர் திலீபின் மூன்று செல்போன்கள் உட்பட ஆறு செல்போன்களை ஆய்வு செய்தபோது இந்த வழக்கில் திலீப்பின் மனைவியும், நடிகையுமான காவ்யா மாதவனுக்குத் தொடர்பு உள்ளதாகச் சில ஆதராங்கள் சிக்கியுள்ளதாகக் கூறப்படுகிறது. இதையடுத்து விசாரணைக்கு ஆஜராக வேண்டும் என காவ்யா மாதவனுக்கு கொச்சி க்ரைம் பிராஞ்ச் போலீஸார் கடந்த மாதம் நோட்டீஸ் அனுப்பியிருந்தனர்.காவ்யா மாதவனிடம் விசாரணை காவ்யா மாதவனுக்கு அனுப்பிய முதல் நோட்டீஸில் தேதி குறிப்பிடாமல் `உங்களுக்கு விருப்பமான தேதியில் விசாரணைக்கு ஆஜராகலாம்’ என போலீஸார் கூறியிருந்தனர். ஆனால், `சென்னையில் இருப்பதால் உடனடியாக விசாரணைக்கு ஆஜராக முடியாது’ என காவ்யா தரப்பில் தெரிவிக்கப்பட்டது. இதையடுத்து இரண்டாவதாக அனுப்பிய நோட்டீஸில் தேதி குறிப்பிட்டு ஆலுவா போலீஸ் கிளப்பில் ஆஜராகும்படி கூறியிருந்தனர். `விசாரணைக்காக ஆலுவா போலீஸ் கிளப்புக்கு வர முடியாது’ என காவ்யா தெரிவித்திருக்கிறார். இந்த நிலையில் கிரைம் பிராஞ்ச் ஏடி.ஜி.பி திடீரென மாற்றப்பட்டு, புதிய அதிகாரி நியமிக்கப்பட்டதால் விசாரணை சற்று காலதாமதமானது. அதன் பிறகு மீண்டும் காவ்யா மாதவனுக்கு நோட்டீஸ் அனுப்பப்பட்டது. மூன்றாவதாக அளிக்கப்பட்ட நோட்டீஸுக்கு பதிலளித்த காவ்யா மாதவன், `என் வீட்டுக்கு வந்து விசாரணை நடத்துவதாக இருந்தால் ஒத்துழைப்பு அளிக்கலாம்’ எனக் கூறியிருந்தார். நடிகை பாலியல் வழக்கு மீதான விசாரணையை இம்மாதம் 30-ம் தேதிக்குள் நடத்தி முடிக்க வேண்டும் என கோர்ட் உத்தரவிட்டுள்ளதால் காலதாமதத்தைத் தவிர்க்க போலீஸார் முடிவு செய்தனர்.காவ்யா மாதவன் அதன்படி நேற்று க்ரைம் பிராஞ்ச் டி.எஸ்.பி பைஜூபவுலோஸ் தலைமையிலான போலீஸார் ஆலுவாவில் உள்ள நடிகர் திலீப்பின் பத்மசரோவரம் வீட்டுக்குச் சென்று காவ்யா மாதவனிடம் விசாரணை நடத்தினர். சுமார் ஐந்து மணி நேரம் விசாரணை நடைபெற்றது. விசாரணையில் காவ்யா மாதவனின் சில பதில்களில் சந்தேகம் இருப்பதாகவும், தேவையானால் மீண்டும் காவ்யா மாதவனிடம் விசாரணை நடத்தப்படும் எனவும் போலீஸ் தரப்பில் தெரிவிக்கப்பட்டுள்ளது.
http://dlvr.it/SQ53F5

Read More

'உக்ரைன் போரில் ரஷ்யா வெற்றிபெறாது' - ஜெர்மன் அதிபர் ஓலாஃப் ஷோல்ஸ் உறுதி

உக்ரைன் போரில் ரஷ்யா வெற்றிபெறாது என்று தான் உறுதியாக நம்புவதாக ஜெர்மன் அதிபர் ஓலாஃப் ஷோல்ஸ் தெரிவித்துள்ளார்.ஐரோப்பாவில் இரண்டாம் உலகப் போர் முடிவடைந்ததன் 77வது ஆண்டு நிறைவை அனுசரிக்கும் நிகழ்வில் பேசிய ஜெர்மன் அதிபர் ஓலாஃப் ஷோல்ஸ், "உக்ரைனில் ரஷ்ய சர்வாதிகாரத்தின் கீழ் அமைதியை ஏற்படுத்த முடியாது. இதனை உக்ரைன் ஏற்காது, நாமும் ஏற்க மாட்டோம், பிப்ரவரி 24 அன்று தொடங்கிய மோதலில் ரஷ்ய ஜனாதிபதி விளாடிமிர் புடின் வெற்றிபெற மாட்டார் என்ற நம்பிக்கை உள்ளது. 77 ஆண்டுகளுக்கு முன்பு இரண்டாம் உலகப்போரில்  அடக்குமுறை, வன்முறை மற்றும் சர்வாதிகாரத்திடம் இருந்து சுதந்திரமும், பாதுகாப்பும் வெற்றி பெற்றது போல தற்போது நடந்துவரும் போரில் உக்ரைன் வெற்றிபெறும், அதன் சுதந்திரமும் பாதுகாப்பும் வெல்லும். இரண்டாம் உலகப்போரில் ஜெர்மனியின் கொலைகார தேசிய சோசலிச ஆட்சியை தோற்கடிக்க ரஷ்யர்களும் உக்ரைனியர்களும் ஒன்றாகப் போராடி பெரும் தியாகங்களைச் செய்தனர். ஆனால் இப்போது, புடின் உக்ரைனைத் தூக்கி எறிந்து அதன் கலாச்சாரம் மற்றும் அடையாளத்தை அழிக்க விரும்புகிறார். புடினின் தற்போதைய காட்டுமிராண்டித்தனமான ஆக்கிரமிப்புப் போர் அப்போதைய ஜெர்மன் நடவடிக்கைகளுக்கு இணையானது" என தெரிவித்தார்  மேலும், உக்ரைன் ரஷ்ய போர் குறித்த ஜெர்மனியின் கொள்கைகளை விளக்கிய ஓலாஃப் ஷோல்ஸ், "முதலாவதாக, இந்த விவகாரத்தில் ஜெர்மனி ஒருதலைப்பட்சமான நடவடிக்கை எதுவும் எடுக்காது. நாங்கள் என்ன செய்தாலும், நாங்கள் எங்கள் கூட்டணி நாடுகளுடன் ஒருங்கிணைந்து செயல்படுவோம். இரண்டாவதாக, ஜெர்மனி தனது சொந்த தற்காப்புத் திறனைத் தக்க வைத்துக் கொள்ள வேலை செய்யும். மூன்றாவதாக, ரஷ்யாவை விட எங்களுக்கும் எங்கள் கூட்டாளிகளுக்கும் அதிக சேதத்தை ஏற்படுத்தக்கூடிய எதையும் நாங்கள் செய்ய மாட்டோம். நான்காவதாக நேட்டோவை போரில் பங்கெடுக்க செய்யும் எந்த முடிவையும் நாங்கள் எடுக்க மாட்டோம் " என தெரிவித்தார் ரஷ்ய இயற்கை எரிவாயு இறக்குமதிக்கு மாற்றான வாய்ப்பை  விரைவுபடுத்த ஜெர்மனிக்கு கொடுக்கப்படும் அழுத்தம் குறித்து பேசிய அவர், சிலர் விரும்பும் அனைத்து விஷயங்களையும் உடனடியாக செய்யமுடியாது என தெரிவித்தார்.
http://dlvr.it/SQ25Bm

Read More

வரதட்சணை கொடுமை: ஆட்சியர் அலுவலகத்தில் குழந்தையுடன் தீக்குளிக்க முயன்ற பெண்

ராமநாதபுரம் ஆட்சியர் அலுவலகத்தில் கைக்குழந்தையுடன் இளம்பெண் தீக்குளிக்க முயற்சி செய்ததால் பரபரப்பு ஏற்பட்டது. ராமேஸ்வரத்தைச் சேர்ந்த உமாமகேஸ்வரி என்பவருக்கும் கீழக்கரை வங்கியில் பணிபுரியும் ரமேஷ் என்பவருக்கும் திருமணம் நடந்த நிலையில், ஒரு வயதில் குழந்தை உள்ளது. இந்நிலையில் திருமணத்தின் போது 15 பவுன் நகையும் ஒரு லட்சம் ரூபாய் பணமும் வரதட்சணையாக கொடுத்துள்ளனர். இந்த நிலையில் கூடுதலாக 5 லட்சம் வரதட்சணை கேட்டு, கணவர் ரமேஷ் கொடுமைப்படுத்தியதோடு வீட்டை விட்டு விரட்டியதாகவும் இது குறித்து கீழக்கரை காவல் நிலையத்தில் பலமுறை புகார் அளித்தும் எந்தவித நடவடிக்கையும் எடுக்கவில்லை என்றும் கூறப்படுகிறது. அதனைத்தொடர்ந்து மாவட்ட ஆட்சியர் அலுவலகத்திலும் புகார் அளித்தும், புகாரின் மீது அதிகாரிகளோ காவல்துறையினரோ எந்த நடவடிக்கையும் எடுக்காததால் ஆத்திரம் அடைந்த உமா மகேஸ்வரி, தனது கைக்குழந்தையுடன் ஆட்சியர் அலுவலகத்திற்கு வந்து மண்ணெண்ணையை ஊற்றி தற்கொலை செய்து கொள்ள முயற்சித்துள்ளார். அப்போது அங்கிருந்தவர்கள் அவரை தடுத்து நிறுத்தி தீப்பெட்டியை பறித்து அவரை தற்கொலையில் இருந்து காப்பாற்றினர் அதனைத்தொடர்ந்து காவல்துறையினர் அங்கு வந்து அவரிடமிருந்த மண்ணெண்ணைய் கேனை பறித்து அவரிடம் விசாரணை நடத்தினர்.
http://dlvr.it/SQ24n5

Read More

கேரளா: தோண்டி எடுக்கப்பட்ட யூடியூபர் ரிஃபா உடல்... மர்ம மரணம் குறித்து போலீஸ் தீவிர விசாரணை!

கேரள மாநிலம், கோழிக்கோடு பாலுச்சேரிப் பகுதியைச் சேர்ந்தவர் ரிஃபா. 21 வயதான ரிஃபா, டிக்டாக், இன்ஸ்டாகிராம், யூடியூப் உள்ளிட்ட சமூக வலைதளங்கள் மூலம் பிரபலமானவர். ஆல்பங்களிலும் நடித்து வந்தார். இந்த நிலையில், ரிஃபாவுக்கும் காசர்கோடைச் சேர்ந்த மெஹனாஸ் என்ற இளைஞருக்கும் இன்ஸ்டாகிராம் மூலம் பழக்கம் ஏற்பட்டு, இருவரும் மூன்று ஆண்டுகளுக்கு முன்பு திருமணம் செய்துகொண்டனர். திருமணத்துக்குப் பிறகும் ரிஃபா, மெஹனாஸ் ஆகியோர் சேர்ந்து சமூக வலைதளங்களில் வீடியோ வெளியிட்டு பிரபலமாகவே இருந்துவந்தனர். இவர்களுக்கு 2 வயதில் ஒரு ஆண் குழந்தையும் இருக்கிறது. குழந்தையை ஊரில் விட்டுவிட்டு ரிஃபா-மெஹனாஸ் தம்பதி கடந்த ஜனவரி மாதம் துபாய்க்குச் சென்றனர். துபாயில் கராமா பகுதியில் பர்தா ஷாப்பில் வேலைக்குச் சேர்ந்தார் ரிஃபா. மெஹனாஸ் வேலை இல்லாமல் இருந்திருக்கிறார். இவர்களுடன் மெஹனாசின் நண்பரும், கேமராமேனுமான ஜெம்ஸாத் என்பவரும் இருந்ததாகக் கூறப்படுகிறது.கணவர் மெஹ்னாஸ் உடன் ரிஃபா இந்த நிலையில், மார்ச் 1-ம் தேதி துபாயில் பிளாட்டில் இறந்த நிலையில் ரிஃபாவின் உடல் கண்டெடுக்கப்பட்டது. அவர் தூக்குப்போட்டு இறந்ததாகக் கூறப்பட்டது. ரிஃபா இறந்தது பற்றி மெஹனாஸ் கண்ணீருடன் வீடியோ வெளியிட்டிருந்தார். ஆனால், எதற்காக ரிஃபா தற்கொலை செய்தார் என்பதற்கான விடை கிடைக்கவில்லை. இதையடுத்து துபாய் போலீஸில் புகார் கூறாமலே ரிஃபா உடல் ஊருக்கு அனுப்பிவைக்கப்பட்டது. இது தெரியாமல் உறவினர்கள் ரிஃபாவின் உடலை அடக்கம் செய்தனர் ரிஃபாவின் பெற்றோர் மெஹனாஸிடம் இறப்புச் சான்றிதழை கேட்டிருக்கின்றனர். அப்போதுதான், ரிஃபாவின் உடல் பிரேத பரிசோதனை செய்யப்படவில்லை என்றும், துபாய் போலீஸார் ஃபாரன்சிக் பரிசோதனை மட்டுமே செய்ததும் தெரியவந்தது. இதையடுத்து, இந்த மரணத்தில் மர்மம் இருப்பதாக ரிஃபாவின் குடும்பத்தினர் புகார் அளித்தனர். மேலும் துபாயில் பிரேத பரிசோதனை நடத்தப்பட்டதாகக் கூறி மெஹனாஸ் தங்களை ஏமாற்றியதாகவும் ரிஃபா குடும்பத்தினர் குற்றம்சாட்டினர்.ரிஃபா பின்னர், கடந்த மே.7-ம் தேதி ரிஃபாவின் உடல் தோண்டி எடுக்கப்பட்டு, பிரேத பரிசோதனை செய்யப்பட்டது. அதில், ரிஃபாவின் கழுத்துப் பகுதியில் ஆழமான காயம் இருந்தது கண்டறியப்பட்டதாக முதற்கட்ட பரிசோதனையில் தெரியவந்திருக்கிறது. இதில் ரிஃபாவின் மரணத்தில் சந்தேகம் இருப்பதாக மெஹனாஸ் மீது வழக்கு பதிவு செய்யப்பட்டிருக்கிறது. உடற்கூறு ஆய்வின் முழு விவரம் வெளியே வரும்போது, ரிஃபாவின் மரணம் குறித்த மர்மம் விலகும் போலீஸ் தரப்பில் கூறப்படுகிறது. பணத்துக்காக முதிய தம்பதி கடத்திக் கொலை! - 5 மணி நேரத்தில் சிக்கிய கார் ஓட்டுநர் - என்ன நடந்தது?
http://dlvr.it/SQ24N3

Read More

முல்லை பெரியாறு: மத்திய கண்காணிப்புக் குழு ஆய்வு; பேபி அணையை பலப்படுத்த அனுமதி கிடைக்குமா?

முல்லை பெரியாறு அணை தேனி, மதுரை, திண்டுக்கல், சிவகங்கை மற்றும் ராமநாதபுரம் ஆகிய 5 மாவட்டங்களின் நீராதாரமாக உள்ளது. கேரள மாநிலம் இடுக்கி மாவட்டத்தில் அமைந்துள்ள இந்த முல்லை பெரியாறு அணையின் நீர்மட்டத்தை 2014-ம் ஆண்டு 142 அடியாக உயர்த்திக்கொள்ள உச்ச நீதிமன்றம் உத்தரவிட்டது. மேலும், அணையைக் கண்காணித்து பராமரிப்புக்கு மத்திய நீர்வள ஆணைய தலைமைப் பொறியாளர் தலைமையில் மூன்று பேர் கொண்ட கண்காணிப்புக் குழுவை உருவாக்கியது.‌ அதில் தமிழகம் மற்றும் கேரள மாநில பிரதிநிதிகள் உறுப்பினர்களாக இடம் பெற்றுள்ளனர்.மத்திய குழுவினர்முல்லை பெரியாறு: ``உங்கள் செல்வாக்கைப் பயன்படுத்துங்கள்!" - ஸ்டாலினுக்கு ஓபிஎஸ் அறிவுரை தற்போது மத்திய நீர்வள ஆணைய தலைமைப் பொறியாளர் குல்சன்ராஜ் தலைமையிலான இக்குழுவில் தமிழகத்தின் சார்பில் பொதுப்பணித்துறை கூடுதல் தலைமைச் செயலாளர் சந்தீப் சக்சேனா, கேரள அரசின் சார்பில் அந்த மாநில நீர்ப்பாசனத் துறை கூடுதல் தலைமைச் செயலாளர் டி.கே.ஜோஸ் ஆகிய மூன்று பேர் உறுப்பினர்களாக உள்ளனர்.‌ இந்தக் கண்காணிப்பு குழுவினர் கடைசியாக 2021-ம் ஆண்டு பிப்ரவரி 19-ம் தேதியன்று அணையில் ஆய்வு செய்தனர். இந்நிலையில் மூன்று பேர் கொண்ட கண்காணிப்புக் குழுவில், உச்ச நீதிமன்ற உத்தரவுப்படி தமிழக அரசின் சார்பில் காவிரி தொழில்நுட்பக் குழு தலைவர் ஆர்.சுப்பிரமணியம், கேரளா சார்பில் நீர்ப்பாசனத்துறை நிர்வாகத் தலைமைப் பொறியாளர் அலெக்ஸ் வர்கீஸ் ஆகிய இரு மாநில தொழில்நுட்ப வல்லுநர்களும் உறுப்பினர்களாக இடம் பெற்றுள்ளனர். இந்த ஐந்து பேர் கொண்ட கண்காணிப்புக் குழு முல்லை பெரியாறு அணையில் ஆய்வு செய்தனர். இதற்காகத் தேக்கடியில் உள்ள படகுத் துறைக்கு வந்த கண்காணிப்புக் குழுவினர் அங்கிருந்து தமிழக அரசுக்கு சொந்தமான கண்ணகி படகில் அணைக்கு பயணம் செய்தனர்.‌ கேரளப் பிரதிநிதிகள் அந்த மாநிலத்துக்குச் சொந்தமான படகில் சென்றனர். இதில் பிரதான அணை, பேபி அணை, மதகுப் பகுதி, சுரங்கப் பகுதி உள்ளிட்ட இடங்களில் ஆய்வு செய்து வருகின்றனர். மேலும், மதகுகளை இயக்கி அதன் தன்மையை சரிபார்த்தும், அணையின் பலத்தை நிரூபிக்கும் சுரங்கக் கசிவு நீரின் அளவை சரிபார்த்தனர். அதோடு தற்போது நிலவும் கோடைக்காலம் மற்றும் எதிர் வரும் தென் மேற்குப் பருவமழைக் காலங்களில் முல்லை பெரியாறு அணையில் மேற்கொள்ள வேண்டிய பராமரிப்புப் பணிகள் குறித்தும் குழுவினர் ஆய்வு செய்தனர்.படகில் சென்ற குழுவினர்முல்லை பெரியாறு விவகாரம்: புதிய அணைக்கு அச்சாரம் போடும் கேரளா; தடுப்பாரா ஸ்டாலின்? முல்லை பெரியாறு அணையில் இரு மாநில தொழில்நுட்ப வல்லுநர்களும் கண்காணிப்புக் குழுவில் இடம் பெற்ற பிறகு நடைபெறும் முதல் ஆய்வு மற்றும் 15 நாள்களுக்குப் பின் நடைபெறும் கண்காணிப்புக் குழுவின் ஆய்வு என்பதால் முக்கியத்துவம் வாய்ந்ததாகக் கருதப்படுகிறது. இதுகுறித்து பெரியாறு வைகை பாசன விவசாயிகள் சங்கம் ஒருங்கிணைப்பாளர் அன்வர் பாலசிங்கத்திடம் பேசினோம். ``பெரியாறு அணை பலமாக இருக்கிறது என்று 2006 மற்றும் 2014 ஆகிய இரண்டு ஆண்டுகளில் தெளிவான தீர்ப்பை உச்ச நீதிமன்றம் வழங்கிய பின்னரும், அதே உச்ச நீதிமன்றம் ஒரு கண்காணிப்புக் குழுவையும் அமைத்து, அவ்வப்போது அணையைப் பார்வையிட்டு கண்காணிக்க, அமைத்திருப்பதே அடிப்படைத் தவறு. உச்ச நீதிமன்றத்தால் கூடுதல் அதிகாரம் அளிக்கப்பட்ட பிறகு, முதல் முதலாக அணைப் பகுதிக்கு வருகிறது மத்திய கண்காணிப்புக் குழு. மத்திய நீர்வள ஆணையத்தின் தலைமைப் பொறியாளர் குல்ஷன் ராஜ் தலைமையில் வரும் இந்தக் குழுவில், தமிழக விவசாயிகளின் நம்பிக்கைக்கு உகந்த பொறியாளரும், காவிரி தொழில்நுட்பக் குழு தலைவருமான சுப்பிரமணியன் ஆகியோர் உள்ளனர்.அன்வர் பாலசிங்கம் அதுபோல கேரளாவின் சார்பில் கலந்துகொள்ளும் இருவரில் ஒருவரான, நீர்ப்பாசனத் துறை கூடுதல் தலைமைச் செயலாளர் டி.கே.ஜோஸ் தான், பெரியாறு பிரதான அணையிலிருந்து பேபி அணைக்குச் செல்லும் வழியில் உள்ள 15 மரங்களை வெட்டுவதற்கு உத்தரவிட்ட அமர்வின் தலைவர். அதுபோல அங்கு புதிதாக நியமிக்கப்பட்டிருக்கும் நீர்ப்பாசன நிர்வாகத் தலைமை பொறியாளர் அலெக்ஸ் வர்கீசும் உள்ளார். இந்த ஆய்வின் முடிவில் பேபி அணையை பலப்படுத்துவதற்கு இடையூறாக இருக்கும் 23 மரங்களை வெட்டுவதற்கு உத்தரவிடுவார்கள். 40 ஆண்டுக்கால பிரச்னையை முடிவுக்குக் கொண்டு வருவார்கள் என நம்புகிறோம்'' என்றார்.
http://dlvr.it/SQ24K7

Read More

`பசவராஜ் தேர்ந்தெடுக்கப்பட்ட முதல்வர் அல்ல... பணம் கொடுத்து முதல்வரானவர்' - சித்தராமையா காட்டம்

சமீபத்தில் பாஜக மூத்த எம்.எல்.ஏ பசனகவுடா பாட்டீல் யத்னால், 2,500 கோடிக்கு ஈடாக மாநில முதல்வர் பதவியை வழங்குவதாகக் கூறி சிலர் தன்னை அணுகியதாக தெரிவித்தார். இதையடுத்து, சில நாள்களுக்குப் பிறகு இந்தக் குற்றச்சாட்டு வந்துள்ளது. கர்நாடகா எதிர்க்கட்சித் தலைவர் சித்தராமையா நிகழ்ச்சி ஒன்றில் பங்கேற்றார். அதன் பிறகு இது தொடர்பாக, ``பசவராஜ் பொம்மை மக்களால் தேர்ந்தெடுக்கப்பட்ட முதல்வர் இல்லை. அவர் பணம் கொடுத்து முதல்வரானவர். அவர் பணத்துக்காக முதல்வராக நியமிக்கப்பட்டவர். அதனால்தான் அவர் மக்களுக்காக எதுவும் செய்யவில்லை. அவர் ஏன் மக்களுக்காக வேலை செய்யப்போகிறார். ஆர்எஸ்எஸ்-ன் அறிவுரைகளை பின்பற்றினால் போதும் என்பதற்காகத்தான், ஆர்எஸ்எஸ் பசவராஜ் பொம்மையை முதலமைச்சராக்கியுள்ளது.பொம்மை - மோடி இந்த அரசாங்கத்தால் நான்கு வருடங்களில் ஒரு வீடுகூட வழங்க முடியவில்லை. இவ்வாறான அரசாங்கம் தொடர வேண்டுமா... பாஜக அரசு வெட்கப்பட வேண்டும். ஐந்தாண்டுகள் முதலமைச்சராக இருந்த நான் 15 லட்சம் வீடுகளைக் கட்டிக் கொடுத்திருக்கிறேன். இந்த குற்றச்சாட்டுகள் குறித்து விசாரணை நடத்த வேண்டும் என காங்கிரஸ் வலியுறுத்தியுள்ளது’’ என்றார். ``தேசிய மொழியாக இந்தி ஒருபோதும் இல்லை, இருக்கவும் முடியாது" - கர்நாடக முன்னாள் முதல்வர் சித்தராமையா
http://dlvr.it/SQ1Vjz

Read More

ஒரே சீசனில் மூன்றாவது கோல்டன் ‘டக்’ - கிங் கோலிக்கு என்னதான் ஆச்சு? தொடரும் மோசமான ஃபார்ம்

ஹைதராபாத் அணிக்கு எதிரான போட்டியில் விராட் கோலி தான் சந்தித்த முதல் பந்திலே ஆட்டமிழந்து வெளியேறினார். நடப்பு ஐபிஎல் சீசன் இந்திய கிரிக்கெட் அணியின் முன்னாள் கேப்டன் ஆன விராட் கோலிக்கு மிகவும் மோசமான ஒன்றாக அமைந்துள்ளது. வேறு எந்த சீசனிலும் இப்படியொரு மோசமான ஃபார்மில் விராட் கோலி இருந்ததில்லை. ரன் மிஷின் என்று பெயர் எடுத்தவர் 15 ரன்கள் எடுக்கவே மிகவும் சிரமப்படுவதும் மிகவும் பரிதாபகரமான ஒன்று. முதல் போட்டியில் 29 பந்துகளில் 41 ரன்கள் எடுத்து அவர் ஆட்டமிழக்காமல் இருந்தார். இரண்டாவது போட்டியில் 7 பந்துகளில் 12 ரன்கள் எடுத்த அவர், மூன்றாவது போட்டியில் 6 பந்துகளில் வெறும் 5 ரன்களில் நடையைக் கட்டினார். நான்காவது போட்டியில் 36 பந்துகளில் 48 ரன்கள் எடுத்து நம்பிக்கை அளித்த அவர், ஐந்தாவது போட்டியில் 1 (3), ஆறாவது போட்டியில் 12(14) ரன்கள் எடுத்து சொதப்பியதோடு அடுத்த இரண்டு போட்டியில் கோல்டன் டக் ஆனார். ஒன்பதாவது போட்டியில் 10 பந்துகளில் 9 ரன்கள் மட்டுமே எடுத்து ஏமாற்றிய விராட் கோலி அடுத்த போட்டியில் மிகவும் நிதானமாக விளையாடி 53 பந்துகளில் 58 ரன்கள் எடுத்தார். இந்த அரை சதத்தின் மூலம் விராட் கோலி மீண்டு வந்துவிட்டதாக ரசிகர்கள் சற்றே கொண்டாட்ட மனநிலையில் இருந்தனர். சென்னை அணிக்கு எதிரான போட்டியில் 33 பந்துகளில் 30 ரன்கள் எடுத்தார். ஹைதராபாத் அணிக்கு எதிராக மும்பை வான்கடே மைதானத்தில் நடைபெற்றுவரும் இன்றைய போட்டியிலும் தான் சந்தித்த முதல் பந்திலேயே ஆட்டமிழந்து அதிர்ச்சி அளித்தார். நடப்பு ஐபிஎல் சீசனின் விராட் கோலியின் மூன்றாவது கோல்டன் டக் ஆகும். ஹைதராபாத் அணிக்கு எதிராக இரண்டாவது முறையாக கோல்டன் டக் ஆகியுள்ளார். 8 முறை 13 ரன்களுக்குள் ஆட்டமிழந்துள்ளார். இதனால், விராட் கோலியின் பார்ம் பெங்களூரு ரசிகர்களுக்கு கவலை அளிக்கும் வகையில் உள்ளது. 41*(29)12(7)5(6)48(36)1(3)12(14)0(1)0(1)9(10)58(53)30(33)0(1) ஐபிஎல் தொடரில் இன்று இரண்டு போட்டிகள் நடைபெறவுள்ளன. தற்போது நடைபெற்று வரும் முதல் போட்டியில் பெங்களூர் மற்றும் ஹைதராபாத் அணிகள் யாடி வருகின்றன. இரவு 7.30 மணியளவில் நடைபெறும் மற்றொரு போட்டியில் சென்னை மற்றும் டெல்லி அணிகள் மோது கின்றன. ஹைதராபாத் அணிக்கு எதிராக மும்பை வான்கடே மைதானத்தில் நடைபெற்றுவரும் போட்டியில் டாஸ் வென்ற பெங்களூர் அணி கேப்டன் டூப்ளசிஸ் முதலில் பேட்டிங் செய்வதாக தீர்மானித்தார். அதன்படி, பெங்களூர் அணியில் விராட் கோலி, டூப்ளசிஸ் இருவரும் தொடக்கவீரர்களாக களமிறங்கினர். விராட் கோலி தான் சந்தித்த முதல் பந்திலேயே அதாவது ஆட்டத்தின் முதல் பந்திலேயே ஆட்டமிழந்தார். விராட் கோலி ஆட்டமிழந்த போதும் கேப்டன் டூப் பிளசிஸ் மற்றும் பட்டிதார் இருவரும் நிதானமாகவும் அதிரடியாகவும் விளையாடி ரன்களை குவித்து வருகின்றனர். 17 ஓவர்கள் முடிவில் அந்த அணி இரண்டு விக்கெட் இழப்பிற்கு 147 ரன்கள் குவித்துள்ளது. பட்டிதார் 38 பந்துகளில் 48 ரன்கள் எடுத்து ஆட்டமிழந்தார். டூப் பிளசிஸ் 65 ரன்கள் எடுத்து விளையாடி வருகிறார். இன்றைய ஐபிஎல் போட்டியில் பெங்களூரு அணி வீரர்கள் பச்சை வண்ண ஜெர்சியில் களமிறங்கியுள்ளனர். பசுமை திட்டத்தை முன்னெடுக்கும் வகையில், பெங்களூரு அணி நிர்வாகம் பச்சை வண்ண ஜெர்சியை அணி வீரர்களுக்கு வழங்கியுள்ளது. கடந்த 2011 ஆம் ஆண்டு முதல் ஏதேனும் ஒரு போட்டியின்போது பெங்களூரு அணி வீரர்கள் ஒருநாள் பச்சை வண்ண ஜெர்சி அணிந்து விளையாடினர். விராட் கோலி மூன்றாவது முறை கோல்டன் டக் ஆகியுள்ளதை நெட்டிசன்கள் கே.ஜி.எஃப் டயலக் உடன் இணைத்து கலாய்த்து வருகிறார்கள். அதாவது, கே.ஜி.எஃப்ல் வயலன்ஸ், வயலன்ஸ் என வருவதை கோல்டன் டக், கோல்டன் டக் என மாற்றி பதிவிட்டு வருகிறார்கள். 
http://dlvr.it/SPzHR8

Read More

டெல்லி அணியில் மீண்டும் ஒரு வீரருக்கு கொரோனா? சென்னையுடனான போட்டி நடைபெறுமா?

மீண்டும் டெல்லி அணியின் வலைப் பந்துவீச்சாளர் ஒருவருக்கு கொரோனா உறுதியானதால், அணியின் அனைத்து உறுப்பினர்களும் தனிமைப்படுத்தப்பட்டுள்ளதாக தகவல் வெளியாகி உள்ளது. டெல்லி அணியில் மீண்டும் வலைப் பந்துவீச்சாளர் ஒருவருக்கு கொரோனா உறுதியானதால், அணியின் அனைத்து உறுப்பினர்களும் தனிமைப்படுத்தப்பட்டுள்ளதாக தகவல் வெளியாகி உள்ளது. இன்று இரவு 7.30 மணிக்கு சென்னை அணியுடன் டெல்லி அணி மோத இருந்த நிலையில், கொரோனா மீண்டும் தலைதூக்கியதையடுத்து, போட்டி திட்டமிட்டபடி நடைபெறுமா என்ற கேள்வி எழுந்துள்ளது. சென்னை அணியுடனான போட்டி துவங்குவதற்கு சில மணிநேரங்களுக்கு முன்பு டெல்லி கேபிட்டல்ஸ் வலைப் பந்துவீச்சாளர் ஒருவருக்கு கொரோனா உறுதியானதாக தகவல் வெளியாகி உள்ளது. IPL 2022 சீசனில் டெல்லி அணி தனிமைப்படுத்தப்படுவது இது இரண்டாவது முறையாகும். சீசனின் தொடக்கத்தில், பிசியோ பேட்ரிக் ஃபார்ஹார்ட், ஆல்-ரவுண்டர் மிட்செல் மார்ஷ், கீப்பர்-பேட்டர் டிம் சீஃபர்ட் மற்றும் பிளேயிங் லெவனில் பங்கேற்காத மூன்று உறுப்பினர்கள் உட்பட அணியின் ஆறு உறுப்பினர்களுக்கு கொரோனா தொற்று உறுதியானது குறிப்பிடத்தக்கது.
http://dlvr.it/SPzHCM

Read More

சட்டசபை வாசலில் பறக்கவிடப்பட்ட காலிஸ்தான் கொடிகள்- இமாச்சலப் பிரதேசத்தில் பரபரப்பு

இமாச்சலப் பிரதேசத்தின் தர்மசாலாவில் உள்ள சட்டப்பேரவை வளாக வாயிலில் காலிஸ்தான் கொடிகள் கட்டப்பட்ட செயலுக்கு அம்மாநில முதல்வர் ஜெய்ராம் தாக்கூர் கடும் கண்டனம் தெரிவித்துள்ளார். தரம்சாலாவில் உள்ள இமாச்சலப் பிரதேச சட்டசபையின் பிரதான வாயிற்கதவுகள் மற்றும் சுற்றுச்சுவரில் மர்ம நபர்கள் காலிஸ்தான் கொடிகளை கட்டியுள்ளனர். பாதுகாப்பு நிறைந்த அப்பகுதியில் காலிஸ்தான் கொடிகள் கட்டப்பட்டதால் பெரும் பரபரப்பு ஏற்பட்டுள்ளது. நேற்று நள்ளிரவு அல்லது இன்று அதிகாலையில் இந்த சம்பவம் நடந்திருக்கலாம் என கூறப்படுகிறது. காலிஸ்தான் கொடிகளைப் பார்த்ததும் அதிர்ச்சி அடைந்த காவல்துறை அதிகாரிகள் உடனடியாக அவற்றை அப்புறப்படுத்தினர். இது பஞ்சாப் மாநிலத்தில் இருந்து வந்திருந்த சில சுற்றுலாப் பயணிகளின் செயலாக இருக்கலாம் என்றும், இதுதொடர்பாக வழக்குப் பதிவு செய்து விசாரணை நடத்த உள்ளதாகவும் காவல் கண்காணிப்பாளர் குஷால் சர்மா தெரிவித்துள்ளார். இது குறித்து அம்மாநில முதல்வர் ஜெய்ராம் தாக்கூர் தனது ட்விட்டர் பக்கத்தில், "இந்தக் கோழைத்தனமான செயலை நான் வன்மையாகக் கண்டிக்கிறேன். கோழைகள் இரவோடு இரவாக தர்மசாலாவில் உள்ள சட்டப்பேரவை வளாகத்தில் காலிஸ்தான் கொடியை கட்டிச் சென்றுள்ளனர். இங்கு குளிர்கால கூட்டத்தொடர் மட்டுமே நடைபெறுகிறது. இச்சம்பவம் மூலம் இப்பகுதியில் கூடுதல் பாதுகாப்பு போடப்பட வேண்டும் என்பது உறுதியாகியுள்ளது.  இந்தச் சம்பவம் குறித்து விரிவான விசாரணை நடத்தப்படும். குற்றவாளிகளுக்கு தகுந்த தண்டனை வழங்கப்படும்" என்று பதிவிட்டுள்ளார்.காலிஸ்தான் இயக்கம் என்பது சீக்கிய மதத்தைச் சேர்ந்த தேசியத்தை வலியுறுத்தும் ஒரு அமைப்பு.  சீக்கியர்கள் அதிகமாக வாழும் பஞ்சாப் மாநிலத்தையும் மற்றும் பாகிஸ்தானில் சீக்கியர்கள் அதிகமாக வசித்த ஒரு பகுதியையும் இணைத்து சீக்கியர்களுக்கென தனி நாடு அமைக்க வேண்டும் என்பதே இந்த அமைப்பின் முக்கிய நோக்கமாகும்.இதையும் படிக்கலாம்: இந்திய எல்லைக்குள் நுழைந்த பாகிஸ்தான் ட்ரோன் - விரட்டியடித்த பிஎஸ்எஃப் வீரர்கள்
http://dlvr.it/SPzGzl

Read More