ஜெயலலிதா சமாதியில் பிரமாண்ட நினைவிடம்

மறைந்த முதல்வர் ஜெயலலிதாவின் சமாதியில் பிரமாண்ட நினைவிடம் அமைக்கப்படும் என்று அதிமுக பொதுச் செயலர் வி.கே.சசிகலா அறிவித்தார்.

காஞ்சிபுரம் மாவட்டம் கூவத்தூரில் அதிமுக எம்.எல்.ஏ.க்களை மூன்றாவது நாளாக திங்கள்கிழமையும் சந்தித்துப் பேசினார். அப்போது, அவர் பேசியது:- 

எம்எல்ஏக்கள் முகத்தில் மகிழ்ச்சி தெரிகிறது. அது தொலைக்காட்சியிலும் வருகிறது. எம்எல்ஏக்கள் அடைத்து வைக்கப்பட்டிருப்பதாக முதல்வர் கூறுகிறார்.

ஒரு ஆளை வைத்து, பெண் எம்எல்ஏவின் பெயரைக் குறிப்பிட்டு அவரைக் காணவில்லை எனவும், நீதிமன்றத்தில் அவரை நிறுத்த வேண்டும் எனவும் வழக்குப் போட வைக்கிறார்.
தவறான காரியத்தைச் செய்து கொண்டிருக்கிறோம் எனச் சொல்கிறார். பொறுப்புள்ள இடத்தில் இருப்பவர் எப்படி நடந்து கொள்ள வேண்டும்.

தகுதியில்லாத முதல்வர்: தமிழகத்தின் முதல்வராக வேண்டும் என்பதற்காக ஊர் முழுவதும் ஆள்களை வைத்து மிரட்டினீர்கள் என்றால் எப்படி நியாயம்? முதல்வர் பதவிக்கே தகுதியில்லாமல் இருந்தால் எப்படி?

ஆட்சி அமைப்போம்: சட்டம்-ஒழுங்கைக் காக்க வேண்டியவர்களே, ஆட்களை அனுப்பி மிரட்டினால் எப்படி. இது ரொம்ப மோசமான விஷயம். கூவத்தூர் போகும்போது மகிழ்ச்சியாகப் போகப் போகிறோம். நல்லபடியாக ஆட்சி அமைபோம்.

தர்மம் தலைகாக்கும்: அதிமுக ஆட்சிப் பொறுப்பேற்கும்போது யாரும் பசியோடு என்று இருக்கக் கூடாது என்ற எண்ணத்தில் இருந்தது. பசிதீர்த்த தலைவர்களின் வழியில் வந்திருக்கிறோம். பசி தீர்க்கப்பட்டவர்களின் வாழ்த்துகள் என்றைக்கும் நமக்கு உண்டு. அப்படிச் செய்த நமக்கு தர்மம் தலைகாக்குமா, காக்காதா?

மக்களுக்கு நாம் எப்போதும் நல்லவற்றைச் வேண்டும். நல்லது செய்வதை எல்லோரும் பார்க்கத்தான் போகிறார்கள். உயிர் உள்ளவரை ஒற்றுமையாக இருந்து கட்சியைக் காப்பாற்றுவோம்.

சமாதியில் நினைவிடம்: ஜெயலலிதாவின் சமாதியானது, இப்படி ஒன்று இருக்கிறதா என அனைவரும் வியக்கும் வகையில் அங்கு ஒரு பிரமாண்ட நினைவிடம் அமைக்கப்படும். எம்ஜிஆர் 100-வது ஆண்டு நினைவாக ராமாவரம் தோட்டத்தில் அவரது பிறந்த தின நூற்றாண்டு வளைவு ஒன்று அமைக்கப்படும் என்றார் வி.கே.சசிகலா.
கூவத்தூரில் தங்கினார் சசிகலா

கல்பாக்கத்தை அடுத்த கூவத்தூரில் அதிமுக சட்டப் பேரவை உறுப்பினர்கள் தங்க வைக்கப்பட்டுள்ள நட்சத்திர விடுதியில் அக்கட்சியின் பொதுச் செயலர் வி.கே.சசிகலா திங்கள்கிழமை (பிப்.13) இரவு தங்கினார்.

அதிமுக எம்எல்ஏ-க்கள் தங்கவைக்கப்பட்டுள்ள நட்சத்திர விடுதியை கிராம மக்கள் மற்றும் செய்தியாளர்கள் 3-ஆவது நாளாக திங்கள்கிழமை ஆர்வத்துடன் சுற்றிச்சுற்றி வருகின்றனர்.
உணவில் ஒவ்வாமை? உணவு ஒவ்வாமை காரணமாக அதிமுக சட்டப் பேரவை உறுப்பினர்களில் 4 பேர் பாதிக்கப்பட்டனர். இதையடுத்து மருத்துவக் குழுவினர் ஆம்புலன்ஸ்களில் வந்து சிகிச்சை அளித்துச் சென்றதாகத் தெரியவந்துள்ளது.

-- நன்றி தினமணி

Read More

'ஜெ., கால்களை அகற்றவில்லை' லண்டன் டாக்டர் ரிச்சர்ட் பீலே விளக்கம்

சென்னை:''அப்பல்லோ மருத்துவமனையில், ஜெயலலிதா சிகிச்சை பெற்ற போது, அவரது உடலில் இருந்து, எந்த உறுப்பையும் அகற்றவில்லை,'' என, டாக்டர் ரிச்சர்ட் ஜான் பீலே தெரிவித்தார்.

முன்னாள் முதல்வர் ஜெயலலிதா மரணம் தொடர்பாக, பல்வேறு சந்தேகங்கள் எழுப்பப் பட்டன. அதனால், ஜெ.,க்கு அளிக்கப்பட்ட சிகிச்சைகள் குறித்து, சென்னை, நுங்கம் பாக்கம், தனியார் ஓட்டலில், லண்டன் டாக்டர் ரிச்சர்ட் ஜான் பீலே, நேற்று விளக்கம் அளித்தார். அப்போது, அவர் கூறியதாவது:

நோய் தொற்று காரணமாக, சென்னை, அப்பல்லோ மருத்துவமனையில், ஜெயலலிதா அனுமதிக்கப்பட்டார். அவருக்கு ஏற்கனவே, சர்க்கரை நோய், ரத்த கொதிப்பு, மூச்சுத் திணறல் இருந்தது. முதல் கட்டமாக, அவரின் உடலை சமநிலைப்படுத்தி, சகஜ நிலைக்கு கொண்டு வர தேவையான சிகிச்சைகள் தரப்பட்டன.

தொடர் பரிசோதனையில் அவருக்கு, 'செப்சிஸ்' என்ற, ரத்தத்தில் பாக்டீரியா தொற்று பாதிப்பு இருப்பது கண்டறியப்பட்டது. சிறுநீரகத்திலும் தொற்று பாதித்திருந்தது. அவை, உடலில் இருந்த மற்ற உறுப்புகளை பாதித்தன. அப்பல்லோ மருத்துவமனையில், சர்வதேச தர மருத்துவ வசதி உள்ளதால், ஜெயலலிதாவை, மேல் சிகிச்சைக்காக, வெளிநாட்டிற்கு அழைத்து செல்லவில்லை.

தொடர் சிகிச்சையால், ஜெ., உடலில் நல்ல முன்னேற்றம் ஏற்பட்டது. தன்னை சுற்றி நடக் கும் நிகழ்வுகளை அறிந்தார். பிடித்த உணவு வகைகளை விரும்பி சாப்பிட்டார். அறையில், சிறிது துாரம் நடைபயிற்சி செய்தார். என்னிடம், உணவு, 'டிவி' நிகழ்ச்சிகள், குடும்பம் உள்ளிட் டவை குறித்து கலந்துரையாடினார்.

தீவிர சிகிச்சை பிரிவில் உள்ள நோயாளி அறையில், கண்காணிப்பு கேமரா வைக்கக் கூடாது; 

புகைப்படமும் எடுக்கக் கூடாது. எனவே, அவர் சிகிச்சை பெற்ற புகைப்படங் களை வெளியிட வேண்டிய அவசியம் இல்லை. ஜெ.,க்கு அளிக்கப்பட்ட சிகிச்சைகள் குறித்து, சசிகலா மற்றும் அரசு உயர் அதிகாரிகளுக்கு தெரிவித்தேன்.

லண்டனில் இருந்தாலும், சிகிச்சை முறைகள் குறித்து ஆலோசனை தெரிவித்தேன். யாரும் எதிர்பாராத வகையில், அவருக்கு திடீரென மாரடைப்பு ஏற்பட்டது. உடனே, 'எம்கோ' கருவி பொருத்தி, சிகிச்சை அளிக்கப்பட்டது. ஆனால், சிகிச்சை பலனின்றி, அவர் மரணமடைந்தார். ஜெ., உடலில் இருந்து, எந்த உறுப்புகளும்அகற்றப்பட வில்லை.இவ்வாறு அவர் கூறினார்.


சிகிச்சை செலவு ரூ.5.5 கோடி


'ஜெயலலிதாவுக்கான சிகிச்சை செலவு எவ்வளவு; யார் செலுத்தியது' என, நிருபர்கள் கேள்வி எழுப்பி னர். அதற்கு பதில் அளித்த, சென்னை மருத்துவக் கல்லுாரி டாக்டர் பாலாஜி, ''சிகிச்சைக்கு, 5.50 கோடி ரூபாய் செலவானதாக, அப்பல்லோ நிர்வாகம் தெரிவித்தது.குடும்பத்தினரிடம், 'பில்' அளிக்கப் பட்டதாக டாக்டர்கள் கூறினர்,'' என்றார். எந்த குடும்பம் என, கேட்டதற்கு, பதில் கூற மறுத்து விட்டார்.


'உடல் பதப்படுத்தப்பட்டது'


சென்னை மருத்துவக் கல்லுாரி பேராசிரியை, சுதா சேஷய்யன் கூறியதாவது:முக்கிய பிரமுகர்கள் மறைவுக்கு, அஞ்சலி செலுத்த மக்கள் வருவர். அவர்களின், உடல் பாதிக்கக் கூடாது என்பதற்காக, பதப்படுத்துவது வழக்கம். ஜெ., மறைவு குறித்த தகவலை, சுகாதாரத்துறை அமைச்சரும், செயலரும், என்னிடம் தெரிவித்தனர்.

உடனே, என் தலைமையிலான, அரசு பொது மருத் துவமனை டாக்டர்கள், அப்பல்லோ சென்றனர். ஜெயலலிதாவின் உடலை பதப்படுத்தும் பணி, அன்றிரவு, 12:20 மணிக்கு துவங்கியது. அதற்காக, அவரின் உடலில், 5.50 லிட்டர் திரவம் செலுத்தப்பட்டது.

முதலில், இடது கால் வழியாக, திரவம் அனுப்பப் பட்டது; பின், மற்ற பகுதிகளின் மூலம் செலுத்தப் பட்டது. பணிகள், 20 நிமிடங்கள் நடந்தன. சிகிச்சைக் காக, நீண்ட நாட்கள் படுக்கையில் இருக்கும் போது,

உடலில் புள்ளிகள் ஏற்படும். அதன்படியே, ஜெயல லிதாவின் முகத்தில் புள்ளிகள் இருந்தன. அவரின் உடலில் எந்த ஓட்டைகளும் இல்லை. ஓட்டை இருந்தால், திரவம் வெளிவந்திருக்கும்.இவ்வாறு அவர் கூறினார்.


'அரசு வலியுறுத்தலால் விளக்கம்'


'ஜெயலலிதா மறைந்து, இரு மாதங்களுக்கு மேலாகிறது; இப்போது ஏன் விளக்கம் அளிக்கி றீர்கள்' என, நிருபர்கள் கேட்டனர். அதற்கு பதில் அளித்த டாக்டர் பாலாஜி, ''ரிச்சர்ட், வேறொரு நிகழ்ச்சியில் பங்கேற்க, சென்னை வந்துள்ளார். அந்த வாய்ப்பை பயன்படுத்தி, ஜெ., மறைவு குறித்த வதந்தி களுக்கு முற்றுப்புள்ளி வைக்க, அவர் மூலம் விளக்கம் அளிக்க ஏற்பாடு செய்யப்பட்டது,'' என்றார்.

அதை கவனிக்காத ரிச்சர்ட், ''ஜெயலலிதாவுக்கு அளிக்கப்பட்ட சிகிச்சைகள் குறித்து விளக்கம் அளிக்கும்படி, என்னை அரசு வலியுறுத்தியது; அதற்காக விளக்கம் அளிக்கிறேன்,'' என்றார். இவ்வாறு, பல கேள்விகளுக்கு, டாக்டர்கள் முரண்பட்ட தகவலை அளித்தனர். புரியும்படி பேச முயன்ற டாக்டர்களை, ரிச்சர்ட் தடுத்த படியே இருந்தார்.


'கவர்னர் பார்த்தார்'


டாக்டர் பாலாஜி கூறுகையில், ''கவர்னர் வித்யாசாகர் ராவ், அப்பல்லோ மருத்துவ மனைக்கு, முதலில் வந்த போது, அவரிடம், ஜெ.,க்கான சிகிச்சைகள் குறித்து விளக்கமாக கூறப்பட்டது. இரண்டாவது முறை வந்த போது, தீவிர சிகிச்சை பிரிவில் இருந்த ஜெயலலி தாவை, அந்த அறையின் கண்ணாடி வழியாக, கவர்னர் பார்த்தார்,'' என்றார்.


ஒரே முறை கைரேகை


''சிகிச்சையின் போது, சுயநினைவுடன் இருந்த ஜெயலலிதா, என் முன்னிலையில் தான், இடைத்தேர்தல் தொடர்பான படிவத்தில், கைரேகை வைத்தார்,'' என, டாக்டர் பாலாஜி கூறினார். பின், அவரிடம், 'வேறு ஏதேனும் ஆவணங்களில் ஜெயலலிதா, கைரேகை வைத்தாரா' என்ற, கேள்விக்கு, ''அந்த ரேகை மட்டும் என் முன்னிலையில் வைக்கப்பட்டது; மற்றவை பற்றி, அப்பல்லோ டாக்டர் பாபுவிடம் கேளுங்கள்,'' என்றார்.டாக்டர் பாபுவோ, ''அப்படி ஏதும் நடக்கவில்லை,'' என்றார்.

Read More

தமிழகத்தின் புதிய முதல்வராக ஒ.பன்னீர்செல்வம் பதவியேற்றார்

சென்னை : முதல்வராக இருந்த ஜெயலலிதா காலமானதைத் தொடர்ந்து புதிய முதல்வராக ஒ.பன்னீர்செல்வம் தமிழக முதல்வராக பதவியேற்றார். அவருக்கு கவர்னர் (பொறுப்பு) வித்யாசாகர் ராவ் பதவி பிரமாணம் செய்து வைத்தார்.

தமிழக முதல்வராக இருந்த ஜெயலலிதா உடல்நலக் குறைவால் 75 நாட்களாக சென்னை அப்பல்லோ மருத்துவமனையில் சிகிச்சை பெற்று வந்தார். திங்கள்கிழமை நள்ளிரவு 11.30 மணியளவில் ஜெயலலிதா காலமானதாக அப்பல்லோ மருத்துவமனை அதிகாரப்பூர்வமாக அறிவித்தது.

இந்த அறிவிப்பு வெளியாவதற்கு சற்று முன்னதாக நடைபெற்ற அ.தி.மு.க எம்.எல்.ஏ.க்கள் கூட்டத்தில் அ.தி.மு.க சட்டசபை கட்சித் தலைவராக நிதி அமைச்சர் ஒ.பன்னீர்செல்வம் தேர்ந்தெடுக்கப்பட்டார். இதைத் தொடர்ந்து, கவர்னர் மாளிகையில் நடந்த நிகழ்ச்சியில், தமிழகத்தின் புதிய முதல்வராக ஒ.பன்னீர்செல்வம் பதவியேற்றார். அவருக்கு தமிழக பொறுப்பு கவர்னர் வித்யாசாகர் ராவ் பதவிபிரமாணம் செய்து வைத்தார். அவரை தொடர்ந்து 31 அமைச்சர்களும் பதவியேற்றுக்கொண்டனர்.

English Summary: Was sworn in as the new Chief Minister of Tamil Nadu O.Panneer Selvam.Tamil Nadu Chief Minister Jayalalitha kalamanatait opannircelvam sworn in as the new chief minister. He was governor (responsible) Vidyasagar Rao was sworn. Tamil Nadu Chief Minister Jayalalitha, the 75 days of illness, was being treated at the Apollo Hospital in Chennai. She died at around 11.30 midnight on Monday officially announced the Apollo Hospital.

Read More

முதல்வர் ஜெயலலிதா காலமானார் - கண்ணீர் கடலில் மிதக்கும் தொண்டர்கள் - பொதுமக்கள்

சென்னை : சென்னை, அப்பல்லோ மருத்துவமனையில் கடந்த 75 நாட்களாக சிகிச்சை பெற்று வந்த முதல்வர் ஜெயலலிதா சிகிச்சை பலனின்றி நேற்று இரவு 11.30 மணியளவில் காலமானார். இத்தகவல் நள்ளிரவு 12.15 மணிக்கு அதிகாரப்பூர்வமாக அறிவிக்கப்பட்டது. முதல்வரின் மரணச் செய்தியால் தமிழக மக்களும், அவரது கட்சித் தொண்டர்களும் கண்ணீர் கடலில் மூழ்கினர். அ.தி.மு.க. தொண்டர்கள் அப்பல்லோ மருத்துவமனை முன்பு கதறி அழுதது நெஞ்சை உருக்குவதாக இருந்தது. முதல்வர் ஜெயலலிதாவின் உடல் பொதுமக்கள் அஞ்சலிக்காக சென்னை ராஜாஜி ஹாலில் பார்வைக்கு வைக்கப்படுகிறது. முதல்வரின் மரணத்தை அடுத்து தமிழகம் முழுவதும் பள்ளி, கல்லூரிகளுக்கு 3 நாட்கள் விடுமுறை அளிக்கப்பட்டுள்ளது. முதல்வர் ஜெயலலிதா மறைவுக்கு ஜனாதிபதி பிரணாப் முகர்ஜி, பிரதமர் மோடி உள்ளிட்ட தலைவர்கள் இரங்கல் தெரிவித்துள்ளனர்.

உடல் நலக்குறைவு

முதல்வர்  ஜெயலலிதா காய்ச்சல் மற்றும் நீர் சத்து குறைபாடு காரணமாக கடந்த  செப்டம்பர் மாதம் 22-ம் தேதியன்று சென்னை கிரீம்ஸ் சாலையில் உள்ள அப்பல்லோ மருத்துவமனையில்  சிகிச்சைக்காக அனுமதிக்கப்பட்டார். அவருக்கு அப்பல்லோ மருத்துவமனையின் அக சுரப்பியல், சர்க்கரை நோய் மருத்துவ நிபுணர், இதய சிகிச்சை நிபுணர்,  சுவாச சிகிச்சை நிபுணர், தீவிரசிகிச்சை மருத்துவ நிபுணர் ஆகியோரைக் கொண்ட மருத்துவக்குழு சிகிச்சை அளித்தது. அந்த குழுவினரின் தீவிர கண்காணிப்பில் அளிக்கப்பட்ட சிகிச்சையில் முதல்வர் ஜெயலலிதா உடல் நிலையில் நல்ல முன்னேற்றம் ஏற்பட்டது. இந்த நிலையில் லண்டனில் உள்ள சர்வதேச மருத்துவ நிபுணர் ரிச்சர்ட் பீலே அப்பல்லோ மருத்துவமனைக்கு வந்து முதல்வருக்கு சிகிச்சை அளிக்கும் அப்பல்லோ மருத்துவக்குழுவுடன் ஆலோசனை நடத்தினார். அவருடன் நடத்திய ஆலோசனைப்படி தொடர் மருத்துவ சிகிச்சை அளிக்கப்பட்டது.

எய்ம்ஸ் மருத்துவக்குழு

முதல்வர் ஜெயலலிதாவிற்கு அளிக்கப்படும் சிகிச்சை முறை குறித்து அறிய நாட்டின் முதன்மை மருத்துவ கல்வி அமைப்பான டெல்லி எய்ம்ஸ் மருத்துவமனையில் இருந்து ஒரு மருத்துவக்குழு சென்னை வந்தது. அந்த குழுவில் இடம் பெற்றிருந்த நாட்டின் தலை சிறந்த மருத்துவ நிபுணர்கள் முதல்வருக்கு சிகிச்சை அளிக்கும் அப்பல்லோ மருத்துவக்குழுவிடம் சிகிச்சை விவரங்களை கேட்டறிந்தனர். முதல்வர் ஜெயலலிதா உடல் நிலை தொடர்ந்து முன்னேற்றம் அடைந்த நிலையில், அவரை காண சில வாரங்களுக்கு முன் மாநில கவர்னர் வித்யாசாகர் ராவ் அப்பல்லோ வந்து முதல்வரின் சிகிச்சை வார்டுக்கு சென்று அவரது உடல் நிலை குறித்து கேட்டார். பின்னர் அவர் வெளியிட்ட அறிக்கையில் முதல்வர் ஜெயலலிதா உடல் நிலை நல்ல முன்னேற்றம் அடைந்து வருவதாக தெரிவித்தார்.

தலைவர்கள் விசாரித்தனர்

முதல்வரை சந்திக்க தமிழகத்தின் முக்கிய தலைவர்களும்  மருத்துவமனைக்கு வந்தனர். டெல்லியில் இருந்து பா.ஜ.க தலைவர்கள் அமித் ஷா, வெங்கய்யா நாயுடு மற்றும் காங்கிரஸ் துணை தலைவர் ராகுல் காந்தி ஆகியோரும் சென்னை வந்து முதல்வரின் உடல் நலம் குறித்து விசாரித்து விட்டு சென்றனர். முதல்வர் ஜெயலலிதா பூரண நலம் பெற வேண்டி பொது மக்களும் , கட்சித்தொண்டர்களும் கடந்த இரு மாதமாக தொடர்ந்து பிரார்த்தனை செய்தனர்.

திடீர் மாரடைப்பு

முதல்வர் ஜெயலலிதா உடல் நிலை நல்ல முன்னேற்றம் அடைந்த நிலையில் அவர்  தீவிரசிகிச்சை பிரிவில் இருந்து தனி வார்டுக்கு மாற்றப்பட்டார். அங்கு அவருக்கு பிசியோ தெரபி சிகிச் சை அளிக்கப்பட்டது. இந்த நிலையில்தான் நேற்று முன்தினம் மாலையில் அப்பல்லோ மருத்துவமனை ஒரு அறிக்கை வெளியிட்டது. அந்த அறிக்கையில், முதல்வர் ஜெயலலிதாவுக்கு சுகவீனம் ஏற்பட்டுள்ளது. அவருக்கு திடீரென்று மாரடைப்பு ஏற்பட்டது. எனவே அவருக்கு இதய மருத்துவ நிபுணரும், சுவாசவியல் மருத்துவ நிபுணரும் சிகிச்சை அளிக்கிறார்கள் என்று அப்பல்லோ மருத்துவமனை தெரிவித்திருந்தது.

கவர்னர் வருகை

மேலும் முதல்வருக்கு இதய துடிப்பை சீராக்கும் கருவியுடன் சிகிச்சை அளிக்கப்பட்டது. முதல்வரின் உடல் நிலை குறித்து மும்பையில் இருந்த தமிழக பொறுப்பு கவர்னர் வித்யாசாகர் ராவுக்கு தெரிவிக்கப்பட்டது. இதனையடுத்து அவர் தனி விமானம் மூலம், உடனடியாக சென்னை புறப்பட்டு நேற்று முன்தினம் இரவு 10.50 மணியளவில் வந்தார். நள்ளிரவு 12 மணிக்கு அவர் அப்பல்லோ மருத்துவமனை சென்றார். முன்னதாக முதல்வர் ஜெயலலிதா உடல் நலம் தேற வேண்டும் என்பதற்காக, ஜனாதிபதி பிரணாப் முகர்ஜி, மத்திய அமைச்சர்கள்  வெங்கய்யா நாயுடு, நிர்மலா சீதாராமன்,  காங்கிரஸ் துணை தலைவர் ராகுல் காந்தி ஆகியோர் உள்பட பலரும் பிரார்த்தனை செய்தனர்.

தொண்டர்கள் குவிந்தனர்

மேற்கு வங்க மாநில முதல்வர் மம்தா பானர்ஜியும் முதல்வர்  ஜெயலலிதாவுக்காக பிரார்த்தனை செய்தார். முதல்வரின் உடல் நலம் குறித்து பிரதமர் மோடி மத்திய அமைச்சர்கள் ராஜ் நாத்  சிங், ஜே.பி. நட்டா ஆகியோர் கேட்டறிந்தனர். இதனிடையே அப்பல்லோ மருத்துவமனையில்  அ.தி.மு.க தொண்டர்களும், பொது மக்களும் திரளாக குவிந்தனர். அவர்கள் கவலை தோய்ந்த முகத்துடன் காணப்பட்டனர். அப்பல்லோ மருத்துவமனை முன்பாக மக்கள் குவிந்ததால், போலீசார் குவிக்கப்பட்டனர். இரவு முழுவதும் தொண்டர்கள் கவலையுடன் மருத்துவமனையிலேயே நின்று  பிரார்த்தனை செய்தபடி இருந்தனர்.

உடல்நிலை கவலைக்கிடம்

இந்நிலையில், நேற்று காலை அப்பல்லோ மருத்துவமனையில் இருந்து மீண்டும் ஒரு அறிக்கை வெளியிடப்பட்டது. அந்த அறிக்கையில், முதல்வர் ஜெயலலிதாவின் உடல்நிலை கவலைகிடமாக இருப்பதாகவும், அவருக்கு எக்மோ கருவி மூலம் சிகிச்சை அளிக்கப்படுவதாகவும், மருத்துவ நிபுணர்கள் தொடர்ந்து அவரை உன்னிப்பாக கண்காணித்து வருவதாகவும், கூறப்பட்டிருந்தது.

'எக்மோ' மூலம் சிகிச்சை

மாரடைப்பு ஏற்பட்ட நோயாளிகளுக்கு பயன்படுத்தப்படும் உயிர்காக்கும் கருவியே எக்மோ. வழக்கமாக மாரடைப்பு ஏற்பட்டால் இதயத்தை இயங்கச்செய்ய செயற்கை சுவாச உதவியுடன் மார்பை அமுக்கி இயங்க வைக்க முயற்சிகள் மேற்கொள்ளப்படும். இந்த மரபு மருத்துவ சிகிச்சைக்கு பலன் இல்லையெனில் எக்மோ உயிர்காக்கும் கருவி பயனளிக்கும். இந்த கருவி மூலம் முதல்வருக்கு சிகிச்சை அளிக்கப்பட்டது. பின்னர் லண்டனில் இருந்து வந்த டாக்டர் ரிச்சர்ட் பீலே ஒரு அறிக்கை வெளியிட்டார். அதில் சர்வதேச தரத்தில் முதல்வருக்கு தொடர்ந்து சிகிச்சை அளிக்கப்படுவதாக அவர் கூறியிருந்தார். மேலும், முதல்வர் ஜெயலலிதாவின் உடல்நிலை மிக மோசமாக இருப்பதாக அவரும் ஒப்புக்கொண்டார்.

இந்தநிலையில், சில தொலைக்காட்சிகளில் முதல்வரை பற்றி சில செய்திகள் வெளியாகின. இந்த செய்தியை முதலில் நம்பிய மக்கள் கண்ணீர் விட்டு கதறி அழுதனர். கடைகள் அடைக்கப்பட்டன. ஆனால், சற்று நேரத்திலேயே அப்பல்லோ மருத்துவமனை ஒரு மறுப்பு அறிக்கை வெளியிட்டது.

அப்பல்லோ அறிக்கை

அதில் கூறப்பட்டிருந்ததாவது:-

முதல்வர் ஜெயலலிதாவுக்கு தொடர்ந்து உயிர்காக்கும் கருவிகள் மூலம் சிகிச்சை அளிக்கப்பட்டு வருகிறது. அவரை அப்பல்லோ மருத்துவமனை டாக்டர்களும், டெல்லி எய்ம்ஸ் மருத்துவமனை நிபுணர்களும் உன்னிப்பாக கண்காணித்து வருகிறார்கள். ஆனால், சில தொலைக்காட்சிகளில் முதல்வரை பற்றி தவறான செய்திகள் வெளியாகியுள்ளன. அந்த செய்திகள் அடிப்படையற்றவை, தவறானவை ஆகவே, தொலைக்காட்சிகள் தங்களது தவறை திருத்திக் கொள்ளுமாறு அறிவுறுத்தப்பட்டிருக்கிறார்கள். இவ்வாறு அப்பல்லோ மருத்துவமனை செய்திக்குறிப்பில் தெரிவிக்கப்பட்டுள்ளது.

ஆனாலும் முதல்வர் ஜெயலலிதா இரவு 11.30 மணிக்கு காலமானதாக அதே அப்பல்லோ மருத்துவமனை நள்ளிரவு 12.15 மணிக்கு அதிகாரப்பூர்வமாக அறிவித்தது. அந்த அப்பல்லோ செய்தி குறிப்பில் கூறப்பட்டிருந்ததாவது.,

வார்த்தைகளால் விவரிக்க முடியாத வேதனையுடன், தமிழக முதல்வர் ஜெயலலிதா இன்று இரவு (நேற்று) 11.30 மணிக்கு காலமானார் என்பதை இதன் மூலம் அறிவிக்கிறோம். முதல்வர் ஜெயலலிதா கடந்த செப்டம்பர் 22-ம் தேதி அப்பல்லோ மருத்துவமனையில் காய்ச்சல் மற்றும் நீர்சத்து குறைவு காரணமாக அனுமதிக்கப்பட்டார். அன்று முதல் அவருக்கு தீவிர சிகிச்சை அளிக்கப்பட்டது. அந்த சிகிச்சைக்கு முதல்வர் ஜெயலலிதா நல்ல ஒத்துழைப்பு அளித்து வந்தார். தீவிர சிகிச்சை பிரிவில் அனுமதிக்கப்பட்டிருந்த அவர், உடல்நிலையில் நல்ல முன்னேற்றம் ஏற்பட்ட பிறகு வழக்கமான உணவை உட்கொண்டார். அதன்பிறகு, அவர் தனி வார்டுக்கு மாற்றப்பட்டார்.

எங்களது மருத்துவ நிபுணர்களின் தொடர் கண்காணிப்பால் முதல்வரின் உடல்நிலையில், நல்ல முன்னேற்றம் ஏற்பட்டு வந்தது. ஆனால், துரதிஷ்டவசமாக முதல்வருக்கு கடந்த 4-ம் தேதி மாலையில் தீவிர மாரடைப்பு ஏற்பட்டது. இதை தொடர்ந்து அவருக்கு 'எக்மோ' கருவி உதவியுடன் சிகிச்சை அளிக்கப்பட்டது. அவரை காப்பாற்ற நாங்கள் எல்லாவிதமான முயற்சிகளையும் மேற்கொண்டோம். ஆனால், அவற்றையும் தாண்டி அவரை நோயிலிருந்து மீட்க இயலாமல் போய்விட்டது. இதையடுத்து,  இன்றிரவு (நேற்றிரவு) 11.30 மணி அளவில் முதல்வர் ஜெயலலிதா காலமானார்.

அப்பல்லோ குடும்பத்தில் உள்ள அனைவரும் முதல்வருக்கு உயர்தர சிகிச்சை அளித்தோம். இக்குடும்பத்தில் அனைவரும் களைப்பின்றி ஓய்வின்றி முதல்வரை காப்பாற்றுவதற்காக போராடினோம், பணியாற்றினோம். ஆனால், துரதிர்ஷ்டவசமாக அது இயலாமல் போய்விட்டது. எனவே தமிழக மக்களின் துயரம் மற்றும் இந்த தேசத்தின் துயரத்தில் நாங்களும் பங்கேற்கிறோம்.
இவ்வாறு அந்த அறிக்கையில் முதல்வரின் மரணம் பற்றி அதிகாரப்பூர்வமாக அறிவிக்கப்பட்டது.

இன்று நல்லடக்கம்

முதல்வர் ஜெயலலிதாவின் உடல் போயஸ் தோட்டத்தில் உள்ள அவரது இல்லத்திற்கு கொண்டு செல்லப்பட்டு, அங்கு இறுதி சடங்குகள் நடக்கின்றன. அதன்பிறகு, அவரது உடல் பொதுமக்கள் அஞ்சலிக்காக சென்னை ராஜாஜி ஹாலில் வைக்கப்படுகிறது. பொதுமக்கள் அஞ்சலிக்குப்பின், முதல்வர் ஜெயலலிதாவின் உடல் ஊர்வலமாக எடுத்துச்செல்லப்பட்டு இன்று மாலை நல்லடக்கம் செய்யப்படுகிறது. சென்னை மெரீனா கடற்கரையில் உள்ள எம்.ஜி.ஆர் நினைவிட வளாகத்தில் முதல்வர் ஜெயலலிதாவின் உடல் நல்லடக்கம் செய்யப்படுகிறது.

7 நாள் துக்கம்

முதல்வரின் மரணச் செய்தி வெளியானதும், அ.தி.மு.க கொடிகள் அரை கம்பத்தில் பறக்க விடப்பட்டன. முதல்வரின் மறைவையடுத்து 7 நாட்கள் அரசு முறை துக்கம் அனுஷ்டிக்கப்படும் என அறிவிக்கப்பட்டுள்ளது. தமிழகத்தில் பள்ளி, கல்லூரிகளுக்கு 3 நாட்கள் விடுமுறை அறிவிக்கப்பட்டுள்ளது. அதுபோல், புதுச்சேரியில் இன்று விடுமுறை அறிவிக்கப்பட்டுள்ளது. முன்னதாக, நேற்று இரவு கிரீம்ஸ் சாலையில் இருந்து போயஸ் தோட்டம் வரை போக்குவரத்து நிறுத்தப்பட்டு ஆம்புலன்ஸ் மூலம் முதல்வரின் உடல் அவரது இல்லத்திற்கு பலத்த பாதுகாப்புடன் கொண்டு செல்லப்பட்டது.

கண்ணீர் கடலில் மக்கள்

முதல்வரின் மறைவையடுத்து எய்ம்ஸ் மருத்துவர்கள் டெல்லிக்கு புறப்பட்டு சென்றனர். அரசு செயலாளர்கள் மற்றும் அதிகாரிகளும் அப்பல்லோ மருத்துவமனையிலிருந்து புறப்பட்டு சென்றனர். முதல்வரின் மரணச் செய்தியை அறிந்ததும் தொண்டர்களும், பொதுமக்களும் கண்ணீர் விட்டு கதறி அழுதனர். தமிழகமே கண்ணீர் கடலில் மூழ்கியது. முன்னதாக நேற்று மாலையே தமிழகம் முழுவதும் கடைகள், நிறுவனங்கள் அனைத்தும் அடைக்கப்பட்டு தமிழகம் வெறிச்சோடியது. சுருக்கமாக சொன்னால் தமிழகமே சோகத்தில் மூழ்கியுள்ளது.

English Summary : Chief Minister Jayalalithaa has passed away - tears volunteers floating in the ocean - the public.Chennai, Apollo Hospital undergoing treatment for the last 75 days, the Chief Minister, who is receiving treatment died at around 11.30 last night. This information was officially announced at 12.15 midnight. If the people of Tamil Nadu Chief Minister's death, drowned in the sea of ​​tears and his party apparatchik. Digg Volunteers wept before Apollo Hospital was touching. Chief Minister Jayalalithaa Chennai Rajaji Hall for a tribute to the public's health is placed at the sight. Throughout the school following the death of Chief Minister of Tamil Nadu, colleges are given 3 days off. Chief Minister Jayalalithaa on the death of President Pranab Mukherjee, Prime Minister Narendra Modi condoled the leaders.

Read More

முதல்வர் ஜெயலலிதாவுக்கு கூடுதல் மருத்துவர்கள் தீவீர சிகிச்சை அளித்து வருகின்றனர்: அப்பல்லோ

சென்னை

தமிழக முதல்வர் ஜெயலலிதா காலமானதாக செய்தி வெளியானதை அடுத்து அப்பல்லோவில் அதிமுக தொண்டர்கள் கலவரத்தில் ஈடுபட்டுள்ளனர்.

இதையடுத்து அப்பல்லோ வெளியிட்ட அறிக்கையில் முதல்வர் காலமானதாக ஊடகங்களில் வெளியான செய்தி தவறானது. முதல்வர் ஜெயலலிதாவுக்கு கூடுதல் மருத்துவர்கள் தீவீர சிகிச்சை அளித்து வருகின்றனர்.

அவர் உடல் நிலை உன்னிப்பாக கவனிக்கப்பட்டு வருகிறது. என்று அறிக்கை வெளியிட்டுள்ளது.

Read More

அமரரானார் அம்மா...

சென்னை: சென்னை அப்பல்லோ மருத்துவமனையில் கடந்த, 74 நாட்களாக சிகிச்சை பெற்று வந்த முதல்வர் ஜெயலலிதா இன்று மாலை,5:25 மணிக்கு காலமானார்.


முதல்வர் ஜெயலலிதா மூச்சு திணறல் பாதிப்பு ஏற்பட்டு, செப்., 22ம் தேதி சென்னை அப்பல்லோ மருத்துவமனையில் சிகிச்சை பெற்று வந்தார். சில நாட்கள் முன் வரை அவரது உடல்


நிலையில் முன்னேற்றம் இருந்து வந்தது என மருத்துவமனை தரப்பில் தெரிவிக்கப்பட்டு வந்தது. லண்டன் டாக்டர் ரிச்சர்டு பீலே, டில்லி எய்ம்ஸ் மருத்துவமனை டாக்டர்கள் சிகிச்சை அளித்து வந்தனர்.


நேற்று மாலை, 6 மணிக்கு திடீரென அவருக்கு, ‛கார்டியாக் அரெஸ்ட்' ஏற்பட்டது. இதையடுத்து, தீவிர சிகிச்சை பிரிவில் சேர்க்கப்பட்டு, ‛எக்கோ' கருவி உள்ளிட் உயர் காக்கும் கருவிகள் மூலம் சிகிச்சை அளிக்கப்பட்டு வந்தது. இன்று பிற்பகல், அவர் உடல் நிலை மிகவும் கவலைக்கிடமாக உள்ளது என அப்பல்லோ மருத்துவமனை அறிக்கை வெளியிட்டது. லண்டன் டாக்டர் ரிச்சர்டு பீலேவும் இதை உறுதிப்படுத்தினார்.இந்த சூழ்நிலையி்ல், இன்று மாலை, 5.25 மணிக்கு முதல்வர் ஜெயலலிதா உயர் பிரிந்தது.

Read More

தமிழக முதல்வர் ஜெயலலிதா காலமானார்... அமரர் ஆனார் ‛அம்மா'

ஒரு சகாப்தம் முடிவுக்கு வந்தது...

தமிழக முதல்வர் ஜெயலலிதா காலமானார் என்ற செய்தி கேட்டு  தலைவர்கள் சென்னை விரைகின்றனர் ..

ஜெயலலிதா ஜெயராம் அவர்கள், தமிழக முதல்வரும், அ.தி.மு.க கட்சியின் தலைவரும் மற்றும் புகழ்பெற்ற முன்னால் தமிழ் நடிகையும் ஆவார். தமிழ் திரைப்பட துறையில் எம்.ஜி.ஆர், சிவாஜி கணேசன், முத்துராமன், ஜெயசங்கர் போன்ற பல முன்னணி நடிகர்களுடன் நடித்துள்ளார். எம்.ஜி.ஆருக்கு பிறகு அ.தி.மு.க கட்சியின் சிறந்த தலைவியாகவும், தமிழகத்தின் முதல் பெண் முதலமைச்சராகவும், எம்.ஜி.ஆரின் அடுத்த வாரிசாகவும் விளங்கினார். தமிழக அரசியலில் தமிழகத்தை நீண்ட நாள் ஆண்ட பெரும் தலைவர்களுள் ஒருவரான ஜெ.ஜெயலலிதா அவர்களின் வாழ்க்கை வரலாறு மற்றும் சாதனைகளைப் பற்றி மேலும் விரிவாக காண்போம்.

பிறப்பு: 24 பிப்ரவரி 1948

பிறந்த இடம்: மைசூர், இந்தியா

தொழில் துறை: நடிகை மற்றும் அரசியல்வாதி

ஆரம்ப வாழ்க்கை:

‘ஜெயலலிதா’ என்று எல்லோராலும் அழைக்கப்படும் அவரின் இயற்பெயர் கோமலவள்ளி. இவர் ஜெயராம் மற்றும் வேதவள்ளி தம்பதியருக்கு மகளாக மைசூர் என்ற இடத்தில் பிறந்தார். அவரது குடும்பம் அரச மைசூர் வம்சாவழியை சார்ந்தது. மைசூர் நீதிமன்றத்தில் அரச மருத்துவராக பணியாற்றிய அவருடைய தாத்தா, மைசூர் மன்னர் ஜெயசாமராஜெந்திரா உடையார் அவர்களின் சமூக இணைப்பைப் பிரதிபலிப்பதன் காரணமாக தனது குடும்ப உறுப்பினர்களின் பெயர்களில் முன்னொட்டாக ‘ஜெயா’ என்ற சொல்லை வழக்கமாக சேர்த்தார். ஜெயலலிதா அவர்கள் தனது இரண்டு வயதிலேயே தன் தந்தையை இழந்தார். அதன் பிறகு, அவரின் அம்மா மற்றும் தாய்வழி தாத்தா-பாட்டி வாழ்ந்த பெங்களூருக்குச் சென்றார். பெங்களூரில் தங்கியிருந்த அந்த குறுகிய காலத்தில், அவர் சில ஆண்டுகள் ‘பிஷப் காட்டன் பெண்கள் உயர்நிலை பள்ளியில்’ கல்வி பயின்றார். வெள்ளித் திரையில் அவரது தாயாருக்கு நடிக்க வாய்ப்புக் கிடைத்ததால், அவர் சென்னை சென்றார்.

 சென்னையிலுள்ள ‘சர்ச் பார்க் ப்ரேசெண்டேஷன் கான்வென்ட்டில்’ தனது கல்வியைத் தொடர்ந்த இவர், பின்னர் ‘ஸ்டெல்லா மேரீஸ் கல்லூரியில்’ தனது பட்டப்படிப்பை முடித்தார். தனது குழந்தை பருவத்திலிருந்தே, கல்வியில் சிறந்து விளங்கய ஜெயலலிதா அவர்கள், சட்டம் படிக்க வேண்டும் என்ற ஆர்வம் கொண்டார். ஆனால், விதி அவருக்கென்று வேறு திட்டங்கள் வைத்திருந்தது. குடும்ப நிதி கட்டுப்பாட்டின் காரணமாக, அவரது தாயார் அவரை திரையுலகில் நடிக்க வலியுறுத்தினார். 15 வயதில், அவர் ஒரு முன்னணி கதாநாயகனுடன் அறிமுகமானார். அதுவே அவருடைய புகழ்பெற்ற திரைப்பட தொழிலுக்கு ஆரம்பமாக இருந்தது.

தொழில்:

ஷங்கர்.வி.கிரி அவர்கள் இயக்கிய “எபிஸில்” என்ற ஆங்கில படம் மூலமாக தனது திரையுலக வாழ்க்கையைத் தொடங்கினார். ஆனால், அப்படம் அவருக்கு எந்த பாராட்டும் பெற்றுத் தரவில்லை. 1964ல், திரையுலகில் அவருக்கென்று ஒரு தனி வழியையும், ரசிகர்களின் மனதில் நீங்கா இடமும் பிடித்தார். ஜெயலலிதா அவர்களின் முதல் இந்திய படம், 1964 ல் வெளியான “சின்னடா கொம்பே” என்ற கன்னட படம். இப்படம் அவருக்கு பெரும் விமர்சனங்களையும், பார்வையாளர்களின் கைத்தட்டலையும் பெற்றுத் தந்தது. ஒரு வருடம் கழித்து, அவர் “வெண்ணிற ஆடை” என்ற படம் மூலமாக தமிழ் திரையுலகில் அவரது நடிப்பைத் தொடங்கினார். அதன் பிறகு, அவர் தெலுங்கு சினிமாவில் தோற்றமளித்தார். அடுத்தடுத்த ஆண்டுகளில், அவர் பல தமிழ் படங்களில் நடித்து தனது நடிப்பு திறமையை வெளிக்கொண்டு வந்தார். அவர் நடித்த பல படங்கள் நன்றாக ஓடி பாக்ஸ் ஆபிஸில் இடம் பெற்றது. நடிகர் எம்.ஜி.ஆருடனான அவரது ஜோடி பெரும் வெற்றி பெற்றுத் தந்தது மற்றும் அவரது ஆர்வலர்களையும் மிகவும் கவர்ந்தது. திரையுலகின் பிற்பகுதியில் அவர் ஜெய்ஷங்கர், ரவிச்சந்திரன் மற்றும் சிவாஜி கணேசன் போன்ற கதாநாயகர்களுடன் இணைந்து நடித்துள்ளார். 1968ல், அவர் தர்மேந்திரா நடித்த “இஜத்” என்ற இந்தி படத்தில் நடித்துள்ளார். அரசியலில் சேரும் முன் தனது திரை வாழ்க்கைக்கு ஒரு முடிவை அவரது கடைசி மோஷன் பிக்சர் படமான 1980ல் வெளியான  “நதியை தேடி வந்த கடல்” இருந்தது.

அதே ஆண்டில், அஇஅதிமுக நிறுவனரான எம்.ஜி. ராமச்சந்திரன் அவர்கள், ஜெயலலிதா அவர்களை பிரச்சார செயலாளராக நியமித்தார். நான்கு ஆண்டுகளுக்கு பின்னர், அவர் மாநிலங்களவைக்கு நியமிக்கப்பட்டார். இதுவே, அவரை திறம்பட இந்திய பாராளுமன்றத்திற்கு செயல்பட வழிவகுத்தது. பின்னர், அவர் தீவிரமாக அஇஅதிமுக அரசியல் கட்சி உறுப்பினராக ஈடுபட்டார். அவர் அரசியலில், எம்.ஜி. ஆரின் கட்சி சார்புடையவராக திகழ்ந்தார். இதுவே, ஜெயலலிதா அவர்களை, அஇஅதிமுக கட்சியின் எதிர்கால வாரிசாக, ஊடகங்களை மதிப்பிட செய்தது. எம்.ஜி. ராமச்சந்திரன் அவர்கள் தலைமை அமைச்சராக பணியாற்றிய போது, ஜெயலலிதா அவருடைய அரசியல் கட்சியின் செயலாளராக இருந்து தன் தீவிர பங்கை வெளிப்படுத்தினார். அவரது மரணத்திற்கு பின், ஜானகி ராமச்சந்திரன் அவர்களை அதிமுகவின் எதிர்கால தலைவராக சில கட்சி உறுப்பினர்கள் பரிந்துரைத்தனர். இதன் காரணமாக கட்சி இரண்டாக பிரிந்தது – ஒன்று ஜானகி ராமச்சந்திரன் தலைமையிலும், மற்றொன்று ஜெயலலிதா தலைமையிலும். எனினும், 1988 ஆம் ஆண்டில் அவரது கட்சி,  இந்திய அரசியலமைப்பின் 356 கீழ் தள்ளுபடி செய்யப்பட்டது. 1989ல், அதிமுக கட்சி ஒன்றுபட்டு, ஜெயலலிதா தலைமையில் செயல்பட்டது. அவர் மேல் பல குற்றச்சாட்டுகளும், சர்ச்சைகளும் இருந்தாலும்,  அவர் மூன்று முறை (1991, 2001, 2011) மாநில சட்டமன்ற தேர்தல்களில் வெற்றி பெற்று, தலைமை அமைச்சர் பொறுப்பை ஏற்றார்.

பங்களிப்புகள்:

அரசாங்க நிதி மற்றும் நிலத்தை சட்டவிரோதமாக கையகப்படுத்தும் மோசடி, குற்றச்சாட்டுகள் மற்றும் பல சர்ச்சைகள் இருந்தாலும், மாநில மக்களின் மீது அவர் கொண்ட பற்றும், செலுத்திய பங்களிப்பும் அவரை மூன்று முறை ஆட்சிக்கு வர செய்தது. அவரது பதவிக்காலத்தில், அவர் மக்களின் நன்மைக்காக தீவிரமாக வேலை செய்தார். மாநில தொழில்துறை வளர்ச்சியை மேம்படுத்துவதற்காக அவர் பல தேசிய மற்றும் சர்வதேச நிறுவனங்களைத் திறக்க முயன்றார். இதுவே, மாநில வளர்ச்சி மற்றும் அபிவிருத்திக்கான ஒரு முக்கிய பங்களிப்பாக இருந்தது. அதேநேரத்தில், அவர் மாநிலத்தின் வறுமை, வன்முறை, மற்றும் ஊழலை நீக்க மிகவும் கவனம் செலுத்தி வருகிறார்.

விருதுகள்:

• ‘பட்டிக்காடா பட்டணமா’ என்ற படம் இவருக்கு சிறந்த தமிழ் நடிகைக்கான “பிலிம்பேர் விருதினை” வாங்கிக்கொடுத்தது.
• சிறந்த தெலுங்கு நடிகைக்கான பிலிம்பேர் விருதினை ‘ஸ்ரீ கிருஷ்ணா சத்யா’ என்ற படம் அவருக்கு வழங்கியது.
• ‘சூர்யகாந்தி’ படம், இவருக்கு  சிறந்த தமிழ் நடிகைக்கான பிலிம்பேர் விருதினை வழங்கியது.
• தமிழ்நாடு அரசு இவருக்கு ‘கலைமாமணி’ விருது வழங்கி கௌரவித்தது.
• சென்னை பல்கலைக்கழகம் மூலமாக இலக்கியத்தில் ‘கவுரவ டாக்டர் பட்டம்’ பெற்றார்.
• தமிழ்நாடு டாக்டர் எம்.ஜி. ஆர் மருத்துவ பல்கலைக்கழகம், அறிவியலுக்கான ‘கவுரவ டாக்டர் பட்டம்’ வழங்கியது.
• ‘கடிதங்களுக்கான டாக்டர் பட்டத்தை’ மதுரை காமராஜர் பல்கலைக்கழகம் இவருக்கு வழங்கியது.
• தமிழ்நாடு வேளாண்மை பல்கலைக்கழகத்திலிருந்து அறிவியலுக்கான ‘கவுரவ டாக்டர் பட்டம்’ கிடைத்தது.
• பாரதிதாசன் பல்கலைக்கழகம், ‘கடிதங்களுக்கான டாக்டர் பட்டத்தை’ வழங்கியது.
• சட்டத்திற்கான ‘கவுரவ டாக்டர் பட்டத்தை’, தமிழ்நாடு டாக்டர் அம்பேத்கர் சட்ட பல்கலைக்கழகம் வழங்கியது.

காலவரிசை:

1948: மைசூர் நகரில், பிப்ரவரி 24ஆம் தேதி பிறந்தார்.

1961: ‘எபிஸில்’ என்ற ஆங்கில படம் மூலமாக திரையுலகுக்கு அறிமுகமானார்.

1964: கன்னட படத்தில் முதல் முறையாக பங்கேற்றார்.

1965: தமிழ் படங்களில் அறிமுகமானார்.

1972: ‘பட்டிக்காடா பட்டணமா’ என்ற படம் சிறந்த தமிழ் நடிகைக்கான பிலிம்பேர் விருதினை இவருக்கு பெற்றுக் கொடுத்தது.

1980: பிரச்சார செயலாளராக எம்.ஜி. ஆரால் தேர்வு செய்யப்பட்டார்.

1984: மக்களவைக்காக பரிந்துரைக்கப்பட்டார்.

1989: சட்டமன்ற தேர்தலில் வெற்றி பெற்றார்.

1991: முதல் முறையாக தமிழக முதல்வராக பொறுப்பேற்றார்.

2002: இரண்டாவது முறையாக மாநில சட்டசபை தேர்தலில் வெற்றி பெற்றார்.

2011: தற்போது தமிழக முதல்வராக பணியாற்றுகிறார்.

2016: 5-December அமரர் ஆனார்

English Summary:

They Jayaram Jayalalitha, Tamil Nadu Chief Minister and AIADMK leader and Tamil actress who was famous before. In the Tamil film industry, MGR, Sivaji Ganesan, Muthuraman, jeyashankar appeared with many leading actors. After MGR's best AIADMK leader and Tamil Nadu's first woman chief minister, MGR was the next heir. Major figure in Indian politics in Tamil Nadu J. Jayalalithaa, who ruled the longest day of their lives, let's look in more detail about the history and achievements.

Read More

முதல்வர் ஜெயலலிதாவுக்கு சிறு அறுவை சிகிச்சை செய்யப்பட்டது; எதிர்வினையைப் பொறுத்து அடுத்தகட்ட நடவடிக்கை...!

முதல்வர் ஜெயலலிதாவுக்கு சிறு அறுவை சிகிச்சை (ஆஞ்ஜியோ) செய்யப்பட்டதாகத் தகவல்கள் தெரிவிக்கின்றன. அறுவைச் சிகிச்சைக்கு முதல்வரின் உடல் ஆற்றும் எதிர்வினையைப் பொறுத்து அடுத்த கட்ட நடவடிக்கையும் தொடர் சிகிச்சையும் மேற்கொள்ளப்படும் என்றும் தெரிகிறது.

சென்னை அப்பல்லோ மருத்துவமனையில் சேர்க்கப்பட்டிருந்த முதல்வர் ஜெயலலிதாவுக்கு நேற்று மாலை மாரடைப்பு ஏற்பட்டது. இதையடுத்து தீவிர சிகிச்சைப் பிரிவில் சேர்க்கப்பட்ட அவருக்கு லண்டன் மருத்துவர் ரிச்சர்ட் பீலே ஆலோசனையின் பேரில் சிகிச்சைகள் அளிப்பட்டன.

மாரடைப்பு ஏற்பட்டதை அடுத்து முதல்வருக்கு சிறு அறுவை சிகிச்சை மேற்கொள்ள முடிவு செய்யப்பட்டதாகவும் அதற்காக நேற்று இரவு 8 மணி முதல் எந்தவித சிகிச்சையும் மேற்கொள்ளப்படவில்லை என்றும் தெரிகிறது. திங்கள்கிழமை அதிகாலை 3 மணிக்குப் பிறகு முதல்வருக்கு சிறு அளவிலான அறுவை சிகிச்சை மேற்கொள்ளப்பட்டதாகவும், தற்போது அவர் தீவிர கண்காணிப்பில் வைக்கப்பட்டுள்ளதாகவும் தகவல்கள் தெரிவிக்கின்றன. அறுவை சிகிச்சைக்கு முதல்வரின் உடல்நிலை ஆற்றும் எதிர்வினையைப் பொறுத்து 24 மணி நேரம் கண்காணிப்புக்குப் பிறகு அடுத்தகட்ட சிகிச்சை மேற்கொள்ளப்படும் என்று தெரிகிறது.

English Summary : Chief Minister Jayalalithaa had minor surgery; No further action depending on reaction ...!Chief Minister Jayalalithaa minor surgery (anjiyo), there was, according to reports. Chief of surgery heals the body, depending on the reaction seems to be the next step, continuous therapy. Apollo Hospital in Chennai yesterday evening included Chief Minister Jayalalithaa had a heart attack. Included in the intensive care unit after his London doctor on the advice of Richard Beale treatments.

Read More

மருத்துவமனையில் இருந்து ராஜ்பவன் திரும்பினார் ஆளுநர்! 7 மணிக்கு பணிக்கு வர போலீஸாருக்கு டிஜிபி உத்தரவு!!

மருத்துவமனையில் இருந்து ராஜ்பவன் திரும்பினார் ஆளுநர்! 7 மணிக்கு பணிக்கு வர போலீஸாருக்கு டிஜிபி உத்தரவு!!

சென்னை அப்பல்லோ மருத்துவமனையில் ஜெயலலிதா உடல் நிலை குறித்து தமிழக ஆளுநர் வித்யாசாகர் ராவ் விவரம் கேட்டறிந்த பிறகு ராஜ்பவன் திரும்பினார்.

கடந்த 78 நாட்களாக சென்னை அப்பல்லோ மருத்துவமனையில் சிகிச்சை பெற்று வரும் முதல்வர் ஜெயலலிதாவுக்கு நேற்று மாலை திடீரென்று மாரடைப்பு ஏற்பட்டது. இதையடுத்து அவர் தீவிர சிகிச்சைப் பிரிவில் சேர்க்கப்பட்டு அவருக்கு சிகிச்சை அளிக்கப்பட்டு வருகிறது.

இதையடுத்து, மும்பையில் இருந்த தமிழக ஆளுநர் வித்யா சாகர் ராவ் விமானம் மூலம் அவசரமாக சென்னை வந்தார். விமான நிலையத்தில் இருந்து நேரடியாக அப்பல்லோ மருத்துவமனை சென்ற அவர், மருத்துவர்களுடனும் அப்பல்லோ தலைவர் பிரதாப் ரெட்டியுடனும் ஜெயலலிதா உடல் நிலை குறித்து விசாரித்தார். சுமார் 5 நிமிட நேரம் அங்கு இருந்த ஆளுநர், பிறகு அங்கிருந்து ராஜ்பவன் புறப்பட்டுச் சென்றார்.

இந்நிலையில், இந்த அசாதாரண சூழ்நிலை குறித்து உயர்மட்ட காவல் துறை அதிகாரிகளுடன் தமிழக டிஜிபி ராஜேந்திரன் ஆலோசனை நடத்தினார். தமிழகக் காவல் துறையில் உள்ள அனைத்து போலீஸாரும் காலை 7 மணிக்கு சீருடையுடன் பணிக்குத் திரும்ப உத்தரவு பிறப்பிக்கப்பட்டுள்ளது.

English Summary : Governor Raj Bhawan returned from the hospital! DGP orders police to return to work at 7 am !!Governor Raj Bhawan returned from the hospital! DGP orders police to return to work at 7 am !! Apollo Hospital in Chennai, Jayalalithaa of Tamil Nadu Governor Vidyasagar Rao in detail about the physical condition of the Raj Bhawan and then returned to the requesting. For the last 78 days of receiving treatment at Apollo Hospital in Chennai, Chief Minister Jayalalithaa had yesterday evening, a sudden heart attack. He added that he was undergoing treatment in the intensive care unit.

Read More

ஜெயலலிதாவிற்கு மாரடைப்பு... தமிழகம் முழுவதும் பெட்ரோல் பங்குகள் மூடல்.. பஸ்கள் ஓடவில்லை

சென்னை: தமிழக முதல்வர் ஜெயலலிதாவிற்கு மாரடைப்பு ஏற்பட்டுள்ளதையடுத்து, தமிழகத்தில் பதற்றம் நிலவி வருகிறது. அசம்பாவிதங்கள் எதுவும் ஏற்படாமல் இருக்க பெட்ரோல் பங்குகள் மூடப்பட்டுள்ளன. பேருந்துகள் இயக்கப்படாமல் நிறுத்தப்பட்டுள்ளன.
கடந்த 2 மாதங்களுக்கும் மேலாக தமிழக முதல்வர் ஜெயலலிதா சென்னை கிரிம்ஸ் சாலையில் உள்ள அப்போலோ மருத்துவமனையில் அனுமதிக்கப்பட்டு சிகிச்சைப் பெற்று வருகிறார். அவருக்கு நுரையீரல் தொற்று சிகிச்சை தொடர்ந்து அளிக்கப்பட்டு வந்தது. இந்நிலையில் அவர் பூரண குணம் அடைந்துவிட்டதாக அப்போலோ மருத்துவமனை நிர்வாகம் அறிவித்தது.

முதல்வர் சீக்கிரம் வீடு திரும்பி விடுவார் என்று அதிமுக தொண்டர்கள் மகிழ்ச்சியில் இருந்த நேரத்தில் இன்று மாலை அவருக்கு மாரடைப்பு ஏற்பட்டதாகவும், தொடர்ந்து சிகிக்சை அளிக்கப்பட்ட வருவதாகவும் அப்போலோ மருத்துவமனை அறிவித்துள்ளது.

பேருந்துகள் நிறுத்தம்

இந்த செய்தி மெல்ல தமிழகம் முழுவதும் பரவி ஒருவித பதற்றம் உருவாகியுள்ளது. இன்று ஞாயிற்றுக் கிழமை இன்று என்பதால் குறைவான பேருந்துகளே சென்னையில் இயக்கப்பட்டு வரும் நிலையில் பேருந்துகள் முற்றிலுமாக நிறுத்தப்பட்டுள்ளன. வெளியூர் செல்லும் பேருந்துகளும் குறைக்கப்பட்டுள்ளன. இதனால் பேருந்து போக்குவரத்து முற்றிலும் பாதிக்கப்பட்டுள்ளது.

பெட்ரோல் பங்குகள் மூடல்

ஜெயலலிதாவின் உடல் நிலை குறித்த தகவல் பரவியுள்ளதால் தலைநகரான சென்னையில் கூடுதல் பதற்றம் உருவாகியுள்ளது. இங்கு செயல்பட்டுவந்த அனைத்து பெட்ரோல் பங்குகளும் மூடப்பட்டன. இதே போன்று திருவள்ளூர், காஞ்சிபுரம் உள்ளிட்ட மாவட்டங்களிலும் பெட்ரோல் பங்குகள் மூடப்பட்டுள்ளன.

கடைகளுக்கு பூட்டு

இன்று ஞாயிற்றுக் கிழமை என்பதால் குறைவான கடைகளே சென்னையில் திறக்கப்பட்டிருந்தது. அந்த கடைகளும் முதல்வர் ஜெயலலிதா உடல் நிலை குறித்த தகவலால் விரைவாக மூடப்பட்டன. சின்ன சின்ன கடைகள், ஒருசில டிபார்ட்மெண்ட் ஸ்டோர்ஸ், தியாகராயர் நகரில் 11 மணி வரை திறந்திருக்கும் அனைத்து துணிக்கடைகள் என அனைத்தும் மூடப்பட்டன.

பயணிகள் தயக்கம்

ஏதாவது அசம்பாவிதங்கள் ஏற்பட்டுவிடுமோ என்ற அச்சத்தின் காரணமாக பொதுமக்கள் தாங்களாகவே வெளியூர் செல்வதை தவிர்த்துள்ளனர். சனி, ஞாயிறு விடுமுறைக்காக வெளி மாவட்டங்களுக்கு சென்றவர்கள் இன்று இரவு புறப்பட்டு நாளை காலை சென்னைக்கு திரும்ப ஆயத்தமான நிலையில், முதல்வரின் உடல் நிலைகுறித்த தகவலால் பயணத்தை நிறுத்தியுள்ளனர்.

English Summary : Jayalalithaa had a heart attack .Buses are running across the closure of petrol pumps.Tamil Nadu Chief Minister Jayalalithaa suffered by heart attack, there is tension in the state. Petrol pumps were shut down to avoid any risks. Buses run throttled. Tamil Nadu Chief Minister Jayalalithaa in Chennai over the last 2 months on the road Grimes admitted to the Apollo Hospital and is receiving treatment. He was given a lung infection following treatment. Apollo Hospital management announced that they had reached this stage, he is a perfect character.

Read More

அப்பல்லோவில் குவிந்த அதிமுக தொண்டர்கள்.. கட்டுக்கடங்காத கூட்டம்.. கண்ணீர் மல்க பிரார்த்தனை

சென்னை: செப்டம்பர் 21ம் தேதி மெட்ரோ ரயில் தொடக்க விழாவில் பங்கேற்ற முதல்வர் ஜெயலலிதாவை தமிழக மக்கள் டிவியில் பார்த்தார்கள் அன்றே சோர்வாகத்தான் இருந்தார்.
அதே சோர்வோடு தாலிக்கு 8 கிராம் தங்கம் வழங்கும் நிகழ்ச்சியில் பங்கேற்று உற்சாகத்தோடு அந்த திட்டத்தை தொடங்கி வைத்தார்.

செப்டம்பர் 22ஆம் தேதி திடீரென உடல் நலம் பாதிக்கப்பட்டு அப்பல்லோ மருத்துவமனையில் அனுமதிக்கப்பட்டார் ஜெயலலிதா. அவர் மருத்துவமனையில் அனுமதிக்கப்பட்டு 74 நாட்கள் ஆகிவிட்டது. செப்டம்பர் 22ம் தேதி நள்ளிரவு அதிமுக தொண்டர்களும், அமைச்சர்களும் அப்பல்லோ மருத்துவமனை முன்பு குவிந்தனர்.

•செப்டம்பர் 23 நள்ளிரவு 1 மணியளவில் ஜெயலலிதாவிற்கு காய்ச்சல் மற்றும் நீர்ச்சத்து குறைபாடு என்று அப்பல்லோ அறிக்கை வெளியிட்டது. மறுநாள் வெள்ளிக்கிழமை காய்ச்சல் குணமடைந்ததாகவும்,
சில நாட்கள் ஓய்வெடுக்க வேண்டும் என்றும் அறிக்கை வெளியிடப்பட்டது.

•காய்ச்சல், நீர்ச்சத்து குறைபாடு என்று கூறப்பட்ட அறிக்கை மெல்ல மெல்ல மாறியது. நுரையீரல் நோய் தொற்றுக்கு சிகிச்சை என்று கூறப்பட்டது. செயற்கை சுவாசம் அளிக்கப்படுவதாகவும் தெரிவிக்கப்பட்டது.

•லண்டன் மருத்துவர் ரிச்சர்ட் ஆலோசனையின் பேரில் சிகிச்சை அளிக்கப்படுவதாகவும் அறிக்கை வெளியானது. தொடர்ந்து எய்ம்ஸ் மருத்துவர்கள் 3 பேர் சென்னைக்கு வந்து ஜெயலலிதாவிற்கு சிகிச்சை அளிப்பதாக கூறப்பட்டது.

• அக்டோபர் 1ம் தேதி தமிழக பொறுப்பு ஆளுநர் வித்யாசாகர் ராவ் அப்பல்லோவிற்கு வந்து மருத்துவர்களிடம் விசாரித்து சென்றார்.

•சிங்கப்பூரில் இருந்து வந்துள்ள நிபுணர்களும் தற்போது பிசியோ தெரபி சிகிச்சை அளித்தனர். அவ்வப்போது இயற்கையாக சுவாசிப்பதாக தகவல் வெளியானது.

•அப்பல்லோ மருத்துவமனைக்கு அரசியல் தலைவர்களும், சினிமா பிரபலபங்களும் வந்து நலம் விசாரித்து சென்றனர். முதல்வர் குணமடைய வாழ்த்துக்களையும் தெரிவித்தனர்.

• ஆளுநர் வித்யாசாகர் ராவ் மீண்டும் அப்பல்லோ மருத்துவமனைக்கு வந்து முதல்வர் ஜெயலலிதாவின் நலம் விசாரித்தார். முதல்வரின் வசமிருந்த பொறுப்புக்கள் அனைத்தும் ஓ.பன்னீர் செல்வம் வசம் ஒப்படைக்கப்பட்டது.

•தமிழக முதல்வர் ஜெயலலிதா 58 நாட்களாக ஐசியுவில் சிகிச்சை பெற்று வந்தார். நவம்பர் 19ம் தேதி தனியறைக்கு மாற்றப்பட்டதாக தகவல் வெளியானது. செயற்கை சுவாசக் கருவி அகற்றப்பட்டு விட்டதாகவும், 90 சதவிகிதம் இயற்கையாக சுவாசிப்பதாகவும் மருத்துவமனை தலைவர் பிரதாப் ரெட்டி கூறினார்.

•ஜெயலலிதாவின் உடல்நிலையில் முன்னேற்றம் ஏற்பட்டதை தொடர்ந்து, அவருக்கு பிசியோதெரபி மூலம் உடற்பயிற்சி அளிக்கப்பட்டது. நிற்க, நடக்க பயிற்சி அளிக்கப்படுவதாக தகவல் வெளியானது.

•ஜெயலலிதா விரைவில் டிஸ்சார்ஜ் செய்யப்படுவார் என்று எதிர்பார்க்கப்பட்ட நிலையில் 74 நாளான இன்று அவருக்கு மாலையில் மாரடைப்பு ஏற்பட்டதாக வெளியான தகவல் அதிமுக தொண்டர்களை அதிர்ச்சிக்கு ஆளாக்கியுள்ளது.

•அதிமுக தொண்டர்கள் கூட்டம் கூட்டமாக குவிந்து வருவதால் போலீஸ் பாதுகாப்பும் அப்பல்லோ மருத்துவமனை முன்பு குவிக்கப்பட்டுள்ளனர்.

English Summary : AIADMK activists converging on the unruly crowd Apollo .. .. teary prayer.Metro took part in the opening ceremony on September 21, Tamil Nadu Chief Minister Jayalalithaa was tiredsame day people saw on TV. Thaali with the same tired and 8 grams of gold to perform enthusiastically inaugurated the program. Suddenly, on September 22, she was admitted to the Apollo Hospital suffering from ill health. He has been admitted to the hospital 74 days. AIADMK activists midnight on September 22, before the ministers gathered at Apollo Hospital.

Read More

ஜெயலலிதா மாரடைப்பு முதல் அப்பல்லோ அறிக்கை வரை.. பரபரப்பான நிமிடங்கள்!

சென்னை: அப்பல்லோ மருத்துவமனையில் செப்டம்பர் 22ம் தேதியில் இருந்து இன்று வரை 74 நாட்களாக சிகிச்சை பெற்று வருகிறார். முதல் மருத்துவ அறிக்கையில் காய்ச்சல் மற்றும் நீர்சத்து குறைபாடு என்று கூறப்பட்டது.

இதனைத் தொடர்ந்து வெளியான அறிக்கைகளில் அவருக்கு அளிக்கப்படும் சிகிச்சைகள் பற்றி அறிக்கை வெளியானது.
முதல்வர் ஜெயலலிதாவிற்கு நுரையீரலில் நோய் தொற்று ஏற்பட்டதாக தகவல் வெளியானது. இதனைத் தொடர்ந்து நீண்ட நாட்களாக சிகிச்சையில் இருக்க வேண்டும் என்று அறிக்கை வெளியிடப்பட்டது.

அப்பல்லோ மருத்துவமனை தலைவர் பிரதாப் ரெட்டி, அளித்த பேட்டியில், முதல்வர் ஜெயலலிதா குணமடைந்து வருவதாகவும், வீடு திரும்புவது பற்றி முதல்வர்தான் முடிவு செய்ய வேண்டும் என்றும் கூறி வந்தார்.
இந்த நிலையில் அப்பல்லோ மருத்துவனை வளாகம் இன்று மாலை முதலே பரபரப்படைந்தது.

அந்த பரபரப்பான நிமிடங்கள். 
மாலை 4.30 மணி : அப்பல்லோ மருத்துவமனையில் இரண்டாவது வளாகம் பரபரப்படைந்தது
மாலை 5 மணி: முதல்வர் ஜெயலலிதாவிற்கு திடீர் மாரடைப்பு ஏற்பட்டதாக தகவல் பரவியது
மாலை 5.30 மணி : சென்னையில் இருந்த மூத்த அமைச்சர்கள், உயரதிகாரிகள் அப்பல்லோவிற்கு விரைந்தனர்.
மாலை 6 மணி : அப்பல்லோ மருத்துவமனை முன்பு அசாதாரணமான சூழ்நிலை நிலவியது. ராகுகால பூஜை துர்க்கைக்கு செய்ய சொல்லி அதிமுக நிர்வாகிகளுக்கு உத்தரவிடப்பட்டது.
இரவு 7 மணி: தமிழக காவல்நிலையங்களுக்கு சூழ்நிலைக்கு ஏற்ப நடந்து கொள்ளுமாறு அப்பல்லோவில் இருந்து உத்தரவு பறந்தது
இரவு 8 மணி : அதிமுக தொண்டர்கள் அப்பல்லோ நோக்கி வரத் தொடங்கினர்
இரவு 9.15 மணி: அப்பல்லோ அறிக்கை வெளியானது. முதல்வர் ஜெயலலிதாவிற்கு தொடர் சிகிச்சை அளிக்கப்படுவதாக அறிக்கை தெரிவித்தது.
இரவு 9.30 மணி : மும்பையில் இருந்து ஆளுநர் வித்யாசாகர் ராவ் சென்னைக்கு வர உள்ளதாக தகவல் வெளியானது
இரவு 9.45 மணி அப்பல்லோவில் நடப்பது பற்றி உள்துறை அமைச்சா ராஜ்நாத் சிங் கேட்டறிந்தார்
இரவு 10 மணி : அப்பல்லோவில் அமைச்சர்கள், காவல்துறை உயரதிகாரிகள் அவசர கூட்டம் நடத்தினர்.
இரவு 10.15 மணி : அதிமுக தொண்டர்கள் கூட்டம் அதிகரிக்கவே, ஏராளமான போலீசார் குவிக்கப்பட்டுள்ளனர்.

பிரதமர் மோடி சென்னையில் நடக்கும் நிலவரம் குறித்து கேட்டறிந்ததாக தகவல் வெளியானது.

English Summary : Apollo is the first report of a heart attack minutes until she flies ..!Apollo Hospital on September 22, 74 days from now receiving treatment. Fever first medical report was said to lack. This report was published in the reports about the treatments. Chief Minister Jayalalithaa reported to have caused infection in the lungs. This should be in therapy for a long time, the report was published.

Read More

பொறுப்பு ஆளுநர் வித்யாசகர் ராவ் சென்னை வந்தார்.. அப்பல்லோ விரைந்தார்

சென்னை : முதல்வர் ஜெயலலிதா உடல் நலம் குறித்து விசாரிக்க தமிழக பொறுப்பு ஆளுநர் வித்யாசாகர் ராவ் சென்னை வந்தார்.
உடல்நலக்குறைவு காரணமாக தமிழக முதல்வர் ஜெயலலிதா கடந்த செப்டம்பர் மாதம் 22-ஆம் தேதி அப்போலோ மருத்துவமனையில்அனுமதிக்கப்பட்டார்.
இந்நிலையில் கடந்த சில நாட்களுக்கு முன் அவர் தீவிர சிகிச்சைப் பிரிவில் இருந்து, சிறப்பு வார்டுக்கு மாற்றப்பட்டார்.

ஜெயலலிதா உடல்நிலை முன்னேற்றம் அடைந்துள்ளதாகவும், விரைவில் டிஸ்சார்ஜ் செய்யப்பட உள்ளதாக தகவல் வெளியான நிலையில் இன்று மாலையில் ஜெயலலிதாவிற்கு திடீர் மாரடைப்பு ஏற்பட்டதாக தகவல் வெளியாகியுள்ளது.
இதுதொடர்பாக அப்பல்லோ மருத்துவமனை இன்று வெளியிட்டுள்ள அறிக்கையில், அப்பல்லோ மருத்துவமனையில் சிகிச்சை பெற்று வரும் முதல்வர் ஜெயலலிதாவுக்கு இன்று மாலை மாரடைப்பு ஏற்பட்டது.
அவர உடல் நிலையை இதயவியல், நுரையீலர் சிகிச்சை நிபுணர்கள் மற்றும் அவசர சிகிச்சை பிரிவு நிபுணர்கள் தொடர்ந்து கண்காணித்து வருகின்றனர் என்று தெரிவிக்கப்பட்டுள்ளது.
இன்று மாலை முதல் அப்போலோ வளாகம் பரபரப்படைந்தது. இந்த நிலையில் தமிழக பொறுப்பு ஆளுநர் வித்யாசாகர் ராவ் மும்பையில் இருந்து சென்னைக்கு விரைந்து வந்தார்.
விமான நிலையத்திலிருந்து அவர் அப்பல்லோ மருத்துவமனைக்கு விரைந்துள்ளார்.

English Summary : The Governor is responsible for vidya sagar Rao came to Chennai .. rushed to Apollo.Tamil Nadu Chief Minister Jayalalithaa, inquire about the health of the body responsible for the Governor Vidya sagar Rao came to Chennai. Due to illness Jayalalitha Apollo Hospital on September 22. In the last few days before he was in the intensive care unit, was transferred to a special ward.

Read More

முதல்வர் ஜெ.,வுக்கு திடீர் மாரடைப்பு; தீவிர சிகிச்சை பிரிவில் அனுமதி

சென்னை: முதல்வர் ஜெயலலிதாவுக்கு திடீர் மாரடைப்பு ஏற்பட்டது. இதையடுத்து, அவர் தீவிர சிகிச்சை பிரிவுக்கு கொண்டு செல்லப்பட்டுள்ளார்.

இதுகுறித்து, அப்பல்லோ மருத்துவமனை இன்று வெளியிட்ட அறிக்கையில் கூறியுள்ளதாவது:

அப்பல்லோவில் சிகிச்சை பெற்று வரும் முதல்வர் ஜெயலலிதாவிற்கு இன்று (04.12.2016) மாலை மாரடைப்பு ஏற்பட்டது. அவருக்கு இதயவியல், சுவாசயியல் மற்றும் தீவிர சிகிச்சை பிரிவு மருத்துவ நிபுணர்கள் சிகிச்சை அளித்து வருகின்றனர். அவர் தொடர் மருத்துவ கண்காணிப்பில் உள்ளார்.இவ்வாறு அதில் கூறப்பட்டுள்ளது.

இதன் காரணமாக, அப்பல்லோ மருத்துவமனை முன்பு தமிழக மூத்த அமைச்சர்கள், டிஜிபி உட்பட உயரதிகாரிகள் உள்ளிட்டோர் குவிந்த வண்ணம் உள்ளனர். சட்டம் ஒழுங்கு பிரச்னை ஏற்படாமல் இருக்க போலீசார் மாநிலம் முழுவதும் தீவிர கண்காணிப்பில் ஈடுபட்டுள்ளனர்.அவர் உடல் நலம் பெற வேண்டும் என அதிமுகவினர் பிரார்த்தனையில் ஈடுபட்டுள்ளனர்.

கவர்னர் வித்யாசாகர்ராவ் தற்போது மும்பையில் இருந்து புறப்பட்டார். அவர் இரவு 10.30 மணி அளவில் சென்னை வருகிறார். முதல்வரின் உடல் நலம் குறித்து மத்திய உள்துறை அமைச்சர் ராஜ்நாத்சிங் விசாரித்தார்.

English Summary : Chief Minister Jeyalalitha, A sudden heart attack; Allow ICU.Chief Minister Jayalalithaa had a sudden heart attack. Subsequently, she was taken to the intensive care unit. However, Apollo Hospital said in a statement released today: Chief Minister Jayalalithaa, who is receiving treatment at the Apollo today (04.12.2016) evening, suffered a heart attack. she Cardiology treatment, medical experts are providing intensive care unit. 

Read More

மக்களின் பிரார்த்தனையால் மறுபிறவி எடுத்துள்ளேன்: முதல்வர் ஜெயலலிதா உருக்கம்

மக்களின் பிரார்த்தனை, வழிபாடுகளால் மறுபிறவி எடுத்துள்ளதாகவும், விரைவில் நடக்கவுள்ள 4 சட்டப்பேரவை தொகுதி களிலும் அதிமுக வேட்பாளர்கள் வெற்றி பெற ஆதரவு அளிக்க வேண்டுமெனவும் முதல்வர் ஜெயலலிதா வேண்டுகோள் விடுத்துள்ளார்.

இது தொடர்பாக நேற்று வெளியிடப்பட்ட அறிக்கையில் கூறியிருப்பதாவது:

என் அன்பிற்குரிய கழக உடன்பிறப்பு களே, என் மீது பேரன்பு கொண்ட தமிழக மக்களே, உங்கள் அனைவருக்கும் என் உளமார்ந்த வணக்கங்கள்.

உங்கள் அன்புச் சகோதரியாகிய என் மீது மிகுந்த அன்பும், பற்றும், அக்கறையும் கொண்டு தமிழகத்திலும், பிற மாநிலங்களிலும் மற்றும் உலக நாடுகள் பலவற்றிலும் நீங்கள் செய்த பிரார்த்தனைகளாலும், வழிபாடுகளாலும் நான் மறுபிறவி எடுத்துள்ளேன் என்ற மகிழ்ச்சியான செய்தியை உங்களோடு முதற்கண் பகிர்ந்து கொள்கிறேன்.

உங்களுடைய பேரன்பு இருக்கையில் எனக்கு என்ன குறை! எப்பொழுதும் என்னை வழிநடத்திக் காத்து வருகின்ற எல்லாம் வல்ல இறைவனின் திருவருளால் நான் வெகு விரைவில் முழுமையான நலம் பெற்று வழக்கமான பணிகளில் ஈடுபடக் காத்திருக்கிறேன்.

ஓய்வு நான் அறியாதது, உழைப்பு என்னை நீங்காதது. டாக்டர் எம்.ஜி.ஆர் அறிவுரையின் பேரில், நான் பொது வாழ்வுக்கு வந்த நாள் முதல் தமிழக மக்களுக்காகவும், அதிமுக வளர்ச்சிக்காகவும் நொடிப் பொழுதும் சலிப்பில்லாமல் பாடுபட்டு வருகிறேன்.

என் பொருட்டு கழக உடன்பிறப்புகள் சிலர் அன்பு மிகுதியால், தங்கள் உயிரையே மாய்த்துக் கொண்டனர் என்பதை அறிந்து நான் மிகுந்த மன வேதனையுற்றேன். உங்களுடைய உழைப்பும், விசுவாசமும் அதிமுக வளர்ச்சிக்கும், வெற்றிக்கும் பயன்பட வேண்டும் என்பதே என்னுடைய விருப்பம்.

தற்போது, அரவக்குறிச்சி, தஞ்சாவூர், திருப்பரங்குன்றம் மற்றும் புதுச்சேரி மாநிலம் - நெல்லித்தோப்பு ஆகிய தொகுதி களில் வரும் 19-ம் தேதி சட்டப்பேரவை தேர்தல் நடைபெற உள்ள சூழ்நிலையில், உங்களையெல்லாம் இந்த அறிக்கை வாயிலாக நான் கேட்டுக் கொள்வது, அதிமுக வெற்றிக்கு நீங்கள் முழு மூச்சுடன் பாடுபட வேண்டும் என்பதே.

கொண்ட கொள்கையின் வெற்றிக்காகப் பாடுபடுவதிலும், ஏற்றுக்கொண்ட தலை மைக்கு விசுவாசமாக உழைப்பதிலும் தன்னிகரற்ற செயல்வீரர்கள், வீராங்கனை களாகிய கழக உடன்பிறப்புகள் என் னுடைய இந்த அறிக்கையின் இயல்பை புரிந்துகொண்டு, புரட்சித் தலைவர் டாக்டர் எம்.ஜி.ஆர் கண்ட வெற்றிச் சின்னமாம் ``இரட்டை இலை'' சின்னம் மகத்தான வெற்றி பெறும் வண்ணம் கடமை உணர்வோடு பணியாற்றுங்கள். நீங்கள் என்றும் போல் உங்கள் அன்பையும், பேராதரவையும் இந்தத் தேர்தலில் அதிமுகவுக்கு வழங்க வேண்டும் என்று கேட்டுக் கொள்கிறேன்.

அதிமுக வெற்றியை தமது வெற்றி என்ற லட்சிய வேட்கையோடு, கழக வேட் பாளர்கள் அனைவரும் பெருவாரியான வாக்குகள் வித்தியாசத்தில் வெற்றி பெறும் வகையில் கடமை உணர்வோடு தேர்தல் பணிகளை ஆற்றிட வேண்டும். ``நமது வெற்றியை நாளை சரித்திரம் சொல்லும். இப்படை தோற்கின் எப்படை வெல்லும்'' என்று முழங்கிய டாக்டர் எம்.ஜி.ஆர் வழிகாட்டுதலுக்கு ஏற்ப, அதிமுக வெற்றி எட்டுத்திக்கும் எதிரொலிக் கும் வகையில் அமைந்திட வேண்டும். அத்தகைய வெற்றிச் செய்திக்காக நானும் ஆவலோடு காத்திருக்கிறேன்.

Read More