விமானத்தில் எம்.பி.,க்கு தடை : லோக்சபாவில் காரசாரம்

புதுடில்லி : விமான ஊழியரை செருப்பால் அடித்த சிவசேனா எம்.பி.,க்கு விமான நிறுவனங்கள் தடை விதித்துள்ளன. இது தொடர்பாக, இன்று லோக்சபாவில் காரசார விவாதம் நடந்தது.

எம்.பி.,க்கு வந்த சிக்கல் :

மகாராஷ்டிராவைச் சேர்ந்த சிவசேனா எம்.பி.,யான ரவீந்திர கெய்க்வாட், சில நாட்களுக்கு முன் விமான பயணம் செய்தார். அவருக்கு இருக்கையை மாற்றிக் கொடுத்தது தொடர்பாக விமான நிறுவன ஊழியருக்கும் அவருக்கும் இடையே தகராறு ஏற்பட்டுள்ளது. அப்போது ஆத்திரமடைந்த எம்.பி., விமான ஊழியரை செருப்பால் அடித்துள்ளார். இச்சம்பவம் பரபரப்பை ஏற்படுத்தியது. இதையடுத்து ரவீந்திர கெய்க்வாட் விமானத்தில் பயணம் செய்ய ஏர்இந்தியா உள்ளிட்ட 7 விமான நிறுவனங்கள் தடை விதித்தன.

விமான நிறுவனம் செய்தது சரியே :

இது தொடர்பாக லோக்சபாவில் சிவசேனா எம்.பி.,க்கள் இன்று குரல் எழுப்பினர். சிவசேனாவிற்கு ஆதரவாக சமாஜ்வாதி கட்சியினரும், எம்.பி., பயணத்திற்கு தடை விதிக்கும் அதிகாரம் விமான நிறுவனத்திற்கு இல்லை என பேசினர். அப்போது பேசிய விமான போக்குவரத்துத் துறை அமைச்சர் அசோக் கஜபதி ராஜூ, சிறந்த பாதுகாப்பு விதிமுறைகளை விமான அமைச்சகம் செய்துள்ளது. விமான நிறுவனம் நடந்து கொண்ட விதம் சரியானதே. இது போன்ற பிரச்னையில் எம்.பி.,ஒருவர் சிக்கியது தான் துரதிஷ்டவசமானது என்றார். இந்த விவகாரம் தொடர்பாக சிவசேனா எம்.பி.,க்களும் லோக்சபா சபாநாயகர் சுமித்ரா மகாஜனை சந்தித்து மனு அளித்துள்ளனர்.

ரகசிய இடத்தில் எம்.பி., :

இதற்கிடையில் சர்ச்சையில் சிக்கிய சிவசேனா எம்.பி., ரவீந்திர கெய்க்வாட் ரகசிய இடத்தில் தங்க வைக்கப்பட்டுள்ளதாக தகவல் வெளியாகி உள்ளது. இது குறித்து பார்லிக்கு வந்த அக்கட்சி எம்.பி.,க்களிடம் கேட்டதற்கு, அவர் மாயமான விவகாரம் தொடர்பா

Read More

விமான நிறுவனங்கள் மீது வழக்கு: ஊழியரை செருப்பால் அடித்த எம்.பி., மிரட்டல்

மும்பை: ஏர் இந்தியா ஊழியரை சிவசேனா எம்.பி., ரவிந்திர கெயிக்வாட் செருப்பால் அடித்தார். இந்த சம்பவம் பரபரப்பை ஏற்படுத்தியது. தொடர்ந்து அவர் விமானத்தில் பயணம் செய்ய ஏர் இந்தியா உள்ளிட்ட சில நிறுவனங்கள் தடை விதித்தன. இண்டிகோ விமானம் அவரது டிக்கெட்டை ரத்து செய்தது.
இது தொடர்பாக ரவீந்திர கெயிக்வாட் கூறுகையில், எனது உறுதி செய்யப்பட்ட டிக்கெட்டை ரத்து செய்த ஏர் இந்தியா மற்றும் இண்டிகோ விமான நிறுவனங்கள் மீது வழக்கு தொடரப்போவதாக மிரட்டல் விடுத்துள்ளார்.

Read More

ஏர் இந்திய ஊழியரை செருப்பால் அடித்த சிவசேனா எம்.பி.,

மும்பை: ஏர் இந்தியா விமானத்தில் பயணம் செய்த சிவசேனா எம்.பி., ஊழியரை செருப்பால் அடித்ததால் பரபரப்பு ஏற்பட்டுள்ளது.மகாராஷ்டிரா மாநிலம் ஒஸ்மானாபாத் தொகுதி எம்.பி.,யாக இருப்பவர் ரவிந்திர கெயிக்வாட். இவர், இன்று புனேயிலிருந்து டில்லி செல்லும் விமானத்தில் சென்றார். அப்போது இருக்கை பிரச்னை காரணமாக ஏர் இந்தியா ஊழியர்களுடன் வாக்குவாதத்தில் ஈடுபட்டார். தொடர்ந்து, ஊழியரை செருப்பால் அடித்ததாக விமான நிறுவனம் கூறியுள்ளது. இந்த சம்பவம் பெரும் அதிர்ச்சியை ஏற்படுத்தியுள்ளது.

ஆணவம்:

இது குறித்து பத்திரிகையாளர்களிடம் பேசிய கெய்க்வாட், ஊழியர் என்னிடம் தவறாக நடந்து கொண்டதால் செருப்பால் அடித்தேன். 25 முறை அடித்தேன். நான், சிவசேனா எம்.பி., பா.ஜ.,வை சேர்ந்தவன் அல்ல. இவ்வாறு அவர் கூறினார்.

அவமானப்படுத்தினார்:

அடி வாங்கிய சுகுமார் என்ற ஊழியர் கூறியதாவது: என்னை செருப்பால் அடித்த எம்.பி., மோசமான வார்த்தைகளால் திட்டினார். எனது கண்ணாடியை உடைத்ததுடன், அனைத்து ஊழியர்கள் முன்னிலையிலும் அவமானப்படுத்தினார். எம்.பி.,க்களின் இந்த கலாசாரம், நடவடிக்கைகளில் இருந்து கடவுள் தான் காப்பாற்ற வேண்டும். இவ்வாறு அவர் கூறினார்.

மத்திய அமைச்சர் அசோக் கஜபதி கூறுகையில், இது போன்ற சம்பவங்களை எந்த கட்சியும் ஆதரிக்கக்கூடாது. இது போல் சம்பவங்கள் மீண்டும் நடைபெறக்கூடாது. இவ்வாறு அவர் கூறினார்.

வக்காலத்து:

சிவசேனா எம்.பி., மணிஷ் கயன்டே கூறுகையில், சம்பவத்தை கெயிக்வாட் ஒப்புக்கொண்டுள்ளார். இருப்பினும், இது போன்ற நடவடிக்கைக்கு சிவசேனா எப்போதும் ஆதரவு தராது. கெயிக்வாட் புகழ்பெற்ற எம்.பி., அவர் கோபத்தை கட்டுப்படுத்த முடியாத அளவுக்கு சென்றது தொடர்பாக விசாரணை நடத்தப்பட வேண்டும். இவ்வாறு அவர் கூறினார்.

Read More

பார்லி., கூட்டத்தில் மயங்கி விழுந்த கேரள எம்.பி., அகமது மாரடைப்பால் காலமானார்

புதுடில்லி : பார்லி., கூட்டத்தில் பங்கேற்ற போது மயங்கி விழுந்த கேரள எம்.பி., அகமது மாரடைப்பு காரணமாக உயிரிழந்தார்.

இருக்கையில் சரிந்த அகமது :

பட்ஜெட் கூட்டத் தொடரின் முதல் நாளான நேற்று, ஜனாதிபதி பிரணாப் முகர்ஜி, உரை நிகழ்த்திக் கொண்டிருந்த போது, இந்திய யூனியன் முஸ்லிம் லீக் கட்சியின் கேரள, எம்.பி.,யான, இ.அகமது, திடீரென தன் இருக்கையில் மயங்கி சரிந்து விழுந்தார்.

அருகிலிருந்த எம்.பி.,க்கள், மருத்துவர்களுக்கு தகவல் தெரிவித்தனர். உடனடியாக, ஆம்புலன்ஸ் வரவழைக்கப்பட்டு, அருகில் உள்ள, ஆர்.எம்.எல்., மருத்துவமனைக்கு, அகமது அழைத்துச் செல்லப்பட்டார். அங்கு, அவருக்கு தீவிர சிகிச்சை அளிக்கப்பட்டு வந்தது. அவரது நிலைமை கவலைக்கிடமாக உள்ளதாக, டாக்டர்கள் தெரிவித்திருந்தனர்.

மாரடைப்பு:

இந்நிலையில், சிகிச்சையின் போது, அவருக்கு திடீர் மாரடைப்பு ஏற்பட்ட காரணத்தால், சிகிச்சை பலனின்றி அவர் உயிரிழந்தார். கேரளாவின் மலப்புரம் லோக்சபா தொகுதியிலிருந்து, எம்.பி.,யாகியுள்ள அகமது, காங்., தலைமையிலான, ஐ.மு., கூட்டணி அரசில் அமைச்சராக இருந்தது குறிப்பிடத்தக்கது.

English Summary:

NEW DELHI: Barley., Collapsed during an appearance at a meeting of the Kerala MP, Ahmed died from a heart attack.

Read More

காங்.,கில் இணைந்தார் சித்து; முடிவுக்கு வந்தது இழுபறி

புதுடில்லி : கிரிக்கெட் வீரரும், பா.ஜ., முன்னாள், எம்.பி.,யுமான நவ்ஜோத் சிங் சித்து, 53, நீண்ட இழுபறிக்கு பின், நேற்று(ஜன.,15), முறைப்படி காங்கிரசில் இணைந்தார்.

விலகல்:

கிரிக்கெட் வீரரும், பா.ஜ., முன்னாள், எம்.பி.,யுமான, நவ்ஜோத்சிங் சித்து, அந்த கட்சியிலிருந்து விலகி, பரபரப்பை ஏற்படுத்தினார். அவர், ஆம் ஆத்மியில் சேரப் போவதாக தகவல் வெளியானது. டில்லி முதல்வர், அரவிந்த் கெஜ்ரிவால் உட்பட, மூத்த தலைவர்கள் பலருடன், பல கட்ட பேச்சு நடத்தியும், அந்த முயற்சி நிறைவேறவில்லை.

குழப்பம்:

இதன்பின், புதிய அமைப்பை துவங்கினார்; அதுவும் போணியாகவில்லை. இதையடுத்து, சித்துவின் கவனம், காங்., பக்கம் திரும்பியது. அக்கட்சி யில் சேருவதற்கு முன்னோட்டமாக, சித்துவின் மனைவி, நவ்ஜோத் கவுர், காங்.,கில் சேர்ந்தார்; ஆனாலும், அதிகாரபூர்வமாக காங்கிரசில் சேராமல் இருந்தார், சித்து. இதனால், அவரது நிலைப்பாடு குறித்து குழப்பம் நீடித்து வந்தது. இந்த நிலையில், காங்., துணைத் தலைவர், ராகுலை, நேற்று சித்து சந்தித்து, முறைப்படி காங்கிரசில் இணைந்தார்.

வருகை பலம்:

இதுகுறித்து, காங்., செய்தித் தொடர்பாளர் ரண்தீப் சுர்ஜேவாலா கூறியதாவது: பஞ்சாப் மாநிலத்தில், ஆளும் அகாலி தளம் - பா.ஜ., கூட்டணி ஆட்சியை முடிவுக்கு கொண்டு வர வேண்டும் என்ற எண்ணம் உள்ள அனைவரும், ஒன்று சேர்ந்துள்ளோம். சித்துவின் வரவால், காங்., வலிமையடைந்துள்ளது. தேசிய சிந்தனையும், மனம் திறந்து பேசும் தன்மையும் உடைய சித்து, காங்., ஆட்சி மீண்டும் மலர பணியாற்றுவார். இவ்வாறு அவர் கூறினார்.

தேர்தலில் போட்டி?

பஞ்சாபில், காங்., சார்பில், மூத்த தலைவர், அமரிந்தர் சிங், முதல்வர் பதவிக்கு முன்னிறுத்தப்பட்டுள்ளார். தற்போது, அமிர்தசரஸ் தொகுதி, எம்.பி.,யாக இருக்கும் அவர், முதல்வரானால், காலியாகும் அந்த இடத்தில் போட்டியிட, சித்து விருப்பினார். ஆனால், அதற்கான வாக்குறுதியை, காங்., அளிக்கவில்லை. பஞ்சாபில், 117 சட்டசபை தொகுதிகளில், 100 இடங்களுக்கு, காங்., ஏற்கனவே வேட்பாளர்களை அறிவித்து விட்டது. அமிர்தசரஸ் கிழக்கு உட்பட, 17 சட்டசபை தொகுதிகளுக்கு வேட்பாளர் அறிவிக்கப்படவில்லை. எனவே, சித்து, சட்டசபை தேர்தலில் போட்டியிட வாய்ப்பு இருப்பதாக கூறப்படுகிறது.

English Summary:

New Delhi : Cricketer-turned-BJP, former MP Navjot Singh Sidhu, 53, after a long tug, yesterday (Jan., 15), formally joined the Congress.

Read More

அமெரிக்க பாராளுமன்ற உறுப்பினர்களாக 5 இந்திய வம்சாவழியினர் பதவி ஏற்றனர்

வாஷிங்டன்  - அமெரிக்க பாராளுமன்ற உறுப்பினர்களாக இந்திய வம்சாவழியை சேர்ந்த ஐந்துபேர் பதவி ஏற்று கொண்டனர்.

இந்திய வம்சாவழியினர் வெற்றி:

அமெரிக்க பாராளுமன்றத்துக்கு கடந்த நவம்பர் மாதம் நடைபெற்ற தேர்தலில் போட்டியிட்டு வெற்றிபெற்ற இந்திய வம்சாவழியினரான கமலா ஹாரிஸ், ரோ கண்ணா, ராஜா கிருஷ்ணமூர்த்தி, துல்சி கப்பார்ட், பிரமிளா ஜெய்பால் ஆகியோர் நேற்று முன்தினம் பதவி ஏற்று கொண்டனர். இவர்களில் ராஜா கிருஷ்ணமூர்த்தி ‘பகவத் கீதை’யின் மீது கைவைத்து சத்திய பிரமாணம் செய்தார்.

5 இடங்களை...:

அமெரிக்காவில் வாழும் இந்தியர்களின் எண்ணிக்கை அந்நாட்டின் மக்கள்தொகையில் ஒருசதவீதமாக மட்டுமே உள்ள நிலையில் பாராளுமன்ற உறுப்பினர்களின் மொத்த எண்ணிக்கையான 100 உறுப்பினர்களின் இடத்தில் 5 இடங்களை இந்திய வம்சாவழியினர் பிடித்துள்ளது, குறிப்பிடத்தக்கது. முன்னதாக, அமெரிக்காவில் வாழும் இந்தியர்களின் சார்பில் அமெரிக்கா பாராளுமன்ற உறுப்பினர்களாக பதவி ஏற்ற இவர்கள் ஐந்து பேரையும் வாழ்த்தும் வகையில் மாபெரும் பாராட்டி விழா நடத்தப்பட்டது.

English summary:

Washington - The US and five MPs of Indian origin, who accepted the position.

Read More

எம்பி பதவியை ராஜினாமா செய்துவிடலாம் என தோன்றுகிறது: அத்வானி வேதனை

புதுடெல்லி: மக்களவையில் பா.ஜ மூத்த தலைவர் அத்வானி தெரிவித்த வேதனையான கருத்தை வைத்து, காங்கிரஸ், பா.ஜ ஆகிய கட்சிகள்  பரஸ்பரம் குற்றம்சாட்டி வருகின்றன. நாடாளுமன்றத்தின் குளிர்க்கால கூட்டத் தொடர் கடந்த மாதம் 16ம் தேதி தொடங்கி இன்று  முடிவடைகிறது. உயர் மதிப்பு கரன்சி தடை விவகாரம் தொடர்பாக ஓட்டெடுப்புடன் கூடிய விவாதம் நடத்த வேண்டும் என முதல் நாள் முதல்  எதிர்க்கட்சிகள் கோரிக்கை விடுத்து வந்தன. ஓட்டெடுப்பு இல்லாத விவாதம் நடத்த தயார் என ஆளும் கட்சி கூறிவந்தது.

இந்த முட்டுக்கட்டையால் குளிர்க்கால கூட்டத் தொடர் முழுவதும் வீணானது. வழக்கம்போல் அமளி காரணமாக மக்களவை நேற்றும்  ஒத்திவைக்கப்பட்டது. அப்போது முன்வரிசையில் சோகத்துடன் அமர்ந்திருந்த பா.ஜ மூத்த தலைவர் அத்வானி, மத்திய அமைச்சர் ஸ்மிருதி  இரானியிடம், ஒவ்வொரு நாளும் அமளியால் அவை ஒத்திவைக்கப்படுகிறது. எம்.பி. பதவியை ராஜினாமா செய்துவிடலாம்போல் உள்ளது என  வேதனையுடன் கூறினார். அத்வானி வேதனையுடன் கூறிய கருத்தை உள்துறை அமைச்சர் ராஜ்நாத் சிங்கிடம் ஸ்மிருதி இரானி தெரிவித்தார்.

உடனே அவர் அத்வானியிடம், பொறுமையாக பேசிக் கொண்டிருந்தார். அப்போது ராஜ்நாத் சிங்கிடம், கடைசி நாளன்றாவது கரன்சி தடை  விவகாரம் குறித்து விவாதம் நடத்துவதை உறுதி செய்யும்படி சபாநாயகரிடம் சொல்லுங்கள் என கூறியுள்ளார். யாருக்கு வெற்றி, தோல்வி  என பார்க்க கூடாது. ஏதாவது விதியின் கீழ் விவாதம் நடை பெறவேண்டும். அவ்வாறு விவாதம் இன்றி கூட்டத் தொடர் ஒத்திவைக்கப்பட்டால்  குளிர்க்கால கூட்டத் தொடர் முழுவதும் வீணானதாக கருதப்படும் என திரிணாமுல் காங்கிரஸ் எம்.பி இத்ரிஸ் அலியிடம் கூறியுள்ளார்.

அத்வானியின் இந்த வேதனையான கருத்தை வைத்து காங்கிரஸ், பா.ஜ ஆகிய கட்சிகள் பரஸ்பரம் குற்றச்சாட்டியுள்ளன. அத்வானியின்  கருத்து குறித்து மத்திய அமைச்சர் வெங்கையா நாயுடு கூறுகையில், நாடாளுமன்றம் செயல்பட அனுமதிக்காதது எல்லோருக்கும்  வருத்தம்தான். ஆனால், என்ன செய்வது. சிலர் வேண்டுமென்றே அவையை முடக்குகின்றனர். அவையின் மையப்பகுதிக்கு வந்து யார்  கோஷமிடுகின்றனர் என எல்லோருக்கும் தெரியும். அத்வானி மூத்த உறுப்பினர் என்பதால் அவர் தனது வேதனையை தெரிவித்துள்ளார்’’  என்றார்.

காங்கிரஸ் துணைத் தலைவர் ராகுல் காந்தி டிவிட்டர் பதிவில், ‘‘ஜனநாயக உரிமைகளுக்காக உங்கள் கட்சிக்குள் போராடியதற்கு நன்றி  அத்வானிஜி’’ என குறிப்பிட்டுள்ளார். காங்கிரஸ் செய்தி தொடர்பார் அபிஷேக் சிங்வி கூறுகையில், ‘‘சொந்த கட்சியை அத்வானி கடுமையாக  திட்டியுள்ளது தெளிவாக தெரிகிறது. இது காங்கிரசுக்கு எதிரான கோபம் என திரித்துக் கூறுவது கேலிக்கூத்தானது’’ என தெரிவித்துள்ளார்.

English Summary:

New Delhi: BJP leader LK Advani said in the Lok Sabha on the theme of anguish, the Congress and the BJP have been accusing each other of the parties.

Read More

எம்.பி., பதவியை ராஜினாமா செய்தது போல் உணர்கிறேன்: அத்வானி வருத்தம்

புதுடில்லி: பார்லிமென்ட்டில் தொடர் அமளி காரணமாக அடுத்தடுத்து ஒத்தி வைக்கப்படுவது, எம்.பி., பதவியை ராஜினாமா செய்தது போல் உணர்வதாக பா.ஜ., மூத்த தலைவர் அத்வானி கூறினார்.

அமளி:

ரூபாய் நோட்டு வாபஸ் பிரச்னையால் பார்லிமென்டில் தொடர் அமளி ஏற்பட்டு வருகிறது. இதனால் பார்லிமென்ட் தினமும் ஒத்திவைக்கப்பட்டு வருகிறது. இந்த முறை இது வரை எந்த நிகழ்ச்சிகளும் நடக்கவில்லை. பார்லிமென்ட் கூட்டத்தொடர் நாளை முடிவடைய உள்ளது. இன்றும் எதிர்க்கட்சிகள் அமளி காரணமாக பார்லிமென்டின் இரு அவைகளும் நாள் முழுவதும் ஒத்திவைக்கப்பட்டது.

வேதனை:

அப்போது அங்கிருந்த எம்.பி.,க்களிடம் பேசிய அத்வானி கூறியதாவது: பார்லி கூட்டம் விவாதம் நடத்தாமல் அடுத்தடுத்து ஒத்திவைக்கப்படுவது, எம்.பி., பதவியை ராஜினாமா செய்தது போல் உணர்கிறேன். நாளைய கூட்டத்தை இடையூறு இல்லாமல் நடத்துவதை உறுதிப்படுத்த சபாநாயகர் நடவடிக்கை எடுக்க வேண்டும் என உள்துறை அமைச்சர் அவரிடம் வலியுறத்த வேண்டும். ரூபாய் நோட்டு வாபஸ் தொடர்பாக விவாதம் நடத்த வேண்டும். இது எதுவும் நடக்காமல், எந்த விவாதமும் இல்லாமல் பார்லிமென்ட் ஒத்திவைக்கப்பட்டால், இதனை வாஷ் அவுட்டாக கருத வேண்டும். சுமூக விவாதம் நடத்த, காங்கிரஸ் உள்ளிட்ட எதிர்க்கட்சிகளுடன் பேச்சுவார்த்தை நடத்த வேண்டும். எந்த விதியின் கீழ் நாளை விவாதம் நடந்தாலும் அதற்கு எந்த தரப்பும், கட்சியும் அதனை வெற்றி தோல்வியாக கருதக்கூடாது. எந்த விவாதம் இல்லாமல், பார்லிமென்ட் காலவரையின்றி ஒத்திவைக்கப்பட்டால், அது பார்லிமென்ட் தோற்கடிப்பதாக கருத வேண்டும். வாஜ்பாய் இன்று அவையில் இருந்திருந்தாலும், இடையூறால் அவை ஒத்திவைக்கப்படுவது வேதனை ஏற்படுத்துகிறது என கூறியிருப்பார் என்றார்.

சில நாட்களுக்கு முன்னர், பார்லிமென்ட் விவாதம் இல்லாமல் ஒத்திவைக்கப்படுவதற்கு அத்வானி வருத்தம் தெரிவித்திருந்தார்.

English Summary:

NEW DELHI: Parliament uproar in the series have been postponed due to the succession, MP, felt resigned senior BJP leader LK Advani said.

Read More