ஏற்றுமதியில் சீனாவை மிஞ்சும் இந்தியா

மும்பை: உள்நாட்டில் உற்பத்தியாகும் பொருட்கள் ஏற்றுமதியில் இந்தியா தனது போட்டி நாடான சீனாவை மிஞ்சி விட்டது என பிரபல கப்பல் நிறுவனமான டாம்கோ அறிவித்துள்ளது

ஏற்றுமதி:

இந்தியாவும் சீனாவும் பல்வேறு உலக நாடுகளுக்கு தங்களது நாட்டில் உற்பத்தியாகும் பொருட்களை போட்டி போட்டு ஏற்றுமதி செய்து வருகின்றன. டாம்கோ என்ற பிரபல கப்பல் நிறுவனத்தின் புள்ளிவிவரங்களின் படி, கடந்த 2013 முதல் 2016 ஆண்டுகளில் இந்தியாவின் ஏற்றுமதி வருடத்திற்கு 10 சதவீதமாக அதிகரித்துள்ளது. அதே நேரம் சீனாவின் ஏற்றுமதி 5 சதவீதம் மட்டுமே அதிகரித்துள்ளதாக தெரிவித்துள்ளது.

ஏற்றுமதி அதிகரிக்க காரணம்:

இது குறித்து டாம்கோ கப்பல் நிறுவன தலைவர் சேஜிங் கூறியதாவது: இந்தியாவிலிருந்து வீட்டு அலங்கார பொருட்கள், ஜவுளிகள் அதிக அளவில் ஏற்றுமதியாகிறது. பன்னாட்டு நிறுவனங்கள் இந்தியாவில் முதலீடு செய்யவே விரும்புகின்றன. சீனாவில் இந்தியாவை காட்டிலும் உற்பத்தி செலவு அதிகமாக உள்ளது. சீனாவை காட்டிலும் தரமான பொருட்கள் இந்தியாவில் உற்பத்தி செய்யப்படுவதால் கடந்த 3 ஆண்டுகளில் ஏற்றுமதி கணிசமாக உயர்ந்துள்ளது. இவ்வாறு அவர் தெரிவித்தார்.

English summary:

Mumbai: India's exports of locally manufactured goods dwarfs its rival China as the leading shipping company, announced tamko

Read More

இந்தியாவுக்கு சீனா எச்சரிக்கை

பெய்ஜிங்: புத்த மத தலைவர் தலாய் லாமா அருணாச்சல் செல்வதற்கு எதிர்ப்பு தெரிவித்துள்ள சீனா, இதனால் இரு தரப்பு உறவு பாதிக்கப்படும் என எச்சரித்துள்ளது.

தலாய் லாமா பயணம்:

அருணாச்சல பிரதேசத்தின் சில பகுதிகளை சீனா உரிமை கொண்டாடி வருகிறது. இந்நிலையில், புத்த மத தலைவர் தலாய் லாமா, மாநில அரசின் அழைப்பை ஏற்று அருணாச்சல் பிரதேசம் செல்ல உள்ளார். அவரது பயணம் எப்போது என முடிவாகவில்லை. இந்த வருடத்தில் அவர் அருணாச்சல் செல்வார் என எதிர்பார்க்கப்படுகிறது.

கவலை:

இது தொடர்பாக சீன வெளியுறவு அமைச்சகத்தின் செய்தி தொடர்பாளர் கூறுகையில், தலாய் லாமாவின் அருணாச்சல பயணம் மேற்கொள்வது சீனாவுக்கு கவலை ஏற்படுத்தியுள்ளது. இந்த பயணத்திற்கு சீனா கடும் எதிர்ப்பு தெரிவிக்கிறது. இரு நாடுகளுக்கு இடையிலான எல்லைப்பகுதியில் சீனாவின் நிலை தெளிவாக உள்ளது. தலாய் லாமாவின் நிலை, சீனாவுக்கு எதிராக உள்ளது. இதனால், அவர் அங்கு செல்வது சரியாக இருக்காது. எங்களின் கவலையை இந்திய அரசின் கவனத்திற்கு கொண்டு சென்றுள்ளோம்.
தலாய் லாமா விவகாரம், இந்திய - சீன எல்லையில் உள்ள நிலை குறித்து இந்தியாவுக்கு நன்கு தெரியும். இந்த சூழ்நிலையில், தலாய் லாமாவை அருணாச்சல பிரதேசம் செல்ல இந்தியா அனுமதித்தால், அது இரண்டு நாடுகளுக்கு இடையிலான உறவை பாதிக்கும். இவ்வாறு அவர் கூறினார்.

English summary:

Beijing: Buddhist leader Dalai Lama to Arunachal in China have protested, warning it would damage the bilateral relationship.

Read More

சீனாவில் பாண்டாக்களை பாதுகாக்க 27 ஆயிரம் சதுர கிலோ மீட்டரில் பூங்கா

பாண்டாக்களை பாதுகாப்பதற்காக, 27,000 சதுர கிலோ மீட்டர் அளவிலான தேசிய வனப்பகுதியை ஒதுக்கியுள்ளதாக சீன அரசாங்கம் அறிவித்துள்ளது.

33 வகையான, வன பாண்டாக்களை பாதுகாக்க ஷான்ஷி, சச்சுவான் மற்றும் கேன்சூ ஆகிய மாகாணங்களில் அந்த பூங்கா அமையவுள்ளது.
சரணாலயங்களிற்கு வெளியே வாழும் மூன்றில் ஒரு பங்கிற்கும் மேற்பட்ட சீன வன பாண்டாக்களை பாதுகாக்க இந்த புதிய தேசிய பூங்கா முயற்சிகளை மேற்கொள்ளும்.

இம்மாதிரியாக, அழிவில் இருக்கும் உயிரினங்களான சைபீரிய புலிகள், திபெத்திய ஆண்டிலோப் மற்றும் ஆசிய யானைகள் ஆகியவற்றை பாதுகாக்க பெரிய பூங்காக்களை அமைக்கும் திட்டங்களையும் பரிசீலித்து வருவதாக சீன அதிகாரிகள் தெரிவித்துள்ளனர்.

English Summary:

In order to protect pandas, the Chinese government allocated 27,000 square kilometers and has a national forest .

Read More

அமெரிக்க அச்சுறுத்தல்; சீனா அதிரடி சோதனை

பெய்ஜிங்: ஒரே நேரத்தில் 10 அணு ஆயுதங்களுடன் சென்று தாக்கும் ஏவுகணை சோதனையை சீனா செய்திருப்பதாக செய்திகள் வெளியாகியுள்ளன. அமெரிக்காவிடமருந்து வரும் அச்சுறுத்தல்களை எதிர்கொள்ளும் வகையில், இந்த சோதனை செய்து பார்க்கப்பட்டுள்ளதாக கூறப்படுகிறது.
இந்த சோதனை கடந்த மாதம் நடந்ததாக கூறப்படுகிறது. டோங்பெங் - 5சி என்ற ஏவுகணை மூலம், இந்த சோதனை நடத்தப்பட்டது. ஷாங்ஷி மாகாணத்தில் உள்ள தையூன் ஏவுதளத்தில் இருந்து சோதனை செய்து பார்க்கப்பட்டது. டம்மியாக பொருத்தப்பட்ட ஆயுதங்கள் பாலைவினத்தில் விழும்படி செய்யப்பட்டது.
இந்த சோதனையை அமெரிக்க உளவுத்துறை வட்டாரங்கள் தீவிரமாக கண்காணித்ததாக அந்நாட்டு பத்திரிகை கூறியுள்ளது.

English summary:

Beijing: At the same time, China has 10 nuclear weapons were reported to the missile test. In America In response to the threat, the test is said to be viewed.

Read More

மனிதரில் சூப்பர்பக் உருவாக காரணமாகும் ஆன்டிபயாடிக் மருந்துகள்

பல தசாப்தங்களாக கால்நடைகளுக்கு வழங்கப்பட்டு வருகின்ற வீரியம் மிகுந்த ஆன்டிபயாடிக் மருந்து, சிகிச்சை அளிக்க முடியாத சூப்பர்பக்குகளை சில மனிதர்களிடம் ஏற்படுத்தியுள்ளதாக சீனாவில் வெளியாகியுள்ள புதிய ஆய்வில் தெரிவந்துள்ளது.

பல ஆண்டுகளாக இரண்டு மருத்துவமனைகளில் சிகிச்சை பெற்ற 17 ஆயிரம் நோயாளிகள் பயன்படுத்திய பஞ்சை விஞ்ஞானிகள் சோதனை செய்தனர்.

அதில் ஒரு சதவீத மாதிரிகள், சிகிச்சையின்போது கடைசி முயற்சியாக வழங்கப்படுகின்ற கோலிஸ்டின் ஆன்டிபாயடிக் மருந்தை செயல்பட விடாமல் இருப்பவை என்று இந்த விஞ்ஞானிகள் அறிந்துள்ளனர்.

பக்டீரியாவை அழிக்கும் வெங்காயம், பூண்டு, மாட்டுப் பித்தநீர்

இந்த ஆய்வு த லான்செட் இதழில் வெளியாகியுள்ளது.

கோலிஸ்டின் ஆன்டிபயாடிக் மருந்தின் செயல் திறனை பாதுகாத்து. மனிதர்களுக்கு பயன்படுத்த, கால்நடைகளுக்கு வழங்கப்படுவது சீனாவில் இந்த ஆண்டு முதல் தடை செய்யப்பட்டிருக்கிறது.

English Summary:

For decades, the concentrated antibiotic drug given to livestock, humans had some super-bug can not be treated as a new study has been published in China 

Read More

சீனா - அமெரிக்கா நேரடி மோதல் அபாயம்: சீன பத்திரிகை தகவல்

பெய்ஜிங்: சீனா மற்றும் அமெரிக்கா இடையே, நேரடி மோதல் ஏற்படும் என சீன அரசுக்கு சொந்தமான குளோபல் டைம்ஸ் நாளிதழ் எச்சரிக்கை விடுத்துள்ளது.

பாதிப்பு:

இது தொடர்பாக, அந்த பத்திரிகை வெளியிட்ட தலையங்கத்தில் கூறப்பட்டுள்ளதாவது:

சீனா மற்றும் அமெரிக்கா இடையே கடுமையான மோதல் ஏற்படும் சூழல் ஏற்பட்டுள்ளது. இதில், டிரம்ப் நிர்வாகத்திற்கு உரிய பதிலடி, விரைவாக கொடுக்க சீனா தயாராக இருக்க வேண்டும். எதிர்காலத்தில், இரு நாடுகளுக்கு இடையேயான பரிமாற்றம் வழக்கமாக இருக்கும் வகையில், இந்த மோதலில் சீனா வெற்றி பெற வேண்டும். நேட்டோ பயனற்றது என டிரம்ப் கூறி வருகிறார். இது பெய்ஜிங்கை அசைப்பது போல் உள்ளது. இங்கிலாந்து மற்றும் ரஷ்யாவுக்கு சாதகமான டிரம்பின் கொள்கைகள், ஐரோப்பாவை புறக்கணிப்பது போல் உள்ளது. இது உலக நாடுகளை உலுக்குவதுடன், சீனாவுக்கு கடும் பாதிப்பை ஏற்படுத்தும்.

மறுபரீசலனை:

சில நாடுகளுடன் உள்ள உறவை சீனா மறுபரிசீலனை செய்ய வேண்டும். மற்ற சில நாடுகளுடன் உள்ள உறவை சீனா வளர்க்க வேண்டும். இதன் மூலம் அமெரிக்காவின் விளையாட்டை சமாளிக்க முடியும். கடந்த 40 ஆண்டுகளாக உள்ள ஒரே சீனா கொள்கையை டிரம்ப் மறுபரீசலனை செய்ய வேண்டும் என்கிறார். இந்த கொள்கையை ரத்து செய்ய விரும்புவதுடன், அனைத்தையும்மாற்ற வேண்டும் என்கிறார். ஒரே சீனா கொள்கையை பெரும்பாலான உலக நாடுகள் ஏற்றுக்கொண்டுள்ளன என தெரிவிக்கப்பட்டுள்ளது.

English Summary:

Beijing: China and the United States, between the Chinese state-run Global Times newspaper that the direct cause of the conflict has warned.

Read More

சர்ச்சைக்குரிய தென் சீனக் கடல் பகுதியில் ஆராய்ச்சி மையம் அமைக்கிறது சீனா !

பீஜிங்   - சர்ச்சைக்குரிய தென் சீனக் கடல் பகுதியில் ஆராய்ச்சி மையம் கட்டப்போவதாக சீனா புதிய அறிவிப்பு ஒன்றினை வெளியிட்டுள்ளது.

தென் சீனக் கடல்: 

தென் சீனக் கடல் பகுதியில் சீனா ஆதிக்கம் செலுத்தி வருகிறது. அங்கு பல்வேறு பகுதிகளில் மணல், கற்களை கொட்டி செயற்கை தீவுகளை, சீனா அமைத்து வருகிறது. மேலும் விமானப்படை தளம், கலங்கரை விளக்கம், கடற்படை தளம் போன்றவற்றை உருவாக்கி வருகிறது.

நீடிக்கும் மோதல் :

இதனால் பிலிப்பைன்ஸ், வியட்நாம், ஜப்பான், மலேஷியா, தைவான், புருனே உள்ளிட்ட நாடுகளுக்கும், சீனாவுக்கும் இடையே மோதல் நீடித்து வருகிறது. பிலிப்பைன்ஸ், ஜப்பானுக்கு ஆதரவாக, அமெரிக்கா குரல் கொடுத்து வருகிறது.

சீனா திட்டம்:

இந்நிலையில், சர்ச்சக்குரிய தென் சீனக் கடல் பகுதியில் ஆராய்ச்சி மையம் கட்டப்போவதாக சீனா புதிய அறிவிப்பு ஒன்றினை வெளியிட்டுள்ளது. இது தொடர்பாக சீனா வெளியிட்டுள்ள அறிக்கையில் சுத்தமான எரிசக்தியை உருவாக்கும் பொறுட்டு 5 ஆண்டு திட்டம் மேற்கொள்ள உள்ளதாக தெரிவித்துள்ளது

English Summary:

Beijing - China has territorial disputes in the South China Sea area build Research Center has published a new notice.

Read More

என்எஸ்ஜியில் இந்தியா இணையாததற்கு சீனாவே காரணம்: அமெரிக்கா

வாஷிங்டன்: என்எஸ்ஜி எனப்படும் அணுசக்தி விநியோக குழுவில் இ்ந்தியா இடம்பெற முடியாமல் போனதற்கு சீனாவே காரணம் என அமெரிக்கா கூறியுள்ளது.

இது தொடர்பாக அமெரிக்காவின் தெற்கு மற்றும் தெற்கு ஆசியாவிற்கான துணை வெளியுறவு செயலாளர் நிஷா தேசாய் கூறியதாவது: என்.எஸ்.ஜி.,யில் இந்தியா இணைவது ஒரு மித்த கருத்து கருத்து அடிப்படையில் முடிவு எடுத்த நிலையில், சீனாவின் எதிர்ப்பு காரணமாக சேர முடியவில்லை. என்.எஸ்.ஜி.,யில் இந்தியா உறுப்பினராக சேர தேவையான தகுதிகளை இந்தியா கொண்டுள்ளதாக, அதிபர் தெளிவாகவும், உறுதியாகவும் நம்பினார். குழுவில் சேர இந்தியா தயாராக உள்ளது. இந்த குழுவில் இந்தியா கட்டாயம்சேர வேண்டும் என அதிபர் விரும்பினார்.

என்எஸ்ஜியில் சேர இந்தியாவுடன் இணைந்து அமெரிக்கா செயல்பட்டது. இந்த குழுவில் இந்தியா சேர்வது தொடர்பான தேவையான நடவடிக்கைகளை அமெரிக்கா எடுத்துள்ளது. அடுத்து எடுக்க வேண்டிய நடவடிக்கைகளை புதிய அரசு தொடரும். இந்த விவகாரத்தில் ஒரு நாடை மட்டும் கவனிக்க வேண்டியுள்ளது. அந்த நாடு சீனா எனக்கூறினார்.

English summary:

Washington, known as the Nuclear Suppliers Group NSG join held in China as the reason for the failure of the United States said.

Read More

மனிதனை போல் இயங்கும் ரோபோ : சீனாவில் செயல்பாட்டுக்கு வந்தது

ஷாங்காய் : மனிதர்களை போன்ற தோற்றமும், முகபாவனைகளும் காட்டு ரோபோவை சீனா தயாரித்து, செயல்பாட்டிற்கு கொண்டு வந்துள்ளது.

சீனா, மனிதனை போன்ற தோற்றம் தொண்ட முதல் ரோபோவை கடந்த ஆண்டு உருவாக்க துவங்கியது. சீன அறிவியல் மற்றும் தொழில்நுட்ப பல்கலையின் சின் ஷியாபிங் தலைமையிலான இன்ஜினியர்கள் குழு உருவாக்கி உள்ள இந்த ரோபோவுக்கு 'ஜியா ஜியா' என, பெயரிடப்பட்டுள்ளது. பெண் வடிவிலான இந்த ரோபோவிற்கு செயற்கை அறிவுத்திறன் வழங்கப்பட்டுள்ளது. சோதனை அடிப்படையில் முதல்கட்டமாக சீன ரெஸ்டாரன்ட்கள், நர்சிங் ேஹாம், மருத்துவமனைகள், வீட்டு வேலைகள் உள்ளிட்ட சிறுசிறு பணிகள் வழங்கப்பட உள்ளது.

அடுத்த 5 முதல் 10 ஆண்டுகளில் சீனாவில் இந்த ரோபோக்களுக்கு மிகப் பெரிய வரவேற்பு இருக்கும் என கூறப்படுகிறது. நீண்ட கறுமையான கூந்தலுடன், சீன பாரம்பரிய உடையணிந்து காட்சி தரும் இந்த ரோபோவை உருவாக்க 2 ஆண்டுகள் எடுத்துக் கொண்டதாக கூறப்படுகிறது. இந்த ரோபோ சாதாரண கேள்விகளுக்கும், எதிரில் இருப்பவரின் பாலினத்திற்கு ஏற்க கனிவுடன் பதிலளிக்கிறது. ஆண்களிடம்,‛ நீங்கள் அழகாக இருக்கிறீர்கள்' என கூறும் இந்த ரோபோவிடம், பாய் பிரண்டாக இருக்க விரும்புவதாக யாராவது கூறினால், ‛நான் தனியாக இருக்க வேண்டும்' என, பதிலளிக்கிறது.

மனித குரல் தகவல்களை பெற்றுக் கொண்டு, அதற்கு ஏற்க வேலைகளையும் செய்கிறது. தத்ரூபமான முகபானைகளுடன் பேசும் இந்த ரோபோவிற்கு கணிதம், அறிவியல் போன்ற பாடங்களும் கற்பிக்கப்பட்டுள்ளதாக கூறுகிறார்கள் இதனை வடிவமைத்தவர்கள். எதிர்காலத்தில் இந்த ரோபோக்களுக்கு மிகப் பெரிய அளவில் வரவேற்பு இருக்கும் என கூறப்படுகிறது. அதிகரித்து வரும் மக்கள் தொகைக்கு ஏற்ப, இதன் பணிகள் மற்றும் தேவைகள் அதிகரிக்கும் என கூறப்படுகிறது.

English summary:

Shanghai: look like humans, wild robot facial expressions produced in China, has brought to the process. China, the first human-like robot appearance throat began to build last year. China University of Science and Technology to create a group of engineers, led by Sinn siyapin to the robot, "Jia Jia", as labeled. The female form is provided ropovirku AI. Chinese Restaurants in the first phase of the test, nursing eham, hospitals, small tasks, including housework is provided. 

Read More

இந்தியா - வியட்நாம் ஏவுகணை ஒப்பந்தம்: சீனா டென்ஷன்

ஹனோய்: வியட்நாம் இந்தியாவிடமிருந்து ஏவுகணைகள் வாங்க திட்டமிட்டுள்ளது. இரு நாடுகளுக்கு இடையே கையெழுத்தாக உள்ள ஏவுகணை ஒப்பந்தம் சீனாவுக்கு கலக்கத்தை ஏற்படுத்தியுள்ளது.

ஏவுகணை வாங்க திட்டம்:

பிரதமர் மோடி கடந்த ஆண்டு செப்டம்பர் மாதம் வியட்நாமின் ஹனோய் நகருக்கு சென்ற போது வியட்நாமிற்கு 500 மில்லியன் அமெரிக்க டாலர் மதிப்பிலான ஆயுதங்கள் வழங்கும் ஒப்பந்தத்தில் கையெழுத்திட்டார். இது தவிர வியட்நாம் கப்பல் படைகளுக்கு இந்தியா நீர் மூழ்கி கப்பல் பயிற்சியும் அளித்து வருகிறது. இந்நிலையில் வியட்நாம் இந்தியாவிலிருந்து ஏவுகணைகள் வாங்கும் திட்டத்திலும் உள்ளது. இதனால் சீனா கலக்கம் அடைந்துள்ளது.

சீனா வலியுறுத்தல்:

இந்தியா வியட்நாம் இடையேயான நட்புறவில் சீனா தலையிட விரும்பவில்லை என்றும் அதே நேரம் அமைதிக்கு பாதகம் ஏற்படும் வகையில் இரு நாடுகளுக்கு இடையோன ஏவுகணை ஒப்பந்தம் இருக்கும் என சீனா கருதுகிறது. இந்நிலையில் வியட்நாம் அதிபர் குயேன் பு டிரோங் ஜனவரி 12ல் அரசு முறைப்பயணமாக சீன தலைநகர் பெய்ஜிங் செல்ல திட்டமிட்டுள்ளார். அவர் வருகையின் போது இந்தியாவிடமிருந்து ஏவுகணை வாங்கும் திட்டத்தை கைவிட வேண்டி சீனா வியட்நாமிடம் வலியுறுத்த முயற்சிப்பதாக ஊடகங்கள் தெரிவிக்கின்றன.

English summary:

Hanoi: Rocket plans to buy missiles from India. The missile deal signed between the two countries has caused consternation in China.

Read More

சீனா-லண்டன் இடையே நேரடி சரக்கு ரயில் சேவை தொடக்கம்

சீனாவால் தொடங்கி வைக்கப்பட்டுள்ள சீனா மற்றும் லண்டன் இடையிலான நேரடி சரக்கு ரயில் சேவையின் பாதையில் முதல் ரயில் தனது பயணத்தை தொடங்கியுள்ளது.

சீனாவின் கிழக்கில் உள்ள யீ வூ நகரிலிருந்து புறப்பட்டுச் சென்ற அந்த ரயில், துணிகள், பைகள் மற்றும் பிற வீட்டு உபயோக பொருட்களை ஏற்றிச் சென்றது. இரண்டு வாரங்களில் அது லண்டன் சென்றடையும்.
தண்டவாளத்தின் பாதை மாறும் போது சரக்குகள் வேறு ரயில்களுக்கு மாற்றப்பட வேண்டும்.

தனது எல்லைகளுடன் ஐரோப்பாவை இணைக்கும் பட்டுப் பாதை திட்டத்தின் பங்காக சமீப வருடங்களில் ஐரோப்பிய நகரங்களுக்கான நேரடி ரயில் பாதைகளை சீனா விரிவுப்படுத்தி கொண்டு வருகிறது.

இந்த சேவை, ஏற்றுமதியாளர்களுக்கு மெதுவான மற்றும் விலைக்குறைந்த சரக்கு கப்பல் சேவைக்கும் மற்றும் அதி விரைவான அதே சமயத்தில் மிக அதிக செலவிலான விமான போக்குவரத்துக்கும் இடையில் ஒரு நடுத்தர வாய்ப்பாக அமைகிறது.

English Summary:

China has been launched by China and London Directly in the path of the freight train service between the train has started its journey.

Read More

சீனாவில் பயங்கரவாதிகள் 4 பேர் சுட்டுக்கொலை

பெய்ஜிங்  - சீனாவின் ஜிங்ஜியாங் மாகாணத்தில் உள்ள கம்யூனிஸ் கட்சி அலுவலகத்தில் தாக்குதல் நடத்திய 4 பயங்கரவாதிகளை அந்நாட்டு காவல்துறை சுட்டுக்கொலை செய்தது.

கட்சி அலுவலகத்தில் தாக்குதல் :

ஜிங்ஜியாங் மாகாணத்தில் உள்ள கராகஸ் கவுண்டியில்  உள்ளூர் கம்யூனிஸ்ட் கட்சியின் அலுவலக கட்டிடம் உள்ளது. இந்த அலுவலகத்தை நோக்கி வந்த கார் அலுவலக கட்டிடத்தில் மோதியது. தொடர்ந்து வெடிகுண்டுகளையும் வெடிக்கச்செய்தனர். இந்த தாக்குதலில் ஒருவர் பலியானார். 3 பேர் படுகாயம் அடைந்தனர்.

4 பயங்கரவாதிகள் சுட்டுக்கொலை:

இதையடுத்து அங்கு பாதுகாப்புக்கு நின்று கொண்டிருந்த போலீசார் பயங்கரவாதிகளை நோக்கி துப்பாக்கியால் சுட்டனர். இதில் தாக்குதல் நடத்த வந்த 4 பயங்கரவாதிகளும் சுட்டுக்கொல்லப்பட்டனர்.  சீனாவில் கடந்த சில மாதங்களில் நடத்தப்படும் மிகப்பெரும் தாக்குதல் இதுவாகும். சீனாவில் இதுபோன்ற நடத்தப்படும் தாக்குதலுக்கு கிழக்கு துருகிஸ்தானில் உள்ள பயங்கரவாத அமைப்பை இத்தகைய தாக்குதலுக்கு வழக்கமாக குற்றம் சாட்டி வருகிறது. கடந்த செப்டம்பரில் கிர்கிஸ்தானில் உள்ள  சீனா தூதரகத்தில் நடைபெற்ற தற்கொலைப்படை தாக்குதலுக்கு இந்த பயங்கரவாத அமைப்பு மீதுதான் குற்றம் சுமத்தப்பட்டது என்பது குறிப்பிடத்தக்கது.

English summary:

Beijing - China's Communist Party in Xinjiang province, the attack on the office by 4 terrorists killed by the police.

Read More

இந்தியா வளிமண்டலத்தில் அதிகளவில் பரவியுள்ள அமோனியா படலம்; விஞ்ஞானிகள் கண்டுபிடிப்பு

புதுடில்லி: உலகின் வளிமண்டலத்தில் டிரோபோஸ்பியருக்கு மேலாக அமோனியா வாயு படலம் பரவியிருப்பதை முதன் முதலாக விஞ்ஞானிகள் கண்டு பிடித்துள்ளனர்.
இந்த அம்மோனியா படலம் இந்தியா மற்றும் சீன நாட்டிற்கு மேல் வளிமண்டலத்தில் உலகின் மற்ற பகுதிகளைக் காட்டிலும் அதிக அளவு பரவி இருப்பதாக கண்டுபிடிக்கப்பட்டுள்ளது. இந்திய சீன வளிமண்டலத்தில் கடல் மட்டத்திலிருந்து சுமார் 12 கி,மீ., மற்றும் 15 கி.மீ., க்கு இடைப்பட்ட உயரத்தில் இந்த வாயு படலம் பரவி உள்ளது

காரணம்:

அம்மோனியா வாயு பரவி இருப்பதற்கு காரணம் இந்த இரு நாடுகளிலும் விவசாயத்திற்கு அதிக அளவில் யூரியா பயன்படுத்தப்பட்டது தான் என்று தெளிவாகி உள்ளது. பயிர்கள் செழித்து வளர யூரியா உரம் மிகவும் அவசியமாக இருப்பதால் இவை இந்த இருநாடுகளிலும் பயன்படுத்தபடுகின்றன.

அமோனியாவால் ஏற்படக்கூடிய மாற்றம்:

வளிமண்டலத்தில் பரவியுள்ள இந்த அமோனியா வாயு பூமியின் தட்பவெப்ப நிலையை மாற்றக் கூடியது என்று அறியப்பட்டுள்ளது. மேகங்களின் தன்மையை இந்த அமோனியா மாற்ற கூடியது என்று விஞ்ஞானிகள் தெரிவிக்கின்றனர். இவை வளிமண்டலத்தில் குளிர்ச்சியை அதிகரிக்க செய்து மேகங்களின் உற்பத்திக்கும் உதவியாக இருக்கும் என்றும் விஞ்ஞானிகள் நம்பிக்கை தெரிவிக்கின்றனர்.
அம்மோனியா வாயுவால் அடிவானம் இனி வரும் காலங்களில் சூரியனின் சிவப்பு நிற கதிர்களால் அலங்கரிக்கப்பட வாய்ப்பு இருப்பதாகவும் அவர்கள் தெரிவிக்கின்றனர்.

English Summary:

NEW DELHI: Over tripoloi ammonia gas in the atmosphere of the world for the first time found evidence of foil spread.
India and China in the atmosphere above the sea level, about 12 km., And 15 km in altitude between the gas layer is spread

Read More

சீனாவின் நிபந்தனையை ஏற்கப் போவதில்லை; டிரம்ப் பாய்ச்சல்

நியூயார்க் : தென் சீனா கடல் பகுதியில் அமெரிக்க கப்பல் உளவு பார்த்ததாக, புகார் கூறி வரும் சீனாவுக்கு, அமெரிக்க அதிபராக பொறுப்பேற்கவுள்ள டொனால்டு டிரம்ப், கண்டனம் தெரிவித்துள்ளார்.

சீனா எதிர்ப்பு :

ஆசிய நாடுகளில் ஒன்றான சீனா, தென் கடல் பகுதியில் ஆதிக்கம் செலுத்த முயன்று வருகிறது. இதற்கு, ஜப்பான், தென்கொரியா உள்ளிட்ட நாடுகள் எதிர்ப்பு தெரிவித்து வருகின்றன; அந்நாடுகளுக்கு அமெரிக்கா ஆதரவு தெரிவிக்கிறது. அந்த கடல் பகுதியில், அமெரிக்க கப்பல் படை கப்பல் ஒன்று நிறுத்தி வைக்கப்பட்டுள்ளது; இதற்கு சீனா எதிர்ப்பு தெரிவித்து வருகிறது.

குற்றச்சாட்டு :

அமெரிக்க கப்பலில், கடலுக்கடியில் இருந்து, ஆளில்லா, சிறிய ரக விமானத்தை, சீன கடற்படை படகு எடுத்துச் சென்றது; தென் சீன கடல் பகுதியில் அமெரிக்க கப்பல் உளவு பார்த்ததாக, சீனா குற்றம்சாட்டியுள்ளது. 'நிபந்தனையின் அடிப்படையில் மட்டுமே, எடுத்துச் சென்ற, சிறிய ரக உளவு விமானத்தை திருப்பி தருவோம்' என, சீனா கூறியது.

கட்டாயம் இல்லை :

அமெரிக்காவின் புதிய அதிபராக, விரைவில் பொறுப்பேற்கவுள்ள டொனால்டு டிரம்ப், இந்த விவகாரம் தொடர்பாக நேற்று கருத்து தெரிவித்துள்ளார்.
இதுகுறித்து அவர் கூறியதாவது: சீன கடற்படை எடுத்துச் சென்ற, அமெரிக்க கப்பலுக்கு சொந்தமான ஆளில்லா, சிறிய ரக விமானத்தை, சீனாவே வைத்துக் கொள்ளட்டும்; திருப்பி தர வேண்டாம். அந்நாட்டின் நிபந்தனையை ஏற்று, கருவியை திரும்பி வாங்க வேண்டிய கட்டாயம், அமெரிக்காவிற்கு இல்லை. இவ்வாறு அவர் கூறியுள்ளார்.

English Summary:

New York : US ship in the South China Sea area, to spying, who had complained to China, the US tycoon Donald Trump has a responsibility, condemned

Read More

சீனா மின் ஆலை கட்டுமானப் பணியில் விபத்து - 40 பேர் பலி

சீனாவின் ஜியாங்ஷி மாகாணத்தில் இன்று (வியாழக்கிழமை) மின் ஆலை ஒன்றில் கட்டுமானப் பணியின்போது ஏற்பட்ட விபத்தில் 40 பேர் பலியாகினர்.

இந்த விபத்து குறித்து சீனாவின் தேசிய ஊடகங்கள் செய்தி வெளியிட்டுள்ளன. அதில் சீனாவின் ஜியாங்ஷி மாகாணத்தில் மின் ஆலை ஒன்றில் கட்டுமானப் பணி நடைபெற்றுக் கொண்டிருந்தது. அப்போது எதிர்பாராத விதமாக இரும்புக் கம்பிகள் சரிந்து விழுந்ததில் கட்டுமானப் பணியிலிருந்த ஊழியர்கள் 40 பேர் பலியாகினர். இந்த விபத்து ஏற்பட்ட பகுதியில் மீட்புப் பணிகள் தொடர்ந்து நடைப்பெற்று வருகின்றன என்றும் கூறப்பட்டுள்ளது. சீனாவில் கடந்த சில வருடங்களாகவே கட்டுமானத் துறையில் நடைபெறும் ஊழல் காரணமாக விபத்துகள் அதிகரித்து வருவதாக அரசின் மீது குற்றச்சாட்டு எழுந்துள்ளது குறிப்பிடத்தக்கது.

English Summary:

At least 40 people were killed when part of a power station under construction in China collapsed on Thursday in the latest industrial accident in a country with a dismal safety record.

Read More

சீனாவில் இந்திய ரூபாய்களை டெபாசிட் செய்ய முடியாது

பீஜிங் : இந்திய அரசால் வாபஸ் பெறப்பட்டதாக அறிவிக்கப்பட்ட 500 மற்றும் 1000 ரூபாய் நோட்டுகளை சீனாவில் உள்ள இந்திய வங்கிகளில் டெபாசிட் செய்ய முடியாது என இந்திய தூதரகம் அறிவித்துள்ளது.

சீனாவில் 7 இந்திய வங்கிகள்:

சீனாவில் உள்ள பீஜிங், ஷாங்காய் உள்ளிட்ட முக்கிய நகரங்களில் பல்லாயிரக்கணக்கான இந்தியர்கள் வசித்து வருகின்றனர். இங்கு, ஏழு இந்திய வங்கிகள் செயல்படுகின்றன. கறுப்பு பணத்தை ஒழிப்பதற்காக, சமீபத்தில் இந்தியாவில் ரூ. 500, 1000 நோட்டுகள் செல்லாது என மத்திய அரசு அறிவித்தது. வரும் டிச. 30க்குள் பழைய நோட்டுகளை மாற்றிக் கொள்ள அவகாசம் வழங்கப்பட்டுள்ளது.

அனுமதி மறுப்பு:

இதனையடுத்து சீனாவில் வாழும் இந்தியர்கள் தங்களிடம் உள்ள பழைய நோட்டுகளை மாற்றுவதற்காக அங்குள்ள வங்கிகளை நாடினர். ஆனால் இந்தியாவில் செல்லாது என அறிவிக்கப்பட்ட ரூ. 500, 1000 நோட்டுகளை டெபாசிட் செய்ய அனுமதி மறுக்கப்பட்டது.

இந்திய தூதரகம் அறிவுறுத்தல்:

மாறாக, பழைய நோட்டுகளை இந்தியாவில் வாழும் அங்கீகரிக்கப்பட்ட தங்களது உறவினர் அல்லது நண்பரது வங்கிக் கணக்கில் செலுத்தி புதிய நோட்டுகளாக மாற்றிக் கொள்ளும்படி, சீனாவில் உள்ள இந்திய துாதரகம் சார்பில் அறிவுறுத்தப்பட்டுள்ளது. இதற்காக தங்களது அடையாள அட்டை நகல் மற்றும் அங்கீகரிக்கப்பட்ட நபர் பணம் செலுத்துவதற்காக அதிகாரமளிக்கும் கடிதம் ஒன்றை வழங்கும்படி தெரிவிக்கப்பட்டுள்ளது. 

Read More

இந்தியாவுக்கு சீனா தொடர்ந்து முட்டுக்கட்டை

பெய்ஜிங் : என்.எஸ்.ஜி.,யில் இந்தியா உறுப்பினராவதற்கு எதிர்பபு தெரிவித்து வரும் சீனா, தனது நிலைப்பாட்டை தொடர்ந்து கடைப்பிடிப்பதாக தெரிவித்துள்ளது.

என்.எஸ்.ஜி., உறுப்பினர்:

அணுசக்தியை ஆக்கப்பூர்வமான பணிகளுக்கு பயன்படுத்துவதற்காக அமைக்கப்பட்டுள்ள, என்.எஸ்.ஜி., குழுமத்தில் இணைவதற்கு இந்தியா விண்ணப்பித்திருந்தது. இதில் உறுப்பினராவதன் மூலம், இந்த அமைப்பில் உள்ள, 48 நாடுகளுடன் அணுசக்தி தொடர்பான தொழில்நுட்பங்களை பெறுவதற்கு வாய்ப்பு கிடைக்கும். தென் கொரியாவின் சியோலில், ஜூனில் நடந்த, என்.எஸ்.ஜி., கூட்டத்தில், இந்தியாவின் முயற்சிக்கு, சீனா கடும் எதிர்ப்பு தெரிவித்திருந்தது.

சீனா முட்டுக்கட்டை:

இந்நிலையில் சீனாவின் வெளியுறவுத் துறை அமைச்சக செய்தித் தொடர்பாளர் கெங் ஷுவாங் தெரிவித்ததாவது: என்.எஸ்.ஜி.,யில் உறுப்பினராக சேர அணு ஆயுதப் பரவல் தடைச் சட்டத்தில் கையெழுத்திடாத இந்தியா உள்ளிட்ட நாடுகள் இணைய, எங்களின் இரு நிபந்தனைகளை நிறைவு செய்ய வேண்டும். அப்படியானால், கூட்டமைப்பில் அந்த நாட்டை இணைப்பதற்கு ஆதரவளிப்பது என்ற சீனாவின் நிலைப்பாட்டில் மாற்றம் இல்லை. என்.எஸ்.ஜி., அமைப்பில் உறுப்பினர்களை சேர்ப்பதில் பாகுபாடும், சிறப்புச் சலுகைகளும் காட்டக்கூடாது. இவ்வாறு அவர் தெரிவித்தார்.

Read More

என்எஸ்ஜி-யில் இந்தியா உறுப்பினராக சீனா தொடர்ந்து முட்டுக்கட்டை

அணுசக்தி விநியோக நாடுகள் கூட்டமைப்பில் இந்தியா உறுப்பினாவதற்கு முட்டுக்கட்டைப் போடும் தனது நிலைப்பாட்டை தொடர்ந்து கடைப்பிடிப்பதாக சீனா தெரிவித்துள்ளது.
இதுகுறித்து அந்த நாட்டின் வெளியுறவுத் துறை அமைச்சக செய்தித் தொடர்பாளர் கெங் ஷுவாங் செவ்வாய்க்கிழமை கூறியதாவது:
48 நாடுகளை உறுப்பினர்களாகக் கொண்ட அணுசக்தி விநியோக நாடுகளின் கூட்டமைப்பில், அணு ஆயுதப் பரவல் தடைச் சட்டத்தில் கையெழுத்திடாத இந்தியா போன்ற நாடுகள் இணைவதற்கான எங்களது இரு நிபந்தனைகளை நிறைவு செய்தால் மட்டுமே, கூட்டமைப்பில் அந்த நாட்டை இணைப்பதற்கு ஆதரவளிப்பது என்ற சீனாவின் நிலைப்பாட்டில் மாற்றம் எதுவுமில்லை. என்எஸ்ஜி அமைப்பில் உறுப்பினர்கள் சேர்ப்பதில் பாகுபாடும், சிறப்புச் சலுகைகளும் காட்டப்படக்கூடாது என்பதே எங்கள் கொள்கையாகும் என்றார் அவர்.
என்எஸ்ஜி கூட்டமைப்பில் இந்தியா இணைவதற்கு முன்னர், அணு ஆயுதப் பரவல் தடைச் சட்டத்தில் கையெழுத்திடாத நாடுகளை இணைப்பது குறித்து அந்தக் கூட்டமைப்பின் ஆலோசனை மற்றும் பரிந்துரைக் கூட்டங்கள் நடத்தப்பட வேண்டும்.
அதனைத் தொடர்ந்து, கூட்டமைப்பின் உறுப்பினராக விரும்பும் குறிப்பிட்ட நாட்டின் விண்ணப்பத்தைப் பரிசீலிப்பது குறித்தும் என்எஸ்ஜி-யின் ஆலோசனைக் கூட்டங்கள் நடத்தப்பட வேண்டும்
என்று சீனா வலியுறுத்தி வருகிறது.

Read More

சீனாவிடம் நீர்மூழ்கி கப்பல் வாங்கியது வங்கதேசம்

தாகா : வங்கதேசம் கப்பல்படையில் முதன்முறையாக நீர்மூழ்கி கப்பல் சேர்க்கப்பட உள்ளது. இதற்காக சீனாவிடம் இருந்து 2 நீர்மூழ்கி கப்பல்களை வாங்கியுள்ளது.

ரூ.1,370 கோடி செலவில்..

இந்தியாவின் அண்டை நாடான வங்கதேசம், வங்க கடல் பகுதியில் அதிகளவு சர்வதேச கடல் எல்லையை மியான்மர் நாட்டுடன் பகிர்ந்து கொண்டுள்ளது. இங்கு பாதுகாப்பை பலப்படுத்த கப்பல்படையில் நீர்மூழ்கி கப்பலை சேர்க்க திட்டமிட்டது. இதற்காக முதல்கட்டமாக சீனாவிடம் இருந்து 1,370 கோடி ரூபாய் செலவில் இரு நீர்மூழ்கி கப்பலை வாங்கியுள்ளது.

அடுத்தாண்டு..

நபஜத்ரா மற்றும் ஜாய்ஜத்ரா என அந்த கப்பல்களுக்கு பெயரிடப்பட்டுள்ளது. இக்கப்பல்கள் அடுத்தாண்டு வங்கதேச கப்பல்படையில் அதிகாரப்பூர்வமாக சேர்க்கப்படும் என வங்கதேச கப்பல்படை அதிகாரி தெரிவித்தார். நேற்று சீனாவின் லியா நன் கப்பல் தளத்தில் நடந்த நிகழ்ச்சியில் வங்கதேச கப்பல்படை தளபதி நிஜாமுதின் அகமது, இதனை பெற்றுக் கொண்டார்.

Read More

சீனா-பாகிஸ்தானுக்கு போட்டியாக இந்தியா-ஜப்பான் இணைய முடிவு

புதுடெல்லி: சீனா-பாகிஸ்தானுக்கு போட்டியாக இந்தியா-ஜப்பான் இணைந்து செயல்பட முடிவு எடுக்கப்பட்டுள்ளது. இந்தியாவுடன் சீனா நட்பு கொண்டுள்ளபோதிலும், பாகிஸ்தானுக்கு ஆதரவாக செயல்பட்டு வருகிறது. பல்வேறு விஷயங்களில் பாகிஸ்தான் ஆதரவு முடிவையே எடுத்து வருகிறது. மேலும் ஆக்ரமிப்பு காஷ்மீர் வழியாக பாகிஸ்தானுக்கு சரக்கு போக்குவரத்து பாதை அமைக்கவும் தீவிர நடவடிக்கை எடுத்து வருகிறது.

ஜெய்ஷ் இ முகமது தீவிரவாத இயக்கம் சமீபத்தில் பதன்கோட் தொடங்கி உரி ராணுவ முகாம் வரையும் தாக்குதல் நடத்தி வருகிறது. அதன் தலைவன் மசூத் அசார் இந்திய நாடாளுமன்ற தாக்குதலில் சூளையாக செயல்பட்டவன். அவனை ஐநாவால் அங்கீகரிக்கப்பட்ட தீவிரவாதியாக அறிவிக்க இந்தியா பல்வேறு நடவடிக்கைகளை எடுத்து வருகிறது. ஆனால் சீனா முட்டுக்கட்டை போட்டுவருகிறது. மேலும் அணுசப்ளை செய்யும் குழுவில் இந்தியாவை சேர்க்கவும் எதிர்ப்பு தெரிவித்து வருகிறது. ஆனால் தென்சீன கடல் எல்லை விவகாரத்தில் மட்டும் இந்தியாவின் ஆதரவை எதிர்பார்த்தது. இதற்கு இந்தியா ஆதரவு கொடுக்கவில்லை.

இந்தியாவுக்கு பல்வேறு வகையில் எதிர்ப்பை தெரிவிக்கும் சீனாவை சமாளிக்க தற்போது மத்திய அரசு ரஷ்யா மற்றும் ஜப்பான் உதவியை நாட ஆரம்பித்துள்ளது. ரஷ்யாவுடன் உறவு மீண்டும் புதுப்பிக்கப்பட்டு ஆயுத கொள்முதல் ஒப்பந்தம் செய்யப்பட்டுள்ளது. ஜப்பான் சென்ற பிரதமர் மோடி பல்வேறு ஒப்பந்தங்களில் கையெழுத்திட்டுள்ளார். பின்னர் பிரதமர் மோடியும், ஜப்பான் பிரதமர் ஷின்சோ  அபியும் பல்வேறு முக்கிய முடிவுகளை மேற்கொண்டனர். அதில் தென் சீன கடல் எல்லை விவகாரம் மிகவும் முக்கியமானது. இதில் ஐநா அமைத்த சர்வதேச தீர்பாயத்தின் தீர்ப்புப்படி நடந்து கொள்வது என்று முடிவு எடுக்கப்பட்டது.

இதைவிட முக்கியமாக தெற்கு ஆசியாவில் சரக்கு போக்குவரத்தை கைக்குள் கொண்டுவரும் வகையில் பாகிஸ்தானில் உள்ள கவதார் துறைமுகத்தை மேம்படுத்த சீனா நடவடிக்கை எடுத்து வருகிறது. இதன் மூலம் ஆப்கன் உள்ளிட்ட நாடுகளுக்கு சரக்கு போக்குவரத்தை பாகிஸ்தான் வழியாக மட்டுமே செய்ய முடியும் என்ற நிலை உருவாக்கப்பட்டது. இதற்கு போட்டியாக ஈரான் நாட்டில் உள்ள சபாகர் துறைமுகத்தை இந்தியாவும், ஜப்பானும் இணைந்து சீரமைத்து தெற்கு ஆசியா மட்டுமல்லாமல் மத்திய ஆசிய நாடுகளுக்கும் இதன்வழியாக சரக்கு போக்குவரத்து மேற்கொள்ள திட்டமிடப்பட்டது. இது தொடர்பான இருநாடுகளும் இணைந்து அதிகாரப்பூர்வமாக அறிவிப்பு வெளியிட்டுள்ளன.

புல்லட் ரயிலில் மோடி பயணம்

ஜப்பான் சென்ற பிரதர் மோடி, அங்குள்ள அதிவிரைவு ரயில் சேவையான ஷின்கான்சென் புல்லட் ரயிலில் நேற்று பயணம் செய்தார். தலைநகர் டோக்கியோவுடன் முக்கிய நகரமான கோபேவை இணைக்கும் ஷின்கான்சென் புல்லட் ரயிலில் ஜப்பான் பிரதமர் ஷின்சோ அபேவுடன் பிரதமர் மோடி பயணம் செய்தார். இந்த ரயில் மணிக்கு 240 முதல் 320 கிலோமீட்டர் வேகத்தில் செல்லக்கூடியதாகும்.

இந்த ரயில் சேவையை தான் இந்தியாவில் மும்பை-அகமதாபாத் இடையே அறிமுகம் செய்ய திட்டமிடப்பட்டுள்ளது. அதிவேக புல்லட் ரயில்சேவைக்கான  வழித்தடம் அமைக்கும் பணியை வருகிற 2018ம் ஆண்டு தொடங்கி 2023ம் ஆண்டு  ரயில்களை இயக்க ஜப்பான் முன்வந்துள்ளது. இது தொடர்பாக பிரதமர் மோடி தனது டுவிட்டர் பக்கத்தில், ‘‘நாங்கள் புல்லட் ரயிலில் பயணம் செய்கின்றோம்.” என பதிவிட்டுள்ளார். ஜப்பான் பிரதமருடன் ரயிலில் அமர்ந்து செல்லும் புகைப்படங்களையும் பிரதமர் மோடி இணைத்துள்ளார்.

உறவுபாதிக்கப்படும் சீனா எச்சரிக்கை

பிரதமர் மோடி 3 நாள் பயணமாக ஜப்பான் சென்றது சீனாவுக்கு எரிச்சலை ஏற்படுத்தி உள்ளது. இதுகுறித்து சீனா அரசு பத்திரிகையான குளோபல் டைம்ஸ் கட்டுரை வெளியிட்டுள்ளது. அதில் கூறியிருப்பதாவது: அணுசப்ளை, தென்சீன கடல் விவகாரங்களில் இந்தியா-சீனா இடையே மோதலை ஏற்படுத்த ஜப்பான் விரும்புகிறது. சீனாவை ராஜதந்திர ரீதியாக முடக்கும் முயற்சியில் தற்போதைய ஜப்பான் அரசு செயல்பட்டு வருகிறது.

சீனாவை கட்டுப்படுத்த இந்தியாவை சிப்பாயாக பயன்படுத்தும் ஜப்பானின் முயற்சி பலிக்காது. ஏனெனில் ஜப்பான், சீனா போன்று வளர இந்தியா விரும்புகிறது. அதற்காக தற்ேபாது ஜப்பானுடன் இந்தியா நெருங்குகிறது. இது சகோதர உறவுக்கு வழிவகுக்காது. தென்சீன கடல் எல்லை விவகாரத்தில் இந்தியாவின் இதே கொள்கை தொடர்ந்தால் இந்தியா-சீனா இடையிலான உறவு மட்டுமல்ல வர்த்தகமும் பாதிக்கப்படும். இவ்வாறு கூறப்பட்டுள்ளது.

* இந்தியாவின் மேற்குஎல்லையை பலப்படுத்த ஜப்பானுடன் இணைந்து செயல்பட முடிவு எடுக்கப்பட்டுள்ளது. ஈரான், ஆப்கன் நாடுகள் இதனால் பயன்பெறும்.

* ஈரானில் உள்ள சபாகர் துறைமுகத்தை மேம்படுத்த இந்தியா ஏற்கனவே ரூ.3500 கோடி நிதி ஒதுக்கியுள்ளது.

Read More