ஓபிஎஸ் ஆதரவு எம்எல்ஏ.,வுக்கு எதிர்ப்பு : சசி ஆதரவாளர்கள் கைது

அலங்காநல்லூர் : ஓபிஎஸ் ஆதரவு எம்எல்ஏ.,வான மாணிக்கத்தை தொகுதிக்குள் வர விடாமல் தடுத்த, சசிகலாவின் ஆதரவாளர்கள் நூற்றுக் கணக்கானோரை போலீசார் கைது செய்துள்ளனர்.

எம்எல்ஏ.,வுக்கு எதிர்ப்பு :

சோழவந்தான் தொகுதி எம்எல்ஏ.,வாக இருப்பவர் மாணிக்கம். இவர் முன்னாள் முதல்வர் ஓ.பன்னீர்செல்வத்தின் ஆதரவாளராக இருந்து வருகிறார். இவர் இன்று அலங்காநல்லூர் ஒன்றிய யூனியன் அலுவலகத்திற்கு வருவதாக இருந்தது. இந்த தகவல் அறிந்த சசிகலாவின் ஆதரவாளர்கள் சிலர், எம்எல்ஏ., மாணிக்கத்திற்கு எதிர்ப்பு தெரிவித்து கறுப்புக்கொடி காட்டுவதற்காக சாலையில் அமர்ந்து மறியலில் ஈடுபட்டனர். இதனால் அங்கு பதற்றம் ஏற்பட்டது.
எம்எல்ஏ., வருகைக்கு எதிர்ப்பு தெரிவித்த அலங்காநல்லூர் ஒன்றிய யூனியன் செயலாளர் ரவிச்சந்திரன் உள்ளிட்ட 50 க்கும் மேற்பட்ட ஆண்கள், 50 க்கும் மேற்பட்ட பெண்கள் என நூற்றுக் கணக்கானோரை போலீசார் கைது செய்தனர்.

Read More

அலங்காநல்லூரில் ஜல்லிக்கட்டு ஒத்திவைப்பு

மதுரை: மதுரை மாவட்டம் அலங்காநல்லூரில் நடைபெற இருந்த ஜல்லிக்கட்டு ஒத்திவைக்கப்பட்டுள்ளது என விழா குழுவினர் தெரிவித்துள்ளனர்.

ஒத்திவைப்பு:

இது குறித்து விழா குழு கூறியிருப்பதாவது: மதுரை மாவட்டம் அலங்காநல்லூரில் பிப்.,1-ல் நடக்க இருந்த ஜல்லிக்கட்டு ஒத்திவைக்கப்பட்டுள்ளது. முதல்வரை சந்தித்த பின்னர் தேதி முடிவு செய்யப்படும் எனவும், ஒரு வார காலத்திற்கு பின்னர் ஜல்லிக்கட்டு நடைபெறும் தேதி அறிவிக்கப்படும் என தெரிவித்துள்ளனர். அதே போல் பாலமேட்டில் பிப்.2-ல் நடைபெற இருந்த ஜல்லிக்கட்டு போட்டியும் ஒத்திவைக்கப்பட்டுள்ளது.

English Summary:

Madurai district was held in Alanganallur jallikattu group said the ceremony would be postponed

Read More

அலங்காநல்லூரில் அவமதிக்கப்பட்ட முதல்வர் : புதுப் பின்னணி சொல்லும் சசிகலா தரப்பு

சென்னை: ஜல்லிக்கட்டு நடத்துவதற்காக, தமிழக அரசு சார்பில் அவசர சட்டமெல்லாம் இயற்றி, அதன்பின்,‛ நானே ஜல்லிக்கட்டு நிகழ்ச்சியை துவக்கி வைக்கிறேன்' என, மதுரை அலங்காநல்லூருக்குச் சென்ற தமிழக முதல்வர் பன்னீர்செல்வத்தை ஊருக்குள்ளேயே வரக்கூடாது எனக்கூறி திருப்பி அனுப்பினர் அங்குள்ள மக்கள். இது பன்னீர்செல்வத்தை மிகுந்த அதிர்ச்சிக்குள்ளாக்கி இருக்கிறது.

புது தகவல்:

பன்னீர்செல்வத்தை கிராமத்துக்குள் விடாமல் விரட்டிய கிராம கமிட்டியினர், தற்போது ஒன்று கூடி, வரும் பிப்.,1ல், ஜல்லிக்கட்டுப் போட்டியை நடத்த தீர்மானித்துள்ளனர். இப்படி ஊருக்குள் விடாமல் பன்னீர்செல்வம் அனுப்பி வைக்கப்பட்டதன் பின்னணியில் இருப்பது, முதல்வர் பதவிக்கு வந்து அதிகாரத்தை சுவைக்க நினைத்து அரும்பாடுபட்டுக் கொண்டிருக்கும் சசிகலா தரப்பினரின் கைங்கர்யம்தான் என, முதல்வர் பன்னீர்செல்வமும், அவரது தரப்பினரும் நினைத்துக் கொண்டிருக்கின்றனர். ஆனால்,‛ அதற்கும் எங்களுக்கும் எந்த சம்பந்தமும் இல்லை. அங்கே, பலமான ஜாதி அரசியல் நடக்கிறது. அங்குள்ள மக்கள் முதல்வர் பன்னீர்செல்வத்தை எதிர்க்கவில்லை; ஒட்டுமொத்த அ.தி.மு.க.,வையும் எதிர்த்துள்ளனர்' என, சசிகலா தரப்பினர், புதுத் தகவல் சொல்லி, பன்னீர்செல்வத்தின் புண்பட்ட மனதுக்கு ஆறுதலாக மருந்து போட துடிக்கின்றனர்.

பல்வேறு ஜாதியினர்:

இது குறித்து, சசிகலா தரப்பினர் கூறியதாவது:மதுரை மாவட்டம், அலங்காநல்லூரைப் பொறுத்த வரையில், அங்கு நாயுடு, முத்தரையர், பள்ளர், பறையர், முக்குலத்தோர் என நிறைய ஜாதி இனத்தவர் கலந்து வாழ்கின்றனர். அதில், நாயுடு மற்றும் முத்தரையர் இனத்தை சேர்ந்தவர்கள் பெரும்பான்மையாக உள்ளனர். அவர்களுக்கு அடுத்தடுத்த நிலைகளில்தான் முக்குலத்தோர் இனத்தை சேர்ந்தோர் உள்ளனர்.

கடந்த 2016 சட்டசபை தேர்தலின் போதே, முத்தரையர் இனத்தவர், அமைச்சர் விஜயபாஸ்கரின் பேச்சால், அ.தி.மு.க., மீது கடும் அதிருதி அடைந்தனர். தமிழகம் முழுவதும், பரவலாக இருக்கும் அந்த மக்கள் ஒன்று திரண்டு, அ.தி.மு.க.,வுக்கு எதிராக உள்ளனர். தற்போதும், அந்த எதிர்ப்பு வலுப்பெற்று வருகிறது.

அதேபோல, கட்சியிலும், ஆட்சியிலும் தங்களுக்கு பெரிய அளவில் முக்கியத்துவம் கொடுப்பதில்லை என்ற எண்ணம் நாயுடு இனத்தைச் சேர்ந்தவர்களிடமும் உள்ளது. பள்ளர், பறையர் இனத்தவர் வெகு காலமாக அ.தி.மு.க., எதிர்ப்பு நிலைப்பாட்டிலேயே உள்ளனர். இப்படி அம்மக்களின் மனநிலை இருக்க, அலங்காநல்லூரில் பெரும்பான்மையானவர்களாக இருக்கும் அம்மக்கள் ஒன்றிணைந்து, ஜல்லிக்கட்டு நடத்த எதிர்ப்புத் தெரிவித்து, தங்கள் ஒற்றுமையை காட்டி உள்ளனர்.

என்ன செய்ய வேண்டும்:

முதல்வர் பன்னீர்செல்வம், ஜல்லிக்கட்டுப் போட்டிகளை தொடங்கி வைப்பதற்காக, அலங்காநல்லூர் வாடி வாசலுக்கு வரும் முயற்சியை தடுத்தது, இதன் பின்னணியில்தான். ஆனால், பன்னீர்செல்வத்தை, ஊருக்குள் விடாமல், பாதி வழியிலேயே கிராம மக்களால் திருப்பி அனுப்பி வைக்கப்பட்டதன் பின்னணியில், சசிகலா தரப்பினரின் செயல்பாடுகள் இருப்பதாக, பிரச்னையை சமூக ரீதியில் பார்க்காமல், அரசியல் ரீதியில் பார்த்து, சிலர் கருத்து பரப்புகின்றனர்; இது தவறானது.

தென் மாவட்டங்களில், யாதவர், நாடார், தலித், பிள்ளைமார், நாயுடு என பல சமூகத்தை சேர்ந்தவர்களும், அ.தி.மு.க.,வுக்கு எதிரான மனநிலையில் உள்ளதை, அ.தி.மு.க., தலைமையும் புரிந்து கொண்டால் மட்டும் போதாது. அதற்கேற்ற வகையில், கட்சியிலும், ஆட்சியிலும் அம்மக்களுக்கு முக்கியத்துவம் கொடுப்பதன் மூலம்தான், இப்படிப்பட்ட எதிர்ப்புகளை இனி, அ.தி.மு.க., சந்திப்பது தவிர்க்கப்படும். இவ்வாறு அத்தரப்பினர் கூறினர்.

English summary:

Chennai: jallikattu run on behalf of the State Government has enacted emergency law then, 'I'll put jallikattu launching the program', as the Chief Minister of Tamil Nadu Madurai alanganalur Paneerselvam district turned back, calling the people to come. Paneerselvam It is very shocked.

Read More

அலங்காநல்லூரில் பிப்., 1ல் ஜல்லிக்கட்டு; கிராம மக்கள் முடிவு

அலங்கநல்லூர்: மதுரை மாவட்டம் அலங்காநல்லூரில் வரும் பிப்., 1 ம் தேதி ( தை 19 ) ஜல்லிக்கட்டு நடத்த கிராம மக்கள் கமிட்டி யினர் முடிவு செய்துள்ளனர். இந்த முடிவு அங்கு போராடி வரும் மக்களிடம் தெரிவிக்கப்படும். இதனையடுத்து போராட்டம் வாபஸ் ஆகலாம் என எதிர்பார்க்கப்படுகிறது.

மாணவ, மாணவிகளுக்கு தனியாக கேலரி :

ஜல்லிக்கட்டு போராட்டம் நடத்தி அவசர சட்டம் பிறப்பிக்க காரணமாக இருந்த மாணவ, மாணவிகளுக்கு கிராம மக்கள் சார்பில் நன்றியும் தெரிவித்து தீர்மானம் நிறைவேற்றப்பட்டது. மேலும் ஜல்லிக்கட்டு நடக்கும் இடத்தில் மாணவ, மாணவிகளுக்கு தனியாக கேலரி அமைக்கவும் முடிவு செய்யப்பட்டுள்ளது.

English summary:

Alanganallur: Alanganallur in Madurai district in the coming Feb., 1st (Jan 19) jallikattu have decided to hold the people in the village committee cadres. This decision will be communicated to the people out there who are struggling. The fight is expected to take subsequently withdrawn.

Read More

அலங்காநல்லூரில் கலைந்து செல்ல மக்கள் மறுப்பு

அலங்காநல்லூர் : அலங்காநல்லூரில் போராட்டக்காரர்கள் கலைந்து செல்ல மறுத்து வருகின்றனர். அவர்களுடன் போலீசார் பேச்சுவார்த்தை நடத்தி வருகின்றனர். இருந்தும் போராட்டத்தை கைவிட தயாராக இல்லை என போராட்டக்காரர்கள் தெரிவித்துள்ளனர்.
மேலும் போராட்டத்தில் ஈடுபட்டுள்ள இளைஞர்கள், அங்கிருக்கும் கள நிலவரங்களையும், போராட்டத்தையும் வீடியோ எடுத்து வாட்ஸ்ஆப் மூலம் பகிர்ந்து வருகின்றனர். அவர்கள் தமிழகத்தின் அனைத்து பகுதிகளிலும் போராட்டத்தை தொடர வேண்டும் என கல்லூரி மாணவர்களுக்கு தகவல் அனுப்பி வருகின்றனர்.

English summary:

Alanganallur: Alanganallur refuse to disperse the protesters. They are negotiating with the police. Protesters said they were not ready to abandon the struggle.

Read More

அலங்காநல்லூர் போராட்டத்தை திரும்ப பெற 3 நிபந்தனை

அலங்காநல்லூர்: ஜல்லிக்கட்டிற்கு ஆதரவாக நடந்து வரும் போராட்டத்தை திரும்ப பெற 3 நிபந்தனைகளை நிறைவேற்ற வேண்டும் என போராட்டத்தை ஒருங்கிணைத்தவர்களில் ஒருவரான மகேஸ்வரி கூறியுள்ளார்.

மதுரை மாவட்டம் அலங்காநல்லூரில் ஜல்லிக்கட்டுக்கு நிரந்தர தீர்வை ஏற்படுத்த வேண்டும் எனக்கூறி கிராம மக்கள் போராட்டம் நடத்தி வருகின்றனர். இந்த போராட்டத்தை ஒருங்கிணைத்தவர்களில் ஒருவரான புதுச்சேரியை சேர்ந்த மகேஷ்வரியும் ஒருவர்.

'தினமலர்' நாளிதழுக்கு அளித்த பேட்டி:

தங்களது போராட்டத்தை கைவிடுவது தொடர்பாக 'தினமலர்' நாளிதழுக்கு அளித்த பேட்டியில் கூறியதாவது:01.ஜல்லிக்கட்டு நடத்த நிரந்தர தீர்வு ஏற்படுத்த வேண்டும்02. தமிழகத்திலிருந்து ஏற்றுமதி செய்யப்படும் நாட்டு இன மாடுகள் கொல்லப்படுவதை தடுக்க வேண்டும். 03. வெளிநாட்டு இன மாடுகளுடன் கலப்பினத்தில் விடுவதை தடுக்க வேண்டும் எனக்கூறினார்.

இது வெறும் கண்துடைப்பு:

முதல்வர் உத்தரவுப்படி பாலமேடு மற்றும் அலங்காநல்லூரில் வாடிவாசல் முன்பு அமைக்கப்பட்டிருந்த தடைகள் அகற்றப்பட்டன. போலீசார் பாதுகாப்பு பணியிலிருந்து விலக்கப்பட்டனர். மக்கள் விரும்பும்போது ஜல்லிக்கட்டு நடக்கும் போது போலீசார் பாதுகாப்பு பணிக்கு வருவார்கள் என மாவட்ட எஸ்.பி., தெரிவித்தார். இது தொடர்பாக கருத்து தெரிவித்த மகேஸ்வரி, இது வெறும் கண்துடைப்பு நடவடிக்கை எனக்கூறினார்.

English summary:

Alanganallur: jallikkattu ongoing struggle to get back in favor of the integration of the struggle, one of the 3 conditions to be fulfilled, said Maheshwari. Alanganallur Jallikattu in Madurai district, villagers have been agitating referring to the need to establish a permanent settlement. Maheshwari is one of integration, one of the protest Pondicherry.

Read More

ஜல்லிக்கட்டு நடத்த எதிர்ப்பு; வாடிவாசலை முற்றுகையிட்டு போராட்டம்

நத்தம்: ஜல்லிக்கட்டு நடத்த எதிர்ப்பு தெரிவித்து மக்கள் வாடிவாசலை முற்றுகையிட்டு போராட்டம் நடத்தி வருகின்றனர். அவசர சட்டம் பிறப்பிக்கப்பட்டதை தொடர்ந்து அலங்காநல்லூர் கிராமத்தில் ஜல்லிக்கட்டு நடக்கும் என எதிர்பார்க்கப்பட்டது. முதல்வர் பன்னீர் செல்வம் ஜல்லிக்கட்டை துவக்கி வைப்பார் என எதிர்பார்க்கப்பட்டது.

ஜல்லிக்கட்டிற்கு நிரந்தர தீர்வு :

ஆனால், நிரந்தர தீர்வு தான் வேண்டும் எனக்கூறி வாடிவாசலை முற்றுகையிட்டு அக்கிராம மக்கள் போராட்டம் நடத்தி வருகின்றனர். இதனையடுத்து முதல்வர் திண்டுக்கல் மாவட்டம் நத்தம் கோவில்பட்டியில் ஜல்லிக்கட்டை துவக்கி வைப்பார் என கூறப்பட்டது. இதனையறிந்த அக்கிராம மக்கள் வாடிவாசலை முற்றுகையிட்டு போராட்டம் நடத்தி வருகின்றனர். இதனால், அங்கு போலீசார் குவிக்கப்பட்டுள்ளனர். ஜல்லிக்கட்டிற்கு நிரந்தர தீர்வு கொண்டு வர வேண்டும். பீட்டா அமைப்பை தடை செய்ய வேண்டும் எனக்கூறி அக்கிராம மக்கள் போராட்டம் நடத்தி வருகின்றனர். இதனால் பரபரப்பு ஏற்பட்டுள்ளது.

English summary:

Innasipuram: hold jallikattu vadivasalai besieged people have been demonstrating in protest. Emergency Act was expected to take place following the Alanganallur jallikattu in the village. CM Paneer Selvam expected to put the boot into the gravel.

Read More

சென்னை திரும்புகிறார் ஓ.பி.எஸ்.,

 சென்னை : மதுரையில் ஜல்லிக்கட்டு நடத்த முடியாததால் அவர் இன்று சென்னை திரும்பவுள்ளார். அவசர சட்டம் பிறப்பிக்கப்பட்டதை அடுத்து அலங்காநல்லூரில் ஜல்லிக்கட்டு விளையாட்டை முதல்வர் ஓ.பி.எஸ்., துவக்கி வைப்பதாக இருந்தது. ஆனால் ஓ.பி.எஸ்., வந்தால் அவரை முற்றுகையிட்டு போராட்டம் நடத்துவோம் என போராட்டக்காரர்கள் தெரிவித்தனர். மேலும் நிரந்தர சட்டம் இயற்றும் வரை நாங்கள் போராட்டத்தை கைவிடுவதில்லை என அறிவித்துள்ளனர். இந்த கிராமத்திற்குள் யாரும் நுழைய முடியாமல் தடைகள் போடப்பட்டுள்ளது.

முதல்வர் ஏமாற்றம்:

இந்நிலையில் மாவட்ட கலெக்டர் வீரராகவராவ், நடத்திய பேச்சு தோல்வியில் முடிந்தது. இருப்பினும் ஜல்லிக்கட்டு பாதுகாப்பு சங்க செயலாளர் மற்றும் முக்கிய நிர்வாகிகளுடன் முதல்வர் ஆலோசனை நடத்தினார். எவ்வித சுமுக முடிவும் ஏற்படவில்லை. இதனையடுத்து மதுரையில் இருந்து முதல்வர் ஓ.பி.எஸ்., சென்னை திரும்பவுள்ளா். இன்று அவர் விமானம் மூலம் சென்னை திரும்புகிறார். தொடர்ந்து கலெக்டர் மற்றும் உயர் அதிகாரிகள் அலங்காநல்லூருக்கு கிளம்பி சென்றனர். இரண்டாவது கட்ட பேச்சு நடத்த திட்டமிட்டுள்ளனர்.

English summary:

Chennai: Chennai return today he could not hold jallikattu in Madurai. The ordinance was issued in Alanganallur jallikattu game ops CM., Was to boot. But ops., Said the protesters would struggle if the besieging him. As we struggle to leave more permanent legislative announced. No one could enter the village, we were not obstacles.

Read More

செல்லும் இடமெல்லாம் முதல்வருக்கு எதிர்ப்பு

மதுரை : அலங்காநல்லூரில் ஜல்லிக்கட்டை துவக்கி வைக்க வந்துள்ள முதல்வர் ஓ.பன்னீர்செல்வம், மதுரையில் முகாமிட்டுள்ளார். ஜல்லிக்கட்டு நடத்துவதற்கு அலங்காநல்லூர் மக்கள் எதிர்ப்பு தெரிவித்ததை அடுத்து, முதல்வரின் அலங்காநல்லூர் பயணம் ரத்து செய்யப்பட திட்டமிடப்பட்டுள்ளது.

இந்நிலையில், அலங்காநல்லூருக்கு பதிலாக திண்டுக்கல் அருகே உள்ள நத்தம்கோவில்பட்டியில் ஜல்லிக்கட்டை துவக்கி வைக்க முதல்வர் நத்தம் செல்ல உள்ளதாக தகவல் வெளியாகி உள்ளது. ஆனால் அங்கும் ஜல்லிக்கட்டு நடத்துவதற்கு எதிர்ப்பு தெரிவித்து மக்கள் போராட்டம் நடத்தி வருகின்றனர். செல்லும் இடமெல்லாம் எதிர்ப்பு வலுப்பதால் அனைத்து பயண திட்டங்களையும் ரத்து செய்து விட்டு சென்னை திரும்ப முதல்வர் ஆலோசித்து வருவதாக கூறப்படுகிறது.

English Summary:

Madurai: Alanganallur to inaugurate the initial opannircelvam gravel, camping in Madurai. After accepting to hold public opposition Alanganallur jallikattu, Chief of the Alanganallur canceled planned trip. 

Read More

மக்களை மதிக்காமல் ஜல்லிக்கட்டை கவுரவ பிரச்சனையாக பார்க்கும் தமிழக அரசு : ஓ.பி.எஸ்-க்கு கடும் எதிர்ப்பு

அலங்காநல்லூர்: மக்களின் கடும் எதிர்ப்பையும் மீறி ஜல்லிக்கட்டு நடத்தியே தீர வேண்டும் என நினைக்கும் தமிழக அரசு நிர்வாகத்திற்கும், முதல்வர் ஓ.பன்னீர்செல்வத்திற்கு கடும் எதிர்ப்பு கிளம்பியுள்ளது. அவசர சட்டம் தேவையில்லை, நிரந்தர சட்டம் தான் தேவை என போராட்ட களத்தில் உள்ளோர் உறுதியாக தெரிவித்த பிறகும், தமிழக அரசு மக்களின் கடும் எதிர்ப்பையும் மீறி ஜல்லிக்கட்டு நடத்தியே தீருவது என கவுரவ பிரச்சனையாக கருதுவது மக்களிடையே கடும் கொந்தளிப்பை ஏற்படுத்தியுள்ளது. முதலில் அலங்காநல்லூர் வாடிவாசலில் காளைகளை துள்ள விடுவது என தீர்மானித்த ஓ.பன்னீர்செல்வத்திற்கு ஏமாற்றமே மிஞ்சியது.

மக்களின் கடும் எதிர்ப்பால் அலங்காநல்லூரில் ஜல்லிக்கட்டு நடத்த இயலவில்லை. மக்கள் தொடர்ந்து எதிர்ப்பு தெரிவித்ததால் முதல்வரால் அலங்காநல்லூருக்கு செல்லமுடியவில்லை. அலங்காநல்லூரை சுற்றி சாலைகளில் குழிகளை தோண்டி ஊருக்குள் நுழையாமல் போக்குவரத்தை தடை செய்துள்ளனர். இதன் மூலம் ஜல்லிக்கட்டு நடத்த தீவிர முயற்சி காட்டிய தமிழக முதல்வர் மற்றும் அமைச்சர்களுக்கு மாபெரும் தோல்வியே மிஞ்சியுள்ளது.

அலங்காநல்லூரில் இல்லையென்றால் என்ன நத்தம் அருகே கோவில்பட்டி கிராமத்தில் நடத்துவது என்று தீர்மானித்த பன்னீர்செல்வத்திற்கு மீண்டும் ஏமாற்றமே மிஞ்சியுள்ளது. ஓ.பன்னீர் செல்வம் வருவதற்கு அங்குள்ள மக்களும் எதிர்ப்பு தெரிவித்துள்ளனர். முதல்வர் ஓ.பன்னீர்செல்வம் மற்றும் அமைச்சர்கள் செல்லும் இடமெல்லாம் மக்கள் எதிர்ப்பு தெரிவித்து வருகின்றனர். மேலும் நத்தம் அருகே கோவில்பட்டியில் மக்கள் சாலை மறியலில் ஈடுபட்டுள்ளனர்.

முதல் முறை:

ஒரு கிராமத்துக்குள் செல்ல முடியாமல் முதலமைச்சர் திரும்புவது தமிழகத்தில் இதுவே முதல்முறை ஆகும். ஜல்லிக்கட்டு துவங்கி வைக்க முதல்வர் ஓ.பன்னீர் செல்வம் அலங்காநல்லூர் சென்ற போது பொதுமக்கள் மற்றும் இளைஞர்கள் எதிர்ப்பு தெரிவித்ததால் அலங்காநல்லூர் கிராமத்துக்குள் முதல்வர் செல்ல முடியாத நிலை ஏற்பட்டுள்ளது.

English summary:

Alanganallur: in spite of the opposition of the people think that the government must launch jallikattu administration, CM opannirselvam heavy today. Emergency Law does not require the need for a permanent law firm said that after those in battle, despite the opposition of the people of the State Government to Tyre jallikattu launch heavy turbulence caused people to assume that the problem is the cameo. Be the first to leave the decision to the Bulls in Alanganallur vadivasal opannirselvam disillusioned. 

Read More

ஜல்லிக்கட்டு தேதியை தள்ளி வைக்க முதல்வர் ஆலோசனை

மதுரை : அலங்காநல்லூரில் ஜல்லிக்கட்டை துவக்கி வைப்பதற்காக வந்துள்ள முதல்வர் ஓ.பன்னீர்செல்வம், மதுரையில் தங்கி உள்ளார். இந்நிலையில் அலங்காநல்லூரில் ஜல்லிக்கட்டு நடத்துவதற்கு அலங்காநல்லூர் கிராம மக்கள் கடும் எதிர்ப்பு தெரிவித்து வருகின்றனர்.
இதனால் ஜல்லிக்கட்டு தேதியை தள்ளி வைப்பது தொடர்பாக அதிகாரிகளுடன் முதல்வர் ஆலோசனை நடத்தி வருகிறார். இதனால் அவர் தனது அலங்காநல்லூர் பயணத்தை ரத்து செய்து விட்டு உடனடியாக சென்னை திரும்ப உள்ளதாக தகவல் வெளியாகி உள்ளது.

English summary:

Madurai: Alanganallur boot to keep the gravel in the initial opannircelvam, is staying in Madurai. Alanganallur jallikattu in Alanganallur The villagers are against holding. 

Read More

வாடிவாசல் முற்றுகை : வாகனங்களுக்கு தடைபோட்ட அலங்காநல்லூர் மக்கள்

அலங்காநல்லூர் : அலங்காநல்லூர் கிராமத்திற்குள் காளைகளை ஏற்றி வரும் வாகனங்கள் வர அக்கிராம மக்கள் தடை விதித்துள்ளனர். அலங்காநல்லூரிற்குள் செல்லும் அனைத்து வழிகளிலும் கற்களை போட்டு போராட்டம் நடத்தி வருகின்றனர்.
அலங்காநல்லூரில் ஜல்லிக்கட்டு நடத்துவதற்கு எ
திர்ப்பு தெரிவித்து, வாடிவாசலை முற்றுகையிட்டு மக்கள் போராட்டம் நடத்தி வருகின்றனர். அலங்காநல்லூர் மட்டுமின்றி சுற்றியுள்ள அனைத்து கிராமங்கள் வழியாகவும் அலங்காநல்லூரிற்குள் வரும் நான்கு சக்கர வாகனங்கள் அனைத்தும் தடுத்து நிறுத்தப்பட்டு, முற்றுகையிடப்பட்டு வருகிறது. ஜல்லிக்கட்டு நடத்த ஒத்துழைப்பு தருமாறு மதுரை கலெக்டர் வீரராகவ ராவ், அலங்காநல்லூர் மக்களுடன் தொடர்ந்து போராட்டம் நடத்தி வருகிறார்.

English summary:

Alanganallur: Alanganallur village and the villagers have banned to vehicles carrying bulls. In Alanganallur to put the stones have been demonstrating all the way through. 

Read More

தடைகளை போட்டு உள்ளே நுழைய விடாமல் அலங்காநல்லூர் கிராம மக்கள் போராட்டம்

அலங்காநல்லுார்:தடைகளை போட்டு உள்ளே நுழைய விடாமல் அலங்காநல்லுார் கிராம மக்கள் போராட்டம் நடத்தி வருகின்றனர். மாவட்ட கலெக்டர் வீரராகவராவ் போராட்டக்குழுவினருடன் பல முறை பேச்சுவார்த்தை நடத்திய போதிலும் போராட்டக்குழுவினர் தங்களது முடிவை மாற்றவில்லை.

அலங்காநல்லுாரில் இன்று (22-01-17)ஜல்லிக்கட்டு நடைபெற உள்ளதை முன்னிட்டு, அதற்கான ஏற்பாடுகள் செய்ய அரசு நடவடிக்கை எடுத்து வந்த நிலையில் அலங்காநல்லுாரில் நுழையும் அனைத்துப்பகுதிகளிலுள் கட்டைகளை போட்டு தடை ஏற்படுத்தியுள்ளனர். ஜல்லிக்கட்டுக்காக அவரச சட்டம் என்பது ஏமாற்று வேலை, நிரந்தர சட்டம் கிடைக்கும் வரை எங்கள் போராட்டத்தை தொடர்வோம்' என கூறி அலங்காநல்லுாரில் போராட்டத்தை தொடர்ந்து வருகின்றனர்.

போராட்டக்குழுவினர் வசம் வாடிவாசல்:

ஜல்லிக்கட்டு நடைபெறும் வாடிவாசலில் மட்டும் போலீஸ் பாதுகாப்பு போடப்பட்டு. மற்ற எந்தப்பகுதிகளிலும் பாதுகாப்பிற்கு போலீஸ் பாதுகாப்பு இல்லாதநிலையில். அலங்காநல்லுார் சர்க்கரை ஆலைக்கு வரும் வாகனங்களில் கட்டைகளை ஏற்றிவரப்பட்டு ஊருக்குள் நுழையும் அனைத்துப்பகுதிகளிலும் கட்டைகளால் தடுப்பு வேலி போடப்பட்டுள்ளன. இரு சக்கர வாகனங்கள் தவிர வேறு வாகனங்கள் உள்ளே நுழைய முடியாதபடி ஏற்பாடு செய்யப்பட்டுள்ளது. போலீஸ் கட்டுப்பாட்டில் இருந்து வந்த வாடிவாசல் பகுதி தற்போது போராட்டக்குழுவினர் கட்டுப்பாட்டில் வந்துள்ளது.

இது குறித்து போராட்ட குழுவினர் கூறியதாவது: அவசர சட்டம் எங்களுக்கு தீர்வாகாது . ஏனேன்றால், பீட்டா மீண்டும் வழக்கு போட்டு தடை ஏற்படுத்தும் ஆகவே எங்களுக்கு எவ்வளவு கால தாமதம் ஆனாலும் நிரந்தர தீர்வு தான் வேண்டும் என்றனர்.

வாடிவாசல், கேட்கடையில் பொதுமக்கள் போராட்டம்:

அலங்காநல்லுாரில் தொடர்ந்து 6 நாளாக போராட்டம் தொடர்ந்து நடைபெறுகிறது. அலங்காநல்லுாரில் உள்ள கேட்கடை பகுதியிலும் வாடிவாசல் பகுதியிலும் இரு இடங்களில் போராட்ட குழுவினர் முற்றுகையிட்டு போராடி வருகின்றனர்.

English Summary:

Alanganalluar: alanganalluar from entering the inside of the barriers have been agitating villagers. District Collector veeraghav, struggle people talks several times, but did not change their decision 

Read More

அலங்காநல்லூரில் கொட்டும் மழையால் ஏற்பாடுகள் தொய்வு

மதுரை: அலங்காநல்லுாரில் மழை பெய்து வருவதாலும், போராட்டக்காரர்களின் எதிர்ப்பாலும் ஜல்லிக்கட்டு போட்டி நடத்துவதற்கான ஏற்பாடுகளில் தொய்வு ஏற்பட்டுள்ளது.

முன்னதாக, மது
ரை கலெக்டர் வீரராகவ ராவ் இன்று அளித்த பேட்டியில் கூறியதாவது:

மக்கள் விரும்பும் அனைத்து இடங்களிலும் ஜல்லிக்கட்டு நடத்த தயாராக இருக்கிறோம். மாவட்ட நிர்வாகத்தின் விதிகளின் படி நடத்தப்படும். ஜல்லிக்கட்டு நடத்துவதற்கு கிராம கமிட்டியினர் சம்மதம் தெரிவித்துள்ளனர். அதன்படி, தேவையான ஏற்பாடுகள் திட்டமிடப்பட்டு செய்து வருகிறோம்.

ஜல்லிக்கட்டு போட்டி நடத்துவதற்கு ஏற்பாடுகள் செய்ய குழுக்கள் தயார் நிலையில் உள்ளன. கிராம மக்களும் உடனடியாக ஜல்லிக்கட்டு நடத்த வேண்டும் என்று தான் விரும்புகிறார்கள். போராட்டத்தில் ஈடுபட்டுள்ளவர்களின் கோரிக்கையும் ஜல்லிக்கட்டு நடத்த வேண்டும் என்பது தான்.

ஜல்லிக்கட்டுக்கு தடை இருந்ததால் போட்டி நடத்த முடியாமல் இருந்தது. தற்போது, தமிழக அரசின் நடவடிக்கையால் தடை நீங்கி உள்ளது. அரசு கொண்டு வந்துள்ள அவசர சட்டம் நிரந்தரமானது. இதனால், போராட்டத்தில் உள்ளவர்களுடன் பேச்சுவார்த்தை தொடர்கிறது. தற்போது மழை பெய்து வருகிறது அடுத்தக்கட்ட நடவடிக்கைகள் குறித்து அறிவிக்கப்படும்.
இவ்வாறு அவர் கூறினார்.

English summary:

Madurai : alankanalluar despite the rain, protesters have been chipped in the preparations for the holding of the upcoming jallikattu competition. 

Read More

அலங்காநல்லூர்:காளைகளை கொண்டு வர கிராம மக்கள் அனுமதி மறுப்பு

அலங்காநல்லுார்: அலங்காநல்லுாரில் காளைகளை கொண்டு வர கிராம மக்கள் அனுமதி மறுத்துள்ளனர்.அலங்காநல்லுாரில் இன்று (22-01-17)ஜல்லிக்கட்டு நடைபெற உள்ளதை முன்னிட்டு, அதற்கான ஏற்பாடுகள் செய்ய அரசு நடவடிக்கை எடுத்து வருகிறது.

‛ஜல்லிக்கட்டுக்காக அவரச சட்டம் என்பது ஏமாற்று வேலை, நிரந்தர சட்டம் கிடைக்கும் வரை எங்கள் போராட்டத்தை தொடர்வோம்' என கூறி அலங்காநல்லுாரில் போராட்டம் தொடர்கிறது. வாடிவாசல் பகுதியில் ஏற்பாடுகளை செய்ய வந்த அரசு ஊழியர்களை தடுத்து நிறுத்திய போராட்டக்குழுவினர் கலெக்டர் பேச்சுவார்த்தை நடத்தியும் சம்மதிக்கவில்லை.

இந்நிலையில், அலங்காநல்லுாரில் ஜல்லிக்காட்டிற்காக லாரிகளில் கொண்டு வரப்பட்ட காளைகளை அனுமதிக்க முடியாது என உள்ளூர் கிராம மக்கள் எதிர்ப்பு தெரிவித்தனர்.

English summary:

Alanganalluar: alanganalluar not allowed the villagers to come up with the bulls today (22-01-17) jallikattu held to mark the Government is taking action to make the appropriate arrangements.

Read More

ஜல்லிக்கட்டு போட்டியை தொடங்கி வைக்க இன்று இரவு முதல்வர் மதுரை செல்கிறார்

சென்னை: தமிழக முதலமைச்சர் ஓ.பன்னீர்செல்வம் இன்று இரவு 8.45-க்கு மதுரை செல்கிறார். ஜல்லிக்கட்டு முன்னேற்பாடுகளை பார்வையிட உள்ளதாகவும் தகவல்கள் தெரிவிக்கின்றன. அலங்காநல்லூர், பாலமேடு, அவனியாபுரத்திலும் நாளை ஜல்லிக்கட்டு நடக்க வாய்ப்புள்ளது. அவர் நாளை அலங்காநல்லூரில் ஜல்லிக்கட்டை தொடங்கி வைப்பார் என்று எதிர்பார்க்கப்படுகிறது. ஜல்லிக்கட்டை தாமே தொடங்கி வைக்க இருப்பதாகவும் முதல்வர் ஓ.பன்னீர்செல்வம் கூறியிருந்தார் என்பது குறிப்பிடத்தக்கது.

முன்னதாக டெல்லியில் பிரதமர் மோடியை நேற்று முன்தினம் காலை முதல்வர் பன்னீர்செல்வம் சந்தித்து பேசினார். அப்போது அவசர சட்டம் பிறப்பிக்க முடியாது என்று மோடி கைவிரித்து விட்டார். இதனால், ஓ.பன்னீர்செல்வம் உடனடியாக சென்னை திரும்பாமல், நேற்று முன்தினம் முழுவதும் டெல்லியில் தங்கி பல்வேறு சட்ட நிபுணர்களை சந்தித்து ஆலோசனை நடத்தியதுடன், அவசர சட்டம் இயற்றுவதற்கான நடவடிக்கையிலும் ஈடுபட்டார்.

இதனைத் தொடர்ந்து, நேற்று முன்தினம் டெல்லியிலேயே தங்கி, ஜல்லிக்கட்டு நடத்த வழி செய்யும் வகையில் மத்திய அரசின் மிருகவதை தடுப்பு சட்டத்தில் மாநில அளவில் திருத்தங்கள் மேற்கொள்வது பற்றி சட்ட வல்லுநர்கள் மற்றும் அரசு உயர் அதிகாரிகளுடன் விவாதித்தார். அதன் அடிப்படையில், மத்திய அரசின் மிருகவதை தடுப்பு சட்டத்திற்கு மாநில அரசு திருத்தம் ஒன்றை கொண்டு வர முடிவு செய்யப்பட்டுள்ளது.

இந்த சட்ட திருத்தத்தை, ஒரு அவசர சட்டமாக பிறப்பிக்கவும் முடிவு எடுக்கப்பட்டது. இந்திய அரசமைப்பு சட்டத்தின்படி, இந்த வரைவு அவசர சட்டம் மத்திய அரசின் உள்துறைக்கு அனுப்பப்பட்டு, மத்திய அரசின் பரிந்துரையுடன், இந்திய குடியரசு தலைவருக்கும் அனுப்பப்பட்டது. இதனையடுத்து ஒரு சில மணிநேரத்தில் தமிழக ஆளுநர் அவசர சட்டம் பிறப்பிக்க உள்ளார். அவசர சட்டம் பிறப்பிக்கப்பட்டதும் ஜல்லிக்கட்டுக்கான தடை நீக்கப்படும் என்பது குறிப்பிடத்தக்கது.

English summary:

Chennai: Tamil Nadu Chief Minister opannircelvam goes Madurai to 8.45 today. There are reports that preparations jallikattu view. Alanganallur, Palamedu, avaniyapuram jallikattu tomorrow is likely to happen. Alanganallur tomorrow is expected to keep him at the beginning of the gravel. Opannircelvam CM said that he had had to open the gravel. 

Read More

தயார் நிலையில் அலங்காநல்லூர் வாடிவாசல்!

மதுரை : அவசரசட்டம் இயற்றிய பின் ஜல்லிக்கட்டு நடத்த ஏதுவாக அலங்காநல்லூர் வாடிவாசல் தயார் நிலையில் வைக்கப்பட்டுள்ளது. மதுரை கலெக்டர் வீரராகவராவ் வாடிவாசலை ஆய்வு செய்தார்.

ஜல்லிக்கட்டு மீதான தடையை நீக்கக்கோரியும், பீட்டா அமைப்பை தடை செய்யக் கோரியும் தமிழகம் முழுவதும் இளைஞர்கள் படை போராட்டம் நடத்தி வருகிறது. கடந்த 5 நாட்களாக தமிழகம் முழுவதும் நடத்தி வரும் அறவழி போராட்டத்தால் மத்திய, மாநில அரசுகள் மிரண்டன.

இதனையடுத்து அவசர சட்டம் பிறப்பிக்க வேண்டி டில்லி சென்ற தமிழக முதல்வர் பன்னீர் செல்வத்திற்கு பிரதமர் மோடி கை விரித்தார். இருப்பினும் மாநில அரசுக்கு முழு ஒத்துழைப்பு அளிக்கப்படும் என நம்பிக்கை தெரிவித்தார். இதன்பின் சட்ட வல்லுனர்களுடன் கலந்தாலோசித்து காட்சிப்படுத்த கூடாத விலங்குகள் பட்டியலில் இருந்து காளையை நீக்கும் வகையில் சட்ட வரைவு தயாரிக்கப்பட்டது. இதனை மத்திய அமைச்சகங்களின் ஒப்புதலுக்கு தமிழக அரசு அனுப்பி வைத்தது. இந்த சட்ட வரைவுக்கு மத்திய சுற்றுச்சூழல் மற்றும் வனத் துறை, சட்ட துறை, உள்துறை அமைச்சகங்கள் அனைத்தும் ஒப்புதல் அளித்தன.

தமிழக கவர்னர் மும்பையிலிருந்து வித்யாசாகர் ராவ் மும்பையிலிருந்து இன்று சென்னை திரும்புகிறார். அவரின் ஒப்புதலுக்கு பின் ஜல்லிக்கட்டு நடத்துவதற்கு வசதியாக, இன்று(ஜன.,21) அவசர சட்டம் பிறப்பிக்கப்படும் என, எதிர்பார்க்கப்படுகிறது. இன்று அவசர சட்டம் பிறப்பிக்கப்பட்டால், நாளை(ஜன.,22), அலங்காநல்லுாரில், ஜல்லிக்கட்டு நடத்த, அரசு முடிவு செய்துள்ளது.

இதனையடுத்து ஜல்லிக்கட்டு நடத்த ஏதுவாக அலங்காநல்லூர் வாடிவாசலை தயார் செய்யும் பணி முடுக்கி விடப்பட்டு தயார் செய்யப்பட்டது. மதுரை கலெக்டர் வீரராகவராவ், அலங்காநல்லூர் வாடிவாசலை நேற்று(ஜன.,20) ஆய்வு செய்து, பாதுகாப்பு ஏற்பாடுகள் குறித்து போலீசாரிடம் கலந்தாலோசித்தார்.

இதுகுறித்து அவர் தெரிவிக்கையில் ‛ஜல்லிக்கட்டு நடத்துவதற்கு அரசின் அனுமதிக்காக காத்திருக்கிறோம். அனுமதி கிடைத்தவுடன் ஜல்லிக்கட்டு நடத்தப்படும். அலங்காநல்லூரில் ஜல்லிக்கட்டு நடத்துவதற்கான அனைத்து ஏற்பாடுகளும் தயார் நிலையில் உள்ளன' இவ்வாறு அவர் தெரிவித்தார்.

English summary:

Madurai, ordinance enacted in order to hold back Alanganallur jallikattu banner been placed on standby. Madurai Collector T.M.Veeraraghav examined. 

Read More

ஜல்லிக்கட்டு சத்ரியன்...ஆடுகள நாயகன்...மக்கள் மெச்சிய 'முரட்டுக்காளை' அப்பு #வைரல்வீடியோ

ஜல்லிக்கட்டு தமிழர்களின் பாரம்பர்ய விளையாட்டுக்களில் முக்கியமான ஒன்று. ஜல்லிக்கட்டிற்கு காளைகளை பயிற்சி கொடுத்து தயார்ப்படுத்தும் விதம் சற்று வித்தியாசமாகவே இருக்கும். ஜல்லிக்கட்டு போட்டிக்காக சாதாரண காளைகளை கூட பயிற்சி கொடுத்து தயார் படுத்துவது வழக்கம். ஆனால், ஜல்லிக்கட்டிற்கு மட்டும் என்றே தனியாக வளர்க்கப்படும் காளைகளும் தமிழ்நாட்டில் உண்டு. தமிழ்நாட்டில் ஜல்லிக்கட்டில் எத்தனை காளைகள் அவிழ்த்து விடப்பட்டாலும் மாடுபிடி வீரர்கள் மத்தியில் சிறு சலனம் கூட இருக்காது. ஆனால் மதுரை மண்ணில் மட்டுமல்ல மாநில அளவில் நடக்கும் ஜல்லிக்கட்டில் 'அப்பு காளை' என்ற ஒரு பெயரை கேட்டாலே மாடுபிடிவீரர்களுக்கு சற்று கிலியாகத்தான் இருக்கும். மாடுகளை அணைக்க வேண்டும் என்ற நோக்கத்தில் இருக்கும் மாடுபிடிவீரர்கள் மத்தியில் 'அப்பு வருது' என சொன்னாலே பக்கத்தில் நெருங்க யோசிப்பர். இதுவரை தான் கலந்துகொண்ட போட்டிகளில் தோல்வியே அறியாத காளை என ஜல்லிக்கட்டு வட்டாரத்தில் பேசப்பட்ட ஒரே காளை. 'ஜல்லிக்கட்டின் சத்ரியன்', 'ஆடுகளத்தின் ஆட்ட நாயகன்' என காளை பிரியர்களால் வர்ணிக்கப்பட்ட ஒரே காளையும் இந்த அப்புதான்.

 சக காளைகளே மிரளும் அளவுக்கு ஜல்லிக்கட்டில் தனது ஆட்டத்தை இது வெளிப்படுத்தும். வாடிவாசலில் காளைகள் அவிழ்த்து விடப்பட்டவுடன் எல்லைக்கோட்டை தாண்டி செல்ல வேண்டும் என்ற நோக்கில் காளைகள் சீறிப்பாய்ந்து செல்லும். ஆனால் அப்பு காளை அவிழ்த்து விடப்பட்டவுடன் வாடிவாசல் அருகிலேயே சுற்றி தனது நிலையான ஆட்டத்தை வெளிப்படுத்தும். வாடிவாசலில் இருந்து கூட்டத்துக்குள் புகுந்து வீரர்களை பந்தாடிவிட்டு புழுதியை கிளப்பி நிற்கும் தோரணை அசாத்தியமானது. அதனை காண்பதற்காகவே செல்லும் ஜல்லிக்கட்டு ஆர்வலர்களும் உண்டு. காளைக்கு கொம்பு பெரியதாக இருப்பதாகவே நாம் கேள்விப்பட்டிருப்போம். ஆனால் அப்பு காளைக்கு கொம்பு சிறிதுதான், ஆனால் அதுதான் அப்புவின் பலம். அந்தக் கொம்பினால் எவ்வளவு பெரிய பலசாலியாக இருந்தாலும் தூசுபோல தட்டிவிட்டு செல்லும் திறமைசாலி அப்பு. மாநில அலவில் பல விருதுகள், பதக்கங்கள் மற்றும் பரிசுபொருட்கள் என அப்பு வாங்கி குவித்த பரிசுகள் ஏராளம். இவ்வளவு சிறப்பு வாய்ந்த அப்பு காளைக்கு சொந்தக்காரர் தமிழ்நாடு ஜல்லிக்கட்டு பேரவையின் தலைவர் ராஜசேகரன். இவர் அப்பு காளைக்கன்றினை மதுரை மாவட்டம், சக்குடி கிராமத்தில் உள்ள கோவிலுக்கு வழங்கினார். அதன் பிறகு இந்த கோவில்காளைக்கு ஜல்லிக்கட்டுக்கு தேவையான சிறப்பு பயிற்சி அளிக்கப்பட்டது. முழுமையான பயிற்சிக்கு பின்னர் களத்தில் இறங்கிய காலம் முதல் தோல்வியை கண்டதில்லை என்ற பெருமையுடனே 2014-ம் ஆண்டு இறந்துபோனது. அப்பு காளையை அவிழ்த்து விடும்போது சுற்றி வைக்கப்பட்டிருக்கும் ஒலிபெருக்கியில் "ஓடிப்போ, ஓடிப்போ அப்பு வருது ஓடிப்போ", முடிஞ்சா பிடிப்புப்பாருடா" என்ற குரல் திரும்ப திரும்ப கேட்டவாறே இருக்கும். பிற ஜல்லிக்கட்டு காளைகளை வளர்ப்போரும் விரும்பும் காளைகளுள் முக்கிய இடம் அப்புவுக்குத்தான்.

 இந்த அப்பு காளை இறந்த பிறகு அதைக்காண கூடிய மக்கள் கூட்டம் மிக அதிகம். அப்பு இறந்த செய்தி கேட்டு துன்பப்பட்ட மாடுபிடிவீரர்கள் ஏராளம். மனிதர்களுக்கு செய்யும் சடங்குகளும் இந்த அப்பு காளைக்கு செய்யப்பட்டு அடக்கம் செய்யப்பட்டது. இந்த காளையின் சொந்தக்காரரான ராஜசேகரனிடம் பேசினோம். "அப்பு காளை களத்தில் நின்று விளையாடக்கூடியது. மாடு சிறியதாக இருந்தாலும் அது களத்தில் வீரர்களை பந்தாடிவிடும். அதனுடைய திமிலில் கை வைத்து அணைத்தால் அவரை கொம்புக்கு வரவைத்து தூக்கி எறிவதில் கில்லாடி. அப்பு என்ன நினைக்குதுன்னு யாருக்கும் தெரியாது. இடப்பக்கம் வரும்னு நினைச்சா, வலது புறம் வரும். இராணுவவீரன் களத்தில் எப்படி யோசிப்பானோ அதுபோல களத்தின் சூழ்நிலைக்கு ஏற்றவாறு புரிந்து விளையாடும். அப்பு என்னிடம் ஏழு வருடங்களாக இருந்தது. இரண்டு ஆண்டுகளுக்கு முன்னர் இறந்து விட்டது" என்றார்.

 பாரம்பர்யமான ஜல்லிக்கட்டு விளையாட்டு கடந்த இரண்டு ஆண்டுகளாக நடத்தப்படாமல் உச்சநீதிமன்றத்தின் தடையால் தவிக்கிறது. இதை தொடர்ந்து இந்த ஆண்டும் ஜல்லிக்கட்டு போட்டி நடத்த அனுமதி வழங்கப்படவில்லை. ஜல்லிக்கட்டுக்கு தடையை எதிர்த்து தமிழ்நாட்டில் மெரினா உட்பட அனைத்து இடங்களிலும் ஆர்ப்பாட்டங்கள் நடத்து வருகின்றன. இதற்கு சரியான பலன் கிடைக்கும் வரை ஓயமாட்டோம் என பொதுமக்களும், ஜல்லிக்கட்டு ஆர்வலர்களும், இளைஞர்கள் மற்றும் மாணவர்கள் என அனைத்து தரப்பினரும் கூட்டமாகவும் மற்றும் சமூக வலைத்தளங்கள் வழியாகவும் தங்கள் எதிர்ப்பினை காட்டி வருகிறார்கள்.

அப்பு காளை குறித்த கீழ்கண்ட வீடியோ ஒன்று இணையதளத்தில் வைரலாகி வருகிறது.
 

Read More

சீறும் ‛இளங்காளைகள்': ஸ்தம்பிக்கும் தமிழகம்

சென்னை : ஜல்லிக்கட்டுக்கு ஆதரவாகவும், பீட்டாவை தடை செய்ய வேண்டும், அலங்காநல்லூர் போராட்டத்தின் போது கைது செய்யப்பட்ட அனைவரையும் விடுக்க வேண்டும் என்ற கோரிக்கைகளை வலியுறுத்தி தமிழகம் முழுவதும் கல்லூரி மாணவர்கள், 3வது நாளாக மிகப்பெரிய அளவில் போராட்டம் நடத்தி வருகின்றனர்.

ஸ்தம்பித்த தமிழகம் :

சென்னை மெரீனாவில் சாலையின் இருபுறமும் மாணவர்கள் பெருமளவில் குவிந்து போராட்டம் நடத்தி வருகின்றனர். தனியார் கல்லூரி மாணவர்கள் சிலர் சாலை மறியலில் ஈடுபட்டனர். இதனால் சோழிங்கநல்லூர் பகுதியில் போக்குவரத்து பாதிப்பு ஏற்பட்டது. இதன் காரணமாக போராட்டம் நடத்திய மாணவர்கள் மீது போலீசார் தடியடி நடத்தினர்.

ஆயிரக்கணக்கான மாணவர்கள், மெரீனா பகுதியில் திரண்டதால், அப்பகுதி முழுவதும் ஸ்தம்பித்துள்ளது. சென்னை மெரீனா, மதுரை தமுக்கம் மைதானம் பகுதி, கோவை வ.உ.சி., மைதானம், திருச்சி விமான நிலைய சாலை உள்ளிட்ட பகுதிகளில் ஆயிரக்கணக்கான மாணவர்கள் திரண்டதால் அப்பகுதிகள் முழுவதுமாக ஸ்தம்பித்துள்ளது.

போலீசார் தொடர் பேச்சுவார்த்தை :

சென்னையில் 2வது நாளாக மாணவர்கள் போராட்டம் நடத்தி வருகின்றனர். தமிழகம் முழுவதும் முக்கிய பகுதிகளில் ஆயிரக்கணக்காக மாணவர்கள் திரண்டு போராட்டம் நடத்திய போதிலும், அசம்பாவித சம்பவங்கள் ஏதும் இன்றி, தொடர்ந்து அமைதியான முறையில் போராட்டங்கள் நடந்து வருகிறது.

மாணவர்களுடன் அமைச்சர்கள் நடத்திய பேச்சுவார்த்தை தோல்வி அடைந்த நிலையில், போலீசார் தொடர்ந்து பேச்சுவார்த்தை நடத்தி வருகின்றனர். ஏற்கனவே நடத்தப்பட்ட 2 கட்ட பேச்சுவார்த்தைகள் தோல்வி அடைந்த நிலையில், தற்போது 3வது முறையாக போலீசார் பேச்சுவார்த்தை நடத்தி வருகின்றனர்.

English Summary:

Chennai: Jallikattu favor and ban beta, Alanganallur those arrested during the strike should be extended across the demands of college students, in large scale, have been agitating for the 3rd day.

Read More

தமிழகம் முழுவதும் பரவும் போராட்டம்: இளைஞர்களை இணைத்த வலைதளங்கள்

சென்னை: ஜல்லிக்கட்டு நடத்த கோரி அலங்காநல்லுாரில் போராட்டத்தில் ஈடுபட்டவர்கள் கைது செய்யப்பட்டதன் எதிரொலியாக தமிழகம் முழுவதும் இளைஞர்கள் போராட்டம் தீயாக பரவி வருகிறது.

தமிழர்களின் பாரம்பரிய விளையாட்டான ஜல்லிக்கட்டு நடத்த கோரி இளைஞர்கள், ஜல்லிக்கட்டு ஆர்வலர்கள் மற்றும் பொதுமக்கள் களத்தில் இறங்கி போராட்டத்தில் இறங்கி உள்ளனர்.

மதுரை மாவட்டம் அலங்காநல்லுாரில் நேற்று(திங்கட்கிழமை) காலை ஆயிரக்கணக்கான இளைஞர்கள் தமிழகத்தின் பல்வேறு பகுதிகளிலிருந்து குவிந்தனர். வாடிவாசல் முன் திரண்ட அவர்கள் பீட்டாவிற்கு எதிராக கோஷங்கள் எழுப்பினர். வாடிவாசலிலிருந்து காளைகள் வெளியேறாமல் கலையமாட்டோம் என உறுதியுடன் கூறினர்.

விடிய விடிய போராட்டம்:

அலங்காநல்லுாரில் இரவு முழுவதும் கலைந்து செல்லாமல் இளைஞர்கள் போராடினர். தண்ணீர், உணவு கிடைப்பதில் போலீசார் தடுத்தும் போராட்டத்தின் தீவிரம் குறையவில்லை. இன்று காலை போராட்டத்தில் ஈடுபட்ட இளைஞர்களை போலீசார் கைது செய்து வாடிப்பட்டியில் உள்ள கல்யாண மண்டபத்தில் அடைத்தனர்.

உள்ளிருப்பு போராட்டம்:

போலீசார் இளைஞர்களுடன் பேச்சுவார்த்தை நடத்தி சொந்த ஊர்களுக்கு செல்லுமாறு அறிவுறுத்தினர். அதற்கு இளைஞர்கள் மறுத்துவிட்டனர். விடுவித்தாலும் அலங்காநல்லுாருக்கு தான் செல்வோம். ஜல்லிக்கட்டு நடக்கும் வரை போராடுவோம் என உறுதியாக தெரிவித்து உள்ளிருப்பு போராட்டத்தில் ஈடுப்பட்டனர்.

தமிழகம் முழுவதும்:...

இளைஞர்கள் கைது செய்யப்பட்ட தகவல் பேஸ்புக், வாட்ஸ் அப் உள்ளிட்ட சமூக வலைதளங்களில் பரவியது. இதையடுத்து, தமிழகம் முழுவதும் மாணவர்கள், இளைஞர்கள், இளைஞிகள், பொதுமக்கள் என பல தரப்பினரும் தன்னெழுச்சியாக ஆர்ப்பாட்டம், பேரணி, சாலை மறியல், மவுன போராட்டம் என பல போராட்டங்களை நடத்தி வருகின்றனர்.

மாவட்ட வாரியாக போராட்ட கள விபரம்:

சென்னை:

அலங்காநல்லூரில் கைது செய்யப்பட்டவர்களை விடுதலை செய்ய வேண்டும், ஜல்லிக்கட்டு நடத்த வேண்டும் என்ற கோரிக்கையை வலியுறுத்தி சென்னை மெரினா கடற்கரையில் இன்று காலை முதல் இளைஞர்கள் போராட்டம் நடத்தி வருகின்றனர்.

முதல்வர் பன்னீர் செல்வம் நேரில் வர வேண்டும் அல்லது தமிழக அரசு ஜல்லிக்கட்டு நடத்தப்படும் என உறுதியளித்து அறிக்கை வெளியிட வேண்டும் என அவர்கள் கோரிக்கை முன்வைத்துள்ளனர். தங்கள் கோரிக்கை நிறைவேறாவிட்டால் இரவிலும் போராட்டம் தொடரும் என கூறுகின்றனர்.

போராட்டத்தை கட்டுபடுத்த போலீசார் மெரினா பகுதியில் மின் விநியோகத்தை துண்டித்தனர். இருப்பினும், அவர்கள் செல்போன் டார்ச் லைட் வைத்து போராடி வருகின்றனர்.

திருநெல்வேலி: ஜல்லிக்கட்டு நடத்த அனுமதி வேண்டும் என்று கோரி திருநெல்வேலியில் 500க்கும் மேற்பட்ட இளைஞர்கள் போராட்டத்தில் ஈடுபட்டனர். இவர்கள் ஜல்லிக்கட்டுக்கு எதிராக வழக்கு தொடர்ந்துள்ள பீட்டா அமைப்பை தடை செய்ய வேண்டும் என்று முழக்கமிட்டனர். வ.உ.சி. திடலில் போராட்டம் நடத்திய ஆயிரத்திற்கும் மேற்பட்டோர் கைதாகினர்.

காஞ்சிபுரம்: காஞ்சிபுரம் காமராஜர் சாலையில் ஜல்லிக்கட்டுக்கு ஆதரவாக இளைஞர்கள் ஒன்று திரண்டு போராட்டத்தில் ஈடுபட்டுள்ளனர். இதில் 500க்கும் மேற்பட்ட இளைஞர்கள் ஒன்று கூடி பீட்டா அமைப்பை தடை செய்ய வேண்டும் என்றும் ஜல்லிக்கட்டுக்கு அனுமதி அளிக்க வேண்டும் என்றும் வலியுறுத்தினார்கள். மேலும் காஞ்சிபுரம் நகராட்சி அலுவலகம் முன் இளைஞர்கள், பொதுமக்கள் சாலை மறியல் செய்தனர்.

வேலூர்: ஜல்லிக்கட்டு நடத்தப்பட வேண்டும், அதற்கான அவசர சட்டத்தை பிறப்பிக்க வேண்டும் என்று வலியுறுத்தி ஆயிரக்கணக்கானோர் தலைமை தபால் நிலையம் எதிரே உண்ணாவிரத போராட்டத்தை தொடங்கினர். அவசரமாக வந்த போலீசார் அவர்கள் அனைவரையும் கைது செய்து அழைத்துச் சென்றனர். மேலும் குடியாத்தம் நகரில், பஸ் நிலையம் எதிரே இளைஞர்கள் ஜல்லிக்கட்டுக்கு ஆதரவாக போராட்டம் நடத்தினர்.

கோவை: வ.உ.சி. மைதானத்தில் 4 ஆயிரத்துக்கும் மேற்ப்பட்டோர் திரண்டு போராட்டம் நடத்தி வருகின்றனர். ஒண்டிபுதூர் சுங்கம் பகுதியில் ஜல்லிக்கட்டு ஆதரவாளர்கள் காளைகளுடன் போராட்டத்தில் ஈடுபட்டனர்.

திண்டுக்கல்: திண்டுக்கல் மாவட்டம் ஒட்டன்சத்திரம் ரயில் நிலையம் அருகே கல்லூரி மாணவர்கள், இளைஞர்கள் நடத்திய போராட்டத்தில் பலர் கைதாகினர். கல்லறைத்தோட்டம் பகுதியில் மாணவர்கள் ஆர்ப்பாட்டம் நடத்தினர்.

நாமக்கல்: நாமக்கல் மாவட்டம், திருச்செங்கோடு, பரமத்தி வேலுார் பகுதிகளிலில் மாணவர்கள், இளைஞர்கள் ஜல்லிக்கட்டுக்கு ஆதரவாக கோஷம் எழுப்பியவாறு பேனர்களை ஏந்தி பேரணி நடத்தினர்.

புதுக்கோட்டை: புதுக்கோட்டை சின்னப்பா பூங்கா அருகே இளைஞர்கள் போராட்டம் நடத்தினர்.

பெரம்பலூர்: புதிய பேருந்து நிலையம் சிறுவர்,சிறுமியர் உள்ளிட்ட பலர் போராட்டம் நடத்தி வருகின்றனர்.

விருதுநகர்: விருதுநகர் மாவட்டம் காரியாபட்டி பகுதியில் மாணவர்கள், இளைஞர்கள் ஒன்று திரண்டு போராட்டம் நடத்தி வருகின்றனர்.

புதுச்சேரி: கடற்கரை சாலையில் ஆயிரக்கணக்கான இளைஞர்கள்,மாணவர்கள் போராட்டம் நடத்தி வருகின்றனர்.

இதுமட்டுமல்லாது, தமிழகத்தின் பிற பகுதிகளிலும் போராட்டம் நடந்து வருகிறது.

நாளை கல்லுாரிகள் புறக்கணிப்பு:

ஜல்லிக்கட்டை வலியுறுத்தி தமிழகம் முழுவதும் நாளை கல்லுாரிகளை புறக்கணிக்க கோரி வாட்ஸ் அப் மற்றும் பேஸ்புக்கில் தகவல்கள் பரவி வருகின்றன.

English Summary:

Chennai: hold jallikattu alankanalluar demanding the arrest of those involved in the struggle, as feedback has spread across the island youth.

Read More