5 கோப்புகளில் முதல்வர் கையெழுத்து

சென்னை: முதல்வராக இன்று பொறுப்பேற்றுக் கொண்ட முதல்வர் இடைப்பாடி பழனிசாமி, ஐந்து முக்கிய கோப்புகளில் கையெழுத்திட்டு, பணிகளை துவக்கினார்.

ஏழை கர்ப்பிணி பெண்களுக்கான மகப்பெறு உதவி திட்டத்தின் கீழ் வழங்கப்படும் தொகை, 12 ஆயிரம் ரூபாயில் இருந்து, 18 ஆயிரம் ரூபாயாக உயர்வு; தமிழகத்தில் மேலும், 500 டாஸ்மாக் மதுகடைகள் மூடல்; வேலை இல்லாத இளைஞர்களுக்கு வழங்கப்படும் மாதாந்திர உதவித் தொகை, இரண்டு மடங்காக உயர்வு; வேலைக்கு செல்லும் மகளிருக்கு வாகன கடன் வழங்க, 50 சதவீத மானியம்; மீனவர்களுக்கு தனி வீட்டு வசதி திட்டம் ஆகிய ஐந்து கோப்புகளில், முதல்வர் இடைப்பாடி பழனிசாமி கையெழுத்திட்டார்.

Read More

கேரள முதல்வருக்கு, முதல்வர் எடப்பாடி பழனிச்சாமி நன்றி

சென்னை, முதல்வராக பதவியேற்ற தனக்கு வாழ்த்து தெரிவித்த கேரள முதல்வர் பினராயி விஜயனுக்கு எடப்பாடி பழனிச்சாமி நன்றி தெரிவித்து கடிதம் அனுப்பியுள்ளார்.

இது குறித்து அரசு வெளியிட்ட செய்தி்க்குறிப்பு வருமாறு:

தமிழ்நாடு முதலமைச்சராக எடப்பாடி பழனிசாமி பதவி ஏற்றுக்கொண்டதையொட்டி, கேரள முதலமைச்சர் பினராயி விஜயன் வாழ்த்து தெரிவித்துள்ளார். தனக்கு வாழ்த்து தெரிவித்த கேரள முதலமைச்சர் பினராயி விஜயனுக்கு, முதலமைச்சர் எடப்பாடி பழனிசாமி தனது நன்றியினைத் தெரிவித்து கடிதம் அனுப்பியுள்ளார்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.

Read More

அ.தி.மு.க அரசை கலைக்கும் எண்ணத்துடன் தி.மு.க திட்டமிட்டு செயல்பட்டது : முதல்வர் எடப்பாடி பழனிசாமி குற்றச்சாட்டு

சென்னை - அ.தி.மு.க அரசை கலைக்க வேண்டும் என்ற எண்ணத்துடன் தி.மு.க செயல்பட்டது. அதிமுகவில் இருந்து பிரிந்து சென்றவர்கள் திமுகவில் ஐக்கியமாகிவிட்டார்கள் என்று முதல்வர் எடப்பாடி பழனிசாமி குற்றம்சாட்டினார். தமிழக சட்டப்பேரவையில் நேற்று பெரும்பான்மையை நிரூபித்த முதல்வர் எடப்பாடி பழனிசாமி, மெரினா கடற்கரையில் உள்ள ஜெயலலிதா, எம்.ஜி.ஆர். நினைவிடத்துக்கு வந்து அஞ்சலி செலுத்தினார்.

ஜெயலலிதாவின் ஆட்சி மலர்ந்தது:

அதற்குப் பிறகு அவர் செய்தியாளர்களிடம் கூறுகையில், சசிகலா எடுத்த சபதம் நிறைவேறியுள்ளது. ஜெயலலிதாவின் ஆட்சி மலர்ந்தது. எம்.ஜி.ஆர், ஜெயலலிதாவின் கனவுகளை நிறைவேற்றுவதே எங்கள் குறிக்கோள். குடிநீர் பிரச்சினைக்கு முன்னுரிமை அளிப்போம். அதிமுக அரசை கலைக்க வேண்டும் என்ற எண்ணத்துடன் திமுக செயல்பட்டது. அதிமுகவில் இருந்து பிரிந்து சென்றவர்கள் திமுகவில் ஐக்கியமாகிவிட்டார்கள். வறட்சி குறித்து புள்ளி விவரங்களை சேகரித்த பின் பிரதமரை சந்தித்து உரிய நிதி பெறுவோம். நீட் தேர்வு மசோதாவுக்கு  ஜனாதிபதி ஒப்புதல் பெறப்படும்'' என்றார்.

Read More

பழனிச்சாமிக்கு எதிராக ஓட்டு போடுங்கள்: ஓ.பி.எஸ்., வேண்டுகோள்

சென்னை: ‛நம்பிக்கை ஓட்டெடுப்பில் இடைப்பாடி பழனிச்சாமிக்கு எதிராக அ.தி.மு.க., எம்.எல்.ஏ.,க்கள் ஓட்டளிக்க வேண்டும்' என ஓ.பன்னீர்செல்வம் வேண்டுகோள் விடுத்துள்ளார்.

இதுகுறித்து, முன்னாள் முதல்வர் ஓ.பன்னீர்செல்வம் அளித்த பேட்டியில் கூறியதாவது:

தமிழகத்தில் குடும்ப ஆட்சி வர கூடாது என செயல்பட்டவர் ஜெயலலிதா. அவர் குடும்ப ஆட்சியை கடுமையாக எதிர்த்தவர். ஜெயலலிதாவால் வெளியேற்றப்பட்ட குடும்பம் தற்போது அ.தி.மு.க.,வை கைக்குள் கொண்டு வந்துள்ளது.

அந்த குடும்பத்திற்கு ஆதரவாக அ.தி.மு.க., எம்.எல்.ஏ.,க்கள் செயல்படுவது ஜெயலலிதாவுக்கு செய்யும் துரோகம். எம்.எல்.ஏ.,க்கள் எவ்வித ஆசை வார்த்தைக்கும் மயங்க கூடாது.
சட்டசபையில் நாளை (பிப்.,18) நடக்க உள்ள நம்பிக்கை ஓட்டெடுப்பில் அ.தி.மு.க., எம்.எல்.ஏ.,க்கள் அரசுக்கு எதிராக ஓட்டளிக்க வேண்டும்.இவ்வாறு அவர் கூறினார்.

Read More

தமிழக வளர்ச்சிக்கு பிரதமர் உதவ வேண்டும்: முதல்வர் இடைப்பாடி

சென்னை: தமிழக முதல்வராக பதவியேற்ற இடைப்பாடி பழனிச்சாமிக்கு பிரதமர் மோடி வாழ்த்து தெரிவித்துள்ளார். இதற்கு நன்றி தெரிவித்து, முதல்வர், பிரதமர் மோடிக்கு கடிதம் அனுப்பியுள்ளார்.

முயற்சி:

அந்த கடிதத்தில், ஜெயலலிதாவின் திட்டங்களை செயல்படுத்த அரசு முயற்சி மேற்கொள்ளும். மாநில மேம்பாட்டிற்கு மேற்கொள்ளப்படும் முயற்சிகளுக்கு மத்திய அரசு ஒத்துழைப்பு வழங்க வேண்டும். வாழ்த்து தெரிவித்ததற்கு நன்றி தெரிவித்து கொள்கிறேன். இவ்வாறு அவர் கூறியுள்ளார். 

Read More

பெங்களூருலிருந்து ரிமோட் கன்ட்ரோலால் இயக்கப்படாதீர்கள் : முதல்வருக்கு ஸ்டாலின் அட்வைஸ்

சென்னை : புதிய முதல்வராக எடப்பாடி பழனிச்சாமி பதவியேற்றது குறித்து தனது பேஸ்புக் பக்கத்தில் திமுக செயல் தலைவர் ஸ்டாலின் நேற்று அறிக்கை வெளியிட்டிருந்தார். அதில் ரிமோட் கன்ட்ரோலால் இயக்கப்படாமல் இருங்கள் என கேட்டுக் கொண்டுள்ளார்.

ஸ்டாலின் அறிக்கை :

2016-ல் நடைபெற்ற சட்டமன்ற தேர்தலுக்குப் பிறகான ஒன்பது மாதங்களுக்குள் இதுவரை தமிழகம் காணாத வகையில் மூன்றாவது முதலமைச்சரை அதிமுக சட்டமன்றக் கட்சி தேர்வு செய்து ஒரு விநோதமான “ஹேட்ரிக்” சாதனை செய்திருக்கிறது. அப்படி தேர்வு செய்யப்பட்ட சட்டமன்ற கட்சி தலைவரை பதவியேற்றுக் கொள்ள இன்றைய தினம் ஆளுநர் அவர்கள் அழைத்திருக்கிறார்.தமிழகத்தில் நிலையான ஆட்சி அமைய வேண்டும் என்பது மட்டுமே திராவிட முன்னேற்றக் கழகத்தின் ஒரே நோக்கமாக இருந்தது. பதவிக்காக அதிமுகவிற்குள் நடக்கும் அடிதடிகளோ, உள்கட்சி குழப்பங்களோ, அதிகாரப் போட்டியின் விளைவான கூவத்தூர் ரிசார்ட் கொண்டாட்டங்களோ, க்ரீம்ஸ் சாலை பட்டாசு வெடிக்கும் காட்சிகளோ, மாநிலத்தின் நலனுக்கு எவ்விதத்திலும் ஆபத்தாக முடிந்து விடக்கூடாது என்பதில் மட்டுமே திராவிட முன்னேற்றக் கழகம் அக்கறை காட்டியது.

அவசர கோலம் :

பதினைந்து தினங்களுக்குள் மெஜாரிட்டியை நிரூபிக்க வேண்டும் என்று ஆளுநர் அளித்திருக்கும் காலக்கெடு குதிரை பேரத்திற்கு வித்திடும் என்பது ஒரு புறமிருக்க, அவசர அவசரமாக அள்ளித் தெளித்த கோலத்தில் அமைச்சரவை பதவியேற்பு விழா நடப்பது தமிழக நலனுக்கு உகந்ததாகவோ, தமிழக மக்களின் நல்வாழ்வுக்கு வித்திடும் வகையிலோ எவ்விதத்திலும் இருக்கப் போவதில்லை என்பது உறுதியாகத் தெரிகிறது.
இந்நிலையில் ஆட்சி அமைக்க அழைக்கப்பட்டுள்ள அ.தி.மு.க.வின் சட்டமன்ற கட்சி தலைவர் திரு எடப்பாடி பழனிச்சாமி இன்று மாலையே பதவியேற்றுக் கொள்கிறார் என்றும், அதற்கான அழைப்பிதழ் வந்திருக்கிறது என்றும், நான் முன்பே ஒப்புக்கொண்ட நிகழ்ச்சிக்காக சேலம் புறப்பட்டு சென்று கொண்டிருக்கும் வழியில் எனது உதவியாளர் செல்போனில் தொடர்பு கொண்டு தெரிவித்தார். ஆகவே அவசர கோலத்தில் நடைபெறும் இந்த அமைச்சரவை பதவியேற்பு நிகழ்ச்சியில் பங்கேற்க இயலவில்லை என்பதை தெரிவித்துக் கொள்கிறேன்.

ரிமோட் கன்ட்ரோலால் இயக்கப்படாதீர்கள் :

புதிய முதலமைச்சராக பொறுப்பேற்றுக் கொள்ளவிருக்கும் மாண்புமிகு எடப்பாடி பழனிச்சாமி அவர்களுக்கு திராவிட முன்னேற்றக் கழகத்தின் சார்பில் எனது வாழ்த்துக்களை தெரிவித்துக் கொள்ளும் அதே நேரத்தில், “பெங்களூர் ஜெயிலுக்கு” சென்று ஆலோசனைகள் கேட்டு ரிமோட் கன்ட்ரோலால் இயக்கப் பட்டுக் கொண்டு இருக்காமல், அரசியல் சட்டப்படி எடுத்துக் கொள்ளும் உறுதி மொழிக்கும் ரகசிய காப்பு பிரமாணத்திற்கும் பாதகம் வராமல், பெங்களூரிலும், இங்கேயும் உள்ள அதிகார மையங்களின் ஆசைக்கேற்ற “ஆட்டுவித்தலுக்கு” ஏற்றார் போல் ஆட்சியை நடத்தாமல், முதலமைச்சருக்குரிய பொறுப்புகளையும், கடமைகளையும் முழுதும் உணர்ந்து தமிழக மக்களின் நலனுக்காகவும் மேம்பாட்டுக்காகவும் ஆட்சி நடத்திட வேண்டும் என்று கேட்டுக் கொள்கிறேன்.

English summary:

Chennai: As the new Chief Executive Edappadi Palanichany DMK leader MK Stalin on his Facebook page that took to the statement yesterday. He also asked to be turned on by remote control.

Read More

எம்எல்ஏக்களுடன் முதல்வர் ஆலோசனை

சென்னை: கூவத்தூரில் எம்.எல்.ஏக்களுடன் முதல்வர் பழனிச்சாமி இன்று இரவு ஆலோசனை நடத்துகிறார்.

முதல்வராக பதவியேற்ற பழனிச்சாமி மெரினாவில் உள்ள ஜெ. நினைவிடத்தில் அஞ்சலி செலுத்தினார். அவருடன் எம்.எல்.ஏக்கள், கட்சி மூத்த நிர்வாகிகள் அஞ்சலி செலுத்தினர். தொடர்ந்து எம்.எல்.ஏக்கள் அனைவரும் கூவத்தூர் சென்றனர். தொடர்ந்து முதல்வரும் கூவத்தூர் சென்றுள்ளார். இன்று 16-ம்தேதிஇரவு 9 மணிக்கு எம். எல்.ஏக்களுடன் ஆலோசனை நடத்த உள்ளார்.

English Summary:

Chennai: kuvattur MLAs in consultation with the Chief Minister Palanisamy runs tonight.

Read More

கவர்னர் தமிழகம் வருகை ரத்து: சசிகலா 'அப்செட்!'

கவர்னரின் தமிழகம் வருகை ரத்து செய்யப் பட்டது, சசிகலா மற்றும் அவரது உறவினர் களிடம், அதிர்ச்சியை ஏற்படுத்தி உள்ளது.

அ.தி.மு.க., சட்டசபை கட்சி தலைவராக தேர்வு செய்யப்பட்டுள்ள சசிகலா, உடனடியாக முதல் வராக பதவியேற்க முடிவு செய்தார். பதவி யேற்பு விழாவிற்காக, சென்னை பல் கலையில் உள்ள, நுாற்றாண்டு விழா அரங்கை தயார் செய்யும் பணி, நேற்று காலை துவக்கப்பட்டது.

தமிழக கவர்னர் வித்யாசாகர் ராவ், இன்று காலை, கோவை பாரதியார் பல்கலையில் நடை பெறும் விழாவில்

பங்கேற்க வருவதாக இருந்தது. விழா முடிந்து, சென்னை திரும்பியதும், இன்று மாலை, பதவியேற்பு விழா நடைபெறும் என, அ.தி.மு.க.,வட்டாரங்கள் தெரிவித்தன.

நேற்று இரவு, கவர்னர் கோவை நிகழ்ச்சியை ரத்து செய்தார். அவர் எப்போது சென்னை வருவார் என்பது, அதிகாரப் பூர்வமாக அறிவிக்கப்பட வில்லை.

அவரின் சென்னை வருகை முடிவாகாததால், இன்று பதவியேற்பு நிகழ்ச்சி நடத்த முடியாத சூழல் ஏற்பட்டுள்ளது.கவர்னரை சந்தித்து, எம்.எல்.ஏ.,க்கள் ஆதரவு கடிதத்தையும், சட்டசபை, அ.தி.மு.க., கட்சி தலைவராக, சசிகலா தேர்வுசெய்யப்பட்டதற்கான கடிதத்தையும் அளித்த பிறகே, பதவியேற்பு விழா குறித்து, முடிவு செய்யப்படும்.

'கவர்னர் எப்போது வருவார், பதவியேற்பு விழாவை எப்போது நடத்துவது...' என, முடி வெடுக்க முடியாத தால், சசிகலா, அவரது உறவினர்கள்

அதிர்ச்சிக்குள்ளாகி உள்ளனர். கவர்னரிடம் பேசி, அவரை இன்று சென்னைக்கு வரவழைப் பதற்கான முயற்சி களை, சசிகலா உறவினர் கள் துவக்கி உள்ளனர்.

சொத்து குவிப்பு வழக்கில், தீர்ப்பு வர உள்ள நிலையில், பதவியேற்பு நிகழ்ச்சி தள்ளி போவ தால், சசிகலா, 'அப்செட்'டாகி உள்ளதாக, கட்சி நிர்வாகிகள் தெரிவித்தனர். 

Read More

சசிக்கு எதிராக 1.5 லட்சம் பேர் கையெழுத்து

சென்னை : தமிழக முதல்வராக சசிகலா பதவியேற்பதற்கும் எதிராக நெட்டிசன்கள் கையெழுத்து இயக்கம் ஒன்றை ஆன்லைனில் நடத்தி வருகின்றனர்.

சசிக்கு எதிராக கையெழுத்து இயக்கம் :

சசிகலாவுக்கு எதிராக www.change.org என்ற இணையதளத்தில் ஆன்லைன் மூலம் கையெழுத்துக்கள் பெறப்பட்டு வருகிறது. பிப்ரவரி 05 (நேற்று) இந்த கையெழுத்து இயக்க தளம் உருவாக்கப்பட்டுள்ளது. இதுவரை சுமார் 1,55,447 க்கும் அதிகமான கையெழுத்துக்கள் சசிகலா முதல்வராவதற்கு எதிராக பெறப்பட்டுள்ளது. இந்த கையெழுத்து தளம் துவங்கப்பட்ட 15 நிமிடத்திற்குள் 10,000 பேர் தங்களின் கையெழுத்துக்களை பதிவு செய்துள்ளனர்.
ஆன்லைன் மூலம் பெறப்படும் இந்த கையெழுத்துக்களை ஜனாதிபதி, தமிழக கவர்னர் மற்றும் இந்திய தலைமை தேர்தல் கமிஷன் ஆகியோருக்கு அனுப்ப உள்ளதாக தெரிவிக்கப்பட்டுள்ளது.

www.change.org

Read More

தமிழகத்துக்கு விரைவில் சட்டசபை தேர்தல்.. இளைஞர்களுக்கு அழைப்பு.. அஸ்வின் ஆவேசம்!

சென்னை: தமிழகத்துக்கு விரைவில் சட்டசபை தேர்தல் நடைபெற வாய்ப்புள்ளதாக கிரிக்கெட் வீரர் அஸ்வின் சூசகமாக தனது ட்விட்டில் தெரிவித்துள்ளார்.

அதிமுக பொதுச்செயலாளர் சசிகலா முதல்வராக உள்ள சூழ்நிலையில், அவருக்கு எதிராக தமிழகம் முழுக்க ஆண்கள், பெண்கள், இளைஞர்கள் நடுவே கடும் எதிர்ப்பு கிளம்பியுள்ளது.
இது பல தளங்களிலும் உள்ள பிரபலங்களையும் கூட சீண்டியுள்ளது. அதில் ஒரு எதிர்ப்பு யாரும் எதிர்பார்க்காத தளத்தில் இருந்து கூட வந்துள்ளது.

அஸ்வின் கோபம்
அந்த பிரபலம் வேறு யாருமல்ல, இந்திய கிரிக்கெட் அணியின் முன்னணி வீரரான ரவிச்சந்திரன் அஸ்வின். சென்னையை சேர்ந்த இவர் சசிகலாவுக்கு எதிரான எதிர்ப்பை டிவிட்டரில் பதிவு செய்துள்ளார்.

வேலைவாய்ப்புகள்
தமிழகத்திலுள்ள அனைத்து இளைஞர்களுக்கும், 234 வேலைவாய்ப்புகள் விரைவில் கிடைக்க உள்ளது' என்று அஸ்வின் டிவிட் செய்துள்ளார். 234 தொகுதிகள் தமிழகத்தில் இருப்பதையும், விரைவில் ஆட்சி கலைந்து தேர்தல் நடைபெறும், என்பதையும் அஸ்வின் பூடகமாக குறிப்பிட்டுள்ளார்.


இளைஞர்களுக்கு அழைப்பு
மேலும், 234 இடங்களிலும் இளைஞர்கள் போட்டியிட முன்வர வேண்டும் என்ற தனது ஆசையையும் பூடகமாக குறிப்பிட்டுள்ளார் அஸ்வின். ஜல்லிக்கட்டு போராட்டத்தில் இளைஞர்கள் எழுச்சியுடன் போராடிய நிலையில் அஸ்வின் இளைஞர்களுக்கு அழைப்புவிடுத்துள்ளார் என்பது குறிப்பிடத்தக்கது.


கமலும் கடுப்பு

இதனிடையே நடிகர் கமல், பீலிப்பேய் சாகாடும் அச்சு இறும் அப்பண்டஞ் சால மிகுத்து பெயின்.. என்னும் திருக்குறளை டிவிட்டரில் பதிவிட்டிருந்தார். இது சசிகலாவை பற்றி மறைமுகமாக கமல்சாடுவதை போல உள்ளதாக நெட்டிசன்கள் பேசிக்கொள்வது குறிப்பிடத்தக்கது.

Read More

ஒருமுறை ஓட்டு போட்டு மூன்று முதல்வர்களை கண்ட தமிழர்கள் நாம்!

தமிழக முதல்வராக சசிகலா நடராஜன் பதவியேற்க உள்ளது தான் தமிழகத்தின் தற்போதைய ஹாட் டாப்பிக்காக உள்ளது. கடந்த மே 16-ஆம் தேதி 15-வது தமிழ்நாடு சட்டமன்ற தேர்தல் நடைபெற்றது. இதில் வெற்றி பெற்ற அதிமுக ஜெயலலிதா தலைமையில் ஆட்சியை தொடர்ந்தது.

ஒரு வருடம் கூட முடிவடையவில்லை, ஆனால் அதற்குள் மூன்று முதல்வர்கள் வர உள்ளனர். ஒரே ஒருமுறை தான் மக்கள் ஓட்டு போட்டார்கள், ஆனால் மூன்று முதல்வர்களை காண உள்ளனர் என பலரும் சமூக வலைதளங்களில் விமர்சித்து வருகின்றனர்.

முதல்வராக இருந்த ஜெயலலிதா உடல் நலக்குறைவால் மரணமடைந்ததையடுத்து ஓ.பன்னீர்செல்வம் அடுத்த முதல்வராக பதவியேற்றார். ஆனால் மூன்றாவது முதல்வராக தற்போது சசிகலா பதவியேற்க உள்ளார்.

நேற்று அதிமுக சட்டமன்ற கட்சி தலைவராக சசிகலா தேர்ந்தெடுக்கப்பட்டு முதல்வராக அறிவித்தனர். இது தமிழகம் முழுவதும் பரபரப்பாக பேசப்படுகிறது. பல்வேறு தரப்பில் இருந்து அவருக்கு விமர்சனங்கள் எழுந்துள்ளன.

the people of TN are so lucky in one way.. you just have to cast your vote once and you get to see three Chief Ministers.. WHATTE WAAAWWW !
— Dhaya Alagiri (@dhayaalagiri) February 5, 2017

இந்நிலையில் முன்னாள் அமைச்சர் மு.க.அழகிரியின் மகன் தயாநிதி அழகிரி தனது டுவிட்டர் பக்கத்தில் தமிழ்நாட்டு மக்கள் கொடுத்துவைத்தவர்கள். ஒரு ஓட்டுக்கு மூன்று முதலமைச்சர்கள். வாவ்.. என டுவீட் செய்துள்ளார்.

Read More

முதல்வராக என்னை பன்னீர் வலியுறுத்தினார்: சசிகலா பேச்சு

சென்னை: அ.தி.மு.க., தலைமை அலுவலகத்தில் எம்.எல்.ஏ.,க்கள் மத்தியில் சசிகலா பேசியதாவது: ஜெ., மறைவுக்கு பின், நான் தான் பொது செயலாளராக பொறுப்பேற்க வேண்டுமென பன்னீர்செல்வம் வலியுறுத்தினார். தற்போது நான் முதல்வராக பதவியேற்க வேண்டுமென அவர் தான் வலியுறுத்தினார். ஜெ.,வின் கொள்கைகளை கட்டிகாக்கும் வகையில் அரசு செயல்படும். மக்களுக்கான அரசாக அதிமுக அரசு செயல்படும் எனக்கூறினார்.

English Summary:

Chennai: AIADMK headquarters MLAs said Shashikala among: J., After the death, and I just wanted to take over as general secretary stressed Panneerselvam. I was present as the chief minister insisted that she should take. J., The government's policies and operation hold. AIADMK state government for the people of the said operation.

Read More